„არა მგონია, პუტინს რაიმე, თუნდაც თეორიულად კარგი პერსპექტივა ჰქონდეს. მისი ჩანაცვლება რეჟიმის შიგნითვე საკმაოდ რეალისტურია და ეს საკმაოდ მალე შეიძლება მოხდეს. პუტინის მიერ ძალაუფლების შენარჩუნების შემთხვევაში, რუსეთის პერსპექტივები ძალიან სახიფათოა. ეს, პირველ რიგში, დაკავშირებულია სამხედრო რელსებზე გადასული ეკონომიკის ჩამოშლასთან,“ – ამბობს დიპლომატი გიორგი ბადრიძე. მას რუსეთზე ვესაუბრეთ: რამდენად ჩნდება რუსეთში პოლიტიკური სიტუაციის შეცვლის შესაძლებლობა, განსაკუთრებით აშშ-ს ახალი სანქციების შემდეგ?
დიპლომატს ვკითხეთ რუსეთის საგარეო პოლიტიკაზე, მათ შორის, სომხეთის არჩევნებზე, სადაც უკვე აშკარაა, რომ პუტინი პრორუსი კანდიდატის გაყვანას და ამით სომხეთის ევროპული პერსპექტივის გაქრობას ცდილობს.
„სომხეთში უფრო მეტად გაითვალისწინებენ საქართველოს გამოცდილებას, სადაც რუსეთმა ჯერ სამხედრო შემოჭრა სცადა, მაგრამ შემდეგ არჩევნების გზით უფრო წარმატებული აღმოჩნდა თავისი ხალხის ხელისუფლებაში მოყვანა. ამ გამოცდილებას სომხეთი ითვალისწინებს და უფრო მედგრად დაუდგება რუსეთს – სომხები უფრო მობილიზებულები იქნებიან. არა მგონია, რომ რუსეთს ადვილი შესაძლებლობა ჰქონდეს ფაშინიანის და სომხეთის პროდასავლური კურსი დაამარცხოს მომავალ არჩევნებში,“ – მიიჩნევს გიორგი ბადრიძე.
რატომ აქვს ამ პროცესში ტრამპს ამჯერად ჩინეთის დახმარების იმედი? – „ბათუმელებმა“ დიპლომატთან, გიორგი ბადრიძესთან ინტერვიუ ჩაწერა. გიორგი ბადრიძე საქართველოს საგანგებო და სრულუფლებიანი ელჩი იყო დიდ ბრიტანეთსა და ჩრდილოეთ ირლანდიის გაერთიანებულ სამეფოში.
· ბატონო გიორგი, პირველ რიგში მინდა გკითხოთ სამხრეთ კავკასიაზე. როგორ აისახა რუსეთზე ბოლო მოვლენები სამხრეთ კავკასიაში? ფაშინიანი რამდენიმე დღის წინ ამბობდა: „საქართველოს ევროპული პერსპექტივა მნიშვნელოვანია სომხეთისთვისაც“. არსებობს შანსი, რომ რუსეთმა 2026 წლის არჩევნებზე ფაშინიანი დაამარცხოს?
ცხადია, რუსეთი ყველაფერს გააკეთებს იმისთვის, რომ ფაშინიანის ხელისუფლება დაამხოს. ამისთვის პირველი ნაბიჯი გადაიდგა გიუმრიში, როდესაც პრორუსულმა ძალებმა – ნაციონალისტებმა და კომუნისტებმა – გაერთიანებული ძალებით მოიგეს მერის არჩევნები. ეს მერი უკვე დაპატიმრებულია კანონის დარღვევისთვის.
გამოჩნდა აშკარად, რომ სომხეთში უფრო მეტად გაითვალისწინებენ საქართველოს გამოცდილებას, სადაც რუსეთმა ჯერ სამხედრო შემოჭრა სცადა, მაგრამ შემდეგ არჩევნების გზით უფრო წარმატებული აღმოჩნდა თავისი ხალხის ხელისუფლებაში მოყვანა.
ამ გამოცდილებას სომხეთი ითვალისწინებს და უფრო მედგრად დაუდგება რუსეთს – სომხები უფრო მობილიზებულები იქნებიან. არა მგონია, რომ რუსეთს ადვილი შესაძლებლობა ჰქონდეს ფაშინიანის და სომხეთის პროდასავლური კურსი დაამარცხოს მომავალ არჩევნებში.
გიორგი ბადრიძე
სომხეთში ესმით, რომ მათი ევროპული გზა ძალიან მნიშვნელოვნადაა დაკავშირებული საქართველოსთან და მგონი, აქ არაფერი გასაკვირი არ არის. მართალია, დღეს სომხეთს უფრო მეტი არჩევანი აქვს, ვიდრე რამდენიმე წლის წინ – დღეს სრულიად ნათლად გამოჩნდა პერსპექტივა, არამარტო აზერბაიჯანთან სამშვიდობო, გრძელვადიანი სამშვიდობო შეთანხმების დადების, არამედ აქედან გამომდინარეობს თურქეთთან ურთიერთობის ნორმალიზება, რაც განაპირობებს წვდომას დასავლეთის ბაზრებზე.
თუ საუბარია სომხეთის ევროპულ გზაზე, ეს საქართველოს გარეშე წარმოუდგენელია. სომხეთის ერთადერთი შანსი, რომ ევროპულ ოჯახში გაწევრიანდეს, იქნება საქართველოს შემდეგ ან საქართველოსთან ერთად.
რუსეთის ინტერესია საქართველოში არსებული რეჟიმის შენარჩუნება, რომ ბოლომდე არ დაკარგოს კონტროლი მთელ სამხრეთ კავკასიაზე. აზერბაიჯანმა და სომხეთმა ნათლად აჩვენეს, რომ ისინი აღარ განიხილავენ რუსეთს, როგორც ორიენტირს.
· რუსეთს სომხეთში ისევ აქვს გიუმრის ბაზა. სამხედრო ინტერვენციის რესურსს შეიძლება განიხილავდეს რუსეთი?
გიუმრის ბაზა არ წარმოადგენს გადამწყვეტ ძალას, რომლის მეშვეობითაც შეიძლება სომხეთზე, მით უმეტეს, სამხრეთ კავკასიაზე კონტროლის შენარჩუნება, თუ პარალელურად ერევანში არ ზის პრორუსული ხელისუფლება.
გიუმრის ბაზას არ აქვს პირდაპირი კავშირი რუსულ სამხედრო ინფრასტრუქტურასთან, ამიტომაც, ძალიან მნიშვნელოვან გეოპოლიტიკური მნიშვნელობის მქონე სამხედრო საშიშროებას არ წარმოადგენს. შეგახსენებთ, რომ საბჭოთა პერიოდში მთელი რეგიონი იყო ურთიერთდაკავშირებული სამხედრო ინფრასტრუქტურით, მაგრამ დღევანდელ რეალობაში ეს ბაზა მნიშვნელოვან, ანგარიშგასაწევ ძალას არ წარმოადგენს. შეიძლება, რა თქმა უნდა, მისი გამოყენება ფართო ინტერვენციის საბაბისთვის, მაგრამ დღეს რუსეთი არ არის იმ მდგომარეობაში, რომ ახალი ფრონტი გახსნას.
გარდა ამისა, სომხეთი პირდაპირ არ ემეზობლება რუსეთს. ამიტომაც, გიუმრის ბაზის მომარაგება პრობლემაა. მეორე საკითხია, როგორ მოიქცევა ივანიშვილის ხელისუფლება – გაუხსნის თუ არა ის გზას რუსეთის ძალებს საქართველოს მეშვეობით გიუმრისთან დასაკავშირებლად, ან სომხეთთან დასაკავშირებლად. აი, სწორედ ეს იქნებოდა მეორე ფრონტის გახსნა, რაზეც საუბრობს „ოცნება“, თუმცა არ მგონია, რუსეთს ჰქონდეს ამის რესურსი უახლოესი წლების განმავლობაში.
· რა იცვლება რუსეთში, განსაკუთრებით ტრამპის მიერ დაწესებული ბოლო სანქციების შემდეგ? რამდენიმე დღის წინ CNN-თან ინტერვიუში რუსეთის პრეზიდენტის სპეციალური წარმომადგენელი კირილ დმიტრიევი ამბობდა: „რუსეთი, აშშ და უკრაინა რეალურად საკმაოდ ახლოს არიან დიპლომატიურ გადაწყვეტილებასთან.“
მიჩვეული ვართ სიცრუეს რუსეთის მხრიდან. აი, პირდაპირ საპირისპიროს აკეთებს რუსეთის ხელისუფლება იმისგან, რასაც ის აცხადებს, მათ შორის, უმაღლეს დონეზე. მაგალითად, წლების წინ იყო პრეზიდენტის განცხადება, რომ რუსეთი არასდროს არ განიხილავს ყირიმის წართმევას უკრაინისთვისო, მაგრამ ვიხილეთ 2014 წლის დასაწყისში რუსეთი გამოუცხადებელი ომით ჯერ ყირიმში, შემდეგ აღმოსავლეთ უკრაინაში, დონბასში.
შემდეგ ვისმენდით ლანძღვას, პროვოკატორია ყველა, ვინც ამბობს, რომ რუსეთი აპირებს, ან ოდესმე განიხილავს დანარჩენ უკრაინაზე თავდასხმასო და ვიხილეთ ფართომასშტაბიანი ომი. ეს არის რუსეთის ჩამოყალიბებული ქცევის მოდელი, როდესაც ისინი სრულიად მოურიდებლად, არათუ ნიუანსებში, არამედ რადიკალურად იტყუებიან და იმის საწინააღმდეგოს ამბობენ, რასაც აკეთებენ.
იგივე დმიტრიევს აქვს ნათქვამი ინტერვიუში, რომელიც თქვენ ახსენეთ, რომ ტრამპის მიერ შემოღებული პირველი სერიოზული სანქციები თითქოს არანაირ გავლენას არ მოახდენს რუსეთზე. ეს არის აბსოლუტური ტყუილი. ვერავინ დამდებს ბრალს ტრამპის ქომაგობაში, მაგრამ ეს არის პირველი ქმედითი ნაბიჯი, რომელიც მოქმედებს რუსეთის უნარზე, სტაბილურად აწარმოოს სამხედრო შეიარაღება და უზრუნველყოს საომარი კამპანია უკრაინაში. რუსული ენერგოგიგანტები – პირველ რიგში, „როსნეფტი“ – ყველაზე მეტად არიან ის ორგანიზაციები, რომლებსაც ყველაზე დიდი წილი შეაქვთ რუსეთის ბიუჯეტში.
ამას დავამატოთ უკრაინელების მიერ განხორციელებული ძალიან წარმატებული კამპანია ნავთობგადამამუშავებელი საწარმოების წინააღმდეგ. ვიღაცას შეიძლება მოეჩვენოს, რომ ეს მოქმედებს მხოლოდ ბენზინის წარმოებაზე და ზღუდავს ვთქვათ, რუსეთის მოქალაქეების გადაადგილებას, მაგრამ ამან მნიშვნელოვნად შეამცირა რუსეთში ბენზინის გაყიდვა ავტოგასამართ სადგურებზე, ზოგადად ბენზინის მოხმარებაზე.
ნავთობის გაყიდვა არის მეორე ყველაზე დიდი წყარო საბიუჯეტო შემოსავლებისა, რადგან 60-70%-მდეა ბენზინის ფასში ფედერალური და ადგილობრივი გადასახადები. ეს ძალიან მნიშვნელოვანი დანაკარგია რუსული ეკონომიკისთვის.
შესაბამისად, ეს სანქციები და უკრაინის კამპანია რუსეთის ენერგოობიექტებზე თავდასხმის კუთხით პირდაპირი დარტყმაა რუსეთის უნარზე, გააგრძელოს სამხედრო რელსებზე გადასული ეკონომიკის სტაბილურობა. უმრავლესობის წარმოდგენით რუსეთ-უკრაინის ომი იქნებოდა მოკლე კამპანია, რომელსაც რუსეთი მალე მოიგებდა.
მეორე მხრივ, გვესმოდა ზედმეტად ოპტიმისტური შეფასებები. მე არარეალისტური შეფასება არასდროს გამიკეთებია: ვამბობდი, რომ ეს იქნებოდა ხანგრძლივი, სისხლიანი კონფლიქტი. ჩემი წარმოდგენა ამ ომის დასასრულზე არის ასეთი, რომ დიახ, უკრაინას შეუძლია გამარჯვება, ოღონდ უკრაინის გამარჯვება იქნება არა ფრონტის ხაზის გარღვევა და კრემლის აღება, არამედ რუსეთის ჩაყენება იმგვარ მდგომარეობაში, როდესაც ის უბრალოდ ვეღარ შეძლებს თავისი საომარი მანქანის უზრუნველყოფას ეკონომიკური საშუალებებით.
· აქეთკენ მიდის რუსეთი?
ჩვენ ახლა ვხედავთ ნიშნებს, რომ ეს სცენარი შეიძლება სრულიად რეალისტური იყოს და ამას შეიძლება არ დასჭირდეს ათწლეულები, ძალიან დიდი დრო.
პირველ მსოფლიო ომში და ცივ ომშიც რუსეთის იმპერია და საბჭოთა კავშირი დამარცხდნენ სწორედ ეკონომიკურად, შიდა სოციალურ-ეკონომიკური მდგომარეობის კოლაფსით, როდესაც უბრალოდ ჩამოიშალა მმართველი პოლიტიკური სისტემა და ამგვარად მოხდა მისი დამარცხება.
მთელი დღევანდელი, რუსული პროპაგანდა მიმართულია იმისკენ, რომ აი, თითქოს დასავლეთმა უღალატა რუსეთს და იმიტომ არის გაბრაზებული რუსეთი, თითქოს ამიტომ არ უნდა ნატოს გაფართოება და ასე შემდეგ. ესეც არის ტყუილი – მთელი 90-იანი წლების განმავლობაში რუსეთი სარგებლობდა ათასნაირი დახმარებით, პრივილეგიებით, როგორც პირდაპირი ფინანსური დახმარებით, ინვესტიციებით, ისე ყველაზე პრესტიჟულ, საერთაშორისო კლუბებში გაწევრიანებით, მაგალითად, დიდ შვიდეულში დაამატეს და ასე შემდეგ. ასე რომ, უნდა გაითვალისწინოს მომავალში დასავლეთმა, როდესაც მორიგ რუსულ კოლაფსს მიიღებს, რომ ძალიან ფრთხილად მოეპყრონ მას, ვინც მოიპოვებს ძალაუფლებას მოსკოვში.
არ არის რელევანტური ვარაუდი, რომ რუსეთი გარანტირებულად დასავლეთის მოკავშირე გახდება. არ უნდა დაეხმარონ ფინანსურად და პოლიტიკურად ძალებს, რომლებმაც შეიძლება ისევ ახალი, აგრესიული რუსეთი აღადგინონ.
· ამ კოლაფსის საფრთხეს ხედავენ ალბათ რუსეთშიც. განიხილება, ვთქვათ, პუტინის შემცვლელი, თუ არანაირი ცვლილების მოლოდინი არ უნდა გვქონდეს?
ყველაზე რეალისტური სცენარია პუტინის ტექნიკური ჩანაცვლება, ისე რომ არ შეიცვალოს პოლიტიკური სისტემა. უბრალოდ ერთი დიქტატორი ჩანაცვლდება სისტემის შიგნითვე მოძიებული მეორე პერსონით.
ცხადია, საჯაროდ არ საუბრობენ, მაგრამ დარწმუნებული ვარ, სისტემის ხალხი ამაზე რუსეთში აქტიურად ფიქრობს. პუტინმა დიდწილად თავისი გადაწყვეტილებების მეშვეობით რუსეთი, როგორც სახელმწიფო, რუსული ეკონომიკა და რუსული ოლიგარქიის ინტერესები, მათ შორის, თავად პუტინის გარემოცვის ინტერესებიც, მნიშვნელოვნად დააზარალა.
მე რომ ვიყო რუსი ნაციონალისტი, სერიოზული პრეტენზიები მექნებოდა პუტინის მიმართ. რუსეთს ჰქონდა უზარმაზარი, ენერგომატარებლების გარანტირებული ბაზარი, ჰყავდა პარტნიორები მთელს მსოფლიოში, განსაკუთრებით დასავლეთში, მდიდარი, ყველაზე განვითარებული ქვეყნები წარმოადგენდნენ რუსეთის პარტნიორებს და ამის გამო რუსეთს პატიობდნენ ისეთ პატარ-პატარა „ცელქობებს“ – ჩვენთვის, რა თქმა უნდა, არ იყო პატარა – როგორიც იყო, მაგალითად, 2008 წლის აგრესია, ან 2014 წლის ყირიმის მიტაცება და ასე შემდეგ.
ყველანაირ ზღვარს გადააჭარბა პუტინმა და რუსეთს დააკარგვინა გარანტირებული ბუნებრივი გაზის ბაზარი ევროპის სახით, რომელთანაც ის დაკავშირებული იყო მრავალი მილიარდი დოლარის ფასის მქონე მილსადენების ინფრასტრუქტურით. ახლა ეს ინფრასტრუქტურა პირდაპირ ჯართად იქცა და გახადა დამოკიდებული ჩინეთზე, რომელიც რაღაც დონემდე რუსეთს დღეს ეხმარება, რომ არ ჩამოიშალოს და არ დაეცეს, მაგრამ, მეორე მხრივ, ძალიანაც კმაყოფილია იმით, რომ რუსეთი არის დასუსტებული და იყენებს რუსეთის ამ სისუსტეს.
ჩინეთის ინტერესი სულაც არ ემთხვევა რუსეთის ინტერესს. ჩინეთს კარგად ახსოვს, რამდენი ტერიტორია წაართვა რუსეთის იმპერიამ და უზარმაზარი ინტერესი აქვს რუსეთის ბუნებრივი რესურსებისადმი, რომელიც მის მეზობლად მდებარეობს.
· ტრამპს რა მოლოდინი აქვს ჩინეთისგან? აშშ-ს პრეზიდენტის თქმით, სანქციებს ექნება სერიოზული ძალა, მაგრამ მსურს, რომ ჩინეთიც დაგვეხმაროსო.
ტრამპსაც უამრავი არარეალისტური განცხადება აქვს გაკეთებული, მაგრამ ჩინეთისა და შეერთებული შტატების ინტერესები დაკავშირებულია ერთმანეთთან უზარმაზარი მოცულობის საერთო ვაჭრობით. ისინი, რა თქმა უნდა, დარჩებიან მეტოქეებად, უშუალო კონკურენტებად, ოღონდ არ არის აუცილებელი, რომ ეს კონკურენცია გადაითარგმნოს მტრობაში. ამ ზღვარზეა ეს ორი ქვეყანა ბოლო წლების განმავლობაში და თუ ტრამპის ადმინისტრაცია მიაღწევს რაღაც ურთიერთგაგებას სი ძინპინის ჩინეთთან, შეიძლება, კონფლიქტი იქნას აცილებული.
ჩემი აზრით, ჩინეთი ბოლომდე არ გაწირავს რუსეთს, მაგრამ ყველაფერს გააკეთებს იმისთვის, რომ რუსეთი არ აღმოჩნდეს გამარჯვებული ამ ომში – არ აწყობს ჩინეთს რუსეთის გამარჯვება. ჩინეთს აწყობს დასუსტებული რუსეთი, ოღონდ მისი ბოლომდე ჩამოშლა ჩინეთის ინტერესში არ არის. აი, ამაში, არ ვიცი რამდენად დაეთანხმება დასავლური სამყარო, განსხვავებულ პოზიციებზე შეიძლება აღმოჩნდნენ, მაგრამ იმდენად დიდია ჩინეთის ეკონომიკური ინტერესი, ისევე, როგორც შეერთებული შტატებისა, შეიძლება, საშუალო გზა იქნას მონახული.
· პუტინს რის იმედი აქვს ამ რეალობაში? მას არ ჰყავს არც ერთი ძლიერი მოკავშირე, ეკონომიკა კი, დღითიდღე სუსტდება…
არა მგონია, პუტინს რაიმე, თუნდაც თეორიული კარგი პერსპექტივა აქვს. ამიტომაც ვამბობ, რომ მისი ჩანაცვლება რეჟიმის შიგნითვე საკმაოდ რეალისტურია და ეს საკმაოდ მალე შეიძლება მოხდეს. პუტინის მიერ ძალაუფლების შენარჩუნების შემთხვევაში, რუსეთის პერსპექტივები ძალიან სახიფათოა. ეს, პირველ რიგში, დაკავშირებულია სამხედრო რელსებზე გადასული ეკონომიკის ჩამოშლასთან. დღეს უზარმაზარი დეფიციტი აქვს რუსულ ბიუჯეტს. ბოლო სანქციების შედეგად კი, საბიუჯეტო შემოსავლების მნიშვნელოვანი და ახალი დეფიციტური ფაქტორები გაჩნდა.
მნიშვნელოვანია აქვე კიდევ ერთი ფაქტორი: ინდოეთი რეალურად განახორციელებს თუ არა თავის განცხადებულ პირობას, რომ აღარ შეისყიდის რუსულ ნავთობს, ამის გარანტიას მე ვერ ვიძლევი, მაგრამ თუ ინდოეთმა ეს პირობა მართლაც შეასრულა, ეს იქნება უზარმაზარი დარტყმა რუსეთისთვის. ჩინური კომპანიებიც უკვე აქტიურად განიხილავენ რუსული ნავთობის შესყიდვის შემცირებას, ან მთლიანად მასზე უარის თქმას.
ეს იქნება პირდაპირ ეკონომიკური კატასტროფის ტოლფასი რუსეთისთვის.
· თქვენ ახსენეთ პუტინის ტექნიკურად შეცვლა. ამით რა იცვლება?
პუტინის ფაქტორი დღეს არის იმის წინაპირობა, რომ იგივე დმიტრიევის განცხადებისგან საპირისპიროდ, მას არათუ სამშვიდობო შეთანხმება, ცეცხლის შეწყვეტაც არ შეუძლია. აი, ეს შეიძლება შეიცვალოს.
მაგრამ თუ პუტინს ჩაანაცვლებს ვიღაც სხვა, ყოფილი კაგებეშნიკი, სულ მცირე, შეიძლება ვნახოთ თანხმობა ცეცხლის შეწყვეტაზე.
იგივე ცეცხლის შეწყვეტა პირდაპირ ნიშნავს პირადად პუტინისკენ უზარმაზარი შიდა უკმაყოფილების მიმართვას. ვიდრე ომი მიმდინარეობს, პუტინს შეუძლია აჩვენოს ტელევიზიებიდან თავის მრევლს, რომ განაგრძობს წინსვლას.
ამით გარკვეული სტაბილურობის ელემენტი ნარჩუნდება. მაგალითად, არსებობს კონტრაქტების სისტემა, რომლის მიხედვითაც, 2 მილიონ თუ 2.5 მილიონ რუბლს უხდიან ფრონტის ხაზზე გაწვეულებს.
როგორც კი ეს სისტემა შეწყდება, ანუ საზარბაზნე ხორცად გაგზავნისთვის მოქალაქეების მოსყიდვა, საზოგადოების დიდი ნაწილის უკმაყოფილება პირადად პუტინის წინააღმდეგ იქნება მიმართული. ამას დაამატეთ ასიათასობით ფრონტიდან მობრუნებული ბანდიტი.
· თუ პოლიტიკური სიტუაცია არსებითად არ შეიცვლება და მხოლოდ პუტინს ჩაანაცვლებენ, რუსეთი ხომ ისევ იზოლაციაში დარჩება და ეკონომიკა ისევ განაგრძობს კლებას?
თეორიულად პუტინის ჩანაცვლების შემთხვევაში, ვინც თანხმობას განაცხადებს ცეცხლის შეწყვეტაზე, მისი მთავარი პირობა იქნება დასავლეთთან ეკონომიკური სანქციების მოხსნა, პირველ რიგში, სანქციების მოხსნა შეერთებული შტატების მხრიდან. ამან შეიძლება რუსეთის ეკონომიკური ვითარება ოდნავ მაინც შეამსუბუქოს, თუმცა, ზიანი, რომელიც პუტინმა მიაყენა რუსეთის ეკონომიკას, იმდენად სტრუქტურულია, რომ მარტო „როსნეფტისთვის“ ნებართვის აღდგენა ნავთობის გაყიდვაზე, ამ ვითარებას ბოლომდე ვეღარ იხსნის.
რუსების მომავალ თაობებს ექნებათ გადასახადი ის ზარალი, რომელიც პუტინმა მიაყენა თავის ქვეყანას.
ძალაუფლების მონოპოლიზაციის, დიქტატურის გარდა ამ უზარმაზარი ქვეყნის ერთიანობის შენარჩუნების ისტორიულად გამოცდილება არ არსებობს. რუსეთში სხვა მეთოდები უბრალოდ არ იციან. ცხადია, არსებობს დიდი ქვეყნები, სადაც რეგიონებს ძალიან ფართო ავტონომია გააჩნიათ და ამით ერთიანობას არ დამუქრებია რაიმე რისკი, მაგალითად, შეერთებულ შტატები, სადაც თითოეულ შტატს უზარმაზარი დონის, ნამდვილი სუვერენიტეტი აქვს იურიდიულად, ფიზიკურად. კანადაც უზარმაზარი ქვეყანაა, მაგრამ თითოეულ პროვინციას უზარმაზარი ავტონომია აქვს.
რუსეთს კი, არასდროს არ უარსებია ოდნავ მაინც დემოკრატიული სახით. ელცინის დროს იყო პატარა ექსპერიმენტი, მაგრამ 1993 წელსვე აღმოჩნდა, რომ ეს შეუძლებელია ძალის გარეშე: ელცინი ხან საკუთარი სახელმწიფოს დუმას ესროდა ტანკებს და ხან ჩეჩნეთთან ომს მართავდა.
ამიტომაც, არ მგონია, რადიკალურად განსხვავებული, ახალი ხელისუფლება ვიხილოთ რუსეთში, რომელიც რადიკალურად განსხვავებულ, ახალ საგარეო პოლიტიკას განახორციელებს. მთავარი ამოცანაა, რუსეთის მეზობლები აღარ შეეწირონ დასავლეთის მორიგ ილუზიას: შეიძლება რაღაც ახალი, მეგობრული რეჟიმი მოვიდეს მოსკოვში.
· საქართველო როგორ უნდა პოზიციონირებდეს ამ დროს, როგორც რუსეთის მეზობელი, როცა „ოცნების“ მთავრობა მუდმივად გვაშინებს – ომი გინდათო?
ის ადამიანები, მათ შორის, „ქართული ოცნების“ მხარდამჭერები, რომლებიც ამბობენ და ხაზს უსვამენ, რომ აი, რა გინდათ, ომი ხომ არ არის და ესაა მთავარიო, თუ მათი პოზიცია არის ის, რომ მთავარია ომის აცილება, არ უნდა აღმოჩნდეს ისე, რომ ნეიტრალიტეტის ნაცვლად ჩვენ მივიღოლთ რუსეთთან გადაჯაჭვული, რუსეთის მხარეს მდგომი ქვეყანა.
აშკარაა, რომ ივანიშვილის მხრიდან ფსონი დადებულია იმაზე, რომ რუსეთი იმარჯვებს უკრაინაშიც და საერთაშორისო ასპარეზზე, მაგრამ რუსეთი არ იმარჯვებს. ამის გამო საკმაოდ დიდი საფასურის გადახდა მოუწევთ ამ იდეის მხარდამჭერებს, როდესაც რუსეთის მარცხი სააშკარაოზე გამოვა, ისევე, როგორც გერმანიის მოკავშირეებს მოუწიათ ორივე ომის შემდეგ.
batumelebi.netgazeti.ge

როგორც უორენ ბაფეტმა ერთხელ თქვა, “თუ მოსახლეობის ყველაზე იღბლიან 1%-ში ხარ, კაცობრიობის წინაშე ვალდებულება გაქვს, დანარჩენ 99%-ზე იზრუნო” – ბიზნესმენის ამ შეგონებას მილიარდერთა ნაწილი აქტიურად მიჰყვება. ფილანტროფთა ახალ ეპოქას, მსოფლიოში მზარდი უთანასწორობისა და გეოპოლიტიკური კრიზისების ფონზე, ქმნიან ადამიანები, რომლებიც სიმდიდრეს არა მხოლოდ საბოლოო დანიშნულების წერტილად, არამედ თემთა გაძლიერებისა და დახმარების საშუალებად ხედავენ. ქველმოქმედები ხშირად აღნიშნავენ, რომ მათი როლი რისკებზე წასვლა, ურთულესი პრობლემების მოგვარება და ინოვაციების, თანასწორობისა და გრძელვადიანი ცვლილებების წასახალისებლად საკუთარი კაპიტალის გამოყენებაა.
გაგაცნობთ ბიზნესმენებს, რომლებიც თავიანთ ქონებას ყველაზე გულუხვად გასცემენ.
ილაი ბროუდი – $4 მილიარდი
ილაი ბროუდი თვითშემდგარი მილიარდერი იყო, რომლის მრავალწლიანი კარიერაც უძრავი ქონების, დაზღვევისა და ფინანსების სექტორებს აერთიანებდა. ბროუდიმ ქონების მოხვეჭა 1950-იან წლებში Kaufman-ისა და Broad Home Corporation-ის დაფუძნებით დაიწყო და ომგამოვლილ ამერიკას იაფიანი, მასობრივი წარმოების სახლები შესთავაზა. რამდენიმე წელიწადში ბროუდიმ დაზღვევის სექტორშიც შეაბიჯა და Sun Life Insurance დააფუძნა.
ილაი ბროუდი 2021 წელს გარდაიცვალა. სიცოცხლეში თავდადებულმა ბიზნესმენმა ქველმოქმედების მიზნით $4 მილიარდი დოლარი გასცა. მისთვის პრიორიტეტულ მიმართულებებად რჩებოდა განათლების რეფორმა, სამეცნიერო კვლევები და ხელოვნება. ცოლთან, იდით ბროუდისთან ერთად, საქველმოქმედო ფონდიც დააფუძნა, რომლის მეშვეობითაც აშშ-ის მასშტაბით საჯარო სკოლის ინოვაციასა და სკოლების ექსპანსიას შეუწყო ხელი.
კარლოს სლიმ ჰელუ – $4 მილიარდი
მექსიკის უმდიდრესი ადამიანის, კარლოს სლიმ ჰელუს ქონება $90 მილიარდ დოლარზე მეტადაა შეფასებული. ჰელუ ლათინური ამერიკის ყველაზე გავლენიანი ფილანტროფიცაა. 1986 წელს “კარლოს სლიმის ფონდის” დაფუძნების შემდეგ, ჯანდაცვის, განათლების, სტიქიასთან ბრძოლისა და სამუშაო ადგილების შექმნის პროგრამების მხარდასაჭერად ჰელუს $4 მილიარდი აქვს გაცემული. კიდევ ერთი, “ტელემაქსის ფონდით” კი მექსიკის უმდიდრესი ადამიანი ქვეყანაში ინფრასტრუქტურულ აღმშენებლობას უჭერს მხარს.
გორდონ მური – $5 მილიარდი
ტექ-ანტრეპრენერმა გორდონ მურიმ ქონება მიკროპროცესორების მწარმოებელი გიგანტის, Intel-ის დაფუძნების შედეგად დააგროვა. გორდონმა და მისმა მეუღლემ, ბეტიმ, “გორდონისა და ბეტი მურის ფონდის” მეშვეობით $5 მილიარდზე მეტი გასცეს. მურების ოჯახისთვის პრიორიტეტულ მიმართულებებად მიიჩნევა გარემოს დაცვა, მეცნიერული განვითარება, კოსმოსური კვლევები და ჯანდაცვის სისტემების გაუმჯობესება. გორდონ მური 2023 წელს გარდაიცვალა. ფონდი, რომელიც ბიზნესმენმა 2000 წელს დააფუძნა, დღემდე ერთ-ერთი ყველაზე მაღალ ბიუჯეტიანი საქველმოქმედო ორგანიზაციაა.
ჩარლზ ფრანცის ფინი – $8 მილიარდი
ჩარლზ ფრანცის ფინის სახელი ბიზნესის ისტორიაში ოქროს ასოებით ჩაიწერა, როგორც ადამიანის, რომელმაც, ქველმოქმედებისთვის თითქმის მთელი ქონება დათმო. სიცოცხლის განმავლობაში, 2023 წლამდე, ჩარლზ ფინმა $8 მილიარდი გასცა.
ჩარლზ ფინი Duty Free-ის თანადამფუძნებელი იყო – მიუხედავად წამოწყების წარმოუდგენელი წარმატებისა, ბიზნესმენმა მოკრძალებული ცხოვრება, ეკონომ კლასით მგზავრობა და, უძრავი ქონების მრავალმილიონიანი პორტფოლიოს ნაცვლად, ნაქირავებ ბინებში ცხოვრება გააგრძელა. სიმდიდრე კი თავისი ფონდის, “ატლანტიკის ფილანტროფებისკენ” მიმართა. ფინის დონაციები განათლების, ჯანდაცვის, ადამიანთა უფლებების დაცვის პროგრამების განვითარებაზე იხარჯებოდა. მხარს უჭერდა უნივერსიტეტების გახსნასა და ჯანდაცვის ინიციატივებს ვიეტნამსა და სამხრეთ აფრიკაშიც.
სწორედ ჩაკ ფინის “გაიღე, სანამ ცოცხალი ხარ” ფილოსოფიამ მისცა შთაგონება “შემოწირულობის პირობის” საქველმოქმედო კამპანიას, რომელიც ახალისებს ბიზნესმენებს, თავიანთი ქონება სიცოცხლეშივე გასცენ.
სულეიმან ბინ აბდულ აზიზ ალ რაჯი – $16 მილიარდი
სულეიმან ბინ აბდულ აზიზ ალ რაჯი საუდის არაბეთის ერთ-ერთი ყველაზე გავლენიანი ბიზნესმენია, რომელსაც ყველაზე გულუხვ ფილანტროფადაც მოიხსენიებენ. უმსხვილესი ისლამური საბანკო ინსტიტუციის, “ალ რაჯის ბანკის” თანადამფუძნებელმა მრავალმილიარდიანი ქონება სწორედ საბანკო, უძრავი ქონებისა და სოფლის მეურნეობის სექტორებიდან დააგროვა. 2011 წელს მისი სახელი საერთაშორისო მედიაში გამოჩნდა როგორც ბიზნესმენის, რომელმაც ქონების ძირითადი ნაწილი, $16 მილიარდზე მეტი, საქველმოქმედო მიზნებისთვის გასცა, რითაც არაბულ სამყაროში უმსხვილესი ერთჯერადი საქველმოქმედო ტრანზაქციის ავტორიც გახდა. მისი ქველმოქმედება ძირითადად განათლებაზე, ჯანდაცვაზე, სიღარიბის შემცირებასა და ისლამურ მეცნიერებაზეა ორიენტირებული. გარდა ამისა, მან დააარსა ალ რაჯჰის უნივერსიტეტი, რომელიც სტუდენტებს მედიცინის, ინჟინერიისა და ისლამური ფინანსების ფაკულტეტებს სთავაზობს. მანვე დააფინანსა ასობით მეჩეთი, სკოლა და საავადმყოფო საუდის არაბეთში და მის ფარგლებს გარეთ.
მაიკლ ბლუმბერგი – $17 მილიარდი
$104 მილიარდ დოლარად შეფასებული ქონებით, ნიუ-იორკის ყოფილი მერი, Bloomberg-ის დამფუძნებელი, მაიკლ ბლუმბერგი, ყველაზე გულუხვ ბიზნესმენთა რეიტინგში ასევე შთამბეჭდავად პოზიციონირებს. მან სხვადასხვა მიზნების მხარდასაჭერად როგორც თავისი პლატფორმა, ასევე აქტივები გამოიყენა და გარემოსდაცვითი საქმიანობა, ხელოვნება, განათლება და საზოგადოებრივი ჯანდაცვა დააფინანსა. Bloomberg Philanthropies-ის მეშვეობით დააფინანსა მოწევის საწინააღმდეგო ინიციატივები, გლობალური საგზაო უსაფრთხოების პროგრამები, ხელოვნებისა და კულტურის ინსტიტუტები და განახლებადი ენერგიის პროექტები. ამასთან. ბლუმბერგი ერთ-ერთი მსხვილი დონორია ჯანდაცვის მსოფლიო ორგანიზაციის, ჰოპკინსის უნივერსიტეტისა და ოკეანის კონსერვაციის ინიციატივებისთვის. მხოლოდ 2024 წელს, Bloomberg Philanthropies-მა გლობალურად, სხვადასხვა პროექტებისთვის, $3.7 მილიარდი დოლარი გამოყო. ჯამურად, მაიკლ ბლუმბერგის კონტრიბუცია $17 მილიარდ დოლარს აღემატება.
მაკენზი სკოტი – $19 მილიარდი
Amazon-ის დამფუძნებელ, ჯეფ ბეზოსთან განქორწინებისა და მილიარდობით დოლარის მიღების შემდეგ, მაკენზი სკოტმა ფილანტროფიის წესების შეცვლა გადაწყვიტა. მან უარი თქვა ტრადიციულ ბიუროკრატიულ პროცესებზე და თავის ქონებას, საჩუქრების სახით, რიგით ადამიანებსა და თემთა გაძლიერების მიზნით შექმნილ ორგანიზაციებს პირდაპირ ურიგებს. მისმა დაფინანსებამ ათასობით ორგანიზაცია გააძლიერა, რომელთა ძირითადი ფოკუსიც რასობრივ და გენდერულ თანასწორობაზეა. 2019 წლიდან მაკენზი სკოტი “შემოწირულობის პირობის” კამპანიას შეუერთდა და, მას შემდეგ, 2400 ორგანიზაციისთვის $19 მილიარდ დოლარზე მეტი აქვს შეწირული. მისი მიდგომა უნიკალურია – არავითარი წინასწარი განცხადება, არავითარი ანგარიშწარმოება, არავითარი შეზღუდვა.ნაცვლად ამისა, სკოტის გუნდი თავად ავლენს ორგანიზაციებს, რომლებზეც გრანტის სახით 1-დან 50 მილიონამდე დოლარს გასცემს.
აზიმ პრემჯი – $21 მილიარდი
ინდოეთში ყველაზე გულუხვ კაცად აღიარებულმა აზიმ პერმჯიმ ქონება თავისი მცირე, საოჯახო ბიზნესის ქვეყნის ერთ-ერთ უმსხვილეს IT საკონსულტაციო ფირმად ქცევით დააგროვა. ბიზნესმენმა ქონების ნახევარზე მეტი საქველმოქმედო მიზნებისთვის გაიღო და, ამ მიმართულებით, ნამდვილ ლიდერად იქცა. “აზიმ პრემჯის ფონდმა” მხარი დაუჭირა 350 ათასზე მეტ სკოლას ინდოეთის მასშტაბით, საჯარო განათლებაში სისტემური რეფორმების დაფინანსების გზით. მის ინიციატივებს შორისაა მასწავლებლების გადამზადებისა და სასწავლო გეგმის განვითარების პროგრამები. დააფუძნა უნივერსიტეტიც, რომელიც განათლებასა და საჯარო მომსახურების სერვისებში ახალგაზრდა ლიდერების აღზრდას ემსახურება.
ბილ & მელინდა გეიტსები – $45 მილიარდი
$117 მილიარდიანი ქონებით, Microsoft-ის დამფუძნებელი ბილ გეიტსი პლანეტის ერთ-ერთი ყველაზე გულუხვი ბიზნესმენიცაა. ერთად თუ ცალ-ცალკე, ბილ და მელინდა გეიტსები გლობალური სისტემების გაუმჯობესებას აგრძელებენ და ამ მიზნით წყვილმა განქორწინებამდე რამდენიმე ათეული მილიარდი დოლარიც გაიღეს. სწორედ მათმა ძალისხმევამ თითქმის აღმოფხვრა პოლიოვირუსი და გააძლიერა სოფლის მეურნეობის მდგრადობა. “გეიტსის ფონდი” არაერთ საერთაშორისო ორგანიზაციას, მათ შორის ჯანმოსა და გაეროს ბავშვთა ფონდს აფინანსებს, ისევე როგორც შიდსის, ტუბერკულიოზისა და მალარიის წინააღმდეგ მიმართულ ინიციატივებს. მელინდა გეიტსი კი ქალებისა და გოგოების გაძლიერებაზე მუშაობს.
უორენ ბაფეტი – $51+ მილიარდი
“ომაჰას ორაკული”, თავისი $144 მილიარდიანი ქონებით, თანამედროვე ფილანტროფიის ნამდვილ პოლარულ ვარსკვლავად რჩება. ქონების 99%-ზე მეტი უორენ ბაფეტს საქველმოქმედო მიზნებისკენ აქვს მიმართული. მისივე ინიციატივით დაფინანსდა ვაქცინების გლობალური დისტრიბუცია, ჯანდაცვის ინფრასტრუქტურა გლობალურ სამხრეთში და საგანმანათლებლო თანასწორობა მსოფლიოში. სწორედ ბაფეტია “შემოწირულობის პირობის” კამპანიის თანადამფუძნებელი. “ომაჰას ორაკული” ბილ და მელინდა გეიტსების ფონდის ერთ-ერთი უმსხვილესი დონორიც არის. მისივე შვილები მართავენ ოთხ საოჯახო საქველმოქმედო ორგანიზაციასაც. ჯამურად, უორენ ბაფეტის მიერ ქველმოქმედებისთვის გაღებული თანხა $50 მილიარდს აღემატება.

პრემიერ-მინისტრ დონალდ ტუსკის განცხადებით, მისი ცოლი და ქალიშვილი, ჯაშუშური პროგრამა „პეგასუსის“ უკანონოდ გამოყენების საქმის გამოძიების ფარგლებში, მოწმეებად დაიკითხნენ. პოლონეთის პრემიერი ამბობს, რომ საქმის მასალებზე წვდომა არ აქვს და გამოძიებაში ჩარევას არ აპირებს.
როგორც ტუსკმა საზოგადოებრივ მაუწყებელ TVP Info-ს განუცხადა, სათვალთვალო სისტემა „პეგასუსი“ „ბოროტად“ და „მიზანმიმართულად“ გამოიყენებოდა და პოლიტიკური მოტივების შესანიღბად, ჩვეულებრივი სისხლის სამართლის საქმეების გამოძიება სახელდებოდა. მისივე თქმით, სამიზნეებს, სხვა პირებთან ერთად, ოპოზიციონერი პოლიტიკოსები და ჟურნალისტებიც წარმოადგენდნენ.
მან თავისი ოჯახის საქმეში ჩართულობა იურისტ რომან გერტიხთან საუბრებს დაუკავშირა. ეს უკანასკნელი მის ინტერესებს იმ პერიოდში იცავდა, როდესაც ტუსკს ევროპული საბჭოს პრეზიდენტის პოსტი ეკავა.
„ორივე მათგანი მოწმის სახით დაიკითხა და შესაძლოა, დაზარალებულის სტატუსი მიენიჭოთ“, – აღნიშნა ტუსკმა და დასძინა, რომ მისი ოჯახის მიმართ თვალთვალი „ცოდნის საკითხია და არა რწმენის“.
პრემიერ-მინისტრმა მოითხოვა, ყურადღება სხვა შესაძლო მსხვერპლებზეც გამახვილდეს, რომლებსაც მისნაირი რესურსები არ გააჩნიათ. მან ასევე ხაზი გაუსვა, რომ ამჟამინდელი მთავრობა პროკურორებზე ზეწოლას არ ახდენს და მხოლოდ ეროვნული პროკურატურა გადაწყვეტს, რა მასალები გაასაჯაროოს.
ეროვნულ პროკურატურაში შექმნილი სპეციალური საგამოძიებო ჯგუფი იკვლევს, „პეგასუსის“ გამოყენებისას, გადააჭარბეს თუ არა საჯარო მოხელეებმა უფლებამოსილებას და მოვალეობებს, მათ შორის – კანონიერების დაცვის, აუცილებლობის, მიზნისა და პროპორციულობის საკითხებში, ასევე, დანაშაულის პრევენციისა და გამოვლენის გარდა, ხომ არ გამოიყენეს ეს ინსტრუმენტი სხვა მიზნებისთვის.
ტუსკის თქმით, თვალთვალი ყოფილი მმართველი ბანაკის წარმომადგენლებზეც ხორციელდებოდა. მან იუსტიციის ყოფილი მინისტრი, ზბიგნევ ზიობროც ახსენა და თქვა, რომ არ გაუკვირდება, თუ თვალთვალის ქვეშ მყოფთა სიაში კონსერვატიული ოპოზიციური პარტიის, „კანონი და სამართლიანობის“ (PiS) პოლიტიკოსებიც აღმოჩნდებიან.
ტორონტოს უნივერსიტეტის კვლევითი ცენტრის, „სიტიზენ ლაბის“ მიერ ადრე გავრცელებული ინფორმაციით, „პეგასუსი“გამოიყენებოდა რამდენიმე საჯარო ფიგურის, მათ შორის, იურისტისა და ამჟამინდელი კანონმდებლის, რომან გერტიხის, პროკურორ ევა ვრჟოსეკის, მაშინდელი სენატორის და ამჟამინდელი ევროპარლამენტარის, კშიშტოფ ბრეიზას, აგრეთვე „აგროუნიას ლიდერის, მიხალ კოლოძეიჩაკის წინააღმდეგ.
საჯარო წყაროების მიერ გავრცელებულ ინფორმაციაში ასევე ნათქვამია, რომ იმ პირთა შორის, ვისაც უთვალთვალებდნენ, PiS-ის წევრი ცნობილი პოლიტიკოსებიც იყვნენ.
წყარო: 1tv.ge

გორის საკრებულოს ყოფილ წევრს „ქართული ოცნებიდან“, ბორის გოგიჩაიშვილს პატიმრობა გირაოთი შეეცვალა.
ინფორმაცია ნეტგაზეთს ბორის გოგიჩაიშვილის ადვოკატმა, თამარ კუჭავამ დაუდასტურა.
მისი თქმით, აღკვეთი ღონისძიების სახით შეფარდებული პატიმრობის გირაოთი შეცვლის მიზეზი ბორის გოგიჩაიშვილის ჯანმრთელობის მძიმე მდგომარეობა გახდა.
გორში დაკავებულ 7 პირს, მათ შორის არიან ბიზნესმენი გიორგი კანდელაკი და ბორის გოგიჩაიშვილი აღკვეთის ღონისძიების სახით პატიმრობა 16 სექტემბერს შეეფარდა.
პროკურატურა მათ “განსაკუთრებით დიდი ოდენობით საქონლის აქციზური მარკის გარეშე გამოშვებასა და შენახვას, ასევე სხვისი სასაქონლო ნიშნისა და რეგისტრირებული საფირმო სახელწოდების უკანონოდ გამოყენებით საქონლის წარმოებას” ედავება.
ბორის გოგიაჩაიშვილის ადვოკატი 16 სექტმებრს სასამართლოშიც აცხადებდა, რომ მისი დაცვის ქვეშ მყოფს „უმძიმესი დაავადება და დიაგნოზი“ აქვს და მისი „კოგნიტური ფუნქციები მნიშვნელოვნად არის შეზღუდული”.
მისი თქმით, გოგიჩაიშვილმა უკანასკნელი ერთი წელი თითქმის სრულად გაატარა თურქეთში, სადაც სამკურნალოდ იმყოფებოდა.
ბორის გოგიჩაიშვილის ადვოკატი 50 000-ლარიანი გირაოს გადახდის მზაობა გამოითქვამდა, თუმცა 16 სექტემბერს მოსამართლე თეონა ეპიტაშვილმა მას სხვა პირებთან ერთად პატიმრობა შეუფარდა.
აღსანიშნავია, რომ 31 ოქტომბერს პროკურატურამ სამსახურებრივი უფლებამოსილების ბოროტად გამოყენების ბრალდებით სისხლისსამართლებრივი დევნა დაიწყო შემოსავლების სამსახურის უფროსის ყოფილი მოადგილის, ვლადიმერ ხუნდაძის მიმართ.
ფინანსთა სამინისტროს საგამოძიებო სამსახურის გამოძიების თანახმად, ვლადიმერ ხუნდაძეს პირადი ნაცნობობა აკავშირებდა ბორის გოგიჩაიშვილთან, რომელიც თანამზრახველებთან ერთად, გორში უცხოური ბრენდების სასაქონლო ნიშნის გამოყენებით უკანონოდ ახორციელებდა ალკოჰოლური სასმელების, ვისკისა და არყის დამზადებასა და შენახვას.

ნიგერია ტერორიზმის წინააღმდეგ ბრძოლის მიზნით აშშ-ის დახმარებას მიესალმება, – ამის შესახებ ნიგერიის პრეზიდენტის, ბოლა ტინუბუს პრესსპიკერმა, დანიელ ბვალამ მას შემდეგ განაცხადა, რაც აშშ-ის პრეზიდენტმა, დონალდ ტრამპმა პენტაგონს ნიგერიაში „ქრისტიანების მკვლელობის“ გამო სამხედრო მოქმედების მომზადება დაავალა.
„ჩვენ მივესალმებით აშშ-ის დახმარებას, იმ პირობით, თუ ის ჩვენს ტერიტორიულ მთლიანობას აღიარებს. დარწმუნებული ვარ, როდესაც ლიდერები შეხვდებიან, ტერორიზმის წინააღმდეგ ბრძოლაში ჩვენს ერთობლივ ძალისხმევას უკეთესი შედეგები ექნება“, – განაცხადა დანიელ ბვალამ.
შეგახსენებთ, დონალდ ტრამპმა სოციალურ ქსელში დაწერა, რომ „თუ ნიგერიის მთავრობა ქრისტიანების მკვლელობის დაშვებას გააგრძელებს, მაშინ აშშ ნიგერიის დახმარებას დაუყოვნებლივ შეაჩერებს“.
„ომის დეპარტამენტს ვავალებ, რომ მოემზადოს შესაძლო მოქმედებისთვის. თუ ჩვენ შეტევას განვახორციელებთ, ეს სწრაფი და სასტიკი იქნება. ნიგერიის მთავრობამ სასწრაფოდ უნდა იმოქმედოს“, – დაწერა ტრამპმა Truth Social-ზე.

პროკურატურამ ბრალდება წარუდგინა პირს, რომელმაც განსაკუთრებული სისასტიკით მოკლა ორი ძაღლი. ამის შესახებ ინფორმაციას პროკურატურა ავრცელებს.
„პროკურატურამ ცხოველებისადმი სასტიკი მოპყრობის ფაქტებზე, რამაც მათი დაღუპვა გამოიწვია, ერთ პირს ბრალდება წარუდგინა.
შინაგან საქმეთა სამინისტროს მიერ ჩატარებული გამოძიებით დადგინდა, რომ ქ. ყვარელში 31 ოქტომბერს და 01 ნოემბერს ბრალდებულმა განსაკუთრებული სისასტიკით მოკლა 2 ძაღლი.
დაკავებულს ბრალდება საქართველოს სისხლის სამართლის კოდექსის 259-ე მუხლის მესამე ნაწილით (ცხოველის წამება ან მისდამი სასტიკი მოპყრობა, რამაც მისი დაღუპვა გამოიწვია – 2 ეპიზოდი), წარედგინა, რაც სასჯელის სახედ და ზომად ხუთ წლამდე თავისუფლების აღკვეთას ითვალისწინებს.
პროკურატურა ბრალდებულის მიმართ პატიმრობის შეფარდების შუამდგომლობით სასამართლოს კანონით დადგენილ ვადაში მიმართავს“,-აღნიშნულია ინფორმაციაში.

ყვარელში, ორ დღეში ორი ძაღლი მოკლეს. „განსაკუთრებული სისასტიკით“, – აცხადებენ პროკურატურაში.
შემთხვევა 31 ოქტომბერსა და პირველ ნოემბერს მოხდა. ბრალდებული დაკავებულია.
მას ბრალდება საქართველოს სისხლის სამართლის კოდექსის 259-ე მუხლის მესამე ნაწილით (ცხოველის წამება ან მისდამი სასტიკი მოპყრობა, რამაც მისი დაღუპვა გამოიწვია – 2 ეპიზოდი), წარედგინა, რაც სასჯელის სახედ და ზომად ხუთ წლამდე თავისუფლების აღკვეთას ითვალისწინებს.
პროკურატურა ბრალდებულის მიმართ პატიმრობის შეფარდებას მოითხოვს.
ფორუმი

აშშ-მა და ინდოეთმა თავდაცვის 10-წლიან ჩარჩოხელშეკრულებას ხელი მოაწერეს. ამის შესახებ აშშ-ის თავდაცვის მდივანმა, პიტ ჰეგსეტმა განაცხადა.
აღნიშნულ ხელშეკრულებას ხელი მოაწერეს პიტ ჰეგსეტმა და ინდოეთის თავდაცვის მინისტრმა, რაჯნატ სინგჰმა.
ჰეგსეტის თქმით, ეს მნიშვნელოვანი ნაბიჯია.
„ეს ხელს უწყობს თავდაცვის სფეროში ჩვენი პარტნიორობის წინსვლას, რაც რეგიონული სტაბილურობისა და შეკავების ქვაკუთხედია. ჩვენ ვაძლიერებთ კოორდინაციას, ინფორმაციის გაზიარებასა და ტექნოლოგიურ თანამშრომლობას. ჩვენი თავდაცვის კავშირები არასდროს ყოფილა ასეთი ძლიერი“, – წერს ჰეგსეტი.

მიმდინარე კვირაში რუსებმა უკრაინაში ადამიანების წინააღმდეგ 1500-მდე დრონი, 1170-მდე მართვადი საავიაციო ბომბი და 70-ზე მეტი რაკეტა გამოიყენეს, – ამის შესახებ უკრაინის პრეზიდენტი, ვოლოდიმირ ზელენსკი სოციალურ ქსელში წერს.
„დარტყმები იყო ჩვეულებრივ საცხოვრებელ შენობებსა და სამოქალაქო ინფრასტრუქტურაზე, ასევე ენერგეტიკის სექტორზე ტერორისტული თავდასხმები განხორციელდა. ნათელია, რომ მოსკოვის მიზანი ჩვენი ხალხისთვის ზიანის მიყენებაა“, – წერს ვოლოდიმირ ზელენსკი X-ზე.
მისი თქმით, უკრაინა „ზამთარში ენერგეტიკის სექტორისთვის მხარდაჭერის უზრუნველყოფის მიზნით მუშაობს“.
„ჩვენს პარტნიორებთან უკვე კონკრეტული შეთანხმებები გვაქვს. უკრაინის ენერგეტიკის მხარდაჭერის ფონდის მეშვეობით და საჭირო აღჭურვილობის მოწოდებით, აშშ, ნორვეგია, გერმანია, ნიდერლანდები, კანადა, გაერთიანებული სამეფო, იტალია, იაპონია, ლიეტუვა, დანია, შვედეთი, ესტონეთი, ესპანეთი და ევროკომისია მხარს გვიჭერს“, – აცხადებს უკრაინის პრეზიდენტი.

მიმდინარე კვირაში რუსებმა უკრაინაში ადამიანების წინააღმდეგ 1500-მდე დრონი, 1170-მდე მართვადი საავიაციო ბომბი და 70-ზე მეტი რაკეტა გამოიყენეს, – ამის შესახებ უკრაინის პრეზიდენტი, ვოლოდიმირ ზელენსკი სოციალურ ქსელში წერს.
„დარტყმები იყო ჩვეულებრივ საცხოვრებელ შენობებსა და სამოქალაქო ინფრასტრუქტურაზე, ასევე ენერგეტიკის სექტორზე ტერორისტული თავდასხმები განხორციელდა. ნათელია, რომ მოსკოვის მიზანი ჩვენი ხალხისთვის ზიანის მიყენებაა“, – წერს ვოლოდიმირ ზელენსკი X-ზე.
მისი თქმით, უკრაინა „ზამთარში ენერგეტიკის სექტორისთვის მხარდაჭერის უზრუნველყოფის მიზნით მუშაობს“.
„ჩვენს პარტნიორებთან უკვე კონკრეტული შეთანხმებები გვაქვს. უკრაინის ენერგეტიკის მხარდაჭერის ფონდის მეშვეობით და საჭირო აღჭურვილობის მოწოდებით, აშშ, ნორვეგია, გერმანია, ნიდერლანდები, კანადა, გაერთიანებული სამეფო, იტალია, იაპონია, ლიეტუვა, დანია, შვედეთი, ესტონეთი, ესპანეთი და ევროკომისია მხარს გვიჭერს“, – აცხადებს უკრაინის პრეზიდენტი.

საპატრულო პოლიციის დეპარტამენტის თბილისის მთავარი სამმართველოს ახალი ხელმძღვანელი გოგა მემანიშვილია.
მან ამ პოზიციაზე ლაშა ჯოხაძე ჩაანაცვლა, რომელმაც პოსტი რამდენიმე დღის წინ დატოვა.
მემანიშვილი საპატრულო პოლიციაში წლების განმავლობაში მუშაობს. ბოლო პერიოდში ის თბილისის მთავარი სამმართველოს ხელმძღვანელის მოადგილე იყო.

საპატრულო პოლიციის დეპარტამენტის თბილისის მთავარი სამმართველოს ახალი ხელმძღვანელი გოგა მემანიშვილია.
მან ამ პოზიციაზე ლაშა ჯოხაძე ჩაანაცვლა, რომელმაც პოსტი რამდენიმე დღის წინ დატოვა.
მემანიშვილი საპატრულო პოლიციაში წლების განმავლობაში მუშაობს. ბოლო პერიოდში ის თბილისის მთავარი სამმართველოს ხელმძღვანელის მოადგილე იყო.

გუშინ, 1-ელ ნოემბერს, პრემიერლიგის მეათე ტურში “ლივერპულმა” “ასტონ ვილა” 2:0 დაამარცხა.
“მერსისაიდელების” კარის დარაჯმა გიორგი მამარდაშვილმა პირველად შეინახა “წითლების” რიგებში კარი “მშრალად”.
როგორც ჩანს, “ლივერპულის” ქომაგები ქართველი მეკარის თამაშით აღფრთოვანებულები არიან, გთავაზობთ მათ კომენტარებს სოციალური ქსელიდან:
“ქეშის დარტყმის შემდეგ, ამ მოგერიებას არასდროს დავივიწყებ”.
“რა მოგერიება იყო, ვაუ!”.
“ხალხი ამბობდა, რომ ის არასაკმარისად კარგი იყო, ახლა რას იტყვით?”.
“კარის ხაზზე ძალიან ძლიერია, თუ ფეხით თამაშს გააუმჯობესებს, გასაოცარი იქნება”.
“შეიძლება ითქვას, რომ მატჩი მისმა მოგერიებამ მოგვაგებინა, ეს უდიდესი მომენტი იყო, არავინ იცის, მდევრის როლში რომ ვყოფილიყავით, რა მოხდებოდა”.
“წინა მატჩებში გაშვებული გოლები მისი ბრალი საერთოდ არ ყოფილა”.
“ლივერპული” ჯერჯერობით 18 ქულით მესამე ადგილზეა და მომდევნო შეხვედრას სამშაბათს, 4 ნოემბერს სახლში, ჩემპიონთა ლიგაზე “რეალთან” ჩაატარებს.
[VIDEO] ბითაძის დომინანტური მატჩი – “ორლანდო მეჯიქმა” “ვაშინგტონ ვიზარდსი” დაამარცხა
[VIDEO] ზივზივაძის სადებიუტო გოლი ბუნდესლიგის ახალ სეზონში – “ჰაიდენჰაიმმა” “აინტრახტთან” ქულა მოიპოვა
საინტერესო ამბავი ინგლისში – დამკვიდრდება მრგვალი წითელი ბარათი?!
“კრიტიკას ვერ მივიღებ” – სლოტმა “კრისტალ პალასთან” მარცხის შემდეგ მედიასთან ისაუბრა
“ვერც კი წარმოიდგენთ, ალისონი ისე გვჭირდება” – “ლივერპულის” ყოფილმა ფეხბურთელმა ბრაზილიელ მეკარეზე ისაუბრა
“ფეხბურთელისთვის ინგლისში თამაში ბევრად მარტივია, ვიდრე ესპანეთში” – ტიერი ანრი
“ვადასტურებ, ამ ჩემპიონატში მუშაობა ჩემი ოცნებაა” – ლუჩანო სპალეტი
ისევ პრემიერ ლიგა თუ ბუნდესლიგა – ჯეკსონს ორი ვარიანტი გამოუჩნდა
“რა განსხვავებაა ბუნდესლიგასა და პრემიერლიგას შორის?” – ვირცმა ჩემპიონატები ერთმანეთს შეადარა
მიქაუტაძე პრემიერლიგის კლუბს შეუთანხმდა – მისი სასწრაფოდ შეძენა ემერიმ მოითხოვა
“დარწმუნებული ვარ, “მანჩესტერ იუნაიტედი” მომდევნო 10 წელიწადში პრემიერლიგას მოიგებს” – მაიკლ ოუენი
უპირებენ თუ არა გათავისუფლებას სლოტს – ფაბრიციო რომანო “ლივერპულის” მწვრთნელის მომავალზე
უგოლო ფრე ბირმინგემში – “ასტონ ვილა” “ნიუკასლს” დაუზავდა
“როდესაც დავინახე რომ ეს გააკეთა, თვალებს ვერ ვუჯერებდი” – “ლივერპულის” ყოფილმა ფეხბურთელმა მამარდაშვილი გააკრიტიკა
[VIDEO] მამარდაშვილის პირველი პრემიერლიგური “მშრალი მატჩი” და “ლივერპულის” “ასტონ ვილასთან” გამარჯვება
როგორი შეფასებები მიიღო მამარდაშვილმა “ასტონ ვილასთან” მატჩში?
კაზემირო: წელს პრემიერლიგას “მანჩესტერ იუნაიტედი” მოიგებს
“მეფე ჟორჟმა” გადაწყვეტილება შეცვალა და ჩემპიონთა ლიგაზე მოასპარეზე გუნდში გადავა
[VIDEO] 0:3. ესეც მამარდაშვილის ბრალია? – “ლივერპული” თასიდან “კრისტალ პალასმა” გამოაგდო

გუშინ, 1-ელ ნოემბერს, პრემიერლიგის მეათე ტურში “ლივერპულმა” “ასტონ ვილა” 2:0 დაამარცხა.
“მერსისაიდელების” კარის დარაჯმა გიორგი მამარდაშვილმა პირველად შეინახა “წითლების” რიგებში კარი “მშრალად”.
როგორც ჩანს, “ლივერპულის” ქომაგები ქართველი მეკარის თამაშით აღფრთოვანებულები არიან, გთავაზობთ მათ კომენტარებს სოციალური ქსელიდან:
“ქეშის დარტყმის შემდეგ, ამ მოგერიებას არასდროს დავივიწყებ”.
“რა მოგერიება იყო, ვაუ!”.
“ხალხი ამბობდა, რომ ის არასაკმარისად კარგი იყო, ახლა რას იტყვით?”.
“კარის ხაზზე ძალიან ძლიერია, თუ ფეხით თამაშს გააუმჯობესებს, გასაოცარი იქნება”.
“შეიძლება ითქვას, რომ მატჩი მისმა მოგერიებამ მოგვაგებინა, ეს უდიდესი მომენტი იყო, არავინ იცის, მდევრის როლში რომ ვყოფილიყავით, რა მოხდებოდა”.
“წინა მატჩებში გაშვებული გოლები მისი ბრალი საერთოდ არ ყოფილა”.
“ლივერპული” ჯერჯერობით 18 ქულით მესამე ადგილზეა და მომდევნო შეხვედრას სამშაბათს, 4 ნოემბერს სახლში, ჩემპიონთა ლიგაზე “რეალთან” ჩაატარებს.
[VIDEO] ბითაძის დომინანტური მატჩი – “ორლანდო მეჯიქმა” “ვაშინგტონ ვიზარდსი” დაამარცხა
[VIDEO] ზივზივაძის სადებიუტო გოლი ბუნდესლიგის ახალ სეზონში – “ჰაიდენჰაიმმა” “აინტრახტთან” ქულა მოიპოვა
საინტერესო ამბავი ინგლისში – დამკვიდრდება მრგვალი წითელი ბარათი?!
“კრიტიკას ვერ მივიღებ” – სლოტმა “კრისტალ პალასთან” მარცხის შემდეგ მედიასთან ისაუბრა
“ვერც კი წარმოიდგენთ, ალისონი ისე გვჭირდება” – “ლივერპულის” ყოფილმა ფეხბურთელმა ბრაზილიელ მეკარეზე ისაუბრა
“ფეხბურთელისთვის ინგლისში თამაში ბევრად მარტივია, ვიდრე ესპანეთში” – ტიერი ანრი
“ვადასტურებ, ამ ჩემპიონატში მუშაობა ჩემი ოცნებაა” – ლუჩანო სპალეტი
ისევ პრემიერ ლიგა თუ ბუნდესლიგა – ჯეკსონს ორი ვარიანტი გამოუჩნდა
“რა განსხვავებაა ბუნდესლიგასა და პრემიერლიგას შორის?” – ვირცმა ჩემპიონატები ერთმანეთს შეადარა
მიქაუტაძე პრემიერლიგის კლუბს შეუთანხმდა – მისი სასწრაფოდ შეძენა ემერიმ მოითხოვა
“დარწმუნებული ვარ, “მანჩესტერ იუნაიტედი” მომდევნო 10 წელიწადში პრემიერლიგას მოიგებს” – მაიკლ ოუენი
უპირებენ თუ არა გათავისუფლებას სლოტს – ფაბრიციო რომანო “ლივერპულის” მწვრთნელის მომავალზე
უგოლო ფრე ბირმინგემში – “ასტონ ვილა” “ნიუკასლს” დაუზავდა
“როდესაც დავინახე რომ ეს გააკეთა, თვალებს ვერ ვუჯერებდი” – “ლივერპულის” ყოფილმა ფეხბურთელმა მამარდაშვილი გააკრიტიკა
[VIDEO] მამარდაშვილის პირველი პრემიერლიგური “მშრალი მატჩი” და “ლივერპულის” “ასტონ ვილასთან” გამარჯვება
როგორი შეფასებები მიიღო მამარდაშვილმა “ასტონ ვილასთან” მატჩში?
კაზემირო: წელს პრემიერლიგას “მანჩესტერ იუნაიტედი” მოიგებს
“მეფე ჟორჟმა” გადაწყვეტილება შეცვალა და ჩემპიონთა ლიგაზე მოასპარეზე გუნდში გადავა
[VIDEO] 0:3. ესეც მამარდაშვილის ბრალია? – “ლივერპული” თასიდან “კრისტალ პალასმა” გამოაგდო

იტალიაში ზვავის ჩამოწოლას ხუთი გერმანელი მთამსვლელი ემსხვერპლა, – ინფორმაციას „დოიჩე ველე“ ავრცელებს.
გამოცემის ინფორმაციით, ზვავი ჩრდილოეთ იტალიაში, ორტლერის ალპებში ჩამოწვა.
მაშველების განცხადებით, ზვავმა მთამსვლელთა ორი ჯგუფი დაფარა.
„პირველი ჯგუფი თოვლში მთლიანად დაიფარა, სამივე მათგანი დაიღუპა“, – განაცხადეს მაშველებმა.
მთამსვლელთა მეორე ჯგუფის ოთხი წევრიდან მხოლოდ 2 გადარჩა.

იტალიაში ზვავის ჩამოწოლას ხუთი გერმანელი მთამსვლელი ემსხვერპლა, – ინფორმაციას „დოიჩე ველე“ ავრცელებს.
გამოცემის ინფორმაციით, ზვავი ჩრდილოეთ იტალიაში, ორტლერის ალპებში ჩამოწვა.
მაშველების განცხადებით, ზვავმა მთამსვლელთა ორი ჯგუფი დაფარა.
„პირველი ჯგუფი თოვლში მთლიანად დაიფარა, სამივე მათგანი დაიღუპა“, – განაცხადეს მაშველებმა.
მთამსვლელთა მეორე ჯგუფის ოთხი წევრიდან მხოლოდ 2 გადარჩა.

დასაქმების ხელშეწყობის სახელმწიფო სააგენტომ, პროფესიული მომზადება – გადამზადების პროგრამის ფარგლებში მიმდინარე საშემოდგომო მიღებაზე, 1500-ზე მეტი მოქალაქის პროფესიული სწავლება დააფინანსა. სწავლება მთელი ქვეყნის მასშტაბით, 41 სხვადასხვა კურსზე მიმდინარეობს.
ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტროს ინფორმაციით, ჯანდაცვის მინისტრის მოადგილის გიორგი ცაგარეიშვილის განცხადებით, სახელმწიფო უმაღლეს განათლებასთან ერთად, მოქალაქეებს, სრულიად უფასოდ, სთავაზობს პროფესიულ განათლებას, როგორც ხანგრძლივ სწავლებას, ისე – მოკლევადიან პროგრამებს.
„დასაქმების ხელშეწყობის სახელმწიფო სააგენტო აფინანსებს სწორედ მოკლევადიან კურსებს, რომელიც ყოველწლიურად, უფრო და უფრო პოპულარული ხდება. პროგრამაში ჩართვა შეუძლია ნებისმიერი ასაკის მოქალაქეს, რაც ძალიან კარგი შესაძლებლობაა, შეისწავლოს ახალი პროფესია და დასაქმდეს სწრაფად“, – განაცხადა გიორგი ცაგარეიშვილმა.
დასაქმების ხელშეწყობის სახელმწიფო სააგენტო, ამ მიმართულებით, 50-ზე მეტ კოლეჯთან თანამშრომლობს, მთელი ქვეყნის მასშტაბით, მათ შორის რეგიონებში – საჩხერე, ოზურგეთი, ქობულეთი, ბათუმი, ქუთაისი, თელავი, გურჯაანი, გორი და ა. შ. სააგენტო მუშაობს, რომ გეოგრაფიული დაფარვა მაქსიმალურად გაიზარდოს და გაუმჯობესდეს კოლეჯების მატერიალურ ტექნიკური ბაზა.
გიორგი ცაგარეიშვილმა ასევე აღნიშნა, რომ მოკლევადიანი პროფესიული კურსების ფარგლებში, გასულ წელს, 3 000-ზე მეტი მოქალაქე გადამზადდა.
დასაქმების სახელმწიფო სააგენტოს სერვის – ცენტრები წარმოდგენილია თბილისსა და 10 რეგიონში, ასევე – 16 მუნიციპალურ ერთეულში.

დასაქმების ხელშეწყობის სახელმწიფო სააგენტომ, პროფესიული მომზადება – გადამზადების პროგრამის ფარგლებში მიმდინარე საშემოდგომო მიღებაზე, 1500-ზე მეტი მოქალაქის პროფესიული სწავლება დააფინანსა. სწავლება მთელი ქვეყნის მასშტაბით, 41 სხვადასხვა კურსზე მიმდინარეობს.
ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტროს ინფორმაციით, ჯანდაცვის მინისტრის მოადგილის გიორგი ცაგარეიშვილის განცხადებით, სახელმწიფო უმაღლეს განათლებასთან ერთად, მოქალაქეებს, სრულიად უფასოდ, სთავაზობს პროფესიულ განათლებას, როგორც ხანგრძლივ სწავლებას, ისე – მოკლევადიან პროგრამებს.
„დასაქმების ხელშეწყობის სახელმწიფო სააგენტო აფინანსებს სწორედ მოკლევადიან კურსებს, რომელიც ყოველწლიურად, უფრო და უფრო პოპულარული ხდება. პროგრამაში ჩართვა შეუძლია ნებისმიერი ასაკის მოქალაქეს, რაც ძალიან კარგი შესაძლებლობაა, შეისწავლოს ახალი პროფესია და დასაქმდეს სწრაფად“, – განაცხადა გიორგი ცაგარეიშვილმა.
დასაქმების ხელშეწყობის სახელმწიფო სააგენტო, ამ მიმართულებით, 50-ზე მეტ კოლეჯთან თანამშრომლობს, მთელი ქვეყნის მასშტაბით, მათ შორის რეგიონებში – საჩხერე, ოზურგეთი, ქობულეთი, ბათუმი, ქუთაისი, თელავი, გურჯაანი, გორი და ა. შ. სააგენტო მუშაობს, რომ გეოგრაფიული დაფარვა მაქსიმალურად გაიზარდოს და გაუმჯობესდეს კოლეჯების მატერიალურ ტექნიკური ბაზა.
გიორგი ცაგარეიშვილმა ასევე აღნიშნა, რომ მოკლევადიანი პროფესიული კურსების ფარგლებში, გასულ წელს, 3 000-ზე მეტი მოქალაქე გადამზადდა.
დასაქმების სახელმწიფო სააგენტოს სერვის – ცენტრები წარმოდგენილია თბილისსა და 10 რეგიონში, ასევე – 16 მუნიციპალურ ერთეულში.

Eagle Hills-ის დიდი ეკონომიკური პოტენციალის პროექტს მიესია ცრუ ექსპერტთა არმია – მცირე ერებისათვის დამახასიათებელია დემოგრაფიული შიში, მაგრამ როდესაც აშკარად შეკვეთილი პროტესტი ჩანს, საქმე სხვაგვარადაა
ახლა Eagle Hills-ის დიდი ეკონომიკური პოტენციალის პროექტს მიესია ცრუ ექსპერტთა არმია, – წერს “ერთიანი ნეიტრალური საქართველოს” ერთ-ერთი დამფუძნებელი, ბიძინა გიორგობიანი, სოციალურ ქსელში. მისი განცხადებით, მცირე ერებისათვის დამახასიათებელია დემოგრაფიული შიში და სიფრთხილე, რაც გასაგები მოვლენაა, მაგრამ მოწინააღმდეგეთა მხრიდან, ყოველგვარი არგუმენტის გარეშე, აშკარად შეკვეთილი პროტესტი ჩანს. გიორგობიანი აღნიშნავს, რომ არც საბჭოთა კავშირის დროს, ტრანსკავკასიური მაგისტრალის მშენებლობისას აპირებდა მთელი რუსეთი ხევსურეთში გადმოსახლებას და არც Eagle Hills-ის შემდეგ გადმოსახლდება არაბეთის ნახევარკუნძული ორთაჭალაში.
“საქართველოში ყოველი მეგა პროექტის პერსპექტივა უმალ მოწინააღმდეგეების გააქტიურებას იწვევს. ასეთი იყო ჯერ კიდევ სსრკ დროს ტრანსკავკასიური მაგისტრალი, შემდეგ ხუდონჰესი (ამ ორივე პროექტის გაჩერებაზე მეც გამარჯვებული მეგონა თავი და აქედან ვხედავ როგორ გამოგვიყენეს პროექტების შესაჩერებლად მათ ვინც დღეს ელ.ენერგიას ჰყიდის ჩვენზე), უახლეს წარსულში ძალიან საეჭვო “რიონის მცველები”, რამაც საქართველოს დიდი ფინანსური ჯარიმა მოუტანა. ახლა Eagle Hills-ის დიდი ეკონომიკური პოტენციალის პროექტს მიესია ცრუ ექსპერტთა არმია. დიდი პროექტების მოწინააღმდეგეთა ერთ-ერთი მთავარი არგუმენტია, პროექტის ფარგლებში, დემოგრაფიული ექსპანსია. ტრანსკავკასიური მაგისტრალის შემთხვევაში, ჩვენ გვქონდა რუსიფიკაციის შიში, ახლა Eagle Hills -ზე არაბების მასიური ჩამოსახლების საფრთხეს ხატავენ.
მცირე ერებისათვის დამახასიათებელია დემოგრაფიული შიში და სიფრთხილე, ეს აბსოლუტურად გასაგები მოვლენაა, მაგრამ როდესაც მოწინააღმდეგეთა მხრიდან, ყოველგვარი არგუმენტის გარეშე, აშკარად შეკვეთილი პროტესტი ჩანს, საქმე სხვაგვარადაა. ცხადია არც ტრანსკავკასიური მაგისტრალის მშენებლობისას აპირებდა მთელი რუსეთი გადმოსახლებას ხევსურეთში და არც Eagle Hills-ის შემდეგ გადმოსახლდება არაბეთის ნახევარკუნძული ორთაჭალაში. ეკონომიკური განვითარების და წინსვლის გარეშე ქვეყნის დემოგრაფიული მდგომარეობის გაჯანსაღება გამორიცხულია, განვითარება თავის მხრივ საჭიროებს ასეთ პროექტებს. საქართველოში ყოველ ნაბიჯს დიდი ყურადღებით აკვირდებიან ჩვენი მეზობლები და არა მარტო ჩვენთან. ალბათ გახსოვთ ცოტა ხნის წინ რამდენი მოწინააღმდეგე გამოუჩნდა ე.წ. “ზანგეზურის დერეფანს” როგორც ირანის, ასევე რუსეთის მხრიდან (აქაც ინერვიულა ზოგიერთმა, ფუნქციას ვკარგავთო). მაშინვე გაჩნდა სომხეთშიც ასეთი კარგი შესაძლებლობების მოწინააღმდეგე “გულანთებული”ჯგუფები. შედეგად პროექტი გაჩერდა. ჩვენს შემთხვევაშიც ბევრჯერ გვაქვს ანალოგიური, აშკარად გარედან მართული სცენარი ნანახი. იმედია ამჯერად ვეღარ შეძლებენ ამ გზით მიზნის მიღწევას და საქართველოში დაირღვევა ეს “ტრადიცია”.” – წერს ბიძინა გიორგობიანი.

მექსიკაში სუპერმარკეტში ხანძარი გაჩნდა, რის შედეგად, სულ მცირე, 23 ადამიანი დაიღუპა, – ინფორმაციას Reuters-ი ავრცელებს.
გამოცემის ცნობით, ხანძარი ჩრდილოეთ მექსიკის ქალაქ ერმოსილიოში მდებარე ერთ-ერთ სუპერმარკეტში გაჩნდა, რის შედეგადაც, სულ მცირე, 23 ადამიანი დაიღუპა, მათ შორის, ბავშვები და ათობით ადამიანი დაშავდა.
„საფუძვლიანი და გამჭვირვალე გამოძიების დაწყების ბრძანება გავეცი“, – განაცხადა სონორას შტატის გუბერნატორმა, ალფონსო დურასომ.
მექსიკის პრეზიდენტმა, კლაუდია შეინბაუმმა დაღუპულთა ოჯახებს სამძიმარი გამოუცხადა.

მილანში ახალგაზრდა ქართველი ემიგრანტი გარდაიცვალა.
სოციალურ ქსელში წერენ, რომ ის ემიგრანტი სენს ებრძოდა.
„მეგობრებო, ძალიან სამწუხარო ამბით მოვედი… გარდაიცვალა ემიგრანტი მილანში… საყვარელი ნანიკო… არ ვიცი რა ხდება, ამდენი ახალგაზრდაა… დიდი მწუხარებით ვუსამძიმრებთ ოჯახს და ემიგრანტებს… უფალმა დაუმკვიდროს ცათა სასუფეველში სიმშვიდე მის სულს… ნანიკო ებრძოდა მძიმე ავადმყოფობას – მკერდის სიმსივნეს.“

საჯარო მოხელეები ერთზე მეტ ანაზღაურებად თანამდებობაზე დასაქმებას ვეღარ შეძლებენ
საჯარო მოხელეები ერთზე მეტ ანაზღაურებად თანამდებობაზე დასაქმებას ვეღარ შეძლებენ. აღნიშნულს ითვალისწინებს „კორუფციის წინააღმდეგ ბრძოლის შესახებ“ კანონში ცვლილებები, რომელსაც მიხელ ყაველაშვილმა ხელი უკვე მოაწერა.
კანონის თანახმად, 2 პოზიციაზე დასაქმებულ საჯარო მოხელეს ანაზღაურების დაბრუნება მოუწევს. თუმცა, შესაბამისის დადგენილებით უკვე შეიქმნა იმ ე.წ. დეფიციტური პროფესიების სია, რომელზეც არ გავრცელდება კანონის ეს განაწესი.
დადგენილების მიხედვით ასეთი საქმიანობებია:
სივრცითი დაგეგმარების, ურბანიზაციის, არქიტექტურის, ინჟინერიისა და მშენებლობის სფერო (მაგ: არქიტექტორი, ურბანისტი, კონსტრუქტორი, ტექნიკური ზედამხედველი, საგზაო ინჟინერი, ექსპერტ-ლაბორანტი და ა.შ);
საავიაციო სფერო (მაგ: მფრინავი ინსტრუქტორი, ავიაციის ინჟინერი , ავიაციის ტექნიკოსი და ა.შ);
გარემოს დაცვის სფერო (მაგ: ბიომრავალფეროვნების სპეციალისტი, ჰიდრობიოლოგი, აკვაკულტურის სპეციალისტი, ნიადაგმცოდნეობის სპეციალისტი, აგრონომ-ბოტანიკოსი ექსპერტი, გარემოსმცოდნე, ეკოლოგი, გარემოსდაცვითი ბიოლოგი);
ფიზიკური და დედამიწის შემსწავლელი მეცნიერებების სფერო (მაგ: გეოლოგი/ჰიდროგეოლოგი/ინჟინერ-გეოლოგი/გეომორფოლოგი, ატმოსფერული მეცნიერებების სპეციალისტი, ქიმიკოსი, მეტეოროლოგი, გლაციოლოგი, საინჟინრო ჰიდროლოგი, კლიმატოლოგი და ა.შ.);
მთარგმნელობითი საქმიანობა; ჟესტური ენის სპეციალისტი;
სამართლის სფერო;
პერსონალურ მონაცემთა დაცვის ოფიცერი;
შრომის უსაფრთხოების სპეციალისტი და ა.შ.
ცვლილებები საზოგადოებრივი ტრანსპორტის მიმართულებით
N306 მარშრუტზე ახალი, 18-მეტრიანი ავტობუსები იმოძრავებენ.
თბილისის მერის, კახა კალაძის თქმით, N306 მარშრუტი, რომელიც აქამდე მხოლოდ აკაკი ბელიაშვილის ქუჩიდან ნიკოლოზ ბარათაშვილის ქუჩამდე არსებულ მონაკვეთს მოიცავდა, დაგრძელდება და დაფარვის არეალი გაფართოვდება.
აღსანიშნავია, რომ ახალი სქემის მიხედვით, მარშრუტი ნიკოლოზ ბარათაშვილის ქუჩიდან ქეთევან დედოფლის გამზირამდე გაგრძელდება, შემდეგ კი ავტობუსი ბერი გაბრიელ სალოსის გამზირსა და ემირ ბურჯანაძის ქუჩას დაუკავშირდება. მეორე მხრივ, მარშრუტი აკაკი ბელიაშვილის ქუჩიდან დიდ დიღმამდე გაგრძელდება. შესაბამისად, N306 ავტობუსი იმოძრავებს ფარნავაზ მეფის გამზირისა და დემეტრე თავდადებულის ქუჩის გავლით.
გარდა ამისა, კალაძის განცხადებით, ბელიაშვილის ქუჩისა და რობაქიძის გამზირის კვეთაზე, ახალი სატრანსპორტო კვანძიც მოეწყო. შესაბამისად, პირველი ნოემბრიდან N306 მარშრუტის ავტობუსები ამ კვანძზე შუქნიშნის რეგულირების საშუალებით, მარცხნივ მოხვევით, მეტროსადგურ „დიდუბის“ მიმართულებით გადაადგილდებიან.
რიყე-ნარიყალას დამაკავშირებელი საბაგირო ზამთრის განრიგზე გადადის
თბილისის მერიის ინფორმაციით, იცვლება რიყისა და ნარიყალას დამაკავშირებელი საბაგირო გზის სამუშაო საათები.
კერძოდ, პირველი ნოემბრიდან საბაგირო გზა მუშაობას, 00:00 საათის ნაცვლად, 22:00 საათზე დაასრულებს. უცვლელი დარჩება დილის დრო – 10:00 საათი.
განახლებული დიზაინის პირადობის ელექტრონული მოწმობის გაცემა იწყება
სახელმწიფო სერვისების სააგენტოს ინფორმაციით, 2025 წლის 3 ნოემბრიდან განახლებული დიზაინის პირადობის ელექტრონული მოწმობის გაცემა არის დაგეგმილია.
შეგახსენებთ, განახლებული დიზაინის საქართველოს მოქალაქის ბიომეტრიული პასპორტის და ბინადრობის ელექტრონული მოწმობების გაცემა 6 ოქტომბრიდან უკვე დაიწყო. ამასთანავე, ოქტომბრიდან გაიცემა განახლებული დიზაინის მქონე შემდეგი დოკუმენტებიც:
დროებითი ბინადრობის ელექტრონული მოწმობა;მუდმივი ბინადრობის ელექტრონული მოწმობა;დიპლომატიური პასპორტი;სამსახურებრივი პასპორტი;ლტოლვილის სტატუსის მქონე პირის სამგზავრო დოკუმენტი;საქართველოში სტატუსის მქონე მოქალაქეობის არმქონე პირის სამგზავრო პასპორტი.

