Bu gün Türkiyə Super Liqasında XXIII tura start verilib.

Futbolpress.az xəbər verir ki, ilk oyun günündə bir matç keçirilib. “Rizespor” azarkeşləri önündə “Kocaelispor”u məğlub edib.

Türkiyə Super Liqası
XXIII

20 fevral

Rizespor – Kocaelispor 2:0
Qollar: V.Mihayla, 13, S.Akaydın, 57

Azərbaycan Premyer Liqasının XXI turunun “Turan Tovuz” – “Zirə” oyunundan (2:0) sonra meydan sahibi komandanın baş məşqçisi Kurban Berdıyev jurnalistlərin suallarını cavablandırıb.

Futbolpress.az xəbər verir ki, mütəxəssis əvvəlcə görüşlə bağlı fikirlərini bildirib…

– Birinci hissədə oyunumuz pis alınmadı. Əvəzetmələrdən sonra təşəbbüsü bir qədər əldən verdik. Şükürlər olsun ki, qələbə qazandıq.

– Avrokuboklar mübarizəsində əsas rəqiblərinizdən birini məğlub etdiniz. Mövsümün qalan hissəsində şanslarınızı necə dəyərləndirirsiz?
– Turnir cədvəlinə fikir vermirik. Oyundan-oyuna növbəti matçı düşünürük. Buna köklənirik.

Azərbaycan Premyer Liqasının XXI turunun “Sumqayıt” – “Qəbələ” oyunundan (0:0) sonra meydan sahibi komandanın baş məşqçisi Saşa İliç jurnalistlərin suallarını cavablandırdı.

Futbolpress.az xəbər verir ki, mütəxəssis əvvəlcə görüşlə bağlı fikirlərini bölüşdü…

– Oyunun ilk 20 dəqiqəsində yaxşı oyun göstərdik. Lakin fasiləyə yaxın katastrofik vəziyyət yarandı. İkinci hissədə bir az oyunu düzəltdik, amma qələbə qazana bilmədik.

– Futbolçular sanki şanslara məsuliyyətsiz yanaşırlar… Belə şey var, ya bizə elə gəlir?
– Belə deməzdim. Sadəcə ötürmələrdə, qərarlarda səhvlik olur. Bu, məsuliyyət məsələsi deyil.

– Roy Kehatın durumu necədir?
– Hələ dəqiq nəsə deyə bilmərəm. Birinci gün dəqiq bilinəcək.

– Ardıcıl üç oyundur, qələbə qazana bilmirsiniz. Bu, avrokubok mübarizənizə necə təsir edəcək?
– Qarşıda oyunlar var. Ciddi, çətin matçlar olacaq. Çalışacağıq ki, yaxşı nəticələr əldə edək.

Şahin Cəfərov

Azərbaycan Premyer Liqasının XXI turunun “Sumqayıt” – “Qəbələ” oyunundan (0:0) sonra qonaq komandanın baş məşqçisi Kaxaber Sxadadze jurnalistlərin suallarını cavablandırdı.

Futbolpress.az xəbər verir ki, mütəxəssis əvvəlcə görüşlə bağlı fikirlərini bölüşdü…

– Çox danışmayacağam. Hər iki komanda yüksək səviyyədə oyun sərgilədi. Bu mövsüm üçüncü dəfə penaltini vura bilmirik. Məşq prosesində bunun üzərində işləyirik, amma oyunda alınmır. Futbolçuların mübarizəsindən razı qaldım. Belə işləsək, mövsümün sonuna kimi daha çox xal toplayacağıq.

– Penalti məsələsini həll etməyin nəsə yolu var?
– Bu, psixologiya məsələsidir. Ba Lua yüksək səviyyəli, təcrübəli oyunçudur. Futbolda belə hallar olur. Belə anlarda psixologiya mühümdür. İndi elə vəziyyətdəyik ki, hər oyun xal qazanmalıyıq, bu da futbolçulara təsir göstərir. Futbolçularıma təşəkkür edirəm. “Sumqayıt” yaxşı komandadır. Baxımlı oyun oldu. Belə komandalara qarşı oynamaq xoşdur. Biz də meydanda oyun göstərməyə çalışdıq. Qol olmasa da, zövq alınası oyun oldu. Penalti vurmağı da öyrənsək, daha yaxşı olacaq.

