İsveçin “Yurqorden” klubunun qambiyalı mərkəz hücumçusu Zəkəriyyə Savo bundan sonra “Qarabağ”ın uğurları üçün çalışacaq.

Arena.az bu barədə Ağdam klubunun rəsmi saytına istinadən xəbər verir.

Bildirilir ki, “Qarabağ” növbəti transferini gerçəkləşdirib. İsveçin “Yurqorden” klubu ilə danışıqlar müsbət nəticələnib və Savo “Qarabağ”a keçib.

26 yaşlı hücumçu ilə 3 illik müqavilə imzalanıb. O, Ağdam klubunda 11 nömrəli formanı geyinəcək.

2025-ci ildən “Yurqorden”də çıxış edən forvard 2026-cı ildə icarə əsasında Kipr təmsilçisi AEL-də forma geyinib. Savo Limassol klubunda 22 oyuna 10 qol vurub, 1 məhsuldar ötürmə verib.

İsveç vətəndaşlığı da olan qambiyalı hücumçu karyerası ərzində İsveçdə “Olimpik”, “Rosenqard”, “Oskarshamns”, Norveçdə “Start”, Kiprdə “Aris” kimi klublarda da çıxış edib.

Qeyd edək ki, Savonun “Yurqorden”lə 2028-ci ilin 30 iyununadək müqaviləsi mövcud idi. Bazar dəyəri 550 min avro qiymətləndirilən forvardın Ağdam klubuna müəyyən təzminat qarşılığında keçib. Amma bu barədə detallar açıqlanmır.

Xatırladaq ki, Zəkəriyyə Savo yay transfer pəncərəsində “Qarabağ”a qoşulan ikinci futbolçudur. Ondan öncə Jali Mauddibin keçidi rəsmiləşmişdi.

İsveçin “Yurqorden” klubunun qambiyalı mərkəz hücumçusu Zəkəriyyə Savo bundan sonra “Qarabağ”ın uğurları üçün çalışacaq.

Arena.az xəbər verir ki, bu barədə Kipr mətbuatı məlumat yayıb.

Məlumata görə, 26 yaşlı futbolçu transferi rəsmiləşdirmək üçün artıq Azərbaycana gəlib. Bildirilir ki, futbolçu Bakıda tibbi müayinədən keçəcək və daha sonra Ağdam klubu ilə müqavilə imzalayacaq.

“Qarabağ”ın bu futbolçu ilə maraqlandığı barədə xəbərlər də dolaşırdı. Hazırda transferin yekun mərhələdə olduğu qeyd edilir. Hətta Ağdam klubu sosial şəbəkə hesablarında da növbəti transferin anonsunu verib. Amma futbolçunun kimliyi hələlik gizli saxlanılır. Böyük ehtimalla bu, elə Zəkəriyyə Savo olacaq.

Zəkəriyyə Savonun karyerası demək olar ki, İsveçlə bağlıdır. Belə ki, o, bu ölkədə “BK Olimpik”, “Rozenqard”, “Oskarhamns”, “Start” kimi klublarda çıxış etdikdən sonra 2023-cü ildə Kiprin “Aris” (Limassol) komandasına üz tutub. 2025-ci ildə yenidən İsveçə qayıtmış hücumçu bu ölkənin “Yurqorden” klubu ilə anlaşıb. 2025/2026-cı illər mövsümünün ikinci yarısını icarə əsasında Kiprin AEL (Limassol) komandasında keçirmiş futbolçu burada 22 oyuna 10 qol vurub, 1 məhsuldar ötürmə verib.

Savo müqavilə ilə “Yurqorden”ə məxsusdur. Onun İsveç klubu ilə 2028-ci ilin 30 iyununadək müqaviləsi mövcuddur. Bazar dəyəri 550 min avro qiymətləndirilən forvardın Ağdam klubuna müəyyən təzminat qarşılığında keçəcəyi gözlənilir.

Xatırladaq ki, “Qarabağ” mayın 18-də fransalı vinger Jali Muaddibi transfer etdiyini açıqlamışdı.