ვერძი
დღეს ენერგიისა და მოტივაციის წყაროს მონახვა გაგიჭირდებათ. შესაძლოა, მოვლენები შენელდეს, მაგრამ ეს დრო გამოიყენეთ საკუთარი გეგმების გასაუმჯობესებლად. უახლოეს მომავალში, ყველაფერი უფრო სწრაფად გადაწყდება.
კურო
ხალხთან ურთიერთობა დღესაც მნიშვნელოვანი იქნება, თუმცა, თქვენი ემოციების კონტროლი შეიძლება ამოცანა გახდეს. თუ ვინმესთან კამათი ან დაძაბულობა გექნებათ, გახსოვდეთ, რომ მშვიდობისკენ გადადგმული თითოეული ნაბიჯი ფასობს.
ტყუპები
დღეს კარგი დღეა სამსახურის საკითხებისთვის, ახალი იდეებისა და მნიშვნელოვანი გადაწყვეტილებებისთვის. გრძნობთ, რომ მიუახლოვდით წარმატების მიღწევის ნაბიჯებს. ყველაფერი რიგზეა, უბრალოდ ნუ დაკარგავთ ფოკუსს.
კირჩხიბი
ეს დღე თქვენი ინტუიციით არის აღსავსე. ემოციებსა და ფაქტებს შორის ბალანსის პოვნა შეიძლება რთული იყოს, მაგრამ თქვენი შინაგანი გრძნობა დაგეხმარებათ სწორი გზის გაკვალვაში. ყურადღება მიაქციეთ ოჯახური საკითხების მოგვარებას.
ლომი
დღეს გაგიჭირდებათ თქვენი აზრების გადმოცემა. შესაძლოა, გარემოებებმა ხელი შეგიშალოთ. ნუ იჩქარებთ გადაწყვეტილებების მიღებას, რადგან დღეს ემოციები გავლენას მოახდენს თქვენს ანალიზზე.
ქალწული
დღეს განსაკუთრებით მნიშვნელოვანია სწორი ორგანიზება და დეტალებზე ყურადღების მიქცევა. შესაძლოა, აღმოჩნდეთ სიტუაციაში, სადაც თქვენი უნარები და შრომისმოყვარეობა მნიშვნელოვნად გამოვლინდება.
სასწორი
ეს დღე შესანიშნავია თქვენი გრძნობებისა და სურვილების განსახორციელებლად. თქვენს პირად ცხოვრებაში ცვლილებები შეინიშნება, რომლებიც შეიძლება დიდ სიხარულთან და კმაყოფილებასთან იყოს დაკავშირებული. თქვენს გარშემო ყველა ისურვებს თქვენს სიბრძნეს.
მორიელი
დღეს თქვენი ენერგია და მგრძნობელობა განსაკუთრებულად მაღალ დონეზე იქნება. მარტივმა მოვალეობებმაც კი შეიძლება დიდი მნიშვნელობა მიიღოს. გახსოვდეთ, რომ ის, რასაც დღეს გააკეთებთ, დიდ გავლენას მოახდენს მომავალზე.
მშვილდოსანი
მშვილდოსნებისთვის დასაწყისია ახალი შესაძლებლობებისა და თავგადასავლების. შესაძლოა, თავგადასავლებისკენ გრძნობა გაგიჩნდეთ. ნუ გეშინიათ არასტანდარტული გზების და გადაწყვეტილებების, შეიძლება ამან დიდი შედეგები მოგიტანოთ.
თხის რქა
დღეს მეტად ძლიერი და შეუპოვარი იქნებით. ოჯახური და პირადი საკითხები ყველაზე მეტად მოგწონთ. შეიძლება გადაწყვიტოთ, რომ რაღაც ახალი დაიწყოთ, ან რაღაც მნიშვნელოვან ნაბიჯზე გადახვიდეთ.
მერწყული
დღეს განსაკუთრებით სასარგებლო იქნება თქვენი ინოვაციური მიდგომები. იგრძნობთ, რომ თქვენი იდეები მიიღებენ ხელსაყრელ გარემოს. ყურადღება მიაქციეთ თქვენს მეგობრებს, მათი რჩევები სასარგებლო იქნება.
თევზები
დღეს განსაკუთრებულ ყურადღებას მიაქცევთ თქვენს კარიერულ საქმეებს. ახალი იდეები, სურვილები და კარიერული სტრატეგიები გაძლიერებული იქნება. თუმცა, არ დაგავიწყდეთ საყვარელი ადამიანების მხარდაჭერა.

ისინი კანონმდებლებს იმ დისკუსიების ან მოვლენების შესახებ მიაწვდიან ინფორმაციას, რომლებსაც დეპუტატები გამოტოვებენ
„ხელოვნური ინტელექტის მიერ შექმნილი მინისტრი, დიელა „ორსულადაა“, – განაცხადა ალბანეთის პრემიერ-მინისტრმა, ედი რამამ.
მან ასევე გაამჟღავნა გეგმები დიელას „83 შვილის“, ანუ ასისტენტის, შექმნის შესახებ, რომლებიც პარლამენტარის თანაშემწის ფუნქციას შეასრულებენ – სოციალისტური პარტიის თითოეულ დეპუტატზე ერთი „შვილი“ (ასისტენტი) იქნება „მიმაგრებული“.
„ჩვენ დიელასთან დაკავშირებით საკმაოდ დიდ რისკზე წავედით, მაგრამ ყველაფერი ძალიან კარგად გამოგვივიდა. ასე რომ, დიელა პირველად არის ორსულად და მას 83 შვილი ეყოლება“, – განაცხადა მან ბერლინში.
რამას თქმით, „შვილები“ ჩაიწერენ ყველაფერს, რაც პარლამენტში ხდება და კანონმდებლებს იმ დისკუსიების ან მოვლენების შესახებ საქმის კურსში ჩააყენებენ, რომლებსაც ისინი გამოტოვებენ.
„თითოეული „შვილი“, როგორც ასისტენტი, მოემსახურება მათ, ვინც საპარლამენტო სესიებში მონაწილეობს, ჩაინიშნავს ყველაფერს, რაც საკანონმდებლო ორგანოში ხდება და პარლამენტის წევრებს რჩევებს მისცემს. ამ შვილებს დედის ცოდნა ექნებათ“, – აღნიშნა რამამ.
ალბანეთის პრემიერი ვარაუდობს, რომ სისტემა სრულად 2026 წლის ბოლოსთვის ამოქმედდება.
ბუნებრივი და ხელოვნური ინტელექტი: მწვავე დავა დეპუტატებსა და ვირტუალურ მინისტრს შორის ალბანეთში (ბულგარულ ენაზე)
რამამ ისიც განმარტა, თუ როგორ იმუშავებენ დეპუტატების „ხელოვნური ასისტენტები“:
„მაგალითად, თუ ყავაზე გახვალთ და სამსახურში დაბრუნება დაგავიწყდებათ, ეს „ბავშვი“ გეტყვით, რა ითქვა, სანამ დარბაზში არ იყავით, ასევე შეგატყობინებთ, ვის უნდა უპასუხოთ. შემდეგ ჯერზეც თუ მომიწვევთ პარლამენტში, დიელას „შვილებისთვის“ 83 დამატებითი ეკრანი გექნებათ“.
დიელა, ანუ „მზე“, მინისტრად სექტემბერში დაინიშნა, რათა ალბანეთის სახელმწიფო შესყიდვების სისტემა სრულად გამჭვირვალე და კორუფციისგან თავისუფალი გამხდარიყო.
თავდაპირველად, ის იანვარში, e-Albania-ს პლატფორმაზე, ვირტუალური ასისტენტის სახით ამოქმედდა და რიგით მოქალაქეებსა და ბიზნესმენებს სამთავრობო დოკუმენტების მიღებაში ეხმარებოდა.
ხელოვნური ინტელექტის მიერ შექმნილი მინისტრი ტრადიციულ ალბანურ სამოსში გამოწყობილი ქალის სახითაა წარმოდგენილი.
დიელას აკისრია პასუხისმგებლობა, მიიღოს ყველა გადაწყვეტილება საჯარო ტენდერებთან დაკავშირებით, რითაც მათ კორუფციისგან 100 პროცენტით თავისუფალს გახდის. „ყოველი საჯარო ტრანზაქცია, რომელიც ტენდერზე გავა, სრულად გამჭვირვალე იქნება“, – აცხადებს რამა.
ალბანეთი პირველი ქვეყანაა მსოფლიოში, რომელმაც ოფიციალურად დანიშნა მინისტრი, რომელიც ადამიანი არ არის.
თავად დიელა არის ხელოვნური ინტეელქტის პროდუქტი, რომელიც მთლიანად კოდისა და პიქსელებისგან შედგება.
წყარო: 1 არხი

2 ნოემბერს, ქუთაისში უნალექო ამინდი იქნება, დღისით +18 და ღამით +11 გრადუსია მოსალოდნელი.
მზეა ოზურგეთშიც, დღისით +19 გრადუსი დაფიქსირდება, ღამით კი +10. ბათუმშიც მზიანი ამინდი იქნება, დღისით ჰაერი +21 გრადუსამდე გათბება, ხოლო ღამით +10 გრადუსი დაფიქსირდება.
უნალექო ამინდია მოსალოდნელი ფოთში. დღისით +18 გრადუსი დაფიქსირდება, ღამით კი +11 გრადუსია მოსალოდნელი. მზიანი ამინდი იქნება ზუგდიდში, დღისით ტემპერატურა +18, ღამით კი +9 გრადუსია ნავარაუდევი.
მზიანი დღეა სოხუმში. +19 გრადუსია მოსალოდნელი დღისით, ღამით +10 გრადუსი დაფიქსირდება.
მესტიაში უნალექო ამინდია ნავარაუდევი, დღისით +10 გრადუსი იქნება, ღამით კი -2 გრადუსი დაფიქსირდება. ამბროლაურში მზიანი ამინდია, ჰაერი +18 გრადუსამდე გათბება, ღამით კი +11 გრადუსი დაფიქსირდება.
უნალექო ამინდია ჭიათურაში, დღისით +19 გრადუსი, ღამით კი +7 გრადუსი დაფიქსირდება. ახალციხეში მზიან დღეს ვარაუდობენ. დღისით ჰაერი +16 გრადუსამდე გათბება, ღამით კი ტემპერატურა -2 გრადუსი იქნება.
ბორჯომშიც უნალექო დღეა, +15 ქნება დღისით, ღამით კი 4 გრადუსი დაფიქსირდება. მზიანი ამინდია მოსალოდნელი ბაკურიანშიც, დღისით +9 გრადუსია მოსალოდნელი, ღამით -3 გრადუსი დაფიქსირდება.
უნალექო ამინდს ელოდებიან გორში, დღისით +19 გრადუსი, ღამის განმავლობაში კი 9 გრადუსი დაფიქსირდება. მზიანი ამინდი იქნება ცხინვალშიც, ჰაერის ტემპერატურა +18 გრადუსი იქნება, ღამით კი 9 გრადუსი დაფიქსირდება.
გუდაურშიც მზიანი ამინდი იქნება, დღის განმავლობაში 8 გრადუსი დაფიქსირდება, ღამით კი ჰაერის ტემპერატურა -2 გრადუსი იქნება. ომალოშიც მზიანი ამინდი იქნება, დღისით +11, ღამით კი -1 გრადუსი დაფიქსირდება.
ლაგოდეხში მზიან დღეს ელოდებიან. ჰაერის ტემპერატურა დღის განმავლობაში +20 გრადუსი იქნება, ღამით კი +11 გრადუსი დაფიქსირდება. უნალექო დღე იქნება თელავშიც, +18 გრადუსი დაფიქსირდება, ღამით კი +9 გრადუსია ნავარაუდევი.
მზიან ამინდს ვარაუდობენ გურჯაანშიც. დღისით +21 გრადუსი, ღამით კი +10 გრადუსი დაფიქსირდება. სიღნაღში უნალექო ამინდს ელოდებიან, დღისით +20 გრადუსია მოსალოდნელი, ღამით +8 გრადუსი დაფიქსირდება.
მზიანი დღეა მოსალოდნელი რუსთავში, დღისით +22 გრადუსია მოსალოდნელი, ღამით კი +10 გრადუსი დაფიქსირდება.
თბილისში მზიანი დღე იქნება. ჰაერის ტემპერატურა დღისით +21 გრადუსს მიაღწევს, ღამით კი +11 გრადუსი იქნება.

თბილისში პოლიტიკური კინკლაობა-სკანდალების ფონზე, ოკუპირებულ გალის რაიონში, სრული სვლით მიმდინარეობს ქართული ტოპონიმიკის გაქრობის პროცესი. ბოლო კვირეების მანძილზე, ისტორიულ სამურზაყანოში კიდევ 20-მდე ქართულ სოფელს შეუცვალეს სახელი.

„გააფხაზების“ კამპანიამ შეიწირა ნაბაკევი, რომელსაც “ბათაიგუარა” დაარქვეს. საბერიო – “პაპინრხუა” გახდა, ჭუბურხინჯი – “ხიაცხრა”, დიხაზურგა – “აბააკიტი”, თაგილონი – “თაღლანი”, მზიური – “მახუდჯრა”, ეწერი – “ლბაარხა”, ოკვინორე – “ციგტვარა”, პირველი ოტობაია – “ხაშთა”, მეორე ოტობაია – “ბგოურა”, ფიჩორი – “ბჩარა”, განახლება – “მარჩხაპონი”, ლეკუხონე – “ალაკუმხარა” და ა.შ

სოფლებისთვის ქართული(მეგრული) სახელების შეცვლის ინიციატივით ე.წ „აფხაზთა დეპუტატი“, სოხუმის ჰუმანიტარული კვლევების ინსტიტუტის “მეცნიერი” კვარჩია გამოვიდა. უცნაურია, მაგრამ ვალერი კვარჩიამ ქართული ტოპონიმიკის შეცვლის საბაბად, ქართველი მეცნიერის პაატა ცხადაიას შრომები მოიყვანა.

„გალის რაიონში სწორედ ეს სახელებია ისტორიული, არის ჩემი შრომებიც და ცხადაიას შრომებიც. ცხადაია არა მარტო საქართველოში, არამედ საბჭოთა კავშირში ცნობილი მეცნიერია. იგი 60 წლის წინ იწერდა სოფლების ისტორიულ სახელებს. მე, ომამდე, გასული საუკუნის 80-იანი წლებიდან.“

ქართველი ენათმეცნიერი, თბილისის სახელმწიფო უნივერსიტეტის ონომასტიკის სამეცნიერო-კვლევითი ლაბორატორიის გამგე პაატა ცხადაია, გასული საუკუნის 70-იანი წლებიდან სწავლობს სამურზაყანოს ტოპონიმიკას.

მეუღლესთან, ვილენა ჯოჯუასთან ერთად, მან გამოსცა ორი ნაშრომიც: „სამურზაყანოს ისტორიული და თანამედროვე ტოპონიმია“ და „სამურზაყანოს გეოგრაფიული სახელწოდებანი“.
„ამერიკის ხმასთან“ საუბარში ენათმეცნიერი პაატა ცხადაია ამბობს, რომ გაოცებულია მისი ნაშრომების ხსენებით, რადგან გალის სოფლებისთვის დარქმეული ახალი სახელების უმრავლესობა აქამდე არ გაუგია

„სამურზაყანოში არის აფხაზური ტოპონიმია, მაგრამ ის აფხაზური არის ზე-დანალექი, შემდგომი ფენა. ძირითადი სუბსტრატი ანუ ქვედა ფენა – არის მეგრული. ოდიშის მთავრის ლევან მეორე დადიანის (1611-1657) დროს აფხაზები არ ცხოვრობდნენ სამურზაყანოში.

აფაზები შემოვიდნენ და დასახლდნენ სამურზაყანოში მე-17 საუკუნის ბოლოს, ამიტომ მათ მიერ შექმნილი ტოპონიმია მეორადია.

მაგალითად, პირველ ოტობაიას დაარქვეს ხაშთა და ეს სახელი საიდან მოიტანეს?

აზრზე არ ვარ. ხაშთა არც ვიცი რას ნიშნავს. ასეთი სახელები მე იქ საერთოდ არ გამიგონია. რაც სამურზაყანოს სოფლებში აფხაზური იყო არაფერი გამომიტოვებია, ლექსიკონში ყველაფერია.
დიხაზურგა, საბერიო, ჭუბურხინჯი და სხვები ისტორიული სახელებია ილორამდე ანუ მდინარე ღალიძგის მარცხენა ნაპირამდე. იმის აქეთ, მდინარე ენგურამდე კი მთლიანად მეგრელები ცხოვრობდნენ.“

ქართველ ენათმეცნიერთა ნაწილი მიიჩნევს, რომ აფხაზები „ხურდას გვიბრუნებენ“ გასული საუკუნის 30-50-იან წლებში განხორციელებული პოლიტიკის გამო, როცა მთელ რიგ დასახლებულ პუნქტებს აფხაზეთში, სახელი საბჭოთა თბილისის მოთხოვნით შეეცვალა.

ამ მიმართულებით, განსაკუთებით „გამოიჩინა თავი“ სოხუმის ქალაქკომისა და აფხაზეთის ობკომის პირველმა მდივანმა (1943-51) აკაკი მგელაძემ, რომელიც მალევე დააწინაურეს და საქართველოს კომპარტიის ცენტრალური კომიტეტის პირველი მდივანი გახდა (1951-53).

თუმცა, სამართლიანობისთვის უნდა აღინიშნოს, რომ გასული საუკუნის მცდარი პოლიტიკა, უმეტესად გაგრის, გუდაუთის, სოხუმის, გულრიფშისა და ოჩამჩირის რაიონების სოფლებს შეეხოთ და თითქმის არ ჰქონია გავლენა გალის რაიონის ძირძველ ტოპონიმიკაზე.

1992-94 წლებში, ჯერ გაგრის, შემდეგ კი სოხუმის დაცემის შემდეგ, აფხაზებმა 1930-1955 წლებში შეცვლილი ტოპონიმიკის დიდი ნაწილი აღადგინეს, ნაწილი კი გადააკეთეს, თუმცა მაშინ გალის რაიონს არ შეხებიან.

ომის შემდეგ ლესელიძე გახდა გეჩრიფში, განთიადი – ცანდრიფში, ხეივანი – ამზარა, ხოლოდნაია რეჩკა – ბაგრიპსტა, ლიძავა – ლძაა, კოლხიდა – ფსახარა, ბაღნარი – ხიშხა, მიუსერა – მისრა, აგარაკი – ამჟიკუხუა, ჯირხვა – ჯირხუა, კალდახვარა – კალდახუარა, ოქტომბერი – არახუ, ციტრუსოვანი – ამჟასარა, გოგირდწყალი – წკუარა, ხოფი – ხუაპ, ახალსოფელი – ხიპსტა, ლიდა – ჩაბლარხა, ოდიში – აკაპა, თავისუფლება – იაშტხუა, კაკლიანი – არასახუ, გეორგიევსკოე – გიარგიაულ, წებელდა – ცაბალ, გორანა – აბიდზა, კელასური – აბგიძარა, შრომა – გუმა, ზეგანი – ხაბიუ, მთისკალთა – რაშხუა, ახალშენი – აპრა, ოჭუბურე – ხუაჟკიტ, სათავე – აცტიშ, ცუმური – ცვიმკირი, შუბარა – შვაარა, ქვალონი – შახო, ნახშირა – არიჩხუცა, ტბეთი – აჩეიძკუა, სტარუშკინო – ააბტრა, წყურგილი – ადძიხკუა, პავლოვსკოე – ალან, პეტროვსკოე – გუალძა, ბესლეთი – ბასლა, ლეჩკოფი – ლეჩკუაფ, კოდორი – კაციკიტ, ხუმუშქური – ნარზინი, აგარაკი -არაკიჩი, კინდღი – კინდიგ, მეორე ათარა – ათარა არმიანსკაია, ბესლახუბა – ბესლახუ, გუდავა – გუდაა, გუფი – გუპ, გვადა – გუადა, კოჩარა – კუაჩირ, კვიტაული – კუტოლ, მერკულა – მარკულა, მოქვი – მოქვა, ფოქვეში – ფაკუაშ, ტამიში – ტამშ, საჩაჩხალია – ჩაჩხალიაა რხაბლა, საჩინო – საჩინა.

ცნობილი ქართველი ისტორიკოსის სიმონ ჯანაშიას ქალიშვილი, აფხაზოლოგი და კავკასიოლოგი რუსუდან ჯანაშია „ამერიკის ხმასთან“ ამბობს, რომ სამურზაყანოს ისტორიული ტოპონიმიკის შეცვლა შეცდომაა

„მაგალითად, გამარჯვება რომ ერქვას სოფელს ან მსგავი რამ, შეიძლება გადაარქვა, მაგრამ საბერიოს და სხვებს?! ძველი სახელებია ესენი. ვფიქრობ, რომ შეცდომაა და არ არის სწორი. მთავარია შეთანხმება უნდა იყოს იქაურ და აქაურ მეცნიერებს შორის. მერე იქ მცხოვრები მოსახლეობის აზრი გამოკვლეულია თუ არა?! ხოდა, როგორ და რატომ გადაარქვეს მაშინ? არასწორია“

აფხაზ სეპარატისტთა ელიტა ირწმუნება, რომ მათ „ისტორიული სამართლიანობა“ აღადგინეს და ამ პროცესს, ანტიქართულ ან ანტიმეგრულ პოლიტიკასთან არაფერი აკავშირებს. ამის დასადასტურებლად მათ მოჰყავთ, გულრიფშის რაიონში, ეთნიკური სომხებით დასახლებული სოფელი შაუმიანოვკა, რომელსაც ასევე შეუცვალეს სახელი და ცკიბინი დაარქვეს.
სახელები შეეცვალათ გუდაუთასა და გალში მდებარე ორ სოფელს, ერთნაირი სახელით – პრიმორსკოე. ახლა მათ ცკუარა და გუდაა ჰქვიათ.

თუმცა, თუ ოკუპირებულ აფხაზეთში, განსაკუთრებით, სამურზაყანოში დარჩენილი ქართული (მეგრული) მოსახლეობის მდგომარეობას ფართო ჭრილში შევხედავთ, მოსახლეობისა, რომელსაც ფაქტობრივად, აკრძალული აქვს მშობლიურ ენაზე განათლების მიღება, შეზღუდული თავისუფლად გადაადგილების უფლება, ართმევენ „პასპორტებს“ და სოფლებს მასიურად უცვლიან ისტორიულ (ქართულ, მეგრულ) სახელებს, აშკარაა, რომ საქმე გვაქვს მიზანმიმართულ სეგრეგაციასთან ეთნიკური ნიშნით.

ქართული ტოპონიმიკის შეცვლა აფხაზურით
გალის რაიონი

ნაბაკევი – ბათაიგუარა
ეწერი – ლბაარხა
საბერიო – პაპინრხუა
ნაჯიხური – აბააჟვ
ფართონოხორი – აგუარადუ
ჭუბურხინჯი – ხიაცხრა
თაგილონი – თაღლან
მზიური – მახუდჯრა
ცხირი – ცხირ
პირველი ოტობაია – ხაშტა
მეორე ოტობაია – ბგოურა
ფიჩორი – ბჩარა
განახლება – მარჩხაპონ
ზემო ბარღები – ვიადა ბაღრიაპ
საშამუგიო – შამგიაა
საბუთბაიო – ბუთბაკიტ
ქვემო ბარღები – ლადა ბაღრიაპ
ფიცარღალი – აბიცარკუარა
დიხაზურგა – აბააკიტ
ოკვინორე – ციგტვარა
ღუმურიში – გუმრიშ
რეჩხი – რეჩხუ
რეფი – რიაპ
საყოლბაიო – კალგი
პირველი გალი – გალხუჩ გალ
ზემო გალი – გალ აჩაიუა
შეშელეთი – შაშალატ
ლეკუმხარა – ალაკუმხარა
მუხური – მახურ
საბულესკირიო – აბლასკირ
ხუმუშკური – რიშხა
ხუმენი-ნათოფური – ახუშტაარა
ზენი – ლბაა
სალხინო – ლაშტრა
აჩიგვარა – აჩგუაარა
ერისწყალი(მდინარე) – ერცკარ

ევროკომისიამ 2035 წლისთვის ბენზინისა და დიზელის ძრავიანი ავტომობილების აკრძალვის შესახებ კანონის მოსალოდნელი გადახედვის შესახებ განაცხადა, თუმცა, საფრანგეთმა და ესპანეთმა ევროკავშირის ლიდერებს მოუწოდეს, “დარჩნენ სწორ გზაზე”.
ევროკომისია მიუთითბს, რომ ნულოვანი გამონაბოლქვის მქონე ავტომობილები უალტერნატივოა. ეს ყველაფერი Euronews-მა გამოამზეურა ქვეყნების ოფიციალურ წერილზე დაყრდნობით.
ქვეყნები ამტკიცებენ, რომ მიუღებელია 2035 წლისთვის ე.წ. plug in ჰიბრიდებისთვის უპირატესობის მინიჭება, მიუხედავად იმისა, რომ ამას ევროკავშირის წევრი ბევრი ქვეყანა, მათ შორის გერმანია, იტალია და სლოვაკეთი ითხოვენ. მათი თქმით, მხოლოდ ელექტრომობილებზე გადაწყობა მნიშვნელოვნად დააზიანებს ქვეყნების წამყვან ინდუსტრიებს.
წერილში პარიზი და მადრიდი ამტკიცებენ, რომ შიდა წვის ძრავიანი ავტომობილების აკრძალვის გაუქმების შემთხვევაში, ბლოკი ვერ შეძლებს, 2050 წლისთვის სრულად ნახშირბად-ნეიტრალური გახდეს.
საერთო წერილში, საფრანგეთი და ესპანეთი საუბრობენ თანხებზე, რომლებიც უკვე მობილიზებულია დასახული მიზნის მისაღწევად და აცხადებენ, რომ იქმნება “უსამართლო საერთაშორისო კონკურენცია” და “მზარდი ზეწოლა”, რადგან ჩინეთის მიერ იშვიათ ლითონებზე დაწესებული სავაჭრო შეზღუდვები ევროპელი მწარმოებლებისთვის მთავარ შემაფერხებელ ფაქტორად იქცა.
გერმანია, როგორც, ავტოინდუსტრიის გამორჩეული მოთამაშე და BMW-ს, Mercedes Benz-ისა და VolksWagen-ის მარკის ავტომობილების მწარმოებლები, ღიად უჭერს მხარს დიზელსა და ბენზინზე მომუშავე ავტომობილების აკრძალვის გაუქმებას.
იტალიის პრემიერ-მინისტრ ჯორჯია მელონისთვის კანონი “სიგიჟეა”. იმავეს სლოვაკი კოლეგა, რობერტ ფიცოც. ის ამტკიცებს, რომ “მწვანე უტოპია” სლოვაკეთის ავტოინდუსტრიას უქმნის საფრთხეს.

იაპონიის პრემიერ-მინისტრმა, სანაე ტაკაიჩიმ და ჩინეთის პრეზიდენტმა, სი ძინპინმა პირველ შეხვედრაზე განაცხადეს, რომ მათ კონსტრუქციული და სტაბილური ურთიერთობების დამყარება სურთ.
„იაპონია და ჩინეთი იზიარებენ პასუხისმგებლობას რეგიონში მშვიდობისა და კეთილდღეობისთვის. მიუხედავად იმისა, რომ ჩვენს ქვეყნებს შორის სხვადასხვა გადაუჭრელი საკითხი და გამოწვევაა, ვიმედოვნებ, შევძლებთ მათ შემცირებას, ასევე დიალოგისა და თანამშრომლობის გაძლიერებას“, – განაცხადა ტაკაიჩიმ სამხრეთ კორეაში მიმდინარე ეკონომიკური თანამშრომლობის სამიტის ფარგლებში გამართული შეხვედრის დაწყებისას.
ჩინეთის სახელმწიფო მედიის ცნობით, თავის მხრივ, ჩინეთის პრეზიდენტმა, სი ძინპინმა განაცხადა, რომ მზადაა სანაე ტაკაიჩისთან კომუნიკაცია შეინარჩუნოს, რათა ჩინეთ-იაპონიის ურთიერთობები სწორ გზაზე ერთობლივად განვითარდეს.

პრემიერლიგის მეათე ტურში „ლივერპულმა“ შინ „ასტონ ვილა“ 2:0 დაამარცხა. მეკარე გიორგი მამარდაშვილმა პირველად შეინახა „წითლების“ რიგებში კარი „მშრალად“.
მისი თამაში ანალიტიკურმა საიტებმა დადებითად შეაფასეს: sofascore 7.2, flashscore 7.2, whoscored 7.1.
ბირმინგემელთა გოლკიპერის ემილიანო მარტინესის თამაში უარყოფითად შეფასდა: 5.7, 5.6, 5.1.

სამოქალაქო აქტივისტი, გიორგი მუხიგულაშვილი:
პომპეზურად კი დააკავეს 4 ოქტომბრის აქციის ხალხი, სასწრაფოდ თან, ბურჭულაძე კლინიკიდან წაიყვანეს, თვე გადის მალე, სუსი და რა ხდება?
გადატრიალებაო და სუსი გადატრიალების საქმეზე, გადატრიალდით ჯერ, თუ არა?
ჯერ იყო და ასაფეთქებელი შემოიტანეს და 4 ოქტომბერს უნდოდათ ქალაქის აფეთქებაო.
ასაფეთქებელი შემოიტანეს, წაართვა მდინარაძემ და მორჩა, ახალი ვერ იყიდეს და ვერც ადგილზე ააწყვეს?
ან ამ ასაფეთქებლის ფული ვინ დადოო, რატომ არ ამბობს სუსი?
ან გადატრიალებაო და ყაველაშვილის სასახლეში შესვლით ვინ გადატრიალდებოდა?
ყაველაშვილი ხალხმა მილიონ ცხრაასი ათასჯერ გადაატრიალა უკვე ყველა ბრუნვაში, რა გადასატრიალებელი ეგ იყო?
ან იარაღიო, ტყეში ჩაფლეს 4 ოქტომბრისთვისო და როდის აპირებდნენ ამ იარაღის ამოთხრას? 5 ოქტომბერს? 11 ოქტომბერს? 4 ოქტომბრისთვის რომ უნდოდათ, იმის ამოთხრა როდის იგეგმებოდა?
ან, დაფინანსება და ფულიო და ფული სად ჩაფლეს, ვერ იპოვე ჯერ, მამუკა? თუ რა ხდება?
ან ბაჩო ახალაიაო და არიქა, ჩქარა დაკითხვაზეო და აბა, დროზე, ცოლიც დაკითხვაზეო და რაო, ის ჩანაწერი არაა ხო ავთენტური?
და იმ ჩანაწერში რა სცენარიც დაამონტაჟეთ, არაფერი რომ ისე არ წასულა, მამუკა, ანუ, ბიძინას აშინებდით, ივანიშვილს? “აბა, არ იცოდით, ოპოს გეგმებზე არაფერი?
იმ ჩანაწერში 6-ზე დაიწყება შეტაკებაო – 6-ზე, ხალხს ველოდებით მშვიდად ვდგავართო ვნახეთ. იგივე ჩანაწერში, სისხლი დაიღვაროს უნდაო და პირბადეებითაც კი არ იყო ხალხი “აღჭურვილი”.
იმ ჩანაწერში, არიქა არეულობაო, ჭყლეტაო, ამბავიო და ეგაც პირიქით მოხდა, ხალხო აქ დაგველოდეთ მშვიდად, ცოტანი წავიდეთ მხოლოდ ყაველაშვილთანო.
ხოდა, მამუკა, რა ხდება-თქო, ისედაც შეშინებულ ბიძინას აშინებდი მაგ “ჩანაწერით?” თორემ, არც ერთი იქ გაჟღერებული არც კი უცდიათ.
დაფინანსებაო და ავტობუსებიც კი არ იყო რეგიონებისთვის დაფინანსებული.
კვამლის საწინააღმდეგო პირბადეებს ხალხი თავისი ფულით ყიდულობდა.
ფოიერვერკებიც კი არ იყო ნაყიდი.
იარაღი და ასაფეთქებელი კი არა, ის ღობე რომ ჩამოექცათ თავზე, 8 სპეცრაზმელის წინ იდგნენ და ელოდებოდნენ წიწაკის სპრეის როდის შეასხამდნენ.
არადა, კი გყავდათ იქვე მობილიზებული რობოკოპები, ბიჭებო, ერთი არასწორი ნაბიჯი და დალეწავდით, სისხლაც დაღვრიდით, ხო?
თუ სისხლის დაღვრას არ გეგმავდით 4 ოქტომბერს, პროსახელისუფლებო მედიას სისხლის დაღვრაზე რაღაც ბანძი აუდიო რატომ გამოაქვეყნებინეთ?
მაგრამ ხალხს პირბადეც კი არ ჰქონდა.
ხალხის უმრავლესობა რუსთაველზე იდგა.
იქ არქიმანდრიტმა დოროთემ ღიად თქვა რუსთაველზე, სისხლის დაღვრა უნდა ხელისუფლებასო და არ გამოვიდა ეგ ამბავი.
სისხლის დაღვრა არ გამოვიდა და აუდიო კი დარჩა ასე სისხლის დაღვრაზე, ჭყლეტაზე, 6 საათზე და დარჩა და დარჩეს რა როო, – რომელმა თქვით, მამუკამ, თუ ირაკლიმ? ჰა, ბიჭებო?
რაო, ბიძინამ, ამ ამოღებული ფულებიდან რამდენი პროცენტი აიღეთო?
ბომბებს, აფეთქებას, იარაღს, სისხლისღვრას რომ ამარიდეთ და გადატრიალებას, რით დასაჩუქრდებითო?
დაელოდებით, ახლა, ხო, შემოდებთ თაროზე საქმეს და როგორც კი ვიღაც არასწორად გადატრიალდება, ეგრევე მიუსვამთ ბურჭულაძეს 4 ოქტომბრის საქმეზე. ჯერ ვერ გადაწყვიტეთ და ვერ მოიფიქრეთ, ხო, ვის დაადოთ ხელი? თორემ, აქამდე ხომ დაადებდით?
ვინც გაგიჯიუტდებათ, იმას დაადებთ ხელს, რა პრობლემაა, ხომ?
ან მაგრად გაჭამათ ხალხმა და აზრზე არ იყავით რა მოხდებოდა ოთხში და ან ბიძინას დაშინება, მოდიან, მოდიან, მოდიან – აკაცუკები მოდიან, – მაგრად დაგიგეგმავთ.
ხოდა, რაო, ბიჭებო, იმან, ზემოთ, თოხლა?
პირბადეების რევოლუცია მოდისო, ვისი იდეა იყო, არ დაგვიმალოთ.
ჭეშმარიტი აკაცუკი პირბადეში იცნობაო, – ეს უთხარით რა სერიოზული სახით ბიძინას, დამიჯერეთ, გაგამეორებინებთ და ჩაიწერს, უყვარს მაგას აფორიზმები.
იტრიალეთ ახლა, ლოგინში იტრიალეთ და იფიქრეთ, რომელ ყოფილ თანაგუნდელს რამდენ მილიონს აახევთ და რამდენი გამოვა პროცენტი.
ყოველ საღამოს, 8 საათზე, მიწაზე ყურის დადება არ დაგავიწყდეთ…

პრემიერლიგის მეათე ტურში „ლივერპულმა“ საკუთარ მოედანზე „ასტონ ვილას“ 2:0 მოუგო – გიორგი მამარდაშვილმა პირველად შეინახა მერსისაიდულ გუნდში “კარი მშრალად”.
მატჩი ორმხრივი შეტევებით მიმდინარეობდა, თავიდან უფრო სახიფათო მომენტები სტუმრებმა შექმნეს – როჯერსმა ბურთი ძელს გაარტყა, მამარდაშვილმა კი კეშის ვან დეიკისგან რიკოშეტით და როჯერსის დარტყმული ბურთები მოიგერია. აქედან მოყოლებული მასპინძლები იერიშებზე გადავიდნენ, სობოსლაიმ ორი შანსი ვერ გამოიყენა, ეკიტიკეს გოლი თამაშგარეს გამო არ ჩაითვალა, ხოლო კომპენსირებულ დროში სალაჰმა დალაშქრა მარტინესის კარი. ეს „წითლებში“ მისი 250-ე გოლია.
შესვენების შემდეგ სლოტის შეგირდები უკვე უპირატესობას ფლობდნენ, გრავენბერხმა ტორესისგან რიკოშეტით გაუტანა ბირმინგემელებს და საბოლოო ანგარიში დააფიქსირა. ამით შეწყდა ჩემპიონატზე “ლივერპულის” წაგებათა ოთხმატჩიანი სერია.
„ლივერპული“ ჯერჯერობით 18 ქულით მესამე ადგილზეა და მომდევნო შეხვედრას 5 ნოემბერს სახლში, ჩემპიონთა ლიგაზე „რეალთან“ ჩაატარებს.
ლივერპული – ასტონ ვილა 2:0
გოლები: 1:0 სალაჰი (45+1), 2:0 გრავენბერხი (58)
[VIDEO] დავითაშვილმა ისევ გაიტანა – “სენტ-ეტიენი” “რედ სტართან” დამარცხდა
“კრიტიკას ვერ მივიღებ” – სლოტმა “კრისტალ პალასთან” მარცხის შემდეგ მედიასთან ისაუბრა
შეთანხმება მიღწეულია – მარკუს რაშფორდი კარიერას “ბარსელონაში” განაგრძობს
“ვერც კი წარმოიდგენთ, ალისონი ისე გვჭირდება” – “ლივერპულის” ყოფილმა ფეხბურთელმა ბრაზილიელ მეკარეზე ისაუბრა
ამბები, რომლებიც შესაძლოა შაბათ-კვირას გამოგრჩა
ისევ პრემიერ ლიგა თუ ბუნდესლიგა – ჯეკსონს ორი ვარიანტი გამოუჩნდა
“ადამიანი, რომელსაც ჩემს ცხოვრებასა და კარიერაზე უდიდესი გავლენა ჰქონდა, აღარ არის” – 64 წლის ასაკში “ვალენსიას” ლეგენდარული მეკარე გარდაიცვალა
უპირებენ თუ არა გათავისუფლებას სლოტს – ფაბრიციო რომანო “ლივერპულის” მწვრთნელის მომავალზე
უგოლო ფრე ბირმინგემში – “ასტონ ვილა” “ნიუკასლს” დაუზავდა
“როდესაც დავინახე რომ ეს გააკეთა, თვალებს ვერ ვუჯერებდი” – “ლივერპულის” ყოფილმა ფეხბურთელმა მამარდაშვილი გააკრიტიკა
მიქაუტაძე პრემიერლიგის კლუბს შეუთანხმდა – მისი სასწრაფოდ შეძენა ემერიმ მოითხოვა
პსჟ-ს ფეხბურთელი ესპანეთში დაბრუნებას აპირებს
“მეფე ჟორჟმა” გადაწყვეტილება შეცვალა და ჩემპიონთა ლიგაზე მოასპარეზე გუნდში გადავა
[VIDEO] 0:3. ესეც მამარდაშვილის ბრალია? – “ლივერპული” თასიდან “კრისტალ პალასმა” გამოაგდო

ვლადიმერ პუტინის, ალექსანდრ ლუკაშენკოს, სი ძინპინისა და სხვების გევრდით RFS-მა (“რეპორტიორები საზღვრების გარეშე”) “პრესის თავისუფლების მტაცებელთა” 2025 წლის სიაში ბიძინა ივანიშვილი შეიყვანა.
„პრესის თავისუფლების მტაცებლების 2025 წლის სია” წარმოადგენს RSF-ის მიერ “მსოფლიო პრესის თავისუფლების ინდექსის” ნაწილს, რომელსაც ყოველწიულარ აქვეყნებს ავტორიტეტული ორგანიზაცია.
ინდექსი აფასებს პრესის თავისუფლების მდგომარეობას მსოფლიოს მასშტაბით, ხოლო “მტაცებელთა სია” გამოყოფს მათ, ვინც მედიის თავისუფლებას ფეხქვეშ თელავს.
სია სხვადასხვა ინდიკატორის მიხედვით ხუთ კატეგორიადაა დაყოფილი, ესენია: პოლიტიკური, უსაფრთხოების, ეკონომიკური, სამართლებრივი და სოციალური. ბიძინა ივანიშვილი არის მათ გვერდით, ვინც ფინანსურად ანადგურებს მედიას.
“ვინაიდან ისინი ზღუდავენ საინფორმაციო მედიას ან მათზე თვითნებურად ახდენენ სამართლებრივ ზეწოლას, ბრენდან კარი (აშშ-ის ფედერალური კომუნიკაციების კომისიის (FCC) ხელმძღვანელი), ვიცე-პროკურორი სენგ ჰინგი (კამბოჯა) და ქართველი მილიარდერი ოლიგარქი და ყოფილი პრემიერ-მინისტრი ბიძინა ივანიშვილი შედიან 2025 წლის მტაცებლების ამ სიაში”, – ვკითხულობთ RFS-ის ვებ გვერდზე.

ლიგა 2-ის მეცმეტე ტურში „სენტ-ეტიენი“ გასვლაზე „რედ სტართან“ 1:2 დამარცხდა.
სტუმართა გუნდის ნახევარმცველმა ზურიკო დავითაშვილმა გოლი გაიტანა. მან შეუცვლელად ითამაშა – შეფასებები: sofascore 7.5, flashscore 6.5. დავითაშვილის ანგარიშზე მიმდინარე ტურნირის 12 მატჩში 6 გოლია.
„სენტ-ეტიენი“ ამ მომენტისთვის 23 ქულით მესამე ადგილზეა და 8 ნოემბერს „ტრუას“ ესტუმრება.
რედ სტარი – სენტ-ეტიენი 2:1
გოლები: 1:0 დიურანი (1), 2:0 დიურანი (31), 2:1 დავითაშვილი (72)
გამოუყენებელი პენალტი: ხაუი (36, რედ სტარი)
გამოიცანით ვინ მიიღო ყველაზე მაღალი შეფასებები “ნიცასთან” მატჩში
[VIDEO] დავითაშვილმა დუბლი შეასრულა და მატჩის საუკეთესო ფეხბურთელი გახდა
დავითაშვილის “სენტ-ეტიენმა” შინ მარცხი განიცადა
[VIDEO] 6:0. ზურიკომ გაიტანა და თან როგორი გაიტანა!
დავითაშვილის კაცნაკლული “სენტ-ეტიენი” “ანსისთან” განადგურდა
[VIDEO] დაიწყო – წიტაიშვილმა “მეცში” სადებიუტო გოლი გაიტანა
თურქული გრანდი დავითაშვილის შესაძენად ფულს არ დაზოგავს
[VIDEO] ზურიკოს დუბლით “სენტ-ეტიენი” “მონპელიეს” ამარცხებს

უკრაინამ 2022 წელს კიევის ოლქის ქალაქ ბუჩაში მშვიდობიანი მოსახლეობის მასობრივ მკვლელობებში ეჭვმიტანილების – ხუთი რუსი სამხედრო მოსამსახურის ვინაობა დაასახელა. ამის შესახებ RBC-Ukraine მთავარი სადაზვერვო დირექტორატზე დაყრდნობით იტყობინება.

ეჭვმიტანილები არიან რუსეთის არმიის 76-ე დივიზიის 234-ე საჰაერო-სადესანტო-მოიერიშე პოლკის წევრები: ლეიტენანტი იური კიმი, რიგითი ევგენი მეშალკინი, უფროსი სერჟანტი ანატოლი პავლოვი, უფროსი სერჟანტი შამილ ჰასანგულიევი და რიგითი პაველ კრეტინინი.

გამომძიებლების თქმით, ქალაქის ოკუპაციის დროს ეჭვმიტანილებმა 17 მშვიდობიანი მოქალაქე სიკვდილით დასაჯეს, აწამეს ადამიანები და დანაშაულის დაფარვა გარდაცვლილთა ცხედრების დაწვით სცადეს.

„ყველა, ვინც უკრაინელი მშვიდობიანი მოსახლეობის წინააღმდეგ დანაშაულებში მონაწილეობდა, დაისჯება. ვერავინ გაექცევა მართლმსაჯულებას – ჯალათების სახელები უკვე ცნობილია“, – განაცხადა მთავარი სადაზვერვო დირექტორატმა (GUR).
ბუჩაში მომხდარის გამოძიება არ დასრულებულა.

· ბუჩა კიევიდან დაახლოებით 30 კილომეტრში მდებარეობს. 2022 წელს რუსეთის ჯარების უკან დახევის შემდეგ, ქალაქში მრავალი მშვიდობიანი მოქალაქის ცხედარი აღმოაჩინეს. გადარჩენილი თვითმხილველები აცხადებდნენ რუსეთის სამხედროების მიერ სიკვდილით მოქალაქეთა მასობრივი დასჯის, ასევე წამებისა და ძარცვის შემთხვევებზე.
· რუსულმა მხარემ უარყო თავისი არმიის მონაწილეობა მშვიდობიანი მოსახლეობის წინააღმდეგ ჩადენილ დანაშაულებში და კიევი ინციდენტის დადგმაში დაადანაშაულა.თავდაცვის სამინისტროს ვერსიის კითხვის ნიშნის ქვეშ დაყენების გამო, რუსებს სისხლის სამართლის დევნა ემუქრებათ „ყალბი ინფორმაციის“ და „რუსული არმიის დისკრედიტაციის“ მუხლებით.
ფორუმი

პრესის თავისუფლების მტაცებელთა სიაში მოხვდა,- შესაბამის სიას ორგანიზაცია “რეპორტიორები საღვრების გარეშე” (RSF) ავრცელებს.
“ისინი კლავენ, აჩუმებენ, აპატიმრებენ და თავს ესხმიან ჟურნალისტებს, გუდავენ მედიას, აკნინებენ ჟურნალიზმს, ან მის კანონებს იყენებენ პროპაგანდისტული მიზნებისთვის ინფორმაციით მანიპულაციისთვის. კიდევ ერთხელ, 2025 წელს, მედიის პროფესიონალები სულ უფრო მრავალფეროვანი მტაცებლური ტექნიკის სამიზნე გახდნენ…
ისინი მოიცავენ მათ, ვინც წლებია დაუნდობლად დევნიან მედიას – ჩინეთის კომუნისტურ პარტიას და სი ძინპინს, როგორც მის მეთაურს, საუდის არაბეთის მოჰამენ ბინ სალმანს, ვლადიმირ პუტინსა და ალექსანდრ ლუკაშენკოს. ყველა მათგანმა 2025 წელს კიდევ ერთხელ გამოიჩინა თავი ჟურნალისტებისა და მედიის გაუჩერებელი დევნით…
ვინაიდან ისინი გუდავენ მედიას ან მას უკანონო სასამართლო ზეწოლის ობიექტად ხდიან, შეერთებული შტატების ფედერალური კომუნიკაციების კომისიის ხელმძღვანელი ბრენდან კარი, კამბოჯის პროკურორის მოადგილე სენგ ჰეანგი, და ქართველი მილიარდერი ოლიგარქი და ყოფილი პრემიერ-მინისტრი ბიძინა ივანიშვილი შესული არიან 2025 წლის მტაცებელთა სიაში,” – ნათქვამია განცხადებაში.
ბიძინა ივანიშვილთან ერთად სიაში ასევე არიან ჰაიბატულა ახუნძადა (ავღანეთი), ვლადიმირ პუტინი (რუსეთი), დანუელ ორტეგა (ნიკარაგუა), ალექსანდრ ლუკაშენკო (ბელარუსი), ილჰამ ალიევი (აზერბაიჯანი), ალი ხამენეი (ირანი), ნიკოლას მადურო (ვენესუელა), ვიქტორ ორბანი (უნგრეთი), ისრაელის თავდაცვის ძალები, ჩინეთის კომუნისტური პარტია, ალექსანდარ ვუჩინი (სერბეთი), ბურკინა-ფასოს სამხედრო ხუნტა, რეჯეფ თაიფ ერდოღანი (თურქეთი), მარგარიტა სიმონიანი (რუსეთი), ილონ მასკი (აშშ), ხავიერ მილეი (არგენტინა), რობერტ ფიცო (სლოვაკეთი) და სხვები.

ჟურნალისტი, ვიკა ბუკია:
აგერ ანოუკის ერთი საბავშვო ბაღის რეაბილიტაციის თანხა ყელზე უკეთია. ქოცები რომ გადავარდებიან, არქეოლოგები მათ სახლებს გათხრიან. კალაძის სახლში ისეთი სიმდიდრეა, ტუტანხამონის სამარხში ნანახი ბიჟუტერიად მოგეჩვენებათ.

ტვ პირველის ცნობით, მარნეულის მუნიციპალიტეტის, სოფელ შაუმიანის ნუშის ბაღები, “ქართული ოცნების” შინაგან საქმეთა ყოფილ მინისტრს, ვახტანგ გომელაურს ეკუთვნის. როგორც “შაბათის ეთერს” წყარო უყვება, 360 ათას კვადრატულ მეტრ მიწაზე გაშენებული ნუშის პლანტაცია, ყოფილმა პირველმა პოლიციელმა, მეგობარ ძალოვანებთან ერთად რამდენიმე წლის წინ შეიძინა და დიდ ბიზნესიც წამოიწყო.
36 ჰექტარი მიწა, სადაც ნუშის ათასობით ნერგი დარგეს, ოფიციალურად კომპანია “შაუმიანის ნუშის ბაღებს” ეკუთვნის. საჯარო რეესტრის მონაცემებით, კომპანია “შაუმიანი ნუშის” 100 პროცენტიანი წილის მფლობელი კაზრეთელი ბიზნესმენი, შალვა აზარაშვილია, თუმცა, მედიის ცნობით, ის ამ ბიზნესში მხოლოდ ფიქტიური პირია და ვახტანგ გომელაურმა ნუშის პლანტაციები მარნეულში, მის მოადგილე იოსებ ჭელიძესა და დავით კოდელაშვილთან ერთად გააშენა.

ბოლო 30 წლის განმავლობაში რუსეთის მხრიდან ბალტიის ქვეყნებში ბლოკირებული ნავსადგურები და სატრანზიტო დერეფნები საქართველოსთვის კონტრასტული შედარების მაგალითია იმისა, თუ როგორ ცდილობენ ბალტიის ქვეყნები გაარღვიონ და თავი დააღწიონ სატრანსპორტო სფეროში რუსეთის აგრესიულ პოლიტიკას.

ბალტიის ქვეყნების ნავსადგურების 2024-2025 წლების სტატისტიკა ტვირთნაკადების რუსეთის ნაცვლად ევროპულ ბაზარზე წარმატებულ ჩანაცვლებაზე მიუთითებს.
ბალტიის ქვეყნების ნავსადგურები არა მხოლოდ გადარჩნენ, არამედ ევროპულ ჰაბებზე ფოკუსირებით ტვირთბრუნვაც გაზარდეს, რითაც საბოლოოდ უფრო ღრმად ინტეგრირებულები აღმოჩნდნენ ევროპის ეკონომიკაში.
2022 წლის საომარი დაპირისპირების შემდგომ, რეგიონში ტექტონიკური ძვრების შედეგად, ბალტიის ქვეყნების ნავსადგურებიდან პრაქტიკულად გაქრა რუსული და ბელორუსული ტრანზიტი.

აღნიშნული ტენდენციის ფონზე, ევროპულ ლოგისტიკურ წრეებში ბუნებრივად გაჩნდა კითხვა – როგორც საკუთარ, ასევე ბალტიის ქვეყნების ნავსადგურებში, როგორ უნდა შეევსოთ ტვირთების ვარდნით წარმოქმნილი ფინანსური დანაკარგები?

სადღეისოდ პასუხი აშკარაა – ტვირთების სავარაუდო კლება ბალტიის ქვეყნების ნავსადგურებში საკონტეინერო ნაკადების დივერსიფიცირებულმა გადაზიდვებმა დააბალანსა.

რუსეთ-ბელორუსიაზე გამავალი სატრანზიტო დერეფნი, ევროპულ ჰაბებზე, რეგიონულ წარმოებასა და ახალ ინტერმოდალურ მარშრუტებზე დაფუძნებული მოქნილი ლოგისტიკური ხაზებით ჩანაცვლდა.
ბალტიის ქვეყნებში რუსეთის გამქრალი ტრანზიტი არა ერთი, არამედ ოთხი ევროპული ნაკადით ჩანაცვლდა, რომლებმაც ანალიტიკოსების მოსაზრებით, ერთად აღებულმა, არა მხოლოდ ბალტიის ნავსადგურებში, დაკარგული რუსეთის ტრანზიტის ფინანსური დანაკარგები აანაზღაურეს, არამედ ტვირთების გადამუშავების ახალ, რეკორდულ ნიშნულებამდეც მიიყვანეს.

ბალტიის ქვეყნების ნავსადგურებისთვის ერთ-ერთ ასეთ დამაბალანსებელ საკონტეინერო ნაკადს შიდაევროპული ფიდერული საზღვაო ხაზები წარმოადგენს, რომელსაც ტვირთების მომარაგების მიმართულებით „სკანდინავიურ-ჰოლანდიური“ გაძლიერებული ხაზი (როტერდამი – კოტკა – ტალინი/რიგა/კლაიპედა) დაემატა.
2024 წელს კონტეინერმზიდმა X-Press Godavari-მ HHLA TK Estonia-ს ტერმინალის მიმართულებით რეგულარული გადაზიდვები დაიწყო. დღესდღეობით მსოფლიოში უდიდესი კონტეინერმზიდი ოპერატორი X-Press Feeders როტერდამი – ანტვერპენი – ვუოსაარი – მუუგა – კოტკა – როტერდამის მიმართულებაზე ყოველკვირეულ საკონტეინერო გადაზიდვებს ახორციელებს.
ალტერნატიული საწვავის გამოყენებით, X-Press Feeders-მა როტერდამის, ანტვერპენის, კლაიპედას, რიგის, ტალინის, ჰელსინკისა და კოტკას ნავსადგურებთან თანამშრომლობით ბალტიის ზღვაზე ევროპის პირველი მწვანე საზღვაო დერეფანი შექმნა.
გარდა X-Press Feeders-ისა, სხვა მსხვილმა კომპანიებმა, მათ შორის ONE-მა, Unifeeder-მა, MSC-მ და CMA CGM-მა, გაზარდეს რეგიონში მომსახურე გემების სიხშირე და ტევადობა.
ბალტიის ქვეყნების ნავსადგურებისთვის ერთ-ერთ მნიშვნელოვან დამაბალანსებელ საკონტეინერო ნაკადად პოლონეთში, გდანსკის ღრმაწყლოვან ნავსადგურში ფორმირებული ჰაბი ითვლება. მას ასევე გდანსკის ბალტიის ჰაბსაც უწოდებენ, რომელიც აზიური ტვირთებისთვის ბალტიის ზღვის მთავარ კარიბჭეს წარმოადგენს.
შორეული აღმოსავლეთის ნაკადების ნაწილი ამჟამად პოლონეთის ნავსადგურ გდანსკში გადმოიტვირთება და გამანაწილებელი ფიდერული ხაზებით ბალტიის ქვეყნების კლაიპედისა და რიგის ნავსადგურებში გადაიზიდება.

ბალტიის ქვეყნების ნავსადგურებისთვის ერთ-ერთ დამაბალანსებელ მარშრუტად უკრაინის ინტერმოდალური დერეფანი განიხილება. ლიტვის რკინიგზასა (LTG) და „უკრზალიზნიცას“ (უკრაინის კინიგზა) შორის კიევი-კლაიპედას რეგულარული მარშრუტის ამოქმედების შესახებ შეთანხმებამ გზა გაუხსნა ტვირთების ახალ სპექტრს – სოფლის მეურნეობის პროდუქტებიდან დაწყებული მანქანათმშენებლობით დამთავრებული.
ევროპული ეკონომიკის აღდგენის ფონზე, რეგიონული იმპორტისა და ექსპორტის თვალსაზრისით, გაიზარდა ბალტიის ქვეყნების საკუთარი ტვირთების ნაკადები – მათ შორის ყოველდღიური მოხმარების საქონელი, ხის დამუშავებული პროდუქცია, ქიმიური ტვირთები და საავტომობილო ნაწილები.

ბალტიის ქვეყნების ნავსადგურების 2024-2025 წლების სტატისტიკა ტვირთნაკადების წარმატებულ ჩანაცვლებაზე მიუთითებს. ნავსადგურები არა მხოლოდ გადარჩნენ, არამედ კონტეინერიზაციაზე ფოკუსირებით ტვირთბრუნვაც გაზარდეს.
კლაიპედის ნავსადგური შთამბეჭდავ ზრდას აჩვენებს – 2025 წლის ბოლოსთვის ნავსადგური ისტორიულ „პიკს“ 1.3 მლნ TEU ნიშნულს მიაღწევს. ეს განსაკუთრებით მნიშვნელოვანია სანქციებთან დაკავშირებული კალიუმის სასუქების დაკარგვის შემდეგ. ნავსადგურმა შეძლო დაკარგული ტვირთების კონტეინერებითა და Ro-Ro გადაზიდვებით სრულყოფილად ჩანაცვლება.
ადაპტაციის პერიოდთან დაკავშირებული სირთულეების შემდეგ, ლატვიის რიგის ნავსადგურმა აქტიურად გააფართოვა მომსახურების სპექტრი.
2025 წლის დასაწყისში ONE-სა და Unifeeder-ის ალიანსის ხაზებს დაემატა ახალი BBX (Baltic Bridge Express) სერვისი, რომლის ამოქმედებამ რიგის ნავსადგური როტერდამთან, კლაიპედასთან, ტალინთან და კოტკასთან დააკავშირა.

ესტონეთის ნავსადგური ტალინი (მუუგა) ახალ ლოგისტიკურ ჯაჭვებში მყარად ინტეგრირებული აღმოჩნდა. მუუგას ნავსადგურში არსებული HHLA TK Estonia ტერმინალი 2025 წლის თებერვლიდან BBX სერვისის რეგულარული გაჩერების სატრანსპორტო გამანაწილებელ კვანძად გადაიქცა.
ბალტიის ქვეყნების ნავსადგურების მიერ რუსეთთან და ბელარუსთან ურთიერთობების გაწყვეტის შემდეგ, ევროკავშირის ფარგლებში სახაზო საზღვაო გადამზიდავებმა მოკლე და პროგნოზირებად მარშრუტებზე გააკეთეს აქცენტი, რაშიც მნიშვნელოვანი როლი ფინური და შვედური ტვირთების ტრანზიტიდან ანტვერპენისა და როტერდამის პირდაპირ ფიდერულ გემებზე გადამისამართებამ ითამაშა.

ანალიტიკოსების მოსაზრებით, ტვირთნაკადების მომხდარი ტრანსფორმაცია არა უბრალოდ ტვირთის მიმართულების შეცვლაა, არამედ რეგიონში ლოგისტიკური არქიტექტურის ფუნდამენტური ცვლილების მანიშნებელია, რომელიც სასიკეთოდ გამოიყენეს ბალტიის ქვეყნებმა.
transcor.ge

უნგრეთის პრემეირ-მინისტრის, ვიქტორ ორბანის განცხადებით, ევროკავშირი ბიუჯეტის დიდ ნაწილს, რომელსაც წევრი სახელმწიფოებისგან იღებს, უკრაინაში ომის დასაფინანსებლად ხარჯავს.
როგორც უნგრეთის პრემიერ-მინისტრი სოციალურ ქსელში წერს, ეს ნგრევისკენ მიმავალი გზაა და ევროპის ეკონომიკა ღრმა პრობლემებშია ჩაფლული.
„ბრიუსელს საკუთარი ფული არ აქვს. ის ჩვენს ფულს, წევრი სახელმწიფოების ფულს იყენებს უკრაინაში ომის დასაფინანსებლად. ევროკავშირის მომავალი ბიუჯეტის 20%-ზე მეტი უკრაინას უნდა გადაეცეს, მაშინ, როდესაც ევროპის ეკონომიკა ღრმა პრობლემებშია. ომის დაფინანსება ვალებითა და გადასახადების ზრდით სტრატეგია არ არის, ეს დანგრევისკენ მიმავალი გზაა. მშვიდობის დროა, ევროპის აღდგენის დროა!“, – წერს უნგრეთის მთავრობი ხელმძღვანელი.

ევრონესტის დელეგაცია ვერ მიუთითებს ქართველ ხალხს, თუ რა მიმართულებით წაიყვანოს საკუთარი ქვეყნის განვითარება – საქართველოს დელეგაციის გადაწყვეტილება ამ შემთხვევაში არის სწორი
ევრონესტის დელეგაცია ვერ მიუთითებს ქართველ ხალხს, თუ რა მიმართულებით წაიყვანოს საკუთარი ქვეყნის განვითარება. ეს პლატფორმა არასდროს ყოფილა ამ მიზნით შექმნილი, – განაცხადა საქართველოს საგარეო საქმეთა მინისტრმა, მაკა ბოჭორიშვილმა, რითაც გამოეხმაურა „ქართული ოცნების“ გადაწყვეტილებას, ევრონესტის საპარლამენტო პლატფორმაში მონაწილეობა აღარ მიიღოს.
„ძალიან ბევრი ქვეყანა აკლია უკვე აღმოსავლეთ პარტნიორობის ქვეყნებიდან ამ პლატფორმას. საქართველოს დელეგაციის გადაწყვეტილება ამ შემთხვევაში არის სწორი“, – აღნიშნა მაკა ბოჭორიშვილმა.
ევრონესტის რეზოლუციებს, რომელთაგან ერთ-ერთში 2024 წლის საპარლამენტო არჩევნები „გაყალბებულად”, არჩეული ხელისუფლება კი „თვითგამოცხადებულად” არის მოხსენიებული, საქართველოს პარლამენტის თავმჯდომარე შალვა პაპუაშვილი განცხადებით გამოეხმაურა. „საქართველოსადმი მტრული, უსამართლო და პოლიტიკურად მიკერძოებული პოზიციებით ცნობილმა ზოგიერთმა ევროპარლამენტარმა რეზოლუციის ტექსტებში დაამატა ისეთი ჩანაწერები, რაც ყოვლად მიუღებელი და აღმაშფოთებელია ქართული საზოგადოებისთვის”, – დაწერა შალვა პაპუაშვილმა.

აზერბაიჯან-სომხეთის საზღვრის მიმართულებით ზანგეზურის დერეფნის მშენებლობა დასკვნით ეტაპზე გადადის, – ამის შესახებ აზერბაიჯანის პრეზიდენტის თანაშემწემ და პრეზიდენტის ადმინისტრაციის საგარეო პოლიტიკის დეპარტამენტის ხელმძღვანელმა, ჰიქმეთ ჰაჯიევმა განაცხადა.
„აზერბაიჯანი დიდ ძალისხმევას დებს რეგიონული სატრანსპორტო და ლოგისტიკური კავშირების დასამყარებლად“, – წერს ჰაჯიევი სოციალურ ქსელში.
აზერბაიჯანის პრეზიდენტის თანაშემწე ვიდეოსაც აქვეყნებს.

1 ნოემბერს, სერბეთში, ნოვი სადში, რკინიგზის სადგურის სახურავის ჩამონგრევის პირველი წლისთავის გამო ათიათასობით სერბმა ქვეყნის სიდიდით მეორე ქალაქში 16 დაღუპულის ხსოვნას 16-წუთიანი დუმილით მიაგო პატივი.
AFP-ის ჟურნალისტების ცნობით, ზუსტად ტრაგედიის დროს, 2024 წლის 1 ნოემბერს, ნოვი სადის ცენტრში ათიათასობით ადამიანმა დუმილით პატივის სცა მათ ხსოვნას თავყრილობის აქციის დაწყებისას.

სტუდენტები, ომის ვეტერანები და მსხვერპლთა ოჯახის წევრები გვირგვინებით ხელში მყოფი ადამიანების გვერდით იდგნენ სადგურის წინ, სადაც ხალხმა ადრე სანთლები და ყვავილები დადო.

ტრაგედიის შემდეგ, რომელიც ღრმად ფესვგადგმული კორუფციის სიმბოლოდ იქცა, სერბიაში სტუდენტების მიერ ორგანიზებული რეგულარული საპროტესტო აქციები მიმდინარეობს.

მომიტინგეებმა თავიდან გამჭვირვალე გამოძიება მოითხოვეს, თუმცა მათი მოწოდებები მალევე გადაიზარდა ვადამდელი არჩევნების მოთხოვნებში.
სტუდენტებმა ხალხს მოუწოდეს „ყველაზე მასშტაბური სამახსოვრო შეკრებისკენ.“ ბევრი გაემართა ნოვი სადისკენ, ზოგი მანქანით, ზოგი ველოსიპედით და ზოგიც – ფეხით.
ათასობით ადამიანმა ბელგრადიდან იარა, ზოგმა ნოვი პაზარიდან, რომელიც დედაქალაქიდან სამხრეთით დაახლოებით 340 კილომეტრში მდებარეობს. მათ სიმბოლური 16 დღე დასჭირდათ მსვლელობის დასასრულებლად – 16 მსხვერპლისთვის.
პარასკევ საღამოს, ნოვი სადის მაცხოვრებლები ქუჩებში გამოვიდნენ მსვლელობის მონაწილეების მისასალმებლად, სასტვენებითა და დროშებით.

პროტესტმა პრემიერ-მინისტრის გადადგომა, მისი მთავრობის დაშლა და ახლის ფორმირება გამოიწვია. თუმცა, ნაციონალისტი პრეზიდენტი ალექსანდარ ვუჩიჩი უდრეკად ინარჩუნებს თანამდებობას. ადრე ვუჩიჩი დემონსტრანტებს უცხოეთიდან დაფინანსებულ გადატრიალების მომხრეები უწოდა, ხოლო მისი პარტია SNS-ის წევრები შეთქმულების თეორიებს ავრცელებენ და აცხადებენ, რომ რკინიგზის სადგურის სახურავის ჩამონგრევა, შესაძლოა, დაგეგმილი თავდასხმა ყოფილიყო.
თუმცა, 31 ოქტომბერს ტელევიზიით გადაცემულ საჯარო მიმართვაში, ვუჩიჩმა იშვიათი ჟესტი გააკეთა და ბოდიში მოიხადა ისეთი რაღაცების თქმის გამო, რასაც, მისი თქმით, ახლა ნანობს.
„ეს ეხება როგორც სტუდენტებს, ასევე მომიტინგეებს, და ასევე სხვებს, ვისაც არ ვეთანხმებოდი. ამისთვის ბოდიშს ვიხდი“, – განაცხადა ვუჩიჩმა და დემონსტრანტებს დიალოგისკენ მოუწოდა.

მთავრობამ შაბათი ეროვნული გლოვის დღედ გამოაცხადა, ხოლო სერბეთის მართლმადიდებლური ეკლესიის (SPC) მეთაურმა, პატრიარქმა პორფილემ, ბელგრადის წმინდა სავას ეკლესიაში დაღუპულთა ხსოვნის პატივსაცემად წირვა აღავლინა.
მას რამდენიმე ასეული ადამიანი დაესწრო, მათ შორის მთავრობის მინისტრები და ვუჩიჩი. ეკლესიის წინ კიდევ რამდენიმე ათასი ადამიანი შეიკრიბა და მსხვერპლთა ხსოვნის პატივსაცემად სანთლები დაანთო.
ევროკავშირის გაფართოების კომისარმა, მარტა კოსმა X-ზე გამოაქვეყნა პოსტი, სადაც ნათქვამია, რომ „ტრაგედია სერბეთს ცვლის“.
„ამან მასები აიძულა, ანგარიშვალდებულების, გამოხატვის თავისუფლებისა და ინკლუზიური დემოკრატიის დასაცავად გამოსულიყვნენ. ეს იგივე ღირებულებებია, რომლებსაც სერბეთი ევროკავშირში გაწევრიანებისკენ მიჰყავს“.

სექტემბერში, შენობის ჩამონგრევის საქმეზე, ბრალი 13 ადამიანს წაუყენეს, მათ შორის, მშენებლობის ყოფილ მინისტრს, გორან ვესიჩს.
გამოძიებასთან ერთად – რომელსაც ევროკავშირი უჭერს მხარს და რომელიც პროექტში ევროკავშირის სახსრების შესაძლო ბოროტად გამოყენების შესახებ მიმდინარეობს – გრძელდება ცალკე ანტიკორუფციული გამოძიებაც.

ფორუმი

ბოლო წლებში ოპოზიციური სპექტრის მიერ არაერთი შეცდომა იქნა დაშვებული, რამაც „ქართული ოცნების” რეჟიმის გახანგრძლივებას შეუწყო ხელი, – ამის შესახებ „საქართველოს ევროპული ორბიტის“ აღმასრულებელი დირექტორი, ნინო ლომჯარია სოციალურ ქსელში წერს.
მისი თქმით, ოპოზიცია კრიტიკულად მნიშვნელოვან საკითხებზე ვერ ახერხებს შეთანხმებასა და რეჟიმთან სწორი ტაქტიკით ბრძოლას.
„მინდა გაგიზიაროთ ჩემი მოსაზრება, რა არის გასაკეთებელი და რა უნდა იყოს მომავლის გეგმა, ჯერ დავიწყებდი დაშვებული შეცდომებით:
ბოლო წლებში ოპოზიციური სპექტრის მიერ არაერთი შეცდომა იქნა დაშვებული სტრატეგიულად მნიშვნელოვან საკითხებზე, რამაც “ქართული ოცნების” რეჟიმის გახანგრძლივებას შეუწყო ხელი. მაგალითად, 2024 წლის საპარლამენტო არჩევნებზე ოპოზიცია მაქსიმუმ 2 ძლიერ ბანაკად უნდა გაერთიანებულიყო და არა 4-5 ალტერნატივად. ამ ცხადი საზოგადოებრივი დაკვეთის უგულებელყოფამ გამოიწვია ის, რომ ფრაგმენტირებულმა ოპოზიციამ ვერ მოახერხა საარჩევნო უბნებზე ხმების უკეთ დაცვა, ხოლო, არჩევნების გაყალბების შემდგომ ფრუსტრირებულმა საზოგადოებამ წყენა და უნდობლობა ისევ ოპოზიციის მისამართით მიმართა.
ასევე, 2025 წლის თვითმმართველობის არჩევნებზე რეჟიმის ამოცანა არ იყო არჩევნებში ოპოზიციას მიეღო, ან არ მიეღო მონაწილეობა, რეჟიმის ამოცანა იყო – ოპოზიციის ნაწილს მიეღო და ნაწილს არ მიეღო მონაწილეობა. ფაქტია, ეს მიზანი ოპოზიციის ურთიერთდაპირისპირებული სტრატეგიის შედეგად მიღწეულ იქნა.
მე არ ვაპირებ გავარჩიო, ვინ მეტად იყო ამ ყველაფერში დამნაშავე და ვინ ნაკლებად, რადგან ამაზე დავა არაფრის მომტანია. მე უბრალოდ ვამტკიცებ, რომ უკვე წლებია, რაც ოპოზიცია კრიტიკულად მნიშვნელოვან საკითხებზე ვერ ახერხებს შეთანხმებას და რეჟიმთან სწორი ტაქტიკით ბრძოლას.
ეს გარემოება ასევე ძალიან დიდ დარტყმას აყენებს საერთაშორისო საზოგადოების მხრიდან მხარდაჭერას. დასავლეთის მხარდაჭერა ქართველი ხალხის მიმართ უპირობო და ერთსულოვანია, თუმცა, დასავლეთმა არ იცის, ვის ან რა პროცესებს დაუჭიროს მხარი, ვინაიდან არ არსებობს ერთიანი მოთხოვნები, ერთიანი სტრატეგია, ერთიანი გუნდი, რომელიც ქართველი ხალხის საპროტესტო, პროევროპულ ხმას გამოხატავს”,- წერს ნინო ლომჯარია.
ნინო ლომჯარიას შეფასებით, ახლა ოპოზიციამ უნდა დაიწყოს მზადება მომავალი საპარლამენტო არჩევნებისათვის.
„ახლა, რა არის, ჩემი აზრით, გამოსავალი. რა უნდა გაკეთდეს: უნდა დაიწყოს მზადება მომავალი საპარლამენტო არჩევნებისთვის. არჩევნები ჩაინიშნება ზეგ, მომავალ გაზაფხულზე, შემოდგომაზე, თუ 3 წელიწადში, არა აქვს მნიშვნელობა, ნებისმიერ შემთხვევაში მას სჭირდება მომზადება, რაც ნომერ პირველი ამოცანა უნდა იყოს! მომზადება გულისხმობს: ა. წინააღმდეგობის იდეის გარშემო შეკრებილი ადამიანების ერთობას, საზოგადოებრივი დაკვეთის გათვალისწინებით ერთიან სიას; ბ. პოლიტიკური გუნდის ხედვების მომზადებას და საზოგადოებასთან ეფექტურ კომუნიკაციას – საზოგადოებისთვის ნათლად ახსნას, რა სიკეთეს მოიტანს მათთვის პოლიტიკური ცვლილებები, მათ შორის ხედვების წარმოდგენას გარდამავალი მართლმსაჯულების, სოციალურ-ეკონომიკურ და უსაფრთხოების საკითხებზე; გ. არჩევნებზე სანდო დამკვირვებლების მონაცემთა ბაზის შექმნას და მათ მომზადებას.
ამასთან, უნდა შეწყდეს მოკავშირეების/პოტენციური მოკავშირეების მიმართ სიძულვილის გაღვივება, დაუსრულებელი ბრალდებები, თავდასხმები, კუდიანების და აგენტების იარლიყის მიკერება;
პარალელურად, პროტესტის გაგრძელება სასიცოცხლოდ აუცილებელია; უნდა გაგრძელდეს უკანონოდ დაკავებულთა, უკანონოდ გათავისუფლებულთა და სხვაგვარად რეპრესირებულთა უფლებებისთვის ბრძოლა როგორც ქვეყნის შიგნით, ისე საერთაშორისო სასამართლოში; პოლიტიკური ბრძოლის იარაღი მხოლოდ მშვიდობიანი წინააღმდეგობაა. შედეგები: საზოგადოების საპროტესტო ენერგიის კონსოლიდაცია ერთიანი პოლიტიკური ხედვის და იდეის გარშემო.
აქტივისტებისთვის საკუთარი როლის და ადგილის პოვნა წინააღმდეგობის ორგანიზებულ ინიციატივაში; ნიჰილიზმის ჩანაცვლება ქმედებით; საზოგადოების როლის ზრდა პოლიტიკურ გადაწყვეტილებებში; რეჟიმის მიმართ ორგანიზებული წინააღმდეგობის გაწევა, რის მიმართაც ყველაზე მეტად მოწყვლადები არიან“,- წერს ნინო ლომჯარია.

შინაგან საქმეთა სამინისტრომ, რუსთაველის გამზირის ხელმეორედ გადაკეტვისთვის გუშინ დაკავებული ერთი პირის, ზურაბ მენთეშაშვილის მიმართ გამოძიება სისხლის სამართლის წესით დაიწყო.
უფრო კონკრეტულად, შსს-ს ინფორმაციით, გამოძიება სისხლის სამართლის კოდექსის 347-ე მუხლის პირველი ნაწილით დაიწყო, რაც შეკრების ან მანიფესტაციის ჩატარების წესის დარღვევას გულისხმობს.
„2025 წლის 31 ოქტომბერს, შინაგან საქმეთა სამინისტროს თანამშრომლების მიერ დაკავებულ იქნა მოქალაქე ზურაბ მენთეშაშვილი, რომელიც იმხილება საპროტესტო აქციის დროს გზის განმეორებით გადაკეტვაში.
აღნიშნული პირი, 2025 წლის 24 ოქტომბერს ანალოგიური ქმედებისთვის დაკავებული იქნა ადმინისტრაციული წესით და სახდელის სახით შვიდდღიანი პატიმრობა შეეფარდა.
შესაბამისად, ქმედების განმეორებით ჩადენის გამო, მის მიმართ დაიწყო გამოძიება სისხლის სამართლის კოდექსის 347-ე მუხლის პირველი ნაწილით, რაც შეკრების ან მანიფესტაციის ჩატარების წესის დარღვევას გულისხმობს“,- ნათქვამია განცხადებაში.

ქარის ენერგიამ გაერთიანებული სამეფოს ენერგიის ხარჯები, 2010 წლიდან დღემდე, სულ მცირე 104 მილიარდი გირვანქა სტერლინგით შეამცირა – ამის შესახებ ლონდონის საუნივერსიტეტო კოლეჯის კვლევაშია აღნიშნული. ანგარიშიდან ასევე ირკვევა, რომ ამ სარგებლის ყველაზე დიდი ბენეფიციარები, ბუნებრივი აირის მომხმარებლები არიან.
როგორც ირკვევა, 2010-2023 წლებში ქარის ენერგიის გენერაციის წყალობით, ელექტროენერგიის გადასახადები £14.2 მილიარდით შემცირდა, ვიდრე იმავე სიმძლავრის ენერგიის წარმოება გაზის ელექტროსადგურის გამოყენებით დაჯდებოდა.
კიდევ უფრო საგულისხმოა, რომ კვლევის თანახმად, გაზის გაიაფებით, რასაც წინ, ქარის ენერგიის წყალობით გაზზე მოთხოვნის შემცირება და ახალი ინფრასტრუქტურის საჭიროების არარსებობა უსწრებდა, £133.3 მილიარდი დაიზოგა.
იგივე პერიოდში, მომხმარებლებმა დაახლოებით £43.2 მილიარდი ფუნტი სტერლინგი გადაიხადეს მწვანე სუბსიდიების სახით, რომლებიც, გაზზე გადასახადების ნაცვლად, ელექტროენერგიის გადასახადებზე იყო დაწესებული. მკვლევრების თქმით, საბოლოო შედეგი 13-წლიანი პერიოდის განმავლობაში ენერგიის გადასახადების £104.3 მილიარდით შემცირება იყო.
საქმე ისაა, რომ ევროპის მასშტაბით განახლებად ენერგიაზე მოთხოვნის ზრდამ, გაზის როგორც მოხმარება, ასევე ღირებულება მნიშვნელოვნად შეამცირა. ელექტროენერგიის კომპანიებს ბუნებრივ აირზე მომუშავე, ძვირად ღირებული ელექტროსადგურების აშენება აღარ უწევთ.
ანალიზი 2010-2023 წლებს მოიცავს, თუმცა მასში გათვალისწინებული არ არის 2022 წელს რუსეთის უკრაინაში შეჭრის შემდეგ გაზის ფასის ცვლილების ტენდენციები.
კვლევის თანაავტორი აღნიშნავს, რომ ანგარიშით დასტურდება, თუ როგორ მოუტანა ქარის ენერგიამ გაერთიანებულ სამეფოს მნიშვნელოვანი ფინანსური სარგებელი. მეტიც, მისი თქმით, £104 მილიარდი ფუნტის წმინდა სარგებელი აღემატება იმ თანხას, £90 მილიარდს, რომელიც გაერთიანებულმა სამეფომ გაზზე დახარჯა.
bm.ge

ბოლო წლებში თურქეთი Uber-ისთვის ერთ-ერთ მნიშვნელოვან ბაზრად იქცა.. გადაზიდვებისა და ტაქსის სერვისების გამცემი ამერიკული კომპანია Uber Technologies თურქეთში $200 მილიონის ინვესტიციას განახორციელებს.
თურქეთის ინდუსტრიისა და ტექნოლოგიის სამინისტროს ცნობით, ქალაქ სტაბმულში ტექნოლოგიური განვითარების ცენტრი შეიქმნება, თავად საინვესტიციო პერიოდი კი 5 წელი იქნება.
$200-მილიონიანი ინვესტიციის განხორციელებით Uber-ს ანატოლიის ნახევარკუნძულზე პოზიციების გამყარება და ევროპა-აზიის გადაკვეთის წერტილში ტექნოლოგიური ინფრასტრუქტურის განვითარება სურს. გარდა ამისა, კომპანია ტექნოლოგიურ სფეროში თურქულ ტალანტს მოიზიდავს და Uber-ის განვითარების პროცესში ჩართავს.
შეგახსენებთ, Uber-ს ამერიკის შეერთებული შტატებს ფარგლებს გარეთ კიდევ 3 სხვა ტექნოლოგიური ჰაბი აქვს შექმნილი: ბრაზილიაში, ინდოეთში და ნიდერლანდებში.

პირველ რიგში, მადლობა მინდა გადაგიხადოთ გასული 4 წლის განმავლობაში ნაყოფიერი მუშაობისთვის და დარწმუნებული ვარ, მომავალი ოთხი წელიწადი იქნება ამ ქალაქის ისტორიაში საუკეთესო.
ჩემი პოლიტიკური გამოსვლა არ იქნება დაკავშირებული მხოლოდ დედაქალაქის საკითხებთან. მე მინდა ზოგად პოლიტიკურ საკითხებს შევეხო და თუ აინტერესებს ჩვენს ოპონენტებს თუ აინტერესებს რატომ ვართ წარმოდგენილი ამდენი რაოდენობით დედაქალაქის საკრებულოში „ქართული ოცნება“, მათ ვეტყვი, რომ ჩვენსა და მათ შორის იმხელა განსხვავებაა მორალურად, როგორც ადამიანობასა და არადამიანობას შორის.
აქამდე მათ ხომ ვეძახდით უსამშობლოებს, უღმერთოებს. ახლა აღმოჩნდა, რომ ეს ადამიანები არიან უსისხლო ლეშიჭამია სვავები, რომლებსაც ადამიანის ცხოვრება, ადამიანის სიცოცხლე არაფრად არ უღირთ და მხოლოდ იმიტომ. რომ ადამიანს შეიძლება პოლიტიკური შეხედულება მათგან ჰქონდეთ განსხვავებული, ამის გამო მის ოჯახს და მას თავზე გადაუარონ და ისეთი სიტყვებით მოიხსენიონ, როგორი სიტყვებითაც ისინი სოციალურ ქსელში ბოლო პერიოდის განმავლობაში იხსენებიედნენ ერთ-ერთ ჩვენს მეგობარს, თანამებრძოლს, რომელიც უდროოდ წავიდა ამ ქვეყნიდან.
ეს ე.წ. სინდისის პატიმრები ვინც იყვნენ, მაგათგან მოდიოდა და მე, ბატონო კახი, თქვენ როგორც პარტიის გენერალურ მდივანს, გთხოვთ, ჩვენი გუნდის სახელით იცოდეთ, რომ ის საქმე, რომელიც დაიწყეთ, პოლიტიკურად მათი განადგურების ნაწილში, იცოდეთ, რომ ჩვენ გიდგავართ გვერდით. ჩვენს უკან ძალიან ბევრი ადამიანია და მე დარწმუნებული ვარ, რომ ის პოლიტიკური სარეველა, რომელიც ამ ქვეყანას ახრჩობს ბოლო პერიოდის განმავლობაში, ერთხელ და სამუდამოდ მოისპობა და დაისვენებს ეს ქვეყანა და ის განვითარება სხვადასხვა მიმართულებებით, რომელიც აქ ვახსენეთ, გაორმაგდება და გასამმაგდება.
იმედს ვიტოვებ, რომ ეს იქნება მიყვანილი ბოლომდე. კიდევ ერთხელ გიხდით მადლობას იმ პრინციპული პოზიციებისთვის, რომელსაც ბოლო პერიოდის განმავლობაში ჩვენ ვხედავთ. გვიგულეთ თქვენს გვერდით და დარწმუნებული ვარ, რომ ჩვენ ერთად ვიცხოვრებთ ბევრად კარგ სახელმწიფოში მათ გარეშე.