– Qış fasiləsində komandanı istədiyiniz kimi formalaşdıra bildiniz? 
– Heyəti gücləndirdik. Bəzi oyunçular komandaya gec qoşulsa da, uyğunlaşa bildilər. İndi müdafiədə də yaxşı oynamağa başlamışıq. Qışdan əvvəl arxa xətdə problemlər var idi. Hazırda həm hücumda, həm müdafiədə yaxşı çıxış edirik. Hər oyun döyüşməliyik ki, xallar qazanaq, mövsümü istədiyimiz yerdə bitirək.

– AFFA Hakimlər Komitəsi “Sabah”la oyunda sayılmayan qolun izahını verib. Bundan razı qaldınız?
– Oyun artıq bitib. Qərara hörmətlə yanaşıram. Amma mənə elə gəlir, qol var idi.

Şahin Cəfərov

Azərbaycan Premyer Liqasının XXI turunun “Turan Tovuz” – “Zirə” oyunundan (2:0) sonra qonaq komandanın baş məşqçisi Rəşad Sadıqov jurnalistlərin suallarını cavablandırıb.

Futbolpress.az xəbər verir ki, mütəxəssis əvvəlcə görüşlə bağlı fikirlərini bildirib…

– Oyuna çox pis başladıq və qapımızda iki qol gördük. Oyunun əvvəlində sanki komandada çaşqınlıq var idi. Birinci hissəni çox pis keçirdik. İkinci yarıda isə tam əksi oldu. Rəqibin sıx müdafiəsini yara bilmədik. Fasilədən sonra futbolçular çalışdılar. Amma matçın əvvəlində buraxılan səhvləri sonradan düzəltək alınmadı.

– Birinci hissədə dəyişiklik etdiz. Səbəb nə idi?

– Oyunun əvvəlində İsmayıl İbrahimlidə müəyyən narahatlıq var idi. Onu meydana buraxıb-buraxmamaq barədə fikiləşirdik. Hiss olunurdu ki, oyununa təsir etdi. Hesabda geriyə düşdük və dəyişikliyə getdik.

– “Zirə”nin əvəzedici komandasını izləyirsiz? Bu mövsüm əsas komandaya əvəzedici heyətdən oyunçu dəvət etmirsiz deyəsən… 

– Mütəmadi olaraq uşaqları dəvət edirik. Əvəzedicilər Liqasını izləyə bilmirəm. Amma oradan komandaya oyunçular dəvət edirik. Kimi hazır görsək, şans verəcəyik.

– “Turan Tovuz” azarkeşləri sizi qarşı şüarlar səsləndirdi, atmacalar atdılar. Bunu nə ilə əlaqələndirirsiz?

– Açığı, mən də başa düşmədim. “Turan Tovuz” mənə doğma komandadır. Fikir bildirməyəcəm. Çünki səbəbini bilmədim.

Şahin Cəfərov

“Sumqayıt” Premyer Liqanın XXI turunda bu gün “Qəbələ”ni qəbul edəcək.

Futbolpress.az xəbər verir ki, saat 19:30-da start götürəcək oyuna komandalar aşağıdakı heyətlə çıxacaqlar…

“Sumqayıt”: 1. Mehdi Cənnətov (k) 7. Rüstəm Əhmədzadə 19. Roi Kehat 72. Rayan Senhadjic 6. Sedrik Badolo 33. Danilo Beskorovaynıy 23. Ronaldo Vaskez 71. Masaki Murata 80. Keffel Resende 11. Aleksa Yankoviç 25. Abdul Raşid Mumini
Ehtiyat oyunçular: 22. Xəyal Fərzullayev 12. Murad Ağamalıyev 3. Höccət Haqverdi 29. Emil Mustafayev 8. Səbuhi Abdullazadə 24. Sənan Muradlı 75. Nadir Orucov 37. Nihad Orucəli 97. Vüsal Paşayev 10. Nikola Ninkoviç 95. Nsana Simon
Baş məşqçi: Saşa İliç

“Qəbələ”: 93. Rza Cəfərov 7. Turan Manafov 13. Nicat Əliyev (k) 24. İsmael Akinade 33. Seydina Keyta 50. Adriel Ba Loua 3. Eduardo Kunde 6. Xayme Syerra 8. Sambu Sissoko 16. İsaak Amoah 30. Prins Ovusu
Ehtiyat oyunçular: 1. Səlahət Ağayev 11. Asif Məmmədov 28. Murad Musayev 22. Fərid İsgəndərov 74. Süleyman Damadayev 66. Nuğay Rəşidov 10. Şahin Şahniyarov 27. Eşqin Əhmədov 21. Ziya Şəkərxanov 12. İbrahim Sanqare 14. Domi Massumo 70. Paulo Quimbila
Baş məşqçi: Kaxaber Sxadadze

Azərbaycan Kubokunda 1/4 final mərhələsinin cavab oyunlarının vaxtı açıqlanıb.

Futbolpress.az xəbər verir ki, “Qarabağ” – “Şamaxı” oyunu martın 3-də keçiriləcək.

Azərbaycan Kuboklu
1/4 final, cavab oyunları

3 mart (çərşənbə axşamı)

“Zirə” – “Sumqayıt”
Zirə İdman Kompleksinin stadionu, 19:00

4 mart (çərşənbə)

“Qarabağ” – “Şamaxı”
Tofiq Bəhramov adına Respublika Stadionu, 19:00

5 mart (cümə axşamı)

“Kəpəz” – “Turan Tovuz”
Yevlax şəhər stadionu, 14:30

“Qəbələ” – “Sabah”
Qəbələ şəhər stadionu, 18:00

“Mançester Siti”nin futbolçusu Bernardo Silva yayda klubu tərk edə bilər.

Futbolpress.az xəbər verir ki, “şəhərlilər” mövsümün sonunda müqaviləsi bitən yarımmüdafiəçi ilə yollarını ayırmağı düşünür.

İspaniyanın “Barselona” və “Atletiko” klubları Silva ilə yaxından maraqlanır. Klublar 31 yaşlı futbolçu ilə yaxın zamanda danışıqlara başlamağı planlaşdırır.

Bernardo bu mövsüm Premyer Liqada 26 oyunda 1 qol vurub, 4 məhsuldar ötürmə edib.

“Şəki” klubunun baş məşqçisi açıqlanıb.

Futbolpress.az xəbər verir ki, komandanın “sükanı” Firuddin Mövsümova tapşırılıb. Bu barədə klubun mətbuat xidməti məlumat yayıb. Mütəxəssislə müqavilə mövsümün sonuna kimi nəzərdə tutulub.

“Şəki” II Liqada 14 turdan sonra 25 xalla 4-cü sıradadır.

“Turan Tovuz” Premyer Liqanın XXI turunda bu gün “Zirə”ni qəbul edəcək.

Futbolpress.az xəbər verir ki, saat 17:00-da start götürəcək oyuna komandalar aşağıdakı heyətlə çıxacaqlar:

“Turan Tovuz”: 41. Sergey Samok 29. Filip Ozobiç 17. Rəhim Sadıxov 11. Ayxan Hüseynov 5. Roderik Miller 3. Enrike Silva 23. Alexandro Serrano 90. Joarlem Santos 15. Emmanuel Hakman (k) 32. Hayderson Hurtado 7. Xorxe Silva
Ehtiyat oyunçular:1. Oleq Baklov 13. Mehman Hacıyev 4. Şəhriyar Əliyev 10. Xəyal Nəcəfov 88. Faiq Hacıyev 6. Fərid Yusifli 19. Roberto Olabe 9. Coş Cinnelli 8. David Tavareş 2. Mark Rene Mampassi
Baş məşqçi: Kurban Berdiyev