2001 წლის 11 სექტემბრის თავდასხმების შემდეგ, ამერიკამ ტერორიზმს ომი გამოუცხადა. ამ ომის ერთი ეპიზოდი, ავღანეთის ოპერაცია, 20 წელი გაგრძელდა. ავღანეთიდან ჯარის გამოყვანის შემდეგ, ისმის კითხვები, შეიძლება თუ არა, ეს ომი დამთავრებულად და ქვეყანა უფრო დაცულად მივიჩნიოთ.

ფოთის ურბანული გარემო ძირითადად ხასიათდება განაშენიანების დაბალი სიმჭიდროვით – ამის შესახებ აღნიშნულია ფოთის განვითარების ხედვის დოკუმენტში.
ამავე დოკუმენტის თანახმად, კვლევითი ეტაპის მიმდინარეობისას გამოიკვეთა, რომ გარდა განაშენიანებისა, ადგილზე შეინიშნება საზოგადოებრივი, კულტურული და კომერციული ტიპის ობიექტების სიმცირე ცენტრალური უბნების კონკრეტულ არეალებში.
„ზღვის, ტბისა და მდინარეების სანაპირო ზოლებში განაშენიანება არ არის განვითარებული. ძირითადად, ამგვარი ტერიტორიები, გრინფილდებით, ბრაუნფილდებით, მოქმედი საწარმო ტერიტორიებით და იშვიათად, სარეკრეაციო სივრცეებითაა წარმოდგენილი.
გამოიკვეთა პორტის, საწარმო და სასაწყობე ინფრასტრუქტურის სიახლოვე ქალაქის საცხოვრებელი უბნების მიმდებარედ, რაც ხშირად პრობლემურ არეალებს წარმოქმნის. ძირითადად ასეთი სივრცეები კუნძულის ჩრდილოეთით, პორტის მიმდებარედ და ნაბადის უბანშია წარმოდგენილი, სადაც ინდუსტრიული განვითარება უშუალოდ ესაზღვრება საცხოვრებელს. კერძოდ, უნდა აღინიშნოს: მდ. რიონის სანაპიროზე მდებარე ნაგავსაყრელის სიახლოვე განაშენიანებასთან, ნავთობის ტერმინალის მიჯნა მრავალბინიან განაშენიანებასთან, რკინიგზის სადგურთან არსებული უბნის ხმაურით დაბინძურება და ჰაერის დაბინძურება თევზის ქარხნების სიახლოვეს“, – აღნიშნულია დოკუმენტში.
გარდა ამისა, ფოთის განვითარების ხედვის დოკუმენტში საუბარია ფოთში არსებულ სოციალურ და დემოგრაფიული პრობლემებზეც. კერძოდ, დოკუმენტის თანახმად, ადგილზე ცალსახად გამოვლინდა მოსახლეობის სტაბილური კლება, დაბალი შობადობა, დემოგრაფიული დაბერება და ეთნიკური ჰომოგენიზაცია, ამავდროულად კრიმინოგენური ფონი ქალაქში დაბალია.
„სოციალური ინფრასტრუქტურისა და სერვისების მხრივ ქალაქი ფოთი არათანაბრადაა განვითარებული. ასე მაგალითად, კუნძულისა და ცენტრის უბნები უკეთესი პირობებით სარგებლობენ პერიფერიებთან შედარებით. სოციალური ინფრასტრუქტურის არაპროპორციულ განთავსებასთან ერთად ასევე არსებობს გარკვეული კომპონენტების დეფიციტიც, ყველაზე თვალსაჩინო მათ შორის, ფოთში სამშობიაროს არარსებობაა.
ამასთანავე, ფოთში ფიქსირდება ახალი სოციალური ინფრასტრუქტურის მოწყობაც, ახალი ბაღებისა და სპორტული ობიექტების სახით – მაგ. საცურაო კომპლექსი ცენტრის უბანში. აქვე უნდა აღინიშნოს შიდასაუბნო სარეკრეაციო და სპორტული ობიექტების მოწყობა ნაბადისა და მალთაყვის მრავალბინიანი განაშენიანების ეზოებში. აღნიშნული ორი ასპექტის მხრივ ქალაქი არაერთი გამოწვევის წინაშეა: ბუნებრივი მატების უარყოფითი მაჩვენებლები, მიგრაცია, ინფრასტრუქტურული პრობლემები ნაბადასა და მალთაყვის უბნებში, მიუსაფარი ძაღლების რაოდენობის ზრდა და სამედიცინო მომსახურების უკმარისობა“, – ვკითხულობთ დოკუმენტში.
bpn.ge

World Justice Project-ის მიერ გამოქვეყნებული კანონის უზენაესობის მსოფლიო რეიტინგით საქართველო 52-ე პოზიციაზეა და მიუხედავად 2 მაჩვენებლიანი კლებისა, ის ლიდერის პოზიციას ინარჩუნებს აღმოსავლეთ ევროპისა და ცენტრალური აზიის რეგიონში (რომელში შემავალ ქვეყნებსაც მედია არ ასახელებს). თუმცა, “მითების დეტექტორის” ინფორმაციით, საქართველო ასევე ხვდება იმ ქვეყნების ათეულში, რომელსაც 2024-2025 წლებში რეიტინგში ყველაზე დიდი კლება აქვს. ამის შესახებ კი სამთავრობო მედიის მიერ გამოქვეყნებულ სტატიებში არაფერია ნათქვამი.
“მითების დეტექტორი” წერს, რომ 2015 წელთან შედარებით, ქვეყნისთვის მინიჭებული შეფასება 0.08 ქულით არის გაუარესებული და ვარდნა გრაფიკზეც შესამჩნევია.
World Justice Project მსოფლიოს 143 ქვეყანაში სამართლის უზენაესობას აფასებს. კვლევის მეთოდოლოგიის მიხედვით, ინდექსი სამართლის უზენაესობას აფასებს რვა კომპოზიტური ფაქტორით, რაც 44 ქვე-ფაქტორს მოიცავს. ინდექსის შედგენისას შესაფასებელი რვა კომპოზიტური ფაქტორია: მთავრობის ძალაუფლების შეკავება (Constraints on Government Powers), კორუფციის არარსებობა, ღია მმართველობა, ფუნდამენტური უფლებები, წესრიგი და უსაფრთხოება, რეგულირება (Regulatory Enforcement), სამოქალაქო სამართალი, სისხლის სამართალი. გარდა ამისა, ქვეყნები იყოფიან შვიდ გეოგრაფიულ რეგიონად და შემოსავლის ოთხ ჯგუფად. საქართველო ხვდება აღმოსავლეთ ევროპისა და ცენტრალური აზიის კატეგორიაში, რომელშიც შემდეგი ქვეყნები ერთიანდებიან: საქართველო, მონტენეგრო, კოსოვო, ჩრდილოეთ მაკედონია, ყაზახეთი, მოლდოვა, ბოსნია და ჰერცეგოვინა, უზბეკეთი, ალბანეთი, უკრაინა, სერბეთი, ყირგიზეთის რესპუბლიკა, ბელარუსი, თურქეთი, რუსეთის ფედერაცია. ორგანიზაციის მიერ რეგიონს მიკუთვნებულ 15 ქვეყანას შორის საქართველო კანონის უზენაესობის შეფასებით ლიდერია და 0.58 ქულა აქვს მინიჭებული.
გეოგრაფიული დაყოფისას სხვადასხვა კვლევაში ქვეყნების განსხვავებულ გადანაწილებას ვხვდებით. ხშირად აღმოსავლეთ ევროპის რეგიონის ქვეყნებში არ ხვდება ბალტიისპირეთის სამი ქვეყანა, ჩეხეთი, ბულგარეთი, პოლონეთი, რუმინეთი და სხვა ისეთი სახელმწიფოები, რომელიც კვლევების ნაწილში ამ რეგიონის ნაწილად განიხილებიან. გამოქვეყნებულ სტატიებში არ არის განმარტებული, რომელი ქვეყნები შედის აღმოსავლეთ ევროპისა და ცენტრალური აზიის რეგიონში.
ანგარიში სხვადასხვა ქვეყანაში კანონის უზენაესობის მაჩვენებელს 2015 წლიდან აფასებს. საქართველო ბოლო ერთ წელში ორი პოზიციით ჩამოქვეითდა. “მითების დეტექტორი” წერს, რომ ანგარიშში აშკარაა ტენდენცია, რომ ბოლო 10 წელში (2015-2025) საქართველოს შედეგი უარესდება და ქვეყანამ 28-ე პოზიციიდან 52-ე პოზიციაზე გადაინაცვლა. 2015 წელს ქვეყნის ქულა 0.66 იყო, 10 წლის შემდეგ კი 0.58.
2020-2021 წლებში საქართველომ თავისი შედეგი 0.01 ქულით გააუმჯობესა, თუმცა მომდევნო წელს ისევ დაუბრუნდა 2020 წლის შედეგს. განსაკუთრებით შესამჩნევი ვარდნა 2016-დან 2017 წლამდე პერიოდში ფიქსირდება, როდესაც საქართველოს მაჩვენებელი 0.05 ქულით უარესდება. აღსანიშნავია, რომ 10 წელში საქართველოს შედეგის გაუარესება ჩანს იმ ვიზუალურ მასალეზეც, რომელსაც მედიები და ექსპერტები ავრცელებენ.
2015 წელს World Justice Project-მა სამართლის უზენაესობა 102 ქვეყანაში შეაფასა და მათი რიცხვი მომდევნო წლებში გაიზარდა. 2016–2017/18 წლებში, მაშინ როდესაც საქართველოს შედეგი მკვეთრად გაუარესდა, ორგანიზაციამ 113 ქვეყნა შეისწავლა. რადგან ამ პერიოდში შესასწავლი ქვეყნების რაოდენობა უცვლელი იყო, საქართველოს შედეგის გაუარესების ახსნა კვლევის მეთოდოლოგიის ცვლილებითა და ქვეყნების ჩამონათვალის გაზრდით ვერ აიხსნება.
კომპოზიტური ფაქტორების მიხედვით, საქართველოს ყველაზე დაბალი ქულა (0.49) მთავრობის ძალაუფლების შეკავების (Constraints on Government Powers) მიმართულებით აქვს, ყველაზე მაღალი ქულა (0.78) კი წესრიგისა და უსაფრთხოების მაჩვენებლით. ქვეყანა 10 წლის განმავლობაში რეგიონში ლიდერ პოზიციას იკავებს.
ირკვევა, რომ World Justice Project-ის სრულ ანგარიშში საქართველო დასახელებულია იმ ქვეყნებს შორის, რომლებმაც 2024-2025 წლებში ყველაზე დიდი უკუსვლა განიცადეს (გვ. 25). ქვეყანამ ბოლო წელს სამართლის უზენაესობის მაჩვენებლის 2.4%-იანი შემცირება დააფიქსირა.
როგორც “მითების დეტექტორი” წერს, რამდენიმე ქვეფაქტორში საქართველო როგორც თავისი გეოგრაფიული რეგიონის, ასევე მსგავსი შემოსავლის ქვეყნებსაც ჩამორჩება (გვ. 47). მაგალითად, სამსახურებრივი გადაცდომებისთვის სანქცირების შეფასებით, საკუთრების უფლების დაცვის, არადისკრიმინაციულობით და სისხლის სამართლის სფეროზე მთავრობის გავლენის არარსებობის კუთხით საქართველო ჯგუფის სხვა ქვეყნებთან შედარებით დაბალ მაჩვენებელს აფიქსირებს.
როგორ ყალიბდება კანონის უზენაესობის ინდექსი და რა წერია კვლევის მეთოდოლოგიაში? – სრულად ნახეთ აქ:
· მითების დეტექტორი: 28 ოქტომბერს პროსახელისუფლებო მედიებმა (1; 2; 3; 4; 5) და საინფორმაციო სააგენტოებმა (1; 2; 3; 4; 5), პირველმა არხმა და აჭარის საზოგადოებრივმა მაუწყებელმა, ასევე ირაკლი კობახიძემ გაავრცელეს ინფორმაცია, რომ ორგანიზაცია World Justice Project-ის “კანონის უზენაესობის რეიტინგით” საქართველო აღმოსავლეთ ევროპისა და ცენტრალური აზიის რეგიონის ლიდერია. აღსანიშნავია, რომ მედიები ინფორმაციას იდენტური დექსტებით ავრცელებენ და მიუთითებენ, რომ მსოფლიო რეიტინგში საქართველო 52-ე ადგილს იკავებს, თუმცა აღმოსავლეთ ევროპისა და ცენტრალური აზიის რეგიონში პირველ ადგილზეა. ასევე, ინდექსით ქვეყანა უსწრებს ევროკავშირის რამდენიმე წევრ და კანდიდატ სახელმწიფოსაც. ესენია: ბულგარეთი და უნგრეთი, მოლდოვა, უკრაინა, ალბანეთი, მონტენეგრო, სერბეთი და ბოსნია და ჰერცეგოვინა. მედიები კვლევის შესახებ ინფორმაციის გავრცელებისას იმასაც აღნიშნავენ, რომ ბოლო წელს საქართველო ორი მაჩვენებლით დაქვეითდა, თუმცა რეგიონის ლიდერის პოზიცია მაინც შეინარჩუნა.
tvpirveli.ge

Footmercato-ს ინფორმაციით, ზაფხულის სატრანსფერო ფანჯრის პერიოდში “პარიზის” 34 წლის ფრანგი ნახევარმცველი ნ’გოლო კანტე შესაძლოა, სამშობლოში დაბრუნდეს.
გამოცდილი შუახაზელის დამატების სურვილს უძლიერესთა შორის აღზევებული “პარიზი” გამოთქვამს. კანტეს საუდის არაბეთის კლუბთან კონტრაქტი 2026 წლის ზაფხულში ეწურება და ამ ეტაპზე მის გაგრძელებას არ აპირებს.
კანტემ, რომელიც “ალ-იტიჰადს” 2023 წელს “ჩელსიდან” თავისუფალი აგენტის სტატუსით შეუერთდა, მიმდინარე სეზონში 10 შეხვედრაში მიიღო მონაწილეობა და 1 გოლი გაიტანა.
“ფეხბურთელს, რომელსაც ამდენი ნაკლი აქვს, ეს ფასი უნდა ღირდეს?!” – მენომ პსჟ-ის მოთამაშე გააკრიტიკა
“ზაბარნი იხრჩობა და თავდაჯერებულობას კარგავს” – ფრანგული მედია უკრაინელს აკრიტიკებს
ნ’გოლო კანტე ფარულად დაქორწინდა? – ფეხბურთელის სამშობლოში ყოფნისას ჭორები გავრცელდა
ბენზემა ევროპაში დაბრუნდება? – ფრანგი ფორვარდის დამატება თურქულ გრანდს უნდა
სერჟიო კონსეისაო “მილანიდან” წასვლის შემდეგ საუდის არაბეთში დასაქმდა
კანტე “ჩელსიში” ბედნიერია – ფრანგი ლონდონელებთან ახალ კონტრაქტს გააფორმებს
[VIDEO] რონალდოს 946-ე გოლი – “ალ ნასრმა” ბენზემას “ალ იტიჰადი” დაამარცხა
კანტე ევროპაში ბრუნდება? – ფრანგს სერიოზული მსურველი ჰყავს
მუნდიალს, სავარაუდოდ, “ჩელსის” კიდევ ერთი ფეხბურთელი გამოტოვებს
კანტე შესაძლოა, პრემიერლიგას დაუბრუნდეს
ოფიციალურად – კონსეისაო “ალ-იტიჰადს” ჩაუდგა სათავეში
ნ’გოლო კანტე ლა ლიგის გრანდში უფასოდ გადავა
ევროპაში ამიტომ არ გაუშვეს? – სპერციანს მოულოდნელი მსურველი გამოუჩნდა
მაკრონი ფინალზე ტრავმირებული მოთამაშეების მიწვევას გეგმავს

მოქალაქეს, რომელმაც გორის წინასწარი დაკავების იზოლატორში („კაპეზეში“) უკანონოდ 2 დღე და ღამე გაატარა, სახელმწიფო 17 ათას ლარს აუნაზღაურებს. აქედან 15 000 ლარი ადვოკატთა მომსახურების ხარჯია, ხოლო 2 000 ლარი – მორალური ზიანის ანაზღაურება.
“ქართლის ამბების” ინფორმაციით, გადაწყვეტილება უზენაესმა სასამართლომ მიიღო.
მოქალაქე თავდაპირველად მორალური ზიანის სახით 500 000 ლარს, ხოლო მატერიალური ზიანის სახით 56 000 ლარს ითხოვდა.
· გამართლებული პირი, კიდევ ორ მოქალაქესთან ერთად, საოკუპაციო ხაზთან სიგარეტის კონტრაბანდული გზით შემოტანის ბრალდებით იყო დაკავებული. საბოლოოდ, სასამართლომ ყველა მათგანი გაამართლა.
· სასამართლოს განმარტებით, მორალური ზიანის ოდენობა 2 000 ლარი საკმარისია, რადგან ბრალდებულმა წინასწარი დაკავების იზოლატორში მხოლოდ ორი დღე გაატარა. გადაწყვეტილებაში აღნიშნულია, რომ გამართლებული პირი არ ყოფილა ასაკით ისეთი, რომ ამ პერიოდში ჯანმრთელობისთვის სერიოზული საფრთხე შექმნოდა, გარდა ამისა, გამამართლებელი განაჩენი უკვე პირველ ინსტანციაში იქნა მიღებული.
ამ ეტაპზე უცნობია, ითხოვენ თუ არა ზიანის ანაზღაურებას დანარჩენი ორი გამართლებული მოქალაქე.
საქმეში მითითებულია, რომ პოლიციელებმა საოკუპაციო ხაზთან მდებარე ერთ-ერთ სოფელში 102 300 ლარის ღირებულების კონტრაბანდული სიგარეტი აღმოაჩინეს.

შინაგან საქმეთა სამინისტრო განცხადებას ავრცელებს.
,,შინაგან საქმეთა სამინისტროს თანამშრომლებმა, ბოლო 5 დღის განმავლობაში, შეკრება – მანიფესტაციის ჩატარების წესის დარღვევისთვის, ადმინისტრაციულ სამართალდარღვევათა კოდექსის შესაბამისად, რუსთაველის გამზირის უკანონოდ გადაკეტვის გამო, აქციის 29 მონაწილე დააკავეს.
აქციის მონაწილეები არ დაემორჩილნენ საპატრულო პოლიციის წარმომადგენლების მიერ მათ მიმართ გაკეთებულ არაერთ მოწოდებას, არ ჩაედინათ კანონსაწინააღმდეგო ქმედება და არ გადაეკეტათ გზის სავალი ნაწილი – მცირე რაოდენობის მიუხედავად, დემონსტრანტებმა კვლავ გადაკეტეს რუსთაველის გამზირი და ხელოვნურად შეაფერხეს ტრანსპორტის მოძრაობა.
კიდევ ერთხელ მოვუწოდებთ აქციის მონაწილეებს, თავი შეიკავონ კანონსაწინააღმდეგო ქმედების განხორციელებისგან, წინააღმდეგ შემთხვევაში, საქართველოს შინაგან საქმეთა სამინისტრო იმოქმედებს კანონით მისთვის მინიჭებული მანდატის ფარგლებში, მოახდენს ყველა სამართალდამრღვევი პირის იდენტიფიცირებას და მათ მიმართ გაატარებს კანონით განსაზღვრულ შესაბამის ზომებს”,- ნათქვამია განცხადებაში.

რუსეთის საოკუპაციო არმიამ უკრაინის ქალაქ ნიკოლაევზე ბალისტიკური რაკეტით თავდასხმა განახორციელა, რის შედეგადაც ერთი ადამიანი დაიღუპა და სულ მცირე 15 დაშავდა, – ამის შესახებ ნიკოლაევის საოლქო-სამხედრო ადმინისტრაციის ხელმძღვანელმა, ვიტალი კიმმა განაცხადა.
მისი თქმით, წინასწარი ინფორმაციით, ქალაქზე თავდასხმა კასეტური ქობინით აღჭურვილი „ისკანდერის“ ტიპის რაკეტით განხორციელდა.
„სამწუხაროდ, ერთი ადამიანი დაიღუპა. ამ დროისთვის ცნობილია 15 დაშავებულის შესახებ“, – განაცხადა ვიტალი კიმმა.
თავდასხმის ადგილებზე მედიკოსები და სამაშველო სამსახურის თანამშრომლები არიან მობილიზებული.

ირაკლი კობახიძემ განაცხადა, რომ პასუხს აგებს ნებისმიერ გარიგებაზე, რომელიც მისი მონაწილეობით დაიდება, თუკი მასში კორუფციული რისკები გამოიკვეთება. შესაბამისად, საზოგადოებამ ახლავე უნდა მიიღოს ამომწურავი პასუხი ყველა არსებულ კითხვაზე არაბულ კომპანიასთან დადებულ გარიგებასთან დაკავშირებით, წინააღმდეგ შემთხვევაში, ჩნდება საფუძვლიანი ეჭვი, რომ საქმე გვაქვს ან სრულ არაკომპეტენტურობასთან ან არაჯანსაღ, კორუფციული ბუნების მოტივაციასთან, – ამის შესახებ „ძლიერი საქართველო-ლელოს“ ერთ-ერთი ლიდერი ბადრი ჯაფარიძე „ფეისბუქზე“ წერს.
როგორც ბადრი ჯაფარიძე წერს, „ქართული ოცნების“ მიერ არაბულ კომპანიასთან დადებული გარიგება გამჭვირვალე არ არის.
„დღეისათვის ჩვენ ხელთ არსებული ინფორმაციის საფუძველზე შეგვიძლია ცალსახად ვთქვათ, რომ “ქართული ოცნების” მთავრობის მიერ დადებული გარიგება არაბულ კომპანია Eagle Hills-თან არის ძალიან არაგამჭვირვალე, ქვეყნისთვის არამომგებიანი და შეიცავს ბევრ რისკს.
როგორც „ქართული ოცნების“ წარმომადგენლებმა განაცხადეს, ქართული მხარე მიიღებს არაბებთან ერთად შექმნილი ერთობლივი კომპანიის 33%-ს და ამის სანაცვლოდ საქართველოს ამ ერთობლივ კომპანიაში შეაქვს ძალიან მნიშვნელოვანი ღირებულების მიწის ნაკვეთები. ეს არის კრწანისის ტყე-პარკის ტერიტორია და გონიოში მდებარე მიწის ნაკვეთი. საერთო ჯამში, ეს არის 9 მილიონი კვადრატული მეტრი.
მარტივი არითმეტიკული კალკულაცია გვიჩვენებს, რომ იმ შემთხვევაში, როცა საქართველოს მხარის მონაწილეობა, ანუ ეს მიწის ნაკვეთები ფასდება 600 მილიონ დოლარად, მეორე მხარემ, ანუ არაბმა ინვესტორებმა თავის მხრივ ამ ერთობლივ კომპანიის სადამფუძნებლო კაპიტალში უნდა შეიტანონ მილიარდ 200 მილიონი აშშ დოლარი ნაღდი ფულის სახით.
არსად არ თქმულა და არ არის ცნობილი ამ ერთობლივ საწარმოში ახლავე შემოაქვს თუ არა არაბულ მხარეს ერთი მილიარდ 200 მილიონი დოლარი თუ ეს ხდება გარკვეული დროის განმავლობაში და როგორი ტრანშებით. ასევე არ არის ცნობილი რა შემოსავლების მიღება იგეგმება ამ ერთობლივ კომპანიაში და რატომ ჯობდა ჩვენი სახელმწიფოსთვის ბიზნესის რისკის აღება და ამ მიწის ღირებულების მიღების მომავალი შემოსავლებიდან დაგეგმვა ვიდრე ამ მიწის ახლავე, აუქციონის წესით გაყიდვა და ფულადი შემოსავლების დღესვე სახელმწიფო ბიუჯეტში წარმართვა“, – წერს ჯაფარიძე.
მისივე განმარტებით, უნდა ითქვას, რომ თავისთავად კრწანისის ტყე-პარკის ტერიტორიის გამოყენება იმ ტიპის მშენებლობისათვის, რომელზეც საუბარი მიმდინარეობს, არის ძალიან დამაზიანებელი თბილისის ეკოლოგიური გარემოსთვის და უსპობს მას უმნიშვნელოვანეს მწვანე სივრცეს.
„მიუკერძოებელი ანალიზი გვიჩვენებს, რომ გაცილებით მომგებიანი იქნებოდა ქართული მხარისთვის, გონიოს მიწის ნაკვეთი გაყიდულიყო გამჭვირვალედ და წინასწარ კარგად მომზადებული აუქციონის გზით. გონიოს მიწის ამ ფორმით გაყიდვის შემთხვევაში ამით ბევრი მნიშვნელოვანი ინვესტორი დაინტერესდებოდა და ამ გაყიდვის სანაცვლოდ სახელმწიფოს შეუვიდოდა მნიშვნელოვანი რაოდენობის თანხა, რომლის გამოყენებაც სტრატეგიული პროექტების განსახორციელებლად იქნებოდა შესაძლებელი.
„ქართული ოცნების“ მთავრობის მიერ გამოცხადებული გარიგების პირობებში ერთადერთი გზა, რომლითაც სახელმწიფო შეძლებს ერთობლივ საწარმოში შეტანილი მიწის ღირებულების მიღებას, არის ამ ერთობლივი საწარმოს მომავალი დივიდენდები, რომელთა სავარაუდო რაოდენობა და მათი სავარაუდო დარიგების დროითი ფარგლები საზოგადოებისთვის ცნობილი არ არის.
გაურკვეველია, რა კალკულაცია უდევს დივიდენდების დარიგების პროგნოზს საფუძვლად, თუ ასეთი კალკულაცია საერთოდ არსებობს.
გასათვალისწინებელია ის გარემოებაც, რომ ქართული მხარე მინორიტარული პარტნიორი იქნება და არაბულ მხარეს ეძლევა ერთობლივი კომპანიის ორი მესამედი და შესაბამისად, ყველა ძირითადი გადაწყვეტილების მიღების უფლება, მათ შორის კომპანიის კაპიტალის გაზრდის და დივიდენდების დარიგების თაობაზე.
კიდევ ერთხელ განვმეორდები, ზემოთ ჩამოთვლილი მიზეზების გამო ჯერჯერობით გაურკვეველი რჩება, ღირდა თუ არა მომავალი სავარაუდო დივიდენდების სანაცვლოდ ამ უაღრესად ლიკვიდური მიწის შეტანა არაბულ მხარესთან ერთობლივ საწარმოში და არა მისი ახლა, აუქციონის წესით გაყიდვა.
ირაკლი კობახიძემ განაცხადა, რომ პასუხს აგებს ნებისმიერ გარიგებაზე, რომელიც მისი მონაწილეობით დაიდება, თუკი მასში კორუფციული რისკები გამოიკვეთება. შესაბამისად, საზოგადოებამ ახლავე უნდა მიიღოს ამომწურავი პასუხი ყველა არსებულ კითხვაზე არაბულ კომპანიასთან დადებულ გარიგებასთან დაკავშირებით, წინააღმდეგ შემთხვევაში, ჩნდება საფუძვლიანი ეჭვი, რომ საქმე გვაქვს ან სრულ არაკომპეტენტურობასთან ან არაჯანსაღ, კორუფციული ბუნების მოტივაციასთან!
ორივე შემთხვევაში შედეგი ერთია – ჩვენი ქვეყნის და ჩვენი მოქალაქეების ინტერესების მნიშვნელოვანი დაზიანება!“- წერს ბადრი ჯაფარიძე.

საზოგადოებამ ახლავე უნდა მიიღოს პასუხი ყველა კითხვაზე გარიგების შესახებ, წინააღმდეგ შემთხვევაში, ჩნდება ეჭვი, რომ საქმე გვაქვს არაკომპეტენტურობასთან ან კორუფციულ მოტივაციასთან – ბადრი ჯაფარიძე Eagle Hills-ზე
ირაკლი კობახიძემ განაცხადა, რომ პასუხს აგებს ნებისმიერ გარიგებაზე, რომელიც მისი მონაწილეობით დაიდება, თუკი მასში კორუფციული რისკები გამოიკვეთება. შესაბამისად, საზოგადოებამ ახლავე უნდა მიიღოს ამომწურავი პასუხი ყველა არსებულ კითხვაზე არაბულ კომპანიასთან დადებულ გარიგებასთან დაკავშირებით, წინააღმდეგ შემთხვევაში, ჩნდება საფუძვლიანი ეჭვი, რომ საქმე გვაქვს ან სრულ არაკომპეტენტურობასთან ან არაჯანსაღ, კორუფციული ბუნების მოტივაციასთან, – ამის შესახებ „ძლიერი საქართველო-ლელოს“ ერთ-ერთი ლიდერი ბადრი ჯაფარიძე „ფეისბუქზე“ წერს.
როგორც ბადრი ჯაფარიძე წერს, „ქართული ოცნების“ მიერ არაბულ კომპანიასთან დადებული გარიგება გამჭვირვალე არ არის.
„დღეისათვის ჩვენ ხელთ არსებული ინფორმაციის საფუძველზე შეგვიძლია ცალსახად ვთქვათ, რომ “ქართული ოცნების” მთავრობის მიერ დადებული გარიგება არაბულ კომპანია Eagle Hills-თან არის ძალიან არაგამჭვირვალე, ქვეყნისთვის არამომგებიანი და შეიცავს ბევრ რისკს.
როგორც „ქართული ოცნების“ წარმომადგენლებმა განაცხადეს, ქართული მხარე მიიღებს არაბებთან ერთად შექმნილი ერთობლივი კომპანიის 33%-ს და ამის სანაცვლოდ საქართველოს ამ ერთობლივ კომპანიაში შეაქვს ძალიან მნიშვნელოვანი ღირებულების მიწის ნაკვეთები. ეს არის კრწანისის ტყე-პარკის ტერიტორია და გონიოში მდებარე მიწის ნაკვეთი. საერთო ჯამში, ეს არის 9 მილიონი კვადრატული მეტრი.
მარტივი არითმეტიკული კალკულაცია გვიჩვენებს, რომ იმ შემთხვევაში, როცა საქართველოს მხარის მონაწილეობა, ანუ ეს მიწის ნაკვეთები ფასდება 600 მილიონ დოლარად, მეორე მხარემ, ანუ არაბმა ინვესტორებმა თავის მხრივ ამ ერთობლივ კომპანიის სადამფუძნებლო კაპიტალში უნდა შეიტანონ მილიარდ 200 მილიონი აშშ დოლარი ნაღდი ფულის სახით.
არსად არ თქმულა და არ არის ცნობილი ამ ერთობლივ საწარმოში ახლავე შემოაქვს თუ არა არაბულ მხარეს ერთი მილიარდ 200 მილიონი დოლარი თუ ეს ხდება გარკვეული დროის განმავლობაში და როგორი ტრანშებით. ასევე არ არის ცნობილი რა შემოსავლების მიღება იგეგმება ამ ერთობლივ კომპანიაში და რატომ ჯობდა ჩვენი სახელმწიფოსთვის ბიზნესის რისკის აღება და ამ მიწის ღირებულების მიღების მომავალი შემოსავლებიდან დაგეგმვა ვიდრე ამ მიწის ახლავე, აუქციონის წესით გაყიდვა და ფულადი შემოსავლების დღესვე სახელმწიფო ბიუჯეტში წარმართვა“, – წერს ჯაფარიძე.
მისივე განმარტებით, უნდა ითქვას, რომ თავისთავად კრწანისის ტყე-პარკის ტერიტორიის გამოყენება იმ ტიპის მშენებლობისათვის, რომელზეც საუბარი მიმდინარეობს, არის ძალიან დამაზიანებელი თბილისის ეკოლოგიური გარემოსთვის და უსპობს მას უმნიშვნელოვანეს მწვანე სივრცეს.
„მიუკერძოებელი ანალიზი გვიჩვენებს, რომ გაცილებით მომგებიანი იქნებოდა ქართული მხარისთვის, გონიოს მიწის ნაკვეთი გაყიდულიყო გამჭვირვალედ და წინასწარ კარგად მომზადებული აუქციონის გზით. გონიოს მიწის ამ ფორმით გაყიდვის შემთხვევაში ამით ბევრი მნიშვნელოვანი ინვესტორი დაინტერესდებოდა და ამ გაყიდვის სანაცვლოდ სახელმწიფოს შეუვიდოდა მნიშვნელოვანი რაოდენობის თანხა, რომლის გამოყენებაც სტრატეგიული პროექტების განსახორციელებლად იქნებოდა შესაძლებელი.
„ქართული ოცნების“ მთავრობის მიერ გამოცხადებული გარიგების პირობებში ერთადერთი გზა, რომლითაც სახელმწიფო შეძლებს ერთობლივ საწარმოში შეტანილი მიწის ღირებულების მიღებას, არის ამ ერთობლივი საწარმოს მომავალი დივიდენდები, რომელთა სავარაუდო რაოდენობა და მათი სავარაუდო დარიგების დროითი ფარგლები საზოგადოებისთვის ცნობილი არ არის.
გაურკვეველია, რა კალკულაცია უდევს დივიდენდების დარიგების პროგნოზს საფუძვლად, თუ ასეთი კალკულაცია საერთოდ არსებობს.
გასათვალისწინებელია ის გარემოებაც, რომ ქართული მხარე მინორიტარული პარტნიორი იქნება და არაბულ მხარეს ეძლევა ერთობლივი კომპანიის ორი მესამედი და შესაბამისად, ყველა ძირითადი გადაწყვეტილების მიღების უფლება, მათ შორის კომპანიის კაპიტალის გაზრდის და დივიდენდების დარიგების თაობაზე.
კიდევ ერთხელ განვმეორდები, ზემოთ ჩამოთვლილი მიზეზების გამო ჯერჯერობით გაურკვეველი რჩება, ღირდა თუ არა მომავალი სავარაუდო დივიდენდების სანაცვლოდ ამ უაღრესად ლიკვიდური მიწის შეტანა არაბულ მხარესთან ერთობლივ საწარმოში და არა მისი ახლა, აუქციონის წესით გაყიდვა.
ირაკლი კობახიძემ განაცხადა, რომ პასუხს აგებს ნებისმიერ გარიგებაზე, რომელიც მისი მონაწილეობით დაიდება, თუკი მასში კორუფციული რისკები გამოიკვეთება. შესაბამისად, საზოგადოებამ ახლავე უნდა მიიღოს ამომწურავი პასუხი ყველა არსებულ კითხვაზე არაბულ კომპანიასთან დადებულ გარიგებასთან დაკავშირებით, წინააღმდეგ შემთხვევაში, ჩნდება საფუძვლიანი ეჭვი, რომ საქმე გვაქვს ან სრულ არაკომპეტენტურობასთან ან არაჯანსაღ, კორუფციული ბუნების მოტივაციასთან!
ორივე შემთხვევაში შედეგი ერთია – ჩვენი ქვეყნის და ჩვენი მოქალაქეების ინტერესების მნიშვნელოვანი დაზიანება!“- წერს ბადრი ჯაფარიძე.

9 თვეში ნარკოტიკული საშუალებების უკანონო რეალიზაციის 660 ფაქტი გამოვლინდა – შსს
შსს-ს 2025 წლის იანვარ-სექტემბრის რეგისტრირებული დანაშაულის სტატისტიკის თანახმად, ნარკოტიკული საშუალებების უკანონო რეალიზაციის 660 ფაქტი გამოვლინდა.
“მიმდინარე წლის 9 თვის მონაცემებით, რეგისტრირებული დანაშაულის გახსნის მაჩვენებელმა უმაღლეს ნიშნულს ­– 67,25%-ს მიაღწია, რაც წინა წლის ანალოგიურ პერიოდთან შედარებით გაზრდილია. თავად რეგისტრირებული დანაშაულის რაოდენობა კი 40 464 ფაქტს შეადგენს, რაც 2024 წელთან შედარებით, დანაშაულების გამოვლენის ზრდისა და პოლიციის მხრიდან გააქტიურებული ბრძოლის პროპორციულად, მომატებულია მხოლოდ 2,26%-ით.
ქვეყანაში ნარკოტიკული საშუალებების უკანონო ბრუნვისა და გავრცელების წინააღმდეგ, შინაგან საქმეთა სამინისტროს თანამშრომლების მიერ ინტენსიურ რეჟიმში, მთელი ქვეყნის მასშტაბით გატარებული ოპერატიული ღონისძიებებისა და საგამოძიებო მოქმედებების შედეგად, მიმდინარე წლის 9 თვეში ნარკოდანაშაულის ფაქტების გამოვლენა 46,92%-ით არის გაზრდილი და ჯამში გამოვლენილია 7 199 ფაქტი. ამასთან, 2025 წლის იანვარ-სექტემბრის პერიოდში ნარკოტიკული საშუალებების უკანონო რეალიზაციის 660 ფაქტი გამოვლინდა.
75%-იანი ზრდა ფიქსირდება ისეთი კატეგორიის დანაშაულების გამოვლენის მიმართულებით, როგორიცაა ე.წ. ქურდულ სამყაროსთან დაკავშირებული დანაშაულები, ასევე, 33%-იანი ზრდა ფიქსირდება ცეცხლსასროლი იარაღის უკანონო შეძენა, შენახვისა და ტარების მიმართულებითაც.
2025 წლის ცხრა თვის მონაცემებით შემცირებულია ისეთი კატეგორიის დანაშაულები, როგორიცაა: ბინიდან ქურდობა, ყაჩაღობა, თაღლითობა და გამოძალვა.
ასევე შემცირებულია, განზრახ მკვლელობების რაოდენობა. მნიშვნელოვანი კლების ტენდენცია ფიქსირდება ადამიანის ჯანმრთელობის წინააღმდეგ ჩადენილი დანაშაულის ფაქტების კუთხით – აღნიშნული დანაშაულების მაჩვენებელი, 2024 წლის ანალოგიურ პერიოდთან შედარებით 4,48%-ით შემცირდა.
შემცირებულია სქესობრივი დანაშაულების რაოდენობაც ­– გასული წლის ანალოგიურ მაჩვენებელთან შედარებით, 2025 წელს დაფიქსირდა 121 ფაქტით ნაკლები. ასევე, შემცირებულია კიბერდანაშაულისა და ტრეფიკინგის, მათ შორის არასრულწლოვანთა ვაჭრობის ფაქტების რაოდენობა.
2025 წლის ცხრა თვეში, გასულ 2024 წელთან შედარებით, გაზრდილია სატრანსპორტო დანაშაულების რაოდენობა, მათ შორის 181 ერთეულით მომატებულია ტრანსპორტის მოძრაობის უსაფრთხოებისა ან ექსპლუატაციის წესის დარღვევის ფაქტები”,- აღნიშნულია შსს-ს მიერ გავრცელებულ ინფორმაციაში.

ფრანგული არომათერაპიის პრემიუმ ბრენდი Puressentiel, ოფიციალურად განსაკუთრებულმა სტუმრებმა, მისმა შემქმნელებმა და დამფუძნებლებმა PSP-ს გუნდთან ერთად, 29 ოქტომბერს გააცნო “რესპუბლიკაში” შეკრებილ საზოგადოებას.
Puressentiel – ფრანგული ხარისხის, ინოვაციისა და ეკოლოგიურობის სინონიმია. ბრენდის, რომელმაც გააერთიანა მეცნიერება და ბუნების შესაძლებლობები, წარდგენის ღონისძიებას ექიმები, სილამაზისა და ჯანმრთელობის სფეროს ექსპერტები, ინფლუენსერები და მედიის წარმომადგენლები დაესწრნენ.
“ფურესენშელის” დამფუძნებლებმა და შემქმნელებმა თავად წარუდგინეს სტუმრებს ბრენდის ისტორია, ინსპირაცია, ინოვაციები და ფილოსოფია, როგორ გადაიქცა ოჯახური ინიციატივა გლობალურ წარმატებად და რატომ არის დღეს Puressentiel აღიარებული არომათერაპიის ნომერ პირველი ბრენდი ევროპაში.
ასევე, საინტერესოდ ისაუბრეს ეთერზეთების სამკურნალო და პრევენციულ თვისებებზე, ინოვაციურ ტექნოლოგიებზე, ბრენდის ღირებულებებზე – Natural, Commitment, Perfomance – ბუნებრივი, სანდო, ეფექტური. ღონისძიების სტუმრებს მიეცათ უნიკალური შესაძლებლობა პირადად გასცნობოდნენ ბრენდის შემქმნელებს, დაესვათ კითხვები და მეტი გაეგოთ მეცნიერების და ბუნების სინთეზის ინტეგრაციის ეფექტურობაზე სიჯანსაღისა და სილამაზისთვის.
”ფურესენშელის” თანადამფუძნებელი და პროდუქციის შემქმნელი იზაბელა პაკიონი (Isabelle Pacchioni) ფრანგული არომათერაპიის ერთ-ერთი ყველაზე გავლენიანი ფიგურაა. მას ეკუთვნის ბრენდის ფილოსოფიის მთავარი იდეა -„Nature Has the Power“. იგი ხელმძღვანელობს პროდუქტის შემოქმედებით განვითარებას და თავად ქმნის ფორმულებს, რომლებიც აერთიანებს ეთერზეთების სამკურნალო თვისებებს და თანამედროვე მეცნიერებას.
Puressentiel Group პრეზიდენტი მარკო პაკიონს (Marco Pacchioni) ბრენდის საერთაშორისო გაფართოების სტრატეგიას მართავს. მისი ხელმძღვანელობით Puressentiel წარმოდგენილია 70-ზე მეტ ქვეყანაში და იქცა ერთ-ერთ ყველაზე აღიარებულ ევროპულ ფარმაცევტულ კომპანიად არომათერაპიის მიმართულებით.
როკო პაკიონი (Rocco Pacchioni), Puressentiel-ის აღმასრულებელი დირექტორი, ოჯახის ხედვის გამგრძელებელი და ბრენდის ციფრულ სტრატეგიის, კომუნიკაციებისა და საერთაშორისო პარტნიორობის ხელმძღვანელია.
საფრანგეთში 2005 წელს იზაბელა და მარკო პაკიონებმა დააარსეს ბრენდი, რომელიც არომატერაპიის ლიდერო მსოფლიოს 70 ქვეყენაში. “ფურესენშელის” პროდუქტები ინოვაციური გამოშვების ფორმებით და არომათერაპიული ფორმულებით დაფუძნებულია 100%-ით ეკოლოგიურად სუფთა და ბუნებრივ ეთერზეთებზე.
PSP ფარმას და Puressentiel-ს შორის პარტნიორობა საქართველოს ფარმაცევტულ ბაზარზე, მსოფლიო დონის არომათერაპიული ბრენდის მრავალფეროვან პროდუქციაზე ხელმისაწვდომობის პირველ პრეცედენტს ქმნის.
პროდუქციის სრული ასორტიმენტი ექსკლუზიურად PSP სააფთიაქო ქსელშიa ხელმისაწვდომი, რაც კომპანიის მომხმარებლებს აძლევს შესაძლებლობას შეიგრძნოს ბუნების ძალა მაღალი ხარისხის არომათერაპიულ პროდუქტებში.
(R)

პთბილისში გრძელდება პროევროპული აქციის მონაწილეების დაკავებები. გუშინ, 31 ოქტომბრის საღამოს პოლიციამ აქციის კიდევ ორი მონაწილე – ყოფილი დიპლომატი გიორგი წიქარიშვილი და ზურა მენთეშაშვილი დააკავა. ჯერჯერობით უცნობია, კონკრეტულად რას ედავებიან მათ. “ნეტგაზეთი” დეტალების დაზუსტებას ცდილობს.
მანამდე კი შინაგან საქმეთა სამინისტრო ავრცელებს განცხადებას, რომლის თანახმადაც ბოლო 5 დღის განმავლობაში აქციის 29 მონაწილე დააკავეს. შსს-ს ცნობით, ისინი დაკავებული არიან ადმინისტრაციული წესით, “რუსთაველის გამზირის უკანონოდ გადაკეტვის გამო”.
“აქციის მონაწილეები არ დაემორჩილნენ საპატრულო პოლიციის წარმომადგენლების მიერ მათ მიმართ გაკეთებულ არაერთ მოწოდებას, არ ჩაედინათ კანონსაწინააღმდეგო ქმედება და არ გადაეკეტათ გზის სავალი ნაწილი – მცირე რაოდენობის მიუხედავად, დემონსტრანტებმა კვლავ გადაკეტეს რუსთაველის გამზირი და ხელოვნურად შეაფერხეს ტრანსპორტის მოძრაობა.
კიდევ ერთხელ მოვუწოდებთ აქციის მონაწილეებს, თავი შეიკავონ კანონსაწინააღმდეგო ქმედების განხორციელებისგან, წინააღმდეგ შემთხვევაში, საქართველოს შინაგან საქმეთა სამინისტრო იმოქმედებს კანონით მისთვის მინიჭებული მანდატის ფარგლებში, მოახდენს ყველა სამართალდამრღვევი პირის იდენტიფიცირებას და მათ მიმართ გაატარებს კანონით განსაზღვრულ შესაბამის ზომებს”, – წერია პირველ ნოემბერს გავრცელებულ განცხადებაში.
“ოცნების” პარლამენტმა მიიღო გამოხატვის თავისუფლების შემზღუდავი კანონმდებლობა, რომლის მიხედვითაც აჯარიმებს, დევნის და აპატიმრებს პროევროპული აქციების მონაწილეებს.

სუნიანი ევროპა ბელარუსს ფულს გადაუხდის სუფთა ჰაერისთვის, რომელიც ბელარუსიდან ევროპაში ქარს მიაქვს – ბელარუსის პრეზიდენტი
”სუნიანი ევროპა ბელარუსს ფულს გადაუხდის სუფთა ჰაერისთვის, რომელიც იქ თითქოსდა აკლიათ და რომელიც ბელარუსიდან ევროპაში ქარს მიაქვს” – აცხადებს ბელარუსის პრეზიდენტი
„ეს სუფთა ჰაერი ჩვენი მომავალია, ჩვენ უნდა შევინარჩუნოთ იგი. აუცილებლად დადგება დრო, როცა ევროპელები გადაგვიხდიან იმისთვის, რომ ჩვენ ვუფრთხილდებით იმას, რაც ღმერთმა მოგვცა,“ — განაცხადა “ბრძნადმეტყველმა” ალექსანდრ ლუკაშენკომ.
ბელარუსის პრეზიდენტმა, ალექსანდრე ლუკაშენკომ დაადასტურა, რომ დეკემბერში რუსულ „ორეშნიკის“ სარაკეტო სისტემას განათავსებენ.
ლუკაშენკოს თქმით, მინსკის პლატფორმაზე ერთ დროს სამშვიდობო შეთანხმებები იყო მიღწეული, თუმცა მოწინააღმდეგეებმა გადაწყვიტეს, მოტყუებით ემოქმედათ, რამაც დღევანდელი სიტუაცია გამოიწვია.
„„ორეშნიკი“ საშინელი იარაღია. ის საბრძოლო მორიგეობაში დეკემბერში ჩაერთვება. რა მიზნით? მინდა, მათ გაიგონ, რომ სიტუაცია თუ გაუარესდება, შეგვიძლია დარტყმა. მე და პუტინი დავსხდებით, გადაწყვეტილებას მივიღებთ და შემდეგ დავარტყამთ. ასე რომ, ნუ გაებმებით უსიამოვნებებში. ბოლოს და ბოლოს, ასე დაიწყო ომი უკრაინაში. დონბასში რუსულენოვან ადამიანებს დევნიდნენ, კლავდნენ და ავიწროებდნენ. მე ამის მოწმე ვარ. აღმოჩნდა, რომ ისინი მინსკში რუსეთისა და ჩვენ მოსატყუებლად ჩამოვიდნენ. მოგვატყუეს. კარგი, საკმარისია. ორი მილიონი ადამიანი უკვე დაიღუპა და უკრაინელები დასახიჩრდნენ“, – განაცხადა ალექსანდრე ლუკაშენკომ.

არ­ქე­ო­ლო­გებ­მა ად­რე­უ­ლი ქრის­ტი­ნუ­ლი ეპო­ქის გა­მორ­ჩე­უ­ლი არ­ტე­ფაქ­ტი აღ­მო­ა­ჩი­ნეს — 1200 წლის წი­ნან­დე­ლი და­ნახ­ში­რე­ბუ­ლი პური, რო­მელ­ზეც იესო ქრის­ტეს გა­მო­სა­ხუ­ლე­ბაა და­ტა­ნი­ლი.
აღ­მო­ჩე­ნის შე­სა­ხებ სამ­ხრეთ-ცენ­ტრა­ლუ­რი თურ­ქე­თის ქა­ლაქ გა­რა­მა­ნის გუ­ბერ­ნა­ტო­რის ოფის­მა გა­მო­ა­ცხა­და.
ხუთი და­ნახ­ში­რე­ბუ­ლი პუ­რის ნი­მუ­ში ტოპ­რაქთე­ფეს არ­ქე­ო­ლო­გი­ურ ობი­ექ­ტზე — ძვე­ლი ქა­ლაქ ეი­რე­ნო­პო­ლი­სის ტე­რი­ტო­რი­ა­ზე იპო­ვეს.
ეი­რე­ნო­პო­ლი­სი, რო­მე­ლიც ისავ­რი­ის ის­ტო­რი­ულ რე­გი­ონ­ში მდე­ბა­რე­ობს, კონ­სტან­ტი­ნო­პო­ლის სა­პატ­რი­არ­ქოს დაქ­ვემ­დე­ბა­რე­ბა­ში მყო­ფი ბი­ზან­ტი­უ­რი ქა­ლა­ქი იყო, სა­დაც ბერ­ძნუ­ლი ენა დო­მი­ნი­რებ­და.
ფო­ტო­ებ­ზე ნათ­ლად ჩანს გა­შა­ვე­ბუ­ლი პური, რო­მელ­ზეც იე­სოს სუს­ტად გა­მოკ­ვე­თი­ლი გა­მო­სა­ხუ­ლე­ბაა და­ტა­ნი­ლი წარ­წე­რით “კურ­თხე­უ­ლი იე­სოს მად­ლით“
რო­გორც ექ­სპერ­ტე­ბი აღ­ნიშ­ნა­ვენ, გა­მო­სა­ხუ­ლე­ბა არ ასა­ხავს ქრის­ტეს იმ სა­ხით, რო­გორც ეს ბი­ზან­ტი­უ­რი და აღ­მო­სავ­ლურ მარ­თლმა­დი­დებ­ლურ ხატ­წე­რა­შია დამ­კვიდ­რე­ბუ­ლი (ქრის­ტე ყოვ­ლისმპყრო­ბე­ლი (Christ Pantocrator), ქრის­ტე ზე­ა­წე­უ­ლი მარ­ჯვე­ნით)
მის ნაც­ვლად, იესო წარ­მოდ­გე­ნი­ლია რო­გორც მთეს­ვე­ლი ან მი­წათ­მოქ­მე­დი — რაც, სპე­ცი­ა­ლის­ტე­ბის თქმით, “ნა­ყო­ფი­ე­რე­ბი­სა და შრო­მის სიმ­ბო­ლურ მნიშ­ვნე­ლო­ბას ასა­ხავს იმ ეპო­ქის რე­ლი­გი­ურ მსოფ­ლმხედ­ვე­ლო­ბა­ში“
არ­ქე­ო­ლო­გებ­მა პუ­რებ­ზე სხვა სიმ­ბო­ლო­ე­ბიც იპო­ვეს, მათ შო­რის ერ­თზე მალ­ტის ჯვა­რი მო­ჩანს.
ნა­პოვ­ნი პუ­რე­ბი მხო­ლოდ მცი­რე ნა­წი­ლია იმ სა­ო­ცარ ად­რექ­რის­ტი­ა­ნუ­ლი ეპო­ქის აღ­მო­ჩე­ნე­ბი­დან, რომ­ლე­ბიც ბოლო წლებ­ში ანა­ტო­ლი­ი­სა და კავ­კა­სი­ის რე­გი­ონ­ში გა­კეთ­და.
წყა­რო: www.ambebi.ge

კანადის პრემიერ-მინისტრი მარკ კარნი აცხადებს, რომ აშშ-ის პრეზიდენტს, დონალდ ტრამპს ანტიტარიფული პოლიტიკური რეკლამის გამო ბოდიში მოუხადა.
„როიტერის“ ცნობით, კარნიმ სამხრეთ კორეაში აზია-წყნარი ოკეანის სამიტზე დასწრების შემდეგ ჟურნალისტებს განუცხადა, რომ ტრამპს ბოდიში პირადად მოუხადა სამხრეთ კორეის პრეზიდენტის მიერ ორგანიზებული ვახშმისას.
ამასთან, როგორც კარნიმ აღნიშნა, ონტარიოს პროვინციის ხელმძღვანელს, დაგ ფორდს სთხოვა, რეკლამა აღარ გაეშვათ.
„მე პრეზიდენტს ბოდიში მოვუხადე. ამასთან, ფორდს ვუთხარი, რომ არ მინდოდა ამ რეკლამის ჩვენების გაგრძელება“, – აღნიშნა კარნიმ.
ცნობისთვის, კანადის ხელისუფლებამ გამოაქვეყნა რეკლამა, რომელშიც აშშ-ის მე-40 პრეზიდენტის, რონალდ რეიგანის გამოსვლის ამონარიდებია გამოყენებული. ვიდეოჩანაწერში რეიგანი ტარიფებს აკრიტიკებს და თავისუფალი ვაჭრობის პრინციპებს იცავს. რეკლამის გავრცელების შემდეგ აშშ-ის პრეზიდენტმა, დონალდ ტრამპმა განაცხადა, რომ აშშ კანადასთან ყველა სავაჭრო მოლაპარაკებას წყვეტს. ამასთან, მან კანადურ საქონელზე ტარიფების კიდევ 10%-ით გაზრდის გადაწყვეტილება მიიღო. აშშ-ის პრეზიდენტმა საკუთარ სოციალურ ქსელში დაწერა, რომ რეკლამა ყალბია და ის რეიგანის რადიომიმართვის მნიშვნელობას ამახინჯებს.
წყარო: 1tv.ge

1 ნოემბერს, საქართველოს უმეტეს რეგიონში მზიანი ამინდია მოსალოდნელი, სინოპტიკოსები წვიმას არ ვარაუდობენ.
ამინდის პროგნოზი ქალაქების მიხედვით:
გაგრა +18 – უმეტესად ღრუბლიანი
სოხუმი +19 – უმეტესად ღრუბლიანი
ზუგდიდი +19 – უმეტესად მზიანი
მესტია +9 – უმეტესად მზიანი
ფოთი +19 – უმეტესად მზიანი
ბათუმი +20 – მზიანი
ოზურგეთი +19 – უმეტესად მზიანი
ქუთაისი +19 – უმეტესად მზიანი
ამბროლაური +16 – მზიანი
ახალციხე +17 – უმეტესად მზიანი
ბორჯომი +12 -უმეტესად მზიანი
ბაკურიანი +10 – უმეტესად მზიანი
გორი +16 – უმეტესად ღრუბლიანი
ცხინვალი +15 – მზიანი
სტეფანწმინდა +9 – უმეტესად მზიანი
გუდაური + 6 – უმეტესად მზიანი
თელავი +18 – უმეტესად მზიანი
რუსთავი +21 – უმეტესად მზიანი
თბილისი +20 – უმეტესად მზიანი

უკრაინამ სპეციალური დანიშნულების რაზმები გადასხა აღმოსავლეთ ქალაქ პოკროვსკის იმ ნაწილებში, სადაც ბრძოლები მიმდინარეობს, – ინფორმაციას Reuters-ი ორ უკრაინელ სამხედროზე დაყრდნობით ავრცელებს.
გამოცემის ცნობით, სპეცრაზმელები კვირის დასაწყისში შეიყვანეს, როდესაც რუსეთმა განაცხადა, რომ ამ ტერიტორიაზე კიევის ძალები ალყაში მოაქცია.
ოპერაციას სამხედრო დაზვერვის ხელმძღვანელი, კირილ ბუდანოვი მეთვალყურეობდა.
Reuters-ი წერს, რომ ოპერაცია აჩვენებს, თუ როგორ იბრძვის უკრაინა სიტუაციის სტაბილიზაციისთვის სტრატეგიულად მნიშვნელოვან ქალაქში მას შემდეგ, რაც ამ თვეში რუსებმა მისი პერიმეტრი დაარღვიეს. რუსეთის მიერ პოკროვსკის, მნიშვნელოვანი საგზაო და სარკინიგზო კვანძის, აღებამ შესაძლოა მას აღმოსავლეთ დონეცკის რეგიონში.შემდგომი წინსვლის საშუალება მისცეს, რომლის სრულად ოკუპაციასაც ისახავს მიზნად.
უკრაინის სამხედრო ძალების განცხადებით, ქალაქის თავდაცვის ხაზის გარღვევა და ტერიტორიაზე შეღწევა სულ მცირე 200 რუსმა ჯარისკაცმა შეძლო.
პრეზიდენტმა ვოლოდიმირ ზელენსკიმ საღამოს მიმართვაში პოკროვსკის ბრძოლაზე ისაუბრა და განაცხადა :
„ვაგრძელებთ ოკუპანტის განადგურებას. ყველაზე მნიშვნელოვანი ის არის, რომ შევაჩეროთ რუსული თავდასხმები, სადაც ეს შესაძლებელია“.

პარტიების აკრძალვის შესახებ საკონსტიტუციო სარჩელში მოხვედრისგან გახარიას პარტიამ თავი გადაირჩინა, რადგან გამოვიდა საბოტაჟის რეჟიმიდან, – ამის შესახებ საქართველოს პრემიერ-მინისტრმა ირაკლი კობახიძემ ჟურნალისტებს განუცხადა.
როგორც მთავრობის მეთაურმა აღნიშნა, მთავარი საყრდენი სარჩელში გახარიას მიმართ და მისი პარტიის მიმართ იყო საბოტაჟი.
„სამართლებრივად გახარიას პარტიამ თავი გადაირჩინა, მთავარი საყრდენი სარჩელში გახარიას მიმართ და მისი პარტიის მიმართ იყო საბოტაჟი. გამომდინარე იქიდან, რომ გამოვიდა საბოტაჟის რეჟიმიდან, ამით გადაარჩინა პარტია აკრძალვის შესახებ სარჩელში მოხვედრას. თუმცა ის ბრალდებები რაც ისმოდა კონკრეტულად ამ ადამიანის მიმართ, ყველაფერი ძალაში რჩება, იგივე ჩორჩანა, იგივე საბოტაჟში მონაწილეობა, ეს ყველაფერი თავიდან ბოლომდე რჩება ძალაში“, – განაცხადა ირაკლი კობახიძემ.

დღეიდან, 1-ელი ნოემბრიდან საზოგადოებრივი ტრანსპორტის მუშაობაში ცვლილებებია. თბილისის მერიის ინფორმაციით, N306 მარშრუტზე ახალი, 18-მეტრიანი ავტობუსები იმოძრავებენ.
თბილისის მერის თქმით N306 მარშრუტი, რომელიც აქამდე მხოლოდ აკაკი ბელიაშვილის ქუჩიდან ნიკოლოზ ბარათაშვილის ქუჩამდე არსებულ მონაკვეთს მოიცავდა, დაგრძელდება და დაფარვის არეალი გაფართოვდება. როგორც კახა კალაძე განმარტავს, აღნიშნული ცვლილება განსაკუთრებით მნიშვნელოვანია ბერი გაბრიელ სალოსის გამზირის და ემირ ბურჯანაძის ქუჩაზე მცხოვრები მოსახლეობისთვის, რომელთაც წლების განმავლობაში ავლაბრის მიმართულებით გადაადგილების პრობლემა ჰქონდათ.
მისივე განცხადებით, ბელიაშვილის ქუჩისა და რობაქიძის გამზირის კვეთაზე, ახალი სატრანსპორტო კვანძიც მოეწყო. შესაბამისად, პირველი ნოემბრიდან N306 მარშრუტის ავტობუსები ამ კვანძზე შუქნიშნის რეგულირების საშუალებით, მარცხნივ მოხვევით, მეტროსადგურ „დიდუბის“ მიმართულებით გადაადგილდებიან.
„აქამდე აღნიშნულ მარშრუტზე რვა ერთეული 12-მეტრიანი ავტობუსი მოძრაობდა, ხოლო განახლებულ მარშრუტზე მგზავრებს 20 ერთეული 18-მეტრიანი ავტობუსი მოემსახურება, რაც გაზრდის ტევადობასა და ბევრად მეტ მგზავრს მოემსახურება. ასევე, შემცირდება მოლოდინის დრო. ახალი სქემის მიხედვით, მარშრუტი ნიკოლოზ ბარათაშვილის ქუჩიდან ქეთევან დედოფლის გამზირამდე გაგრძელდება, შემდეგ კი ავტობუსი ბერი გაბრიელ სალოსის გამზირსა და ემირ ბურჯანაძის ქუჩას დაუკავშირდება. მეორე მხრივ, მარშრუტი აკაკი ბელიაშვილის ქუჩიდან დიდ დიღმამდე გაგრძელდება. შესაბამისად, N306 ავტობუსი იმოძრავებს ფარნავაზ მეფის გამზირისა და დემეტრე თავდადებულის ქუჩის გავლით“, – განაცხადა კახა კალაძემ.

ბერლინ-ბრანდენბურგის საერთაშორისო აეროპორტის სიახლოვეს უცნობი დრონის დაფიქსირების გამო, აეროპორტმა მუშაობა დროებით შეაჩერა.
მედიის ინფორმაციით, აეროპორტის პრესსპიკერმა განაცხადა რომ რეისები დაახლოებით ორი საათის განმავლობაში, ადგილობრივი დროით 20:08 საათიდან 21:58 საათამდე შეჩერდა.
ბევრი რეისი სხვა აეროპორტებში გადამისამართდა, მათ შორის დრეზდენში, ლაიფციგში, ჰამბურგსა და ჰანოვერში. გადაიდო ბაზელის, ოსლოსა და ბარსელონას მიმართულებით დანიშნული რეისები და სხვა აეროპორტებში გადამისამართდა ფრენები ლონდონიდან, სტოკჰოლმიდან, ანტალიიდან და ჰელსინკიდან.
ბრანდენბურგის პოლიციის პრესსპიკერმა ჟურნალისტებს განუცხადა, რომ თვითმხილველმა აეროპორტთან დაახლოებით 20:00 საათზე დრონის დანახვის შესახებ განაცხადა. დრონი საპატრულო მანქანის ეკიპაჟმაც შენიშნა, მაგრამ პილოტის ადგილსამყოფელი ვერ დაადგინეს.

პენტაგონმა უკრაინისთვის Tomahawk რაკეტების გადაცემაზე ნებართვა გასცა, საბოლოო გადაწყვეტილება ტრამპზეა. ამის შესახებ ინფორმაციას CNN-ი სამ ამერიკელ და ევროპელ წყაროზე დაყრდნობით ავრცელებს.
მათი ცნობით, აშშ-ის ომის დეპარტამენტმა (ყოფილი თავდაცვის დეპარტამენტი) უკრაინისთვის Tomahawk რაკეტების გადაცემაზე ნებართვა გასცა მას შემდეგ, რაც შეაფასა, რომ ეს უარყოფითად არ აისახება ამერიკულ მარაგებზე. საბოლოო გადაწყვეტილება აშშ-ის პრეზიდენტზე, დონალდ ტრამპზეა.
ცნობისთვის, აქამდე ტრამპმა ზელენსკისთან შეხვედრის დროს განაცხადა, რომ მას ურჩევნია უკრაინას აღნიშნული რაკეტები არ გადასცეს, ვინაიდან „არ გვსურს ისეთი რაღაცების გადაცემა, რაც ჩვენი ქვეყნის დასაცავად გვჭირდება“.
ცნობისთვის, ამერიკულ Tomahawk რაკეტებს დაახლოებით 1,600 კილომეტრის მოქმედების რადიუსი აქვთ.
interpressnews.ge

დრონების თავდასხმების საშიშროების გამო 1 ნოემბრის ღამეს რუსეთის ხუთ ქალაქში აეროპორტები დროებით დაიხურა. რუსეთის თავდაცვის სამინისტრომ განაცხადა, რომ საჰაერო თავდაცვის ძალებმა 98 დრონი ჩამოაგდეს ცხრა რეგიონში, მათ შორის მოსკოვთან ახლოსაც.
როსავიაციის ცნობით, ფრენები დროებით შეიზღუდა პენზის, სამარის, სარატოვის, კალუგისა და ტამბოვის აეროპორტებში, თითქოს უსაფრთხოების უზრუნველსაყოფად.
31 ოქტომბრის საღამოს რუსულმა მხარემ ასევე განაცხადა, რომ ბელგოროდის რეგიონში 35, ხოლო ვორონეჟსა და ყირიმში ორი-ორი დრონი გაანადგურეს.
მოსკოვის მერმა სერგეი სობიანინმა აღნიშნა, რომ ქალაქთან 6 დრონი ჩამოაგდეს. ამავე დროს, ჟუკოვსკიში ქალაქის ნაწილს ელექტროენერგია გაეთიშა – სავარაუდოდ, ტექნიკური დაზიანების გამო.

მასწავლებელი, ნინო დათაშვილი, რომელმაც გუშინ საპატიმრო დატოვა, ციხეში გატარებულ დღეებს იხსენებს და ამბობს, რომ 4 თვის განმავლობაში გაუსაძლის პირობებში უწევდა ყოფნა.
როგორც დათაშვილმა ვიკა ბუკიას “პირველ ხაზში“ განაცხადა, საკანში, რომელშიც თავდაპირველად იყო, წყალი ჩადიოდა, წვიმა ასხამდა და ბათქაში ცვიოდა, რის გამოც, სხვა საკანში გადაყვანა მოითხოვა.
ჩემ საკანში წყალი ჩამოდიოდა, წვიმამ შემოასხა ერთხელ, საკმაოდ მძიმე პირობებში ვიყავი, არ მეგონა, თუ საქართველოს ციხეებში ასეთი მძიმე პირობები იყო ზოგადად. საკმაოდ შელახული საკანი, ბათქაში ცვიოდა, ტუალეტიც ძალიან მოუწესრიგებელი. არ გაქვს კარადა, რომ ნივთები შეინახო, სკამის სიმაღლის ტუმბო იყო და დაკუზვა ხშირად მიწევდა, საწოლი ისეთი იყო, რომ მე პირადად, ძლიან დიდი ზიანი მომიტანა. იყო რკინის და ფიცარზე ვიწექი ფაქტობრივად, ძალიან მსუბუქ ლეიბზე. 3 თვე ვითხოვდით ორთოპედიულ მატრასზე და ისეთ დროს მეღირსა, ძალიან რომ დამიმძიმდა მდგომარეობა, თუმცა არ ის იყო ისეთი, რომელიც ჩემს მდგომარეობაზე იქნებოდა მორგებული. ჩემი დიაგნოზის მქონე ადამიანებისთვის საწოლს და მატრასს დიდი მნიშვნელობა აქვს. მაგიდასთან ფაქტობრივად ვერ ვიჯექი, ისეთი დაბალი იყო. 13 სექტემბერს ძაან დავმძიმდი, მხოლოდ ტუალეტამდე მივდიოდი და მეტი ვეღარ დავდიოდი, 2-3 ინქეციას ვიკეთებდი და ისეთი ჯოჯოხეთური ტკივილები მქონდა, მაინც ვერ ვიძინებდი. 17 სექტემბერს გადამიყვანეს ადაპტირებულ საკანში, სადაც შედარებით უკეთესი პირობები იყო, თუმცა მაინც არ იყო ჩემზე მორგებული. უჰაერობა, ნესტი, მიბერავდა ქარი და ყოველდღე ახალ-ახალი ანთებებით ვდგებოდი, – ყვება ნინო დათაშვილი.
ცნობისთვის, 4 თვიანი პატიმრობის შემდეგ, ნინო დათაშვილმა ქალთა ციხე ჯანმრთელობის მძიმე მდგომარეობით 29 ოქტომბერს გირაოს სანაცვლოდ დატოვა.

საფრანგეთის სპეცსამსახურებმა ლუვრში მომხდარი გახმაურებული ძარცვის საქმეზე კიდევ ხუთი ახალი ეჭვმიტანილი დააკავეს, – ამის შესახებ გამოცემა France Info წერს.
ოთხი ეჭვმიტანილი პოლიციამ მაშინ დააკავა, როცა ისინი მშვიდად იდგნენ გულშემატკივართა რიგში, რათა შესულიყვნენ საფეხბურთო მატჩზე „პარიზი FC“ – „ლიონი“. მეხუთე ეჭვმიტანილი მოგვიანებით აიყვანეს.
პარიზის პროკურორმა ლორა ბეკომ განმარტა, რომ ერთ-ერთი დაკავებული უკვე იყო გამომძიებელთა მხედველობის არეში, რადგან დანაშაულის ადგილზე მისი დნმ-ის კვალი იქნა აღმოჩენილი. სავარაუდოდ, ის იყო ერთ-ერთი სკუტერის მძღოლი, რომლითაც მძარცველები შემთხვევის ადგილიდან მიიმალნენ.
დაკავება მოხდა 29 ოქტომბრის საღამოს, დაახლოებით 20:30 საათზე, პარიზში. პოლიციის ცნობით, დაკავება სწრაფად და ინციდენტების გარეშე წარიმართა.
აღსანიშნავია, რომ ეჭვმიტანილთა უმეტესობა მცირე სამართალდარღვევების ისტორიის მქონე პირებია. ამასთან, მოპარული ძვირფასეულობა, რომლის ღირებულება შეადგენს დაახლოებით 88 მილიონ ევროს, ჯერჯერობით ნაპოვნი არ არის.

სუდანის სამხრეთში სამხედროებს შორის შეტაკება მოხდა, რადგან ზოგიერთმა მათგანმა უარი განაცხადა პოზიციების დატოვებაზე სამხრეთ სუდანის დამოუკიდებლობის გამოცხადების შემდეგ.
შეტაკება ქალაქ მალაკალში მოხდა, როდესაც ჯარისკაცებმა უარი განაცხადეს მძიმე იარაღის ჩაბარებაზე. შეტაკების შედეგად სულ ცოტა 20 ჯარისკაცი დაიღუპა და 24 დაიჭრა.
ამასობაში სამხრეთ სუდანი დამოუკიდებლობის მოპოვების აღსანიშნავი ზეიმისთვის ემზადება. ეს 2005 წლის სამშვიდობო შეთანხმების შედეგია, რომელიც რამდენიმე წლიან სამოქალაქო ომს მოჰყვა.

ჟურნალისტი, ნინო ჯანგირაშვილი:
მშიერმუცელა და ნახევრად მაძღარი ქოცები ვ შოკე და ბრაზობენ, ეს რამდენი უჭამიათო ბობოლა ქოცებს. არაუშავრს, გაუვლით და ისევ სანთელს დაუნთებენ ბ–ნ ბიძინას, რომ თავისი პატარა ჯამებით მაინც შერჩეთ სალაფავები.

პოლიტოლოგი, ლევან ლორთქიფანიძე
რატომ აუქმებენ დემოკრატიული სისტემები ოპოზიციურ პარტიებს?
ავტორიტარული რეჟიმები ოპოზიციურ პარტიებს აუქმებენ, რადგან პოლიტიკური ველის სრულად გაკონტროლება სურთ. მათი ამოცანაა სახელისუფლებო ვერტიკალსა და მის ბრძანებებს დაუქვემდებარონ ყველა პოლიტიკური სტრუქტურა – სახელმწიფო ინსტიტუტებიდან დაწყებული, ძალაუფლების არმქონე პოლიტიკური აქტორებით დასრულებული.
დემოკრატიულ სისტემებში პარტიების აკრძალვა სულ სხვა მიზანს ემსახურება.
მეორე მსოფლიო ომის შემდგომ ევროპაში ჩამოყალიბდა „მებრძოლი დემოკრატიის“ იდეა. აღნიშნული იდეის ავტორები მიიჩნევდნენ, რომ სისტემა აღჭურვილი უნდა იყოს ინსტრუმენტებით, რათა ავტორიტარიზმის მომხრეებმა დემოკრატიული მეთოდები მის დასამხობად არ გამოიყენონ. პოსტნაცისტურ დასავლეთში არაერთმა სახელმწიფომ თავის კონსტიტუციაში ჩაწერა მუხლი, რომლიც ხელისუფლებას აძლევს ბერკეტებს დემოკრტიული წეს-წყობილების მოწინააღმდეგეთა გასანეიტრალებლად. ევროპელები ამ გზას თავიანთი გამოცდილების საფუძველზე დაადგნენ. გასული საუკუნის 20-30-იანი წლების პერიოდში ნაცისტებისა თუ ბოლშევიკების წყალობით დემოკრატია ხშირად ვერ ახერხებდა სწრაფ და ეფექტიან მოქმედებას, ამიტომ ხალხი მუდმივ და დაუსრულებელ დებატებს, დისკუსიებს, მთავრობის ფორმირების ურთულეს პროცესსა და არასტაბილურობას ძალაუფლების კონცენტრირებას ამჯობინებდა.
🤔 რა საშუალებებს იყენებს მებრძოლი, წინააღმდეგობის გაწევის უნარის მქონე დემოკრატია ექსტრემისტული პარტიების განსაიარაღებლად?
განვიხილოთ გერმანიის ფედერაციული რესპუბლიკის მაგალითი (რაც ვიცი, იმაზე გიყვებით სულ. უკაცრავად). ფედერაციული რესპუბლიკის ძირითადი კანონი პოლიტიკურ პარტიებს დემოკრატიის განუყოფელ მექანიზმად აღიარებს. აქედან გამომდინარე, პარტიების აკრძალვის შესახებ გადაწყვეტილებები მარტივად არ მიიღება და ურთულეს, მრავალსაფეხურიან პროცედურასთან არის დაკავშირებული. პარტიათა აკრძალვის მოთხოვნა მხოლოდ სამ საკონსტიტუციო ინსტიტუტს შეუძლია. პარლამენტის პალატებისა და ფედერალური მთავრობის გარდა პროცედურას სხვა ვერავინ აღძრავს. ბუნებრივია, აუცილებელია, რომ ინიციატივას კონკრეტული ინსტიტუტების წიაღშიც უმრავლესობა უჭერდეს მხარს.
შემდეგ საკითხი საკონსტიტუციო სასამართლოს გადაეცემა, პროცესები წლობით გრძელდება, განაჩენის გამოსატანად კი სენატის მოსამართლეთა ხმების 2/3 საჭირო.
🤔 რა შეიძლება იქცეს პოლიტიკური პარტიის აკრძალვის წინაპირობად?
გფრ-ის კონსტიტუციის მიხედვით აკრძალულია ისეთი პოლიტიკური პარტიების არსებობა, რომლებიც: ➡️ თავისუფალ და დემოკრატიულ საბაზისო წესრიგს უქმნიან საფრთხეს ან მისი აღმოფხვრა სურთ.
➡️ ესწრაფვიან სახელმწიფოს დაშლას, მის არარსებობას.
განვიხილოთ თითოეული პუნქტი ცალ-ცალკე:
(1) თავისუფალი და დემოკრატიული საბაზისო წესრიგი სამ ძირითად სვეტს ეყრდნობა: ადამიანის ღირსების ხელშეუვალობას, ხელისუფლების არჩევის დემოკრატიულ წესსა და სამართლებრივი სახელმწიფოს პრინციპს. მაშასადამე, თუ პარტია ადამიანებს რაიმე ნიშნით პირველ და მეორეხარისხოვან მოქალაქეებად ანაწევრებს, სურს თავისუფალი საზოგადოებისა და თავისუფალი არჩევნების გაუქმება, და არ აღიარებს სამართლის უზენაესობას, მის წინააღმდეგ შეიძლება საკონსტიტუციო სარჩელი აღიძრას. თუმცა, მხოლოდ გაცხადებული ანტისახელმწიფოებრივი ხედვები პარტიის წინააღმდეგ პროცესის დასაწყებად და მის გასაუქმებლად არ არის საკმარისი. გერმანული პრაქტიკის მიხედვით, მხოლოდ იმ პარტიებს უწყდებათ რეგისტრაცია, რომლებიც აქტიურად და აგრესიულად, მათ შორის ძალადობის გამოყენებით ებრძვიან წესრიგს და სამართლებრივი სახელმწიფოს დამხობას ცდილობენ; შემუშავებული აქვთ წინასწარ განსაზღვრული სამოქმედო გეგმა თავისუფალი და დემოკრატიული საბაზისო წესრიგის ჩასანაცვლებლად. (2) მეორე წინაპირობა კი მიმართულია იმ პოლიტიკური ძალების მიმართ, რომლებიც სეპარატიზმის წახალისებას, რომელიმე ფედერალური მიწის სხვა სახელმწიფოსთან შეერთებას ან გერმანიის სხვა ქვეყნის მიერ დაპყრობას შეიძლება ემსახურებოდნენ.
🇩🇪 ფედერაციული რესპუბლიკის 75 წლიანი ისტორიის განმავლობაში მხოლოდ ორი პარტია აიკრძალა:
🟤 სოციალისტური საიმპერიო პარტია die Sozialistische Reichspartei
ნიურბერგის პროცესის შედეგად გერმანიაში ნაცისტური პარტია და მისი მოკავშირე ორგანიზაციები აიკრძალნენ. ნაციზმის ფორმალური აკრძალვა მოსახლეობის ერთ ნაწილში ფესვგადგმული რასისტული, ანტისემიტური და ძალადობრივი იდეოლოგიის აღმოფხვრისთვის საკმარისი არ აღმოჩნდა. 1940-იანი წლების ჰიტლერის ეპოქის გადარჩენილმა ფუნქციონერებმა ორგანიზება დაიწყეს. სოციალისტური საიმპერიო პარტია ნაცისტურ მემკვიდრეობაზე პრეტენზიის მქონე ერთ-ერთი მთავარი ძალა გახლდათ. პარტიის ლიდერები იყვნენ: ოტო რემერი, 1944 წელს ჰიტლერის წინააღმდეგ პუტჩის მცდელობის სისხლიანი ჩახშობაში ორგანიზატორი, და ფრიც დორლსი, ნაცისტი ისტორიკოსი და მოიერიშე რაზმების ყოფილი წევრი. პარტიის ყრილობებზე მღეროდნენ ნაცისტურ სიმღერებს, მათ შეკრებებს იცავდნენ ხაკისფერ უნიფორმებში გამოწყობილი ადამიანები. პარტია ითხოვდა რესპუბლიკის ნაცვლად რაიხის აღდგენას, აღვივებდნენ შუღლს ებრაელთა მიმართ, ორგანიზაციის წევრები ჰიტლერის მმართველობას მოიხსენიებდნენ „ევროპის რევოლუციური განვითარების უმაღლეს წერტილად“, გაზის კამერებს უწოდებდნენ „რევოლუციური ეპოქის მეთოდურ გამოვლინებას“. die Sozialistische Reichspartei (SRP)-ისთვის წინააღმდეგობის მოძრაობის წევრები „სამშობლოს შხამის ღირს მოღალატეებს“ წარმოადგენდნენ. პარტიის ქოლგის ქვეშ მოქმედებდა პარამილიტარული დაჯგუფება „რაიხსფრონტი“, რომელიც საჭიროების შემთხვევაში ანტინაცისტურ დემონსტრაციებზე გამოსულ სტუდენტებს აწიოკებდა.
1953 წლამდე გერმანიაში საერთო ეროვნული 5%-იანი ბარიერი არ არსებობდა, ამიტომ SRP-ს წევრები სხვადასხვა ულტრამემარჯვენე პარტიების გავლით ბუნდესტაგში აღმოჩნდნენ.
თუმცა, პარტიას ფედერალური დონის წარმატებისთვის არასდროს მიუღწევია. SRP-ს საუკეთესო შედეგი ქვემო საქსონიის ლანდტაგის არჩევნებში ჰქონდა.
სოციალისტური საიმპერიო პარტია საკონსტიტუციო სასამართლომ 1952 წელს, ერთწლიანი განხილვის შემდეგ აკრძალა. პარტიამ არსებობა საზღვარგარეთის არალეგალურ ორგანიზაციად განაგრძო.
🔴 გერმანიის კომუნისტური პარტია (KPD)
კომუნისტური პარტიის აკრძალვას ხუთი წელი დასჭირდა, სასამართლო განხილვები 1951-56 წლებში მიმდინარეობდა. SRP-სგან განსხვავებით KPD რესპექტაბელური ძალა გახლდათ. კომუნისტებმა პირველ საპარლამენტო არჩევნებზე ხმათა ხუთ პროცენტზე მეტი მოიპოვეს. წარმოდგენილნი იყვნენ თითქმის ყველა ლადტაგში, ირიცხებოდნენ ზოგიერთი რეგიონალური მთავრობის შემადგენლობაშიც, გამოსცემდნენ გაზეთებს, ფლობდნენ სტამბებს და ა.შ. პარტიის მრავალი წევრი ანტინაცისტურ წინააღმდეგობაში მონაწილეობდა, რაც მოძრაობას პრესტიჟს სძენდა. თუმცა, მოგეხსენებათ, 1950-იანი წლები ურთულესი პერიოდი გახლდათ ევროპისთვის – დაიწყო „ცივი ომი“, კორეაში ყოფილი მოკავშირეები სხვადასხვა მხარეზე აღმოჩნდნენ, სტალინი ჯერ კიდევ ცოცხალი იყო და თავისი რეჟიმის მთელ მსოფლიოში გასავრცელებლად იბრძოდა, შეიქმნა კომუნისტების მიერ მართული გერმანიის დემოკრატიული რესპუბლიკა, რომელიც დასავლეთ გერმანიის დესტაბილიზაციისთვის ენერგიას არ იშურებდა, აშშ-ში მაკარტიზმის ეპოქა იდგა. დასახელებულმა ფაქტორები, ბუნებრივია, დრამატულად ზემოქმედებდნენ შიდაევროპულ პოლიტიკურ კლიმატზე. ადენაუერის მთავრობას განზრახვა ჰქონდა, რომ ანტიკომუნისტურ ფორპოსტად წარმოჩენილიყო და ამგვარად მოეპოვებინა კიდევ უფრო მეტი მხარდაჭერა ვაშინგტონისგან. პარალელურად, კომუნისტური პარტია აქტიურად გამოდიოდა გერმანიის რემილიტარიზაციის, შეიარაღების წინააღმდეგ, პარტიის ახალგაზრდული ფრთა მხარს უჭერდა საკითხზე რეფერენდუმის ჩატარებას. გერმანიის ნატოში გაწევრიანების თავიდან ასაცილებლად იმართებოდა მასობრივი დემონსტრაციები, რომლებიც ხშირად არეულობებით სრულდებოდა. ხანგრძლივი დებატების შემდეგ სასამართლომ საბოლოოდ მაინც დაშალა კომუნისტური პარტია. გერმანია დემოკრატიულ ევროპაში ფაქტობრივად ერთადერთი ქვეყანა აღმოჩნდა, რომელმაც კომუნისტური პარტია აკრძალა. პარტიის წევრებმა გადაჯგუფება მოახერხეს, მალევე მათ დასაყრდენად იქცა „გერმანიის მშვიდობის კავშირი“, რომლის პლატფორმითაც ექს-კომუნისტები მაინც მონაწილეობდნენ სხვადასხვა კენჭისყრებში. 1968 წელს ახალი პარტია DKP დააარსეს, რომელიც აღარ აუკრძალავთ, მაგრამ მის სტურქტურებს დიდ ხანს ზედამხედველობდა უშიშროება. გერმანიაში დღესაც არაერთმნიშვნელოვნად აფასებენ კომუნისტური პარტიის აკრძალვას. მას ბევრი მოწინააღმდეგე ჰყავდა და ჰყავს.
🟠 ნაციონალ-დემოკრატიული პარტია (NPD) – პარტიის ამჟამინდელი სახელწოდებაა Die Heimat
1964 წელს გფრ-ში კიდევ ერთი ულტრანაციონალისტური პარტია NPD დაფუძნდა. დაფუძნების დღიდან არავის ეპარება ეჭვი, რომ ორგანიზაციის ხედვები საფრთხეს უქმნის თავისუფალ და დემოკრატიულ საბაზისო წესრიგს. პარტიის წინააღმდეგ ორჯერ აღიძრა საქმე საკონსტიტუციო სასამართლოში, ორივეჯერ წარუმატებლად. თუმცა, სპეცსამსახურები აკვირდებიან გაერთიანების საქმიანობას.
NPD ორმა გარემოებამ გადაარჩინა:
1. მისი სტრუქტურები საკმარისად ძლიერი არ არის, მას არ შესწევს ძალა, რომ საკუთარ ექსტრემისტულ მიზნებს მიაღწიოს;
2. სასამართლო მოითხოვს, რომ განაჩენის გამოტანამდე კონსტიტუციური უსაფრთხოების სამსახურებმა გამოიყვანონ ყველა ინფორმატორი („V-Leute“) პარტიის ფედერალური და რეგიონული ხელმძღვანელობდან. სასამართლო განაჩენის გამოსატანად ითხოვს, პარტიის გათავისუფლებას სპეცსამსახურების მიერ შეგზავნილი წევრებისგან. კონსტიტუციური უსაფრთხოების დეპარტამენტი დამოუკიდებელი სტრუქტურაა და მას კონკრეტული შემთხვევის ზედამხედველობის დროს რომელიმე კანონიერი საშუალების გამოყენებას ვერავინ შეუზღუდავს (პარლამენტს მხოლოდ ის შეუძლია, რომ აირჩიოს სამსახურის ახალი ხელმძღვანელი, რომელსაც განსხვავებული ხედვა ექნება).
🔸 შეჯამებისთვის:
➡️ გერმანიაში არასდროს აუკრძალავთ საპარლამენტო პარტია, ან მთავარი ოპოზიციური პარტიები. ➡️ აკრძალული პარტიები მარგინალური პოლიტიკური ძალები იყვნენ და მათი მხარდამჭერთა რაოდენობა 1-2% გახლდათ. ➡️ აკრძალვამ ისინი ძალიან დააზარალა, მაგრამ მათ მაინც მოძებნეს სხვა პლატფორმები, რომელთა დახმარებითაც მუშაობა გააგრძელეს და ახალი ფორმით დაბრუნდნენ პოლიტიკურ სისტემაში. ➡️ აკრძალვის ოფიციალური მიზეზი ყოველთვის იყო არა მმართველ პარტიასთან ან კონსტიტუციურ პრინციპებთან დაპირისპირება, არამედ აქტიური, აგრესიული, ძალადობრივი თავდასხმა თავისუფალ და დემოკრატიულ საბაზისო წესრიგზე. ფოტო: კომპარტიის პლაკატი ვაიმარის ეპოქიდან, წარწერით – “ბოლო მოეღოს ამ სისტემას”

ევროლიგის მერვე ტურში „ბარსელონამ“ ბელგრადში „პარტიზანი“ 78:76 დაამარცხა.
სტუმართა გუნდის მძიმე ფორვარდმა თორნიკე შენგელიამ 29:45 წუთში 24 ქულა (5-დან 4 ორქულიანი, 3-დან 2 სამქულიანი, 12-დან 10 საჯარიმო), 5 მოხსნა, 5 შედეგიანი გადაცემა და 4 ჩაჭრა მიითვალა, მისი მარგი ქმედების კოეფიციენტი 42-ს გაუტოლდა და მატჩის MVP გახდა.
აი, რას წერს ესპანური მედია შენგელიაზე.
AS: „ქართველი თამაშს წარმართავდა და საავტორო გამარჯვება მოიპოვა. მოიგო „ბარსამ“, რადგან ამ გუნდში „თოკოა“. შეიძლება შეხვედრის სხვადსხვაგვარი ანალიზი შემოგთავაზოთ, მაგრამ არცერთი არ იქნება სრულფასოვანი, თუ მას არ გამოვარჩევთ. ის ყველა კომპონენტში შთამბეჭდვი იყო. ეს შენგელიას მატჩია, რომელიც მუდამ გვემახსოვრება“.
Marca: „ტრიუმფი. შენგელია საუკეთესოდ გაისარჯა, რაც „ბარსელონაში“ გადმოვიდა“.
კატალონიური „სპორტი“: „ვარსკვლავური შენგელიას იდილია ბელგრადში. ის პარკეტზე საუკეთესო იყო“.
„მუნდო დეპორტივო“: „შენგელიამ და კლაიბერნმა ნოკაუტში ჩააგდეს „პარტიზანი“. თორნიკე მთავარი გმირია“.
„ბარსა“ 5 მოგებით მერვე ადგილზეა და 7 ნოემბერს „რეალს“ უმასპინძლებს.
შენგელიას 11 ქულა და “ბარსას” მე-4 გამარჯვება ევროლიგაზე
შერმადინმა “უნიკახასთან” 15 ქულა, 8 მოხსნა და გამარჯვება გაიფორმა
შენგელიას 18 ქულა და გამარჯვება, ბურჯანაძის 7 ქულა და ბრძოლაში მარცხი
შენგელიას 18 ქულა და გამარჯვება, ბურჯანაძის 7 ქულა და ბრძოლაში მარცხი
[VIDEO] შენგელიას შედეგიანი მატჩი – “ბარსელონა” “დუბაისთან” დამარცხდა
შენგელიას 11 ქულა და “ბარსას” მე-4 გამარჯვება ევროლიგაზე
შენგელიას 13 ქულა და “ბარსელონას” საშინაო მარცხი “ჟალგირისთან”
შენგელიას 13 ქულა და “ბარსელონას” საშინაო მარცხი “ჟალგირისთან”
“ამას ნამდვილად არ ველოდი” – რას წერენ “ბარსელონას” ფანები თორნიკე შენგელიაზე?