“Zirə” 97. Tiaqo Silva 32. Qismət Alıyev (k) 8. İsmayıl İbrahimli 4. Ruan Renato 25. Enrike Kustodio 9. Davit Volkov 10. Giorgi Papunaşvili 30. Rikardo Martins 5. Ange Mutsinzi 17. Ayron Qomis 22. Eren Aydın
Ehtiyat oyunçular: 13. Aydın Bayramov 70. Namik Ələskərov 73. Anatoli Nuriyev 21. Hacıağa Hacılı 7. Rövlan Muradov 14. Elçin Əlicanov 19. Rüfət Abdullazadə 29. Ceyhun Nuriyev 26. Stefan Aka 28. Leroy Mikels 11. Junior Martins 6. Eldar Quliyev
Baş məşqçi: Rəşad Sadıqov

“Sabah” FK heyətini yeni futbolçu ilə gücləndirib.

Futbolpress.az xəbər verir ki, belçikalı futbolçu Qodfred Boaki İngiltərənin “Birmingem” klubundan icarəyə götürülüb. Anlaşmanın müddəti 2025/26 mövsümünün sonuna kimi nəzərdə tutulub. 20 yaşlı mərkəz müdafiəçisi “Sabah”ın əvəzedicilərdən ibarət komandasında çıxış edəcək.

“Birmingem”in yetirməsi olan Boaki, karyerası ərzində bu klubun gənclərdən ibarət komandası ilə yanaşı, Finlandiyanın “İnter” (Turku) komandasında da çıxış edib.

Azərbaycan Premyer Liqasının oyunlarını yayımlayacaq daha bir telekanal məlum olub.

Futbolpress.az xəbər verir ki, bu barədə AFFA-nın mətbuat xidməti məlumat yayıb. Çempionatda hər turun bir görüşü “İdman TV”dən də yayımlanacaq. İlk yayımın “Qarabağ” – “Sabah” oyunu olacağı bildirilir.

Premyer Liqanın yayım hüququ “CBC Sport”dadır.

Azərbaycan Kanoe və Avarçəkmə Federasiyası fəaliyyət istiqamətlərini genişləndirir.

Futbolpress.az xəbər verir ki, bununla bağlı federasiyanın Ümumi Yığıncağında müvafiq qərar qəbul olunub.

Bu addım ölkəmizdə su idman növlərinin vahid platformada inkişafını təmin etmək, idarəetmədə çevikliyi artırmaq və beynəlxalq arenada daha effektiv təmsilçiliyə nail olmaq məqsədi daşıyır. Eyni zamanda populyarlığı artırmaq, kütləviliyi təmin etmək, yeniyetmə və gəncləri cəlb etmək əsas prioritetdir.

Müvafiq olaraq federasiyanın adı dəyişdirilərək Azərbaycan Su İdmanı növləri Federasiyası (Azerbaijan Water Sports Federation) adlandırılacaq.

“Atletiko”nun futbolçusu Yulian Alvares mövsümün sonunda klubu tərk edə bilər.

Futbolpress.az xəbər verir ki, argentinalı hücumçu “Barselona”nın təklifini qəbul etmək niyyətindədir. Bu barədə İspaniya mətbuatı məlumat yayıb.

Alvares DÇ-2026-dan sonra Kataloniya klubu ilə yeni müqavilə imzalamaq niyyətindədir. Keçidin təxminən 70 milyon avro məbləğində tamamlanacağı gözlənilir.

Alvares bu mövsüm La Liqada 24 oyunda 7 qol vurub, 3 məhsuldar ötürmə edib.

AFFA İntizam Komitəsinin iclası keçirilib.