38 წლის ილია გელაშვილი ის ადამიანია, რომელმაც საქართველოს ყველაზე დაცული ბანკიდან – 9 მილიონ ლარზე მეტი (დაახლოებით, 4 მილიონი აშშ დოლარი) გაიტაცა. ეს არის ყველაზე დიდი ძარცვა საქართველოს ისტორიაში, ბოლო 108 წლის განმავლობაში.
2014 წელს, „საქართველოს ბანკი“ ყველაზე დაცულ ბანკად საერთაშორისო გამოცემა Global Finance-მა, გრძელვადიანი საკრედიტო რეიტინგების ანალიზის შედეგად დაასახელა.
ილია გელაშვილი წლების განმავლობაში, „პრივატ ბანკის“ საინკასაციო სამსახურში მუშაობდა. 2014 წლის ბოლოდან კი როცა „პრივატ ბანკი“ „საქართველოს ბანკმა“ შეისრუტა, იგი გაერთიანებული საინკასაციო სამსახურის ერთ-ერთი ხელმძღვანელი გახდა.
გელაშვილზე ძალზე მწირი ინფორმაცია არსებობს. იგი ბორჯომში დაიბადა, საშუალო განათლება გორში მიიღო. მშობლების გარეშე გაიზარდა (წყაროს ცნობით, დედამ თავი მოიკლა) და მისი მეურვე ურბნისისა და რუისის ეპარქიის მმართველი, მეუფე იობი იყო.
თბილისში, ნაძალადევის უბანში ხელმოკლედ ცხოვრობდა. „საქართველოს ბანკში“ ბოლო დროს, სწორედ გელაშვილის უშუალო მეთვალყურების ქვეშ ხდებოდა საბანკო ინკასაციის პროცესი.
თანხის მნიშვნელოვანი ნაწილი, ნახევარზე მეტი ამოღებულია. პირი, რომელიც არის ძებნაში, მისი პიროვნება იდენტიფიცირებულია. იმედი მაქვს, რომ აუცილებლად მოხდება მისი დაკავებაც. მეტად მნიშვნელოვანია და პრინციპულია ჩვენთვის ამ საქმის ბოლომდე მიყვანა.“ მურთაზ კიკორია, “საქართველოს ბანკის” გენდირექტორი
24 ოქტომბერს, გელაშვილმა „საქართველოს ბანკის“ ინკასაციის მანქანა, რომელშიც, სხვადასხვა ვალუტაში, 9 მილიონზე მეტი იყო, თავისუფლების მოედნიდან წაიყვანა.
შემდეგ, სპეცმანქანა GPS-ის სისტემიდან გათიშა, პლეხანოვზე მიატოვა, ფული გაიტაცა და დაუდასტურებელი ინფორმაციით, ლარსის საბაჟოს გავლით, რუსეთში, ჩრდილოეთ ოსეთში გადავიდა.
ნიშანდობლივია, რომ გელაშვილს საუკუნის ძარცვიდან 3 დღეში, 38 წელი შეუსრულდა და საკუთარ თავს ასეთი „საჩუქარი“ გაუკეთა.
მურთაზ კიკორიამ, “საქართველოს ბანკის” გენერალურმა დირექტორმა, რომელიც ამ თანამდებობაზე სექტემბერში დაინიშნა, განაცხადა, რომ ბანკისთვის ილია გელაშვილის დაკავებას და გატაცებული თანხის სრულად დაბრუნებას პრინციპული მნიშვნელობა აქვს.
„ჩვენ შეგვიძლია ვთქვათ, რომ ეს იყო ქურდობა, ორგანიზებული ჯგუფის მიერ. თანხის მნიშვნელოვანი ნაწილი, ნახევარზე მეტი ამოღებულია.
პირი, რომელიც არის ძებნაში, მისი პიროვნება იდენტიფიცირებულია. იმედი მაქვს, რომ აუცილებლად მოხდება მისი დაკავებაც. მეტად მნიშვნელოვანია და პრინციპულია ჩვენთვის, ამ საქმის ბოლომდე მიყვანა.“
შინაგან საქმეთა სამინისტროს ორ კვირაზე მეტი დასჭირდა, რომ ყველაზე გახმაურებული დანაშაული ნაწილობრივ გაეხსნა. „საქართველოს ბანკიდან“ ილია გელაშვილის მიერ გატაცებული მილიონების ნაწილს, პოლიციამ 10 ნოემბერს ღამით, თბილისში, კონიაკის დასახლებაში, დავით სარაჯიშვილის ქუჩაზე მიაგნო.
პოლიციის ინფორმაციით, გატაცებული ფულის ნაწილი ამოღებული იქნა გელაშვილის თანამზრახველების ბინიდან, ავტოფარეხიდან და სარდაფიდან.
„ამერიკის ხმამ“ გაარკვია, რომ ერთ-ერთი დაკავებული, ილია გელაშვილის ახლო მეგობარი, 49 წლის მალხაზ ბაკურაძეა, მეორე კი იქვე მცხოვრები, 37 წლის ქალბატონი. მათ ბრალი უკვე წარედგინათ. დაკავებულების ოჯახის წევრები მედიასთან კომენტარს არ აკეთებენ.
„საქართველოს ბანკის“ დირექტორი ამტკიცებს, რომ გუშინდელი სპეცოპერაციის შედეგად, ბანკმა გატაცებული თანხის ნახევარზე მეტი დაიბრუნა.
„გამოძიებამ დაადგინა, რომ ამჟამად ძებნაში მყოფი ილია გელაშვილი, „საქართველოს ბანკის“ საცავიდან 9 მილიონ 197 ათას 771 ლარს მისაკუთრების მიზნით ფარულად დაეუფლა. მამუკა ჭელიძე, შსს
ზუსტად რა ოდენობის ფულის გადატანა შეძლო ილია გელაშვილმა ლარსის საბაჟოზე ან საერთოდ როგორ მოახერხა ამდენი თანხის სახელმწიფო საზღვარზე გადატანა, ჰყავდა თუ არა დამხმარეები? ამაზე შინაგან საქმეთა სამინისტროში, გამოძიების ინტერესებიდან გამომდინარე, ჯერ არ საუბრობენ.
არაფიციალურად, ამბობენ რომ გელაშვილმა რუსეთში, სადაც ნათესავები ჰყავს, დაახლოებით 4,5 მილიონი ლარი გადაიტანა.
გამოძიება სისხლის სამართლის კოდექსის 177 მუხლით, წინასწარი შეთანხმებით, ჯგუფის მიერ, დიდი ოდენობით ფულადი თანხის ქურდობის ფაქტზე მიმდინარეობს, რაც 10 წლამდე თავისუფლების აღკვეთას ითვალისწინებს.
შსს-ს ორგანიზებულ დანაშაულთან ბრძოლის მთავარი სამმართველოს უფროსმა მამუკა ჭელიძე აღნიშნა, რომ ილია გელაშვილზე ძებნაა გამოცხადებული.
„გამოძიებამ დაადგინა, რომ ამჟამად ძებნაში მყოფი ილია გელაშვილი, 24 ოქტომბერს თბილისში, პუშკინის ქუჩაზე მდებარე, „საქართველოს ბანკის“ საცავიდან 9 მილიონ 197 ათას 771 ლარს მისაკუთრების მიზნით ფარულად დაეუფლა. იგი იძებნება.“
ბოლოს, ასეთი დიდი მასშტაბის ძარცვა საქართველოში, 108 წლის უკან მოხდა. ნიშანდობლივია, რომ თითქმის, იმავე ადგილზე, საიდანაც ილია გელაშვილმა, 24 ოქტომბერს, 9 მილიონ ლარზე მეტი გაიტაცა.

პორტუგალიის ჩემპიონატის მეათე ტურში „სპორტინგმა“ საკუთარ მოედანზე „ალვერკა“ 2:0 დაამარცხა, რომელსაც სამი დღის წინ სახლში თასის მეოთხედფინალში 5:1 მოუგო.
მასპინძელთა გუნდის ნახევარმცველი გიორგი ქოჩორაშვილი კვლავ სათადარიგო იყო.
„სპორტინგი“ და „პორტუ“ 25-25 ქულით ლიდერები არიან (პორტუელებს 1 მატჩით ნაკლები აქვთ ჩატარებული) და მომდევნო შეხვედრას 5 ნოემბერს, ჩემპიონთა ლიგაზე ტურინში „იუვენტუსთან“ ჩაატარებს.
სპორტინგი – ალვერკა 2:0
გოლები: 1:0 იოანიდისი (68), 2:0 გონსალვეში (74)
“დღეს კვარაცხელიას შეიძლება პსჟ-ს წინააღმდეგ ეთამაშა” – ფრანგული გამოცემა არშემდგარი ტრანსფერის დეტალებს ახმოვანებს
ქოჩორაშვილი ორი გამოტოვებული მატჩის შემდეგ შეცვლაზე შევიდა – “სპორტინგმა” გაიმარჯვა
ქოჩორაშვილი სათადარიგოთა შორის დატოვეს – “სპორტინგი” 1/16-ფინალში ძლივს გავიდა
“მისით არ ვინტერესდებით” – “სპორტინგმა” საფონოვთან დაკავშირებული ჭორები უარყო
დღეს – კვარაცხელია დაბრუნებულ დემბელესთან ერთად, მიქაუტაძე “სიტის” დასამწუხრებლად
ვინისიუსი პორტუგალიური კლუბის თანამფლობელი გახდა
მამარდაშვილი “აინტრახტთან” სასტარტოშია, ქოჩორაშვილი “მარსელთან” სათადარიგოა
“სპორტინგმა” ქოჩორაშვილის გარეშე მოიგო – “რეალმა” “იუვენტუსი” ბელინგემის გოლით დაამარცხა
“სპორტინგი” შეიძლება ქოჩორაშვილის უშუალო კონკურენტმა დატოვოს
ქოჩორაშვილი შეცვლაზე და “სპორტინგის” ხელიდან გაშვებული გამარჯვება

მასწავლებელი, ნინო დათაშვილი, რომელმაც გუშინ საპატიმრო, სადაც 4 თვე გაატარა, დატოვა, ციხეში გატარებულ დღეებს ტვ პირველთან იხსენებს და ამბობს,
“ჩემ საკანში წყალი ჩამოდიოდა, წვიმამ შემოასხა ერთხელ, საკმაოდ მძიმე პირობებში ვიყავი, არ მეგონა, თუ საქართველოს ციხეებში ასეთი მძიმე პირობები იყო ზოგადად. საკმაოდ შელახული საკანი, ბათქაში ცვიოდა, ტუალეტიც ძალიან მოუწესრიგებელი. არ გაქვს კარადა, რომ ნივთები შეინახო, სკამის სიმაღლის ტუმბო იყო და დაკუზვა ხშირად მიწევდა, საწოლი ისეთი იყო, რომ მე პირადად, ძლიან დიდი ზიანი მომიტანა. იყო რკინის და ფიცარზე ვიწექი ფაქტობრივად, ძალიან მსუბუქ ლეიბზე. 3 თვე ვითხოვდით ორთოპედიულ მატრასზე და ისეთ დროს მეღირსა, ძალიან რომ დამიმძიმდა მდგომარეობა, თუმცა არ ის იყო ისეთი, რომელიც ჩემს მდგომარეობაზე იქნებოდა მორგებული. ჩემი დიაგნოზის მქონე ადამიანებისთვის საწოლს და მატრასს დიდი მნიშვნელობა აქვს. მაგიდასთან ფაქტობრივად ვერ ვიჯექი, ისეთი დაბალი იყო. 13 სექტემბერს ძაან დავმძიმდი, მხოლოდ ტუალეტამდე მივდიოდი და მეტი ვეღარ დავდიოდი, 2-3 ინქეციას ვიკეთებდი და ისეთი ჯოჯოხეთური ტკივილები მქონდა, მაინც ვერ ვიძინებდი. 17 სექტემბერს გადამიყვანეს ადაპტირებულ საკანში, სადაც შედარებით უკეთესი პირობები იყო, თუმცა მაინც არ იყო ჩემზე მორგებული. უჰაერობა, ნესტი, მიბერავდა ქარი და ყოველდღე ახალ-ახალი ანთებებით ვდგებოდი.”
ცნობისთვის, 4 თვიანი პატიმრობის შემდეგ, ნინო დათაშვილმა ქალთა ციხე ჯანმრთელობის მძიმე მდგომარეობით 29 ოქტომბერს გირაოს სანაცვლოდ დატოვა

ფოტო – mose
გზის გადაკეტვის ბრალდებით, პოლიციამ ზურა მენთეშაშვილი დააკავა.
ის პოლიციამ მაქანიდან იმ დროს გადმოიყვანა, როდესაც რუსთაველის გამზირს ტოვებდა.
როგორც დაკავებამდე მენთეშაშვილმა თქვა, უკვე მეორედ დააკავეს და 5 -დღიანი პატიმრობის ვადა 2 დღის წინ დაუმთავრდა.
5-დღიანში ვიჯექი ფოთში, წამიყვანეს და გუშინწინ გამოვედი, ისევ დამაკავეს – თქვა მენთეშაშვილმა.
ზურა მენთეშაშვილი „გზის გადაკეტვის გამო, “ 24 ოქტომბერსაც დააკავეს. 25-ში მოსამართლემ 5-დღიანი ადმინისტრაციული პატიმრობა შეუფარდა.
ცოტა ხნის წინ, ასევე რუსთაველის გამზირზე დააკავეს, დიპლომატი გიორგი წიქარიშვილი.

რუსულენოვან ტელეგრამ არხებზე ვრცელდება ინფორმაცია, რომ რუსეთის მიმართულებით, ამ წუთებში, შესაძლოა, 700-ზე მეტი უკრაინული დრონი მიფრინავდეს.
მათი ცნობით, უკრაინული დრონები უტევენ მოსკოვის, ლიპეცკის, ტამბოვის, ბელგოროდის, ვორონეჟის, ტულას, რიაზანის, ორელის, კურსკის, ბრაიანკის, როსტოვის, ვოლგოგრადის, სამარას, პენზას, ულიანოვსკის, ორენბურგის და ნიჟნი ნოვგოროდის რეგიონებს.

Vision Air – ის მიერ ოპერირების დაწყება ხელს შეუწყობს ორ ქვეყანას შორის მგზავრთნაკადის ზრდას, ასევე დადებითად აისახება ტურიზმის სფეროში თანამშრომლობაზე – თამარ იოსელიანი
ავიაკომპანია Vision Air – ი საქართველოსა და მოლდოვას შორის რეგულარულ საჰაერო მიმოსვლას იწყებს. 2 ნოემბრიდან ავიაკომპანია კიშინეუ – თბილისი – კიშინეუს საჰაერო ხაზზე ავიარეისს შეასრულებს. როგორც ეკონომიკისა და მდგრადი განვითარების მინისტრის მოადგილემ თამარ იოსელიანმა განაცხადა, Vision Air – ის მიერ ოპერირების დაწყება ხელს შეუწყობს ორ ქვეყანას შორის მგზავრთნაკადის ზრდას, ასევე დადებითად აისახება ტურიზმის სფეროში თანამშრომლობაზე.
„ჩვენ მივესალმებით ქვეყანაში კიდევ ერთი ახალი ავიაკომპანიის შემოსვლას. ასევე მნიშვნელოვანია, რომ Vision Air – ი მეორე ავიაკომპანია, რომელიც საქართველოსა და მოლდოვას შორის პირდაპირ ავიარეისებს განახორციელებს, რაც იმას მიანიშნებს, რომ იზრდება ინტერესი მოლდოვიდან საქართველოს მიმართ. ასევე აღსანიშნავია ის, რომ Vision Air – ი ეტაპობრივად გაზრდის თბილისი – კიშინეუს რეისის სიხშირეს და საბოლოოდ, საქართველოს დედაქალაქში ფრენას კვირაში სამჯერ შეასრულებს,“ – აღნიშნა მინისტრის მოადგილემ.
Vision Air – ი ეტაპობრივად გაზრდის ფრენების რაოდენობას, კერძოდ, 13 ნოემბრიდან დაამატებს მეორე სიხშირეს (ხუთშაბათი), ხოლო 16 დეკემბრიდან, ავიაკომპანია ავიარეისებს კვირაში სამი სიხშირით, ყოველ სამშაბათს, ხუთშაბათსა და კვირას შეასრულებს. სამოქალაქო ავიაციის სააგენტომ ავიაკომპანიას რეგულარული საჰაერო მიმოსვლის განხორციელებისათვის აუცილებელი ნებართვა მიმდინარე წლის 10 ოქტომბერს მიანიჭა. აღსანიშნავია, რომ მოლდოვიდან საქართველოს მიმართულებით ფრენებს ამჟამად კიდევ ერთი ავიაკომპანია – FLYONE ასრულებს.
“Vision Air”-ი არის მოლდოვაში რეგისტრირებული ავიაკომპანია, რომელმაც უკრაინულ „SkyUp Airlines“-თან პარტნიორობით ოპერირება 2025 წლის ზაფხულიდან დაიწყო.
ინფორმაციას ეკონომიკისა და მდგრადი განვითარების სამინისტრო ავრცელებს

აღმოჩენილია ახალი ეგზოპლანეტა, რომელიც შეიძლება ამ დროისათვის ჩვენთვის ცნობილთა შორის საუკეთესო უცხო პლანეტა იყოს არამიწიერი სიცოცხლის საძებნელად.
ის ჩვენგან სულ რაღაც 18 სინათლის წლითაა დაშორებული — სუპერდედამიწის ტიპის პლანეტას, სახელად GJ 251c-ს, დედამიწაზე 3,84-ჯერ მეტი მასა აქვს. ყველაზე ამაღელვებელი ნაწილი კი ის არის, რომ ის თავის ვარსკვლავის სასიცოცხლო ზონაში მოძრაობს — ორბიტულ მანძილზე, რომელზეც ისეთი გარემოა, რომ პლანეტის ზედაპირზე შესაძლებელია თხევადი წყლის შენარჩუნება.
„ეგზოპლანეტა სასიცოცხლო ზონაში მდებარეობს, ანუ ვარსკვლავისგან ისეთ მანძილზე, რომ მის ზედაპირზე შესაძლებელია თხევადი წყლის არსებობა, თუკი შესაფერისი ატმოსფერო აქვს“, — განმარტავს პენსილვანიის სახელმწიფო უნივერსიტეტის ასტრონომი სვრათ მაჰადევანი.
მეცნიერები ჯერ კიდევ ცდილობენ იმ ინგრედიენტთა კომპლექსური ნაზავის დადგენას, რომელიც პლანეტაზე სიცოცხლის აღმოცენების საშუალებას იძლევა. თუმცა, არსებობს რამდენიმე დიდი მახასიათებელი, რომელიც იქამდე უნდა ვეძებოთ, ვიდრე კანდიდატის უფრო დეტალური კვლევას დავიწყებთ.
პირველი ორი რამ, რასაც მეცნიერები ეძებენ, არის — აქვს თუ არა პლანეტას დედამიწის მსგავსი მყარი, კლდოვანი შემადგენლობა, რადგან ის ჩვენთვის ცნობილი ერთადერთი პლანეტაა, რომელზეც სიცოცხლე არსებობს; და ასევე, არის თუ არა პლანეტა თავისი ვარსკვლავიდან ისეთ მანძილზე, რომ მის ზედაპირზე თხევადი წყლის შენარჩუნებისთვის ხელსაყრელი ტემპერატურა იყოს.
ამ დროისათვის აღმოჩენილ ათასობით ეგზოპლანეტას შორის იშვიათია ისეთი, რომლებიც ამ ორივე კრიტერიუმს აკმაყოფილებენ. შესაბამისად, ისეთი პლანეტა, რომელიც არა მხოლოდ ამ ორივე კრიტერიუმს აკმაყოფილებს, არამედ საკმარისად ახლოსაც არის დეტალურად შესასწავლად — ნამდვილი განძია განძთა შორის.
„ეს პლანეტა იმით არის განსაკუთრებით ღირებული, რომ მისი დედავარსკვლავი ჩვენგან საკმაოდ ახლოსაა, სულ რაღაც 18 სინათლის წლის მანძილზე. კოსმოლოგიური თვალსაზრისით, ეს გვერდითა კარია“, — ამბობს ირვაინში კალიფორნიის უნივერსიტეტის ასტრონომი პოლ რობერტსონი.
ეგზოპლანეტა გარს უვლის ვარსკვლავს, სახელად GJ 251 — წითელ ჯუჯას, რომელსაც მზის მასისა და დიამეტრის დაახლოებით მესამედი აქვს. ვინაიდან ის პატარა და ცივია, სასიცოცხლო ზონა მასთან გაცილებით ახლოს არის, ვიდრე მზის სისტემის სასიცოცხლო ზონა მზესთან. ამის გამო, იქ არსებული პლანეტების დაფიქსირება შედარებით ადვილია, რადგან აქვთ მოკლე ორბიტები და შესაბამისად, სიგნალიც უფრო ხშირად ჩნდება.
ასტრონომთა ჯგუფმა კორეი ბეარდის ხელმძღვანელობით, GJ 251 დაკვირვებების მიზანში ამოიღო დაბალმასიან პლანეტათა საძებნელად, რომლებიც შეიძლება პირდაპირი ვიზუალიზაციის კარგი სამიზნეები ყოფილიყვნენ. ეს ვარსკვლავი იმიტომ აირჩიეს, რომ მის გარშემო უკვე იყო აღმოჩენილი ეგზოპლანეტა, სახელად GJ 251b — სუპერდედამიწა, რომელსაც 3,85 დედამიწის მასა და 14,2-დღიანი ორბიტა აქვს, ანუ ვარსკვლავთან იმდენად ახლოსაა, რომ სიცოცხლისთვის ხელსაყრელი ვერ იქნება. ასტრონომებმა ასევე შეაგროვეს ამ ვარსკვლავზე 20 წლის განმავლობაში მიმდინარე დაკვირვებათა მონაცემები.
არსებულ მონაცემებზე დამატების შემდეგ, მკვლევრებმა მიიღეს ახალი, მაღალი რეზოლუციის დაკვირვებები, რომელთა საფუძველზეც შეძლეს ვარსკვლავის იმ ციცქნა მოძრაობათა შესწავლა, რასაც იწვევს მის გარშემო მოძრავი რაიმე პლანეტის გრავიტაციული მოქაჩვა. მათდა გასახარად, მკვლევრებმა იპოვეს არა მხოლოდ უკვე ცნობილი პლანეტის სიგნალი, არამედ მეორე, 53,6-დღიანი პლანეტის მტკიცებულებაც, რომელიც სასიცოცხლო ზონაში მოძრაობს.
GJ 251c-ის შესახებ ჯერ არც ისე ბევრი რამ ვიცით. გრავიტაციული მიზიდვით, რომლითაც ის ვარსკვლავზე ზემოქმედებს, დადგინდა მისი მასა, მაგრამ ვინაიდან ჩვენი გადმოსახედიდან ის თავისი ვარსკვლავის წინ არ ჩაივლის, დამატებითი მონაცემების გარეშე შეუძლებელია დიამეტრისა და სხვა მახასიათებლების დადგენა.
საბედნიეროდ, ის შემდეგ დაკვირვებათა ძირითადი სამიზნეა. მკვლევრებს სჯერათ, რომ ეგზოპლანეტა დაფიქსირებადი იქნება სამომავლო პირდაპირი ვიზუალიზაციის კამპანიებში, რომლებშიც ასტრონომები პლანეტებს იკვლევენ არა მხოლოდ ვარსკვლავზე მისი ეფექტებით, არამედ პირდაპირ თავად ეგზოპლანეტას აკვირდებიან.
ვრცლად პირველ არხზე

Eagle Hills-სთან გაფორმებული ხელშეკრულება თავიდან ბოლომდე არის ჩამოყალიბებული ისე, რომ მხოლოდ სარგებელს ვიღებთ ჩვენი ქვეყნისთვის ეკონომიკური და ფინანსური თვალსაზრისით – ირაკლი კობახიძე
Eagle Hills-სთან გაფორმებული ხელშეკრულება თავიდან ბოლომდე არის ჩამოყალიბებული ისე, რომ მხოლოდ სარგებელს ვიღებთ ჩვენი ქვეყნისთვის ეკონომიკური და ფინანსური თვალსაზრისით, – ამის შესახებ საქართველოს პრემიერ-მინისტრმა ირაკლი კობახიძემ ჟურნალისტებს განუცხადა.
როგორც მთავრობის მეთაურმა აღნიშნა, ეს პროექტი არის უპრეცედენტო ქვეყნისთვის, საუბარია 6,5 მილიარდი დოლარის მოცულობის ინვესტიციაზე.
„ამ მასშტაბის ინვესტიცია ჩვენს ქვეყანაში არ შემოსულა და ჩვენი ქვეყნის ეკონომიკის განვითარებისთვის არის უმნიშვნელოვანესია. რაც შეეხება პირობებს, ხელშეკრულების პირობებში მაქსიმალურად არის ასახული სახელმწიფოს ინტერესები. მადლობა მარიამ ქვრივიშვილს, რომელმაც მაქსიმუმი გააკეთა იმისთვის, რომ საუკეთესო პირობები ასახულიყო ამ ხელშეკრულებაში და ეს 33 პროცენტიც ამის კიდევ ერთი გამოხატულებაა. რაც შეეხება ვალდებულებებს, ვალდებულებები არის ორმხრივი, მაგრამ ჩვენ არ შევდივართ არც ერთ ისეთ ვალდებულებაში, რომელმაც რაიმე რისკი შეიძლება, შეუქმნას ჩვენს ქვეყანას, მის ფინანსურ და ეკონომიკურ ინტერესებს, პირიქით, ეს ხელშეკრულება თავიდან ბოლომდე არის ჩამოყალიბებული ისე, რომ მხოლოდ სარგებელს ვიღებთ ჩვენი ქვეყნისთვის ეკონომიკური და ფინანსური თვალსაზრისით“, – განაცხადა ირაკლი კობახიძემ.
ინფორმაციას მთავრობის ადმინისტრაცია ავრცელებს

თურქეთში სათხილამურო კურორტზე მდებარე სასტუმროში ხანძრის საქმეზე 11 ადამიანს სამუდამო პატიმრობა მიუსაჯეს.
სასტუმროს მფლობელი ჰალიტ ერგული იმ 11 ბრალდებულს შორის იყო, რომლებსაც ბოლუს პროვინციის სასამართლომ სამუდამო პატიმრობა მიუსაჯა. ერგულის გარდა, ბრალდებულებს შორის იყვნენ სასტუმროს საბჭოს წევრები, მენეჯერები და პერსონალი, ასევე მერის მოადგილე და სახანძრო სამსახურის თანამშრომლები.
ექსპერტების თქმით, სათხილამურო კურორტზე მდებარე სასტუმროს არ ჰქონდა ხანძარსაწინააღმდეგო უსაფრთხოების ელემენტარული ზომები.
იანვარში, თურქეთის ჩრდილო-დასავლეთით, ბოლუს მთებში მდებარე სათხილამურო კურორტზე მდებარე სასტუმრო Grand Kartal Hotel-ში ხანძარმა 78 ადამიანის სიცოცხლე შეიწირა. დაღუპულთა შორის 34 ბავშვი იყო. ხანძრის შედეგად 137 ადამიანი დაშავდა. ცეცხლი გაუჩნდა 12-სართულიან შენობაში მდებარე რესტორნის იატაკს, სადაც 238 სტუმარი იმყოფებოდა. პანიკაში მყოფი სასტუმროს სტუმრები შუა ღამით ფანჯრებიდან ხტებოდნენ.
1tv.ge

რუსეთის საზოგადოებრივი პალატის მდივნის მოადგილის, ვლადისლავ გრიბის თქმით, რუსეთი მზადაა 12-წლიან სასკოლო სისტემაზე გადასასვლელად. მისი თქმით, ეს “დროის საკითხია”.
“განვითარებული ქვეყნების უმეტესობაში 12-წლიანი სწავლება ექვსი წლის ასაკში იწყება. ჩვენი შვილები არაფრით ჩამორჩებიან იაპონელებს, ჩინელებს და ევროპელებს. ჩვენ სრულად მომზადებულები ვართ ამ გარდამავალი პერიოდისთვის. ეს მხოლოდ დროის საკითხია – დარწმუნებული ვარ, რომ ამას მივაღწევთ და მნიშვნელოვანია, რომ ეს იდეა პანიკის გარეშე განვიხილოთ”. – თქვა გრიბმა.
მისი თქმით, რუსეთში პირველკლასელთა რაოდენობა მცირდება, თუმცა, “ამან მასწავლებლების რაოდენობის შემცირება არ უნდა გამოიწვიოს”.
ამასთან, გრიბის თქმით, 12-წლიან საგანმანათლებლო სისტემაზე გადასვლა ხელს შეუწყობს პედაგოგიური პერსონალის შენარჩუნებას და უზრუნველყოფს, რომ კურსდამთავრებულებს 18 წლის ასაკში უნივერსიტეტებში ჩაბარების შესაძლებლობა ჰქონდეთ.
“12-წლიანი სასკოლო განათლების იდეა ჩვენს ქვეყანაში ფაქტობრივად უკვე ხორციელდება. სკოლამდელ დაწესებულებებში, როგორიცაა საბავშვო ბაღები, განათლების ბოლო წელი შეიძლება ჩაითვალოს სკოლისთვის მოსამზადებლად, ანუ “ნულოვან წლად”. ეს განსაკუთრებით აქტუალურია მილიონზე მეტი მოსახლეობის მქონე ქალაქებისთვის, სადაც ასეთი პროგრამების განხორციელება შესაძლებელია”. – დაამატა გრიბმა.

მეგობრებო, მომავლის ლიდერი ის იქნება ვისაც ეყოფა ნებისყოფა, ძალა და პრინციპულობა რომ ყველა ავტოკტრატი ჩარეცხოს ყველა ფლანგზე. არ არსებობს მიშას და ბიძინას ხმები (ძაან ცოტა არსებობს). არსებობს ნორმატიული გავლენის ხმები. ნორმატიულ გავლენას ამყარებს ძლიერი, ანუ ის ვისაც ყოფნის ძალა არსებული ნორმატიული წესრიგი ააყირავოს. თუ ამ წესრიგს არ აყირავებ – ამ წესრიგში ბიძინა იგებს. ანუ ვისაც “საერთო სახალხო” ლიდერად ველანდები, იმის გამო ველანდები, რომ ჩემს ჟანრში მარტო ვარ და არ ვარ წინააღმდეგი მე ვასოცირდებოდე ავტოკრატიული ნორმების დამხობასთან და ახალი, დემოკრატიული ნორმების დამყარებასთან. ანუ ეს ჟანრი იგებს, სხვა ჟანრი ვერ იგებს და მაშინ მოიგებს, როცა მოიგებს – იქამდე ბიძინა იქნება

ერთ-ერთი დაკავებულია ზურაბ მენთეშაშვილი. ის “ცისფერ გალერეასთან” დააკავეს.
მენთეშაშვილი აქციების აქტიური მონაწილეა. კანონმდებლობის მორიგ ჯერზე გამკაცრების შემდეგ, ის ერთხელ უკვე იყო დაკავებული.
ზურაბ მენთეშაშვილმა 29 ოქტომბერს დატოვა ფოთის იზოლატორი, სადაც ხუთი დღე დაყო.
კიდევ ერთი დაკავებული დემონსტრანტი არის გიორგი წიქარიშვილი, საგარეო საქმეთა სამინისტროს ყოფილი თანამშრომელი.
როგორც ჟურნალისტი, OC Media-ს თანადამფუძნებელი მარიამ ნიკურაძე წერს, დღევანდელ აქციაზე წიქარიშვილი სახის დაუფარავად გადავიდა გზის სავალ ნაწილზე:
„დაუდგა მანქანებს, პოლიციას. გააზრებული ჰქონდა, რომ დააკავებდნენ და სავარაუდოდ, პატიმრობაც მოუწევს. უნდა ჩავანაცვლოთ ერთმანეთიო, ახლა მე მიწევსო, მითხრა“, – წერს ჟურნალისტი.
„ბოლომდე! გავიმარჯვებთ მაინც! გავიმარჯვებთ სახელოვნად!“ – ეს სიტყვები წარმოთქვა მან, როდესაც პოლიციელებმა წაიყვანეს. ის ჩასვეს არა „შკოდას“ მარკის საპოლიციო ავტომობილში, არამედ “ტოიოტა პრიუსში”, რომელსაც პოლიციის მაიდენტიფიცირებელი რაიმე ნიშანი არ ჰქონია.
· წიქარიშვილი, რომელიც ევროატლანტიკური ინტეგრაციის დეპარტამენტში მუშაობდა, საჯაროდ აკრიტიკებდა საქართველოს ხელისუფლების გადაწყვეტილებას ევროკავშირში გაწევრებაზე განაცხადის გაკეთების „გადადების“ თაობაზე;
· მას 2025 წელს სამინისტროში „რეორგანიზაცია“ შეეხო.
· რადიო თავისუფლებასთან საუბარში ივლისში ამბობდა, რომ საგარეო საქმეთა სამინისტროში ცხოვრების ზუსტად ნახევარი აქვს გატარებული;
· ასევე, მას კვლავ სჯერა, რომ ქვეყნის ევროპულ და ევროატლანტიკურ ინტეგრაციას ალტერნატივა არ გააჩნია.
მხოლოდ გასული კვირის სამ დღეში, შსს-მ ანტისამთავრობო პროტესტის 60 მონაწილე დააკავა.
განახლებული კანონმდებლობით, აქციაზე გზის გადაკეტვისთვის პირველ ჯერზე ადმინისტრაციული პატიმრობა განიხილება სასჯელად, განმეორების შემთხვევაში კი სისხლისსამართლებრივი პასუხისმგებლობა დგება.
დაკავებები ამ კვირაშიც გრძელდება. პოლიციელები ყოველ საღამოს აკავებენ აქციის მონაწილეებს.
„დაპატიმრებების ტალღა და რეპრესიული კანონები საფრთხეს უქმნის გამოხატვისა და შეკრების თავისუფლებას“, – დღეს, 31 ოქტომბერს, გამოქვეყნებულ განცხადებაში საერთაშორისო უფლებადაცვითი ორგანიზაცია Amnesty International-ი წერს, რომ „ღრმად შეშფოთებულია“ საქართველოში ბოლო პერიოდში განვითარებული მოვლენებით.
ფორუმი

ყველა იმ ადამიანს, რომელიც ფლობს ძალიან დიდ ფინანსებს, ამ შემთხვევაში ავიღოთ ერთი ადამიანი საქართველოში, ყოველთვის აქვს თავისი პირადი დაჯგუფება „სპეცსამსახურის“ სახით, რომელიც ავტონომიურია ყველანაირი სახელმწიფო სტრუქტურებისგან, – ამის შესახებ პარტია „ევროპელი დემოკრატების“ თავმჯდომარემ, პაატა დავითაიამ „პალიტრანიუსის“ გადაცემა „360 გრადუსში“ გადაცემის წამყვანის კითხვის საპასუხოდ განაცხადა, რომელმაც ჰკითხა, ვინ იძიებდა ყოფილი მაღალჩინოსნებისა და ყოფილი პრემიერ-მინისტრის შესაძლო დანაშაულებრივ ფაქტებს, როდესაც თავად იყვნენ ამ უწყებების ხელმძღვანელები.
დავითაიას თქმით, როდესაც დიდ ფინანსებს ეხება საქმე, არცერთი ოლიგარქი არავის ენდობა.
„მე გარკვეული პერიოდის განმავლობაში ინტერპოლს ვუწევდი კონსულტაციებს აღმოსავლეთ ევროპასთან დაკავშირებით და რაღაც საკითხებში ჩახედული ვარ. ყველა იმ ადამიანს, რომელიც ფლობს ძალიან დიდ ფინანსებს, ამ შემთხვევაში ავიღოთ ერთი ადამიანი საქართველოში, ყოველთვის აქვს თავისი პირადი დაჯგუფება „სპეცსამსახურის“ სახით, რომელიც ავტონომიურია ყველანაირი სახელმწიფო სტრუქტურებისგან. მე არ ვამბობ იმას, რომ აქ არსებობს ეს სამსახური ან არ არსებობს, მე ვსაუბრობ იმ გამოცდილებაზე, რაც მაქვს აღმოსავლეთ ევროპაში ოლიგარქიული მიდგომის დროს მოქმედებასთან დაკავშირებით.
არ მგონია, რომ აქ გამონაკლისი იყოს იმიტომ, რომ აქ ნდობის საკითხია – არავის ენდობა, როდესაც დიდ ფინანსებს აკონტროლებს. აქ მარტო ივანიშვილზე არაა საუბარი. აღმოსავლეთ ევროპაში მე არ მეგულება ოლიგარქი, რომელსაც არ აქვს სპეცსამსახური. მათ აქვთ ყველაფერზე წვდომა“, – განაცხადა პაატა დავითაიამ.
კითხვაზე, თუ ასეთი სამსახური ჰქონდა ივანიშვილს და შეეძლო მისი ნდობით აღჭურვილი პირები გადაემოწმებინა, ეცოდინებოდათ თუ არა ამის შესახებ ყოფილ თანამდებობის პირებს, დავითაიამ უპასუხა, რომ ასეთი სამსახურები სულ სხვა სტილით მუშაობენ.
„არა მგონია, რომ სცოდნოდათ, იმიტომ რომ როდესაც ასეთი სამსახურები მუშაობენ, ისინი მუშაობენ სულ სხვა სტილით. შეიძლება, შენ ინფორმაცია გქონდეს, მაგრამ ელოდებოდე, როდის დაარტყამ, ეს ტაქტიკური საკითხია. არ შეიძლება, მე დღეს გავიგო და ვიღაცას დავუწყო ომი.
მე ერთი პერიოდი მიწევდა მთავრობის საქმეების გამოძიება. დამერწმუნეთ, საწერ კალამს ვერ გააგდებინებთ. თუ გაქვს ოპერატიული ინფორმაცია, საკმარისია ერთი სერიოზული „ზეწოლა“ ფაქტებთან დაკავშირებით, დამერწმუნეთ, აღიარებითი ჩვენების კასკადი მოდის ხოლმე ყოველთვის, რასაც ახლაც ვხედავთ“, – განაცხადა პაატა დავითაიამ.

ჟურნალისტი, ინგა გრიგოლია:

ამჯერად საგარეო საქმეთა სამინისტროს ევროინტეგრაციის დეპარტამენტის ყოფილი ხელმძღვანელი დაიჭირეს ამ მანიაკებმა
რა ხალხს სვამენ ციხეში, თავად დასაჭერები!

ცნობისთვის, დაჭერების სერია გრძელდება, უმეტეს შემთხვევაში, გზის გადაკეტვის და პირბადის გაკეთების გამო.

სამოქალაქო აქტივისტი, მაგდა მამუკაშვილი:

ქოცებს ყველაფერი გაწერილი აქვთ სტრატეგიის და გეგმის სახით. 2028 წლამდე სამოქმედო გეგმა აქტივობებით და თავისი თაიმლაინაინით ექნებათ გაწერილი. გრძევადიანი გეგმები 10 და მეტი წლის ჭრილში ექნებათ დალაგებული. და ჩვენ? სპონტანურობის და ციური მანანის იმედად გვინდა ამ რეჟიმის დამარცხება? მინიმუმ ერთი წლის გეგმას უნდა ვწერდეთ, ზუსტად ვიცოდეთ სპონტანურად რომ ხალხი გამოვა, იმას რას ვახვედრებთ, ოპოზიცია ერთიან ფრონტს შექმნის და აიღებს პასუხისმგებლობას, თუ ისევ გაქრება და მხოლოდ ლოჯისტიკას უზრუნველყოფს? არც მოკლევადიანი წინააღმდეგობის გეგმა გვაქვს გაწერილი და არც გრძელვადიანი სტრატეგია, რომელიც დიახ, შეიძლება 2028 წლამდე მივიდეს. ცვალებადია კი სიტუაცია, მაგრამ იმ ცვალებადის რისკებიც უნდა გათვალო. ნეტა პარტიებს თუ აქვთ ეს გეგმები? ძალიან რომ მოგვწონს ობობას სპეცოპერაცია, ეგ 1.5 წლის მერე განხორციელდა დაგეგმვიდან. ყველაფერს დაგეგმვა სჭირდება. რა იქნება, რომ ქართველებმა ვისწავლოთ დისციპლინა?

რუსეთმა დაახლოებით 170 000 ჯარისკაცი განალაგა უკრაინის აღმოსავლეთ დონეცკის რეგიონში, სადაც ისინი ცდილობენ პოკროვსკის ციხესიმაგრის აღებას, რათა ბრძოლის ველზე გამარჯვებისკენ მნიშვნელოვანი ნაბიჯი გადადგან, განაცხადა პარასკევს უკრაინის პრეზიდენტმა ვოლოდიმირ ზელენსკიმ.
„სიტუაცია პოკროვსკში რთულია“, – თქვა ზელენსკიმ და ასევე უარყო რუსეთის ბოლოდროინდელი განცხადებები, რომ განადგურებული ქალაქი ერთ წელზე მეტი ხნის ბრძოლის შემდეგ ალყაშია მოქცეული. მან აღიარა, რომ ქალაქში რამდენიმე რუსული ქვედანაყოფი შევიდა, მაგრამ დაჟინებით მოითხოვა, რომ უკრაინელი დამცველები მათ ანადგურებენ.
„პოკროვსკში რუსები არიან“, – განუცხადა ზელენსკიმ კიევში გამართულ პრესკონფერენციაზე. „ისინი ნადგურდებიან, თანდათანობით ნადგურდებიან, რადგან, რა თქმა უნდა, ჩვენ უნდა შევინარჩუნოთ ჩვენი პერსონალი“.
რუსეთის მიერ მეზობელ ტერიტორიაზე სრულმასშტაბიანი შეჭრის თითქმის ოთხი წლის განმავლობაში წინა ალყის დროს უკრაინა ზოგიერთ ადგილას გაიყვანა ჯარების დაკარგვის თავიდან ასაცილებლად. უკრაინული ძალები სასოწარკვეთილად ჩამორჩებიან რუსეთის უფრო დიდ არმიას.
რუსეთის პრეზიდენტმა ვლადიმერ პუტინმა ცოტა ხნის წინ განაცხადა, რომ რუსული ძალები მნიშვნელოვან წინსვლას აღწევენ ბრძოლის ველზე, თუმცა მათი წინსვლა ნელი და ძვირადღირებული იყო ჯარისა და ჯავშანტექნიკის მხრივ. პუტინი ცდილობს დაარწმუნოს შეერთებული შტატები, რომელიც მისგან სამშვიდობო შეთანხმების მიღწევას ითხოვს, რომ უკრაინას არ შეუძლია გაუძლოს რუსეთის სამხედრო უპირატესობას. მან ასევე ხაზი გაუსვა იმას, რასაც ის რუსეთის ბირთვული შესაძლებლობების გაუმჯობესებას უწოდებს, რადგან უარს ამბობს იმაზე, რასაც ის თავისი ქვეყნის ლეგიტიმურ საომარ მიზნებს უწოდებს.
ფორუმი

2026-2029 წლებში თბილისში კიბოს სადიაგნოსტიკო კვლევების და ფილტვის კიბოს სკრინინგის პროგრამები ამოქმედდება
გასული რვა წლის განმავლობაში, თბილისში ყველაზე მეტი ყურადღება დაეთმო და ბიუჯეტის უდიდესი ნაწილი დაიხარჯა ჯანდაცვისა და სოციალური პოლიტიკის მიმართულებით.

ამის შესახებ დედაქალაქის მერმა კახა კალაძემ განაცხადა, რომელმაც თბილისის ახლად მოწვეული საკრებულოს წევრებს მთავრობის შემადგენლობის დამტკიცებამდე, მომავალი ოთხი წლის გეგმები გააცნო.
„ყველაფერს, რასაც ვაკეთებთ, ვაკეთებთ ამ ქალაქში მცხოვრები ადამიანებისთვის, მათი ჯანმრთელობისა და კეთილდღეობისთვის. სწორედ ამიტომ, 2026-2029 წლებში, ამოქმედდება ორი ახალი პროგრამა. ესენია: „ადრეულ ეტაპზე კიბოს სადიაგნოსტიკო კვლევების დაფინანსების“ პროგრამა და „ფილტვის კიბოს სკრინინგის დაფინანსების“ პროგრამა, რომლის საშუალებითაც, კიბოს ადრეულ სტადიაზე გამოსავლენად, კვლევები 100%-ით დაფინანსდება; გაფართოვდება ჯანდაცვის მიმართულებით მიმდინარე ექვსი მნიშვნელოვანი პროგრამა; გაგრძელდება რაიონულ გამგეობებში არსებული სოციალური და ჯანდაცვის ყველა პროგრამა“, – განაცხადა თბილისის მერმა.

მე ვიღებ პასუხისმგებლობას იმაზე, რომ ვმუშაობთ აბსოლუტურად სუფთად, როდესაც საქმე ეხება მთავრობის საქმიანობას, პრივატიზაციას, შესყიდვებს, ტენდერებს და ა.შ. – ირაკლი კობახიძე
მე ვიღებ პასუხისმგებლობას იმაზე, რომ ვმუშაობთ აბსოლუტურად სუფთად, როდესაც საქმე ეხება მთავრობის საქმიანობას, პრივატიზაციას, შესყიდვებს, ტენდერებს და ა.შ., – ამის შესახებ საქართველოს პრემიერ-მინისტრმა ირაკლი კობახიძემ ჟურნალისტებს განუცხადა.
პრემიერის თქმით, ყველა ნაბიჯი მთავრობის მხრიდან იდგმება სწორედ ამ სულისკვეთებით.
„რაც შეეხება ჩემს პასუხისმგებლობას. მე ვიღებ პასუხისმგებლობას იმაზე, რომ ვმუშაობთ აბსოლუტურად სუფთად, როდესაც საქმე ეხება მთავრობის საქმიანობას, პრივატიზაციას, შესყიდვებს, ტენდერებს და ა.შ. ყველა ნაბიჯი მთავრობის მხრიდან იდგმება სწორედ ამ სულისკვეთებით, ამაზე ვიღებ პასუხისმგებლობას. 2024 წლის 8 თებერვლიდან, მთავრობის დამტკიცების დღიდან მოყოლებული, ამოიღეთ ნებისმიერი აქტი, ნებისმიერი გადაწყვეტილება, ნებისმიერი ნაბიჯი, სადმე თუ ნახავთ კორუფციის ნიშნებს, ამაზე მე ვაგებ პასუხს. ეს არის, რაზეც მე შემიძლია ვიყო პასუხისმგებელი“, – განაცხადა პრემიერ-მინისტრმა.
ინფორმაციას მთავრობის ადმინისტრაცია ავრცელებს

საფრანგეთში მცხოვრები ჟურნალისტი, გიორგი ფოფხაძე:
“ტვ პირველის” ჟურნალისტის კითხვაზე მიიღო, თუ არა 628-ათასიანი ხელშეკრულება თიკა რუხაძის რეკომენდაციით, შპს “თიხარტის” დირექტორმა, ნინო ნოდიამ ალა პუგაჩოვას სიმღერა იმღერა.
მამუკა მდინარაძე მამუუუ, აა კიდო ძამია, გაჩხრეკვის ერთი წარმატებული კავალერი.. სუ პუგაჩოვას “ნოტებზე” ღიღინებს ისე კულტურის სამინსტროშიც თუ შეიჭყიტავ, აბა მანდ ნახავ “სათუთობებს” თუ ნახავ.. 40 ათას ლარიანი ხელჩანთები მონაგონი იქნება.

„ტრამვაის გაჩერებაზე მდგომმა გავიგე, რომ „ლიტერას“ გამარჯვებული ვარ. ვტირი, რადგან არცერთი წამით არ მჯეროდა.
ეს პრემია საამაყოა ჩემთვის! დიდი მადლობა ყველას! ვუძღვნი ზვიად რატიანს!“

მიმდინარე წლის 29-31 ოქტომბერს, ქ.ალიკანტეს არქეოლოგიურ მუზეუმში უძველესი წარმომავლობის ღვინის ქვეყნების კონგრესი ტარდება, რომელზედაც მსოფლიოს 17 ქვეყანა არის წარდგენილი.
ალიკანტეს ქართული სახლის ინფორმაციით, კონგრესი გახსნა ქ. ტორონტოს (კანადა) უნივერსიტეტის, ახლო და შუა აღმოსავლეთის ცივილიზაციების დეპარტამენტის პროფესორმა, სტივენ ბატიუკმა მოხსენებით თემაზე: საქართველო – ღვინის სამშობლო და ღვინის უძველესი ისტორია.
მან ისაუბრა, საქართველოს, როგორც ღვინის სამშობლოს შესახებ, მისი უძველესი ისტორიისა და განვითარების თაობაზე; საქართველოს როლზე, ღვინის კულტურის ახლო აღმოსავლეთში და შემდგომში ევროპის კონტინენტზე, ხმელთაშუა ზღვის ქვეყნებში გავრცელების საქმეში.
კონგრესის მუშაობაში საქართველოს გენერალური საკონსულოს ორგანიზებით მონაწილეობას იღებენ ქ. ალიკანტეს დიასპორული ორგანიზაცია „საქართველოს რესპუბლიკა და ემიგრანტები“-ს ხელმძღვანელი, მანანა გოგოლაძე და ესპანეთის სამეფოს კრივის ეროვნული ფედერაციის პრეზიდენტი, საქართველოს დიდი მეგობარი, ბატონი ფელიპე მარტინესი.
მოხსენების დასრულების შემდეგ, შედგა შეხვედრა ბატონ სტივენ ბატიუკთან. ქალბატონმა მანანა გოგოლაძემ გადაუხადა დიდი მადლობა საქართველოს შესახებ მიძღვნილი პრეზენტაციის თაობაზე და პატივისცემის ნიშნად, გადასცა მას ქართული ღვინოების გამორჩეული ნიმუშები,რომლებიც სპეციალურად,ამ დღისთვის გამოაგზავნა საქართველოს გენერალურმა კონსულმა ბარსელონაში, ბატონმა ბექა ზარანდიამ.

სარჩელში მთავარი საყრდენი გახარიასა და მისი გუნდის მიმართ საბოტაჟი იყო, გამომდინარე აქედან, რადგან გამოვიდა საბოტაჟის რეჟიმიდან, ამით გადაარჩინა პარტია – „ლელოს“ რომ არ გაეუქმებინა მანდატები და პარლამენტში რომ შემოსულიყო, სარჩელიდან მისი ამოღებაც მოგვიწევდა, თუმცა საბოტაჟის რეჟიმში დარჩა, – ამის შესახებ საქართველოს პრემიერ-მინისტრმა, ირაკლი კობახიძემ განაცხადა, რითაც „ქართული ოცნების“ მიერ მომზადებულ საკონსტიტუციო სარჩელს გამოეხმაურა, რომლითაც მმართველი პარტია 3 პოლიტიკური სუბიექტის აკრძალვას ითხოვს.
მისი თქმით, მიუხედავად იმისა, რომ პარტია „გახარია-საქართველოსთვის“ თავმჯდომარემ, გიორგი გახარიამ თავი გადაირჩინა, მისი მისამართით გაჟღერებული ბრალდებები ძალაში რჩება.
„სამართლებრივად გიორგი გახარიამ და მისმა პარტიამ თავი გადაირჩინა. სარჩელში მთავარი საყრდენი გახარიასა და მისი გუნდის მიმართ საბოტაჟი იყო, გამომდინარე აქედან, რადგან გამოვიდა საბოტაჟის რეჟიმიდან, ამით გადაარჩინა პარტია აკრძალვის შესახებ სარჩელში მოხვედრისგან.
თუმცა, ის ბრალდებები რაც ისმოდა მისი მისამართით, ძალაში რჩება, იგივე ჩორჩანა, იგივე საბოტაჟში მონაწილეობა.
არის კონკრეტული ქმედებები, რომლებიც შესაძლოა, პარტიის აკრძალვის საფუძველი გახდეს და არის კონკრეტული ქმედებები, რომელიც შეიძლება არ გახდეს პარტიის აკრძალვის საფუძველი, თუნდაც ეს ქმედებები დანაშაულებრივი იყოს.
რაც შეეხება „ლელოს“, ის დარჩა საბოტაჟის რეჟიმში. „ლელოს“ რომ არ გაეუქმებინა მანდატები და პარლამენტში რომ შემოსულიყო, სარჩელიდან მისი ამოღებაც მოგვიწევდა, თუმცა საბოტაჟის რეჟიმში დარჩა, აქედან გამომდინარე დარჩა სარჩელშიც“, – განაცხადა ირაკლი კობახიძემ.
ცნობისთვის, „ქართულმა ოცნებამ“ საკონსტიტუციო სასამართლოს სამი პარტიის აკრძალვის მოთხოვნით მიმართა. პარლამენტის თავმჯდომარის, შალვა პაპუაშვილის ინფორმაციით, მმართველი პარტიის მიერ მომზადებული საკონსტიტუციო სარჩელით შემდეგი პარტიების არაკონსტიტუციურად ცნობას და აკრძალვას მოითხოვენ: „ნაციონალური მოძრაობა“, „კოალიცია ცვლილებისთვის“ და „ძლიერი საქართველო-ლელო“.

პრემიერ-მინისტრის, ირაკლი კობახიძის განცხადებით, თუ ანტიკორუფციული ბიუროს ხელმძღვანელს, რაჟდენ კუპრაშვილს ობიექტური მიზეზი ჰქონდა, რის გამოც ყოფილი პრემიერ-მინისტრის, ირაკლი ღარიბაშვილის დეკლარაცია სათანადოდ ვერ შეამოწმა, ამაზე პასუხს ვერ მოსთხოვენ.
ამის შესახებ მან ჟურნალისტებს განუცხადა.
„დეკლარაციაში თუ არ იყო ცდომილება, რანაირად უნდა შეემჩნია?! შეიძლება ობიექტური მიზეზი ჰქონდა ამას [რომ ვერ შეამჩნია ირაკლი ღარიბაშვილის დეკლარაციაში ცდომილება]. თუ ობიექტური მიზეზი ჰქონდა, როგორ მოვთხოვთ პასუხს?! [ირაკლი ღარიბაშვილის დეკლარაციის შემოწმებაზე] თუ არ ჰქონდა, თეორიულ კითხვას მისვამთ, ყველას უნდა მოეთხოვოს პასუხი.
თუ გაქვთ რაიმე კონკრეტული საფუძველი ამაზე საუბრისთვის, შეგიძლიათ ისაუბროთ. მე არ ვიცი ასეთი ობიექტური საფუძველი, მგონია, რომ არ არსებობს“,- განაცხადა კობახიძემ.

ძალიან მიმძიმს ამაზე საუბარი, ნამდვილად არ არის სასიამოვნო, თუმცა ერთი რამ შემდგარი ფაქტია – გერმანიის ელჩი არის ნაწილი იმ ძალადობრივი ჯგუფებისა, რომლებიც დღეს დედაქალაქში არიან წარმოდგენილნი, – ამის შესახებ თბილისის მერმა კახა კალაძემ გერმანიის ელჩის პეტერ ფიშერის საქართველოში საქმიანობის შესახებ და გერმანიის მთავრობის განმარტებებთან დაკავშირებით დასმული შეკითხვის პასუხად განაცხადა.
მისი თქმით, ყველაფერი, რაც დღეს თბილისის ქუჩებში ხდება, გარედანაა თავსმოხვეული და დაფინანსებული.
„ძალიან მიმძიმს ამაზე საუბარი და ნამდვილად არ არის სასიამოვნო, თუმცა ერთი რამ შემდგარი ფაქტია – ის, რომ გერმანიის ელჩი არის ნაწილი იმ ძალადობრივი ჯგუფებისა, რომლებიც დღეს დედაქალაქში არიან წარმოდგენილნი და მთავარი წამხალისებელი.
ჩვენ ბევრჯერ გვითქვამს და კიდევ ერთხელ გავიმეორებ, რომ ეს ყველაფერი, რასაც დედაქალაქის ქუჩებში ვხედავთ, არის გარედან თავსმოხვეული, დაფინანსებული. მათ ჰყავთ თავიანთი პატრონები, უცხოელების სახით, ქვეყნის შიგნით აქ, საქართველოში ჰყავთ თავიანთი წარმომადგენლები, რომლებიც უშუალოდ ჩართულები არიან და მენეჯმენტს უწევენ აღნიშნულ ქმედებებს. ძალიან მძიმე და სამწუხაროა ეს ყველაფერი“, – განაცხადა დედაქალაქის მერმა.

„ჯორჯიან უოთერ ენდ ფაუერი“ სპეციალურ განცხადებას ავრცელებს. „ჯორჯიან უოთერ ენდ ფაუერის“ ინფორმაციით, ხვალ ვაკის რაიონში, რიგ ქუჩებს დღის 12:00 საათიდან 1-ელი ნოემბრის საღამოს 18:00 საათამდე წყალმომარაგება შეეზღუდება.
“31 ოქტომბერს, კომპანია ვაკის რაიონში, გალის ქუჩა N14-ის მიმდებარედ, სატუმბო სადგურზე, ტუმბო აგრეგატების გამართული ფუნქციონირებისთვის აუცილებელ სამუშაოებს ჩაატარებს. კომპანიის ტექნიკური ჯგუფები გადაუდებელ სამუშაოებს 31 ოქტომბერს, დღის 12:00 საათზე დაიწყებენ და ინტენსიურ რეჟიმში შეასრულებენ.
აღნიშნულთან დაკავშირებით, სამუშაოების მიმდინარეობის პერიოდში აუცილებელია მაგისტრალური ქსელის წყლისგან დაცლა, რის გამოც 31 ოქტომბერს, დღის 12:00 საათიდან 1 ნოემბრის საღამოს 18:00 საათამდე წყალმომარაგება შეეზღუდება:
გოგებაშვილის ქუჩას და შესახვევებს, გალის, თერგის, კერესელიძის, ბელინსკის, მაყაშვილის, გუნიას, უმიკაშვილის, ლარსის, რჩეულიშვილის, ჯაფარიძის და ჟვანიას ქუჩებს.
ჯორჯიან უოთერ ენდ ფაუერი ბოდიშს უხდის მომხმარებლებს დისკომფორტისთვის.
წყალმომარაგების შეზღუდვისა და აღდგენის შესახებ ინფორმაციას, ჯორჯიან უოთერ ენდ ფაუერი აბონენტებს წინასწარ, SMS-შეტყობინების სახით უგზავნის.
დეტალური ინფორმაციის მოძიება შესაძლებელია კომპანიის ცხელი ხაზის – 2 93 11 11, ფეისბუქისა და ვებგვერდის მეშვეობით“, – ნათქვამია ჯორჯიან უოთერ ენდ ფაუერის ინფორმაციაში.

საქართველოს პროკურატურამ სიღნაღის მუნიციპალიტეტში დამამძიმებელ გარემოებებში მომხდარი მკვლელობის ფაქტზე ერთ პირს ბრალდება წარუდგინა.
ამის შესახებ ინფორმაციას საქართველოს პროკურატურა ავრცელებს.
„შინაგან საქმეთა სამინისტროს მიერ ჩატარებული გამოძიებით დადგინდა, რომ 29 ოქტომბერს, სიღნაღის მუნიციპალიტეტის სოფელ ძველ ანაგაში, ბრალდებულმა სანადირო თოფიდან ორ პირს ესროლა. სროლის შედეგად ერთი პირი ადგილზე გარდაიცვალა, ხოლო მეორეს გადარჩენა დროულად აღმოჩენილი სამედიცინო დახმარების შედეგად მოხერხდა.
სამართალდამცველებმა ბრალდებულის კუთვნილი სადგომის ჩხრეკის შედეგად ბრალდებულის მიერ მართლსაწინააღმდეგოდ შეძენილი და შენახული ცეცხლსასროლი იარაღი – პისტოლეტი ამოიღეს.
დაკავებულს ბრალდება საქართველოს სისხლის სამართლის კოდექსის 11 პრიმა 19,109-ე მუხლის „თ“, „კ“ და „ლ“ ქვეპუნქტებით (განზრახ მკვლელობის მცდელობა დამამძიმებელ გარემოებებში, ჩადენილი ქალისა და მამაკაცის თანასწორობის შეუწყნარებლობის გამო, ოჯახის წევრის და ორი პირის მიმართ) და 236-ე მუხლის მე-3 ნაწილით (ცეცხლსასროლი იარაღის მართლსაწინააღმდეგო შეძენა, შენახვა) წარედგინა, რაც სასჯელის სახედ და ზომად 20 წლამდე თავისუფლების აღკვეთას ითვალისწინებს.
პროკურატურა ბრალდებულისთვის აღკვეთის ღონისძიების სახით პატიმრობის შეფარდების შუამდგომლობით, სასამართლოს კანონით დადგენილ ვადაში მიმართავს”,- ნათქვამია ინფორმაციაში.

გეგმური სარეაბილიტაციო სამუშაოების გამო, ელექტროენერგიის მიწოდება „ენერგო-პრო ჯორჯიას“ ქსელში არსებული აბონენტების ნაწილს შეეზღუდება.
ამის შესახებ ინფორმაციას „ენერგო-პრო ჯორჯია“ ავრცელებს.
მათი ცნობით, გამანაწილებელ ქსელში დაგეგმილი სარეაბილიტაციო სამუშაოების გამო 3 ნოემბერს 10:00-დან 10:10-მდე და 16:50-დან 17:00 საათამდე ელექტროენერგიის მიწოდება დროებით შეუწყდებათ აბონენტებს დუშეთის მუნიციპალიტეტის სოფლებში ფასანაური, ჭართალი, წითლიანა, კიტოხი, ზანდუკი, მაქართა, ჯუღისი, წიფორი და მიმდებარე სოფლებში.
„11:00-დან 18:00 საათამდე ენერგომომარაგება შეეზღუდებათ აბონენტებს, მცხეთის მუნიციპალიტეტის სოფლებში ნატახტარი, მისაქციელი, ახალუბანი, წილკანი.
სარეაბილიტაციო სამუშაოების დასრულებისთანავე ელექტროენერგიის მიწოდება ჩვეულ რეჟიმში აღდგება”,- ნათქვამია ინფორმაციაში.

ივანიშვილის გაცხადებული მიზანი ამ ქვეყანაში დემოკრატიის მკვლელობაა და ეს თავის დროზე არჩევნებამდე დააანონსა – კობახიძე ადასტურებს, რომ „ლელოს“ კრძალავს იმის გამო, რომ ჩვენ არ შევედით არალეგიტიმურ პარლამენტში, რაც თითიდან გამოწოვილი, სასაცილო არგუმენტია,- ამის შესახებ „ლელო-ძლიერი საქართველოს“ გენერალურმა მდივანმა, ირაკლი კუპრაძემ „ქართული ოცნების“ მიერ მომზადებულ საკონსტიტუციო სარჩელზე საუბრისას განაცხადა, რომლითაც მმართველი პარტია 3 პოლიტიკური სუბიექტის, მათ შორის „ლელოს“ აკრძალვას ითხოვს.
მისი თქმით, მიუხედავად აკრძალვისა, „ძლიერი საქართველო – ლელოს“ დღის წესრიგი საქართველოს მოქალაქეების ინტერებისთვის ბრძოლა და ხელისუფლების ცვლილება იქნება.
„ივანიშვილის გაცხადებული მიზანი ამ ქვეყანაში დემოკრატიის მკვლელობაა და ეს თავის დროზე არჩევნებამდე დააანონსა, როდესაც განაცხადა, რომ მის „ანტიქართულ ოცნებას“, მის რუსულ მიზნებს საკონსტიტუციო უმრავლესობა სჭირდებოდა, რომელსაც შემდგომ ოპოზიციის ასაკრძალად გამოიყენებდა.
ირაკლი კობახიძე ადასტურებს, რომ „ლელოს“ კრძალავს იმის გამო, რომ ჩვენ არ შევედით არალეგიტიმურ პარლამენტში, რაც თითიდან გამოწოვილი, სასაცილო არგუმენტია მათი მხრიდან. ივანიშვილს თავიდანვე ჰქონდა ღიად გაცხადებული მიზანი, რომ მას საკონსტიტუციო უმრავლესობა სჭირდებოდა, ოპოზიციური პროდასავლური პარტიების და „ლელოს“ ასაკრძალად რასაც დღეს ის ცდილობს, თუმცა ეს ვერ იქნება დღის წესრიგი. ჩვენი დღის წესრიგი იქნება, საქართველოს მოქალაქეების ინტერებისთვის ბრძოლა და ხელისუფლების ცვლილება, რაც აუცილებლად და გარდაუვალად მოხდება“,- განაცხადა ირაკლი კუპრაძემ.
ცნობისთვის, „ქართული ოცნებამ“ საკონსტიტუციო სასამართლოს 3 პარტიის აკრძალვის მოთხოვნით მიმართა. შალვა პაპუაშვილის ინფორმაციით, მმართველი პარტიის მიერ მომზადებული საკონსტიტუციო სარჩელით შემდეგი პარტიების არაკონსტიტუციურად ცნობას და აკრძალვას მოითხოვენ: „ნაციონალური მოძრაობა“, „კოალიცია ცვლილებისთვის“ და „ძლიერი საქართველო – ლელო“

მესტიაში მოქმედი სასტუმრო „ფალიანის“ დამფუძნებელი და მმართველი ეკატერინე გველესიანი აცხადებს, რომ ზამთრის ტურისტული სეზონის მოახლოებასთან დაკავშირებით სახელმწიფოს მხრიდან კომუნიკაცია არ არის. „სამწუხაროდ, არსაიდან არანაირი ხმა არ ისმის. უკვე ვისწავლეთ, რომ ზამთრის სეზონთან დაკავშირებით მაღალი მოლოდინები არ უნდა გვქონდეს“, – აღნიშნა BMG tv-ის გადაცემა #რედაქტ2-ში ეკატერინე გველესიანმა ზამთრის ტურისტული სეზონის მოახლოებასთან დაკავშირებით სახელმწიფოს მიერ კერძო სექტორთან კომუნიკაციის შესახებ დასმული კითხვის საპასუხოდ.
„ზამთრის სეზონისთვის ვემზადებით, უკვე წინასწარ ვიცით, რომ ისევ იგივე პრობლემები შეგვექმნება, რომლებიც წინა წლებში გვქონდა, იქნება ეს ელექტროენერგიის, გზის პრობლემები თუ სხვა. ვხედავთ, რომ ამ მიმართულებით არაფერი კეთდება. ადრე დაპირებები მაინც იყო ხოლმე, რომ ამ ზამთარს ასე აღარ იქნება, დღეს დაპირებებიც აღარ ისმის. ზამთრის მოლოდინში ძალიან პესიმისტურად ვართ განწყობილნი“, – აღნიშნა სასტუმროს მფლობელმა და დასძინა, რომ სვანეთს სხვა კურორტების მსგავსად უთოვლობის პრობლემა სეზონზე არ აქვს.
„ჩვენი მოლოდინით, არსებული გამოწვევები გამოწვევებად დარჩება. ჩვენი ძალებით, მაქსიმალურად ვცდილობთ სეზონისთვის მოვემზადოთ, იქნება ეს რაღაც გენერატორები თუ დიზელის მომარაგება და ასე შემდეგ, თუმცა ეს საკმარისი არ არის, რადგან ზამთარში მაინინგის გამო შექმნილი ელექტროენერგიის პრობლემების დაწყებისთანავე ჯგუფური ჯავშნები გვიუქმდება ხოლმე“, – განმარტავს ეკატერინე გველესიანი.
მისივე ინფორმაციით, ზამთრის ტურისტულ სეზონზე ჯავშნები უკვე კეთდება, თუმცა მცირე რაოდენობით, ძირითადად, ისრაელიდან, ბელარუსიდან და რუსეთიდან.
#რედაქტ2-ის კითხვაზე – რა დატვირთვით მუშაობს ამ დროისთვის სასტუმრო „ფალიანი“, სასტუმროს მმართველი აცხადებს, რომ შემოდგომის სეზონისთვის დატვირთულობა დაბალია.
„ამ სეზონზე დატვირთულობა დაახლოებით 10%-მდე გვაქვს. ესეც გამოწვევაა.
სხვათა შორის, დღეს საქართველოში ტურიზმის გაზრდილი მაჩვენებელი განვითარებულ ქვეყნებს რომ შევადაროთ, სადაც წლიდან წლამდე ტურისტების რაოდენობა ასევე იზრდება, მატება ნაკლებად დატვირთულ სეზონების ხარჯზე იზრდება. ანუ, ეს ქვეყნები ისეთ სტრატეგიას ახორციელებენ, რომ ვიზიტორებს ნაკლებად დატვირთულ სეზონზეც იზიდავენ და ნაკადები წლის განმავლობაში დაბალანსებულია. ჩვენთან მაღალ ტურისტულ სეზონზე მასობრივი ტურიზმის ნიშნები გვაქვს და ჭარბი ტურიზმის ვითარება იკვეთება ხოლმე, ხოლო დაბალ სეზონზე, ნუ, პრაქტიკულად არანაირი დატვირთულობა არ გვაქვს, რაც ძალიან ნეგატიურია. შესაბამისად, სტუმრები შემოდგომაზე პრაქტიკულად არ გვყავს. არა და ძალიან გულდასაწყვეტია, რადგან სვანეთი შემოდგომაზე ულამაზესია. ასეთი ფერები არსად არ არის. სამწუხაროა, რომ თუნდაც ამ კუთხით ჩვენს ბაზრებზე მარკეტინგი არ ხორციელდება“, – განმარტა ეკატერინე გველესიანმა.
bm.ge

გალტ & თაგარტმა საფონდო ბირჟაზე ვაჭრობით დაინტერესებულ პირებს ახალი შეთავაზება მოუმზადა. 20 ოქტომბრიდან 2025 წლის ბოლომდე G&T Trader-ზე ვაჭრობისას მომხმარებლებს შესაძლებლობა აქვთ, ვაჭრობის საკომისიოს 50% დაიბრუნონ.
G&T Trader პირველი მულტიპროდუქტიული და მულტისავალუტო პლატფორმაა საქართველოში, რომელიც გალტ ენდ თაგარტმა ბაზარს 10 წლის წინ გააცნო. მისი დახმარებით მომხმარებლებს მსოფლიოს ძირითად საფონდო ბირჟებზე აქვთ წვდომა, სხვადასხვა ტიპის ფასიანი ქაღალდით ვაჭრობენ და საკუთარი ინვესტიციების დინამიკას ადევნებენ თვალს.
“გალტ & თაგარტი მუდმივად იკვლევს მომხმარებელთა ინტერესებს, ვისმენთ მათ უკუკავშირს და ამ ინფორმაციაზე დაყრდნობით, პლატფორმის ფუნქციონალებსა და შეთავაზებებს კიდევ უფრო ვხვეწთ. გვიხარია, რომ ბოლო განახლების შედეგად, ჩვენს მომხმარებლებს კიდევ უფრო მეტ ბაზარზე აქვთ წვდომა, შეუძლიათ ამერიკულ საფონდო ბირჟებზე გახანგრძლივებული დროით, 24-საათიანი ივაჭრონ, მიიღონ დეტალური ანალიტიკური ინფორმაცია და სხვა“, – აღნიშნავს დავით ნიშნიანიძე, გალტ & თაგარტის საბროკერო დეპარტამენტის დირექტორი.
გაიგეთ მეტი გალტ & თაგარტის საბროკერო მომსახურების შესახებ ვებგვერდიდან: www.galtandtaggart.com

ჟურნალისტმა ვასილ ივანოვ-ჩიქოვანმა ფოთის დროებითი მოთავსების იზოლატორი დატოვა.
ვიდეო, სადაც ჩანს, როგორ ტოვებს ჟურნალისტი იზოლატორს, სოციალურ ქსელში ვრცელდება.
ინფორმაციისთვის, ვასილ ივანოვ-ჩიქოვანი და მისი მეუღლე მაიკო ბოკერია შინაგან საქმეთა სამინისტროს თანამშრომლებმა 24 ოქტომბერს დააკავეს. მათ შსს რუსთაველის გამზირის ხელოვნურად გადაკეტვას ედავებოდა.
თბილისის საქალაქო სასამართლომ ვასილ ივანოვ-ჩიქოვანი ადმინისტრაციულ სამართალდამრღვევად ცნო და მას 7-დღიანი ადმინისტრაციული პატიმრობა, ხოლო მის მეუღლეს 5000-ლარიანი ჯარიმა შეუფარდა.

რეგიონული განვითარებისა და ინფრასტრუქტურის მინისტრის ყოფილი მოადგილე კობა გაბუნია დაკავებით გაოგნებულია, – აღნიშნულის შესახებ მისმა ადვოკატმა გოჩა კვირიკაშვილმა დიღმის დროებითი მოთავსების იზოლატორიდან გამოსვლის შემდეგ განაცხადა.
„პოზიციას მას შემდეგ მოგახსენებთ, რაც ბრალს წაუყენებენ. არ იცის თვითონაც, გაოგნებულია. ძალიან მხნედ არის, რასაც ედავებიან, ის მის კომპეტენციაში შედიოდა თუ არა, ამას გავარკვევთ. რის საფუძველზეა დაკავებული, აქვთ თუ არა მტკიცებულებები, ამას მას შემდეგ გავიგებთ, რაც საქმის მასალებს გავეცნობით. მინისტრს ჰყავს მოადგილეები, კონკრეტულად მის კომპეტენციაში შედიოდა თუ არა რასაც ედავებიან, არ იცის. ის ქუთაისში დააკავეს, დაკითხული არ არის“, – განაცხადა კვირიკაშვილმა.
კითხვაზე, “ლაგი კაპიტალსის” დაკავებულ ხელმძღვანელებს ხომ არ იცნობს გაბუნია, ან ხომ არ მფარველობდა ის, ადვოკატი უარყოფით პასუხს სცემს.
“არა, ის კერძო კომპანიაა, მინისტრის მოადგილეს რამე კომპეტენცია, რომ მონიტორინგი გაეწია, არ ევალებოდა. ამას ვნახავთ საქმის მასალებშიც. ვნახავთ, რა მასალები აქვთ, სამსახურებრივი უფლებამოსილების ბოროტად გამოყენებას რომ ედავებიან, ეს ტელევიზიით გაჟღერდა. კონკრეტულად მტკიცებულებები უნდა გვანახონ, რომ დავრწმუნდეთ, გადააჭარბა თუ გულისხმიერად არ შეასრულა სამსახურებრივი უფლებამოსილება”, – განაცხადა კვირიკაშვილმა.
კითხვაზე, თანამშრომლებს თუ არა მინისტრის ყოფილი მოადგილე გამოძიებასთან, ადვოკატი პასუხობს, რომ გაბუნია “გაეცნობა ბრალს, რას ედავებიან და იქიდან გამომდინარე გადაწყვეტენ”.
როგორც უფლებადამცველები აღნიშნავენ, ჩხრეკის შედეგად მობილური ტელეფონებია ამოღებული.
“ამოღებულია მობილურები, ნახავენ, თუ არის რამე მნიშვნელოვანი. ფულის ამოღებაზე ინფორმაცია არც გაჟღერებულა… ის ჩინოვნიკი იყო, ვიცი რომ მას მორალური მხარდაჭერა არ აქვს, საზოგადოებრივ აზრს ტელევიზიებიც ქმნიან, მაგრამ ისე არაა ყველაფერი, როგორც აჟღერებენ”, – განაცხადა ადვოკატმა.
კითხვაზე, უკვე დაკავებულთაგან ვინმემ მიაცა თუა არა კობა გაბუნიას წინააღმდეგ ჩვენება, კვირიკაშვილი დადებით პასუხს სცემს.
“ბრიფინგიდანაც ხომ მოისმინეთ, რომ ვიღაცამ ჩვენება მისცა, თითქოს, დაკავებულმა პირმა, რაღაც განახორციელა, ვნახოთ, სხვა მტკიცებულება თუ ექნებათ”,- განაცხადა ადვოკატმა.
ცნობისთვის, ფინანსთა სამინისტრომ და სახელმწიფო უსაფრთხოების სამსახურმა რეგიონული განვითარებისა და ინფრასტრუქტურის მინისტრის ყოფილი მოადგილე კობა გაბუნია დააკავეს. მას სამსახურებრივი უფლებამოსილების ბოროტად გამოყენებას ედავებიან.

„ნაცმოძრაობამ“ და მისმა ფილიალებმა რა „ხარაკირიც“ იტარეს ამ ბოლო წლების განმავლობაში, ის შედეგები მიიღეს – როცა პარლამენტში აგირჩევენ და შენ თვითონ არ შემოხვალ, რა პოლიტიკურ დევნაზეა საუბარი?! ვის ატყუებენ საერთოდ?! – ამის შესახებ „ხალხის ძალის“ დეპუტატმა, გურამ მაჭარაშვილმა ჟურნალისტებთან განაცხადა, რითაც პარტიების აკრძალვასთან დაკავშირებით, საკონსტიტუციო სასამართლოში „ქართული ოცნების“ მიერ შეტანილ სარჩელს გამოეხმაურა.
მისი თქმით, „ნაციონალური მოძრაობის“ და „მისი ფილიალების“ წარმომადგენლები საზოგადოებას ეუბნებოდნენ, რომ „თუ იტყვიან უცხოური ძალები – ცალ ფეხზე დადგებიან, სუვერენიტეტს ბრიუსელს გადააბარებენ, ტრადიციებს შეაგინებენ, ეკლესიას გალანძღავენ“.
„არსებობს ასეთი გამონათქვამი – „თუ ადამიანს თავის თავისთვის სიკეთე არ უნდა, ამას ვერავინ აიძულებს“. შესაბამისად, „ნაცმოძრაობამ“ და მისმა ფილიალებმა რა „ხარაკირიც“ იტარეს ამ ბოლო წლების განმავლობაში, ის შედეგები მიიღეს. არა ერთხელ ვეუბნებოდით, რამდენიც გინდათ აკრიტიკეთ ხელისუფლება, მაგრამ რადიკალიზმს, ქვეყნის ზიანს, დამაზიანებელ განცხადებებს, აგენტობას თავი დაანებეთ. ამათ არა თუ თავი არ დაანებეს, არამედ საჯაროდ აღიარებდნენ, რომ დიახ, ამაყობენ იმით, რომ არიან უცხო ქვეყნის და უცხო ძალების წარმომადგენლები საქართველოში. მეტსაც გეტყვით, ამაყობენ იმით, რომ საზოგადოებას ეუბნებიან, რომ თუ იტყვიან უცხოური ძალები, ცალ ფეხზე დადგებიან, თუ იტყვიან უცხოური ძალები, სუვერენიტეტს ბრიუსელს გადააბარებენ, თუ იტყვიან უცხოური ძალები, ტრადიციებს შეაგინებენ, ეკლესიას გალანძღავენ და ა.შ. ეს არის „ხარაკირი“, არა მარტო პოლიტიკური. აქედან გამომდინარეობს მათი მარცხი. რა პოლიტიკურ დევნაზე საუბრობენ?! ვის ატყუებენ საერთოდ?! როცა პარლამენტში აგირჩევენ და შენ თვითონ არ შემოხვალ, რა პოლიტიკურ დევნაზეა საუბარი?! პოლიტიკურად დევნიან მაშინ, როცა ავიწროებენ, აშანტაჟებენ, ფიზიკურად უპირისპირდებიან, უსწორდებიან, პარლამენტში ხმას არ აღებინებენ, საკრებულოში არ უშვებენ და ა.შ. ჩვენ პირიქით, მაგას ვეუბნებოდით, შედით პარლამენტში, საკრებულოში. თვითონ ამბობენ ყველაფერზე უარს, შესაბამისად, აქ საუბარი არ შეიძლება იყოს პოლიტიკურ დევნაზე,“ – განაცხადა მაჭარაშვილმა.
ცნობისთვის, „ქართულმა ოცნებამ“ საკონსტიტუციო სასამართლოში 3 ოპოზიციური პარტიის აკრძალვის მოთხოვნით სარჩელი შეიტანა. მმართველი პარტია მომზადებული საკონსტიტუციო სარჩელით შემდეგი პარტიების არაკონსტიტუციურად ცნობას და აკრძალვას მოითხოვს: „ნაციონალური მოძრაობა“, პარტია „ახალი“ და „ძლიერი საქართველო-ლელო“.

ევროკომისარი გაფართოების საკითხებში, მარტა კოსი ევროპარლამენტის საგარეო საქმეთა კომიტეტის წევრებს 2025 წლის გაფართოების პაკეტს წარუდგენს.
ევროპარლამენტის ინფორმაციით, ამ საკითხზე გაიმართება დებატებიც, რომელიც ფოკუსირებული იქნება კანდიდატი და პოტენციური კანდიდატი ქვეყნების მიერ ევროკავშირში გაწევრიანების გზაზე მიღწეულ პროგრესზე.
კომისიის მიერ აღნიშნულ ქვეყნებში ევროკავშირთან დაკავშირებული რეფორმების შეფასების შემდეგ, კომიტეტის მომხსენებლები შეიმუშავებენ რეზოლუციებს, თითოეული ქვეყნისთვის პარლამენტის დასკვნებით და რეკომენდაციებით.
შეგახსენებთ, საქართველოში ევროკავშირის ელჩმა, პაველ ჰერჩინსკიმ რამდენიმე დღის წინ განაცხადა, რომ 4 ნოემბერს საქართველოსთან დაკავშირებით გაფართოების ანგარიში გამოქვეყნდება. „ის იქნება ძალიან გრძელი და არსებითი დოკუმენტი, წარმოდგენილი ევროკომისიის მიერ, სადაც დეტალურად აღწერილი იქნება, რა მოხდა საქართველოში უკანასკნელი ერთი წლის განმავლობაში და როგორ უკავშირდება ეს საქართველოს სწრაფვას გახდეს ევროკავშირის წევრი. 4 ნოემბერი ძალიან მნიშვნელოვანი თარიღია, ამ დღეს გაიმართება პრესკონფერენცია ბრიუსელში, რომელსაც გამართავს ევროკომისიის ვიცე-პრეზიდენტი კაია კალასი და გაფართოების საკითხებში ევროკომისარი მარტა კოსი. ამავე დღეს, 4 ნოემბერს, მეც გავმართავ პრესკონფერენციას თბილისში იმისთვის, რათა გავცე დეტალურ კითხვებს პასუხი, რამდენად კარგად ან ცუდად მუშაობს საქართველო“, – აღნიშნა ელჩმა.

“მერსედესის” ხელმძღვანელმა ტოტო ვოლფმა კვლავაც მკაფიოდ აღნიშნა, რომ 2021 წლის დრამატულ ფინალში ლუის ჰამილტონის მერვე ტიტულის დაკარგვაში პასუხისმგებლობა მთლიანად ყოფილი ფორმულა 1-ის რბოლების დირექტორის, მაიკლ მასის ეკისრება.
აბუ დაბის გრან პრის ბოლო წუთებზე ნიკოლას ლატიფის ავარიის გამო უსაფრთხოების მანქანა გამოვიდა. ყველა ვარაუდობდა, რომ რბოლა მის უკან დასრულდებოდა, თუმცა მასიმ მოულოდნელი გადაწყვეტილება მიიღო – პროცესის დასაჩქარებლად მხოლოდ იმ მრბოლელებს მისცა წრის დაბრუნების უფლება, ვინც ჰამილტონსა და მაქს ვერსტაპენს შორის იმყოფებოდა, რის შემდეგაც რბოლა ერთ, საბოლოო წრეზე განაახლა.
ახალი, რბილი საბურავებით აღჭურვილმა ვერსტაპენმა ამ შანსით სრულად ისარგებლა, ბოლო წრეზე ჰამილტონს აჯობა და კარიერის პირველი მსოფლიო ტიტული მოიპოვა. 2021 წლის შემდეგ მასი თანამდებობიდან გაათავისუფლეს.
“ბავშვობიდან მოყოლებული არასდროს დამიკარგავს კონტროლი სიტუაციაზე, მაგრამ ერთმა შეშლილმა კაცმა შეძლო, ფაქტობრივად, გაენადგურებინა ყველა დროის უდიდესი ჩემპიონი” – განაცხადა ვოლფმა.
“მაკლარენმა” კონსტრუქტორთა თასი მოიგო – “მარინა ბეიზე” ჯორჯს რასელს ვერავინ დაეწია
[VIDEO] უმძიმესი ავარიის შემდეგ გროჟანი ფორმულა 1-ს უბრუნდება
80 მილიონ ფუნტამდე გუნდიდან წასვლის სანაცვლოდ – “რედ ბული” და ჰორნერი საბოლოოდ დაიშალნენ

წმიდა დიდებული, ყოვლადქებული მოციქული და მახარებელი ლუკა სირიის ანტიოქიაში დაიბადა. იგი განათლებულ ბერძენთა წრეს ეკუთვნოდა და პროფესიით ექიმი იყო. ქრისტეს შესახებ რომ ესმა, ლუკა პალესტინაში ჩავიდა და აქ თავად უფლისგან ეზიარა მაცხოვნებელ სწავლებას. ჯერ კიდევ მაცხოვრის ამქვეყნიური ცხოვრების ჟამს წმიდა ლუკა, როგორც ერთი სამოცდაათ მოციქულთაგანი, უფლის მიერ ცათა სასუფევლის შესახებ პირველი ქადაგებისთვის გაიგზავნა (ლკ. 10, 1-3). აღდგომის შემდეგ უფალი იესო ქრისტე ემაუსში მიმავალ ლუკას და კლეოპას გამოეცხადა.
ლუკა თან გაჰყვა წმიდა მოციქულ პავლეს მეორე მისიონერულ მოგზაურობაში, რის შემდეგაც ისინი ერთმანეთს არ განშორებიან. უფლის რჩეული პავლეს გვერდით დარჩა მაშინაც, როცა იგი ყველა თანაშემწემ მიატოვა (2 ტიმ. 4,10). მოციქულთა თავის მოწამეობრივი აღსასრულის შემდეგ წმიდა ლუკამ რომი დატოვა და ქადაგებით მოიარა აქაია, ლიბია, ეგვიპტე და თებაიდა; ამქვეყნიური ცხოვრება მან მოწამეობრივი ღვაწლით დაასრულა ქალაქ თებეში.
გადმოცემის მიხედვით, წმიდა ლუკა ღვთისმშობლის პირველი ხატების დამწერიცაა. „მადლი ჩემგან შობილისა ჩემითა მეოხებითა იყოს ამა ხატთანა!“ – უბრძანებია ყოვლადწმიდა ქალწულს თავისი წმიდა გამოსახულების ხილვისას. გადმოცემა აწყურის ღვთისმშობლის ხატსაც ლუკა მახარებლის სახელთან აკავშირებს. წმიდა მოციქულს ეკუთვნის თავთა მოციქულთა – პეტრეს და პავლეს ხატებიც.
სახარება ლუკას 62-63 წლებში პავლე მოციქულის ხელმძღვანელობით დაუწერია რომში. როგორც თვითონვე გვამცნობს პირველივე მუხლებში, მისი მიზანი ყოფილა, უფრო სრულად და ქრონოლოგიური თანმიმდევრობით აღეწერა ყველაფერი, რაც იესო ქრისტესა და მისი სწავლების შესახებ იყო ცნობილი და ამით ქრისტიანული სასოებისათვის მტკიცე ისტორიული საფუძველი დაედო (ლკ.1, 1-4).
ლუკა მახარებელს ეკუთვნის „საქმე მოციქულთა“. იგი ოთხთავის გაგრძელებაა და მოგვითხრობს წმიდა მოციქულთა შრომასა და ღვაწლზე მაცხოვრის ამაღლების შემდეგ. როგორც უდიდეს საეკლესიო მოვლენას, თხრობისას განსაკუთრებული ყურადღება ეთმობა მოციქულთა კრებას (51 წ. ქრისტეს შემდეგ), რომელმაც დოგმატური საფუძველი დაუდო იუდაიზმისგან ქრისტიანობის გამიჯვნას და მსოფლიოში მისი დამოუკიდებელი გავრცელების საწინდარი შეიქნა (საქმე. 15, 6-29).
„წმიდანთა ცხოვრება“, ტომი IV, თბილისი, 2003 წ.

ნაციონალური საკალათბურთო ასოციაციის რეგულარული სეზონის მორიგ ტურში “ორლანდო მეჯიქმა” “შარლოტ ჰორნეტსი” 123:107 დაამარცხა.
საქართველოს ნაკრების ცენტრი გოგა ბითაძე შეხვედრაში სათადარიგოთა სკამიდან ჩაერთო და მოედანზე 13 წუთი გაატარა, რა დროშიც 6 ქულა, 3 მოხსნა და 1 დაფარება დააგროვა.
მატჩის საუკეთესო მოთამაშე პაოლო ბანკერო გახდა, ამერიკელმა კალათბურთელმა 33 წუთში 20 ქულა, 9 მოხსნა და 9 ასისტი მიითვალა.
ამრიგად, “ორლანდოს” 2 მოგება და 4 წაგება აქვს. მომდევნო მატჩს 2 ნოემბერს “ვაშინგტონ ვიზარდსის” წინააღმდეგ გამართავს გამართავს.
“როდესაც დავინახე რომ ეს გააკეთა, თვალებს ვერ ვუჯერებდი” – “ლივერპულის” ყოფილმა ფეხბურთელმა მამარდაშვილი გააკრიტიკა
გიორგი შერმადინი ესპანეთის თვის საუკეთესო მოთამაშედ დასახელდა
ბითაძე კარისთან? – “გოლდენ სტეიტი” ქართველის დამატებას განიხილავს
ვარსკვლავის სასწაული თამაში ყოფილი გუნდის წინააღმდეგ [VIDEO]
“მადლობა საბერძნეთს” – გოგა ბითაძე სოციალურ ქსელში პოსტს აქვეყნებს [PHOTO]
გოგამ და ტერნერმა ფენომენალური დაცვა ითამაშეს! “ინდიანამ” “დალასი” დაამარცხა [VIDEO]
44 ქულა და მხოლოდ 2 აცილებული ბურთი.. “ტორონტოში” ახალი ვარსკვლავი იბადება [VIDEO]
ლუკამ დაიწყო – “დალასმა” “იუტა” დაამარცხა [VIDEO]
კარის 37 ქულა და “ოქროსშტატელების” ზედიზედ მე-3 მარცხი [VIDEO]
NBA-ის საჩემპიონო გუნდები ბითაძის დამატებით ინტერესდებიან – რას გადაწყვეტს ქართველი?
[VIDEOS] მამუკელაშვილი ყოფილ გუნდს დაუპირისპირდა – ბითაძის “ორლანდო” “ფილადელფიასთან” დამარცხდა
[VIDEOS] მამუკელაშვილის წარმატებული დებიუტი – ბითაძეს ორმაგ დუბლამდე ცოტა დააკლდა
[VIDEOS] გოგასგან და სანდროსგან მეტს ველით – ქართველების გუნდები დამარცხდნენ
[VIDEO] ბითაძის 18 წუთი – “ორლანდომ” “მაიამი ჰიტი” დაამარცხა

აშშ მომავალ წელს ქვეყანაში დაშვებული თავშესაფრების მაძიებლების რაოდენობას 125 000-დან 7 500-მდე შეამცირებს.
დონალდ ტრამპის ადმინისტრაციამ განაცხადა, რომ პრიორიტეტი სამხრეთაფრიკელებს მიენიჭებათ.
როგორც „ბიბისი“ წერს, ეს ქვეყნის ისტორიაში ყველაზე დაბალი ლიმიტია.
განცხადებაში შემცირების მიზეზი არ არის დასახელებული, თუმცა ნათქვამია, რომ ეს გადაწყვეტილება „გამართლებულია ჰუმანიტარული მიზეზების ან ეროვნული ინტერესებიდან გამომდინარე“.
ცნობისთვის, მიმდინარე წლის იანვარში დონალდ ტრამპმა ხელი მოაწერა აღმასრულებელ ბრძანებას, რომლითაც შეაჩერა თავშესაფრების მაძიებელთა მიღების პროგრამა (USRAP).

დაჯგუფება „ჰამასმა“ ისრაელს 2023 წლის 7 ოქტომბერს გატაცებული ორი მძევლის ცხედარი გადასცა. ინფორმაციას ისრაელის თავდაცვის ძალები („ცაჰალი“) ავრცელებს.
ცხედრები, „წითელი ჯვრის“ მეშვეობით, ისრაელში გადაასვენეს. ისინი პროზექტურაში მოათავსეს. ჩატარებულმა ექსპერტიზამ დაადასტურა, რომ ცხედრები ამირამ კუპერსა და სარა ბარუჩს ეკუთვნის.
როგორც „ცაჰალის“ მიერ გავრცელებულ ინფორმაციაშია აღნიშნული, გარდაცვლილების ოჯახის წევრებს უკვე დაუკავშირდნენ და ექსპერტიზის შედეგები აცნობეს.
მედიაში გავრცელებული ინფორმაციის მიხედვით, „ჰამასს“ ისრაელისთვის კიდევ 11 მძევალი რჩება დასაბრუნებელი.

31 ოქტომბერს საქართველოში მოსალოდნელი ამინდი ქალაქების მიხედვით ასეთია:
გაგრა +20- უმეტესად ღრუბლიანი
სოხუმი +21 – უმეტესად ღრუბლიანი
ზუგდიდი +21 – უმეტესად მზიანი
მესტია +12 – უმეტესად მზიანი
ფოთი +20 – უმეტესად ღრუბლიანი
ბათუმი +21 – მზიანი
ოზურგეთი +21 – უმეტესად ღრუბლიანი
ქუთაისი +21 – უმეტესად ღრუბლიანი
ამბროლაური +19 – უმეტესად ღრუბლიანი
ახალციხე +17 – უმეტესად მზიანი
ბორჯომი +14 -უმეტესად ღრუბლიანი
ბაკურიანი +13 – უმეტესად ღრუბლიანი
გორი +16 – უმეტესად მზიანი
ცხინვალი +15 – უმეტესად მზიანი
სტეფანწმინდა +9 – მზიანი
გუდაური + 5 – უმეტესად ღრუბლიანი
თელავი +16 – უმეტესად ღრუბლიანი
რუსთავი +17 – უმეტესად ღრუბლიანი
თბილისი +17 – უმეტესად ღრუბლიანი

საქართველოს ხელისუფლებამ თურქეთის მორიგი კაპრიზი აღასრულა. თურქეთის პრემიერ ბინალი ილდირიმის ვიზიტის დასრულებიდან 24 საათში, თბილისში, დემირელის სახელობის კერძო კოლეჯის ხარისხის მართვის მენეჯერი, პროფესორი მუსტაფა ემრე ჩაბუქი „ტერორიზმთან კავშირის გამო“ დააკავეს. თბილისის საქალაქო სასამართლომ მას უკვე მიუსაჯა 3 თვიანი წინასაექსტრადაციო პატიმრობა.
თურქეთის პრემიერის ვიზიტიდან 24 საათში, თბილისში, პროფესორი მუსტაფა ემრე ჩაბუქი „ტერორიზმთან კავშირის გამო“ დააკავეს
38 წლის ჩაბუქი მნიშვნელოვანი ფიგურაა ჩაღლარის საგანმანათლებლო ქსელში, რომელიც თურქეთის პრეზიდენტ ერდოღანის მწვავე ოპონენტს, ამერიკის შეერთებულ შტატებში მცხოვრებ მწერალსა და მქადაგებელს ფეთულა გულენს ეკუთვნის.
ეს ქსელი საქართველოში ერთ უნივერსიტეტს და ხუთ საშუალო სკოლას ფლობს. ჩაბუქი 15 წელია საქართველოში მუშაობს. თავიდან ფიზიკის მასწავლებელი იყო, შემდეგ, ბათუმის რაფაედინ ლორთქიფანიძე-შაჰინის სახელობის სკოლის დირექტორი, 2012-2016 წლებში კი ჩაღლარის სასწავლო დაწესებულებების სამეთვალყურეო საბჭოს თავმჯდომარის მოადგილის თანამდებობა ეკავა.
2017 წლის თებერვლის დასაწყისში, როცა შავი ზღვის საერთაშორისო უნივერსიტეტისა და დემირელის სახელობის სკოლის დამფუძნებლებმა: ჯიჰან აქინმა, იუსუფ ალთაშმა, აიჰან არსლანმა და რესულ დიქმენმა საქართველოში ბიზნესის გადარჩენის მიზნით, საკუთარი წილების ამერიკულ კომპანია „მეტროპოლიტენ ედუქეიშნ ქონსალთინგ სერვისზე“ გადაფორმება დაიწყეს, ყველა მათგანის მინდობილი პირი და პარტნიორთა კრების თავმჯდომარე სწორედ მუსტაფა ემრე ჩაბუქი იყო.
„ამერიკის ხმამ“ 8 თებერვალს ექსკლუზიურად უკვე გიამბოთ, რომ თურქეთის მოთხოვნით, საქართველოს იუსტიციის სამინისტრომ ეს გარიგება დაბლოკა.
9 თებერვალს, თბილისის აეროპორტიდან უკან გერმანიაში გააბრუნეს, ჩაღლარის ქსელის ერთ-ერთ დამფუძნებელი ბიზნესმენი ჯიჰან აქინი; საქართველოს ტერიტორია ასევე დაატოვებინეს „მეტროპოლიტენ ედუქეიშნ ქონსალთინგ სერვისის“ მინდობილ პირს, აშშ-ის მოქალაქე ზაფერ სუსლუს.
მუსტაფა ემრე ჩაბუქი იყო დაქირავებული პირი დემირელის სკოლაში და ის ბუნებრივია არ და ვერ გადაწყვეტდა ვისზე უნდა გასხვისებულიყო პარტნიორთა წილები. საერთოდ წარმოუდგენელია ამასთან დაკავშირებით ადამიანს ბრალი წაუყენო” ვახტანგ კვიჟინაძე, ადვოკატი
ადვოკატი ვახტანგ კვიჟინაძე ამბობს, რომ არსებული ბრალდებით მუსტაფა ემრე ჩაბუქის ტერორიზმთან დაკავშირება აბსურდულია, ხოლო მისი ექსტრადირება არა მხოლოდ კონკრეტული ადამიანის, არამედ მთლიანად საქართველოს ხელისუფლების საერთაშორისო რეპუტაციის საკითხია.
„მუსტაფა ემრე ჩაბუქი იყო დაქირავებული პირი დემირელის სკოლაში და ის ბუნებრივია არ და ვერ გადაწყვეტდა ვისზე უნდა გასხვისებულიყო პარტნიორთა წილები. საერთოდ წარმოუდგენელია ამასთან დაკავშირებით ადამიანს ბრალი წაუყენო.
რაც შეეხება საკითხს, რომელიმე მოქალაქე თუ ორგანიზაცია არის თუ არა დაკავშირებული ტერორისტულ ორგანიზაციასთან, აფინანსებს თუ არა ტერორიზმს, ეს ნამდვილად სცილდება ერთი კონკრეტული კერძო პირის კომპეტენციას, რომელიც ამ სკოლაში წლებია პედაგოგად მუშაობდა.“
2016 წლის 15 ივლისის სამხედრო გადატრიალების მცდელობასთან ფეთულა გულენის დაკავშირების შემდეგ, თურქეთის ხელისუფლება მთელი მსოფლიოს მასშტაბით, გულენის მოძრაობა „ჰიზმეთის“ (მსახურება) წევრებს ავიწროვებს, აპატიმრებს და უძრავ-მოძრავი ქონების კონფისკაციას ცდილობს. ეს ქსელი 140 ქვეყანაში 1400-მდე სასწავლო დაწესებულებას მოიცავს.
ბოლო ერთი წლის მანძილზე, ხისტი პოლიტიკური ზეწოლის შემდეგ, მხოლოდ აფრიკის კონტინენტზე, თურქეთმა 31 სკოლის, 16 სასწავლო ორგანიზაციისა და 15 სტუდენტური საცხორებლის კონფისკაცია მოახდინა და ის სპეციალურად, ამ მიზნისთვის შექმნილ, განათლების სამინისტროს „მაარიფის სახელმწიფო ფონდს“ (Maarif Foundation) დაუქვემდებარა.
ფეთულა გულენის სკოლები „მაარიფის ფონდს“ უკვე გადასცეს სომალიში, კონგოში, გვინეაში, ნიგერში, სუდანსა და ბურუნდიში. უახლოეს მომავალში, თურქეთი ასეთ გადაწყვეტილებას ელოდება ჩადის, სენეგალის, გაბონის, ბურკინა-ფასოს, მადაგასკარის, მავრიტანიისა და ცენტრალური აფრიკის რესპუბლიკის მხრიდან.
საქართველოში, თურქეთის ღია ზეწოლით, უკვე დაიხურა რაფაედინ ლორთქიფანიძე-შაჰინის სახელობის სკოლა ბათუმში, აკრედიტაცია ასევე შეუჩერდა ნიკოლოზ წერეთლის სახელობის საერთაშორისო სკოლას თბილისში, ჩაღლარის დანარჩენ სასწავლო დაწესებულებებში კი ფინანსურია პოლიციაა შესული.
თურქეთი ასევე მოითხოვს შავი ზღვის საერთაშორისო უნივერსიტეტის (IBSU) სამეთვალყურეო საბჭოს თავმჯდომარე ადემ ონალის, რექტორ ილიას ჩილოღლუს და ჩაღლარის ქსელის სხვა პასუხისმგებელი პირების დაპატიმრებას. თუ ეს დაწესებულებებიც „მაარიფის ფონდს“ გადაეცემა, მაშინ იქ სწავლა უკვე თურქეთის განათლების სამინისტროს სტანდარტებით გაგრძელდება.
ნუ დავაკავშირებთ პოლიტიკას კრიმინალთან, პოლიტიკური ნიშნით ამ ქვეყანაში, ნებისმიერი სახელმწიფოს მოქალაქის დაკავება დასრულებულია და წარსულს ჩაბარდა“ ვიქტორ დოლიძე, სახელმწიფო მინისტრი
ოფიციალურ თბილისი ტრადიციულად უარყოფს ბრალდებას, რომ საქართველოს განათლების სისტემაში დასაქმებული თურქეთის მოქალაქეების დევნა, თურქეთის ხელისუფლების პოლიტიკური დაკვეთით ხდება. სახელმწიფო მინისტრი ევროპულ და ევროატლანტიკურ სტრუქტურებში ინტეგრაციის საკითხებში ვიქტორ დოლიძე ამბობს
„ნუ დავაკავშირებთ პოლიტიკას კრიმინალთან, პოლიტიკური ნიშნით ამ ქვეყანაში, ნებისმიერი სახელმწიფოს მოქალაქის დაკავება დასრულებულია და წარსულს ჩაბარდა.“
საქართველოს მთავრობისგან განსხვავებით, ახალგაზრდა იურისტთა ასოციაცია (საია) მიიჩნევს, რომ მუსტაფა ემრე ჩაბუქის დაკავების საქმეზე „საქართველოს პროკურატურის პოზიცია პატიმრობის გამოყენების მოთხოვნასთან დაკავშირებით, ასევე სასამართლოს მიერ მიღებული განჩინება მოკლებულია სათანადო დასაბუთებას და შეუსაბამოა საქართველოს კანონმდებლობით და ევროპული კონვენციით დადგენილ სტანდარტებთან.“
როგორც საია, ისე სახალხო დამცველი, ორგანიზაციები “საერთაშორისო გამჭვირვალობა” და “საერთაშორისო ამნისტია” აცხადებენ, რომ საქართველომ მუსტაფა ემრე ჩაბუქი თურქეთს არ უნდა გადასცეს.
„2016 წლის შემდეგ თურქეთის ხელისუფლება აიძულებს მის მოკავშირეებს, რომ გაატარონ სამართლებრივი ღონისძიებები იმ პირების მიმართ, ვინც სავარაუდოდ არიან ფეთულა გულენის მხარდამჭერები.
საერთაშორისო და საშინაო სამართლიდან გამომდინარე, საქართველო მოვალეა არ დააბრუნოს მოქალაქე იმ ქვეყანაში, სადაც არსებობს რისკი, რომ მას აწამაბენ “საერთაშორისო ამნისტრია”
არსებობს სამხილი, რომ დაკავებულების უფლებები ირღვევა და მათ აწამებენ, რაც “საერთაშორისო ამნისტია” და ადამიანის უფლებადამცველმა ორგანიზაციებმა აღწერეს.
საერთაშორისო და საშინაო სამართლიდან გამომდინარე, საქართველო მოვალეა არ დააბრუნოს მოქალაქე იმ ქვეყანაში, სადაც არსებობს რისკი, რომ მას აწამაბენ, არასწორად მოეპყრობიან ან მისი უფლებები შესაძლებელია სერიოზულად დაირღვეს“ – ვკითხულობთ “საერთაშორისო ამნისტიის” განცხადებაში, რომელიც გუშინ გავრცელდა.
მუსტაფა ემრე ჩაბუქის განთავისუფლების მოთხოვნით საქართველოში ვრცელდება პეტიცია, რომელსაც უკვე შეუერთდნენ ჩაღლარის სასწავლო დაწესებულებების ასობით კურსდამთავრებულები, ისინი დღეს ევროპის პრესტიჟულ უნივერსიტეტებში სწავლობენ.
ფეთულა გულენის ჩაღლარის საგანმანათლებლო ქსელი საქართველოში
შავი ზღვის საერთაშორისო უნივერსიტეტი, თბილისი
სულეიმან დემირელის სახელობის კერძო კოლეჯი, თბილისი
სკოლა-ლიცეუმი სხივი, თბილისი
ნიკო ნიკოლაძის სახელობის სკოლა-ლიცეუმი, ქუთაისი
შოთა რუსთაველის სახელობის სკოლა-ლიცეუმი, რუსთავი
დავით აღმაშენებლის სახელობის სკოლა, მარნეული
აკრედიტაცია შეუჩერდათ (2016-17)
ნიკოლოზ წერეთლის სახელობის საერთაშორისო სკოლა, თბილისი
რაფაედინ შაჰინის-ლორთქიფანიძის სახელობის სკოლა-ლიცეუმი, ბათუმი

თბილისის სახელმწიფო უნივერსიტეტმა, საქართველოს ფოსტის მხარდაჭერით, გამოსცა ქართველი ენათმეცნიერისა და ლექსიკოლოგის კიტა ჩხენკელის ეპისტოლური მემკვიდრეობის კრებული — „ქართული ენის ხათრით “. ერთობლივი პროექტის პრეზენტაცია თბილისის სახელმწიფო უნივერსიტეტში გაიმართა.
უნიკალური გამოცემა მკითხველს აძლევს შესაძლებლობას გაეცნოს იმ მოტივებსა და განცდებს, რომლებიც საქართველოსგან შორს მყოფ მეცნიერს ამოძრავებდა — ქართულ ენასა და კულტურაზე ზრუნვის, მისი პოპულარიზაციისა და ეროვნული თვითმყოფადობის შენარჩუნების სურვილს.
აღსანიშნავია, რომ თბილისის სახელმწიფო უნივერსიტეტსა და საქართველოს ფოსტას შორის გაფორმებული ურთიერთთანამშრომლობის მემორანდუმის ფარგლებში, წლების განმავლობაში განხორციელებულია არაერთი მნიშვნელოვანი ერთობლივი პროექტი, რომლებიც მიზნად ისახავს ქვეყნის კულტურული მემკვიდრეობის შენარჩუნებასა და პოპულარიზაციას.
საქართველოს ფოსტა, როგორც ეროვნული თვითმყოფადობის მატარებელი ინსტიტუცია, მარკებითა და თემატური პროექტებით ასახავს საქართველოს ისტორიას, კულტურას და იმ ადამიანთა ღვაწლს, რომლებმაც მნიშვნელოვანი წვლილი შეიტანეს ქვეყნის განვითარებისა და სახელმწიფოებრიობის განმტკიცებაში.

თამამად შეიძლება, ითქვას, რომ შავი ზღვის წყალქვეშა კაბელი ერთ-ერთი ყველაზე მნიშვნელოვანი პროექტია, რომელიც ამჟამად საქართველოს ენერგეტიკაში მიმდინარეობს,- ამის შესახებ GREDA-ს პროექტის მენეჯერმა, მატა გორდეზიანმა რადიო “კომერსანტის” ეთერში ისაუბრა.
გორდეზიანის შეფასებით, პროექტის ამოქმედება საქართველოს საშუალებას მისცემს, ევროკავშირთან ელექტროენერგიით პირდაპირი ვაჭრობა განახორციელოს, განავითაროს ექსპორტი, დივერსიფიციროს იმპორტის წყაროები და რეგიონში სატრანზიტო ჰაბის ფუნქცია შეითავსოს.
,,თამამად შეიძლება, ითქვას, რომ შავი ზღვის წყალქვეშა კაბელი ერთ-ერთი ყველაზე მნიშვნელოვანი პროექტია, რომელიც ამჟამად საქართველოს ენერგეტიკაში მიმდინარეობს. პირველ რიგში, პროექტი მნიშვნელოვანია იმის გათვალისწინებით, რომ საქართველოს ევროპასთან არ აქვს ფიზიკური საზღვარი, კაბელი კი, რომელიც ფიზიკურად დააკავშირებს საქართველოსა და რუმინეთს, მოგვცემს საშუალებას, ევროკავშირთან ელექტროენერგიით ვაჭრობა პირდაპირ მოვახდინოთ. ერთი მხრივ, საშუალება გვაქვს, ჩვენი გამომუშავებული ელექტროენერგია გავიტანოთ ექსპორტზე, მეორე მხრივ, ვაწარმოოთ იმპორტი ევროპიდან და მოვახდინოთ ჩვენი იმპორტის წყაროების დივერსიფიკაცია. ამჟამად საქართველო უმეტესწილად ელექტროენერგიას რუსეთიდან, ასევე, აზერბაიჯანიდან და თურქეთიდან ყიდულობს, კაბელის საშუალებით კი მოგვეცემა საშუალება, ელექტროენერგია, საჭიროების შემთხვევაში, ევროპიდანაც შევიძინოთ. მნიშვნელოვანია ისიც, რომ საქართველო შეასრულებს სატრანზიტო ქვეყნის როლს და აზერბაიჯანიდან წამოსული ელექტროენერგია გაივლის საქართველოს ტერიტორიაზე, შემდეგ კი ევროპაში წავა. ამაში, ბუნებრივია, საქართველო გარკვეულ სარგებელს მიიღებს. იქნება ზუსტად იგივე მოდელი, როგორც თბილისი-ბაქო-ჯეიჰანის შემთხვევაში, სუბსიდირებული ტარიფით ვიღებთ აზერბაიჯანიდან ბუნებრივ აირს. დაახლოებით ასეთივე მოდელი იქნება ამ შემთხვევაშიც”,- აღნიშნავს გორდეზიანი.
შავი ზღვის წყალქვეშა კაბელის პროექტი საქართველოსთვის არა მხოლოდ ენერგეტიკულად, არამედ ეკონომიკურადაც სტრატეგიულ მნიშვნელობას იძენს — როგორც GREDA-ს პროექტის მენეჯერი მატა გორდეზიანი აღნიშნავს, ინფრასტრუქტურა ქვეყანას მისცემს შანსს მეტი ინვესტიციის მოზიდვაზე, სამუშაო ადგილების შექმნაზე და საერთაშორისო დაფინანსების ზრდაზე.
მისი თქმით, უკვე დასრულდა ტექნიკურ-ეკონომიკური წინასწარი კვლევა და მიმდინარეობს სიღრმისეული შეფასება EBRD-ის ჩართულობით, რომლის შედეგებზე დამოკიდებული იქნება საქართველოსთვის ერთ-ერთი ყველაზე ამბიციური ენერგეტიკული პროექტის განვითარება.
,,მნიშვნელოვანია ისიც, რომ სახელმწიფოსა და ეკონომიკისთვის ეს არის სტრატეგიული წერტილი, რომელიც მეტი ინვესტიციის მოზიდვის, მეტი სამუშაო ადგილის შექმნის, მეტი საერთაშორისო დაფინანსების მიღების შესაძლებლობებს ქმნის. ზოგადად, რეგიონულ და გლობალურ კონტექსტში ეს საქართველოს როლის გაძლიერებას უწყობს ხელს.
უკვე ჩატარდა წინასწარი მოსამზადებელი ტექნიკურ-ეკონომიკური კვლევა. ახლა უფრო სიღრმისეული კვლევაც დაიწყო, რამდენად შესაძლებელია პროექტის განხორციელება, რადგან ტექნიკურად საკმაოდ რთული და ამბიციური პროექტია. გავიხსენოთ, როცა ენგურჰესს აშენებდნენ, მაშინაც ეს პროექტი ძალიან ამბიციური ჩანდა, მაგრამ საბოლოო ჯამში, შესანიშნავი შედეგი დაიდო. დაინტერესებულია ბევრი საერთაშორისო ინსტიტუტიც, მათ შორის, კვლევას EBRD ახორციელებს. თუ კვლევა აჩვენებს, რომ პროექტი განხორციელებადია, აუცილებელია, საქართველომ მისი განვითარება პრიორიტეტად დაისახოს”,- აღნიშნა მატა გორდეზიანმა “კომერსანტის” ეთერში.

„აჭარა ტრეიდინგ გრუპის“ დამფუძნებელი კახა შავაძე არასტანდარტული მანდარინთან ერთად სტანდარტული მანდარინის სუბსიდირების საჭიროებას ხედავს და აცხადებს, რომ ეს დარგს დაეხმარება. ამის შესახებ მან “ნარინჯისფერი რთველის” დაწყებასთან დაკავშირებით გადაცემა “საქმის კურსთან” ისაუბრა.
არასტანდარტული მანდარინის გადამუშავებისთივს სუბსიდია წელსაც გაიცემა. კერძოდ, აჭარის მთავრობის გადაწყვეტილებით, არასტანდარტული (სამრეწველო გადამუშავების) მანდარინის სუბსიდია 35 თეთრი იქნება, დამატებით 5 თეთრს კი გადამმუშავებელი საწარმო გადაიხდის, რაც საერთო ჯამში 40-თეთრიან ფასს განსაზღვრავს.
დარგის წარმომადგენელი აღნიშნავს, რომ სუბსიდიის მომხრე არ არის, მაგრამ დღეს როგორც ფერმერები ისე გადამმუშავებელი ქარხნები მნიშვნელოვანი პრობლემების წინაშე არიან, რის გამოც სუბსიდიის გარეშე მათ გაუჭირდებათ.
“სუბსიდია ზოგადად კარგი არ არის, მაგრამ ამ ეტაპზე ვფიქრობ მაინც საჭიროა. არც ფერმერები და არც საწარმოები ჯერ კიდევ იმ ეტაპზე არ არიან, რომ სუბსიდიის გარეშე შეძლონ მუშაობა. უფრო მეტსაც გეტყვით, მე ვისურვებდი მაგალითად, რომ რაღაც დოზით, სტანდარტულ მანდარინზეც იყოს სუბსიდია დაშვებული, რათა ინდუსტრია ფეხზე დადგეს.
რეალურად ძალიან დიდი პრობლემებია და ჩვენი საწარმოები მზად არ არიან, ეს პროცესი ძალიან დიდ ინფრასტრუქტურულ დანახარჯებს მოითხოვს. აჭარის სოფლის მეურნეობის სამინისტროს რაღაც პროგრამები აქვს, რომელთა ეფექტიანობა დიდად ვერ დავინახე”, – ამბობს „აჭარა ტრეიდინგ გრუპის“ დამფუძნებელი კახა შავაძე.
საქართველოში ციტრუსის კრეფის სეზონი იწყება. მოსავლის დაბინავებისთვის ქობულეთში ციტრუსის საკოორდინაციო შტაბი გაიხსნა. საექსპორტო მანდარინს 20-ზე მეტი გადამმუშავებელი საწარმო ჩაიბარებს, ხოლო არასტანდარტულ ნაყოფს ქობულეთის ორი საკონსერვო ქარხანა შეუზღუდავი რაოდენობით გადაამუშავებს.
bm.ge

ლატვიის სეიმმა დაამტკიცა კანონპროექტი, რომელიც ქალთა მიმართ ძალადობისა და ოჯახში ძალადობის პრევენციისა და მასთან ბრძოლის შესახებ ევროპის საბჭოს კონვენციიდან, „სტამბოლის კონვენციიდან“ გასვლას ითვალისწინებს.
მედიის ინფორმაციით, ლატვიის პარლამენტში დებატები 12 საათს გაგრძელდა. კანონპროექტს 100-წევრიან პარლამენტში მხარი დაუჭირა 56-მა დეპუტატმა, წინააღმდეგი იყო 32-მა, ხოლო ორმა თავი შეიკავა.
ლატვიის პრეზიდენტმა ედგარს რინკევიჩმა კანონპროექტს ხელი ათი დღის ვადაში უნდა მოაწეროს ან ხელახლა განსახილველად სეიმს დაუბრუნოს.
რიგაში, ლატვიის პარლამენტის შენობის წინ ოთხშაბათს ათასობით ადამიანი შეიკრიბა სტამბოლის კონვენციის დენონსაციის გასაპროტესტებლად. აქციის მონაწილეებს ხელში ეჭირათ პლაკატები ოჯახში ძალადობის წინააღმდეგ ლოზუნგებით. ისინი დეპუტატებს პოპულიზმსა და მოძალადეების მფარველობაში ადანაშაულებდნენ. პოლიციის ცნობით, საპროტესტო აქციაში, დაახლოებით, 5000 ადამიანი მონაწილეობდა. აქციამ ინციდენტების გარეშე ჩაიარა.
ევროპის საბჭოს მიერ დამტკიცებული და ათობით წევრი სახელმწიფოს მიერ ხელმოწერილი „სტამბოლის კონვენცია“ ქალთა მიმართ ძალადობას ადამიანის უფლებების დარღვევად განსაზღვრავს და გენდერული ძალადობის სხვადასხვა ფორმას ეხება.
ლატვიაში კონვენციის კრიტიკოსები მიიჩნევენ, რომ ის ტრადიციულ ოჯახურ ღირებულებებს ეწინააღმდეგება. მაგალითად, ზოგიერთი დოკუმენტს „გენდერის“ განმარტების გამო აკრიტიკებს. მათი მტკიცებით, არსებული ეროვნული კანონმდებლობა საკმარისია გენდერული ძალადობის წინააღმდეგ საბრძოლველად.
კონვენციას პირველად ხელი მოეწერა სტამბოლში 2011 წელს და ძალაში შევიდა სამი წლის შემდეგ. ევროკავშირის ქვეყნების უმეტესობამ დოკუმებტს ხელი მოაწერა და მისი რატიფიცირება მოახდინა.
ლატვია მეორე ქვეყანა იქნება, თურქეთის შემდეგ, რომელიც კონვენციას დატოვებს.

გერმანიის საგარეო საქმეთა მინისტრი, იოჰან ვადეფული აშშ-სა და რუსეთს მოუწოდებს, ბირთვული იარაღის გამოცდა არ ჩაატარონ.
„კრიტიკულად მნიშვნელოვანია, რომ ბირთვული იარაღის მქონე ხუთივე სახელმწიფომ გააგრძელოს ბირთვული იარაღის გამოცდასთან დაკავშირებული მორატორიუმის დაცვა. მოვუწოდებ მათ: მორატორიუმი უნდა შენარჩუნდეს”,- განაცხადა გერმანიის საგარეო საქმეთა მინისტრმა.
მისივე თქმით, მოწოდება ასევე ეხება ჩრდილოეთ კორეას, ერთადერთ სახელმწიფოს, რომელიც 21-ე საუკუნეში ბირთვული იარაღის გამოცდას ახორციელებს.
გერმანიის საგარეო უწყების ხელმძღვანელის თქმით, „ის, რაც პრეზიდენტმა ტრამპმა გამოაცხადა, უფრო რეაქციაა იმაზე, რომ რუსეთმა წარსულში გამოიყენა ბირთვული ძრავის მქონე სისტემები”.
მისი განმარტებით, გერმანიის მთავრობას ჯერ კიდევ ბოლომდე არ ესმის, თუ რას გულისხმობდა აშშ-ის პრეზიდენტი.
„ეს საკითხი ჩვენს ამერიკელ კოლეგებთან განსახილველია. ამ ეტაპზე, არ მგონია, რომ საუბარი იყოს ბირთვული ტესტების დაუყოვნებლივ განახლებაზე, რაც, სხვათა შორის, მნიშვნელოვან მომზადებას მოითხოვს“, – აღნიშნა მინისტრმა.
შეგახსენებთ, აშშ-ის პრეზიდენტმა, დონალდ ტრამპმა განაცხადა, რომ პენტაგონს დაავალა, „დაუყოვნებლივ დაიწყოს შეერთებული შტატების ბირთვული იარაღის გამოცდა“.

„ნაპოლის“ პრეზიდენტმა აურელიო დე ლაურენტისმა RSI-სთან ინტერვიუში გულშემატკივრებზე ისაუბრა:
„როდესაც ფეხბურთში მოვედი, მის შესახებ არაფერი არ ვიცოდი. როცა 4-2-2 სქემის შესახებ მომიყვნენ, ვერაფერი ვერ გავიგე. კინომ დისციპლინა და მეწარმეობა მასწავლა. ფეხბურთი არაპროგნოზირებადია, არ აქვს დაწერილი სცენარი.
გაბანკროტებული „ნაპოლი“ შევიძინე. არაფერი არ გვქონდა, მაგრამ ეტაპობრივად ყველაფერს მივაღწიეთ. სამწუხაროდ, ფეხბურთში ყველაფერი მატჩიდან მატჩამდე ხდება. არასოდეს მინახავს კინოს მოყვარულებს მეტი მოეთხოვათ, მაშინ როდესაც ტიფოზებისთვის არაფერია საკმარისი. ისინი მოთმაშეთა ყიდვას და სხვა რამეებს მოითხოვენ. უმეტეს შემთხვევაში ისინი ფანტეზი-ფეხბურთს თამაშობენ და რეალური ფეხბურთის ბევრი არაფერი გაეგებათ.
უმეტესობის სიყვარულს ვგრძნობ, თუმცა მაკრიტიკებენ ისინი, რომლებიც სტადიონზე მოდიან. მათ შორის 10-15% ულტრასია. მათი უმეტესობა კანონდამრღვევია“.
“შენ და მამაშენი ამისთვის გადაიხდით, ფრთხილად იყავით” – დე ლაურენტისებს ემუქრებიან
“მის ჩანაცვლებას ვცდილობდით, მაგრამ ეს შეუძლებელია” – დე ლაურენტისმა კვარაცხელიაზე ისაუბრა
სენსაცია მწიფდება – მოახერხებს “ბარსელონა” ოსიმენის შეძენას?
განშორება ახლოვდება – “გალათასარაი” ოსიმენს “ნაპოლისგან” გამოისყიდის
დე ლაურენტისს სერია A-ში ეს მნიშვნელოვანი ცვლილება სურს – რა ინიციატივა წამოაყენა “ნაპოლის” მფლობელმა
“კვარას” გაყიდვის შემდეგ, კონტეს “ნაპოლიდან” წასვლა სურდა, მაგრამ ამიტომ გადაიფიქრა” – ადანიმ იტალიელ სპეციალისტზე ისაუბრა

,,ახლების” წევრი ანი ქავთარაძე ,,ოცნების” წევრს, გია ვოლსკის მიმართავს:
,,კაცი, რომელმაც ჩემნაირები უნდა ა-გ-ძალოს, მე რომ დავიბადე, იქიდან 1 წელიწადში რაიკომის მდივნად დანიშნეს!!!
1984-1986 წლებში მუშაობდა კალინინის რაიკომის მდივნად და ინსტრუქტორად.
1986-1989 წლებში იგი იყო თბილისის ქალაქკომში ინსტრუქტორი.
1990-1991 წლებში აქტიურად მონაწილეობდა საქართველოს დამოუკიდებელი პროფკავშირების კონფედერაციის ჩამოყალიბებაში და აქვე მუშაობდა საორგანიზაციო განყოფილების გამგედ.
(
აქ 9 აპრილი მომხდარია და ის –
1991-2004 წლებში გია ვოლსკი მუშაობდა საქართველოს მთავრობის წარმომადგენლის მოადგილედ რუსეთის ფედერაციაში.
2004-2006 წლებში გია ვოლსკი იყო კონფლიქტების მოგვარების საკითხებში საქართველოს სახელმწიფო მინისტრის მოადგილე, აგრეთვე საქართველოს საგარეო საქმეთა სამინისტროს საგანგებო დავალებათა ელჩი.
2007-2011 წლებში იყო საერთაშორისო არასამთავრობო ორგანიზაციებისა და საქართველოში გაერო-ს განვითარების ფონდის პროექტების მონაწილე
– და ბოლოს, აგი დიფსთეითელიც ყოფილა .
ამის შემდეგ აწ უკვე მესამე მოწვევის პარლამენტარია, რუსი ბიძინას ფრთის ქვეშ
შთამბეჭდავი ბიოგრაფიაა(მეტი დეტალიზაციით ხელმისაწვდომია ინტ. სივრცეში).
#არარუსულრეჟიმს
#თავისუფლებარეჟიმისტყვეებს“

აშშ-ის პრეზიდენტის, დონალდ ტრამპის ადმინისტრაცია მომავალ წელს აშშ-ში დაშვებული ლტოლვილების მაქსიმალურ რაოდენობად განსაზღვრავს 7500 ადამიანს, პრიორიტეტული იქნება თეთრკანიანი პირები სამხრეთ აფრიკიდან. ეს ნაბიჯი ნაწილია ძალისხმევისა შეიცვალოს ლტოლვილებთან მიმართებით გატარებული პოლიტიკა, როგორც აშშ-ში, ისე გლობალურად.
ამ მონაცემით, რომელიც ხუთშაბათს გამოცხადდა, მნიშვნელოვნად მცირდება წინა პრეზიდენტის, ჯო ბაიდენის მიერ დაწესებული ზედა ზღვარი, 125 000 ადამიანი. ახალი ნიშნული სარეკორდოდ დაბალია.
30 სექტემბრით დათარიღებულ, ლტოლვილთა შესახებ ყოველწლიურ დოკუმენტში ტრამპი ამბობს, რომ პრიორიტეტი მიენიჭება სამხრეთ აფრიკის თეთრკანიანი უმცირესობის, ე.წ. აფრიკანელების წარმომადგენლებს. ტრამპი მიიჩნევს, რომ ეს ჯგუფი რასობრივი დისკრიმინაციის მსხვერპლია ქვეყანაში, რომლის მოსახლეობის უმრავლესობაც შავკანიანია. სამხრეთ აფრიკის ხელისუფლება ამას უარყოფს.
ტრამპმა იანვარში შეაჩერა ლტოლვითა დაშვება და განაცხადა, რომ ის განახლდებოდა მაშინ, თუკი დადგინდებოდა რომ შეესაბამება აშშ-ის ინტერესებს.
ფორუმი

საზმაუს სამეურვეო საბჭოს წევრი, ჟურნალისტი ბონდო მძინარაშვილი:
,,ეს ხალხი როგორ აღმოჩნდა ამხელა თანამდებობებზე, როცა გარგრიკურკიტოლა კი არა, ჭერმიკურკიტოლა ტვინიც არ ჰქონიათ?!”

beIN SPORTS-ის ცნობით, „ბარსელონა“ „გალათასარაის“ თავდამსხმელით ვიქტორ ოსიმენით ისევ დაინტერესდა.
ოსიმენის გადაბირებას „ბარსელონა“ გასულ წელს უშედეგოდ ეცადა, ახლა კი ინტერესი განაახლა, ვინაიდან რობერტ ლევანდოვსკის, ალბათ, გუნდის დატოვება მოუწევს. აგენტმა პინი ზაჰავიმ კატალონიურ კლუბს განუცხადა, რომ პოლონელს დარჩენა სურს, მაგრამ სავარაუდოდ მას დაემშვიდობებიან.
„გალათასარაიმ“ ნიგერიელი ზაფხულში „ნაპოლისგან“ 75 მილიონ ევროდ გამოისყიდა, კონტრაქტი 2029 წლის 30 ივნისამდე გაუფორმა, ის გუნდის წამყვანი ფეხბურთელი და ფანების კერპია და ძნელად წარმოსადგენია იოლად შეელიონ. მით უმეტეს ტრანსფერის ფინანსურად განხორციელება მაღალი ფასის გამო ადვილი არ იქნება, თუმცა ვინ იცის…
“ნაპოლი” ლეონარდო სპინაცოლას ახალ კონტრაქტს გაუფორმებს
“მხოლოდ “გალა” – სტამბოლი დაბრუნებულ ოსიმენს მიესალმება
“ნახეთ, როგორ მოიქცა?” – ცნობილმა იტალიელმა ჟურნალისტმა ოსიმენი გააკრიტიკა
“ნაპოლიმ” “ლეჩესთან” მძიმე გამარჯვება მოიპოვა
[VIDEO] “ნაპოლიმ” “ინტერს” უმნიშვნელოვანეს მატჩში სძლია
ისტორიის დასასრული – ოსიმენი დღეს სტამბულში ჩაფრინდება
[VIDEO] მამარდაშვილის დებიუტი ჩემპიონთა ლიგაზე – “ლივერპული” “გალათასარაისთან” დამარცხდა
ოსიმენის დუბლი – “გალათასარაიმ” და “ატლეტიკმა” გაიმარჯვეს
ნაპოლი რამდენიმე თვე დე ბრუინის გარეშე დარჩება
მამარდაშვილის შანსი. “ითამაშებს თუ არა ალისონი?” – სლოტმა ვითარება განმარტა
“მატჩის მსვლელობისას ჩემთან “ლივერპულის” ფეხბურთელი მოვიდა და ეს კითხვა დამისვა…” – გიუნდოგანი ინგლისური გრანდის გაოცებულ წევრზე
[VIDEO] კაცნაკლული “ნაპოლი” “სიტისთან” დამარცხდა – “ბარსელონას” “ნიუკასლთან” გამარჯვება ნათხოვარმა ფეხბურთელმა მოუპოვა
Victory – ვიქტორ ოსიმენი “გალათასარაის” ფეხბურთელი გახდა
ოსიმენი: “გალათასარაი” მსოფლიოს საუკეთესო გუნდია
დე ლაურენტისი: “კვარა” და ოსიმენი პსჟ-სთვის 200 მილიონზე მეტად უნდა მიმეყიდა, მაგრამ…

საკმარისზე მეტი დრო გავიდა იმისათვის, რომ გამოჩენილიყო, პრეზიდენტ ტრამპის ბაქიბუქის უკან, რეალური ბრძოლა “დიპ სტეიტთან” არ დგას, უფრო მეტიც – ტრამპი დღემდე ასრულებს ოლიგარქიული ოჯახების და მათი ინსტრუმენტის, “დიპ სტეიტის” დავალებებს
“ერთიანი ნეიტრალური საქართველოს” ერთ-ერთმა დამფუძნებელმა, ვატო შაქარიშვილმა, ამერიკის შეერთებული შტატების პრეზიდენტის, დონალდ ტრამპის “დიპ სტეიტთან” დამოკიდებულებაზე, გადაცემაში “იმედი LIVE” ისაუბრა და აღნიშნა, რომ “ტრამპის ბაქიბუქის” უკან რეალური ბრძოლა არ დგას.
შაქარიშვილის განცხადებით, საკმარისზე მეტი დრო გავიდა იმისთვის, რომ გამოჩენილიყო, პრეზიდენტი ტრამპი არათუ ებრძვის ოლიგარქიულ ოჯახებს, არამედ, მათი ინსტრუმენტის – “დიპ სტეიტის” დავალებებს ასრულებს.
“სამწუხაროდ, ვხედავთ, რომ ხელისუფლება კვლავ არის ევრო-ამერიკულ ისტერიაში და ილუზიაში, აგრძელებს რა რიტორიკას საქართველოს ევროკავშირში გაწევრიანებასთან დაკავშირებით, გამოხატავს რა იმედს, აშშ-ის ახალ ადმინისტრაციასთან ურთიერთობის გადატვირთვასთან დაკავშირებით მაშინ, როდესაც საკმარისზე მეტი დრო გავიდა იმისათვის, რომ გამოჩენილიყო, პრეზიდენტ ტრამპის ბაქიბუქის უკან, რეალური ბრძოლა “დიპ სტეიტთან” არ დგას, არამედ, უფრო მეტიც – პრეზიდენტი ტრამპი დღემდე ასრულებს ამ ოლიგარქიული ოჯახების და მათი ინსტრუმენტის – “დიპ სტეიტის” დავალებებს,” – აღნიშნა ვატო შაქარიშვილმა.

ამ ავადმყოფის ფონზე ქველმოქმედის, სამშობლოსთვის თავდადებული პატრიოტის შედარება – მხოლოდ შეურაცხად ტვინის პატრონს თუ მოუვა თავში
ანალიტიკოსი დავით ქართველიშვილი სოციალურ ქსელში წერს, რომ საქართველოს უახლოეს პოლიტიკურ ისტორიაში ერთ-ერთი ყველაზე ნეგატიური ფიგურა – მიხეილ სააკაშვილი – დღეს უპირისპირდება საკუთარ სრულ ანტიპოდს, ბიძინა ივანიშვილს, კატეგორიაში: „ვის უფრო უყვარდა ადამიანი“. როგორც ქართველიშვილი აღნიშნავს, ავადმყოფი მიხეილ სააკაშვილის ფონზე ქველმოქმედის, სამშობლოსთვის თავდადებული პატრიოტის შედარება – მხოლოდ შეურაცხად ტვინის პატრონს თუ მოუვა თავში აზრად.
„ საქართველოს უახლოეს პოლიტიკურ ისტორიაში, მისი ერთ-ერთი ყველაზე ნეგატიური პერსონაჟი, მიხეილ სააკაშვილი – დღეს ედრება საკუთარ სრულ ანტიპოდს, ბიძინა ივანიშვილს, კატეგორიაში: “ვის უფრო მაგრად უყვარდა ადამიანი”. ამაზე დიდი ცინიზმი – ძნელად მოსაძებნია. ლიბერალური ფაშიზმის რეჟიმის დამარცხების მთავარ გმირს და უპრეცედენტო ქველისმოქმედ მეცენატს – სადიზმის, გაუკუღმართებული ცხოვრების წესის აპოლოგეტი ედრება. მისი პოლიტიკური წარსული გაცილებით ზუსტად იკითხება მისი პიროვნული ფსიქოლოგიური სტრუქტურიდან, რომლის ანალიზი საშუალებას გვაძლევს გავიგოთ, რატომ მიიღო სახელმწიფომ სააკაშვილის მმართველობის პერიოდში ის სახე, რომელიც მიიღო, და ამ შეფასებებში ვეცდები მაქსიმალურად კორექტული ვიყო: ნარცისული ბირთვი: “მე ვარ ისტორიის გამტარი”,
“მე ვარ ამ სახელმწიფოს აღმშენებელი” – სააკაშვილის განუწყვეტელი თვითპრეზენტაცია, საკუთარი როლის გამოყოფა საერთო პოლიტიკური პროცესიდან, უპირობო მრწამსი საკუთარ უნიკალურობაში და საკუთარი გადაწყვეტილებების აბსოლუტურობაში – ზუსტად ეს ქმნის ნარცისული ლიდერის კლასიკურ კონტურს. მისთვის სახელმწიფო არ იყო ინსტიტუტების ერთობა, არამედ სცენა, სადაც იგი საკუთარ “ისტორიულ როლს” ასრულებდა მისი დისოციალური თვისებები ახალისებდნენ ძალადობის “ნორმალიზაციას” – სააკაშვილის მართვის სტილში მკაფიოდ ჩანდა ემპათიის დეფიციტი და მორალური საზღვრების ეროზია, რაც გამოიხატებოდა სახელმწიფო ძალადობის ინსტიტუციონალიზაციაში, საპატიმრო პენიტენციური სისტემის სისტემურ სისასტიკეში, პოლიტიკური ოპონენტების მოსპობის პრაქტიკებში, საზოგადოების ტოტალური დაშინების პოლიტიკაში სააკაშვილის ფსიქოტიპი ემყარებოდა დემონსტრაციულ ძალადობას, რომელიც იყო მისი პიროვნული სტრუქტურის ორგანული გაგრძელება.
ამას ამყარებდა ისტერიული, სადომაზოქისტური და რომის იმპერატორ კალიგულას საუკეთესო ტრადიციების მქონე მმართველობის სტილი. გარდა ამისა, სააკაშვილის პოლიტიკური სტილი მუდმივად ემყარებოდა დრამატულ, თეატრალიზებულ ეფექტებს: მისი საჯარო გამოსვლები, ჟესტები, კრიზისულ სიტუაციებში ემოციური აფეთქებები – ქმნიდა შთაბეჭდილებას, რომ პოლიტიკა მისთვის იყო რაღაც სცენური მოქმედება, რომელშიც აუდიტორია უნდა ყოფილიყო ემოციურად დაპყრობილი. ეს თეატრალურობა იყო არა შემთხვევითი მანერა, არამედ შიდა ფსიქოლოგიური საჭიროება – მუდმივად დაემტკიცებინა საკუთარი მნიშვნელობა. როდესაც მსგავსი ლიდერის პიროვნული სტრუქტურა არის ნარცისულ-ავტორიტარული და დისოციალური, მის მმართველობის ქვეშ გადასული სახელმწიფოც გარდაუვლად იღებს იმავე ფორმას: ძალადობის ლეგიტიმაცია “რეფორმების” სახელით, მოქალაქის ღირსების დაკნინება როგორც მართვის მეთოდი. ამ ავადმყოფის ფონზე, მასთან შესადარებლად მოყვანა – ქველმოქმედის, სამშობლოსთვის თავდადებული პატრიოტის – მხოლოდ შეურაცხადი ტვინის პატრონს თუ მოუვა თავში…“ – წერს ქართველიშვილი.

საქართველოში წყალმომარაგების სისტემაზე მოსახლეობის 75.4%-ია მიერთებული
2024 წლის 31 დეკემბრის მდგომარეობით, საქართველოში წყალმომარაგების სისტემაზე მიერთებული იყო 2.79 მლნ ადამიანი, რაც სტატისტიკის ეროვნული სამსახურის ცნობით, მთლიანი მოსახლეობის 75.4%-ია.
ამავე პერიოდში კანალიზაციის ქსელზე მიერთებული იყო მთლიანი მოსახლეობის 54.1%, ხოლო ჩამდინარე წყლის გამწმენდ ნაგებობაზე – 42.7%.
„2024 წელს საქართველოში წყალმომარაგებით საქმიანობას ახორციელებდა 28 საწარმო, რომელთა მიერ შინამეურნეობებისთვის მიწოდებული წყლის მოცულობამ 243.4 მილიონი კუბური მეტრი შეადგინა, რაც 5.1%-ით მეტია წინა წლის შესაბამის მაჩვენებელზე (231.5 კუბური მეტრი).
2024 წლის 31 დეკემბრის მდგომარეობით, წყალმომარაგების სისტემაზე მიერთებული იყო 2.79 მილიონი ადამიანი (მთლიანი მოსახლეობის 75.4%), რაც 1.5 პროცენტით აღემატება წინა წლის ანალოგიურ მაჩვენებელს (2.75 მილიონი ადამიანი).
2024 წელს წყალარინების (კანალიზაციის) ქსელზე მიერთებული მოსახლეობის რიცხოვნობამ 2.00 მილიონი შეადგინა (მთლიანი მოსახლეობის 54.1%), რაც წინა წლის ანალოგიურ მაჩვენებელს (1.98 მილიონი) აღემატება 1.0%-ით.
2024 წელს ჩამდინარე წყლის გამწმენდ ნაგებობაზე მიერთებული მოსახლეობის რიცხოვნობამ შეადგინა 1.58 მილიონი (მთლიანი მოსახლეობის 42.7%), რაც წინა წლის ანალოგიურ მაჩვენებელს (1.52 მილიონი) აღემატება 3.9%-ით“, – აღნიშნულია საქსტატის მონაცემებში.

,,პოლონეთის საგარეო საქმეთა მინისტრმა უკრაინელებს ურჩია ნავთობსადენ „დრუჟბის“ აფეთქება. ვიმედოვნებთ, რომ ეს ის შემთხვევა არ არის” – ორბანი უნგრეთის ნავთობის ქარხნის დაწვაზე
უნგრეთის პრემიერ-მინისტრი ვიქტორ ორბანი გასულ კვირას ქვეყნის ერთ-ერთ მთავარ ნავთობგადამამუშავებელ ქარხანაში ხანძრის შესაძლო მიზეზებს შორის „საგარეო თავდასხმას“ ასახელებს.
ამის შესახებ ვიქტორ ორბანმა სოციალურ ქსელ „ფეისბუქში“ დაწერა.
როგორც უნგრეთის პრემიერი წერს, მან მოისმინა ხანძართან დაკავშირებით შინაგან საქმეთა მინისტრის ანგარიში.
„გამოძიება სრული სვლით მიდის. ჩვენ ჯერ არ ვიცით, იყო ეს უბედური შემთხვევა, გაუმართაობა თუ საგარეო თავდასხმა. საზჰალომბატაში მდებარე ნავთობგადამამუშავებელი ქარხანა უნგრეთის უმნიშვნელოვანესი სტრატეგიული საწარმოების ხუთეულში შედის. პოლონეთის საგარეო საქმეთა მინისტრმა უკრაინელებს ურჩია ნავთობსადენ „დრუჟბის“ აფეთქება. ვიმედოვნებთ, რომ ეს ის შემთხვევა არ არის“, – წერს ორბანი.
უნგრეთის პრემიერი აღნიშნავს, რომ საწვავის ფასები უკვე გაიზარდა. როგორც ვიქტორ ორბანმა განაცხადა, მან ეკონომიკის მინისტრს ნავთობგადამამუშავებელი ქარხნის მფლობელი კომპანიის, MOL-ის ხელმძღვანელობასთან მოლაპარაკებების გამართვა დაავალა, რათა აცნობოს, რომ კომპანიას არ შეუძლია დაკარგული სარგებლის საწვავის ფასის გაზრდით კომპენსირება.
უნგრეთის ერთ-ერთ მთავარ ნავთობგადამამუშავებელ ქარხანაში ხანძარი 21 ოქტომბერს გაჩნდა. საზჰალომბატაში მდებარე ქარხანა მსხვილი ნავთობგადამამუშავებელი საწარმოა, რომელიც ძირითადად რუსეთიდან მიღებულ ნავთობს ამუშავებს.

,,ზოგს გარეგნობაშივე ეტყობა კორუფცია!!!“ – ირაკლი ლატარია
ეკონომისტი ირაკლი ლატარია ირაკლი ქარსელაძის შესახებ:
,,ზოგს გარეგნობაშივე ეტყობა კორუფცია!!!
ქარსელაძეზე გამახსენდა….“

საქართველოს 17-წლამდე გოგონათა ნაკრებმა ევროპის ჩემპიონატის საკვალიფიკაციო ეტაპის პირველ რაუნდში ასპარეზობა დაასრულა.
დასკვნით შეხვედრაში ჩვენი გუნდი ბოსნია-ჰერცეგოვინასთან მინიმალური სხვაობით, 2:1 დამარცხდა. საქართველოს ნაკრების რიგებში გოლი ანანო წიქარიძემ გაიტანა.
ჩვენი ჯგუფის მეორე შეხვედრაში ლატვიამ ყაზახეთს 1:0 სძლია და A ლიგის საგზური მოიპოვა.
NAKREBI.GE
3:0. დანელიას დუბლი, ამბალიას ლამაზი გოლი – საქართველოს ქალთა ნაკრებმა მოლდოვა დაჯაბნა
WU17 | საქართველო 3:2 ლატვია
საქართველოს ქალთა ნაკრები მოლდოვას ფრედ ეთამაშა
17-წლამდე გოგონათა ნაკრები ორ ამხანაგურ მატჩს გამართავს
WU17 | საქართველო 3:2 ლატვია
საქართველოს 17-წლამდელ გოგონათა ნაკრები აზერბაიჯანთან დამარცხდა

17-წლამდელთა ევროპის ჩემპიონატის საკვალიფიკაციო რაუნდის მეორე ტურში საქართველოს ნაკრები საბერძნეთთან 1:2 დამარცხდა და ჯგუფიდან ვერ გავიდა.
ისლანდიასთან 1:5 დამარცხების შემდეგ ჩვენს ნაკრებს სამგუნდიან ჯგუფში მეორე ადგილის დასაკავებლად და მომდევნო ეტაპზე გასასვლელად გამარჯვება სჭირდებოდა, მწვრთნელმა კობახიძემ შემადგენლობაში რამდენიმე ცვლილება განახორციელა, ქართველი ფეხბურთელები თავიდანვე დაეუფლენ უპირატესობას, რამდენიმე მომენტი ვერ გამოიყენეს და პირველი ტაიმი 0:0 დასრულდა.
შესვენების შემდეგ ბართიშვილმა თავის მიერვე მოპოვებული საჯარიმოდან დალაშქრა გეიტონასის კარი. თუმცა მალე ბერძნებმა ორი გოლით გვიპასუხეს. აღსანიშნავია ამ ორ გოლს შორის ბართიშვილის მომენტი, როდესაც ის საჯარიმოში მცველმა წააქცია, მსაჯმა კი წესების დარღვევა არ დააფიქსირა და ქართველი სიმულაციისათვის გააფრთხილა. ბოლოს ჩვენი გუნდის შეტევებმა შედეგი ვერ გამოიღო და წავაგეთ.
საქართველო – საბერძნეთი 1:2
გოლები: 1:0 ბართიშვილი (49), 1:1 სოუილატიზისი (56), 1:2 პაპასარაფიანოსი (70)
საქართველო: ცარციძე, გოგიჩაიშვილი (გეთიაშვილი 71), ფოცხვერია, ცქვიტაია, შარიქაძე, ავდოევი, შარვაშიძე (ლაგვილავა 79), გორგაძე (სვანიძე 71), კვარაცხელია (მიქაუტაძე 60), კუნჭულია, ბართიშვილი
[VIDEO] U17. საქართველოს ნაკრები ისლანდიასთან დიდი ანგარიშით დამარცხდა
[VIDEO] ერთმანეთზე ლამაზი გოლებით – საქართველოს 21-წლამდელთა ნაკრებმა მალტა გაანადგურა
U21 | მალტა V საქართველო – მატჩისწინა ვარჯიში “სენტენარიზე”
ვაჟთა ასაკობრივი გუნდების წილისყრა ნიონში
U17. საქართველოს ნაკრები დანიასთან უშანსოდ დამარცხდა
U17 | საქართველო 3:0 ლიეტუვა
[VIDEO] U17. საქართველოს ნაკრები ისლანდიასთან დიდი ანგარიშით დამარცხდა
17-წლამდე ვაჟთა ნაკრები საწვრთნელ შეკრებას იწყებს
19-წლამდელებმა შოტლანდია დაამარცხეს, 17-წლამდელებმა – თურქეთი [VIDEO]

სახელმწიფო პოლიტიკური პირის მხრიდან სამსახურებრივი უფლებამოსილების ბოროტად გამოყენების ფაქტზე საქართველოს რეგიონული განვითარებისა და ინფრასტრუქტურის მინისტრის ყოფილი მოადგილე, კობა გაბუნია დააკავეს.
საქმე ეხება თაღლითურად დაუფლებულ 9 365 801 ლარს.
გამოძიება სისხლის სამართლის კოდექსის 332-ე მუხლის 1-ელი და მე-2 ნაწილებით, 180-2 მუხლის მე-2 და მე-3 ნაწილებით, 194-2 მუხლის მე-2 და მე-3 ნაწილებით და 362-ე მუხლის მე-2 ნაწილით მიმდინარეობს, რაც სასჯელის სახედ ითვალისწინებს თავისუფლების აღკვეთას 9-დან 12 წლამდე ვადით.
„ფინანსთა სამინისტროს საგამოძიებო სამსახურის თანამშრომლებმა, სახელმწიფო უსაფრთხოების სამსახურის თანამშრომლებთან ერთობლივი ღონისძიების ფარგლებში სახელმწიფო-პოლიტიკური თანამდებობის პირის მხრიდან სამსახურებრივი უფლებამოსილების ბოროტად გამოყენების ფაქტზე, საქართველოს რეგიონული განვითარებისა და ინფრასტრუქტურის მინისტრის ყოფილი მოადგილე კობა გაბუნია დააკავეს, რომელიც სსიპ საქართველოს მუნიციპალური განვითარების ფონდის კურატორი გახლდათ.
ასევე, კომპლექსური ღონისძიების ფარგლებში პირადი და საცხოვრებელი სახლების ჩხრეკები ჩატარდა დაკავებულ კობა გაბუნიასთან, რეგიონული განვითარებისა და ინფრასტრუქტურის ყოფილ მინისტრ ირაკლი ქარსელაძესთან და სხვა პირებთან – სულ 20 სხვადასხვა ობიექტზე.
როგორც უკვე ცნობილია, დაკავებულები იყვნენ სსიპ საქართველოს მუნიციპალური განვითარების ფონდის ყოფილი აღმასრულებელი დირექტორი დავით ტაბიძე, ფონდის პროგრამის მენეჯერი და ამავე სამსახურის პროექტის მენეჯერი, რომლებმაც სრულად ითანამშრომლეს გამოძიებასთან და მათ აღკვეთის ღონისძიების სახით სასამართლოს მიერ გირაო შეეფარდათ. საზოგადოებისთვის ასევე ცნობილია, რომ მუნიციპალური განვითარების ფონდიდან, 30 საბავშვო ბაღის რეაბილიტაციისთვის გამოყოფილი 9 365 801 ლარის თაღლითურად დაუფლებისა და 1 211 000 ლარის უკანონო შემოსავლის ლეგალიზაციის ფაქტზე დაკავებულები არიან შპს „ლაგი კაპიტალის“ ხელმძღვანელი პირები. გამოძიების მასალების მიხედვით, შპს „ლაგი კაპიტალის“ მიერ 2023 წლის ივლისიდან 2024 წლის მაისამდე პერიოდში, ფონდში წარდგენილი ავანსის მოთხოვნები იყო დაუსაბუთებელი და მხოლოდ ნაწილობრივ უზრუნველყოფილი.
დასახელებულმა პირებმა, საქართველოს რეგიონული განვითარებისა და ინფრასტრუქტურის მინისტრის ყოფილი მოადგილის კობა გაბუნიას დავალებით სამსახურებრივი უფლებამოსილება ბოროტად გამოიყენეს და უპირატესობის მინიჭების მიზნით, მიუხედავად იმისა, რომ კომპანიის მიერ 2023 წლის ივლისის თვეში მიღებული ავანსი არ იყო დახარჯული მიზნობრივად, 2023-2024 წლებში შპს „ლაგი კაპიტალზე“ საბავშვო ბაღების რეაბილიტაციისთვის მაინც გასცეს 11 218 380 ლარის დაუსაბუთებელი ავანსი, საიდანაც შპს „ლაგი კაპიტალის“ ხელმძღვანელი პირები თაღლითურად დაეუფლნენ 9 365 801 ლარს. გამოძიება საქართველოს სისხლის სამართლის კოდექსის 332-ე მუხლის პირველი და მე-2 ნაწილებით, 180-ე მუხლის მე-2 და მე-3 ნაწილებით, 194-ე მუხლის მე-2 და მე-3 ნაწილებით და 362-ე მუხლის მე-2 ნაწილით მიმდინარეობს, რაც სასჯელის სახით თავისუფლების აღკვეთას 9-დან 12 წლამდე ვადით ითვალისწინებს. აღნიშნულ და მსგავსი კატეგორიის საქმეებზე საქართველოს გენერალურ პროკურატურასთან და სახელმწიფო უსაფრთხოების სამსახურთან ერთად ვაგრძელებთ ინტენსიურ ოპერატიულ და საგამოძიებო მოქმედებებს რათა უზრუნველყოფილი იქნას კორუფციულ დანაშაულებში მონაწილე პირთა მხილება, პასუხისგებაში მიცემა და კორუფციული ფაქტების მაქსიმალური პრევენცია“, – აღინიშნა ფინანსთა სამინისტროს საგამოძიებო სამსახურში გამართულ ბრიფინგზე.

ჟურნალისტი დავით ქაშიაშვილი სოციალურ ქსელში წერს:

ბათუმის საკონსტიტუციო სასამართლოს კანცელარიაში „ქართული ოცნების“ სარჩელი შევიდა, რომლითაც სამი ოპოზიციური პარტიის — „ნაციონალური მოძრაობის“, „ლელო – ძლიერი საქართველოს“ და „კოალიცია ცვლილებისთვის“ — არაკონსტიტუციურად გამოცხადება მოითხოვენ. სასამართლო მომდევნო სამი დღის განმავლობაში გადაწყვეტს სარჩელის რეგისტრაციის საკითხს.
საპარლამენტო უმრავლესობამ აღნიშნული დაპირება 2024 წლის არჩევნების წინ საკუთარ ამომრჩეველს უკვე მისცა. სწორედ ამ მიზნით, პარლამენტში შეიქმნა საგამოძიებო კომისია, რომელმაც „ნაციონალური მოძრაობის“ საქმიანობა – 2003 წლიდან დღემდე – შეისწავლა.
„ქართული ოცნების“ თავმჯდომარე ირაკლი კობახიძე 2025 წლის 17 ივლისს აცხადებდა, რომ ადგილობრივი თვითმმართველობის არჩევნებში მონაწილეობის პარალელურად, პარტია მოითხოვდა „ლელოსა“ და „გახარია საქართველოსთვის“ არაკონსტიტუციურად ცნობასაც.

კომპანია “ქართული კალათას” დირექტორის ვაკო ელისაბედაშვილის განცხადებით, კომპანიის გაყიდვები საშუალოდ 15-17%-ით იზრდება. როგორც მან “ბიზნესპარტნიორთან” აღნიშნა, მათი მომხმარებლები ძირითადად უცხოელები არიან.
ვაკო ელისაბედაშვილის თქმით, გაზრდილი მოთხოვნიდან გამომდინარე კომპანია ადგილობრივ ბაზარზე გაფართოებას გეგმავს.
“ჩვენი პროდუქციის შეძენა “გუდვილში”, სამივე საერთაშორისო აეროპორტის duty free-ს ზონაში, ტურისტულ ლოკაციებზე სხვადასხვა საცალო მაღაზიაში და ასევე, ჩვენს ბრენდულ მაღაზიებსა და სტენდებზე შეიძლება. ადგილობრივ ბაზარზე გაფართოება გვინდა, თუმცა მოლებში ფართის მოძიება რთული და ასევე, ძვირია, მაგრამ აღსანიშნავია, რომ აღნიშნულ ფორმატს შედეგი აქვს.
მანვე აღნიშნა, რომ კომპანია ახალ საწარმოს, ლანჩხუთში აშენებს, რომლის დასრულების შემდეგაც “ქართული კალათა” წარმადობის ზრდასა და ექსპორტზე გასვლას გეგმავს.
“ახალი საწარმოს მშენებლობა დასრულებულია და ბოლო დეტალებია დარჩენილი. გვსურს, რომ წარმოების ნაწილი მაინც წელს გადავიტანოთ”, – აღნიშნა მან.
გარდა ამისა, კომპანიას თბილისში 2 ბრენდული მაღაზია აქვს და ასევე, ბაზარი ორბელიანზე და “გალერია თბილისში” სტენდით არის წარმოდგენილი. კომპანიის ძირითადი მიმართულება ქართული ტრადიციული პროდუქტების წარმოება-რეალიზაციაა. “ქართულ კალათაში” შედის ისეთი პროდუქტები როგორიც არის: ტყემალი, გოზინაყი, ჩურჩხელა, სანელებლები, ჯემები, ჩაი, ზეთი და ა.შ. პროდუქტების ნაწილს სხვადასხვა ქართული კომპანია აწარმოებს, თუმცა შეფუთვასა და რეალიზაციას “ქართული კალათა” უწევს. გარდა ამისა, კომპანია ნედლეულის ნაწილს ფერმერებისგან იბარებს.