Futbolpress.az xəbər verir ki, toplantıda I Liqanın XV turunun oyunları ilə bağlı aşağıdakı qərarlar qəbul edilib:

18 fevral 2026-cı il tarixində I Liqada XV turun “Cəbrayıl” – “Baku Sportinq” oyununda “Cəbrayıl” komandasında 5 nəfər sarı vərəqə aldığı üçün “Cəbrayıl” komandası 210 manat cərimə edilsin (maddə 43.1);

18 fevral 2026-cı il tarixində I Liqada XV turun MOİK – “Səbail” oyununda MOİK komandasının 6 futbolçusu sarı vərəqə aldığı üçün MOİK komandası 210 manat cərimə edilsin (maddə 43.1);

19 fevral 2026-cı il tarixində I Liqada XV turun “Şəfa” – “Mingəçevir” oyununun 82-ci dəqiqəsində “Şəfa” komandasının 14 nömrəli futbolçusu Vüqar Həsənov ikinci sarıdan qırmızı vərəqə aldığı üçün 1 oyun oyuna buraxılmasın, “Şəfa” komandası 150 manat cərimə edilsin (maddə 17.5, 17.7);

19 fevral 2026-cı il tarixində I Liqada XV turun “Şəfa” – “Mingəçevir” oyununun 45-ci dəqiqəsində “Mingəçevir” komandasının baş məşqçisi Ramiz Məmmədov hakimi təhqir etdiyi üçün birbaşa qırmızı vərəqə aldığına görə 4 oyun oyuna buraxılmasın, “Mingəçevir” komandası 3000 manat cərimə edilsin (maddə 52.4);

19 fevral 2026-cı il tarixində I Liqada XV turun “Şəfa” – “Mingəçevir” oyununda “Mingəçevir” komandasının paltardəyişmə otağında stadiona dəymiş zərər “Mingəçevir” komandası tərəfindən qarşılansın (maddə 86);

19 fevral 2026-cı il tarixində I Liqada XV turun “Şimal” – “Şahdağ Qusar” oyununda “Şimal” komandasının 4 futbolçusu sarı vərəqə aldığı üçün “Şimal” komandası 210 manat cərimə edilsin (maddə 43.1);

19 fevral 2026-cı il tarixində I Liqada XV turun “Şimal” – “Şahdağ Qusar” oyununun 66-cı dəqiqəsində “Şahdağ Qusar” komandasının 10 nömrəli futbolçusu Vüsal Əliyev təcavüzkar davranışa görə birbaşa qırmızı vərəqə aldığı üçün 3 oyun oyuna buraxılmasın, “Şahdağ Qusar” komandası 900 manat cərimə edilsin (maddə 45.1).

“Qarabağ” – Azərbaycan futboluna adını qızıl hərflərlə yazdıran, qırılması çətin olan rekordların sahibi.

İlk dəfə Çempionlar Liqasının, qrupunda, liqa mərhələsində, pley-offunda oynamış komanda. Azərbaycanlı futbolçuların bu turnirlərdə tarixə düşən qolları vurduğu komanda. Əla. Mübaliğəsiz, böyük nəticələrdir, bundan sonra kiminsə azı 5-10 ildə bunu bacarması sual altındadır, elə özlərinin də.

Bura qədər hər şey gözəl, ancaq təşəkkürlər alan “Qarabağ”ın narahatlıq yaradan işləri (olmayan işləri) bəs nədir?

Azərbaycanın indiki məqamda bir nömrəli klubu olan “Qarabağ” tək futbol komandasıdır. Niyə? Avrokuboklarda ardıcıl iştiraka, qazanılan qələbələrə görə gələn milyonlar hardadır, hara gedir?

Ən çox gəlir əldə edən klubun niyə rekord məbləğli transferi illər əvvələ aiddir? (red – 2012-ci ildə Riçard Almeyda 1.2 milyon avro qarşılığında “Santo Andre” klubundan “Qarabağ”a keçib)

Avropada adından söz etdirən klubun nə üçün qadın futbol komandası fəaliyyət göstərmir? Saxlamağa pul yoxdur?

Əsas komandası Avropada “at oynadan” klubun nə üçün aşağı yaş qruplarında nəticələri ürəkaçan deyil?

Əvəzedici komandası nə üçün çempion ola bilmir?

Son 10 ildə 2-3 addan başqa, klubun hansı yetirməsi əsas komandaya yüksələ bilib?