თუ ხარ VII-XI კლასის მოსწავლე, 30 ნოემბრის ჩათვლით, დარეგისტრირდი საქართველოს ბანკის და კომაროვის სკოლის STEM ოლიმპიადაზე, გამოავლინე შენი ცოდნა ფიზიკისა და მათემატიკის მიმართულებით და გაიმარჯვე.
· STEM ოლიმპიადაში მონაწილეობის მიღება ერთი სკოლიდან ერთ გუნდს შეუძლია, რომელიც VII-XI კლასის 5 მოსწავლისგან იქნება დაკომპლექტებული;
· STEM ოლიმპიადა ორ ტურად ჩატარდება: პირველი ტურის ფარგლებში მოსწავლეები ინდივიდუალურად შეასრულებენ ფიზიკისა და მათემატიკის დავალებებს. მეორე ეტაპზე კი, საუკეთესო შედეგის მქონე 10 გუნდი პრაქტიკული დავალებების შესრულებაზე ერთად იმუშავებს;
· საპრიზო ადგილზე გასული გუნდები სპეციალური პრიზებით დაჯილდოვდებიან, ყველა მოსწავლე კი სერტიფიკატს მიიღებს.
ოლიმპიადის ფარგლებში, გამარჯვებული სკოლის გუნდს 10 000 ლარი გადაეცემა.
აღსანიშნავია, რომ STEM ოლიმპიადის ფინალურ ეტაპზე გადასული გუნდები და მათი მენტორები 3 თვის განმავლობაში გაივლიან კონსულტაციებს კომაროვის პროფესიონალებთან მიკროკონტროლერ Arduino-ს დაპროგრამებისა და მისი საშუალებით STEM პროექტებზე მუშაობის მიმართულებით.
ოლიმპიადის შესახებ დეტალური ინფორმაციის მისაღებად ეწვიეთ ვებგვერდს.
ინფორმაციისთვის, პროექტში მონაწილეობა 200-ზე მეტი სკოლის 1500-მდე მოსწავლემ უკვე მიიღო. ოლიმპიადა განკუთვნილია მხოლოდ არა ფიზიკა-მათემატიკური სკოლებისთვის. ფიზიკა – მათემატიკური სკოლის გუნდებს მონაწილეობის მიღება შეუძლიათ მხოლოდ კონკურსგარეშე სტატუსით (აღნიშნული სკოლის გუნდებს ოლიმპიადის საორგანიზაციო ჯგუფი გამოცდილების მიღების მიზნით სთავაზობს პირდაპირ ფინალურ ეტაპზე მონაწილეობას, თუმცა მათი შედეგები არ გამოიანგარიშება და, შესაბამისად, ფიზიკა – მათემატიკური სკოლის გუნდები საპრიზო ადგილებს ვერ დაიკავებენ).
საქართველოს ბანკი, როგორც განათლების მთავარი მხარდამჭერი ბანკი ახალგაზრდებისთვის განათლების შესაძლებლობების შექმნას განაგრძობს. სწორედ ამიტომ, ბანკი 40-ზე მეტ საგანმანათლებლო პროექტს ახორციელებს და უჭერს მხარს, რითაც 500 000-ზე მეტი მოსწავლისთვის, სტუდენტისა და ახალგაზრდა პროფესიონალისთვის ქმნის განათლების შესაძლებლობას. ბანკის CSR მიმართულების პორტფელი მოიცავს ისეთ საგანმანათლებლო პროექტებს, როგორებიც არის: საქართველოს ბანკის სტიპენდიები; გიორგი ჩახავას სახელობის სტიპენდია; დიდ ბრიტანეთში, აშშ-სა და გერმანიაში სწავლის სრული დაფინანსება; იდეათეკები – საქართველოს ბანკის ბიბლიოთეკების პროექტი; საქართველოს ბანკისა და კომაროვის ერთობლივი პროექტი – STEM სკოლა; საქართველოს ბანკის ოლიმპიადები მოსწავლეებისთვის: STEM ოლიმპიადა, ეკონომიკის ოლიმპიადა, Kings-ის ფინანსური განათლების ოლიმპიადა, ევერესტი. ამასთან, საჯარო მეტყველების კონკურსი, და სხვა.
საქართველოს ბანკის მიერ განხორციელებული საგანმანათლებლო პროექტების შესახებ დეტალური ინფორმაციის მისაღებად ეწვიეთ ვებგვერდს ganatleba.bog.ge

ბათუმში, საკონსტიტუციო სასამართლოს კანცელარიაში უკვე მიიტანეს „ქართული ოცნების“ სარჩელი, რომლითაც სამი ოპოზიციური პარტიის აკრძალვაა მოთხოვნილი. მომდევნო სამი დღის განმავლობაში გადაწყდება მისი რეგისტრაციის საკითხი.
„ქართული ოცნება“ საკონსტიტუციო სარჩელით მოითხოვს არაკონსტიტუციურად გამოცხადდეს სამი ოპოზიციური პარტია:
· „ნაციონალური მოძრაობა“;
· „ლელო – ძლიერი საქართველო“;
· „კოალიცია ცვლილებისთვის“.
„ქართულმა ოცნებამ“ ოპოზიციურ პარტიების გაუქმების დაპირება საკუთარ ამომრჩეველს 2024 წლის საპარლამენტო არჩევნების წინ მისცა. მტკიცებულებების მოსაპოვებლად სადავო პარლამენტში შეიქმნა დროებითი საგამოძიებო კომისია და შეისწავლეს „ნაციონალური მოძრაობის“ საქმიანობა 2003 წლიდან დღემდე.
პარტია „ქართული ოცნების“ თავმჯდომარე, ირაკლი კობახიძე 2025 წლის 17 ივლისს ამბობდა, რომ არჩევნებში მონაწილეობის მიუხედავად, „ლელოსა“ და „გახარია საქართველოსთვის“ არაკონსტიტუციურად ცნობას მოითხოვენ.
ბოლო თვეების განმავლობაში „ქართულმა ოცნებამ“ სადავო პარლამენტში მიიღო არაერთი კანონი, რომელმაც გააუარესა შეკრებისა და გამოხატვის თავისუფლების უფლებები. მათ შორის, მიიღო კანონი, რომელიც საშუალებას მისცემდა საკონსტიტუციო სასამართლოში პარტიის აკრძალვასთან ერთად მოეთხოვათ კონკრეტული პოლიტიკოსების საქმიანობის შეზღუდვაც.
ფორუმი

ამერიკელმა ჟურნალისტმა და UFC-ის კომენტატორმა მეგან ოლივიმ მაიკ ბონის Youtube არხთან ინტერვიუში განაცხადა, რომ მერაბ დვალიშვილისა და უმარ ნურმაგომედოვის რემატჩი აუცილებლად უნდა შედგეს.
ოლივის თქმით, მერაბისა და უმარის პირველი დაპირისპირება თითქმის თანაბარი იყო.
“არაპოპულარული მოსაზრებაა, მაგრამ უნდა ვთქვა, რომ უმარი გაცილებით კონკურენტუნარიანი იყო, ვიდრე ბევრი ადამიანი ამას წარმოაჩენს. მინდა რემატჩი ვნახო. ვფიქრობ, უმარმა ამისთვის საკმარისი გააკეთა”, – განაცხადა ოლივიმ.
შეგახსენებთ, რამდენიმე დღის წინ UFC 321-ზე ნურმაგომედოვმა მარიო ბაუტისტა მსაჯების ერთსულოვანი გადაწყვეტილებით დაამარცხა.
დვალიშვილმა ნურმაგომედოვი 19 იანვარს, UFC 311-ზე, სუპერმსუბუქი წონითი დივიზიონის საჩემპიონო ბრძოლაში ხუთრაუნდიან დაპირისპირებაში, მსაჯების ერთსულოვანი გადაწყვეტილებით დაამარცხა.
“ამპარტავნობა ყველას გაანადგურებს” – უმარ ნურმაგომედოვი ილია თოფურიას ისლამ მახაჩევზე გაკეთებულ განცხადებას გამოეხმაურა
“ამაზე საუბარი მიდის… მერაბის ბრძოლას საქართველოში, ილიასას კი ესპანეთში დაუფიქრებლად ჩავატარებდი” – დენა უაითი
“თოფურია ყალბია. ის ქართველიც კი არ არის, გერმანიაში დაიბადა და გერმანელია” – პიმბლეტმა Marca-ს ეთერიდან თოფურია გამოიწვია
რა თანხა გამოიმუშავა მერაბ დვალიშვილმა უმარ ნურმაგომედოვის დამარცხებით
“ამაზე საუბარი მიდის… მერაბის ბრძოლას საქართველოში, ილიასას კი ესპანეთში დაუფიქრებლად ჩავატარებდი” – დენა უაითი
ოფიციალურად: მერაბ დვალიშვილი საჩემპიონო ქამარს 7 დეკემბერს დაიცავს
“ჩემთან მხოლოდ 5 თეიქდაუნი ჰქონდა, რადგან როცა მაგდებდა ფეხზე აღარ ვდგებოდი” – შონ ომალი
“წლის საუკეთესო მებრძოლად მერაბ დვალიშვილი უნდა დასახელდეს” – უმარ ნურმაგომედოვი
“ამპარტავნობა ყველას გაანადგურებს” – უმარ ნურმაგომედოვი ილია თოფურიას ისლამ მახაჩევზე გაკეთებულ განცხადებას გამოეხმაურა
“შენ ხარ ადამიანი, რომლის სულიც გულში ვერ ეტევა” – თოფურიამ დვალიშვილს მიმართა
პიოტრ იანმა უმარ ნურმაგომედოვი გამოიწვია
“მერაბი ნახევრად მკვდარი იყო, არავინ იცით, მას რა სჭირდა…” – დვალიშვილის მწვრთნელმა ნურმაგომედოვთან ბრძოლამდე ქართველის ჯანმრთელობის პრობლემებზე ისაუბრა
“ამის გამო ნამდვილი ცხოველია” – სენდჰეგენმა დვალიშვილის შესახებ ისაუბრა
“თუნდაც მთელმა მსოფლიომ საპირისპიროს მტკიცება დაიწყოს, ჩემპიონი მაინც გავხდები” – უმარ ნურმაგომედოვი

საქართველოს პროკურატურამ განსაკუთრებით დიდი ოდენობით ნარკოტიკული საშუალების უკანონო შეძენის, შენახვისა და რეალიზაციის ხელშეწყობის ფაქტზე უცხო ქვეყნის მოქალაქეს ბრალდება წარუდგინა. ამის შესახებ ინფორმაციას საქართველოს პროკურატურა ავრცელებს.
მათი ცნობით, დადგინდა, რომ ბრალდებულმა უკანონოდ შეიძინა და შეინახა 54,2952 გრამი ნარკოტიკულ საშუალება „მეთადონი“, რომელიც რეალიზაციის მიზნით 50 შეკვრასდ დააფასოვა.
„შინაგან საქმეთა სამინისტროს მიერ ჩატარებული გამოძიებით დადგინდა, რომ ბრალდებულმა უკანონოდ შეიძინა და შეინახა განსაკუთრებით დიდი ოდენობით 54,2952 გრამი ნარკოტიკულ საშუალება „მეთადონი“ (ფუძე). შემდგომში უკანონო რეალიზაციის მიზნით მან ნარკოტიკული საშუალება 50 შეკვრად დააფასოვა, საიდანაც 33 შეკვრას პირადად ინახავდა, ხოლო 17 ცალად დაფასოებულ და კრისტალური სახით არსებულ ნარკოტიკულ საშუალებას, ელექტრო სასწორსა და ნარკოტიკული საშუალების შესაფუთ მასალას მის დროებით საცხოვრებელ სახლში ინახავდა.
დაკავებულს ბრალდება საქართველოს სისხლის სამართლის კოდექსის 260-ე მუხლის მესამე ნაწილის „ა“ ქვეპუნქტით (განსაკუთრებით დიდი ოდენობით ნარკოტიკული საშუალების უკანონო შეძენა და შენახვა) და 260-ე კვარტა მუხლის მეექვსე ნაწილის „ა“ ქვეპუნქტით (განსაკუთრებით დიდი ოდენობით ნარკოტიკული საშუალების უკანონო რეალიზაციის ხელშეწყობა) წარედგინა, რაც სასჯელის სახედ და ზომად 20 წლამდე ან უვადო თავისუფლების აღკვეთას ითვალისწინებს.
პროკურატურის შუამდგომლობის საფუძველზე სასამართლომ ბრალდებულს აღკვეთის ღონისძიების სახით პატიმრობა უკვე შეუფარდა”,- ნათქვამია ინფორმაციაში.

აშშ-მა წყნარ ოკეანეში კიდევ ერთ ნავს დაარტყა, რომელსაც, სავარაუდოდ, ნარკოტიკები გადაჰქონდა. დაღუპულია 4 ადამიანი, – ინფორმაციას BBC-ი აშშ-ის თავდაცვის მდივანზე, პიტ ჰეგსეტზე დაყრდნობით ავრცელებს.
„პრეზიდენტ ტრამპის ბრძანებით, ომის დეპარტამენტმა ნარკოტიკების გადამზიდ კიდევ ერთ ნავზე ლეტალური კინეტიკური დარტყმა განახორციელა. ნავზე ოთხი ნარკოტერორისტი იმყოფებოდა, რომლებიც საერთაშორისო წყლებში განხორციელებული დარტყმის შედეგად დაიღუპნენ. ამ დარტყმის შედეგად არცერთი ამერიკელი სამხედრო მოსამსახურე არ დაშავებულა“, – წერს პიტ ჰეგსეტი X-ზე.
მისი თქმით, „დასავლეთ ნახევარსფერო ნარკოტერორისტებისთვის უსაფრთხო აღარ არის“.
BBC-ის ინფორმაციით, ბოლო ორი თვის განმავლობაში, აშშ-ის მიერ წყნარ ოკეანეში ნავებზე განხორციელებული დარტყმების შედეგად, სულ მცირე, 60 ადამიანი დაიღუპა.

„სამინისტრომ ყველას დაუგზავნა სმს-ი, ეკუთვნოდა თუ არ ეკუთვნოდა ქონების გადასახადის გადახდა და ამით პანიკური ვითარება შექმნა“ – რას პასუხობს შემოსავლების სამსახური რომან გოცირიძეს?
სამინისტრომ ყველას დაუგზავნა სმს-ი, ეკუთვნოდა თუ არ ეკუთვნოდა ქონების გადასახადის გადახდა და ამით პანიკური ვითარება შექმნა ქვეყანაში. თავისთავად შეხსენება არ არის ცუდი. წინათაც აკეთებდა ამას, მაგრამ როგორც ჩანს, გადასახადი შემოაკლდა, აიღო სატელეფონო წიგნი და სკოლის მოსწავლეებსაც დაუგზავნა შეტყობინება. მოსწავლეებზე ვხუმრობ, მაგრამ არც არაფერია გამორიცხული.
ხალხმა გაიკითხ-გამოიკითხა, ჩემი პოსტებიც წაიკითხა ( მილიონს გადააჭარბა არასრულ ორ დღეში ამ საკითხზე ჩემი ერთ-ერთი პოსტის მნახველთა რაოდენობამ, რაც, რა თქმა უნდა, მთავრობის სმს კამპანიის დამსახურებაცაა) და აღმოაჩინა, რომ ემიგრაციიდან გადმორიცხული ფულის აქ მიმღებ პირს ეს თანხა შემოსავლებში ეთვლება და განსაზღვრულ ოდენობამდე მიღწევის შემთხვევაში ქონების გადასახადის გადამხდელი ხდება. ამან ემიგრაციაც აღაშფოთა. საინტერესოა ის ფაქტიც, რომ “ქართული ოცნების” მომხრეებიც ვერ მალავენ აღშფოთებას. მათ ერთი მეხი თავზე კორუფციული სკანდალების გამო დაეცათ, როცა გაიგეს, თუ როგორ უმოწყალოდ ძარცვავდნენ მათი რჩეულები ქვეყანას და მეორე აგერ, ახლა, როცა პირადად მათი ოჯახების ძარცვასაც აპირებენ.
საქართველოში ხელფასების სახით გაცემული თანხა დაახლოებით 20 მილიარდი ლარია წელიწადში, მაშინ როცა უცხოეთიდან ახლობლებისგან მიღებული ფულადი გზავნილები მის ნახევარს, 10 მილიარდ ლარს შეადგენს( 3,5 მილიარდი დოლარი). ეს უკანასკნელი არასდროს იყო აქტუალური ქონების გადასახადის გაანგარიშებისას, ვინაიდან ტექნიკურად საწვალებელია და ასეულ ათასობით კერძო პირის საბანკო ანგარიშების შემოწმება გახდებოდა საჭირო. ფაქტია, რომ კანონი ამას ითვალისწინებს და თუ არ შეიცვალა, ამ ადამინებსაც მიადგებიან. ასეთები ასეულ ათასობითაა. საერთაშორისო იზოლაციის ფონზე ბიუჯეტის შევსება დიდ პრობლემებს წააწყდება მომავალში და მაშინ გაახსენდებათ ის, რასაც საარჩევნო მოსაზრებით არ ეხებოდნენ. მერე კი ნახეთ ნამდვილი რევოლუცია.
მთავრობამ ძალაუნებურად ხალხი გამოაფხიზლა.
ჩემმა მრავალწლიანმა მცდელობამ, რომ 20 წლის წინ მიღებული, უკვე საშინლად მოძველებული ფიზიკური პირის ქონების გადასახადის დაბეგვრის წესი შეცვლილიყო, შედეგი ვერ გამოიღო. ორი კანონპროექტი ჩამიგდეს პარლამენტში, ორივეჯერ ყველა მეთანხმებოდა, მათ შორის მთავრობაც, რომ სწორი ვიყავი, მაგრამ თავად აპირებდნენ მალე უკეთესის მიღებას და ლამის ბოდიშისმოხდით აჭერდნენ წითელ ღილაკს ხელს უმრავლესობის დეპუტატები. უკეთესში იგულისხმებოდა როგორც ფიზიკური პირების, ასევე იურიდიული პირების დაბეგვრის წესის შეცვლა ერთდროულად. ამ საბაბით წლებია ეს პრობლემა ვერ მოგვარდა. საწარმოთა დაბეგვრის წესს შეცვლა არ სჭირდება, მხოლოდ განაკვეთის შემცირებაა საჭირო და ეს ზუსტად ერთი წუთის საქმეა.
პარლამენტში “ოცნების” დეპუტატები მოდიოდნენ ჩემთან და მთხოვდნენ, რომ არ შემეწყვიტა ძალისხმევა. ერთმა დეპუტატმა ქალმა( ახლაც პარლამენტშია), დარდით გამანდო, რომ ჩემი ნათესავი ქმარს ფიქტიურად გაეყარა, რომ ქონების გადასახადი არ გადაეხადათ, ძალიან ბევრი უწევდათ, ლამის შემოსავლების ნახევარიო. როგორც ჩანს, ქონების დიდი ნაწილი ცოლის სახელზე იყო გაფორმებული, მას არ უგროვდებოდა საკმარისი შემოსავალი, ქმარი კი რაღაც ქონებაზე გადაიხდიდა გადასახადს. მოკლედ, საოჯახო სახის დეკლარაციის შევსება არ მოუწევდათ. მერე გავარკვიე, რომ ასე ძალიან ბევრი აკეთებს.
ქონების გადასახადი საჭიროა, მაგრამ სამართლიანი და ქვეყნის ეკონომიკური და სოციალური მდგომარეობის შესაბამისი. ახლა მეორე უკიდურესობასაც ვისმენთ, გავაუქმოთო.
მოკლედ, სმს-მა თავისი საქმე ჰქნა, კანტიკუნტად მედიაც აშუქებს ამ საკითხებს. პარტიებს არ სცალიათ, გლობალური საკითხებით არიან დაკავებულები, ან ტალახს ეზიდებიან, კონკურენტ პარტიას რომ შეასხან.
ისევ ხალხმა უნდა მიხედოს საქმეს.“
რომან გოცირიძეს მალევე უპასუხა შემოსავლების სამსახურმა და განცხადება გაავრცელა:
„გადასახადის გადამხდელთა ინტერესებიდან გამომდინარე, ფინანსთა სამინისტროს შემოსავლების სამსახური დეტალურად განმარტავს იმ პირთა კატეგორიას, რომელთაც პირველი ნოემბრის ჩათვლით, ქონების გადასახადის წლიური დეკლარაციის წარდგენის ვალდებულება წარმოეშობათ.
დეკლარაციის წარდგენა ევალება ფიზიკურ პირს, მათ შორის მეწარმე ფიზიკურ პირს: თუ, პირის და მისი ოჯახის წევრების შემოსავალი გასული (2024) წლის მიხედვით აღემატება 40 000 ლარს და საკუთრებაში აქვთ დასაბეგრი ქონება (უძრავი ქონება, მათ შორის დაუმთავრებელი მშენებლობა, შენობა-ნაგებობა ან მათი ნაწილი, იახტა (კატარღა), შვეულმფრენი, თვითმფრინავი და მსუბუქი ავტომობილ(ებ)ი (გარდა მოტოციკლისა და მოპედისა) და სხვა.
ეკონომიკური საქმიანობის განხორციელების შემთხვევაში კი, ბალანსზე ძირითად საშუალებად აღრიცხული აქტივები, მოწყობილობები და სხვა.
ამასთან, დამატებით განვმარტავთ, რომ დეკლარაციის წარდგენის ვალდებულება არ წარმოეშობა პირს, თუ გასულ საგადასახადო წელს წარდგენილი აქვს დეკლარაცია ან დარიცხული აქვს გადასახადი და არ იცვლება მონაცემები (სისტემა ავტომატურად მოახდენს წინა წლის ინფორმაციის რეგისტრაციას).
ხაზგასმით გვინდა განვმარტოთ, რომ მოქმედი კანონმდებლობით, არანაირი ცვლილება, დასაბეგრი ქონების წლიური დეკლარაციის წარდგენისა და ადმინისტრირების ნაწილში არ განხორციელებულა, შესაბამისად მეწარმე სუბიექტები/ფიზიკური პირები ვალდებული არიან წარდგენილ დეკლარაციაში მონაცემები დასაბეგრი ქონების შესახებ, შეიტანონ გასული საგადასახადო წლის მიხედვით, ხოლო დასაბეგრი მიწის შესახებ – მიმდინარე საგადასახადო წლის პირველი აპრილის მდგომარეობით.
ფინანსთა სამინისტროს შემოსავლების სამსახური მოუწოდებს მედიასაშუალებებს და ფინანსური/საბუღალტრო/საკონსულტაციო მომსახურების განმახორციელებელ კომპანიებს, ასევე ცალკეულ ექსპერტებს თავი შეიკავონ ცრუ, გადასახადის გადამხდელებისთვის საზიანო ინფორმაციის გავრცელებისგან, რაც ემსახურება საზოგადოების შეცდომაში შეყვანას.“

აშშ-ს ბაზარზე ქართული ქარვისფერი ღვინის ცნობადობისა და პოპულარიზაციის ზრდის მიზნით, ღვინის ეროვნული სააგენტოს და ამერიკული მარკეტინგული კომპანიის „Colangelo & Partners” ორგანიზებით, ქალაქ ნიუ-იორკში გამართულ ღვინის საერთაშორისო გამოფენაზე „Orange Glou Fair“ საქართველოდან რვა მარნის 15-მდე ღვინო იყო წარმოდგენილი.
ღვინის ეროვნული სააგენტოს ინფორმაციით, ფესტივალის ერთ-ერთი სპონსორი ღვინის ეროვნული სააგენტო იყო.
გამოფენაში „Orange Glou Fair“ მსოფლიოს შვიდი ქვეყანა მონაწილეობდა – საქართველო, აშშ, ავსტრია, საფრანგეთი, უნგრეთი, სლოვენია და გერმანია. 40-მდე კომპანიამ 150-მდე ღვინო წარმოადგინა.
ფესტივალი „Orange Glou Fair“ 2022 წლიდან იმართება და მასზე, ტრადიციულად, ქარვისფერი/ნარინჯისფერი ღვინის მწარმოებლები იკრიბებიან მსოფლიოს სხვადასხვა ქვეყნიდან.
ფესტივალის ფარგლებში, ქართული ქარვისფერი ღვინის დეგუსტაციაც გაიმართა.
„ქარვისფერი ღვინო პირველად, 8000 წლის წინ საქართველოში დააყენეს და მსოფლიოს დანარჩენ ნაწილში, დაახლოებით 30 წლის წინ, ორმა იტალიელმა მეღვინემ – ჯოსკო გრავნერმა და სტანკო რადიკონმა გაავრცელა, რომელთაც სურდათ, ამ ღვინის დაყენების სტილის შესწავლა. დღეს დაახლოებით რამდენიმე ათასი ღვინის მწარმოებელია, რომლებიც ამზადებენ ქარვისფერ ღვინოს სხვა სტილებთან ერთად“, – აღნიშნულია გამოფენის „Orange Glou Fair“ ოფიციალურ რელიზში.
ქართული ქარვისფერი ღვინო, რაც ტექნოლოგიურად ჭაჭაზე დაყენებულ ღვინოს ნიშნავს, სახელწოდებით „დურდოზე (ჭაჭა) ხანგრძლივი მაცერაციით დაყენებული ღვინო“, ვაზისა და ღვინის საერთაშორისო ორგანიზაციის (OIV) სპეციალური ღვინოების ჩამონათვალს დაემატა. მანამდე OIV-ის სპეციალური ღვინოების ჩამონათვალში სულ 7 ღვინო შედიოდა: „შუშხუნა“, „ცქრიალა“, „შემაგრებული“, „ლიქიორული“, „ბუნებრივად ტკბილი ღვინოები“, „აისვაინი“ და „საფუვრის აპკის ქვეშ დავარგებული ღვინო“. „დურდოზე ხანგრძლივი მაცერაციით დაყენებული ღვინო“, OIV-ის სპეციალური ღვინოების ჩამონათვალში მე-8 გახდა.
ერთი კვირის განმავლობაში, ნიუ-იორკში, ქართული ღვინო წარმოდგენილი იყო ორ მნიშვნელოვან ღონისძიებაზე – გამოფენაზე „Orange Glou Fair“ და ბუნებრივი ღვინოების ფესტივალზე „Karakterre“, სადაც ათასობით ღვინის პროფესიონალსა და მომხმარებელს ქართული ღვინის დაგემოვნების შესაძლებლობა მიეცა.
ამერიკის შეერთებული შტატები ქართული ღვინის ერთ-ერთ სტრატეგიულ საექსპორტო ბაზარს წარმოადგენს. ღვინის ეროვნული სააგენტოს მხარდაჭერით, 2013 წლიდან განხორციელებულმა მიზანმიმართულმა მარკეტინგულმა აქტივობებმა მნიშვნელოვნად შეუწყო ხელი აშშ-ში ქართული ღვინის ცნობადობის და ექსპორტის ზრდას.
აშშ ერთ-ერთი ყველაზე მაღალფასიანი ბაზარია ქართული ღვინისთვის. აქ ერთი ლიტრი ღვინის საშუალო ფასი 6 აშშ დოლარის ფარგლებშია, რაც ქართული ღვინის მაღალი ხარისხისა და მოთხოვნის ზრდაზე მიუთითებს.

თუ ხარ VII-XI კლასის მოსწავლე, 30 ნოემბრის ჩათვლით, დარეგისტრირდი „საქართველოს ბანკის“ და კომაროვის სკოლის STEM ოლიმპიადაზე, გამოავლინე შენი ცოდნა ფიზიკისა და მათემატიკის მიმართულებით და გაიმარჯვე.
· STEM ოლიმპიადაში მონაწილეობის მიღება ერთი სკოლიდან ერთ გუნდს შეუძლია, რომელიც VII-XI კლასის 5 მოსწავლისგან იქნება დაკომპლექტებული;
· STEM ოლიმპიადა ორ ტურად ჩატარდება: პირველი ტურის ფარგლებში მოსწავლეები ინდივიდუალურად შეასრულებენ ფიზიკისა და მათემატიკის დავალებებს. მეორე ეტაპზე კი, საუკეთესო შედეგის მქონე 10 გუნდი პრაქტიკული დავალებების შესრულებაზე ერთად იმუშავებს;
· საპრიზო ადგილზე გასული გუნდები სპეციალური პრიზებით დაჯილდოვდებიან, ყველა მოსწავლე კი სერტიფიკატს მიიღებს.
ოლიმპიადის ფარგლებში, გამარჯვებული სკოლის გუნდს 10 000 ლარი გადაეცემა.
აღსანიშნავია, რომ STEM ოლიმპიადის ფინალურ ეტაპზე გადასული გუნდები და მათი მენტორები 3 თვის განმავლობაში გაივლიან კონსულტაციებს კომაროვის პროფესიონალებთან მიკროკონტროლერ Arduino-ს დაპროგრამებისა და მისი საშუალებით STEM პროექტებზე მუშაობის მიმართულებით.
ოლიმპიადის შესახებ დეტალური ინფორმაციის მისაღებად ეწვიეთ ვებგვერდს.
ინფორმაციისთვის, პროექტში მონაწილეობა 200-ზე მეტი სკოლის 1500-მდე მოსწავლემ უკვე მიიღო. ოლიმპიადა განკუთვნილია მხოლოდ არა ფიზიკა-მათემატიკური სკოლებისთვის. ფიზიკა – მათემატიკური სკოლის გუნდებს მონაწილეობის მიღება შეუძლიათ მხოლოდ კონკურსგარეშე სტატუსით (აღნიშნული სკოლის გუნდებს ოლიმპიადის საორგანიზაციო ჯგუფი გამოცდილების მიღების მიზნით სთავაზობს პირდაპირ ფინალურ ეტაპზე მონაწილეობას, თუმცა მათი შედეგები არ გამოიანგარიშება და, შესაბამისად, ფიზიკა – მათემატიკური სკოლის გუნდები საპრიზო ადგილებს ვერ დაიკავებენ).
საქართველოს ბანკი, როგორც განათლების მთავარი მხარდამჭერი ბანკი ახალგაზრდებისთვის განათლების შესაძლებლობების შექმნას განაგრძობს. სწორედ ამიტომ, ბანკი 40-ზე მეტ საგანმანათლებლო პროექტს ახორციელებს და უჭერს მხარს, რითაც 500 000-ზე მეტი მოსწავლისთვის, სტუდენტისა და ახალგაზრდა პროფესიონალისთვის ქმნის განათლების შესაძლებლობას. ბანკის CSR მიმართულების პორტფელი მოიცავს ისეთ საგანმანათლებლო პროექტებს, როგორებიც არის: საქართველოს ბანკის სტიპენდიები; გიორგი ჩახავას სახელობის სტიპენდია; დიდ ბრიტანეთში, აშშ-სა და გერმანიაში სწავლის სრული დაფინანსება; იდეათეკები – საქართველოს ბანკის ბიბლიოთეკების პროექტი; საქართველოს ბანკისა და კომაროვის ერთობლივი პროექტი – STEM სკოლა; საქართველოს ბანკის ოლიმპიადები მოსწავლეებისთვის: STEM ოლიმპიადა, ეკონომიკის ოლიმპიადა, Kings-ის ფინანსური განათლების ოლიმპიადა, ევერესტი. ამასთან, საჯარო მეტყველების კონკურსი, და სხვა.
საქართველოს ბანკის მიერ განხორციელებული საგანმანათლებლო პროექტების შესახებ დეტალური ინფორმაციის მისაღებად ეწვიეთ ვებგვერდს ganatleba.bog.ge
(R)

მოქმედი კანონმდებლობით, არანაირი ცვლილება, დასაბეგრი ქონების წლიური დეკლარაციის წარდგენისა და ადმინისტრირების ნაწილში არ განხორციელებულა, შესაბამისად მეწარმე სუბიექტები/ფიზიკური პირები ვალდებული არიან წარდგენილ დეკლარაციაში მონაცემები დასაბეგრი ქონების შესახებ შეიტანონ გასული საგადასახადო წლის მიხედვით, ხოლო დასაბეგრი მიწის შესახებ მიმდინარე საგადასახადო წლის 1-ელი აპრილის მდგომარეობით – ამის შესახებ ფინანსთა სამინისტროს შემოსავლების სამსახურის მიერ გავრცელებულ განცხადებაშია ნათქვამი.
ამასთან, შემოსავლების სამსახური განმარტავს, რომ დეკლარაციის წარდგენის ვალდებულება არ წარმოეშობა პირს, თუ გასულ საგადასახადო წელს წარდგენილი აქვს დეკლარაცია ან დარიცხული აქვს გადასახადი და არ იცვლება მონაცემები (სისტემა ავტომატურად მოახდენს წინა წლის ინფორმაციის რეგისტრაციას).
„გადასახადის გადამხდელთა ინტერესებიდან გამომდინარე, ფინანსთა სამინისტროს შემოსავლების სამსახური დეტალურად განმარტავს იმ პირთა კატეგორიას, რომელთაც 1-ელი ნოემბრის ჩათვლით, ქონების გადასახადის წლიური დეკლარაციის წარდგენის ვალდებულება წარმოეშობათ.
დეკლარაციის წარდგენა ევალება ფიზიკურ პირს, მათ შორის მეწარმე ფიზიკურ პირს: თუ, პირის და მისი ოჯახის წევრების შემოსავალი გასული (2024) წლის მიხედვით აღემატება 40 000 ლარს და საკუთრებაში აქვთ დასაბეგრი ქონება (უძრავი ქონება, მათ შორის დაუმთავრებელი მშენებლობა, შენობა-ნაგებობა ან მათი ნაწილი, იახტა (კატარღა), შვეულმფრენი, თვითმფრინავი და მსუბუქი ავტომობილ(ებ)ი (გარდა მოტოციკლისა და მოპედისა) და სხვა. ეკონომიკური საქმიანობის განხორციელების შემთხვევაში კი, ბალანსზე ძირითად საშუალებად აღრიცხული აქტივები, მოწყობილობები და სხვა.
დეტალური ინფორმაცია, ფიზიკურ პირთა მიერ ქონების გადასახადის გამოანგარიშებისა და გადახდის წესის შესახებ, მათ შორის ფიზიკური პირის ქონების გადასახადის გამომთვლელი ასევე, ვიდეოინსტრუქცია და გზამკვლევი შეგიძლიათ იხილოთ შემდეგ ბმულებზე: https://rs.ge/PersonsTaxFAQ?cat=5&tab=1 და https://rs.ge/LawNewsArchive?newsId=1589
ვიდეო ინსტრუქცია: https://www.youtube.com/watch?v=9iMXptuh5ro
ფიზიკური პირის ქონების გადასახადის ახალი გამომთვლელი: https://rs.ge/LawNewsArchive?newsId=1607
ინფორმაციის მისაღებად ასევე, შეგიძლიათ ისარგებლოთ შემოსავლების სამსახურის ციფრული სერვისებით – “RS ჩათი“ და “RS ბოტი“ ან დაუკავშირდეთ საკონსულტაციო სატელეფონო ცენტრს 2 299 299.
ამასთან, დამატებით განვმარტავთ, რომ დეკლარაციის წარდგენის ვალდებულება არ წარმოეშობა პირს, თუ გასულ საგადასახადო წელს წარდგენილი აქვს დეკლარაცია ან დარიცხული აქვს გადასახადი და არ იცვლება მონაცემები (სისტემა ავტომატურად მოახდენს წინა წლის ინფორმაციის რეგისტრაციას).
ხაზგასმით გვინდა განვმარტოთ, რომ მოქმედი კანონმდებლობით, არანაირი ცვლილება, დასაბეგრი ქონების წლიური დეკლარაციის წარდგენისა და ადმინისტრირების ნაწილში არ განხორციელებულა, შესაბამისად მეწარმე სუბიექტები/ფიზიკური პირები ვალდებული არიან წარდგენილ დეკლარაციაში მონაცემები დასაბეგრი ქონების შესახებ, შეიტანონ გასული საგადასახადო წლის მიხედვით, ხოლო დასაბეგრი მიწის შესახებ – მიმდინარე საგადასახადო წლის 1-ელი აპრილის მდგომარეობით. ფინანსთა სამინისტროს შემოსავლების სამსახური მოუწოდებს მედიასაშუალებებს და ფინანსური/საბუღალტრო/საკონსულტაციო მომსახურების განმახორციელებელ კომპანიებს, ასევე ცალკეულ ექსპერტებს თავი შეიკავონ ცრუ, გადასახადის გადამხდელებისთვის საზიანო ინფორმაციის გავრცელებისგან, რაც ემსახურება საზოგადოების შეცდომაში შეყვანას“,- ნათქვამია განცხადებაში.

კიდევ ერთხელ მადლობა მინდა გადავუხადო „ქართული ოცნების“ ერთგულ ამომრჩევლებს. თქვენი მხარდაჭერით ჩვენ შევძელით ყველა მუნიციპალიტეტის მერის არჩევნებში პირველივე ტურში გამარჯვება და ყველა საკრებულოში უმრავლესობის მოპოვება, – ამის შესახებ საქართველოს პარლამენტის თავმჯდომარე შალვა პაპუაშვილი სოციალურ ქსელში წერს.
როგორც პაპუაშვილი აღნიშნავს, საქართველოს სხვადასხვა მუნიციპალიტეტებში, სხვადასხვა რაოდენობით და კონფიგურაციით, ჯამში შვიდი პარტია არის წარმოდგენილი.
„საქართველოს 64 მუნიციპალიტეტში მუშაობას შეუდგნენ ახლად არჩეული მერები და საკრებულოები. 4 ოქტომბრის ადგილობრივი თვითმმართველობის არჩევნებმა კიდევ ერთხელ აჩვენა ქართველი ხალხის პოლიტიკური სიბრძნე და საკუთარი ქვეყნის მომავლის მიმართ ერთგულება.
კიდევ ერთხელ მადლობა მინდა გადავუხადო „ქართული ოცნების“ ერთგულ ამომრჩევლებს. თქვენი მხარდაჭერით ჩვენ შევძელით ყველა მუნიციპალიტეტის მერის არჩევნებში პირველივე ტურში გამარჯვება და ყველა საკრებულოში უმრავლესობის მოპოვება.
ამავე დროს, მადლობას ვუხდი ყველა ამომრჩეველს განურჩევლად პოლიტიკური გემოვნებისა. დღეს საქართველოს სხვადასხვა მუნიციპალიტეტებში, სხვადასხვა რაოდენობით და კონფიგურაციით, ჯამში შვიდი პარტია არის წარმოდგენილი: „ქართული ოცნება“, „ხალხის ძალა“, „ევროპელი სოციალისტები“, „საქართველოსთვის“, „გირჩი“, „კონსერვატორები“ და „ლელო“.
ის ფაქტი, რომ „ლელომ“ და გახარიას პარტიამ აღიარეს არჩევნების შედგები, რომელიც იმავე ცესკომ, იმავე კანონმდებლობით და იმავე ტექნოლოგიით ჩაატარა, როგორითაც 2024 წლის არჩევნები, აჩვენებს, თუ რამდენად ყალბი იყო, მათი მხრიდან, პარლამენტის არჩევნების შედეგების მიღებაზე უარის თქმა. სწორედ ეს არის დემოკრატიის ძალა – ბოლოს, ხალხის ნებას ვერავინ გაექცევა.
ყველა მერს და საკრებულოს წევრს ვუსურვებ წარმატებულ საქმიანობას მათი მუნიციპალიტეტების საკეთილდღეოდ“, – წერს პაპუაშვილი.

ფოთის საკრებულოს თავმჯდომარე კვლავ ალექსანდრე ტყებუჩავა გახდა. მის კანდიდატურას მერვე მოწვევის საკრებულოს პირველ სხდომაზე 25-ვე წევრმა დაუჭირა მხარი. დეპუტატებმა იგი ფარული კენჭისყრის შედეგად აირჩიეს.
თავმჯდომარის მოადგილეებად „ქართული ოცნებიდან“ ფოთის საკრებულოს წევრები მაია დოლბაია, სანდრო ქუშაშვილი და ზურაბ ბერაია აირჩიეს. მათ 24-მა დეპუტატმა დაუჭირა მხარი, ერთმა კი თავი შეიკავა.
„დღეს შედგა მე-8 მოწვევის საკრებულოს პირველი სხდომა. „ქართულმა ოცნებამ“ ისევე როგორც მთელი ქვეყნის მასშტაბით, ფოთშიც დამაჯერებელი უპირატესობით გაიმარჯვა, აბსოლუტური უმრავლესობით ვართ წარმოდგენილი ფოთის მუნიციპალიტეტის საკრებულოში. დღეს არჩეულ იქნენ თანამდებობის პირები, საკრებულოს თავმჯდომარე და მისი მოადგილეები, ასევე სხვა პოზიციებზე ადამიანები, რომლებიც ქალაქის მერიასთან ერთად შემდეგი 4 წლის მანძილზე ბევრ სასიკეთო ცვლილებას განახორციელებენ ქალაქისთვის”, – განაცხადა ფრაქცია „ქართული ოცნების“ თავმჯდომარე შალვა სარდალიშვილმა.

გიორგი გახარიას პარტიამ თავს უშველა იმით, რომ პარლამენტში შემოვიდა, – ამის შესახებ პარლამენტის თავმჯდომარე, შალვა პაპუაშვილმა პარტიების აკრძალვის თაობაზე საკონსტიტუციო სარჩელის შესახებ განაცხადა. პაპუაშვილმა ჟურნალისტებთან განმარტა, თუ რატომ ვერ მოხვდა მათ სარჩელში პარტია „გახარია-საქართველოსთვის“.
„გიორგი გახარიას პარტიასთან მიმართებით სამართლებრივი არგუმენტი ამ მათი ანტიკონსტიტუციურობისთვის იყო ან იქნებოდა არჩევნების საბოტაჟი. იმით, რომ ისინი პარლამენტში შემოვიდნენ, მათ ამ სამართლებრივი არგუმენტისგან თავი გადაირჩინეს“, – განაცხადა შალვა პაპუაშვილმა.
ჟურნალისტის კითხვაზე, სად წავიდა ჩორჩანას და 20 ივნისის საკითხზე გიორგი გახარიას მისამართით ხელისუფლებაში არსებული კითხვები, შალვა პაპუაშვილმა უპასუხა, რომ ის, რაც არის პოლიტიკური შეფასების ნაწილი, ხელისუფლება ამ შეფასებებს ყოველთვის აკეთებს.
„რაც შეეხება კონსტიტუციურ სტანდარტს პარტიის ანტიკონსტიტუციურად გამოსაცხადებლად, ამ სტანდარტში თუკი რამე ჯდებოდა, ჩვენ ჩვენს სარჩელში ავსახეთ, თუკი რომელიმე პარტია ამ სტანდარტს აკმაყოფილებდა. ორი კრიტერიუმი იყო მთავარი იმის განსასაზღვრად, თუ რომელი პარტიის წინააღმდეგ მიგვემართა საკონსტიტუციო სასამართლოში. პირველი, რამდენად მყარი იყო სამართლებრივი არგუმენტები პარტიის არაკონსტიტუციურობასთან დაკავშირებით. ამ არგუმენტს აკმაყოფილებს 3 + რამდენიმე პარტია, რომელიც სარჩელში არ მოხვდა. მეორე კრიტერიუმიც გვქონდა, რაც საერთაშორისო სტანდარტია. საკმარისი არ არის მხოლოდ ის, რომ კონკრეტული პარტია თავისი ქმედებით თუ იდეებით იყოს კონსტიტუციის საწინააღმდეგო, არამედ ერთ-ერთი პირობა არის, რომ ის რეალურ საფრთხეს უქმნიდეს კონსტიტუციურ წყობილებას. ერთკაციანი მარგინალური, დე ფაქტო, თუ ქაღალდზე არსებული პარტიები ამ საფრთხეს არ ქმნიან. ამიტომ, ასე განისაზღვრა პარტიები. რაც შეეხება გახარიას პარტიას, მან პირველ კრიტერიუმში, რაც შეეხება სამართლებრივ არგუმენტს, თავს უშველა იმით, რომ პარლამენტში შემოვიდა“,-განაცხადა შალვა პაპუაშვილმა.
რაც შეეხება კითხვას, იყო თუ არა ეს ხელისუფლებასა და გიორგი გახარიას შორის რაიმე შეთანხმება ან გარიგება, შალვა პაპუაშვილმა განმარტა, რომ „ქართული ოცნება“ არავის ერიდება.
„ჩვენ არავის ვერიდებით, არც იმას, ვის მიმართ მოგვეთხოვა საკონსტიტუციო სასამართლოში აკრძალვა მიუხედავად იმისა ვის, რა რეაქცია ექნებოდა, მათ მფარველებს თუ ასე შემდეგ. არც იმას მოვერიდეთ, რომ ზოგიერთი პარტია არ ჩაგვესვა იქიდან გამომდინარე, რომ დღეს ისინი მარგინალურები არიან. ერთადერთი კრიტერიუმი იყო კონსტიტუციურ-სამართლებრივი დასაბუთება“,-განაცხადა პაპუაშვილმა.
კითხვაზე, სხვა პარტიები რომ შესულიყვნენ პარლამენტში, ისინიც გადაირჩენენ თავს თუ არა, შალვა პაპუაშვილმა უპასუხა, რომ სამივე პარტიის მიმართ გარდა საბოტაჟისა, არსებობს სხვა კონსტიტუციური სამართლებრივი პრეტენზიები და არგუმენტები.
„სხვა ვერავინ შემოვიდოდა. საქმეც ის არის, რომ ამ პარტიებმა ამითაც საკუთარი რადიკალიზმი და ანტიკონსტიტუციურობა უფრო მეტად დაადასტურეს. მათ ის „ხიდებიც დაწვეს“, რომ დაეტოვებინათ შესაძლებლობა, პარლამენტში შემოსულიყვნენ. „ნაციონალური მოძრაობისთვის“, „კოალიცია ცვლილებისთვის“, „ლელოს“ მიმართ გარდა საბოტაჟისა, არსებობს სხვა კონსტიტუციური სამართლებრივი პრეტენზიები და არგუმენტები. შეიძლება ამ ერთი არგუმენტისგან გათავისუფლებულიყვნენ, მაგრამ რას უზამს „ნაციონალური მოძრაობა“ წამების სისტემას, რომელშიც სტრასბურგის სასამართლომ პირდაპირ ამხილა და დაადასტურა. რას უზამენ ტელევიზიების, ბიზნესის მიტაცებას?“ – განაცხადა პაპუაშვილმა.
ცნობისთვის, „ქართული ოცნება“ საკონსტიტუციო სასამართლოს სამი პარტიის აკრძალვის მოთხოვნით მიმართავს. პარლამენტის თავმჯდომარის, შალვა პაპუაშვილის ინფორმაციით, მმართველი პარტიის მიერ მომზადებული საკონსტიტუციო სარჩელით შემდეგი პარტიების არაკონსტიტუციურად ცნობას და აკრძალვას მოითხოვენ: „ნაციონალური მოძრაობა“, „კოალიცია ცვლილებისთვის“ და „ძლიერი საქართველო-ლელო“.

ქართული ოცნების პარლამენტის თავმჯდომარე შალვა პაპუაშვილი ამბობს, რომ ქართული ოცნების წარმომადგენელმა საკონსტიტუციო სასამართლოში პარტიების აკრძალვაზე სარჩელი, სავარაუდოდ, უკვე შეიტანა.
ის ამბობს, რომ ქართული ოცნების წარმომადგენელი დღეს დილით გაემგზავრა და ვარაუდობს, რომ სარჩელი უკვე დარეგისტრირებულია.
“ალბათ, უკვე შევიდა [სარჩელი]. ვინაიდან, საკონსტიტუციო სარჩელი ფიზიკურად უნდა იქნას შეტანილი სასამართლოში იმისთვის, რომ ის დარეგისტრირდეს, ჩვენი წარმომადგენელი დღეს დილით გაემგზავრა და მე ვვარაუდობ, რომ უკვე შეიტანა [სარჩელი] და დარეგისტრირებულია”, – ამბობს ის.
ასევე, შალვა პაპუაშვილი ამბობს, რომ ამ ეტაპზე სარჩელში დასახელებული არ არის, ვინ იქნებიან პარტიის წარმომადგენლები საკონსტიტუციო სასამართლოში.
ვადებთან დაკავშირებით კითხვაზე პასუხისას აღნიშნავს, რომ საკონსტიტუციო სასამართლომ საკითხზე გადაწყვეტილება მაქსიმუმ 9 თვეში უნდა მიიღოს.
“რაც შეეხება ვადებს – ეს კანონმდებლობით დადგენილია, რომ საკონსტიტუციო სასამართლომ ამ საკითხზე მაქსიმუმ 9 თვეში უნდა მიიღოს უკვე გადაწყვეტილება. შესაბამისად, ივლისში უკვე უნდა იყოს გადაწყვეტილება. რაც შეეხება, როდის რა პროცესი იქნება, ამას საკონსტიტუციო სასამართლო განსაზღვრავს თავად და ჩვენ დაველოდებით, როდის დაგვიძახებს საკონსტიტუციო სასამართლო”, – ამბობს პაპუაშვილი.

ზრუნვა უკვე წლებია, “თეგეტა მოტორსმა” კორპორაციული პასუხისმგებლობის სტრატეგიის განუყოფელ ნაწილად აქცია. Back to Tegeta – ამ მიმდინარე ინიციატივით შეუერთდა ამჯერად კომპანია ზრუნვის საერთაშორისო დღეს, რომელიც 29 ოქტომბერს აღინიშნა. ზრუნვა იწყება ქმედებით, მათ შორის საკუთარ ავტომობილზე, რომელიც მძღოლის, მგზავრისა თუ ფეხით მოსიარულის უსაფრთხოებისთვის აუცილებელია. Back to Tegeta სწორედ ცნობიერების ამაღლებას ისახავს მიზნად.
ზრუნვის დღის ფარგლებში, 29 ოქტომბერს, “თეგეტა მოტორსის” სერვისცენტრებში მისულ მომხმარებლებს თემატური, სიმბოლური საჩუქრები დახვდათ. ასევე მათ ჰქონდათ შესაძლებლობა, ადგილზე გასცნობოდნენ ინფორმაციას ზრუნვის დღის მნიშვნელობის შესახებ, რათა მათთვის თვალსაჩინო იყოს, თუ როგორ გარდაიქმნება ზრუნვა “თეგეტაში” პრაქტიკულ ქმედებად.
თათია ხორბალაძე, “თეგეტა ჰოლდინგის” სტრატეგიული კომუნიკაციების დეპარტამენტის ხელმძღვანელი: “ზრუნვა “თეგეტა მოტორსის” ერთ-ერთი მთავარი ღირებულებაა – ენერგია, რომელიც ყოველდღიურ საქმიანობას, ადამიანურ ურთიერთობებსა და პასუხისმგებლობას აერთიანებს. ზრუნვა იწყება ერთი უბრალო, თუმცა მნიშვნელოვანი ქმედებით – სხვისთვის გზის დათმობით, ავტომობილზე ზრუნვით ან განათლების მხარდაჭერით, თითოეული ასეთი ნაბიჯი კი სამყაროს უკეთესად აქცევს.
“თეგეტა მოტორსში” გვჯერა, რომ ზრუნვისკენ მომართული საზოგადოებისთვის შეუძლებელი არაფერია. ეს მრავალწლიანი პროცესი ჩვენი გზის უწყვეტ ენერგიად იქცა – სტიმულად ცვლილებებისკენ, პასუხისმგებლობისა და პროგრესისკენ”.
“თეგეტა მოტორსში” ზრუნვის დღის ერთ-ერთი მნიშვნელოვანი პრაქტიკული გამოხატულება ავტომობილის გამართულობაზე ზრუნვაა. Back to Tegeta – კომპანიამ მიზნად დაისახა საზოგადოებაში აამაღლოს ცნობიერება, რომ ავტომობილის შემოწმება მნიშვნელოვანია არა მხოლოდ მაშინ, როდესაც კონკრეტული დეტალები გაცვეთილია ან ტექნიკური ხარვეზი შეინიშნება, არამედ პრევენციის მიზნით, გაუმართაობისა და რისკების თავიდან აცილებისთვის.
ვახტანგ მძინარაშვილი, “თეგეტა მოტორსის” კომერციული და საოპერაციო მარკეტინგის მიმართულების ხელმძღვანელი: “ზრუნვა ავტომობილზე არ მოიაზრებს მხოლოდ პერიოდულ შემოწმებას, ის ყოველდღიურ პასუხისმგებლობად აქცევს უსაფრთხო გადაადგილებას.
სწორედ ამიტომ გადავწყვიტეთ, Back to Tegeta ზრუნვის დღესთან დაგვეკავშირებინა, რათა მომხმარებელმა გაითავისოს, რომ ავტომობილის დროული შემოწმება არა მხოლოდ ტექნიკური მოვლაა, არამედ უსაფრთხოების მნიშვნელოვანი მექანიზმია. ეს არ არის ერთჯერადი ქმედება, ეს ყოველდღიური პრაქტიკაა, რომელიც სიღრმისეულად უკავშირდება როგორც მძღოლის, ისე მისი ოჯახისა და გარშემო მყოფთა უსაფრთხოებას”.
ინიციატივას მხარს უჭერს Bridgestone – “თეგეტა მოტორსის” მრავალწლიანი პარტნიორი. საბურავების წამყვანი ბრენდისთვის უსაფრთხოება და პასუხისმგებლობა გადაადგილებისას მთავარი პრიორიტეტია.
შეგახსენებთ, რომ უკეთესი საზოგადოების შექმნაზე ზრუნვა, “თეგეტას” კორპორაციული პასუხისმგებლობის სტრატეგიული მიმართულებაა. ზრუნვის პლატფორმა Tegeta.care სწორედ ამ ღირებულების საფუძველზე შეიქმნა. Tegeta.care დონაციის პლატფორმაა, რომელიც სოციალურ და გარემოსდაცვით საჭიროებებზე მომუშავე ორგანიზაციებს, საქველმოქმედო ფონდებს, სოციალურ საწარმოებსა და პროექტებს აერთიანებს. ვებგვერდის საშუალებით “თეგეტა ჰოლდინგი” ნებისმიერ მსურველს აძლევს შესაძლებლობას, საკუთარი წვლილი შეიტანოს იმ ადამიანების ცხოვრების გაუმჯობესებაში, რომლებსაც ეს ყველაზე მეტად სჭირდებათ. კომპანია ზრუნვის დღეს კიდევ ერთხელ შეახსენებს საზოგადოებას, რომ პლატფორმის საშუალებით მარტივად შეუძლიათ, გახდნენ სასიკეთო ცვლილებების თანამონაწილეები.
“თეგეტა მოტორსის” შესახებ: “თეგეტა ჰოლდინგში” შემავალი კომპანია “თეგეტა მოტორსი” 1995 წლიდან ოპერირებს ბაზარზე მსუბუქი, სატვირთო და სპეციალური დანიშნულების სერვისის მიმართულებით. ავტოინდუსტრიის ლიდერი კომპანია მომხმარებელს ავტომომსახურების სრულ სპექტრს სთავაზობს, როგორც მსუბუქი და სატვირთო ავტომობილების, ისე ავტობუსებისა და მიკროავტობუსების, ასევე სპეციალური დანიშნულების ტექნიკის მიმართულებით. კომპანიას მთელი ქვეყნის მასშტაბით 28 ფილიალი აქვს, რომლებიც 500 000-მდე საცალო და 35 000-მდე კორპორაციულ მომხმარებელს ემსახურება. “თეგეტა მოტორსი” 300-მდე მსოფლიო ბრენდის წარმომადგენელია საქართველოში, მათ შორის არის Bridgestone, Michelin, Varta, Shell, Motul, Hengst და სხვა.

წარმოგიდგენთ 2022-2023 წლების მიხედვით, ყველაზე მოგებიანი ავტომობილებით მოვაჭრე კომპანიების ათეულს.
შესავალი: მიუხედავად იმისა, რომ საქართველოს საკუთარი ავტოწარმოება არ გააჩნია, ავტომობილები ერთ-ერთი მსხვილი საიმპორტო და საექსპორტო საქონელია. ბოლო პერიოდში მთლიანი იმპორტის 15%-ს სწორედ მსუბუქი ავტომობილები შეადგენს, აქედან ნახევარზე მეტი რეექსპორტია, რაც ჯამური ექსპორტის 36%-ია.

1. ჯი-თი მოტორსი
მარჟა: 20.1%
მოგება: ₾ 59.2 მლნ
ამონაგები: ₾ 307.6 მლნ
აქტივები: ₾ 176.6მლნ
„ჯი-თი მოტორსი“ 2007 წლიდან ოპერირებს საავტომობილო ინდუსტრიის სფეროში და საქართველოში ოფიციალურად წარმოადგენს BMW-ს, MINI-ს, Ford-ს, Land Rover-ს, Jaguar-ს და Suzuki-ის ბრენდებს. შპს „ჯი-თი მოტორსს“ თანაბრად ფლობენ გიორგი გველესიანი, გიორგი თავდიშვილი და თემურ უსტიაშვილი. 2023 წელს „ჯი-თი მოტორსის“ შემოსავლები 68.9%-ით გაიზარდა, ხოლო ამ პერიოდში მოგების 55.7%-იანი მატება იყო.
2. ფრანს ავტო
მარჟა: 19.2%
მოგება: ₾ 5.7 მლნ
ამონაგები: ₾ 29.4 მლნ
აქტივები: ₾ 19.0 მლნ
სს „ფრანს ავტოს“ 95.24%-იან წილს საფრანგეთში რეგისტირებული საზოგადოების საშუალებით გიორგი ცნობილაძე ფლობს. კომპანია საქართველოში „რენოს“ მარკის ავტომობილების იმპორტსა და რეალიზებას ახორციელებს. 2023 წელს კომპანიის ფულადი ნაკადების მოკრძალებული ზრდა იყო. ამ პერიოდში ამონაგები 27.8%-ით გაიზარდა, ხოლო მოგების მოცულობა – 31.8%-ით.
3. ავტო ცენტრი თბილისი
მარჟა: 15.7%
მოგება: ₾ 5.5 მლნ
ამონაგები: ₾ 36.1 მლნ
აქტივები: ₾ 14.3 მლნ
შპს „ავტო ცენტრი თბილისი“ საქართველოში „შკოდას“ ბრენდს წარმოადგენს, რომელიც ქართული ბაზრის კორპორაციულ სეგმენტზეა ფოკუსირებული. კომპანიას 50-50%-იან წილს ზურაბ ტუკვაძე და დავით გოგორიშვილი ფლობენ. გასული წლები კომპანიისთვის სახარბიელო არ ყოფილა. 2023 წელს შპს „ავტო ცენტრი თბილისის“ შემოსავლები მხოლოდ 3%-ით გაიზარდა, ხოლო წლის მოგება 3.1%-ით შემცირდა.
4. კია მოტორსი
მარჟა: 15.4%
მოგება: ₾ 9.9 მლნ
ამონაგები: ₾ 57.0 მლნ
აქტივები: ₾ 31.9 მლნ
კორეული საავტომობილო ბრენდი KIA-ს ოფიციალური დისტრიბუტორი და დილერი საქართველოში შპს „კია საქართველოა“, რომლის 20-20%-ს ზურაბ ტუკვაძე და დავით გოგორიშვილი ფლობენ. კომპანიის დანარჩენი წილის მფლობელები ზურაბ კორძაძე (21%), ირაკლი გიორგობიანი (15%), ეკატერინე თხინვალელი (12%) და რატი კოვზირიძე (12%) არიან. 2023 წელს კომპანიის ფინანსური მდგომარეობა გაუმჯობესდა. ამ პერიოდში მოგება 64.7%-ით გაიზარდა.
5. მერსედეს ბენცი
მარჟა: 15.1%
მოგება: ₾ 33.6 მლნ
ამონაგები: ₾ 212.3 მლნ
აქტივები: ₾ 93.5 მლნ
ამ სახელის უკან 1996 წელს დაფუძნებული შპს „აკა“ არის, რომლის საქმიანობა „მერსედეს-ბენცის“ ავტომობილებით ვაჭრობასა და მათ მომსახურებას უკავშირდება. შპს „აკას“ 46%-იან წილს ლუიზა თავართქილაძე ფლობს, ხოლო 27-27%-ს მაკა და სალომე ასათიანები. კომპანიისთვის 2023 წელი წარმატებული გამოდგა, რადგან წინა წელთან შედარებით მოგება 78.2%-ით გაიზარდა. შემოსავლების ზრდა კი 61.3%-იანი იყო.
6. ტოიოტა ცენტრი (თბილისი)
მარჟა: 12.6%
მოგება: ₾ 25.2 მლნ
ამონაგები: ₾ 254.0 მლნ
აქტივები: ₾ 51.0 მლნ
შპს „ტოიოტა ცენტრი თბილისი“ 1997 წელს დაფუძნდა. 1998 წლიდან, საქართველოში, კომპანია „ტოიოტას“ ავტორიზებული ცენტრი, „ტოიოტას“ პირველი ოფიციალური დილერი გახდა. „ტოიოტა ცენტრ თბილისს“ დავით ტაკიძე (33.3%), ირაკლი გურჩიანი (29.2%), თეონა ტაკიძე (12.5%), ლაშა გულიაშვილი (12.5%) და გიორგი გულიაშვილი (12.5%) ფლობენ. 2023 წელს კომპანიის შემოსავლები 35.1%-ით გაიზარდა, მაგრამ მოგება 12%-ით შემცირდა.
7. იბერია ავტო
მარჟა: 12.2%
მოგება: ₾ 12.9 მლნ
ამონაგები: ₾ 92.3 მლნ
აქტივები: ₾ 57.5 მლნ
შპს იბერია ავტო ცენტრი საქართველოში აუდის მარკის ავტომობილების ოფიციალური იმპორტიორია. კომპანიის წილებს დავით ხეჩიკაშვილი (40%), დავით ფერაძე (35%), თამარ გვაზავა (15%), სნეჟანა კოტოვა (5%) და ზურაბ ტუკვაძე (5%). 2023 წელს იბერია ავტოს შემოსავლების და მოგების 15.7% და 56%%-იანი ზრდები ჰქონდა.
8. ელ თი
მარჟა: 10.3%
მოგება: ₾ 27.9 მლნ
ამონაგები: ₾ 243.4 მლნ
აქტივები: ₾ 25.3 მლნ
შპს ელ თი 2017 წელს დაფუძნებული კომპანიია, რომლის 100%-იან წილს შევიცარიის მოქალაქე რაუფ ხალილოვი ფლობს. კომპანია წარმოადგენს საქართველოში ლექსუსის ოფიციალურ დილერს. 2022-23 წლები კომპანიისთვის განსაკუთრებით წარმატებული აღმჩნდა. 2023 წელს შპს ელ თის შემოსავლები 119.7% გაიზარდა, ხოლო ამ პერიოდში მოგების 174.3%-იანი მატება დაფიქსრდა.
9. ჰიუნდაი ავტო
მარჟა: 10.2%
მოგება: ₾ 14.1 მლნ
ამონაგები: ₾ 100.3 მლნ
აქტივები: ₾ 58.0 მლნ
სს ჰიუნდაი ავტო საქართველოს აქციების 100%-ის მფლობელი დავით გიორგობიანია. კომპანია საქართველოში კორეულ ჰიუნდაის ბრენდს წარმოადგენს და მისი ძირითადი საქმიანობა ავტომობილებით ვაჭრობაა. 2023 წელს კომპანიის შემოსავლების 6%-იანი კლება იყო, მაგრამ ამის მიუხედავად მოგება წლის მანძილზე 109.8%-ით გაიზარდა.
10. თეგეტა მოტორსი
მარჟა: 5.1%
მოგება: ₾ 81.1 მლნ
ამონაგები: ₾ 1378.2 მლნ
აქტივები: ₾ 958.8 მლნ
კომპანია ბაზარზე 2001 წლიდან არის წამოდგენილი და მის 92.2%-იან წილს თემურ კოხოძე ფლობს. კომპანიაში 2.6 ათაზე მეტი ადამიანი დასაქმებული. შპს თეგეტა მოტორსი რამდენიმე შვილობილ კომპანიას ართიანებს, რომლის საშუალებით ოპერიებს საავტომიბილო სექტორში. 2023 წელს კომპანის შემოსავლების 45%-იანი ზრდის ფონზე მოგება 97.8%-ით გაიზარდა.
მეთოდოლოგია
ავტომობილებით მოვაჭრე კომპანიების რეიტინგისთვის გამოყენებულია 2023 წლის ფინანსური მაჩვენებლები, რომელთა წყარო ბუღალტრული აღრიცხვის, ანგარიშგებისა და აუდიტის ზედამხედველობის სამსახურის ანგარიშების პორტალში წარმოდგენილი ფინანსური და მმართველობითი ანგარიშგებებია. მოგების მარჟა ნაჩვენებია დამეგვრამდე მოგების შემოსავლებთან ფარდობით. რეიტინგისთვის გამოყენებულია 2022 და 2023 წლის საშუალო მაჩვენებელი.
კლინიკების შერჩევისთვის გამოყენებულია I, II და III კატეგორიის საწარმოების 2023 წლის ხელმისაწვდომი ანგარიშები (reportal.ge-ზე 24.09.2025 მდგომარეობით). რეიტინგის შედგენისთვის შერჩევაში მოხვდა კომპანიები, რომელთა ძირითადი საქმიანობა ავტომობილებით ვაჭრობაა.
forbes.ge

„თბილისის ფინანსური სამიტის“ ფარგლებში, საქართველოს ეროვნული ბანკის ვიცე-პრეზიდენტმა ეკატერინე გალდავამ პანელურ დისკუსიაში მიიღო მონაწილეობა.
პანელზე, სახელწოდებით „საგადახდო სისტემების დაკავშირება: როგორ ხსნის ურთიერთთავსებადობა ფულის მოძრაობის მომავალს“ განიხილეს საგადახდო ბარიერების მოხსნის შესაძლებლობები ღია, ურთიერთთავსებადი ინფრასტრუქტურის მეშვეობით. ასევე ისაუბრეს, თუ როგორ უზრუნველყოფენ ციფრული აქტივები ფულის შეუფერხებელ მოძრაობას პლატფორმებსა და საზღვრებს შორის და რა არის საჭირო გადახდების მომავლის ასაშენებლად.
სებ-ის ვიცე-პრეზიდენტთან ერთად დისკუსიაში მონაწილეობდნენ იზვან ალი, Nexus Global Payments-ის მრჩეველი და მახბუბა მუხამადიევა, Visa-ს კრიპტო გადაწყვეტილებების ხელმძღვანელი.
შეხვედრაზე ხაზი გაესვა საგადახდო სისტემების გაუმჯობესების აუცილებლობას და გლობალური ეკოსისტემის შექმნის საჭიროებას, სადაც მეტად იქნება ერთმანეთთან დაკავშირებული სხვადასხვა ქვეყნის მყისიერი საგადახდო სისტემები.
როგორც ეროვნული ბანკის ვიცე-პრეზიდენტმა აღნიშნა, საქართველოსთვის უნაღდო ანგარიშსწორების განვითარება მეტად მნიშვნელოვანია. მიმდინარეობს დროის რეალურ რეჟიმში ანგარიშსწორების სისტემის(RTGS) განახლებისა და მყისიერი გადახდების სისტემების დანერგვის პროექტი. მისი შეფასებით, როგორც საერთაშორისო, ასევე რეგიონალური თანამშრომლობა ამ პროცესში უმნიშვნელოვანესია. „გლობალურ დონეზე თანამშრომლობის გაღრმავება არის გადახდების მომავლის ერთ-ერთი მთავარი გასაღები“, – აცხადებს ეკატერინე გალდავა.

პანელურ დისკუას მოდერატორობას უწევდა პატ პატელი-GFTN-ის ფორუმების აღმასრულებელი დირექტორი.
„თბილისის ფინანსური სამიტს“, რომელიც „თბილისის აბრეშუმის გზის ფორუმის“ ფარგლებში გაიმართა 50-ზე მეტი ქვეყნის წარმომადგენელი და 1 000-ზე მეტი დელეგატი ესწრებოდა.
ინფორმაციას სებ–ი ავრცელებს

მადრიდის “რეალმა” ვინისიუს ჟუნიორის მომავალთან დაკავშირებით გადაწყვეტილება მიიღო. Cadena Ser-ის ცნობით, მიუხედავად იმისა, რომ ბრაზილიელსა და გუნდის მთავარ მწვრთნელს, ჩაბი ალონსოს შორის დაძაბული ურთერთობაა, “ბლანკოსს” ვინისიუსთან ხელშეკრულების გახანგრძლივება მაინც სურს.
“რეალში” დარჩენა ვინისიუსის სურვილიცაა და მხარეები მოლაპარაკებებს აგრძელებენ.
შეგახსენებთ, “ელ კლასიკოში” 72-ე წუთზე, ჩაბი ალონსომ ვინისიუს ჟუნიორი შეცვალა, ბრაზილიელმა უკმაყოფილება ღიად გამოხატა და მაშინვე გასახდელს მიაშურა, მის ნაცვლად კი თამაშში როდრიგო ჩაერთო.
მადრიდის “რეალი” 27 ქულით ლა ლიგას ლიდერობს და მეორეადგილოსან “ბარსელონას” 5 ქულით უსწრებს, “სამეფო კლუბი” მორიგ შეხვედრას 2 ნოემბერს, “ვალენსიას” წინააღმდეგ გამართავს.
ბრენდან როჯერსმა “სელტიკის” მთავარი მწვრთნელის პოსტი დატოვა
მესი: ჯერ არვიცი ვითამაშებ თუ არა მუნდიალზე, გადაწყვეტილებას ამის შემდეგ მივიღებ
[VIDEO] “მე?! წადი შენი! მორჩა, გუნდს ვტოვებ” – ალონსოს თავს ვინისიუსის რისხვა დაატყდა
“როგორ შევაჩერე იამალი? ალონსოს უფრო მაგარი დრიბლინგი აქვს, ვიდრე მას” – კარერასმა ლამინს დასცინა
“გაგიმართლათ, რომ ჯერ მხოლოდ 18 წლისაა, ბარსელონაში გნახავთ” – იამალის მამამ “რეალის” ფანებს მიმართა
“თქვა, რომ ვინისიუსს 10 წამში ნოკაუტში ჩააგდებდა, ბრაზილიელმა კი სიტყვის შესრულება გასახდელში მოსთხოვა” – “რეალის” ვარსკვლავი მორიგ სკანდალში გაეხვია [VIDEO]
[VIDEO] კრიტიკოსები დაადუმა – ვინისიუსმა “ლევანტეს” “ტრიველა” გაუტანა
ჰოლანი ვინისიუსის ნაცვლად – ფლორენტინო პერესის გეგმა
ვინისიუსმა “ატლეტიკოს” ფანებს მატჩის შემდეგ მოედანზე “რეალის” მაისური დაუფინა [VIDEO]
კიდევ ერთი ვარსკვლავი – ვის ყიდვას შეეცდება “რეალი”, თუ ვინისიუსი წავა
[VIDEO] გენიალური ბელინგემი და უკმაყოფილო ვინისიუსი – “რეალმა” “ელ კლასიკოში” გაიმარჯვა

30 ოქტომბერი, 2025 – სელფი მობაილი ყოველწლიური კონფერენციის – eCommerce Day Georgia 2025-ის პარტნიორია.
ღონისძიება 31 ოქტომბერს იმართება თბილისში და ერთ სივრცეში გააერთიანებს ადგილობრივ და საერთაშორისო ბიზნესებს, სტარტაპებსა და ტექნოლოგიურ ლიდერებს.
ყველაზე სწრაფად მზარდი ტელეკომ კომპანია საქართველოში, სელფი მობაილი ორიენტირებულია ციფრული ეკოსისტემის განვითარებაზე და მხარს უჭერს ინიციატივებს, რომლებიც ქვეყნის ციფრული ეკონომიკის გაძლიერებასა და ბიზნესებისთვის ახალი შესაძლებლობების შექმნას უწყობს ხელს.
პარტნიორობით სელფი კიდევ ერთხელ უსვამს ხაზს საკუთარ მისიას, გააერთიანოს ინოვაციები, ცოდნა და ადამიანები, რომლებიც ქმნიან მომავალს. eCommerce Day Georgia არის ის პლატფორმა, სადაც ბიზნესები, სტარტაპები და ტექნოლოგიური კომპანიები გამოცდილებას აზიარებენ და ერთობლივად აყალიბებენ საქართველოს, როგორც რეგიონულ ჰაბს ელექტრონული კომერციის მიმართულებით.
ღონისძიების შესახებ დეტალურად: www.ecag.ge/ecommerce-day-2025

რა კონსტრუქციულობაზეა საუბარი, როდესაც წინა მოწვევის საკრებულოში ვიბარებდით მერიის დეპარტამენტის ხელმძღვანელებს, ისინი კი გვიცხადებდნენ, რომ კალაძემ აგვიკრძალა ოპოზიციასთან საუბარიო, – ასე ეხმაურება თბილისის საკრებულოს „ძლიერი საქართველო-ლელოს“ დეპუტატი ვატო სურგულაძე თბილისის საკრებულოს ახლად არჩეული თავმჯდომარის, ზურაბ აბაშიძის იმ განცხადებას, სადაც მან ოპოზიციას მიმართა და იმედი გამოთქვა, რომ კონსტრუქციულ რეჟიმში გააგრძელებენ მუშაობას.
მისივე თქმით, წინა მოწვევის საკრებულოში ოპოზიციის არცერთი წინადადება მხარდაჭერილი არ იყო.
„მე ოთხი წელი ვიყავი ამ საკრებულოში. მუდმივად კონსტრუქციისკენ მოგვიწოდებდნენ, მაგრამ არცერთი ჩვენი პროექტი, არცერთი ჩვენი წინადადება, არცერთი ჩვენი წინადადება ბიუჯეტის შეცვლაზე მხარდაჭერილი არ იყო!
სხდომაზეც კი არ გამოჰქონდათ, არ გვისმენდნენ და რა კონსტრუქციულობაზეა საუბარი, როდესაც წინა საკრებულოში ვიბარებდით მერიის დეპარტამენტის ხელმძღვანელებს, მათ კი განგვიცხადეს, რომ კალაძემ აგვიკრძალა ოპოზიციასთან საუბარიო. არ ვიცი ზურაბ აბაშიძე რას გააკეთებს. მე ვარ მერიის მაკონტროლებელი, როცა ვთხოვ მოსვლას, უნდა გამოცხადდეს! ვნახოთ, იმედს ვიტოვებ ეცდებიან ამ ქალაქისთვის რაღაც გააკეთონ და კორუფციას ებრძოლონ“, – აღნიშნა სურგულაძემ.

აშშ-ის პრეზიდენტის, დონალდ ტრამპის განცხადებით, სამხრეთ კორეის ქალაქ ბუსანში ჩინეთის ლიდერ სი ძინპინთან შეხვედრისას უკრაინის წინააღმდეგ რუსეთის ომის საკითხი ძალიან ინტენსიურად განიხილა.
მისი თქმით, შეთანხმდნენ, რომ ერთად იმუშავებენ, იმის სანახავად, შეძლებენ თუ არა ამ ომის დასრულებას.
„სი დაგვეხმარება და ჩვენ ერთად ვიმუშავებთ უკრაინის საკითხზე. ბევრი მეტი არაფრის გაკეთება შეგვიძლია“, – აღნიშნა ტრამპმა.
ამასთან, მისი თქმით, შეხვედრაზე ბევრ საკითხზე შეთანხმდნენ.
„საერთო ჯამში, ნულიდან 10-მდე შკალის მიხედვით, სადაც 10 საუკეთესოა, ვიტყოდი, რომ შეხვედრა 12-ზე იყო. ძალიან მნიშვნელოვანია, იცით, რომ მთელი ურთიერთობა ძალიან, ძალიან მნიშვნელოვანია და ვფიქრობ, რომ ეს მართლაც კარგი იყო“, – განუცხადა ტრამპმა ჟურნალისტებს Air Force One-ის ბორტზე.

სამხრეთ კორეის ქალაქ პუსანში დასრულდა ამერიკის შეერთებული შტატების პრეზიდენტ დონალდ ტრამპის და ჩინეთის მეთაურ სი ძინპინის შეხვედრა, რომელიც ერთ საათსა და ორმოც წუთს გაგრძელდა.
30 ოქტომბერს გამართული შეხვედრის შემდეგ არცერთ ლიდერს პრესისთვის განცხადება არ გაუკეთებია.
მოლაპარაკების წინ გავრცელებული ცნობებით, დონალდ ტრამპს და სი ძინპინს უნდა განეხილათ შეთანხმების დეტალები, რომელთა თანახმად, ჩინეთმა ერთი წლით უნდა გადაავადოს იშვიათ მიწათა მეტალების ექსპორტის შეზღუდვა, განაახლოს ამერიკული აგრარული პროდუქციის შეძენა და მიმართოს მცდელობებს შეერთებულ შტატებში ხელოვნური ნარკოტიკის, ფენტალინის შეღწევის აღსაკვეთად.
თავის მხრივ, შეერთებულმა შტატებმა უარი უნდა თქვას ჩინური პროდუქციის იმპორტისთვის 100%-იანი საბაჟო გადასახადის დაწესებაზე.
მოლაპარაკების დახურულ კარს მიღმა გაგრძელებამდე დონალდ ტრამპმა განაცხადა, რომ ძალიან წარმატებულ შეხვედრას მოელის, სი ძინპინმა კი თქვა, რომ აშშ და ჩინეთი მეგობრები და პარტნიორები უნდა იყვნენ.
სი ძინპინთან დღევანდელი შეხვედრის წინ დონალდ ტრამპმა გამოაცხადა, რომ თავდაცვის სამინისტროს დაავალა ბირთვული იარაღის გამოცდის დაუყოვნებლივ დაწყება.
ტრამპმა მიზეზად დაასახელა სხვა ქვეყნების მიერ ბირთვული პროგრამების გამოცდა და რუსეთი და ჩინეთი ახსენა.
ფორუმი

წმიდა იოსებ კათოლიკოს-პატრიარქი (ჯანდიერიშვილი) მოღვაწეობდა დოდოს მონასტერში. „მრავალთა მისთა სათნოებათათვის“ იგი მღვდელმთავრად იქნა დადგენილი რუსთავის კათედრაზე. წმიდა იოსებს სასწაულთქმედების ნიჭი ჰქონია მიმადლებული ღვთისგან: ერთხელ მისი დიაკონი მუცლის სიმსივნით დაავადდა. ავადმყოფობა ისე გართულდა, რომ სიკვდილი გარდაუვალი იყო. როდესაც მღვდელმთავარი სნეულთან შევიდა, ავადმყოფი ვეღარც სუნთქავდა და აღარც ლაპარაკი შეეძლო. წმიდა იოსებმა „იხილა სენი და შეელმა გულსა მის ლმობიერსა“, დაუტევა სნეული და სამლოცველოში განმარტოვდა ლოცვად. მხურვალე ლოცვის შემდეგ ის ავადმყოფთან დაბრუნდა და, რადგან კაცთაგან განდიდებას ერიდებოდა, ჩვეულებრივად თქვა, რომ ასეთი სნეულების დროს წამლად თხილის ჯოხის ნახშირის მიღება იყო საჭირო. ცეცხლში შეაგდო თავისი თხილის ჯოხიდან გამოთლილი კვერთხი, წყალში გალესა, ჯვარი გადასახა და სნეულს დაალევინა. სიმსივნე იმ წუთსვე დაუცხრა, მესამე დღეს კი ავადმყოფი საბოლოოდ გამოჯანმრთელდა. ასეთი სიმდაბლითა და სასწაულთქმედებით გამორჩეული მღვდელმთავარი 1755 წელს კათოლიკოსად იქნა არჩეული ანტონ I-ის მაგივრად. წმიდა იოსები, კათოლიკოსობის ტვირთისა და პატივის მიუხედავად, მაინც უდიდეს ასკეტ ბერად რჩებოდა: „მამამთავრობასა შინა რაოდენ დაუგებდნენ ცხედარსა, ნიშანსა დასდებინ იდუმალ და იხილონ ხვალისად, რომელ ყოვლადვე არა დაწოლილ იყვის ცხედარსა, არამედ ღამე ყოველ ილოცვის მარტოებით ლმობიერად“. მან, როგორც იოანე ბატონიშვილი წერს, „კეთილად დამწყსო ეკლესია თვისი და მერმე დაუტევა საყდარი თვისი“.
1764 წელს წმიდა იოსებ კათოლიკოსმა, წმიდა გრიგოლ ღვთისმეტყველის მსგავსად, ეკლესიის მშვიდობისათვის, სიმდაბლით დაუტევა კათოლიკოსის ტახტი, ახმეტაში წავიდა და „ცხოვრობდა ჭეშმარიტისა მონაზონებითა“. წმიდანი საკუთარი ხელით ამუშავებდა ვენახს და მოსავლის უმეტეს ნაწილს ღარიბებს ურიგებდა. იმ მხარეში ძალიან ხშირია გვალვები და სეტყვა, რომელის ხშირად თითქმის მთელ მოსავალს ანადგურებდა. წმიდა იოსების იქ მოღვაწეობის დროს „არცა მოლების წვიმა ვენახთა და არცა მისრულ არს სეტყვა მავნებელი“. იგი ლოცვით კურნავდა ავადმყოფებს და ბრმებს თვალთა სინათლეს ანიჭებდა, რის გამოც იქაურებს ძალიან უყვარდათ.
წმიდა გაბრიელ მცირე (ხს. 17 მარტს) სიხარულით წერს, რომ მან „ერთგზის იხილა“ და „ორგზის ამბორს უყო ხელსა მას წმიდასა“.
1770 წელს „ესრეთ სიწმიდით მოხუცებულმან სული თვისი შეჰვედრა ღმერთსა“.
„ქართველ წმიდანთა ცხოვრებანი“, თბილისი, 2004 წ.

ბიოგრაფიული ცნობები წმინდა კოზმანის შესახებ არ შემონახულა. ამ დღის მოსახსენებელი მხოლოდ იმას ამბობს, რომ იგი ქართლში ეწამა ქრისტეს სარწმუნოებისათვის.
აღსანიშნავია, რომ საქართველო თავისი გეოპოლიტიკური მდგომარეობის გამო მუდმივად უსჯულოთა აგრესიის ქვეშ იყო და საქართველოს ეკლესია-მონასტრების დაცვასა და მართლმადიდებლური სიწმინდის შენარჩუნებას ეწირებოდა უამრავი საერო და სასულიერო პირის სიცოცხლე. ეს იმდენად ხშირი და ჩვეულებრივი მოვლენა იყო, რომ საქართველოს ეკლესია მათგან მხოლოდ განსაკუთრებული ღვაწლითა და მნიშვნელობით გამორჩეულთათვის ადგენდა მოსახსენებელ დღეებს.
სამწუხაროდ, დროთა ავბედობამ ამ გამორჩეულ მოწამეთა ცხოვრება და ღვაწლიც კი წაგვიშალა ისტორიიდან. დღეს მათი გაცნობისა და მათთან ურთიერთობის ერთადერთი საშუალება არის საეკლესიო კალენდრებში შემონახულ ხსენების დღეებში ეკლესიის მიერ მათთან დამყარებული ლოცვითი კავშირი.
„წმიდანთა ცხოვრება“, ტომი IV, თბილისი, 2003 წ.

„რეგიონული ენერგეტიკული დაკავშირებადობა საქართველოს სტრატეგიულ პრიორიტეტად რჩება. როგორც ხიდი ევროპასა და აზიას შორის, აქტიურად ვმუშაობთ საზღვრისპირა ელექტროენერგიით ვაჭრობისა და ქსელების ურთიერთდაკავშირების გასაძლიერებლად. ეს გაზრდის სისტემის მდგრადობას, ხელს შეუწყობს განახლებადი ენერგიის უკეთ ინტეგრაციას და გაგვიხსნის ახალ ბაზრებს ელექტროენერგიის გაცვლისთვის. გვჯერა, რომ რეგიონული თანამშრომლობა აუცილებელია საერთო გამოწვევების დასაძლევად და მდგრადი ენერგეტიკული სისტემის შესაქმნელად, რომელიც ყველასთვის სასარგებლო იქნება“, – განაცხადა ეკონომიკისა და მდგრადი განვითარების მინისტრის მოადგილემ, ინგა ფხალაძემ საერთაშორისო ფორუმზე „ენერგეტიკა მდგრადი განვითარებისთვის“ (IFESD-14) სიტყვით გამოსვლისას.
ფორუმი გაეროს ხუთი რეგიონული კომისიისა და გაეროს განვითარების პროგრამის (UNDP) ორგანიზებითა და ჩრდილოერთ მაკედონიის ენერგეტიკის, სამთო და მინერალური რესურსების სამინისტროს მასპინძლობით ქალაქ სკოპიეში მიმდინარეობს.
როგორც ინგა ფხალაძემ აღნიშნა, საქართველოს ენერგეტიკულ ბალანსში განახლებადი ენერგიის წილის გაზრდა ენერგოპოლიტიკის პრიორიტეტია. მინისტრის მოადგილის ინფორმაციით, საქართველო ახორციელებს პროექტებს ჰიდროენერგეტიკის, მზის და ქარის რესურსების ასათვისებლად, რაც ქვეყანას ეხმარება ნახშირბადის ემისიების შემცირებაში, ენერგოუსაფრთხოების გაძლიერებასა და „მწვანე“ სამუშაო ადგილების შექმნაში. ინგა ფხალაძის თქმით, ასევე ხორციელდება ენერგოეფექტურობის ღონისძიებების დანერგვის პროგრამები ენერგოინტენსიურ დარგებში.
ფორუმის ფარგლებში, მინისტრის მოადგილემ ორმხრივი შეხვედრები გამართა ჩრდილოეთ მაკედონიის ენერგეტიკის, წიაღისეულისა და მინერალური რესურსების მინისტრთან, სანია ბოჟინოვსკასთან, უნგრეთის სახელმწიფო მინისტრის მოადგილესთან ევროკავშირის საკითხებსა და საერთაშორისო ურთიერთობებში პეტერ ჰოლიცასთან, გაეროს ევროპის ეკონომიკური კომისიის (UNECE) მდგრადი ენერგეტიკის სამმართველოს ხელმძღვანელთან დარიო ლიგუტისთან და სხვა.
ინფორმაციას საქართველოს ეკონომიკისა და მდგრადი განვითარების სამინისტრო ავრცელებს

დახურულ კარს მიღმა მოლაპარაკების დაწყებამდე დონალდ ტრამპმა სი ძინპინს უწოდა მეგობარი და დიდი ქვეყნის დიდი ლიდერი და განაცხადა, რომ ძალიან წარმატებულ შეხვედრას მოელის.
სი ძინპინის განცხადებით აშშ და ჩინეთი, მსოფლიოს ორი წამყვანი ეკონომიკის მქონე ქვეყნები, მეგობრები და პარტნიორები უნდა იყვნენ.
დღევანდელი მოლაპარაკების ძირითადი საკითხი სავაჭრო-ეკონომიკური ურთიერთობები და ამ სფეროში არსებული პრობლემებია. საუბარი იქნება ჩინეთის როლზეც უკრაინაში ომის დასასრულებლად.
შეერთებული შტატების და ჩინეთის ლიდერების მოლაპარაკებაში მონაწილეობენ ორი ქვეყნის მთავრობათა წარმომადგენლებიც. მათ შორის აშშ-ის სახელმწიფო მდივანი და ფინანსთა და ვაჭრობის მინისტრები და ჩინეთის საგარეო საქმეთა და ვაჭრობის მინისტრები.
სი ძინპინთან დღევანდელი შეხვედრის წინ დონალდ ტრამპმა გამოაცხადა, რომ თავდაცვის სამინისტროს დაავალა ბირთვული იარაღის გამოცდის დაუყოვნებლივ დაწყება.
ტრამპმა მიზეზად დაასახელა სხვა ქვეყნების მიერ ბირთვული პროგრამების გამოცდა და რუსეთი და ჩინეთი ახსენა.
ფორუმი

აშშ-ის პრეზიდენტმა დონალდ ტრამპმა და ჩინეთის ლიდერმა სი ძინპინმა სამხრეთ კორეის ქალაქ ბუსანში კრიტიკული სავაჭრო მოლაპარაკებები დაასრულეს.
ჩინური მაუწყებლის, CCTV ცნობით, ორი ლიდერის შეხვედრა დაგეგმილზე მეტხანს, ერთ საათსა და 40 წუთს გაგრძელდა.
დონალდ ტრამპი შეხვედრის შემდეგ გიმჰაეს საერთაშორისო აეროპორტში გაემართა. მან სამხრეთ კორეაში ვიზიტი დაასრულა და აშშ-ში მიემგზავრება. აშშ-ის პრეზიდენტს, ჯერერობით, ჟურნალისტებთან არ უსაუბრია და შეხვედრის შესახებ კომენტარი არ გაუკეთებია.
სი ძინპინი კი ქალაქ კიონჯუში გაემგზავრა, სადაც ხვალ დაგეგმილ აზია-წყნარი ოკეანის ეკონომიკური თანამშრომლობის სამიტს დაესწრება. შეხვედრის შესახებ კომენტარი, ჯერჯერობით, არ მას გაუკეთებია.