Azərbaycan futbolunun inkişafı uşaq futbolundan başlayır. “Qarabağ” uşaq futbolunda hansı işləri görür?

Suallar, narahatlıq yaradan məqamlar… Məsələ, klubun uğurlarına kölgə salmaq deyil, məlumdur, “Qarabağ”ın bacardığını bundan sonra kiminsə bacarması çətindir, futbol üçün müsbət məqamdır. Bəs çatışmazlıqlar? Onlar necə olacaq?

Yuxarıda verilən “niyə”ləri “nə zaman”lar əvəz edir. Nə zaman bunlar da qaydasına düşəcək? Danışılmır, qeyd edilmir, uğurlara hamı sevinir, bəs çatışmazlıqlar necə olacaq?

Şahin Cəfərov

“Real”ın qapıçısı Tibo Kurtua klub sahibi olub.

Futbolpress.az xəbər verir ki, belçikalı qolkiper Fransanın “Le Man” klubunun səhmlərinin bir hissəsini alıb.

Fransa Liqa 2-də yarışan “Le Man”ın səhmdarları arasında Novak Cokoviç, Felipe Massa, Kevin Maqnussen kimi adlar var. Komanda çempionatda 23 turdan sonra 39 xalla 5-ci sıradadır.

Bu gün Premyer Liqada XXI tura start veriləcək.

Günün ilk matçında avrokuboklara vəsiqə mübarizəsi aparan “Turan Tovuz” və “Zirə” komandaları üz-üzə gələcək. Tovuz şəhər stadionunun ot örtüyünün yararsız olması səbəbindən görüş Suraxanıda, “Azersun Arena”da olacaq. Matça saat 17:00-da start veriləcək.

“Turan Tovuz” 19 yundan sonra 34 xalla 4-cü sıradadır. Bölgə təmsilçisinin “Qəbələ” ilə ehtiyatda bir matçı var və bu görüş fevralın 24-də keçiriləcək.

“Zirə” isə 20 turdan sonra 35 xalla üçüncü sırada qərarlaşıb. “Turan Tovuz” qələbə qazanacağı halda, rəqibini keçəcək, eyni zamanda dörd gün sonra baş tutacaq “Qəbələ” matçını da üç xalla bitirsə, fərqi artıracaq. Bu baxımdan tovuzlular üçün qələbə xüsusi önəm daşıyır.

“Turan Tovuz” son 5 oyunda 3 qələbə qazanıb, 1 heç-heçə edib, 1 dəfə də uduzub. Komanda son turda “Şamaxı” səfərindən bir xalla dönüb.

“Zirə” isə son 5 oyunda 2 qələbə qazanıb, 2 dəfə heç-heçə edib. Bir görüş isə bərabərliklə başa çatıb. “Turan Tovuz”la matçda heç-heçə belə “Zirə” cəbhəsinə sərf edir.

Komandalar arasında I dövrədə baş tutan görüşdə qolsuz bərabərlik qeydə alınıb. Tərəflərinson 5 duelində “Zirə” 2, “Turan Tovuz” 1 qələbə qazanıb. Bərabərliklə başa çatan iki görüşdə də qapılara qol vurulmayıb.

“Arsenal”la yeni müqavilə imzalayan Bukayo Saka açıqlama verib.

Futbolpress.az xəbər verir ki, 24 yaşlı futbolçu London klubunda xoşbəxt olduğunu deyib:

“Burda xoşbəxtəm. Bacardığım qədər komanaya kömək etmək istəyirəm. Hədəflərim, iddialarım var. “Arsenal”la titul qazanmaq istəyirəm. İnanıram ki, yaxın zamanda məqsədlərimizə çatacağıq. Uzun illər bu komandada olmağı arzulayıram”.

Saka bu mövsüm Premyer Liqada 23 oyunda 5 qol vurub, 4 məhsuldar ötürmə edib.

“Fənərbağça”nın baş məşqçisi Domeniko Tedesko Avropa Liqasında “Nottingem Forest”ə məlubiyyəti şərh edib.