სამხრეთ კორეაში მყოფმა დონალდ ტრამპმა გადაწყვეტილების შესახებ თავის სოციალურ Truth Social-ში დღეს, 30 ოქტომბერს დაწერა ჩინეთის მეთაურ სი ძინპინთან შეხვედრამდე ცოტა ხნით ადრე.
ტრამპის თანახმად, შეერთებულ შტატებს ნებისმიერ სხვა ქვეყანაზე მეტი ბირთვული იარაღი აქვს, რუსეთი მეორე ადგილზეა, ხოლო ჩინეთი მესამეზე, მაგრამ ხუთ წელიწადში გათანაბრდებიან.
პრეზიდენტ ტრამპის განცხადებით, სხვა ქვეყნებში პროგრამების გამოცდის გამო ომის სამინისტროს(თავდაცვის სამინისტრო) დაავალა, თანაბარ საფუძველზე დაიწყოს ბირთვული იარაღის გამოცდა და ეს პროცესი დაუყოვნებლივ დაიწყება.
26 ოქტომბერს რუსეთის შეიარაღებული ძალების გენერალური შტაბის უფროსმა ვალერი გერასიმოვმა პრეზიდენტ პუტინს მოახსენა, რომ 21 ოქტომბერს წარმატებით გამოცადეს ბირთვული ენერგოდანადგარით აღჭურვილი ახალი ფრთოსანი რაკეტა „ბურევესტნიკი“, რომელმაც დაახლოებით 15 საათს იფრინა და ჯამში დაფარა 14 000 კილომეტრი.
პუტინმა განაცხადა, რომ „ბურევესტნიკი“ არის „უნიკალური ნაწარმი, რომელიც მსოფლიოში არავის აქვს“.
29 ოქტომბერს ცენტრალური სამხედრო ჰოსპიტლის პაციენტებთან შეხვედრისას რუსეთის პრეზიდენტმა განაცხადა, რომ 28 ოქტომბერს გამოცადეს ბირთვულძრავიანი უპილოტო წყალქვეშა აპარატი „პოსეიდონი”. პუტინმა გამოცდას „უზარმაზარი წარმატება” უწოდა.
ფორუმი

აშშ-სა და ჩინეთის პრეზიდენტებს, დონალდ ტრამპსა და სი ძინპინს შორის სამხრეთ კორეის ქალაქ ბუსანში შეხვედრა მიმდინარეობს.
შეხვედრის დაწყებამდე ტრამპმა განაცხადა, რომ მისი აზრით, შეხვედრა წარმატებული იქნება.
„ეჭვი არ მეპარება, რომ ძალიან წარმატებული შეხვედრა გვექნება“, – აღნიშნა ტრამპმა და დასძინა, რომ სი ძინპინი ძალიან მკაცრი მომლაპარაკებელია. “ეს კარგი არ არის. ჩვენ კარგად ვიცნობთ ერთმანეთს“, – აღნიშნა აშშ-ის პრეზიდენტმა.
ტრამპის თქმით, სი ძინპინი დიდი ქვეყნის დიდი ლიდერია.
„გვექნება გარკვეული დისკუსიები. ვფიქრობ, უკვე ბევრ რამეზე შევთანხმდით და ახლა კიდევ ბევრ რამეზე შევთანხმდებით“, – განაცხადა ტრამპმა.
თავის მხრივ, სი ძინპინმა ამერიკელ კოლეგას განუცხადა, რომ ჩინეთი და შეერთებული შტატები პარტნიორები და მეგობრები უნდა იყვნენ.
„ეს არის ის, რაც ისტორიამ გვასწავლა და რასაც რეალობა მოითხოვს“, – აღნიშნა სი ძინპინმა.
მისი თქმით, მზადაა გააგრძელოს ტრამპთან მუშაობა ორივე ქვეყნის განვითარებისთვის ჯანსაღი ატმოსფეროს შესაქმნელად.
შეხვედრაზე პრეზიდენტები აშშ-სა და ჩინეთს შორის სავაჭრო შეთანხმებას განიხილავენ. შეხვედრას, აშშ-ის მხრიდან, ასევე ესწრებიან ფინანსთა მინისტრი სკოტ ბესენტი, სახელმწიფო მდივანი მარკო რუბიო, ვაჭრობის მინისტრი ჰოვარდ ლუტნიკი, თეთრი სახლის ადმინისტრაციის უფროსი სუზი უაილსი და აშშ-ის სავაჭრო წარმომადგენელი ჯემისონ გრირი.

უკვე ერთი კვირაა ქუთაისის N2 სასჯელაღსრულების დაწესებულებაში, წინასაექსტრადაციო პატიმრობაში, თურქეთის მოქალაქე სერქან კურტულუში იმყოფება.
იგი თურქეთის ულტრამემარჯვენე ნაციონალისტური ორგანიზაცია „რუხი მგლების“ ცნობილი და აქტიური წევრია. „რუხი მგლები“ (Bozkurtçular) რამდენიმე ქვეყანაში ტერორისტულ ორგანიზაციად არის მიჩნეული.
40 წლის კურტულუში ქართველმა სამართალდამცველებმა 27 ივნისს ბათუმში დააკავეს. კურტულუშის მხარდამჭერი თურქი ნაციონალისტები, როგორც მუსტაფა დესტიჯის „დიდი ერთობის“ (Great Unity Party), ისე პრეზიდენტ ერდოღანის კოალიციური პარტნიორის დევლეთ ბაჰჩელის „ნაციონალისტური მოძრაობის“ პარტიიდან (Nationalist Movement Party) აცხადებენ, რომ მისი დაპატიმრება მოულოდნელი იყო.
მიუხედავად იმისა, რომ ინტერპოლის წითელი ცირკულარით იძებნებოდა სერქან კურტულუში ბათუმში არ იმალებოდა. მისი სოციალური ქსელებით თუ ვიმსჯელებთ, საქართველოს ტერიტორიაზე, კურტულუშს საკმაოდ აქტიური ცხოვრების რეჟიმი ჰქონდა.
მისი ნებართვის გარეშე ვერაფერს მოგახსენებთ, შესაბამისად ვერც იმას გეტყვით აღიარებს თუ არა იგი წარდგენილ ბრალს” ჯემალ კიკნაძე, სერქან კურტულუშის ადვოკატი
თურქეთის პროკურატურა კურტულუშს ქალაქ იზმირის „შეიარაღებული კრიმინალური დაჯგუფების ლიდერად“ მიიჩნევს. ბრალდების მიხედვით, ამ დაჯგუფებამ ჯამში, ბიზნესმენებზე 26 შეიარაღებული თავდასხმა მოაწყო.
დაჯგუფება ასევე დაკავებული იყო ადამიანების გატაცებით, შანტაჟით, დაშინებით, ფულის გამოძალვით და იარაღით ვაჭრობით. კურტულუშს 2017 წლის დეკემბერში იზმირში ერთი ბიზნესმენის მკვლელობაშიც ედება ბრალი.
თურქული მედიის ცნობით, კურტულუშს ახლო კავშირები აქვს, თურქეთის მაფიის ბოსებთან სედათ ფექერთან და ალაათინ ჩაქიჯთან, რომელიც 2004 წლიდან, მრავალწლიან სასჯელს იხდის.
კურტულუშმა ჩაქიჯი რამდენჯერმე მოინახულა ციხეში, მაფიის ბოსმა კი ციხიდან გაავრცელა წერილი, რომ “კურტულუში მისი ძმაა და ეს ყველამ უნდა იცოდეს”.
ბათუმის სასამართლოში, სადაც სერქან კურტულუშს 3 თვიანი წინასაექსტრადაციო პატიმრობა მიუსაჯეს, თურქეთის მოქალაქის ინტერესებს ადვოკატი ჯემალ კიკნაძე იცავდა. მან „ამერიკის ხმას“ უთხრა რომ ბრალდებულის თანხმობის გარეშე საქმის დეტალებზე ვერ ისაუბრებს:
„მაგ საკითხზე ჩემს კლიენტთან არ მისაუბრია და მისი ნებართვის გარეშე ვერაფერს მოგახსენებთ, შესაბამისად ვერც იმას გეტყვით აღიარებს თუ არა იგი წარდგენილ ბრალს, ამ მომენტისთვის ამის თქმის უფლება არ მაქვს.“
სერქან კურტულუში თურქეთის კიდევ ერთ მოქალაქე არფასლან ჩელიქთან ერთად თურქეთის ისლამურ და ნაციონალისტურ წრეებში საკმაო ავტორიტეტით სარგებლობს.
ისინი აქტიურად მონაწილეობდნენ ჯერ ერაყის, შემდეგ კი სირიის სამოქალაქო ომში, იქ მცხოვრები თურქულენოვანი უმცირესობის – თურქმანების მხარდასაჭერად.
„სირიის თურქმანების ბრიგადებში“ ჩელიქი „მეათე ბრიგადის“ ერთ-ერთი მეთაური, ხოლო – კურტულუში მისი მარჯვენა ხელი იყო. სწორედ მათ სახელს უკავშირდება 2015 წლის ნოემბერში, რუსი სამხედრო მფრინავის ოლეგ პეშკოვის მკვლელობა.
25 ნოემბერს, რუსეთის არმიის ბომბდამშენი SU-24M, რომელიც თურქეთ-სირიის საზღვარზე თურქმანული ბრიგადების პოზიციებს ბომბავდა თურქეთის არმიის F16-მა ჩამოაგდო. კატაპულტირების დროს ერთი რუსი პილოტი გადარჩა, მეორეს – პეშკოვს კი ცეცხლი მიწიდან გაუხსნეს და მოკლეს. მფრინავს რვა ტყვია მოხვდა.
იმავე დღეს, რუსი პილოტის მკვლელობაზე პასუხისმგებლობა არფასლან ჩელიქის ბრიგადამ აიღო, რომელშიც სერქან კურტულუშიც შედიოდა. ჩელიქმა სოციალურ ქსელში ვიდეოც ატვირთა, სადაც ხელში რუსი პილოტის პარაშუტის ნაწილი ეჭირა და მისი მკვლელობის დეტალებს ყვებოდა.
2016 წელს, რუსეთის ზეწოლით, თურქეთმა ჩელიქი, კურტულუში და კიდე 18 თურქი ნაციონალისტი იარაღის უკანონო ტარების გამო დააკავა, თუმცა სასამართლომ ისინი მალევე გაანთავისუფლა.
2017 წელს, ჩელიქი მოსკოვის ზეწოლით ხელმეორედ დააკავეს და ამჯერად 5 წლით თავისუფლების აღკვეთა მიუსაჯეს. სასამართლო სხდომებს ესწრებოდა მამამისი რამაზან ჩელიქიც, რომელიც 2004-09 წლებში, „ნაციონალისტური მოძრაობის პარტიიდან“ თურქეთის ქალაქ ქებანის მერი იყო.
„თურქული მხარის მიერ მოწოდებულ საექსტრადიციო დოკუმენტებში არ ფიგურირებს კურტულუშის მიერ, 2015 წლის ნოემბერში რუსი სამხედრო მფრინავის შესაძლო მკვლელობის ეპიზოდი პროკურატურა
საქართველოს მთავარმა პროკურატურამ დღეს განმარტა, რომ თურქეთი ბათუმში დაპატიმრებულ სერქან კურტულუშს რუსი მფრინავის მკვლელობას ამჯერად არ ედავება:
„თურქული მხარის მიერ მოწოდებულ საექსტრადიციო დოკუმენტებში არ ფიგურირებს კურტულუშის მიერ, 2015 წლის ნოემბერში რუსი სამხედრო მფრინავის შესაძლო მკვლელობის ეპიზოდი და შესაბამისად, ქართული მხარე საექსტრადიციო პროცედურებს აწარმოებს მხოლოდ იმ ბრალდების ფარგლებში, რისთვისაც თურქეთის რესპუბლიკის კომპეტენტურმა ორგანომ მისი ექსტრადიცია მოითხოვა.“ – ნათქვამია მთავარი პროკურატურის განცხადებაში.
თურქული წყაროების ცნობით, ბათუმში, „რუხი მგლების“ ცნობილი წევრის სერქან კურტულუშის დაკავებამდე, „იზმირის შეიარაღებული კრიმინალური დაჯგუფების“ წინააღმდეგ მთელი თურქეთის მასშტაბით, დიდი სპეცოპერაცია ჩატარდა.
400 პოლიციელმა სტამბოლში, ანკარაში, ბურსაში, მუღლაში, ართვინსა და ტრაბზონში ჯამში 53 ადამიანი დააკავა. ამოიღეს არალეგალური ცეცხლსაროლი იარაღი, მათ შორის პისტოლეტები და სნაიპერული შაშხანები.
თურქული ოპოზიციური წყაროების ცნობით, “რუხი მგლების“ და სერქან კურტულუშის გაძლიერებას თავის დროზე, მნიშვნელოვნად შეუწყო ხელი თურქეთის ეროვნულმა სადაზვერვო ორგანიზაციამ (MİT), რომელიც “რუხ მგლებს” პოლიტიკური მკვლელობებისთვისაც იყენებდა.
სერქან კურტულუში საქართველოში გამოქცევამდე ამტკიცებდა, რომ თურქეთის სპეცსამსახურებს მისი ლიკვიდაცია სურდათ, რადგან “ბევრი იცის”.
ჯერჯერობით უცნობია, როდის მოხდება დაკავებულის ექსტრადაცია თურქეთში, თუ დაცვის მხარე, სერქან კურტულუშის გათავისუფლებას შეძლებს. არაოფიციალური ინფორმაციით, კურტულუშმა საქართველოში პოლიტიკური თავშესაფარი მოითხოვა.

აშშ-ის პრეზიდენტ დონალდ ტრამპის განცხადებით, თავდაცვის უწყებას დაავალა, დაუყოვნებლივ დაიწყოს აშშ-ის ბირთვული იარაღის გამოცდა სხვა ქვეყნებთან თანაბარ პირობებში.
ტრამპმა სოციალურ ქსელში გამოქვეყნებულ პოსტში დაწერა, რომ აშშ-ს ყველა სხვა ქვეყანაზე მეტი ბირთვული იარაღი აქვს, რუსეთი მეორე ადგილზეა, ჩინეთი – მესამეზე.
„უზარმაზარი დამანგრეველი ძალის გამო, მძულდა ამის გაკეთება, მაგრამ არჩევანი არ მქონდა! რუსეთი მეორე ადგილზეა, ჩინეთი კი – შორეულ მესამეზე, თუმცა 5 წელიწადში გაგვითანაბრდება. სხვა ქვეყნების მიერ პროგრამების გამოცდის გამო, დავავალე ომის დეპარტამენტს, რომ დაიწყოს ჩვენი ბირთვული იარაღის გამოცდა თანაბარ საფუძველზე. ეს პროცესი დაუყოვნებლივ დაიწყება“, – განაცხადა ტრამპმა.

ესპანეთის თასის 1/64-ფინალში “ვილიარეალმა” კორდობაში ქვედა ლიგის „სიუდად დე ლუსენა” 6:0 დაამარცხა და გათამაშების შემდეგ ეტაპზე გავიდა.
სტუმართა გუნდის თავდამსხმელი გიორგი მიქაუტაძე შესვენების შემდეგ შევიდა შეცვლაზე, 81-ე წუთზე გოლი გაიტანა და ანგარიში 5:0 გახადა.
მიქაუტაძის ანგარიშზე ყველა ტურნირზე 10 მატჩში 4 გოლი და 1 საგოლე გადაცემაა.
მომდევნო შეხვედრას “ვილიარეალი” 1-ელ ნოემბერს ჩაატარებს – ლა ლიგის მეთერთმეტე ტურში “რაიო ვალეკანოს” უმასპინძლებს.
0:3. ესეც მამარდაშვილის ბრალია? – “ლივერპული” თასიდან “კრისტალ პალასმა” გამოაგდო
“ვილიარეალთან” თამაში ძალიან რთულია, რადგან ტოპ გუნდია” – გვარდიოლას კომენტარი გამარჯვების შემდეგ
“მიქაუტაძესთან დაკავშირებით საშიშროება არსებობდა” – “სიტისთან” მატჩამდე მარსელინომ ქართველზე ისაუბრა
[PHOTO] “სიტისთან” მატჩამდე მიქაუტაძე ძველ მეგობარს შეხვდა
[VIDEO] მიქაუტაძის აქტიურობას გოლი მოჰყვა – “ვილიარეალმა” “ვალენსია” სტუმრად დაამარცხა
[VIDEO] სასიამოვნო კადრები – როგორ შეხვდნენ ერთმანეთს მიქაუტაძე და შერკი “ვილიარეალი” სიტის” მატჩამდე
მიქაუტაძის 66 წუთი – “მანჩესტერ სიტიმ” “ვილიარეალი” უშანსოდ დაამარცხა

AS-ის ცნობით, „ბარსელონას“ 22 წლის ნახევარმცველის პედრის ბარძაყის კუნთის ტრავმა ნავარაუდევზე უფრო სერიოზული აღმოჩნდა.
პედრის აღდგენისთვის მინიმუმ 6 კვირა დასჭირდება და უკეთეს შემთხვევაში 9 დეკემბერს „აინტრახტთან“ ჩემპიონთა ლიგის მატჩისთვის დაბრუნდება.
ასე რომ, ის 15 ნოემბერს საქართველოს ნაკრებთან მსოფლიო ჩემპიონატის საკვალიფიკაციო ეტაპის დაპირისპირებაში ესპანეთის ეროვნულ გუნდს ვერ დაეხმარება.
“მოვიდა დრო, ჩვენს გმირ მწვრთნელს დავემშვიდობოთ ” – ლევან სალუქვაძემ ვილი სანიოლზე ისაუბრა
შენგელიას 13 ქულა და “ბარსელონას” საშინაო მარცხი “ჟალგირისთან”
“სანიოლმა ნაკრებში თავისი თავი ამოწურა… გასულ მატჩებში ჩემთვის გაუგებარი რაღაცები ხდებოდა…” – დევდარიანმა ეროვნული გუნდის ბოლო 2 შეხვედრა შეაფასა
[VIDEO] “მე?! წადი შენი! მორჩა, გუნდს ვტოვებ” – ალონსოს თავს ვინისიუსის რისხვა დაატყდა
“როგორ შევაჩერე იამალი? ალონსოს უფრო მაგარი დრიბლინგი აქვს, ვიდრე მას” – კარერასმა ლამინს დასცინა
“გაგიმართლათ, რომ ჯერ მხოლოდ 18 წლისაა, ბარსელონაში გნახავთ” – იამალის მამამ “რეალის” ფანებს მიმართა
პედრი: პსჟ-ზე უკეთესი გუნდი ვართ და შურისძიება გვინდა
“სანიოლმა ნაკრებში თავისი თავი ამოწურა… გასულ მატჩებში ჩემთვის გაუგებარი რაღაცები ხდებოდა…” – დევდარიანმა ეროვნული გუნდის ბოლო 2 შეხვედრა შეაფასა
[VIDEO] ესპანეთი შეუჩერებელია – ბულგარეთს ადვილად მოუგო
ვის რა როლი აქვს ნაკრების მტკივნეულ პერიოდზე – “საუკუნე გაივლის კიდევ”
[VIDEO] “გინდა, ვიჩხუბოთ?!… გასახდელში გავიდეთ!” – იამალისა და ვინისიუსის კონფლიქტის დეტალები
შენგელიას 11 ქულა და “ბარსას” მე-4 გამარჯვება ევროლიგაზე
“მან ყველაზე მეტად აღმაფრთოვანა” – “ბარსელონას” მეკარე თანაგუნდელზე
მიქაუტაძე: დავბრუნდებით უფრო ძლიერები და ერთიანები, ვიდრე ოდესმე
რამუში იამალის მისიასა და პედრის შურისძიებაზე: ამის დამტკიცება მოედანზეა საჭირო
“ამ ორი ფეხბურთელის წყალობით, “ბარსელონა” მომდევნო 10-15 წელი ჩემპიონთა ლიგის მოგების მთავარი ფავორიტი იქნება” – დეულოფეუ
საქართველო – ესპანეთი | ინფორმაცია ბილეთების შესახებ
ფლიკი პედრის ფიზიკური კონდიციებით უკმაყოფილოა
მიქაუტაძემ შეიძლება “ბეტისთან” ვერ ითამაშოს – ცნობილი გახდა მიზეზი
საქართველოს ნაკრები – ორი მარცხი და ორი ადგილით უკუსვლა რეიტინგში
ითამაშებს საქართველოსთან პედრი? – “ბარსელონამ” ესპანეთის ნაკრებს თხოვნით მიმართა
პირველი ტაიმის შემდეგ საქართველოს ნაკრები ესპანეთთან 0:1 მარცხდება
[VIDEO] როდესაც თავს ზევით ძალა არაა – საქართველოს ნაკრები ესპანეთთან უშანსოდ დამარცხდა
როგორი შეფასებები მიიღეს საქართველოს ნაკრების ფეხბურთელებმა ესპანეთთან მატჩში?
სანიოლი: ამოცანა იყო, ნაკლები ყვითელი ბარათი მიგვეღო – სამ დღეში ბევრი რამ შეიძლება შეიცვალოს

ინგლისის ლიგის თასის 1/8-ფინალში „ლივერპული“ სახლში „კრისტალ პალასთან“ 0:3 დამარცხდა და გათამაშებას გამოეთიშა.
„წითლების“ კარს ფრედი ვუდმანი იცავდა, გიორგი მამარდაშვილი კი განაცხადში არ იყო.
“ლივერპულმა” ყველა ტურნირზე ბოლო 7 მატჩიდან 6 წააგო და მომდევნო შეხვედრას ისევ შინ გამართავს – პრემიერლიგის მეათე ტურში „ასტონ ვილას“ დაუპირისპირდება და დიდი ალბათობით მამარდაშვილი ითამაშებს.
ლივერპული – კრისტალ პალასი 0:3
გოლები: 0:1 სარი (41), 0:2 სარი (45), 0:3 პინო (87)
გაძევება: ნალო (79, ლივერპული)
წიტაიშვილის კარგი მატჩი და “მეცის” მოულოდნელი გამარჯვება “ლანსთან”
“იცით, პსჟ-ში თამაშის დროს ბონუსს რაში იღებდა?” – ბრიტანელმა მწვრთნელმა ნეიმარზე შოკისმომგვრელი დეტალი გაამხილა
“ლივერპული”, “ბაიერნი” და მადრიდის “რეალი” “კრისტალ პალასის” მცველისთვის იბრძვიან
“არსენალმა” “ტოტენჰემს” მთავარი სატრანსფერო სამიზნე წაართვა – ეზეს მომავალი გაირკვა
“ადამიანი, რომელსაც ჩემს ცხოვრებასა და კარიერაზე უდიდესი გავლენა ჰქონდა, აღარ არის” – 64 წლის ასაკში “ვალენსიას” ლეგენდარული მეკარე გარდაიცვალა
“კრისტალ პალასთან” მატჩში მამარდაშვილი სათადარიგოა
[VIDEO] მამარდაშვილის ეფექტური მოგერიებები – “ლივერპული” “ბრენტფორდთან” დამარცხდა
როგორი შეფასებები მიიღო მამარდაშვილმა “ბრენტფორდთან” მატჩში?
[VIDEO] ნკეტიამ ალისონს ზედ საფინალო სასტვენის წინ გაუტანა – “ლივერპული” “კრისტალ პალასთანთან” დამარცხდა
[VIDEO] მამარდაშვილი არ ათამაშეს – “ლივერპული” სუპერთასზე “კრისტალ პალასთან” დამარცხდა
“როდესაც დავინახე რომ ეს გააკეთა, თვალებს ვერ ვუჯერებდი” – “ლივერპულის” ყოფილმა ფეხბურთელმა მამარდაშვილი გააკრიტიკა
კვარაცხელია და დემბელე კვლავ ერთად – დღეს საინტერესო მატჩებია

ჟურნალისტი ლალი მოროშკინა:
,,ოო,რა ცუდათ მენიშნა ლავროვის განცხადება, ხელს მოვაწერთ ნატოს ქვეყნებზე თავდაუსხმელობის პაქტსო…
“რიბენტროპ-მოლოტოვის” ” აბაროტს” უფრო გავს. 86 лет спустья…
იძაბება სიტუაცია, რა წუთში ევროპა რუსული გაყინულ აქტივებს შეეხება, ომი დაიწყება!“

ლიგა 1-ის მეათე ტურში „მეცმა“ საკუთარ მოედანზე ლიდერთა ჯგუფის წარმომადგენელი „ლანსი“ 2:0 დაამარცხა და მიმდინარე ტურნირზე პირველი გამარჯვება მოიპოვა.
დუბლი მატჩის ბოლოს თავდამსხმელმა გოტიე ენმა შეასრულა, რომელმაც მსაჯის საფინალო სასტვენის წინ მეორე ყვითელი ბარათი მიიღო და გააძევეს.
მასპინძელთა გუნდში გიორგი წიტაიშვილი სასტარტოში იყო და 81-ე წუთზე გიორგი აბუაშვილმა შეცვალა.
წიტაიშვილმა ორივე გუნდიდან ერთ-ერთი ყველაზე მაღალი შეფასებები მიიღო: flashscore 7.4, sofascore 7.3, whoscored 7.0.
აბუაშვილის თამაში Sofascore-მ 6.8 ქულით შეაფასა, Whoscored-მა კი 6.6 ქულით.
„მეცი“ 5 ქულით აუტსაიდერია და 2 ნოემბერს „ნანტს“ ესტუმრება.
მეცი – ლანსი 2:0
გოლები: 1:0 ენი (87, პენ), 2:0 ენი (90+1)
გაძევება: ენი (90+2, მეცი)
[PHOTOS] ტრავმირებული კვარაცხელია 30-ე წუთზე შეცვალეს
[VIDEO] ნადირობა ხვიჩაზე – პსჟ-ს კიდევ ორი ფეხბურთელი დაშავდა, თუმცა მაინც გაიმარჯვა
წიტაიშვილი აბუაშვილმა შეცვალა – “მეცმა” ფრედ ითამაშა
“მეცი” “მონაკოსთან” დამარცხდა – წიტაიშვილი შეცვლაზე შევიდა
როგორია კვარაცხელიას მდგომარეობა და რა ხდება პსჟ-ს ლაზარეთში?
წიტაიშვილი და აბუაშვილი შეცვლაზე და “მეცის” ფრე “ჰავრთან”
“დაველოდოთ სამედიცინო პერსონალის ტესტის პასუხებს” – ლუის ენრიკეს პირველი კომენტარი კვარაცხელიას ტრავმაზე
[PHOTO] ყველაფერი სახეზე ეტყობა – პსჟ-ის პრეზიდენტის რეაქცია კვარაცხელიასა და მისი თანაგუნდელების ტრავმის შემდეგ
აბუაშვილის და წიტაიშვილის “მეცმა” მორიგი მარცხი განიცადა
წიტაიშვილი შეცვლაზე და “მეცის” მარცხი “მარსელთან”
ორივე ქართველი სასტარტოში და “მეცის” მორიგი წაგება
“ეს ამიტომ გავაკეთე და ამას მომავალშიც ვიზამ” – ენრიკემ ახსნა, რატომ იყო პსჟ-ის ბოლო მატჩის პირველ ტაიმში პრეს-ლოჟაში

ირაკლი კობახიძემ ,,იმედზე” განაცხადა:
,,რაც შეეხება გახარიას. მათ რომ საპარლამენტო მანდატებით სარგებლობაზე უარი ეთქვათ, ან თუნდაც, ის მდგომარეობა რომ შეენარჩუნებინათ, რაც მანამდე იყო, როდესაც თან იყვნენ შემოსული და თან არა, ამ შემთხვევაში ეს პარტია აუცილებლად იქნებოდა ამ [პარტიების აკრძალვის] სარჩელის შემადგენელი ნაწილი.
რეალურად, პარლამენტში შემოსვლით მათ თავი გადაირჩინეს, სამართლებრივად, ამ სარჩელში მოხვედრისგან. ეს იყო მათ მიერ გადადგმული ნაბიჯი. მთავარი საყრდენი მათ მიმართ ბრალდების საბოტაჟი იქნებოდა და ბოლო მომენტში მათ თქვეს უარი საბოტაჟზე. ამით ამ პროცედურაში მონაწილეობისგან გადაირჩინეს სამართლებრივად თავი.“

მცირე პარტიებთან მიმართებაში გავითვალისწინეთ საერთაშორისო სამართლებრივი პრაქტიკა, რომელიც გვეუბნება, რომ თუ პარტია პოლიტიკურ პროცესზე არსებითი გავლენით არ სარგებლობს, ის ვერ იქნება საფრთხე კონსტიტუციური წესწყობილებისათვის
ჩვენ დავეყრდენით, პირველ რიგში, სამართლებრივ პრაქტიკას, საკონსტიტუციო სასამართლო საქართველოში, რა თქმა უნდა, ხელმძღვანელობს საერთაშორისო პრაქტიკით, ჩვენ არ გვინდოდა ისეთ პარტიებთან მიმართებით შეგვეტანა სარჩელი, რომელთა მიმართაც შეიძლებოდა, არ დამდგარიყო შესაბამისი შედეგი, – ამის შესახებ საქართველოს პრემიერ-მინისტრმა ირაკლი კობახიძემ „იმედი LIVE“-ში განაცხადა.
მისივე თქმით, როცა პარტიას არ აქვს არსებითი ზეგავლენა რეალურ პროცესზე, ამ შემთხვევაში, ის რეალურ საფრთხესაც არ უქმნის კონსტიტუციურ წყობილებას და ხელისუფლებამ, სწორედ, ეს პრაქტიკა გაითვალისწინა.
„არის, მაგალითად, იგივე გერმანიაში ასეთი პრაქტიკა ჩამოყალიბებული და სტრასბურგის სასამართლოს პრაქტიკაც მიჰყვება იმავე ლოგიკას. იყო, მაგალითად, შეტანილი სარჩელი „ნაციონალურ-დემოკრატიული“ პარტიის აკრძალვასთან დაკავშირებით და სარჩელი წარმოებაშიც კი არ მიიღო გერმანიის საკონსტიტუციო სასამართლომ იმის გამო, რომ ამ პოლიტიკურ პარტიას არ ჰქონდა ბარიერის გადალახვის რეალური რესურსი და ეს იყო თავისი არსით ძალიან მცირე, ზეგავლენის არმქონე პარტია. როცა პარტიას არ აქვს არსებითი ზეგავლენა რეალურ პროცესზე, ამ შემთხვევაში, ის რეალურ საფრთხესაც არ უქმნის კონსტიტუციურ წყობილებას.
ეს პრაქტიკა გავითვალისწინეთ. დაკავშირებული პარტიები არის არაერთი, ალბათ 10-15 ასეთი პარტიაა, ზოგი ფიქტიურია, ზოგი არის ერთკაციანი პარტია, ზოგი ორკაციანი პარტია, დანარჩენი მცირე პარტიები, რომლებიც ვერც კი უახლოვდებიან საარჩევნო ბარიერს. ჩვენ გავითვალისწინეთ სამართლებრივი პრაქტიკა, რომელიც არის საერთაშორისო დონეზე ჩამოყალიბებული, რომელიც გვეუბნება იმას, რომ თუ არსებითი გავლენით არ სარგებლობს პოლიტიკურ პროცესზე პარტია, ამ შემთხვევაში, ის ვერ იქნება საფრთხე კონსტიტუციური წესწყობილებისათვის და როგორც უკვე გითხარით, გერმანიის საკონსტიტუციო სასამართლო, მაგალითად, წარმოებაშიც კი არ იღებს. ორი ასეთი შემთხვევა იყო მცირე პარტიასთან დაკავშირებით და არც ერთ შემთხვევაში არ მიიღო სარჩელი წარმოებაში სასამართლომ,“- განაცხადა ირაკლი კობახიძემ.

ოპოზიცია თვითონვე აღიარებდა თავიანთ სიყალბეს იმით, რომ „არალეგიტიმურ“ ორგანოებში შედიოდნენ
რაც შეეხება კონსტიტუციური წყობილების დამხობას და ძალადობით შეცვლას, აქ ერთ-ერთი მთავარი არგუმენტი დაკავშირებულია არჩევნების არაღიარებასთან და შეგვიძლია გავიხსენოთ ყველა არჩევნები 2016 წლიდან მოყოლებული, – ამის შესახებ საქართველოს პრემიერ-მინისტრმა ირაკლი კობახიძემ გადაცემა „იმედი LIVE-ში“ განაცხადა.
პრემიერის თქმით, რადიკალური ოპოზიციი პირველი მცდელობა, არ ეღიარებინათ არჩევნები, შედგა 2016 წელს.
„რაც შეეხება კონსტიტუციური წყობილების დამხობას და ძალადობით შეცვლას, აქ ერთ-ერთი მთავარი არგუმენტი დაკავშირებულია არჩევნების არაღიარებასთან და შეგვიძლია გავიხსენოთ ყველა არჩევნები 2016 წლიდან მოყოლებული. პირველი მცდელობა, არ ეღიარებინათ მათ არჩევნები, შედგა 2016 წელს. მაშინ ძალიან მძიმედ შეაფასეს მათ არჩევნები, ყოველგვარი საფუძვლის გარეშე. მათ ჰქონდათ მცდელობა, მიჭრილიყვნენ ცესკოს შენობასთან. ბოიკოტი გამოუცხადეს მეორე ტურებს და ა.შ. ეს იყო პირველი მცდელობა, რომელიც ყველაზე სუსტი იყო და საბოლოო ჯამში, წარუმატებლად დასრულდა, მაგრამ პირველი მცდელობა ჰქონდათ უკვე 2016 წელს. ამის შემდეგ მეორე მცდელობა იყო უკვე 2018 წელს, როდესაც ჩვენი მხარდაჭერით სალომე ზურაბიშვილი არჩეულ იქნა საქართველოს პრეზიდენტად. მაშინაც ის არალეგიტიმურ პრეზიდენტად გამოაცხადეს, სცადეს ინაუგურაციის ჩაშლა, გახსოვთ, რა ხდებოდა თელავში, როდესაც უნდა შემდგარიყო სალომე ზურაბიშვილის ინაუგურაცია. ის, რომ ეს ყველაფერი იყო ვიწრო პოლიტიკური ინტერესებით ნაკარნახევი ყალბი ქმედებები, იქიდან ჩანს, რომ სალომე ზურაბიშვილი მათ მოგვიანებით თავადვე აღიარეს ლეგიტიმურ პრეზიდენტად. აქედან ჩანს, რომ თვითონვე აღიარეს საკუთარი დანაშაული, რომელიც ჩაიდინეს 2018 წელს, როდესაც სცადეს არალეგიტიმურ პრეზიდენტად გამოეცხადებინათ სალომე ზურაბიშვილი, რომელიც ჩვენი მხარდაჭერით აირჩა თავის დროზე პრეზიდენტის თანამდებობაზე“, – განაცხადა პრემიერმა.
მთავრობის მეთაურის თქმით, 2020 წელს შეიქმნა „ლელო“, მათ მიიღეს მონაწილეობა არჩევნებში და ისინი ერთხმად მიყვებოდნენ პოლიტიკურ პროცესს.
„2016-2018 წლებში „ლელო“ არ არსებობდა, როგორც პოლიტიკური პარტია, მათი ლიდერებიც არ იყვნენ პოლიტიკაში, მაგრამ 2020 წლიდან უკვე ყალიბდება ერთიანი პოლუსი და ამ პოლუსის შემადგენელი ნაწილია უკვე „ლელო“. რა მოხდა 2020 წელს – შეიქმნა „ლელო“, მათ მიიღეს მონაწილეობა არჩევნებში და ისინი ერთხმად მიყვებოდნენ იმ პოლიტიკურ პროცესს, რომელიც დაკავშირებული იყო მათ შორის, 2020 წლის არჩევნებთან. 2020 წელსაც არჩევნები კიდევ ერთხელ გამოაცხადეს არალეგიტიმურად და აქაც თვითონვე მოუწიათ მოგვიანებით საკუთარი სიყალბის აღიარება. ისინი შევიდნენ პარლამენტში. ჩვენ მაშინ მოგვიწია მოლაპარაკებებში შესვლა, ე.წ. შარლ მიშელის შეთანხმებაზე ხელის მოწერა, რაც რეალურად ნიშნავდა კონსტიტუციური ჩარჩოებიდან გასვლას, მაგრამ ეს იყო ჩვენი ტაქტიკური გადაწყვეტილება. საბოლოო ჯამში, როდესაც მათ ხელი მოაწერეს ამ შეთანხმებას, შემოვიდნენ პარლამენტში. ლეგიტიმურად როგორ შეიძლება, არალეგიტიმურ პარლამენტში შეხვიდე, თუ ხარ თავმოყვარე პოლიტიკური ძალა. მანამდე ამტკიცებდი, რომ იყო არალეგიტიმური, რაც არ უნდა პოლიტიკურ შეთანხმებას მოაწერო ხელი, როგორ შეიძლება შეხვიდე არალეგიტიმურ პარლამენტში. სალომე ზურაბიშვილის შემთხვევაში ჯერ გამოაცხადეს არალეგიტიმურად და შემდეგ აღიარეს მისი ლეგიტიმურობა, ახლაც, გამოაცხადეს პარლამენტი არალეგიტიმურად და ზუსტად რამდენიმე თვეში პარლამენტის ლეგიტიმაცია აღიარეს და ისარგებლეს უკვე პარლამენტის მანდატებით“, – განაცხადა პრემიერმა.
მთავრობის მეთაურის თქმით, 2021 წელსაც თვითმმართველობის არჩევნები გამოაცხადეს გაყალბებულად და მოგვიანებით შევიდნენ უკვე თვითმმართველობის ორგანებში.
„2021 წელიც დადგა, ჩატარდა ადგილობრივი თვითმმართველობის არჩევნები, რომელიც თავისი არსით უთანაბრდებოდა საპარლამენტო არჩევნებს. აქაც თვითმმართველობის არჩევნები გამოაცხადეს გაყალბებულად და მოგვიანებით შევიდნენ უკვე თვითმმართველობის ორგანებში. თვითონვე აღიარებდნენ თავიანთ სიყალბეს, იმით, რომ „არალეგიტიმურ“ ორგანოებში შედიოდნენ. არალეგიტიმური სალომე ზურაბიშვილი აღიარეს მოგვიანებით პრეზიდენტად, „არალეგიტიმური“ პარლამენტი აღიარეს და ისე შევიდნენ პარლამენტში 2020 წელს, არალეგიტიმური ადგილობრივი თვითმმართველობა აღიარეს ლეგიტიმურად და ისარგებლეს მანდატებით, ყველა ჯერზე თვითონ აღიარებდნენ, რომ ვიწრო პოლიტიკური ინტერესების კარნახით ცდილობდნენ რადიკალიზაციას და დემოკრატიული წყობილების დამხობას, მთავარი დემოკრატიული ინსტიტუტების არაღიარების გზით. იგივე განმეორდა 2024 წელს. ოთხი პარტია იყო, არც ერთი არ შემოვიდა და ამ ოთხიდან ერთმა მოგვიანებით აღიარა პარლამენტის ლეგიტიმაცია“, – განაცხადა პრემიერმა.

ვინ აზიანებს იმ ევროპულ ღირებულებას რისკენაც იყო ჩვენი წინაპრების, ჩვენი საზოგადო მოღვაწეების, ლიდერების სწორება, რომ ამ [ევროკავშირის] სივრცის ნაწილი გავმხდარიყავით?, – ამის შესახებ მიხეილ ყაველაშვილმა განაცხადა.
მიხეილ ყაველაშვილის შეფასებით, ევროკავშირში ინტეგრაციის პროცესს სწორედ გერმანიის ელჩის და სხვების ქმედებები აზიანებს.
„საქციელი მაგალითად, რასაც გერმანიის ელჩი ახორციელებდა, პირდაპირ წერია შავით თეთრზე, ვენის კონვენციის 41-ე მუხლია, რა ევალება ელჩს, როცა ის სხვა ქვეყანაშია. პირდაპირ არის გაწერილი და ამის საწინააღმდეგოდ აკეთებს ეს ადამიანი ყველაფერს და არამარტო ეს ელჩი. როცა მათ ქვეყნის შიდა საქმეებში ჩარევა პირდაპირ ეკრძალებათ, ის თავს მეტის უფლებას აძლევს. ეს ეწინააღმდეგება იმ პროცეს, რომლისკენაც ჩვენ საუკუნეებია და წლებია ვისწრაფვით, ვინ აზიანებს ამ შემთხვევაში, აზიანებენ ეს ადამიანები“,- განაცხადა ყაველაშვილმა.
მისი განცხადებით, ევროკავშირში არიან ძალები, თუმცა ჯერჯერობით მცირე, რომელთაც იგივე ღირებულებები აქვთ, რაც საქართველოს ხელისუფლებას და საზოგადოების უმრავლესობას.
„ევროკავშირში არიან ძალები ჯერჯერობით მცირე, მაგრამ იქაც იცვლება სიტუაცია, რომელთაც ზუსტად იგივე ღირებულებები აქვთ რაც ჩვენ, ამ შემთხვევაში დღევანდელ ჩვენს ხელისუფლებას და საზოგადოების უმრავლესობას. ჩვენ გვყავს პარტნიორები მაგალითად ამ საკითხში შეგვიძლია დავასახელოთ უნგრეთი, სლოვაკეთი, ახლა უკვე ჩეხეთშიც გაიმარჯვა ამ იდეოლოგიის, ამ ღირებულებების მქონე პარტიამ და ძალებმა. ევროპა არ არის დღეს შექმნილი, მრავალფეროვნება, სამართალი, ადამიანის უფლებები სწორედ იქ განხორციელდა, იმიტომ იყო ჩვენი სურვილი, რომ ამ სივრცის ნაწილი გავხდეთ, რომ ეს ყველაფერი არ უნდა დაირღვეს, ჩვენ იმედს გამოვთქვამთ რომ ეს პროცესი შეიცვლება. მზად ვართ დიალოგისთვის, პარტნიორობისთვის, მსჯელობისთვის ნებისმიერ საკითხზე მუდმივად ხაზს ვუსვამ, მაგრამ მათი ქმედება, მათი ეს დამოკიდებულება შეურაცხმყოფელიც არის. შეურაცხყოფას აყენებენ საქართველოს მოქალაქეების უმრავლესობას. პარადოქსია, რომ თითქოს ქართველ ხალხზე აქვთ აქცენტი, არჩევნების დროს რომ აკეთებდნენ, არღვევდნენ ამ კონვენციას და პირდაპირი მნიშვნელობით ერეოდნენ არჩევნებში, ქართველ ხალხზე ჰქონდათ თითქოს აქცენტი და ეს ხალხი, უმრავლესობა არის ამ ხელისუფლების მხარდამჭერი და ამ ხალხს რატომ აყენებ შეურაცხყოფას, რატომ თვლი, რომ ეს ადამიანები ვერ აზროვნებენ, გონიერები არ არიან და ვერ ხედავენ რაში არის საქმე და რაში არის ჩარევა“,- განაცხადა მიხეილ ყაველაშვილმა აჭარის ტელევიზიის ეთერში.

რადიკალიზმის პირობებში ვერც ერთ ქვეყანაში ვერ შედგება ჯანსაღი დემოკრატიული სისტემა, რადიკალიზმის დასრულება იქნება დასაწყისი იმ პროცესისთვის, რომელიც დაკავშირებულია ქვეყანაში ჯანსაღი, სრულფასოვანი დემოკრატიული სისტემის ჩამოყალიბებასთან
რადიკალიზმის პირობებში ვერც ერთ ქვეყანაში ვერ შედგება ჯანსაღი დემოკრატიული სისტემა, აქედან გამომდინარე, რადიკალიზმის დასრულება იქნება დასაწყისი იმ პროცესისთვის, რომელიც დაკავშირებულია ქვეყანაში ნამდვილი, ჯანსაღი, სრულფასოვანი დემოკრატიული სისტემის ჩამოყალიბებასთან, – ამის შესახებ საქართველოს პრემიერ-მინისტრმა ირაკლი კობახიძემ „იმედი LIVE”-ში განაცხადა.
მთავრობის მეთაურმა აღნიშნა, რომ მმართველი გუნდი სწორედ ამ პასუხისმგებლობით მოქმედებს.
პრემიერ-მინისტრმა უპასუხა საკონსტიტუციო სარჩელთან დაკავშირებულ კითხვას და აღნიშნა, რომ ეს პროცესი დემოკრატიული სისტემის ჩამოყალიბების დასაწყისი იქნება.
„ჩვენ მთელი ამ წლების განმავლობაში ვერ შევძელით საქართველოში სრულფასოვანი ჯანსაღი დემოკრატიული სისტემის ჩამოყალიბება სწორედ ამ რადიკალიზმის გამო, რომელსაც აღვივებენ კონკრეტული პოლიტიკური ძალები. ეს არიან ის პოლიტიკური ძალები, რომლებიც მოქმედებენ გარე ძალების კარნახით. მათ არ აქვთ საკუთარი დღის წესრიგი, ისინი არ მუშობენ ქართველ ხალხთან. ერთადერთი, ვისთანაც მუშაობენ, არიან თავიანთი ხელმძღვანელები ქვეყნის გარეთ და საბოლოო ჯამში მათი მთავარი დავალება არის ქვეყანაში რადიკალიზმის გაღვივება. რადიკალიზმის პირობებში ვერც ერთ ქვეყანაში ვერ შედგება ჯანსაღი დემოკრატიული სისტემა, აქედან გამომდინარე, რადიკალიზმის დასრულება იქნება დასაწყისი იმ პროცესისთვის, რომელიც დაკავშირებულია ქვეყანაში ნამდვილი, ჯანსაღი, სრულფასოვანი დემოკრატიული სისტემის ჩამოყალიბებასთან. სწორედ ამ პასუხისმგებლობით ვოქმედებთ ჩვენ, ეს არ არის ჩვენი სუბიექტური ინტერესი“, – აღნიშნა ირაკლი კობახიძემ.

თავდაცვისუნარიანი დემოკრატიის კონცეფციაში არის ასეთი ხატოვანი გამონათქვამი – არავითარი თავისუფლება თავისუფლების მტრებს, ასეთი კონცეფციით ხდება ხოლმე პარტიების აკრძალვა, ნონსენსია, რომ შენ ისარგებლო დემოკრატიის კონკრეტული სიკეთეებით, თუ თავად უპირისპირდები დემოკრატიის იდეას
თუ გინდა რადიკალიზმი, თუ გინდა პოლარიზაციის გაღვივება, შენ უნდა მიგიჩინოს სამართლებრივმა სისტემამ შენი ადგილი, ზუსტად ამას ემსახურება საკონსტიტუციო სარჩელი, – ამის შესახებ საქართველოს პრემიერ-მინისტრმა ირაკლი კობახიძემ „იმედი LIVE“-ში განაცხადა.
როგორც მთავრობის მეთაურმა აღნიშნა, რადიკალური პოლიტიკური ძალები საარჩევნო პროცესებში ვეღარ ჩაერთვებიან, ეს არის პრინციპული.
„ნებისმიერ ქვეყანაში მთავარ შედეგად პარტიების აკრძალვა იძლევა ამ მოცემულობას, რომ არაკონსტიტუციური პარტიები ვეღარ იღებენ მონაწილეობას არჩევნებში. ეს არის კლასიკური ამოცანა ნებისმიერ ქვეყანაში პარტიის აკრძალვის. გახსოვთ, რომ ყოველ ჯერზე რადიკალიზმის, პოლარიზაციის გაღვივებისთვის მთავარ ინსტრუმენტად ეს პოლიტიკური პარტიები იყენებდნენ ხოლმე სწორედ არჩევნებს და ეს ინსტრუმენტიც გამოეცლებათ იმ პირობებში, როდესაც ისინი აღარ მიიღებენ არჩევნებში მონაწილეობას. არჩევნებში არ არის ამ პოლიტიკური პარტიების ადგილი. თუ გინდა რადიკალიზმი, თუ გინდა პოლარიზაციის გაღვივება, შენ უნდა მიგიჩინოს სამართლებრივმა სისტემამ შენი ადგილი. ზუსტად ამას ემსახურება ეს სარჩელი. არ შეიძლება, ასეთმა პარტიებმა არჩევნებში მიიღონ მონაწილეობა. არსებობს ასეთი კონცეფცია სამართლის თეორიაში, რომელსაც ძალიან ხშირად იყენებს მართლმსაჯულება, მათ შორის ჩვენი საკონსტიტუციო სასამართლო, სტრასბურგის სასამართლო, ამ კონცეფციას ეწოდება თავდაცვისუნარიანი დემოკრატიის კონცეფცია, ასეთი ხატოვანი გამონათქვამიც არის, რომ არავითარი თავისუფლება, თავისუფლების მტრებს – ასეთი კონცეფციით ხდება ხოლმე პარტიების აკრძალვა“, – განაცხადა ირაკლი კობახიძემ.
მისივე თქმით, დემოკრატიულმა სისტემამ თავი უნდა დაიცვას ისეთი პოლიტიკური ძალებისგან, რომლებიც დემოკრატიას უპირისპირდებიან.
„ნონსენსია, რომ შენ ისარგებლო დემოკრატიის კონკრეტული სიკეთეებით, თუ თავად უპირისპირდები დემოკრატიის იდეას. იცით, რომ ეს პოლიტიკური ძალები ძირშივე უპირისპირდებიან დემოკრატიის იდეას, ამიტომ ასეთმა ძალებმა დემოკრატიით არ უნდა ისარგებლონ. ეს არის თავდაცვისუნარიანი დემოკრატიის კონცეფციის არსი და ზუსტად ამას ეფუძნება ის სარჩელი, რომელიც მომზადებულია საკონსტიტუციო სასამართლოში წარსადგენად“, – განაცხადა ირაკლი კობახიძემ.

ჩვენ გვაქვს სურვილი გავხდეთ ევროკავშირის წევრი, თუმცა იმ ღირებულებებით, რასაც საუკუნეებია ვიცავთ – გვინდა, რომ ჩვენი ეროვნული ინტერესი იყოს გამოკვეთილად დაცული
გათვითცნობიერებული გვაქვს და მოქალაქეებიც ინფორმირებული არიან, რომ დიახ, ჩვენ გვაქვს სურვილი, რომ გავხდეთ ევროკავშირის წევრი, ევროპის ნაწილი, თუმცა იმ ღირებულებებით, რასაც საუკუნეებია ვიცავთ და გვინდა, რომ ჩვენი ეროვნული ინტერესი იყოს გამოკვეთილად დაცული. საშინაო დავალება იქნება, კანონმდებლობის შეცვლა თუ ა.შ. ექვემდებარება პარტნიორულ ურთიერთობას, დიალოგს და სჯა-ბაასს იმასთან დაკავშირებით, თუ რას ეწინააღმდეგება ჩვენი მიღებული კანონები, რომელ საერთაშორისო სამართალს ეწინააღმდეგება. ესე არ არის, რომ მხოლოდ სურვილის მიხედვით ვიმოქმედოთ, მითუმეტეს სამართლებრივ სივრცეში, როცა კანონზე აქვთ საუბარი, კანონი უნდა განიხილებოდეს, რაში ეწინააღმდეგება საერთაშორისო სამართალს. ამისთვის ჩვენ მზად ვართ, მუდმივად მზადყოფნას გამოვთქვამთ, – ასე უპასუხა საქართველოს პრეზიდენტმა, მიხეილ ყაველაშვილმა, ჟურნალისტის კითხვას გადაცემაში „თავისუფალი სივრცე“ ევროკავშირის ელჩის განცხადებაზე, რომლის თქმითაც, საქართველოში მიღებული კანონებით ქვეყანა ვერ გახდება ევროკავშირის წევრი, რადგან ის ეწინააღმდეგება ევროკავშირის პრინციპებს.
როგორც პრეზიდენტმა აღნიშნა, ევროკავშირის ელჩის გზავნილი არ შეეფერება იმ გაერთიანების ძალისხმევას, რისთვისაც შეიქმნა ევროკავშირი – აუცილებლად უნდა იყოს გათვალისწინებული ყველა წევრის ინტერესები და ქვეყანამ უნდა შეინარჩუნოს მისი იდენტობა.
„ჩვენი ევროკავშირში გაწევრიანების პროცესი დღეს არ დაწყებულა. მუდმივად არის ამაზე აპელირება, რომ ჩვენ ევროპა ვართ და ევროპაში გვინდა და ეს დიდი სურვილია ჩვენი წინაპრების, არაერთი თაობა იყო ამის მოსურნე და უამრავი ქარტეხილები გაიარა ჩვენმა ქვეყანამ იმისათვის, რომ ევროპის სრულუფლებიანი წევრი გამხდარიყო – ეს პროცესი არ შეჩერებულა, მაგრამ 3000 წლოვანი ქვეყანა ვართ, რომელსაც ძალიან ბევრი გამოწვევა ჰქონდა ამ საუკუნეების მანძილზე, საკმაოდ დიდი გამოცდილება შეიძინა, იმისთვის, რომ პრევენცია განახორციელოს და მთავარ საკითხად ყოველთვის იყოს შენარჩუნებული მისი იდენტობა”,- განაცხადა საქართველოს პრეზიდენტმა.

ნორვეგიულმა ნავთობისა და გაზის კომპანია Equinor ASA-მ 2025 წლის მესამე კვარტალი წმინდა ზარალით დაასრულა, რაც ნახშირწყალბადების ფასების შემცირებასა და აქტივების ჩამოწერას უკავშირდება.
ივლის-სექტემბერში კომპანიის წმინდა ზარალმა 204 მილიონი აშშ დოლარი შეადგინა, წინა წლის ანალოგიურ პერიოდში 2.285 მილიარდი აშშ დოლარის წმინდა მოგებასთან შედარებით. კორექტირებული მოგება 31%-ით შემცირდა და 1.67 მილიარდ აშშ დოლარს მიაღწია.
შემოსავალი 2%-ით გაიზარდა და 26.05 მილიარდ დოლარს მიაღწია.

სერია A-ს მე-9 ტურში “იუვენტუსმა” “უდინეზეს” უმასპინძლა და 3:1 დაამარცხა. აღნიშნულ მატჩში საბა გოგლიჩიძე სტუმართა ძირითად შემადგენლობაში იყო და შეხვედრა შეუცვლელად ჩაატარა. სამწუხაროდ, საბას მოქმედებებს “უდინეზეს” კარში 2 პენალტი მოჰყვა.
ქართველმა ცენტრალურმა მცველმა დებიუტში ვლაჰოვიჩი წააქცია და პენალტი თავად დაზარალებულმა ზუსტად შეასრულა. მატჩი ორმხრივი შეტევების ფონზე მიმდინარეობდა, პირველი ტაიმის მიწურულს კი ნიკოლო ძანიოლომ სხვაობა აღადგინა.
მეორე ტაიმში “ბებერი ქალბატონი” გააქტიურდა, თუმცა მომენტების გარეშე არც სტუმრები დარჩნენ. 49-ე წუთზე “ბიანკონერის” საჯარიმოში გოგლიჩიძემ კალულუს საჰაერო ორთაბრძოლაში აჯობა და ბურთი თავით კარისკენ გადაგზავნა, თუმცა დი გრეგორიომ ურთულესი ბურთი მოიგერია. მოწოდების სიმაღლეზე იყო “უდინეზეს” მეკარეც, მადუკა ოკოიემ საკუთარი გუნდი გაშვებული გოლისგან არაერთხელ იხსნა, მაგრამ 67-ე წუთზე ფედერიკო გატის დარტყმულ ბურთს ვერაფერი მოუხერხა და “იუვე” წინ გავიდა. შეხვედრის ბოლოს საბამ საჯარიმოში ქენან ილდიზის წინააღმდეგ იუხეშა, ეპიზოდის VAR-ზე გადამოწმების შემდეგ კი შეხვედრაში მეორე თერთმეტმეტრიანი დაინიშნა, რომელიც გოლად თავად თურქმა ფეხბურთელმა აქცია და შეხვედრის საბოლოო ანგარიშიც დააფიქსირა.
აღსანიშნავია, რომ “ბიანკონერიმ” ყველა ტურნირზე 8-მატჩიანი მოუგებელი სერია დაასრულა.
“უდინეზე” 12 ქულით მე-9 ადგილზეა და 1-ელ ნოემბერს “ატალანტას” უმასპინძლებს. “იუვენტუსი” 15 ქულით ჯერჯერობით მე-6 პოზიციაზე იმყოფება და იმავე დღეს სტუმრად “კრემონეზეს” შეხვდება, სადაც დიდი ალბათობით ტურინულ გუნდს ლუჩანო სპალეტი უხელმძღვანელებს.
იუვენტუსი – უდინეზე 3:1
გოლები: 1:0 ვლაჰოვიჩი (5), 1:1 ძანიოლო (45+1), 2:1 გატი (67), 3:1 ილდიზი (90+6)
გოგლიჩიძე ისევ არ ათამაშეს – “უდინეზე” დამარცხდა
“უდინეზეს” მწვრთნელი: გოგლიჩიძე შანსის გამოსაყენებლად მზად უნდა იყოს
გოგლიჩიძემ ისევ შეუცვლელად ითამაშა – “უდინეზემ” გაიმარჯვა და მერვე ადგილზე გადავიდა
20 წლის ქართველის დებიუტი სერია A-ში და შეუცვლელი გოგლიჩიძე
გოგლიჩიძის გარეშე – “უდინეზე” მერვედფინალში გავიდა
სპალეტი საქმეში ბრუნდება? “იუვენტუსმა” იგორ ტუდორი გაათავისუფლა
გოგლიჩიძემ შეუცვლელად ითამაშა – “უდინეზე” “კალიარის” დაუზავდა
“სპორტინგმა” ქოჩორაშვილის გარეშე მოიგო – “რეალმა” “იუვენტუსი” ბელინგემის გოლით დაამარცხა
საიუბილეო მე-300 მატჩი და მე-4 საუკეთესო შედეგი – კურტუა ბრწყინვალე ასპარეზობას განაგრძობს

: მართალია, ტრამპის პრეზიდენტად არჩევის შემდეგ, მან თავიდან თითქოს დაიწყო გარკვეული ქმედებები “დიპ სტეიტის” წინააღმდეგ, მაგრამ ვხედავთ, რომ ამ სიტყვების უკან არაფერი დგას და ის ასრულებს არაფორმალური ოლიგარქიული მმართველობის დაკვეთას
ვხედავთ, რომ ის პოლიტიკური, სტრატეგიული პარტნიორები, რომლებიც აქამდე საქართველოს საგარეო პოლიტიკაში მოიაზრებოდნენ, არიან არაფორმალური ოლიგარქიული მმართველობის ქვეშ, მე ვგულისხმობ ევროკავშირს და პირველ რიგში, ამერიკის შეერთებულ შტატებს, – ამის შესახებ “ერთიანი ნეიტრალური საქართველოს” ერთ-ერთმა დამფუძნებელმა, ბიძინა გიორგობიანმა, გადაცემაში “ღამის კურიერი” განაცხადა.
მისი თქმით, ტრამპმის სიტყვების უკან, რომ ის “დიპ სტეიტს” ებრძვის, არაფერი დგას და პირიქით, აშშ-ის პრეზიდენტი, წინამორბედის მსგავსად, სწორედ არაფორმალური ოლიგარქიული მმართველობის დავალებებს ასრულებს.
“მართალია, დონალდ ტრამპის პრეზიდენტად არჩევის შემდეგ მან თითქოს თავიდან დაიწყო გარკვეული ქმედებები “დიპ სტეიტის” წინააღმდეგ – ამ სიტყვების ქვეშ იგულისხმება სწორედ ის არაფორმალური ოლიგარქიული მმართველობა – მაგრამ, ჩვენ ვხედავთ, რომ ამ სიტყვების უკან არაფერი არ დგას და ის ასრულებს მათ დაკვეთას და მიდის მათი საქმიანობის გზით, როგორც წინა ადმინისტრაციის რეჟიმში იყო.
სიტყვიერად ამბობს, [რომ ებრძვის “დიპ სტეიტს”], ამბობს, მაგრამ, მარტო ჩვენი მაგალითით თუნდაც, თქვენ ნახეთ, რომ 4 ოქტომბრის სახელმწიფო გადატრიალების მცდელობა არც ევროკავშირის რომელიმე სტრუქტურამ, არც აშშ-ის სახელმწიფო ადმინისტრაციამ ან სახელმწიფო მდივანმა არც დაგმო, არც გამოეხმაურა პირდაპირ შტურმს პრეზიდენტის რეზიდენციაზე. ასეთივე შტურმი ჩვენ ვნახეთ თეთრი სახლის შემთხვევაშიც, მაშინ მთელი ამბავი იყო, იქ ბევრი ხალხი იყო დაპატიმრებული და ა.შ.
იმის თქმა მინდა, რომ დღეს არსებული სურათი, განსაკუთრებით ევროკავშირში, ჩვენ გვაძლევს იმის თქმის უფლებას, რომ ყოფილი სტრატეგიული პარტნიორების არჩევანში საქართველომ დაუშვა შეცდომა თავის დროზე,” – განაცხადა ბიძინა გიორგობიანმა.

პარტიების აკრძალვა ჩვენი სუბიექტური ინტერესი არ არის, უკვე 13 წელია, ზედიზედ 10 არჩევნები მოვიგეთ, ჩვენ გვამოძრავებს ობიექტური ინტერესი, რომ საქართველოში უზრუნველვყოთ ჯანსაღი სისტემის ჩამოყალიბება, ქვეყნის ინტერესები უნდა იყოს დაცული
უკვე 13 წელია, ჩვენ ზედიზედ 10 არჩევნები მოვიგეთ იმ პოლიტიკურ ძალასთან, რომლის აკრძალვაზეც არის საუბარი; დღესდღეობით სუბიექტურად ჩვენთვის ეს არ არის პრობლემა, „ქართული ოცნება“ რჩება ხელისუფლებაში, იღებს ქართველი ხალხისგან მანდატს ყოველ ჯერზე, მაგრამ ეს არ არის საკმარისი, მთავარია, რომ ქვეყნის ინტერესები უნდა იყოს დაცული, – ამის შესახებ საქართველოს პრემიერ-მინისტრმა ირაკლი კობახიძემ „იმედი LIVE”-ში განაცხადა.
მთავრობის მეთაურის თქმით, ყოველ ჯერზე არჩევნებში გამარჯვება მმართველ გუნდს საბოლოო ჯამში არ აძლევს ქვეყანაში სრულფასოვანი პოლიტიკური დემოკრატიული სისტემის ჩამოყალიბების შესაძლებლობას და საკონსტიტუციო სარჩელის მომზადებისას სწორედ ეს პასუხისმგებლობა იყო მთავარი.
„შეიძლება, ჩვენ ვიგებდეთ ყოველ ჯერზე არჩევნებს, ვინარჩუნებდეთ ჩვენს მანდატს, რომელსაც ხალხისგან ვიღებთ არჩევნებზე, მაგრამ საბოლოო ჯამში ეს ვერ გვაძლევს მთავარი ამოცანის შესრულების შესაძლებლობას – ეს არის ის, რომ ჩვენ უნდა ჩამოვაყალიბოთ ქვეყანაში ნამდვილი, სრულფასოვანი პოლიტიკური დემოკრატიული სისტემა. ეს პასუხისმგებლობა გვამოძრავებს სწორედ. არა სუბიექტური ინტერესი, რომ დავრჩეთ ხელისუფლებაში. ისედაც ვახერხებთ. გვიადვილებს კიდეც რაღაც კუთხით ამ პოლიტიკური ძალების არსებობა ხელისუფლებაში დარჩენას. როდესაც შენი ერთადერთი ოპონენტი არის სრულიად გაცვეთილი პოლიტიკური ძალა, რა თქმა უნდა, ეს შანსებს გიზრდის მმართველ პარტიას. ეს არ არის სუბიექტური ინტერესი. ჩვენ გვამოძრავებს ობიექტური ინტერესი, რომ საქართველოში უზრუნველვყოთ ჯანსაღი სისტემის ჩამოყალიბება“, – განაცხადა ირაკლი კობახიძემ.

ცოდნე დადიანის ქუჩაზე მეათე სკოლასთან დაკავშირებით საპროტესტო აქცია დღესაც გაიმართა.
სკოლის მოსწავლეები და მშობლები მეათე საჯარო სკოლისთვის ფართის გამოყოფას ითხოვენ.
ასევე, სოციალურ ქსელში გავრცელდა აქციიდან ვიდეო, რომელში ჩანს, რომ ტერიტორიაზე, სადაც აქციის მონაწილეები დგანან, მანქანა შედის და “დრიფტაობს”.
როგორც ცნობილია, მეათე საჯარო სკოლის მოსწავლეები და მშობლები აპროტესტებენ ონლაინ სწავლებას და ითხოვენ, განათლების სამინისტრომ მეათე სკოლას ალტერნატიული ფართი გამოუყოს, ასევე, აშენდეს ახალი სკოლა. მშობლების ინფორმაციით, შენობა ავარიულია, ონლაინ სწავლება კი მათი შვილების „დაღუპვას“ ნიშნავს.

სამსახურებრივი უფლებამოსილების ბოროტად გამოყენების ბრალდებით დაკავებულ, საქართველოს მუნიციპალური განვითარების ფონდის ყოფილი აღმასრულებელი დირექტორს დავით ტაბიძეს აღკვეთის ღონისძიების სახით 300 ათასი ლარის ოდენობის გირაო შეეფარდა.
გადაწყვეტილება მოსამართლე ირაკლი ხუსკივაძემ მიიღო.
საქმე ეხება მუნიციპალური განვითარების ფონდიდან 30 საბავშვო ბაღის რეაბილიტაციისთვის გამოყოფილი 9 365 801 ლარის თაღლითურად დაუფლებისა და 1 211 000 ლარის უკანონო შემოსავლის ლეგალიზაციის საქმეს, რაზეც დაკავებულები არიან შპს „ლაგი კაპიტალის“ ხელმძღვანელი პირები.
აღნიშნულ საქმეზე ასევე დაკავებულები იყვნენ ფონდის პროგრამის მენეჯერი და ამავე სამსახურის პროექტის მენეჯერი, რომლებმაც გამოძიებასთან ითანამშრომლეს და მათ აღკვეთის ღონისძიების სახით გირაო შეეფარდათ.
„გამოძიებით დადგენილია, რომ ისინი ფლობდნენ ინფორმაციას, რომ შპს „ლაგი კაპიტალის“ მიერ 2023 წლის ივლისიდან 2024 წლის მაისამდე პერიოდში წარდგენილი ავანსის მოთხოვნები იყო დაუსაბუთებელი და მხოლოდ ნაწილობრივ უზრუნველყოფილი. დასახელებულმა პირებმა სამსახურებრივი უფლებამოსილება ბოროტად გამოიყენეს და უპირატესობის მინიჭების მიზნით, მიუხედავად იმისა, რომ კომპანიის მიერ 2023 წლის ივლისის თვეში მიღებული ავანსი არ იყო დახარჯული მიზნობრივად, 2023-2024 წლებში შპს „ლაგი კაპიტალზე“ საბავშვო ბაღების რეაბილიტაციისთვის მაინც გასცეს 11 218 380 ლარის დაუსაბუთებელი ავანსი, საიდანაც შპს „ლაგი კაპიტალის“ ხელმძღვანელი პირები თაღლითურად დაეუფლნენ 9 365 801 ლარს“, — ნათქვამია ფინანსთა სამინისტროს საგამოძიებო სამსახურის განცხადებაში.

2025 წლის წლის 9 თვის მონაცემებით, საქართველოს აეროპორტები რეკორდული რაოდენობის მგზავრსა და რეისებს მოემსახურნენ. იანვარ-სექტემბრის განმავლობაში განხორციელებული ფრენების რაოდენობა ჯამურად, (28 681) 18%-ით აღემატება 2024 წლის ანალოგიურ პერიოდში განხორციელებული ფრენების (24 348) რაოდენობას.
საქართველოს აეროპორტების გაერთიანების გენერალური დირექტორის, ლევან მოსეშვილის განცხადებით, 2025 წლის პირველი 9 თვის მონაცემებით, საქართველოს აეროპორტებში ისტორიულად მაღალი მგზავრთნაკადი და რეისების რაოდენობა დაფიქსირდა. იანვარ-სექტემბერში საქართველოს აეროპორტები 6 489 755 მგზავრს მოემსახურნენ, რაც 2024 წლის ანალოგიურ პერიოდში არსებული მგზავრთნაკადის (5 682 304) რაოდენობას 14%-ით მეტია.
,,2025 წლის პირველი ცხრა თვის მონაცემები ცხსდყოფს უპრეცედენტო ზრდას საქართველოს საავიაციო სექტორში. ჩვენი აეროპორტები 6 ნახევარ მილიონამდე მგზავრს მოემსახურნენ, რაც რეკორდული მაჩვენებელია.
ფრენების და მგზავრთნაკადის ზრდა ნათლად ასახავს ჩვენი სწორად დაგეგმილი საავიაციო პოლიტიკის შედეგს და იმ დინამიკურ განვითარებას, რომელიც საქართველოს რეგიონში კიდევ უფრო გამორჩეულ პოზიციაზე აყენებს,-‘’განაცხადა ლევან მოსეშვილმა.
იანვარ-სექტემბერში თბილისის საერთაშორისო აეროპორტი 4 067 202 მგზავრს მოემსახურა და ზრდამ 2024 წლის ანალოგიურ პერიოდთან მიმართებაში 12%-ი შეადგინა. ქუთაისის დავით აღმაშენებლის სახელობის საერთაშორისო აეროპორტმა 9 თვეში 1 407 814 მგზავრი მიიღო და მოემსახურა, რაც 10%-ით აღემატება გასული წლის მონაცემებს. ყველაზე მაღალი ზრდა კი ბათუმის საერთაშორისო აეროპორტში დაფიქსირდა, კერძოდ, 9 თვეში აეროპორტი 995 099 მგზავრს მოემსახურა, რაც შარშან გადაყვანილი მგზავრების რაოდენობაზე 32%-ით მეტია.
ინფორმაციას აეროპორტების გაერთიანება ავრცელებს

ბიზნესების დაცვის მოტივით, ბარათით გადახდის მაქსიმალური საკომისიო შესაძლოა 0.5% გახდეს – პარლამენტში შესაბამისი საკანონმდებლო ინიციატივა სექტემბერში დარეგისტრირდა. ცვლილების ინიციატორები მიუთითებენ, რომ დღეისათვის პოსტერმინალებით გადახდის მთლიანი საკომისიო საკმაოდ მაღალია, რაც ბიზნესისთვის მძიმე ფინანსური წნეხია.
BTU-ს ასოცირებულ პროფესორი მაია ხელაძე “საქმის კურსთან” ინტერვიუში აცხადებს, რომ ინიციატივას ახლავს რისკები, რომელიც გასათვალისწინებელია. მისი განმარტებით, ამის თქმის საფუძველს ევროკავშირში 2015 წელს მიღებული რეგულაცია აძლევს, რომელმაც ბარათით გადახდების საკომისიოები დაადგინა. მისი შეფასებით, რეგულაციის ამოქმედებამ სამერჩანტო ქსელს მოსალოდნელი ეკონომია არ მოუტანა და უფრო მეტიც, ბაზრის მონაწილეების ბაზრიდან გასვლის რისკები გააჩინა.
“ორი მიმართულებაა, რისთვისაც ღირს ამ რეგულაციის შემოღება და ასე ვთქვათ, სამერჩანტო საკომისიოს ზღვრის დაწესება. ერთია, რომ მეტი მერჩანტი მოვიზიდოთ ჩვენს ქსელში და უნაღდო ანგარიშსწორებას შეეწყოს ხელი და მეორე მიმართულება არის ფინტექ სექტორის და მცირე მოთამაშეების ხელშეწყობა, რომელიც იკითხება ამ კანონპროექტში. კერძოდ, ექვაირინგის მიმართულებით, სამერჩანტო ქსელების სისტემების განვითარება, მათთვის სხვადასხვა შესაძლებლობების მიცემა, აპლიკაციების შეთავაზება იმისთვის, რომ რაც შეიძლება ფართო სპექტრი მოიცვას გადახდების ფორმებმა.
ის, რომ რისკები არსებობს, ამის თქმის საფუძველს ის გვაძლევს, როგორ განვითარდა სხვა პრეცედენტები, მაგალითად, ევროკავშირში, სადაც ეს რეგულაცია ევროპულმა პარლამენტმა მიიღო 2015 წელს, 29 აპრილს და მას შემდეგ მოქმედებს, როდესაც მაქსიმალური სამერჩანტო საკომისიო განისაზღვრა სადებეტო ბარათებისთვის 0,2%-ის ოდენობით და საკრედიტო ბარათების შემთხვევაში 0,3%-ის ოდენობით და ინტერნეტ გადახდებზე 1,5%-იანი ზღვარი განისაზღვრა. მოსალოდნელი შედეგი, რაც უნდა დამდგარიყო, 6 მილიარდი დოლარის ეკონომია სამერჩანტო ქსელისთვის, ვერ მიიღეს, დანაზოგი იყო მხოლოდ მოსალოდნელი თანხის 50%.
იგივე რომ არ განმეორდეს ჩვენთანაც, საჭიროა უფრო ფოკუსირებული მიდგომა. იმიტომ, რომ რისკები, რომელიც დგება, არის ის, რომ შეიძლება მოთამაშეები გავიდნენ ბაზრიდან, ისინი, ვინც უზრუნველყოფენ ამ გადახდების სისტემის ამოქმედებას,“- ამბობს BTU-ს ასოცირებულ პროფესორი მაია ხელაძე.
ჯერჯერობით ინიციატივის განხილვა პარლამენტში არ დაწყებულა, შეფასებები არ კეთდება არც საბანკო ასოციაციის მხრიდან. გასულ კვირას საკითხთან დაკავშირებით კომენტარი გააკეთა ეროვნული ბანკის პრეზიდენტმა ნათია თურნავამ, რომელიც ამბობს, რომ კომუნიკაცია ექნებათ საბანკო სექტორთან.
bm.ge

აფხაზეთში რამდენიმე პოლიტიკური პარტია და საზოგადოებრივი მოძრაობა [“ФНЕА” , “АПСНЫ”, “АКЗААРА”, “АРУАА”, “АНД”
“СОВРЕМЕННОЕ ГОСУДАРСТВО” ] დე ფაქტო პრეზიდენტ ბადრა გუნბას მიმართავს მოწოდებით, გაწმინდოს ხელისუფლება იმ პირებისგან, რომლებიც მას იმიჯს ულახავენ. მათ შორისაა ლაშა საკანია, რომელიც საქართველოს ყოფილი პარლამენტარის ირმა ინაშვილის აფხაზეთში ვიზიტზე პასუხისმგებელ პირად დაასახელეს აფხაზეთში.
„ერთ-ერთი ასეთი პირია ე.წ. ეროვნული ფრონტის ალიანსის (НФА) ლიდერი და თქვენი სპეციალური წარმომადგენელი СНГ-სა და BRICS-ის ქვეყნებში ლაშა საკანია. ლ. საკანიამ 2020 წლის ზაფხულში, სკანდალის შემდეგ, დატოვა აფხაზეთის პრეზიდენტის ასლან ბჟანიას თანაშემწის თანამდებობა. სკანდალი უკავშირდებოდა აფხაზეთისა და საქართველოს სახელმწიფო საზღვრის უკანონო გადაკვეთას საქართველოს პარლამენტის დეპუტატების მიერ „ენგურის“ საკონტროლო-გამშვებ პუნქტზე. მათ შორის იყო ირმა ინაშვილი – საქართველოს სახელმწიფო საბჭოს ჯარების სამხედრო კორესპონდენტი, რომელსაც ჰქონდა ომის ვეტერანის სტატუსი. მოცემულმა ინციდენტმა აფხაზეთის ეროვნულ -თავდაცვითი ომის ვეტერანებსა და მთლიანად საზოგადოებაში სამართლიანი აღშფოთება გამოიწვია. სანდო ინფორმაციის თანახმად, სწორედ ლ. საკანია იყო ქართული დეპუტატების ვიზიტის მთავარი ორგანიზატორი და ის პირადად ატარებს პასუხისმგებლობას მომხდარზე. ორგანიზაცია „არუაას“ წარმომადგენლების შეხვედრის შემდეგ პრეზიდენტ ასლან ბჟანიასა და სერგეი შამბასთან, სადაც ვეტერანებმა მოითხოვეს საკანიას დაუყოვნებლივი გადადგომა, პრეზიდენტი მათ პოზიციას დაეთანხმა და უკვე მეორე დღეს საკანია გადადგა. მოგვიანებით ის კვლავ სკანდალის ცენტრში მოექცა – „ფსოუს“ საკონტროლო პუნქტზე დააკავეს, როცა ცდილობდა კრიპტოვალუტის მაინინგის აპარატურის გადატანას იმ პარლამენტარის ავტომობილით, რომლის ასისტენტიც იყო. ამ შემთხვევის შემდეგაც იგი იძულებული გახდა, დაეტოვებინა თანამდებობა. თუმცა, 2024 წლის შემოდგომაზე აფხაზეთის ყოფილმა პრეზიდენტმა კვლავ დანიშნა საკანია საკუთარ წარმომადგენლად. დღეს იგი ამ სტატუსს და სახელმწიფოს მეთაურის ხელმოწერით გაცემულ მოწმობას იყენებს პირადი კონტაქტების მოსამყარებლად და საკუთარი კომერციული ინტერესების გასატარებლად, რაც ზიანს აყენებს ქვეყნის რეპუტაციას და დისკრედიტაციას უწევს სახელმწიფო სამსახურის ინსტიტუტს. ჩვენ მიგვაჩნია, რომ ხელისუფლების გაწმენდა მსგავსი ფიგურებისგან აუცილებელი პირობაა საზოგადოების ნდობის აღსადგენად და სახელმწიფო დისციპლინის გასამყარებლად. ამასთან დაკავშირებით გთავაზობთ, ბატონო ბადრა ზურაბოვიჩ, დაიწყოთ სახელმწიფო აპარატის სისტემური გაწმენდის პროცესი და პირველ ნაბიჯად, გაათავისუფლოთ ლაშა საკანია მის მიერ დაკავებული ყველა თანამდებობიდან,“ – აღნიშნულია მიმართვაში.

საქართველოს ტექნიკურ უნივერსიტეტში სამუშაო ვიზიტით მყოფმა ცნობილმა ფიზიკოსმა, ბირთვული კვლევების ევროპული ორგანიზაციის (CERN) მეცნიერმა, CERN/ CMS კოლაბორაციისა და ექსპერიმენტის ერთ-ერთმა ლიდერმა, პროფესორმა ტიციანო კამპორეზიმ სტუ-ის სტუდენტებისთვის საჯარო ლექცია – Fundamental Research is Good for Your Health („ფუნდამენტური კვლევა სასარგებლოა თქვენი ჯანმრთელობისთვის“) ჩაატარა.
ინფორმაციას საქართველოს ტექნიკური უნივერსიტეტი ავრცელებს.
სტუ-ის ცნობით, საჯარო ლექციას უნივერსიტეტის ვიცე-რექტორები თამარ წერეთელი და თამარ ლომინაძე, ინფორმატიკისა და მართვის სიტემების ფაკულტეტის საინჟინრო და სამედიცინო ფიზიკის, ბიოსამედიცინო ინჟინერიის, მათემატიკის, ინფორმატიკისა და კომპიუტერული ინჟინერიის საგანმანათლებლო პროგრამების სწავლების სამივე საფეხურის სტუდენტები, საინჟინრო ფიზიკის დეპარტამენტის მკვლევრები, სტუ-ის კვანტური ფიზიკისა და საინჟინრო ტექნოლოგიების ინსტიტუტის, ასევე ბირთვული ინჟინერიის ცენტრის მეცნიერები, ინჟინრები და სტუ-ის CERN-LHC ჯგუფის წევრები ესწრებოდნენ.
საჯარო ლექცია ვიცე-რექტორმა, პროფესორმა თამარ წერეთელმა გახსნა. მან შეკრებილ საზოგადოებას CERN/CMS კოლაბორაციის ერთ-ერთი წამყვანი მეცნიერი, დოქტორი, პროფესორი ტიციანო კამპორეზი წარუდგინა.
ვიცე-რექტორის თქმით, CERN-ში მიმდინარე გლობალური სამეცნიერო ექსპერიმენტების მაგალითზე პროფესორ კამპორეზის მრავალწლიანი სამეცნიერო გამოცდილების გაზიარება საქართველოს ტექნიკური უნივერსიტეტის შესაბამისი პროგრამების სტუდენტებისთვის უდავოდ საინტერესო აღმოჩნდება. თამარ წერეთლის განცხადებით, ტიციანო კამპორეზი, რომელიც ამჟამად CERN/CMS კოლაბორაციის ერთ-ერთი ლიდერი და CERN/CMS კოლაბორაციის ყოფილი სპოუკსპერსონია, მრავალი წელია ბირთვული და ნაწილაკების ფიზიკის მიმართულებით უმნიშვნელოვანეს კვლევებშია ჩართული, ამასთან ერთად, ის წლების მანძილზე აქტიურად თანამშრომლობს საქართველოს ტექნიკურ უნივერსიტეტთან, რექტორთან, აკადემიკოს დავით გურგენიძესა და სტუ-ის CERN-LHC ჯგუფის წევრებთან.
როგორც თამარ წერეთელმა აღნიშნა, კოლაბორაციის ფარგლებში, CERN-ის მეცნიერმა არაერთი საჯარო ლექცია წაიკითხა სტუდენტებისა და სამეცნიერო წრეებისთვის, ხოლო დღევანდელი საჯარო ლექციით ის მიმოიხილავს, თუ რამდენად ეფექტიანად გამოიყენება მიმდინარე გლობალური ექსპერიმენტების ფარგლებში ნაწილაკების ფიზიკასა და ამაჩქარებლების ტექნოლოგიაში განხორციელებული ინოვაციები, კერძოდ კი რადიაციასთან დაკავშირებული კვლევები, ადამიანის ჯანმრთელობისთვის, დაავადებათა დიაგნოსტიკისა და მკურნალობის მეთოდების გაუმჯობესებისთვის.
პროფესორმა კამპორეზიმ საჯარო ლექცია მთავარი გზავნილით დაიწყო – რომ ფუნდამენტური მეცნიერება და მათ შორის ნაწილაკების ფიზიკა არ არის მხოლოდ აბსტრაქტული ცოდნა, არამედ ადამიანთა ჯანმრთელობისა და სიცოცხლის ხარისხის გაუმჯობესების საფუძველია. მეცნიერმა ისაუბრა იმაზე, თუ როგორ უკავშირდება ნაწილაკების ფიზიკაში ფუნდამენტური კვლევები და სამეცნიერო მიღწევები ადამიანის ჯანმრთელობას და მედიცინის განვითარებას; ხაზგასმით აღნიშნა, რომ სამეცნიერო კვლევების შედეგად იქმნება მოწინავე ტექნოლოგიები, რომლებიც სამედიცინო დიაგნოსტიკისა და მკურნალობის ახალ მეთოდებს უყრის საფუძველს.
ტიციანო კამპორეზის განმარტებით, რადიაცია, რომელიც ფუნდამენტური კვლევის ერთ-ერთი მთავარი ინსტრუმენტია, სიმსივნური უჯრედების განადგურების საშუალებას იძლევა.
CERN-ის მეცნიერმა ისაუბრა ამაჩქარებლების მეშვეობით რადიაციის კონტროლირებისა და იზოტოპების წარმოების პროცესებზე. მისი განმარტებით, ამაჩქარებელი, რომლითაც დამუხტული ნაწილაკების აჩქარება ხდება, ფართოდ გამოიყენება როგორც ფუნდამენტურ ფიზიკაში, ასევე სამედიცინო მიზნებისთვის, მათ შორის: იზოტოპების წარმოებისთვის, სამედიცინო დიაგნოსტიკასა და თერაპიაში; აღნიშნა, რომ რადიოგრაფია, ანგიოგრაფია, იზოტოპური კვლევები, კომპიუტერული ტომოგრაფია (CT) და პოზიტრონ-ემისიური ტომოგრაფია (PET) საშუალებას იძლევა არაინვაზიურად დავინახოთ ადამიანის შიდა ორგანოები და სისტემები, ხოლო კომბინირებული სისტემა PET/CT კი უზრუნველყოფს სხეულის ფუნქციური და ანატომიური მონაცემების ერთიანად მიღებას.
CERN-ის მეცნიერმა სტუდენტებს განუმარტა, რომ უჯრედის განადგურება ხდება მაშინ, როდესაც ის კარგავს გამრავლების უნარს – როცა რადიაცია მოქმედებს უჯრედის ბირთვზე და აზიანებს დნმ-ს და ხაზგასმით აღნიშნა, რომ პროტონული თერაპია დღეს ერთ-ერთი ყველაზე პერსპექტიული მიმართულებაა, რადგან პროტონები ენერგიას მიზნობრივად მიმართავს და არ აზიანებს ჯანმრთელ ქსოვილებს. მისი თქმით, მეცნიერები დღეს უკვე აქტიურად იკვლევენ მძიმე იონებით, მაგალითად ნახშირბადის იონებით მკურნალობის შესაძლებლობებს, რაც მომავალში შესაზლოა ონკოლოგიური დაავადებების წინააღმდეგ ბრძოლის გაცილებით ეფექტური მიმართულება გახდეს.
სტუ-­ის ინფორმაციით, საჯარო ლექციის დასრულების შემდეგ გაიმართა დისკუსია, რომელსაც მოდერაციას უწევდა სტუ-ის კვანტური ფიზიკისა და საინჟინრო ტექნოლოგიების ინსტიტუტის დირექტორი, CERN-LHC საუნივერსიტეტო ჯგუფის ლიდერი და CERN-ში საქართველოს მთავრობის წარმომადგენელი, პროფესორი ზვიად წამალაიძე. დისკუსიაში მონაწილეობდნენ სტუ-ის მეცნიერები, ახალგაზრდა მკვლევრები და სტუდენტები.

სრულიად საქართველოს კათოლიკოს-პატრიარქმა ილია მეორემ არქიმანდრიტი დოროთე ყურაშვილი ბეთლემის მაცხოვრის შობის სახელობის ტაძრის წინამძღვრობიდან გაათავისუფლა და სამების საპატრიარქო ტაძრის მღვდელმსახურად განაწესა.
შესაბამისი ბრძანება საპატრიარქოს საზოგადოებასთან ურთიერთობის სამსახური ავრცელებს.
„ა.წ. 29 ოქტომბრიდან არქიმანდრიტი დოროთე (ყურაშვილი) გათავისუფლდეს ქვემო ბეთლემის მაცხოვრის შობის სახელობის ტაძრის წინამძღვრობიდან და განმწესდეს წმ. სამების საპატრიარქო ტაძრის მღვდელმსახურად“, – ნათქვამია ბრძანებაში, რომელსაც ილია მეორე აწერს ხელს.
შეგახსენებთ, საქართველოს საპატრიარქოში გაიმართა მცხეთა-თბილისის ეპარქიული კომისიის სხდომა. ეპარქიულმა კომისიამ დასკვნის სახით დაადგინა, რომ არქიმანდრიტ დოროთეს ყურაშვილის მხრიდან “კვლავ იკვეთება დისციპლინური და ზნეობრივი ხასიათის დარღვევები, კერძოდ: ცილისმწამებლური, ასევე მღვდლისა და მონაზვნისათვის შეუფერებელი სხვა ქმედებები”. ეპარქიულმა კომისიამ შუამდგომლობით მიმართა სრულიად საქართველოს კათოლიკოს-პატრიარქს, უწმინდესსა და უნეტარესს, ილია II-ს, რომ არქიმანდრიტი დოროთე ყურაშვილი სასჯელის სახით გათავისუფლდეს ქვემო ბეთლემის მაცხოვრის შობის სახელობის ტაძრის წინამძღვრის მოვალეობიდან და გამწესდეს მღვდელმსახურად ყოვლადწმინდა სამების საპატრიარქო ლავრაში, რომლის საძმოს წევრადაც ირიცხება.

ჩვენ ვხედავთ, რომ ბრიუსელის მხრიდან ევროინტეგრაციასთან დაკავშირებული ყველა საკითხის გამოყენება ხდება პოლიტიკური მიზნებისთვის, ყველა საკითხის ინსტრუმენტალიზება ხდება. არ გამოვრიცხავ, რომ ევროკომისიის ეს ანგარიშიც იქნება ერთგვარი ინსტრუმენტი ამ მიმართულებით ,- ამის შესახებ საგარეო საქმეთა მინისტრმა მაკა ბოჭორიშვილმა ჟურნალისტების მიერ დასმული კითხვის საპასუხოდ განაცხადა.
საგარეო საქმეთა მინისტრის თქმით, რთულია წინასწარ შეფასება, თუ რა იქნება ასახული ანგარიშში, თუმცა ბოლო თვეების მოვლენების გათვალისწინებით, ობიექტური შეფასებების მოლოდინი ნაკლებია.
“ჩვენ ვხედავთ, რომ ბრიუსელის მხრიდან ევროინტეგრაციასთან დაკავშირებული ყველა საკითხის გამოყენება ხდება პოლიტიკური მიზნებისთვის, ყველა საკითხის ინსტრუმენტალიზება ხდება. არ გამოვიცხავ, რომ ეს ანგარიშიც იქნება ერთგვარი ინსტრუმენტი ამ მიმართულებით. რთულია წინასწარ ვთქვათ, რა იქნება ასახული, თუმცა შეიძლება ვივარაუდოთ, რამდენად ობიექტური შეიძლება იყოს ეს ანგარიში. ერთი რაც უნდა ითქვას, მთელი წლის განმავლობაში ჩვენ ვაკვირდებით და ვხედავთ იმას, რომ ბრიუსელის მხრიდან ნაკლებად არის სურვილი – საქართველოში მიმდინარე პროცესები ობიექტურად იყოს დანახული და აქედან გამომდინარე, ძალიან რთულია მოველოდეთ ობიექტურ შეფასებებს იმ ანგარიშში, რომელიც გამოქვეყნდება მომავალ კვირას.
ერთი რაც შეგვიძლია ვთქვათ, იმდენად გვაკლია ბრიუსელის მხრიდან ობიექტური შეფასებები, იმასაც ვერ მივაღწიეთ, რომ 4 ოქტომბრის მოვლენებს დარქმეოდა თავისი სახელი, ობიექტურად შეფასებულიყო, გამიჯნულიყო ბრიუსელი იმ ძალადობისგან და შეტევებისგან რაც საქართველოში დემოკრატიულ ინსტიტუტებზე ხორციელდება. აქედან გამომდინარე, რთულია, გვქონდეს მოლოდინი ევროკომისიის ანგარიშში პოზიტიური ან ობიექტური შეფასებების”, – აღნიშნა მაკა ბოჭორიშვილმა, რომლის განცხადებასაც საქართველოს საგარეო უწყების პრესსმსახური ავრცელებს.

საქართველოს პატრიარქმა ილია მეორემ ეპარქიული კომისიის მიმართვის საფუძველზე ხელი მოაწერა ბრძანებას, რომლის თანახმადაც არქიმანდრიტი დოროთე ყურაშვილი ქვემო ბეთლემის მაცხოვრის შობის სახელობის ტაძრის წინამძღვრობიდან გაათავისუფლა.
ეპარქიული კომისიის მოთხოვნის შესაბამისად, არქიმანდრიტი დოროთე ყურაშვილი სამების საპატრიარქო ტაძრის მღვდელმსახურად განამწესეს.
29 ოქტომბერს მცხეთა-თბილისის ეპარქიული კომისია გაიმართა, რომლის შემდეგაც, საპატრიარქოს გვერდზე გამოქვეყნდა დასკვნა.
დასკვნაში ეპარქიული კომისია მიმართავდა პატრიარქს, არქიმანდრიტი დოროთე ყურაშვილი გათავისუფლდეს ქვემო ბეთლემის მაცხოვრის შობის სახელობის ტაძრის წინამძღვრის მოვალეობიდან და გამწესდეს მღვდელმსახურად ყოვლადწმინდა სამების საპატრიარქო ლავრაში.

ლიეტუვამ ოთხშაბათს განაცხადა, რომ ბელარუსთან ქვეყნის სასაზღვრო- გამშვები პუნქტები კიდევ ერთი თვის განმავლობაში დარჩება ჩაკეტილი. ერთი კვირის წინ ვილნიუსის და კაუნასის აეროპორტები დაიხურა ბელარუსიდან მეტეოროლოგიური ბუშტების შეფრენის გამო.
ვილნიუსის აეროპორტი მანამდე, თვის დასაწყისშიც დაიხურა მას შემდეგ, რაც ლიეტუვის დედაქალაქის საჰაერო სივრცეში შევიდა ბელარუსიდან გამოშვებული ბუშტები. მათი მეშვეობით კონტრაბანდისტებს ბელარუსიდან სიგარეტი გადაჰქონდათ.
ლიეტუველი ოფიციალური პირები საჰაერო ბუშტების შეგზავნას რუსეთის მოკავშირე ბელარუსის მიერ განზრახ ქმედებად მიიჩნევენ. ლიეტუვა ნატოს და ევროკავშირის წევრია და ესაზღვრება რუსეთის კალინინგრადის ანკლავსა და ბელარუსს.
ლიეტუვის კაბინეტმა ოთხშაბათს გადაწყვიტა, რომ ერთი გამშვები პუნქტი დაიხურება, მეორე გამშვები პუნქტი – ვილნიუსის მახლობლად კი – შეზღუდულად იმუშავებს. ამ პუნქტის მეშვეობით ლიეტუვის და ევროკავშირის მოქალაქეებს კვლავ ექნებათ გასვლის უფლება. ოფიციალურმა პირებმა ასევე განაცხადეს, რომ რუსებს, რომლებსაც აქვთ ტრანზიტული დოკუმენტი, რომელიც მათ კალინინგრადში გამგზავრების საშუალებას აძლევს, ასევე შეეძლებათ გავლა.
სამშაბათს ბელარუსის პრეზიდენტმა ალიაქსანდრ ლუკაშენკამ ლიეტუვის საზღვრის დაკეტვის გადაწყვეტილებას „გიჟური თაღლითობა“ და მისი ქვეყნის წინააღმდეგ „ჰიბრიდული ომის“ ნაწილი უწოდა. მან აღნიშნა, რომ ვილნიუსი თავად უნდა ებრძოლოს კონტრაბანდას.
„თუ იქ სიგარეტით დატვირთული საჰაერო ბუშტები დაფრინავენ, ვფიქრობ, მათ ეს საკითხი თავის მხრივ უნდა გადაჭრან, – თქვა მან. – ვიღაც მათ იქ იღებს, ვიღაც დაინტერესებულია ამით. მათ უნდა იპოვონ პასუხისმგებელი პირები და თავიდან აიცილონ ასეთი რამ“.
ლუკაშენკამ განაცხადა, რომ ბელარუსი ბოდიშს მოიხდის, თუ მისი მონაწილეობა დადასტურდება.

საქართველოს პატრიარქმა ილია მეორემ ეპარქიული კომისიის მიმართვის საფუძველზე ხელი მოაწერა ბრძანებას, რომლის თანახმადაც, 29 ოქტომბრიდან არქიმანდრიტი “დოროთე ყურაშვილი გათავისუფლდეს ქვემო ბეთლემის მაცხოვრის შობის სახელობის ტაძრის წინამძღვრობიდან და განმწესდეს წმ. სამების საპატრიარქო ტაძრის მღვდელმსახურად”.
დღეს, 29 ოქტომბერს, კათოლიკოს-პატრიარქ ილია მეორეს ეპარქიულმა კომისიამ შუამდგომლობით მიმართა, “კომისიის უგულებელყოფის, შეურაცხყოფისა და კვლავ არასაპატიო მიზეზით გამოუცხადებლობის გამო”, არქიმანდრიტი დოროთე ყურაშვილი გათავისუფლებულიყო ქვემო ბეთლემის მაცხოვრის შობის სახელობის ტაძრის წინამძღვრის მოვალეობიდან და გამწესებულიყო მღვდელმსახურად ყოვლადწმინდა სამების საპატრიარქო ლავრაში. ამის შესახებ ნათქვამია საპატრიარქოს მიერ გავრცელებულ განცხადებაში.
არქიმანდრიტი დოროთე ყურაშვილი დღეს, 29 ოქტომბერს, საპატრიარქოსთან მივიდა და კომისიის სხდომაში მონაწილეობას აპირებდა საჯაროობის უზრუნველყოფის პირობითა და მედიის თანდასწრებით, რაზე უარის მიღების შემდეგაც საპატრიარქოში შესვლაზე უარი განაცხადა.
საპატრიარქოს განცხადებაში კი ნათქვამია, რომ
“არქიმანდრიტი დოროთე (ყურაშვილი) მიმდინარე წლის 16 ოქტომბერს დაბარებული იყო მცხეთა-თბილისის ეპარქიულ კომისიაზე, სადაც მღვდელმთავრებთან შეხვედრისა და გასაუბრების საშუალება მიეცემოდა, მაგრამ იგი არასაპატიო მიზეზით არ გამოცხადდა. აღნიშნულის საფუძველზე, მას გამოეცხადა მკაცრი გაფრთხილება, ხოლო ახსნა-განმარტებისთვის განმეორებით დაბარებულ იქნა კომისიაზე მიმდინარე წლის 29 ოქტომბერს, რაზეც მან თავისი პირობები წამოაყენა, რომ კომისიას მხოლოდ მედიასაშუალებების თანხლებით დაესწრებოდა. ამ მოთხოვნაზე კომისიამ მას უარი განუცხადა და განმარტა, რომ ასეთი ფორმატით კომისიის სხდომის გამართვა არის უპრეცედენტო და მიუღებელი. აღნიშნული პირობის არდაკმაყოფილების საფუძველზე, არქიმანდრიტი დოროთე (ყურაშვილი) კვლავ არ დაესწრო სხდომას, რაც კომისიის წევრებმა არასაპატიო მიზეზად მიიჩნიეს”.
საპატრიარქოს განცხადებაში ნათქვამია, რომ არქიმანდრიტი დოროთე (ყურაშვილი) “ეკლესიის იერარქიისა და თავად კომისიის წევრების მისამართით შეურაცხმყოფელ და ცილისმწამებლურ განცხადებებს” აკეთებს და ამის საილუსტრაციოდ მოჰყავთ მისი ციტატები.
„ეკლესიას ძაან უნდა გახარებოდა… და ძალიან უნდა მოწონებოდა სახელმწიფოს, რომ მე ხალხი თუნდაც პოლიციელები და თუნდაც მისი ხალხი რაღაცა მსხვერპლს გადავარჩინე და ძალიან გაბრაზდა ორივე და თურმე რატომ, მსხვერპლი უნდოდათ“. „მე ვწმენდ ეკლესიას სინდისს და ნამუსს, მე ვწმენდ ეკლესიას იმ უნამუსობას, რომელიც ზოგიერთს ჩაუდენია და გაუკეთებია თავისი მდუმარებით თუნდაც“. „როცა მღვდელს სხვა უფროსი ეყოლება, მერე ის აკეთებს იმის დავალებებს, რასაც ის უფროსი დაავალებს და არა ქრისტეს დავალებებს. აი, ამ დღეში ვართ, დღეს ჩვენ ეკლესიურად უფროსი გაუჩნდა, მიუხედავად იმისა, არცერთი სახელმწიფოებრივი სტატუსით არაფერი არაა თანამდებობა, მაგრამ სახელმწიფო მთავრობა გაიხადეს უფროსად და აქ უკვე გაქრა ის, რომ ქრისტეა ჩვენი უფროსი…“ „მე დღეს მსჯის რუსეთის ეკლესია და ბიძინა ივანიშვილი, ეს არის მათი დავალება…“
ეპარქიულმა კომისიამ დაადგინა, რომ არქიმანდრიტ დოროთე ყურაშვილის მხრიდან კვლავ იკვეთება დისციპლინური და ზნეობრივი ხასიათის დარღვევები – “ცილისმწამებლური, ასევე მღვდლისა და მონაზვნისათვის შეუფერებელი სხვა ქმედებები”.
საპატრიარქოს განცხადების მიხედვით, ეპარქიულ კომისიას ესწრებოდნენ:
· კომისიის თავმჯდომარე, საქართველოს საპატრიარქო ტახტის მოსაყდრე, სენაკისა და ჩხოროწყუს მიტროპოლიტი შიო (მუჯირი);
· სრულიად საქართველოს კათოლიკოს-პატრიარქის ქორეპისკოპოსი, ახალციხისა და ტაო-კლარჯეთის მიტროპოლიტი თეოდორე (ჭუაძე);
· კომისიის მდივანი დეკანოზი მიქაელ ბოტკოველი (სრულიად საქართველოს კათოლიკოს-პატრიარქის მდივანი);
· საქართველოს საპატრიარქოს საზოგადოებასთან ურთიერთობის სამსახურის ხელმძღვანელი დეკანოზი ანდრია ჯაღმაიძე;
· დეკანოზი ლონგინოზ სუარიშვილი.
“ჩემი „დანაშაული“ არის ის, რომ მე ვამბობ, რომ რუსეთი ჩვენი სისხლით ვერ გაძღა; ვამბობ, რომ ივანიშვილმა გაანადგურა საქართველოს ეკლესია; ვამბობ, რომ მცირე ჯგუფი, რომელიც საპატრიარქოშია შესახლებული, რუსულ გეგმას ემსახურება და უნდათ, რომ ის ტაძარი, სადაც გმირები და პატრიოტები ეზიარებიან ჩემთან ქვემო ბეთლემში, ისიც წაართვან ამ ხალხს. მე ვერაფერს წამართმევენ, მაგრამ ამ ხალხს წაართმევენ. ეს სამწუხაროა, მაგრამ ჩვენ მაინც გავიმარჯვებთ. თუ ამათმა დამსაჯეს, მეტი დრო მექნება გადავერთო ეროვნულ-განმანთავისუფლებელ მოძრაობაში, რომელიც აუცილებელია, რომ ჩვენი ერი გათავისუფლდეს ამ დიდი ქოციანობისა და რუსეთის მონობისაგან“, – განაცხადა არქიმანდრიტმა დოროთე ყურაშვილმა.
დოროთე ყურაშვილი ანტისამთავრობო აქციებზე დაკავებული დემონსტრანტებისა და პროევროპული საპროტესტო მოძრაობის მხარდამჭერია და ხშირად აკრიტიკებს მმართველი გუნდის მოქმედებებს, ქადაგებებშიც და საჯარო გამოსვლებშიც. არქიმანდრიტს 16 საეპარქიო კომისიის სხდომაზე, რომელზეც არ გამოცხადდა, „მკაცრი გაფრთხილება“ გამოუცხადეს.

სამხრეთ კავკასიაში ეუთო-ს საპარლამენტო ასამბლეის სპეციალურმა წარმომადგენელმა, ლუის გრაჩამ (პორტუგალია) სამი ოპოზიციური პარტიის აკრძალვის მოთხოვნით საქართველოს საკონსტიტუციო სასამართლოში შეტანილ სარჩელთან დაკავშირებით, შეშფოთება გამოხატა იმ შესაძლო შედეგების გამო, რაც მსგავსმა პროცესებმა საქართველოში პოლიტიკური პლურალიზმისა და დემოკრატიული ცხოვრებისთვის შეიძლება გამოიწვიოს, – ამის შესახებ განცხადებას ეუთო-ს საპარლამენტო ასამბლეის პრესსამსახური ავრცელებს.
„ღრმად შეშფოთებული ვარ საქართველოს დემოკრატიულ განვითარებაზე ამ პროცესების შესაძლო შედეგებით. ნებისმიერ პირს, რომელმაც კანონი ან კონსტიტუცია დაარღვია, ყოველგვარი კითხვის გარეშე, სამართლიანი და გამჭვირვალე წესით პასუხისმგებლობა უნდა დაეკისროს. თუმცა, რამდენიმე ოპოზიციური პარტიის აკრძალვის შესაძლებლობა სერიოზულ შეშფოთებას იწვევს პოლიტიკური პლურალიზმისა და დემოკრატიის ხარისხის შესახებ“, – აცხადებს გრაჩა.
მისი თქმით, „იმედი აქვს, რომ ყველა ჩართული მხარე მსგავსი ქმედებების ფართო გავლენას ყურადღებით განიხილავს და მოძებნის გადაწყვეტილებას, რომელიც ეროვნულ დიალოგსა და დემოკრატიულ სტაბილურობას გააძლიერებს“.
„გადაწყვეტილება, რომელიც პოლიტიკური აქტორების პროცესებიდან გარიცხვას გამოიწვევს, საზოგადოების კიდევ უფრო პოლარიზაციას უზრუნველყოფს და დემოკრატიული ინსტიტუტების მიმართ ნდობას დაასუსტებს“, – აღნიშნავს გრაჩა.
გრაჩა იმედს გამოთქვამს, რომ „საქართველოს დემოკრატიული ინსტიტუტები მოძებნიან გზას, რომელიც ინკლუზიურობასა და დიალოგს ხელს შეუწყობს“.
„როგორც პარლამენტარს, მჯერა, რომ სტაბილურობისა და რეფორმების საფუძველი ჩართულობა და თანამშრომლობაა, და არა გარიცხვა. ჩვენი ასამბლეა გააგრძელებს დიალოგისა და შერიგების გზების ხელშეწყობას და მხარს დაუჭერს გადაწყვეტილებებს, რომლებიც ეუთო-ს ვალდებულებების შესაბამისად, ინკლუზიურობასა და ფუნდამენტური თავისუფლებების პატივისცემას აძლიერებს“, – აცხადებს ეუთო-ს საპარლამენტო ასამბლეის სპეციალური წარმომადგენელი.

რუსეთის პრეზიდენტის, ვლადიმერ პუტინის განცხადებით, რუსულ ფრთოსან რაკეტა „ბურევესტნიკში“ დამონტაჟებული ბირთვული რეაქტორის გაშვება წუთებსა და წამებშია შესაძლებელი.
„ყველაზე მნიშვნელოვანი ის არის, რომ მაშინ, როდესაც ჩვეულებრივი ბირთვული რეაქტორის გაშვებას საათები და დღეებში სჭირდება, ამ ბირთვული რეაქტორის ამოქმედება წუთებსა და წამებშია შესაძლებელი – ეს უდიდესი მიღწევაა“, – განაცხადა რუსეთის პრეზიდენტმა.
მისი თქმით, რაკეტა „ბურევესტნიკი“ გარღვევაა არა მხოლოდ რუსეთის თავდაცვისუნარიანობის გაძლიერებაში, არამედ მეცნიერებაშიც.
„ახლაც კი „ბურევესტნიკის“ რაკეტაში გამოყენებული რადიაციისადმი მდგრადი ელექტრონიკა უკვე გამოიყენება კოსმოსურ პროგრამებში. ამგვარად, ეს გარღვევაა არა მხოლოდ ქვეყნის თავდაცვისუნარიანობის გაძლიერების, არამედ მეცნიერებისა და მთლიანად ეროვნული ეკონომიკის კუთხით“, – აღნიშნა პუტინმა.

საჯარო მოსამსახურეზე თავდასხმაში ბრალდებული მასწავლებელი ნინო დათაშვილი თავისუფალია. მან რუსთავის მე-5 ქალთა საპატიმრო დატოვა.
“არაფრის თავი არ მაქვს. გეხვეწებით, ნუ გადამიღებთ. მტკივა ყველაფერი, დაჯდომა მინდა. არ ჩამეხუტოთ, ძალიან დიდი მადლობა ყველას! – ასე მიმართა დათაშვილმა საპატიმროსთან შეკრებილ გულშემატკივრებს.
ცნობისთვის, ბრალდებულ ნინო დათაშვილისთვის აღკვეთის ღონისძიების სახით შეფარდებული პატიმრობა, სასამართლომ, ბრალდებულის ჯანმრთელობის მდგომარეობის გამო, პროკურატურის მიერ დაყენებული შუამდგომლობის საფუძველზე, უფრო მსუბუქი აღკვეთის ღონისძიების სახით დღეს შეცვალა და 5000-ლარიანი გირაო შეუფარდა.
ნინო დათაშვილი თბილისის საქალაქო სასამართლოში 9 ივნისს მომხდარი ფაქტის გამო 20 ივნისს დააკავეს. მას ბრალდება საქართველოს სისხლის სამართლის კოდექსის 353-ე სეკუნდა მუხლის მე-3 ნაწილით წარედგინა, რაც საჯარო მოსამსახურეზე თავდასხმას მის მიერ სამსახურებრივი მოვალეობის შესრულების დროს გულისხმობს. აღნიშნული სასჯელის სახედ და ზომად ჯარიმას, ან 4-დან 7 წლამდე თავისუფლების აღკვეთას ითვალისწინებს.

საშინაო პოლიტიკის აქტუალურ თემებზე „ინტერპრესნიუსი“, კონსტიტუციონალისტს, ვახტანგ ხმალაძეს ესაუბრა.
– ბატონო ვახტანგ, „ქართული ოცნება“ საკონსტიტუციო სასამართლოს 3 პარტიის – „ნაცმოძრაობის“, „კოალიცია ცვლილებებისთვის“ და „ძლიერი საქართველო – ლელოს“ არაკანოსტიტუციურად ცნობისა და აკრძალვის შესახებ სარჩელით მიმართავს.
პარლამენტის თავმჯდომარის შალვა პაპუაშვილის თქმით, სარჩელი საკონსტიტუციო სასამართლოში შეტანილი იქნება ორი რამის დასადგენად – „რამდენად მყარია კონკრეტული პარტიის არაკონსტიტუციურობის სამართლებრივი დასაბუთება და რამდენად უქმნის კონკრეტული პარტია თავისი ზომით, ორგანიზაციული სტრუქტურით თუ პოლიტიკური გავლენით რეალურ საფრთხეს კონსტიტუციურ წყობილებას”.
აღსანიშნავია, რომ სარჩელში მითითებულები არ არიან ამ პარტიების წარმომადგენლები, მაგრამ, მას შემდეგ, რაც საპროცედურო საკითხთა კომიტეტზე მათი ვინაობა დადასტურდება, სარჩელი საკონსტიტუციო სასამართლოში შევა.
პარლამენტის სპიკერის განცხადებით, სარჩელი დაეფუძნება პარლამენტის დროებითი საგამოძიებო კომისიის შედეგებს.
სამართლებრივად და პოლიტიკურად რამდენად საფუძვიანია ამ სამი პარტიის არაკონსტიტუციურად ცნობისა და აკრძალვის საკითხის დაყენება?
– არა ერთ გზის მითქვამს, სამართლებრივი თვალსაზრისით ამ პარტიების არაკონსტიტუციურად გამოცხადება და აკრძალვა აბსოლუტურად არასწორია. პარტიის აკრძალვის სამართლებრივი საფუძველი საკმაოდ ზუსტად არის განსაზღული საქართველოს კონსტიტუციაში.
კონსტიტუცია ადგენს – დაუშვებელია ისეთი პარტიის შექმნა და საქმიანობა, რომლის მიზანია და შემდგომ არის ჩამონათვალი. ამ ჩამონათვალში ერთ ერთი კომპონენტია საქართველოს კონსტიტუციური წყობილების დამხობა ან, ძალადობით შეცვლა. რასაც „ქართული ოცნების“ ლიდერები ამბობენ, როგორც ჩანს, ამ ნაწილის შესაბამისად მოამზადეს კონსტიტუციური სარჩელი. თუ არსებული პარტია მსგავს რამეს აკეთებს, მაშინ ის პარტია უნდა აიკრძალოს. ამას ამბობს კონსტიტუცია.
კანონში არ შეიძლება ეწეროს რაიმე სხვა იმისგან განსხვავებული, რაც კონსტიტუციაში წერია. კანონს არა აქვს უფლება გააფართოვოს კონსტიტუციით დადგენილი საფუძვლების ფარგლები. ეს კარგად უნდა ესმოდეს ყველას.
ბევრი წელია თვალს ვადევნებ სხვადასხვა პარტიების საქმიანობას, მაგრამ არ მახსენდება პარტია, რომელსაც თავის მიზნად განეცხადებინოს კონსტიტუციური წყობილების დამხობა, ან ძალადობით შეცვლა. პარტიების აკრძალვასთან დაკავშირებით სამართალში არც თუ კარგად გათვითცნობიერებული მკითხველისთვის ვიტყვი რომ მე „ქართული ოცნების“ მხრიდან მანიპულაციურ მოქმედებას ვხედავ.
ბევრი წელია თვალს ვადევნებ სხვადასხვა პარტიების საქმიანობას, მაგრამ არ მახსენდება პარტია, რომელსაც თავის მიზნად განეცხადებინოს კონსტიტუციური წყობილების დამხობა, ან ძალადობით შეცვლა. პარტიების აკრძალვასთან დაკავშირებით სამართალში არც თუ კარგად გათვითცნობიერებული მკითხველისთვის ვიტყვი რომ მე „ქართული ოცნების“ მხრიდან მანიპულაციურ მოქმედებას ვხედავ
კონსტიტუციაში საუბარია კონსტიტუციურ წყობილებაზე და არა ხელისუფლებაზე. ეს სხვადასხვა რამეა. რასაც ახლა ვიტყვი, ეს სახელმძღვანელოებში წერია და სტუდენტებს ასწავლიან.
მაგალითად, გაერთიანებულ სამეფოში როგორია კონსტიტუციური წყობილება – ეს არის საპარლამენტო დემოკრატია და კონსტიტუციური მონარქია. შეერთებული შტატებიში – წარმომადგენლობითი დემოკრატიაა, ფედერალიზმი, ანუ ფედერაციული მოწყობა და საპრეზიდენტო რესპუბლიკა. გერმანიაში – საპარლამენტო დემოკრატია, ფედერაცია და საპარლამენტო რესპუბლიკა. ეს არის წყობილება. არა აქვს მნიშვნელობა ამ ქვეყნებში ძალაუფლება რომელ პარტიის ხელშია.
კონსტიტუცია კრძალავს კონსტიტუციური წყობილების დამხობას. ანუ, ჩვენთან არსებული საპარლამენტო რესპუბლიკისა და დემოკრატიის სისტემის დამხობას. ასევე კრძალავს ამ სისტემის ძალადობით შეცვლას. ანუ საპარლამენტო რესპუბლიკის შეცვლას მაგალითად კონსტიტუციური მონარქიით.
ესაა განსხვავება. ამიტომ იმ საფუძვლით, რასაც „ქართული ოცნება“ ამბობს, მკაფიოდ უნდა ჩანდეს რომ ასაკრძალი პარტიების მიზანი ქვეყანაში კონსტიტუციური წყობილების შეცვლაა, ან ძალადობით შეცვლაა. ვფიქრობ რომ ამის დამტკიცება სრულიად შეუძლებელია, რადგან მსგავსი რამ არ არსებობს.
– შალვა პაპუაშვილის განმარეტებაში თუ რატომ უნდა აიკრძალოს „ნაცმოძრაობა“ საუბარია იმაზე, რომ ამ პარტიამ დაარღვია ქვეყნის ტერიტორიული მთლიანობა და მშვიდობიანი გზით კონფლიქტის მოგვარების პერსპექტივა მოუსპო და ასე შემდეგ. მეტიც, 2008 წელს საქართველოს ხელისუფლებაა დადანასაულებული ომის დაწყებაში და ასე შემდეგ.
მაშინ როცა ჩვენი დასავლელი პარტნიორები აგვისტოს ომის დაწყებაში რუსეთს ადანაშაულებენ, საქართველოს ხელისუფლების მხრიდან ამაზე საუბარი გაუგებარიც კია.
ბევრი კვალიფიციური ადამიანი ფიქრობს რომ ამგვარი რამის მტკიცება სხვა არაფერია თუ არა რუსეთის მხრიდან 2008 წელს საქართველოში სამხედრო ინტერვენციის გამართლება. თუ საკონსტიტუციო სასამართლომ მმართველი გუნდის სარჩელი დააკმაყოფილა, ხომ არ აღმოჩნდება რომ „ქართული ოცნება“ 2008 წლის აგვისტოში რუსეთის სამხედრო ინტერვენციის გამართლებას შეეცდება?
– თუ თქვენ, ან მე, ან გარკვეულმა ჯგუფმა ისეთი რამ ჩაიდონოს, რომელიც, შესაძლოა, შედეგის მიხედვით დანაშაულებრივი აღმოჩნდება, მაგრამ, ამ დანაშაულის ხარისხის განსაზღვრისას გადამწყვეტი მნიშვნელობა აქვს რა განზღახვა ჰქონდათ თქვენ, ან მე, ან ადამიანების სხვა ჯგუფს.
როცა საუბარია ამა თუ იმ პარტიის, და მოდით ვთქვათ ასე, გამოთქმაც – „პარტიის მოქმედებამ გამოიწვია,“ არაზუსტია, სწორია – „რაღაც შედეგი გამოიწვია ხელისუფლების მოქმედებამ“.
შესაძლოა, იმ დროს ხელისუფლებაში ყოფილიყო ერთი პარტია, შესაძლოა, ყოფილიყო რამდენიმე პარტია. სხვათა შორის, როცა ვლაპარაკობთ ხელისუფლებაზე, აქ იგულისხმება პარლამენტში მყოფი ყველა პარტია, როგორც უმრავლესობა, ისე ოპოზიცია.
ამიტომ, თქმა იმისა, რომ პარტიის მოქმედების შედეგი იყო რაღაცა, ეს თავის თავად არასწორია. თუ ხელისუფლების მოქმედების შედეგი ქვეყნისთვის აღმოჩნდა უარყოფითი, ამის მიზეზი, შესაძლოა იყოს შეცდომა, ან ამის მიზეზი შესაძლოა იყოს სხვა ქვეყნა, ჩვენს შემთხვევაში რუსეთის მოქმედების გარდუვალობა.
თუ ხელისუფლების მოქმედების შედეგი ქვეყნისთვის აღმოჩნდა უარყოფითი, ამის მიზეზი, შესაძლოა იყოს შეცდომა, ან ამის მიზეზი შესაძლოა იყოს სხვა ქვეყნა, ჩვენს შემთხვევაში რუსეთის მოქმედების გარდუვალობა
ამიტომ, ესეც ვერ გამოდგება ამა თუ იმ პარტიის აკრძალვის კონსტიტუციურ საფუძვლად. მე აქ უფრო ვხედავ პოლიტიკურ საფუძველს. ის რომ საფუძველი პოლიტიკურია, ეს კარგად გამოჩნდა ბატონი პაპუაშვილის მიერ ბრიფინგზე ნათქვამშიც.
– პარლამენტის თავმჯდომარის შალვა პაპუაშვილის განმარტებით, გასათვალისწინებელია ის, რომ „ასაკრძალ პარტიებთან დაკავშირებული არიან ელენე ხოშტარიას „დროა“, „გირჩი – მეტი თავისუფლება“, რომლებიც დაკავშირებული არიან „კოალიცია ცვლილებებისთვის, გირჩი, დროასთან“, თუმცა, ფორმალურად დამოუკიდებელ პარტიებად არიან რეგისტრირებული, აგრეთვე „სტრატეგია აღმაშენებელი“, „ევროპული საქართველო – მოძრაობა თავისუფლებისთვის“, „ფედერალისტური პარტია“ „საქართველოს რესპუბლიკური პარტია,“ და სხვა ფაქტიურად ერთკაციანი და მცირე პარტიები.“
თუმცა, პარლამენტის სპიკერი აქვე აღნიშნავს – „ვინაიდან მათ ამჟამად, მათი სიდიდით, ორგანიზაციული სტრუქტურით არსებითი გავლენა, მათ შორის, საარჩევნო ბარიერის გადალახვის რეალური პერსპექტივა არ გააჩნიათ, ამ ეტაპზე მათი აკრძალვის აუცილებლობა არ იკვეთება. მათი არაკონსტიტუციურობის საკითხი დღის წესრიგში შეიძლება დადგეს მოგვიანებით, იმ შემთხვევაში, თუ ისინი პოლიტიკურ პროცესზე არსებით გავლენას შეიძენენ”.
სამართლებრივი თვალსაზრისით, ასევე პოლიტიკურად რამდენად გამართულად გამოიყურება მტკიცება რომ თუ ამ პარტიებიდან რომელიმე პარტიას ბარიერის გადალახვის შესაძლებლობა გაუჩნდებათ მათი არაკონსტიტუციურად ცნობის საკითხი დღის წესრიგში დადგება?
– პაპუაშვილის ამ განცხადებაში კარგად ჩანს რა გახლავთ ხელისუფლების მიზანი პარტიების აკრძალვასთან დაკავშირებით. მე რომ ეს განცახდება მოვისმინე გამიჩნდა განცდა, რომ „ქართულმა ოცნებამ“ თვითლუსტრაცია მოახდინა.
საქმე ის გახლავთ რომ თუ ვიმე დანაშაულს სჩადის, ეს ვინმე ძლიერია თუ სუსტია, ის დასასჯელია. ბოლო ბოლო მმართველ გუდს ის ანდაზა უნდა ახსოვდეს, თუ არ ახსოვთ, გაიხსენონ ქართველებს რომ გვაქვს – აქლემის ქურდი და ნემსის ქურდი ორივე ქურდია.
პაპუაშვილის ამ განცხადებაში კარგად ჩანს რა გახლავთ ხელისუფლების მიზანი პარტიების აკრძალვასთან დაკავშირებით. მე რომ ეს განცახდება მოვისმინე გამიჩნდა განცდა, რომ „ქართულმა ოცნებამ“ თვითლუსტრაცია მოახდინა
პაპუაშვილის განცხადებებიდან ჩანს რომ „ქართული ოცნების“ მიზანია იმ პარტიების აკრძალვა და განადგურება, რომლებმაც შესაძლოა, „ქართულ ოცნებას“ გაუწიონ პოლიტიკური კონკურენცია.
ვინც მათ კონკურენციას არ უწევს, ისინი მათთვის საინტერესო არაა. მაგრამ, ისინი თუ ისე მომძლავდნენ რომ შეძლებენ მათ კონკურენცია გაუწიონ, მაშინ ისინიც უნდა აიკრძალონ. ეს გახლავთ ხელისუფლების უსამართლო მოქმედების პოლიტიკური მიზანი.
– პარლამენტის თავმჯდომარე შალვა პაპუაშვილი განმარტავს – „პარტიის აკრძალვის შემდეგ დავაკვირდებით, მასთან დაკავშირებული პირები ხომ არ ცდილობენ, მოძებნონ პოლიტიკური საქმიანობის სხვა საშუალებები – თუ ამას დავინახავთ, მივმართავთ საკონსტიტუციო სასამართლოს“.
მისივე თქმით, აკრძალული პარტიის წევრებსა და მასთან დაკავშირებულ პირებს არ უნდა ჰქონდეთ შესაძლებლობა გვერდი აუარონ აკრზალვის შესახებ გადაწყვეტილებას და „ნაცმოძრაობის“ ნაცვლად პარტია „ეროვნული მოძრაობა“ დააფუძნონ.
მისივე თმით, „მას შემდეგ, რაც პარტია აიკრძალება დავაკვირდეთ ამ აკრძალული პარტიასთან დაკავშირებული პირები, ხომ არ ცდილობენ, რომ მოძებნონ პოლიტიკური საქმიანობის სხვა საშუალებები და თუკი ამას დავინახავთ, ჩვენ მივმართავთ საკონსტიტუციო სასამართლოს.“
იმის გათვალისწინებით, რომ ის რაზეც ბატონი პაპუაშვილი ამბობს, შესაძლოა, მოქალაქეთა საკმაოდ დიდ რაოდენობას შეეხოს, გამოდის მმართველი გუნდი შეეცდება პოლიტიკური საქმიანობა აუკრძალოს საკმაოდ ბევრ მოქალაქეს ანუ, მათ, ვინც ხელისუფლების ალტერნატიულ ძალად ჩამოყალიბებას შეეცდება. ასეა?
– დიახ, სწორედ ასეა. ბატონმა პაპუაშვილმა ამ სიტყვებით ჩვენ, საქართველოს მოქალაქეებს დაგვიდგინა შეზღუდვები რომლებიც გათვალისწინებული არ არის საქართველოს კონსტიტუციაში. მან ჩვენ, პრაქტიკულად აგვიგრძალა პოლიტიკური გაერთიანების შექმნა, აუკრძალა მათ, ვისაც „ქართული ოცნება“ თავის კონკურენტად მიიჩნევს.
ჩვენს კონსტიტუციაში ძალიან კარგად არის განსაზღრული როგორც პოლიტიკური საქმიანობის თავისუფლება, ასევე გამოხატვის თავისუფლება. გამოხატვის თავისუფლება შესაძლოა ვლინდებოდეს ასევე არაპოლიტიკურ საქმიანობაში. თურმე, ბატონ პაპუაშვილსა და „ქართულ ოცნებას“ უნდა ვკითხოთ შეგვიძლია თუ არა პოლიტიკური საქმიანობის დაწყება და ისინი მოგვცემენ თუ არა ამის ნებართვას.
ბატონმა პაპუაშვილმა საქართველოს მოქალაქეებს დაგვიდგინა შეზღუდვები რომლებიც გათვალისწინებული არ არის საქართველოს კონსტიტუციაში. მან ჩვენ, პრაქტიკულად აგვიგრძალა პოლიტიკური გაერთიანების შექმნა, აუკრძალა მათ, ვისაც „ქართული ოცნება“ თავის კონკურენტად მიიჩნევს
ეს გახლავთ აბსოლუტურად არაკონსტიტუციური მოქმედება.
– პარლამენტის თავმჯდომარე შალვა პაპუაშვილისგან მოვისმინეთ, რატომ არ შეეხება არაკონსტიტუციურად ცნობის სარჩელი და აკრძალვა გიორგი გახარიას პარტიას.
მისი თქმით, მხოლოდ იმიტომ რომ გახარიას პარტია პარლამენტში შევიდა.
სამართლებრივად, რამდენად გამართულად გამოიყურება გახარიას პარტიასთან დაკავშირებით ამგვარი მტკიცება და სავარაუდოდ, რას შეიძლება ეს ნიშნავდეს?
– აქაც იმავეს ვიტყვი, რაც უკვე ბევრჯერ ვთქვი. გახარიასა და სხვა პარტიებთან დაკავშირებით ნათქვამი სხვა არაფერია თუ არა შერჩევითი სამართალი. ანუ, მინდა აკრძალავ, არ ვინდა – არ აკრძალავ. თან, ერთი და იმავე საფუძვლით.
თუ ჩვენ ორივემ მსგავსი რამ გავაკეთეთ, თუ მე ხელისუფლებას მოვწონვარ, თქვენ კი არა, ამიტომ გადაწყვეტენ თქვენს დასჯას, მე კი არ დამსჯიან. სწორედ აგაა შერჩევითი სამართალი. იმ ქვეყანაში, სადაც შერჩევითი სამართალია, იმ ქვეყანაზე ვერავინ იტყვის რომ სამართლიანი სახელმწიფოა. ჩვენ კი კონსტიტუციაში გვიწერია რომ საქართველო არის სამართლებრივი სახელმწიფო.
გახარიასა და სხვა პარტიებთან დაკავშირებით ნათქვამი სხვა არაფერია თუ არა შერჩევითი სამართალი. ანუ, მინდა აკრძალავ, არ ვინდა – არ აკრძალავ. თან, ერთი და იმავე საფუძვლით… სწორედ აგაა შერჩევითი სამართალი. იმ ქვეყანაში, სადაც შერჩევითი სამართალია, იმ ქვეყანაზე ვერავინ იტყვის რომ სამართლიანი სახელმწიფოა ჩვენ ვიცით შემთხვევა, როცა პარლამენტმა მიიღო კანონი და შემდგომ ამ კანონის არაკონსტიტუციურობა საკონსტიტუციო სასამართლომ სცნო და გააუქმა. ანუ, პარლამენტმა მიიღო არაკონსტიტუციური, ანუ კონსტიტუციის საწინაღმდეგო გადაწყვეტილება… ამის გამო რომელიმე ქვეყანაში, თუნდაც საქართველოში ვინმეს პარლამენტის წევრებისთვის მოეთხოვა სისხლის სამართლის პასუხიმგებლობის დაკისრება. ან მთლიანად პარლამენტი აეკრძალა?
თუ ხელისუფლება აღღვევს ქვეყნის კონსტიტუციით განსაზღვრულ პრინციპს, ის ამით არღვევს კონსტიტუციას და მისი მოქმედება არის არაკონსტიტუციური. რაც, ყოველ შემთხვევაში უნდა იწვევდეს როგორც სამართლებრივ, ისევე პოლიტიკური პასუხიმგებლობის საკითხის დაყენებას.
– პარლამენტის დროებითმა საგამოძიებო კომისიამ, რომელზეც ერთხელ პირადად იმყოფებოდა ექს-პრემიერი გიორგი გახარია, ერთხელაც გერმანიიდან ჩაერთო და ასე მიიღო მასში მონაწილეობა, თავის დასკვნაში დაწერა რომ გახარიამ ჩორჩანაში საგუშაგოს გახსნით ქვეყნის წინაშე დანაშაული ჩაიდინა და ცხინვალის ხელისუფლებას „მილიონი კვადრატული მეტრი გადასცა“.
„ქართულ ოცნებას“ გახარიას ეს „დანაშაული დაავიწყდა“ თუ პარლამენტში მისი თანაგუნდელების მეორე შემადგენლობას შესვლის გამო აპატია?
– ეს უნდა ვკითხოთ თავად „ქართულ ოცნებას“. მე მხოლოდ იმას ვიტყვი რომ ჯერ დასადგენია გახარიას მოქმედება იყო თუ არა დანაშაული. ასეთი განცხადებებით ირღვევა უდანაშაულობის პრეზუმცია.
ვთქვათ და გახარიას მოქმედება როდესაც ის იყო შს მინისტრი ჩორჩანს ეპიზოდში იყო დანაშაული. ასეც რომ იყოს, რა შუაშია ამასთან გახარიას პარტისთან დაკავშრებით აკრძალვაზე საუბარი? მაშინ ხომ გახარიას პარტია საერთოდ არ არსებობდა? რომც არსებულიყო, ამა თუ იმ პირის, თუნდაც პარტიის თავმჯდომარის დანაშაულებრივი მოქმედება არანაირად არ ნიშნავს პარტიის დანაშაულებრივ მოქმედებას.
ეს რომ ასეა შემდეგი რამით დასტურდება – ჩვენ ვიცით შემთხვევა, როცა პარლამენტმა მიიღო კანონი და შემდგომ ამ კანონის არაკონსტიტუციურობა საკონსტიტუციო სასამართლომ სცნო და გააუქმა. ანუ, პარლამენტმა მიიღო არაკონსტიტუციური, ანუ კონსტიტუციის საწინაღმდეგო გადაწყვეტილება.
თქვენ გსმენით რომ ამის გამო რომელიმე ქვეყანაში, თუნდაც საქართველოში ვინმეს პარლამენტის წევრებისთვის მოეთხოვა სისხლის სამართლის პასუხიმგებლობის დაკისრება. ან მთლიანად პარლამენტი აეკრძალა?
თუ საკონსტიტიციო სასამართლო დააკმაყოფილებს „ქართული ოცნების“ სარჩელს პარტიების აკრძალვის შესახებ, მმართველი გუნდისთვის აღარანაირი ზღუდე არ იარსებებს იმისთვის რაც უნდა ის აკეთოს. ამით დასრულდება საქართველოში დემოკრატიული წყობილება
ლოგიკა ამ შემთხვევაშიც ხომ იგივეა.
– პარტიების აკრძალვასთან დაკავშირებით განცხადებების შემდეგ ბევრი აზრი გამოითქვა. მათ შორის ასეთიც – თუ ვიმე არღვევს კონსტიტუციას, მმართველი „ქართული ოცნებაა“, რადგან იგი არ ასრულებს კონსტიტუციის 78-ე მუხლს და ანტიდასავლური განცხადებებითა და ქმედებებით ხელს კი არ უწყობს ქვეყნის ევროკავშირისკენ მოძრაობას, არამედ პირიქით, საპირისპირი მიმართულებით მოძრაობს.
მმართველ გუნდს, რომელსაც კონსტიტუციის 78-ე მუხლის შეუსრულებლობაში ედება ბრალი, სამართლებრივ საკითხსაც რომ თავი დავანებიოთ, მისი მხრიდან რამდენად მორალურია სხვა პარტიების აკრძალვაზე საკონსტიტუციო სასამართლოში სარჩელის შეტანა?
– მოდით, როცა „ქართული ოცნების“ მოქმედებებთან დაკავშირებით ვმსჯელობთ, მორალზე აღარ უნდა ვისაუბროთ. სამწუხაროდ, „ქართული ოცნების“ მოქმედებაში მორალური აღარაფერია.
ახლა აქტუალური თემაა, მას შემდეგ, რაც ერთი წლის წინ „ქართულმა ოცნებამ“ დაარღვია კონსტიტუციის 78-ე მუხლი და უარი თქვა ევროპულ გზაზე, ამის ნიშნები მანამდეც ჩანდა, მაგრამ შარშან 28 ოქტომბერს აბსოლუტურად ცხადად გამოჩნდა, და „ქართული ოცნების“ ხელისუფლებამ და ერთპარტიულმა პარლამენტმა იმდენჯერ დაარღვიეს კონსტიტუცია, ახლა უკვე, მისთვის რაიმე შემაფერხებელი იმ სიტყვებში რომ „ამით კონსტიტუცია ირღვევა“, აღარაფერი არ არსებობს.
– ბევრი მიიჩნევს, რომ „ქართული ოცნება“ რუსეთის მსგავსად საქართველოში „სუვერენულ დემოკრატიას აშენებს“.
გასაგებია, რომ პარტიების აკრძალვის საკითხის განხილვას საკონსტიტუციო სასამართლოში დრო დასჭირდება და ვთქვათ მმართველი გუნდისთვის სასურველი გადაწყვეტილება იქნა მიღებული, ამის შემდეგ, საქართველოს სამართლებრივი და პოლიტიკური სივრცე, სავარაუდოდ, რა განზომილებაში აღმოჩნდება?
– თუ საკონსტიტიციო სასამართლო დააკმაყოფილებს „ქართული ოცნების“ სარჩელს პარტიების აკრძალვის შესახებ, მმართველი გუნდისთვის აღარანაირი ზღუდე არ იარსებებს იმისთვის რაც უნდა ის აკეთოს. ამით დასრულდება საქართველოში დემოკრატიული წყობილება.
თუ საკონსტიტუციო სასამართლომ „ქართული ოცნების“ სარჩელი 3 პარტიებიის აკრძალვის შესახებ დააკმაყოფილა, სწორედ ეს იქნება ჩვენი საპარლამენტო რესბუბლიკის, დემოკრატიული სისტემის და კონსტიტუციური წყობილების დამხობა. ასე იქნება იმის გამო რომ რაც გვექნება იმას დემოკრატიასთან საერთო აღარფერი ექნება.
ქაღალდზე ბევრი რამ ეწერება. სსრკ-ს დროინდელ კონსტიტუციაში ქაღალდზე ბევრი რამ ეწერება, მათ შორის ისეთი კარგი რამეებიც, კითხვისას გული გაგინათდებოდა, მაგრამ, ეს მხოლოდ ქაღალდზე იყო.
ფაქტობრივად გვექნება ტოტალიტარული სისტემა. ქვეყანას ფაქტობრივად მართავს პირი, რომელსაც კონსტიტუციურად არანაირი თანამდებობა არ უკავია. ესეც ხომ არაკონსტიტუციურია. თუ ასაკრძალ პარტიებთნ დაკავშირებით საკონსტიტუციო სასამართლომ „ქართული ოცნების“ სარჩელი დააკმაყოფილა, აღმოვჩდებით არაკონტიტუციური მმართველობის ჩაბეტონებულ სისტემაში.
„ინტერპრესნიუსი“
კობა ბენდელიანი

თიბისი კონცეპტი მომხმარებლებს ჯანსაღი ცხოვრებისა და თავის მოვლის კატეგორიაში მუდმივად უპირატეს შეთავაზებებს სთავაზობს. მიმდინარე შეთავაზებებში კი, განსაკუთრებით მრავალფეროვანია სპა ცენტრების ჩამონათვალი.
· Paragraph Spa Tbilisi
31 ოქტომბრიდან 2 ნოემბრის ჩათვლით, თიბისი კონცეპტის Visa სადებეტო და Visa ertguli Signiture ბარათის მომხმარებლები, სასტუმრო პარაგრაფ თბილისის სპა ცენტრში გადახდილი თანხის 30%-ს, ჯამში მაქსიმუმ 300 ლარს, მომენტალურად დაიბრუნებენ. შეთავაზება ვრცელდება სპაში მიღებულ ყველა სერვისსა და შეძენილ პროდუქციაზე, ასევე აღნიშნული ბარათების ციფრულ ანალოგებზე: TBC Concept Visa Platinum, Visa Signature, Miles&Smiles Visa Signature და Visa ertguli Signature.
· Anne Semonin Spa Batumi
31 ოქტომბრიდან 2 ნოემბრის ჩათვლით, თიბისი კონცეპტის მომხმარებლებს 30%-იანი ქეშბექი დახვდებათ რადისონ ბლუ ბათუმში არსებულ სპა ცენტრშიც- Anne Simonin Spa, სადაც ჯამში მაქსიმუმ 200 ლარს დაიბრუნებენ. სპა პროცედურების გარდა, შეთავაზება ვრცელდება მათ სასაჩუქრე ვაუჩერზეც.
Anne Simonin Spa-ში პროცედურის დაჯავშნით, შესაძლებლობა გაქვთ ისარგებლოთ- ფიტნეს ცენტრით, თბილი გარე აუზით, მშრალი და სველი საუნებით, შიდა აუზით.
შეთავაზება ვრცელდება შემდეგ სადებეტო ბარათებსა და მათ ციფრულ ანალოგებზე: TBC Concept Visa Signature, Visa Platinum, MC Worldelite, Miles&Smiles Visa Signature და Visa ertguli Signature.
· Purovel SPA
TBC Concept Visa Platinum, Visa Signature, MC World Elite ბარათების მფლობელები 31 დეკემბრამდე, 15%-იანი ფასდაკლებით ისარგებლებენ Purovel SPA-ში ანგარიშსწორებისას.
შეთავაზება ვრცელდება აღნიშნული ბარათების ციფრულ ანალოგებზეც.
· ბალნეოლოგიური სპა კურორტი
TBC Concept Visa Signature, Visa Platinum, MC Worldelite ბარათების მფლობელები, 31 დეკემბრამდე, 10%-იანი ფასდაკლებით ისარგებლებენ თბილისის ბალნეოლოგიური კურორტის შერჩეულ პროცედურებზეც.
თითოეულ სპა ცენტრში შეთავაზებით სარგებლობისთვის, გადახდა უნდა განხორციელდეს თიბისის პოს-ტერმინალზე.
გარდა სპა ცენტრებისა, თიბისი კონცეპტის მომხმარებლებს, ჯანმრთელობისა და სილამაზის კატეგორიაში, სხვადასხვა შეთავაზება დახვდებათ შემდეგ პარტნიორ ობიექტებში: Axis Towers Wellness, Alliance Palace Batumi SKY39, Nail Sunny, GiGi Cosmetics, 12 რაუნდი, თოდუას კლინიკა, კლინიკა ნუაჟი, ნოემი, ველქინი, ესთეტიკური კლინიკა – MM.
შეთავაზებების დამატებითი პირობების სანახავად ეწვიეთ ბმულს.

ნავთობის ფასმა ოთხშაბათს დღისით ზომიერი ზრდა დაიწყო, ზედიზედ სამი სესიის განმავლობაში კლების შემდეგ.
ლონდონის ICE Futures ბირჟაზე Brent-ის ნავთობის დეკემბრის ფიუჩერსები 0.25 აშშ დოლარით (0.39%) გაიზარდა და ბარელზე 64.65 აშშ დოლარი შეადგინა.
NYMEX ბირჟაზე WTI-ის დეკემბრის ფიუჩერსები 0.21 აშშ დოლარით (0.35%) გაიზარდა და ბარელზე 60.36 აშშ დოლარი შეადგინა.
ვრცლად interfax – ზე

„უბრალოდ, მინდა, რომ დავჯდე… გთხოვთ არ ჩამეხუტოთ არავინ, მტკივა ყველაფერი…“ – მიმართავდა ის მეგობრებსა და მხარდამჭერებს, რომლებიც რუსთავში პენიტენციურ დაწესებულებასთან შეიკრიბნენ.
ჯანმრთელობის მძიმე მდგომარეობის გამო, რომელიც გამოიხატებოდა ვიზუალურადაც, ნინო დათაშვილმა ჟურნალისტებს სთხოვა, არ გადაეღოთ მისთვის ვიდეოკადრები.
ნინო დათაშვილს საპატიმროს დატოვების უფლება მას შემდეგ მისცეს, რაც პროკურატურამ აღკვეთის ღონისძიებად შეფარდებული პატიმრობის გირაოთი შეცვლა მოითხოვა. მოსამართლე თამარ მჭედლიშვილმა ბრალდებულს 5000 ლარის გადახდა დააკისრა – მხარდამჭერებმა ნინო დათაშვილს ეს თანხა რამდენიმე წუთში შეუგროვეს.
ნინო დათაშვილი 20 ივნისს დააკავეს მანდატურებზე თავდასხმის ბრალდებით – თბილისის საქალაქო სასამართლოში 9 ივნისს მომხდარის გამო. საქმე აღძრულია სისხლის სამართლის კოდექსის 353-ე სეკუნდა მუხლის მე-3 ნაწილით, რაც გულისხმობს საჯარო მოსამსახურეზე თავდასხმას, სამსახურებრივი მოვალეობის შესრულების დროს. მას 4-დან 7 წლამდე პატიმრობა ემუქრება.
პატიმრობაში მყოფი ქალი მასწავლებლის ჯანმრთელობის მდგომარეობის დამძიმების შესახებ არასამთავრობო ორგანიზაცია „პარტნიორობა ადამიანის უფლებებისთვის“ – PHR – ბოლო პერიოდში მუდმივად საუბრობდა.
„დაპატიმრებიდან დაახლოებით 2 თვეში ნინოს დაეწყო ხერხემლის და კიდურების ტკივილები, რის გამოც, 2025 წლის 8 და 17 სექტემბერს, ვეღარ შეძლო თავის სასამართლო პროცესებში მონაწილეობა. N5 პენიტენციური დაწესებულება ნინო დათაშვილს აწვდის სამედიცინო სერვისს, თუმცა, ციხის პირობებში მისი ჯანმრთელობის მდგომარეობა ვერ უმჯობესდება. პირიქით, ბოლო პერიოდში მისი მდგომარეობა გახდა კრიტიკულად მძიმე, რაც იმის დასტურია, რომ გაწეული სამედიცინო დახმარება არ არის ეფექტური“, – ეწერა PHR-ის მიერ 28 ოქტომბერს გავრცელებულ განცხადებაში.
· 25 აგვისტოს, კლინიკა „ვივამედში“ ჩატარებული კვლევის შემდეგ, ნინო დათაშვილს დაენიშნა მედიკამენტოზური მკურნალობა და ფიზიოთერაპია. სამედიცინო დოკუმენტში მითითებული იყო ხერხემლის ოსტეოქონდროზი. ამავე სამედიცინო დოკუმენტის თანახმად, მკურნალობის არაეფექტურობის შემთხვევაში, პაციენტი კლინიკაში ქირურგიული ოპერაციისთვის უნდა გადაეყვანათ;
· 24 ოქტომბერს, სამედიცინო შემოწმების მიზნით, დათაშვილი კვლავ გადაიყვანეს „ვივამედში“, სადაც ჩაუტარდა მაგნიტურ-რეზონანსული ტომოგრაფია. გაცემული სამედიცინო დოკუმენტის მიხედვით, დიაგნოზის საფუძველზე საჭიროა ქირურგიული ოპერაცია;
· PHR-ის თანახმად, ნინო დათაშვილს ესაჭიროება ორი ქირურგიული ოპერაცია. პირველ რიგში, – კისრის მალებზე.
გუშინ, 28 ოქტომბერს, ნინო დათაშვილის ქმარმა გოდერძი ფრუიძემ თქვა, რომ მისი ცოლის მდგომარეობა მკვეთრად დამძიმდა.
„ნინო დღეს მოიყვანეს ეტლით, სადაც იჯდა გაცრეცილი, გაშეშებული კისრით. ოთახში, სადაც უნდა მენახა, ძლივს ავიყვანეთ (კიბის ერთ საფეხურზეა ფეხი ასაწევი). სკამზე დასმაც გაგვიჭირდა, რომ მისთვის ტკივილები კიდევ უფრო არ გაგვემძაფრებინა“.
ფორუმი

შორენა ბეგაშვილის ქალიშვილი ევა ბარბაქაძე საზოგადოების ყურადღების ცენტრში მუდმივად ექცევა. დიდია ინტერესი მისი პირადი თუ კარიერული ცხოვრების დეტალების შესახებ. ამჯერად ევა რჩეულთან ერთად გადაღებულ ფოტოებს გვიზიარებს, თუმცა მისი ვინაობის შესახებ არ წერს.
პირველად საყვარელ ადამიანთან ერთად გადაღებული ფოტოები ევამ დედის, შორენა ბეგაშვილის დაბადების დღეზე გამოაქვეყნა და დიდი სიყვარულიც დაიმსახურა.
ევა ბარბაქაძე შორენა ბეგაშვილს პატარა ასაკში შეეძინა, ჯერ კიდევ მაშინ, როდესაც შორენა ეკრანზე არ ჩანდა. პოპულარობა დედა-შვილის ცხოვრებაში დიდი მუშაობისა და ძალისხმევის შედეგად მოვიდა. ყველამ იცის, რომ შორენა რუსთავში გაჭირვებულად ცხოვრობდა.
ცნობილი დედის მსგავსად ევაც სოციალურ ქსელში დიდი პოპულარობით სარგებლობს. მას 120 ათასზე მეტი გამომწერი ჰყავს, რომელთაც ხშირად უზიარებს პირად ფოტოებსა და სასარგებლო რჩევებს.
რო­გორც ერთ-ერთ გა­და­ცე­მა­ში მოგ­ვი­ა­ნე­ბით შო­რე­ნამ ისა­უბ­რა, ევას მამას ღა­ლა­ტის გამო და­შორ­და. შორენას ქმარი ზურაბ ბარბაქაძეა, რომელმაც ცოტა ხნის წინ იქორწინა. მისი რჩე­უ­ლი უკ­რა­ი­ნა­ში ცნო­ბი­ლი დი­ზა­ი­ნე­რი გა­ლი­ნა აპი­ლა­ტია. გა­ლი­ნა და მისი და, ლუბა, სა­ქორ­წი­ნო კა­ბებ­ზე, პე­ნუ­ა­რებ­სა და ქა­ლის თეთ­რე­ულ­ზე მუ­შა­ო­ბენ.
შემთხვევა 2016 წლის 27 მარტს მოხდა. როგორც თვითმხილველები ჰყვებოდნენ, ევა სახლში, საკუთარ ოთახში ფანჯარაზე იჯდა, რა დროსაც მოულოდნელად გადავარდა. მაშინ 14 წლის ევას ხერხემლის სამი მალის, ბეჭის და ბარძაყის მოტეხილობები ჰქონდა, მკურნალობდა რამდენიმე თვე თურქეთის ერთ-ერთ კლინიკაში და რამდენიმე ოპერაციის შემდეგ ჩვეულ ცხოვრებას დაუბრუნდა.
შორენა ამბობდა, რომ ინციდენტის დროს სამზარეულოში იყო და კერძს ამზადებდა, როდესაც ეზოში სასწრაფო დახმარების მანქანის ხმა გაიგო, რომელსაც საპატრულო პოლიციის სირენების ხმაც ერთოდა, გაიქცა ევას ოთახში და ის იქ აღარ დახვდა.
საბედნიეროდ, ხანგრძლივი რეაბილიტაციის შემდეგ, ევა ჩვეულ ცხოვრებას დაუბრუნდა. განაგრძო სწავლა, მოგვიანებით უნივერსიტეტშიც ჩააბარა და აგრძელებს სრულფასოვან ცხოვრებას.

“რეალის” ბრაზილიელი ვარსკვლავი თავის მეგობარ გოგონა ვირჯინია ფონსეკას შეურიგდა და ამის დამადასტურებელი კადრები სოციალურ ქსელში განათავსა. აღსანიშნავია, რომ ორივე პიროვნებას Instagram-ზე 50 მილიოზე მეტი გამომწერი ჰყავს და სასიყვარულო ფოტოებს 10 მილიონზე მეტი მოწონება აქვს.
შეხსენებისთვის, ვინისიუსი 26 წლის ბრაზილიელ ტელეწამყვანსა და “ინფლუენსერს”, სამი შვილის დედა ვირჯინია ფონსეკას მისი სავარაუდო ღალატის გამო დაშორდა. მოგვიანებით, ფეხბურთელმა გოგონას საჯაროდ ბოდიში მოუხადა, ფონსეკამაც აპატია, “ელ კლასიკოზე” მადრიდში ჩავიდა და დიდი შერიგებაც შედგა.
[VIDEO] “გინდა, ვიჩხუბოთ?!… გასახდელში გავიდეთ!” – იამალისა და ვინისიუსის კონფლიქტის დეტალები
[VIDEO] გენიალური ბელინგემი და უკმაყოფილო ვინისიუსი – “რეალმა” “ელ კლასიკოში” გაიმარჯვა
არის თუ არა იამალისგან ფეხმძიმედ – ნიკი ნიკოლმა კითხვას უპასუხა
“ალ-აჰლი” მზადაა ვინისიუსი 300 მილიონად შეიძინოს
[VIDEO] “გინდა, ვიჩხუბოთ?!… გასახდელში გავიდეთ!” – იამალისა და ვინისიუსის კონფლიქტის დეტალები
კონტრაქტს აღარ გააგრძელებს – კურტუა “რეალიდან” მალე წავა
საუდის არაბეთის კლუბი ვინისიუს სანაცვლოდ 300 მილიონი ფუნტის გადახდაზე თანახმაა
ტრენტს “ელ კლასიკოში” თამაში სურს – როდის დაუბრუნდება ინგლისელი მოედანს
“სექსუალური მანიაკია, გამუდმებით თავისი პენისის სურათებს მიგზავნიდა” – ბრაზილიელმა მოდელმა ვინისიუსზე სკანდალური ამბავი მოჰყვა
მოინანია და აპატიეს – ვირჯინიამ ვინისიუსს კიდევ ერთი შანსი მისცა და დღეს “ბარსელონასთან” მატჩში ტრიბუნიდან გაამხნევებს
[PHOTOS] ურთიერთობა სამი შვილის დედასთან? – ვინისიუსი ამ 26 წლის ტელეწამყვანს დაუკავშირეს
საიუბილეო მე-300 მატჩი და მე-4 საუკეთესო შედეგი – კურტუა ბრწყინვალე ასპარეზობას განაგრძობს

დონალდ ტრამპი მომავალ კვირას ცენტრალური აზიის ქვეყნების ლიდერებს შეხვდება, – ინფორმაციას Reuters-ი ავრცელებს.
Reuters-ის ინფორმაციით, აშშ-ის პრეზიდენტსა და უზბეკეთის, ყაზახეთის, ყირგიზეთის, ტაჯიკეთისა და თურქმენეთის ლიდერებს შორის შეხვედრა 6 ნოემბერს თეთრ სახლში გაიმართება.
აშშ-ის სახელმწიფო მდივნის მოადგილემ, კრისტოფერ ლანდაუმ, რომელიც უზბეკეთში ვიზიტით იმყოფება, განაცხადა, რომ უზბეკეთის პრეზიდენტი, შავკატ მირზიოევი ვაშინგტონს მომავალ კვირას ეწვევა.
ამასთან, ყაზახეთის პრეზიდენტმა, კასიმ-ჟომარტ ტოკაევმა დონალდ ტრამპს მიწვევისთვის მადლობა გადაუხადა და აღნიშნა, რომ სამიტში მონაწილეობას მიიღებს.

4 ოქტომბრის ეპიზოდი ხელისუფლების მხრიდან იყო პროვოცირებული – მის მიერ კონტროლირებადი ე.წ. სახელმწიფო გადატრიალება საჭირო იყო, რადგან ეს საფუძვლად დასდებოდა საკონსტიტუციო სარჩელს – ხაბეიშვილმა, კლასიკური პროვოკატორის როლი შეასრულა, ხელი შეუწყო ხელისუფლებას ამ სარჩელის მომზადების პროცესში მისი გეგმებიდან გამომდინარე,- ამის შესახებ პოლიტოლოგმა, გია ხუხაშვილმა „პალიტრანიუსის“ გადაცემა, „დღის ნიუსრუმში“ სტუმრობისას განაცხადა.
ხუხაშვილის თქმით, რა პროცესიც დღეს ქვეყანაში მიდის, „სამართლის მიღმა პროცესია“.
„ხელისუფლების სტრატეგიული ამოცანაა, რომ ქვეყანაში ჩამოაყალიბოს რუსული ტიპის ე.წ. სუვერენული დემოკრატიული სისტემა, რაც გულისხმობს იმას, რომ ქვეყანაში უნდა არსებობდეს ერთი დომინანტური ძალა, დომინანტური პარტია და მისი სატელიტები, რომლებიც დათანხმდებიან ძალაუფლების მუდმივობის თამაშის წესებზე. მოუზომავენ რაღაც ბოსტანს და იმ ბოსტნის ფარგლებში იმოძრავებ ისე, რომ ძალაუფლებაზე, ხელისუფლებაზე პრეტენზია არ ექნებათ. ეს არის რუსული მოდელი, რომელიც მუშაობს კვაზ დემოკრატიულ ქვეყნებში და ხელისუფლების ყველა ნაბიჯი ამ მიმართულებით, ამ საქმეს ემსახურება. ოპოზიციური ძალები, რომლებიც ამ თამაშის წესებზე არ თანხმდებიან, უნდა იქნან სახელდებული, ე.წ. არასისტემურ ოპოზიციად და ნახევრად არალეგალურ მდგომარეობაზე უნდა იყვნენ გადაყვანილები.
დღეს რა პროცესიც მიდის, ეს არის სამართლის მიღმა პროცესი. [რაც შეეხება უშუალოდ კონსტიტუციური წყობილების ძალადობრივი გზით შეცვლის ბრალდებას], სრულად დარწმუნებული ვარ იმაში, რომ 4 ოქტომბრის ეპიზოდი იყო ხელისუფლების მხრიდან პროვოცირებული, რომლის ინსტრუმენტადაც შეგნებულად თუ შეუგნებლად, გამოყენებულები იყვნენ კონკრეტული ადამიანები. ყველას ჰქონდა თავისი როლი. ვიღაც იყო ჩანერგილი პროვოკატორი, ვიღაც სასარგებლო ბრიყვი და ა.შ. ზუსტად იმისთვის იყო ხელისუფლების მიერ კონტროლირებადი ეს ე.წ. სახელმწიფო გადატრიალება საჭირო, რომ ეს მერე საფუძვლად დასდებოდა ამ ყველაფერს. დარწმუნებული ვარ, რომ ხაბეიშვილმა, არ ვამბობ, რომ ის „დავერბოვკებული“ პროვოკატორია, მაგრამ მან კლასიკური პროვოკატორის როლი შეასრულა. მერე ის პროცესს გაარიდეს. ის სასარგებლო ბრიყვი იყო ამ პროცესში თუ რა იყო, ეს ცალკე თემაა. ხაბეიშვილმა, ფაქტობრივად, ხელი შეუწყო ხელისუფლებას ამ სარჩელის მომზადების პროცესში მისი გეგმებიდან გამომდინარე. ეს ჩემთვის სრულად აშკარაა. ამაზე გაბრაზდებიან, მაგრამ თუ ვინმეს თვალების დახუჭვა უნდა, ხუჭოს რამდენიც უნდა. ეს პოლიტიკის „ორჯერ ორი ოთხია“. უნდათ გაბრაზდნენ, უნდათ ცივი წყალი დალიონ“, – განაცხადა ხუხაშვილმა.
მისივე თქმით, მიზეზი, რის გამოც, საკონსტიტუციო სარჩელი აღარ მოიაზრებს ინდივიდუალურ პირებთან დაკავშირებით მიმართვას, შეიძლება იყოს ის, რომ „შავ სიაში“ „ქართულ ოცნებაში“ ძალიან ბევრი პორტირებული მოხვდებოდა“.
„თავიდან უნდოდათ დაკავშირებული პირების „შავი სიის“ გაკეთება. ეს გადაიფიქრეს იმ მარტივი მიზეზის გამო, რომ ეს „შავი სია“ რომ გაკეთებულიყო, მასში „ქართულ ოცნებაში“ ძალიან ბევრი პორტირებული მოხვდებოდა. შეიძლებოდა საფრთხე შეჰქმნოდა „ქართულ ოცნებასაც“, მისი ლიკვიდაციისა და გაუქმების საკითხი შეიძლება დამდგარიყო დღის წესრიგში.
პაპუაშვილმა აღიარა, რომ ამოცანა მართლმსაჯულება და სახელმწიფო უსაფრთხოება კი არ არის, ამოცანა არის პარტიული, „ქართული ოცნების“ უსაფრთხოება, რომ ლეგალურ სივრცეში მარტო სუსტი ძალები უნდა იყვნენ და არა ძლიერები. ვფიქრობ, რომ „ლელოც“ აქ მოხვედრილია არა იმ სრული პაკეტით, რასაც სახელმწიფო გადატრიალება, მმართველობის პერიოდში ჩადენილი დანაშაული ა.შ. ჰქვია. ეს ეხება უფრო „ნაციონალურ მოძრაობას“ და „კოალიცია ცვლილებისთვის“. ამ კრიტერიუმებში „ლელო“ ვერ ჯდება. „ლელო“ ჩასვეს აბსოლუტურად ბელეტრისტიკული კრიტერიუმებით. ეს არის გარკვეული ტაქტიკური სვლა „ქართული ოცნების“ მხრიდან, რომ გარკვეულწილად სახე შეუნარჩუნოს საკონსტიტუციო სასამართლოს. გათვლილია სარჩელის ნაწილობრივ დაკმაყოფილება, ეს არის მათი ვირეშმაკული ტაქტიკა, რომ საკონსტიტუციო სასამართლომ, თითქოს ობიექტურმა მართლმსაჯულების ინსტიტუტმა, სარჩელი დააკმაყოფილოს ორი პარტიის შემთხვევაში და მესამეს შემთხვევაში არა“,- განაცხადა ხუხაშვილმა.
პოლიტოლოგის მოსაზრებით, გახარიას პარტიის არ შეყვანა სარჩელში, მის „დისკრედიტაციას და ელექტორალურ დასუსტებას ემსახურება“. მისივე თქმით, გახარიასა და ბიძინა ივანიშვილის შორის შესაძლო გარიგება „ტყუილია, რადგან ბიძინა ივანიშვილი გახარიასთან მოლაპარაკებებს არ დაიწყებს“.
„გახარიას დატოვება ამ სიის მიღმა, ვინაიდან ის პარლამენტში შევიდა, ეს უფრო მეტად, მის დისკრედიტაციას ემსახურება. „ლელოსა“ და გახარიას შორის იმ კრიტერიუმების მიხედვით, რაზეც საუბარია, განსხვავების პოვნა, პრაქტიკულად, შეუძლებელია. ხელისუფლების გათვლაა, რომ მოხდება ამ პარტიის ელექტორალური დასუსტება. პარლამენტში ისინი უბრალოდ, „განტევების ვაცები“ და ფასადის შემქმნელი ოპოზიცია გახდებიან. გახარიას პარტიის არ ეშინიათ, იმიტომ, რომ მის ლიდერზე უმძიმესი ბრალდებებით შეკერილი საქმე აქვთ აღძრული.
ერთ-ერთი მოტივი, რატომ დაიწყეს ეს შეტევა და ამ სარჩელის ინიცირება, არის ის, რომ მიმდინარეობს „ქართული ოცნებისთვის“ ბევრად უფრო მძიმე, პარალელური პროცესი – ქონების, ბიზნესების გადანაწილება, შიდა გავლენის სფეროების გადანაწილება. ფულისა და ძალაუფლების ფლობაზე ექსკლუზივის მიღებისთვის სასტიკი ბრძოლა მიმდინარეობს „ქართულ ოცნებაში“. შესაბამისად, ამის გამო საზოგადოება ვერ ფოკუსირდება ძირითად პროცესზე. გადაფარვის ამოცანა ერთ-ერთი მნიშვნელოვანი ამოცანაა ამ ყველაფერში“, – განაცხადა ხუხაშვილმა.
მისივე თქმით, „პოლიტიკური შედეგის წონის მხრივ, ამ პროცესს უბრალოდ აზრი არ აქვს, რადგან პოლიტიკური ფასი, რასაც ხელისუფლება ამაში იხდის, ბევრად აღემატება იმ სარგებელს, რაც მათ ამ ე.წ. საკონსტიტუციო სარჩელის მხრივ შეიძლება მიიღონ“.
გარდა ამისა, ხუხაშვილი გამოეხმაურა „ნაციონალური მოძრაობის“ ერთ-ერთი ლიდერის, ლევან სანიკიძის განცხადებას „ქართული ოცნების“ მიერ წარდგენილი საკონსტიტუციო სარჩელის საპასუხოდ, სადაც მან აღნიშნა რომ „ახლა არის დრო, როგორც ქვეყნის შიგნით, ისე ქვეყნის გარეთ, გამოვიყენოთ ეს უნიკალური შესაძლებლობა და ვაჩვენოთ რეალური ერთიანობა“. ხუხაშვილის თქმით, ოპოზიციური პარტიების გაერთიანებას მნიშვნელობა არ აქვს, სანამ ისინი „ხალხის ნდობას არ დაიბრუნებენ“.
„დიდი ბოდიში, მაგრამ კიდევ გვაქვს ჩვენ ილუზია, რომ პარტიების გაერთიანება-არ გაერთიანებას რაიმე მნიშვნელობა აქვს?! მათ აქვთ ილუზია ან არ აქვთ და რატომღაც მუდმივად ამ მანკიერ წრეზე ტრიალებენ, რომ პარტიების გაერთიანებას რაიმე აზრი აქვს. ხალხის აზრს და კონსოლიდაციას აქვს აზრი. ძალაუფლების წყარო პარტიები კი არ არიან, რომლებიც ისეთივე არალეგიტიმურები არიან ამ საზოგადოებაში, როგორც ხელისუფლება. პარტიები ერთმანეთთან გაერთიანებაზე კი არ უნდა ზრუნავდნენ, ხალხის ნდობის დაბრუნებაზე უნდა ზრუნავდნენ. ხალხის ნდობას რომ დაიბრუნებენ, მერე უნდათ ერთად დასხდნენ და რაც უნდათ ქნან. როგორც უნდათ ისე დასხდნენ, დაკვრას მაინც ვერ ისწავლიან. ხალხზე იფიქრონ!“ – აღნიშნა ხუხაშვილმა.

უნგრეთის პრემიერ-მინისტრი, ვიქტორ ორბანი მოხიბლულია მოსკოვით და სურს, რომ თავისი ქვეყანა რუსეთის მოდელით ააშენოს, – ამის შეახებ პოლონეთის პრემიერ-მინისტრმა, დონალდ ტუსკმა განაცხადა.
„ბოლო დროს მოსკოვით მოხიბლულია და თვლის, რომ უმჯობესია შექმნას გარკვეულწილად ავტორიტარული მოდელი, რუსეთის ნიმუშის მიხედვით“, – აღნიშნა ტუსკმა.
მან უნგრეთში ხელისუფლების მხრიდან დარღვევების შესახებ ისაუბრა და განაცხადა, რომ ორბანის აზროვნება ძალაუფლებას აღიქვამს, როგორც „საშუალებას იმის უზრუნველსაყოფად, რომ ვერავინ გააკონტროლოს ხელისუფლების ქმედებები“.
ტუსკმა აღნიშნა, რომ უნგრეთი 1989 წელს პოლონეთზე გაცილებით წინ იყო, მაგრამ ახლა ის ევროკავშირის ყველაზე ღარიბი ქვეყანაა.
„ისინი, ვინც დაუშვა კორუფცია, მაგალითად, ევროპული ფონდების მიმართ, ჩამორჩნენ ეკონომიკური ზრდისა და ხალხის კეთილდღეობის ამ დიდ რბოლაში“, – აღნიშნა ტუსკმა.

თიბისის მხარდაჭერით, საქართველოში ზეთისხილის გადამამუშავებელი ყველაზე მსხვილი ქარხანა – სვანიძის ზეთისხილის საწარმო – გაიხსნა. ობიექტი დედოფლისწყაროში, ტარიბანას ველზე მდებარეობს და დღეში 150 ტონა ზეთისხილს გადაამუშავებს.
7-მილიონიან პროექტში თიბისის დაფინანსება 5 მილიონი ლარია. თანხა კომპანიამ ქარხნის მშენებლობისა და დანადგარების შესაძენად გამოიყენა.
2 400 კვადრატულ მეტრზე გაშენებულ საწარმოში 30-მდე ადამიანი დასაქმდება, სეზონურად კი თანამშრომელთა რიცხვი 150-მდე გაიზრდება. ქარხანა 100%-ით ნატურალურ ზეთისხილის ზეთსა და მარინადს აწარმოებს. პროდუქცია ადგილობრივ ბაზარზე გაიყიდება, სამომავლოდ კი დაგეგმილია ექსპორტი. ახალი საწარმო ინოვაციური ტექნოლოგიებით არის აშენებული და აღჭურვილია მსოფლიოში წამყვანი ბრენდების დანადგარებით, გერმანული და იტალიური საწარმოო სისტემებით.
თიბისი და „სვანიძე ჰოლდინგი“ 2023 წლიდან აქტიურად თანამშრომლობენ. პარტნიორობის ფარგლებში 108 ჰექტარი ზეთისხილის ბაღებია გაშენებული, სამომავლოდ კი ფართობი 300 ჰექტარს გადააჭარბებს. თანამშრომლობა ასევე მოიცავს 900 ჰა-ზე გაშენებული ბაღების მოვლის დაფინანსებასა და მექანიზაციის შეძენის ხარჯებს.
„ზეთისხილის კულტურა საქართველოსთვის ახალი მიმართულებაა. მოხარული ვარ, რომ სწორედ თიბისი იყო ერთ-ერთი პირველი, ვინც დარგის პოტენციალი დაინახა და სექტორის განვითარებას დაუჭირა მხარი. ამ ნაბიჯით ადგილობრივ წარმოებას და ექსპორტსაც შევუწყეთ ხელი. დარწმუნებული ვარ, „სვანიძის ზეთისხილის“ ქარხანა მნიშვნელოვან წვლილს შეიტანს სფეროს განვითარებაში, ხელს შეუწყობს ადგილობრივების დასაქმებას და სოფლის მეურნეობაში თანამედროვე ტექნოლოგიების დანერგვას. აგრარული მიმართულების, განსაკუთრებით საექსპორტო პროდუქციის, მხარდაჭერა თიბისისთვის მნიშვნელოვანი პრიორიტეტია. ბოლო 3 წლის განმავლობაში ბანკის პორტფელი სოფლის მეურნეობის სექტორში 38%-ით, 330 მილიონი ლარით, გაიზარდა და 1.2 მილიარდ ლარს შეადგენს”, – გიორგი დარჩიაშვილი, თიბისის მსხვილი და საშუალო კორპორაციული კლიენტების მომსახურების დეპარტამენტის დირექტორი.
„ეს ქარხანა მხოლოდ ზეთისხილის ზეთის წარმოების სივრცე არ არის – ეს არის საქართველოს შესაძლებლობის დემონსტრაცია, რომ ეკომეგობრული მიდგომითა და ინოვაციური ტექნოლოგიებით ვაწარმოოთ უმაღლესი ხარისხის პროდუქტი მხოლოდ შეშის ენერგიაზე, ბუნებრივი წარმოების გზით. საწარმო არამხოლოდ სვანიძის ბაღებს მოემსახურება, არამედ მთელი საქართველოს ფერმერების ზეთისხილის მოსავალს ჩაიბარებს. ჩვენი მიზანია, საქართველო ზეთისხილის მსოფლიო რუკაზე ერთ-ერთ წამყვან მწარმოებლად ვაქციოთ”, – გიორგი სვანიძე, „სვანიძის ზეთისხილის“დამფუძნებელი.