Futbolpress.az xəbər verir ki, mütəxəssis 0:3 hesabıyla bitən görüşdən sonra bunarı deyib:

“Məğubiyyətə layiq idik. Bir komanda pis , bir komanda yaxşı oynadı. Onlar bizdən güclü idilər. İlk 30 dəqiqədə göstərdikləri təziqdən çıxa bilmədik. Hər şey bu qədər sadədir”.

Komandalar arasındakı cavab oyunu fevralın 7-də İngiltərədə olacaq.

“Santos”da çıxış edən Neymar ilin sonunda karyerasını bitirə bilər.

Futbolpress.az xəbər verir ki, bu barədə hücumçu “Caze TV”yə açıqlamasında deyib:

“Gələcəyimlə bağlı bilmirəm. Ola bilər, dekabrda karyeramı bitirim. İndi bu günü yaşayıram. Ancaq bu il mənim üçün həlledici olacaq”.

Daha əvvəl Neymarın DÇ-2026 üçün Braziliya yığmasına çağırılmayacağı halda, karyerasını bitirəcəyi iddia edilib.

18 yaşadək futbolçulardan ibarət Azərbaycan milli komandası Beynəlxalq İnkişaf Turnirində bu gün ikinci oyuna çıxacaq.

Futbolpress.az xəbər verir ki, B qrupunda yer alan millimiz Özbəkistanın müvafiq yaş qrupundan ibarət komandası ilə qarşılaşacaq.

Belarusun paytaxtı Minskdə yerləşən yerli futbol federasiyasının məşq meydançasında keçiriləcək görüş Bakı vaxtı ilə saat 14:20-də başlanacaq.

Azərbaycan yığması dünən ilk matçda Rusiyaya 1:7 hesabıyla uduzub.

Serbiyalı hücumçu Duşan Vlahoviç mövsümün sonunda “Yuventus”dan ayrıla bilər.

Futbolpress.az xəbər verir ki, bu barədə “Tuttosport” nəşri məlumat yayıb. Vlahoviç “Barselona” klubundan təklif alacağı halda, “qoca sinyora” ilə vidalaşacaq.

26 yaşlı hücumçu daha əvvəl “Yuventus”la yeni müqavilə danışıqlarında razılaşa bilməyib.

Vlahoviç bu mövsüm A Seriyasında 13 oyunda 3 qol vurub.

Qurbanov Qurbanovun AFFA İcraiyyə Komitəsinin dünən keçirilən iclasına qatılması xüsusi xəbər kimi təqdim olundu. Səbəb onun bu iclaslara əksər vaxt qatılmamasıdır.

Bu məsələnin özü də xüsusi xəbər kimi ayrıca təqdim olunmalıdır.

Qurbanov niyə əksərən İK iclaslarına qatılmır?

Qrafik sıxlığı?

Bəlkə də ən sıx qrafik bu ərəfələrdədir, amma dünən iclasda idi.

Aydın deyil, niyə qatılmırdı, niyə dünən qatıldı…

Ritorikanı dincə qoyub, başqa suala baxaq.

Qurbanov son vaxtlar heç vaxt olmadığı qədər emosional çıxışlar etdi. Yararsız meydança məsələsindən tutmuş legioner limitinədək… Əsasən haqlı olan iradları ictimai formada, bəzən də emosional açıqlamaq sakit təbiətli imicini yaddaşlarda möhkəmləndirən Qurbanovu bu mənada daha çox diqqət mərkəzinə çəkir.

Görəsən onun İK-dakı təklifləri, fikirləri “işləmir”?

Ümumiyyətlə, çoxsaylı suallar və onların ritorik halı… Buna səbəb Qurbanovun analoji mövzulara dair suallara cavab vermək istəməməsidir.

Özəl müsahibələrə toxunmur, yaxud yan keçir. Oyunsonrası mətbuat konfranslarında bu mövzuda sual verilərkən isə o, “milli komanda”, “AFFA İcraiyyə Komitəsi” tematikalı suallara bəzən, “bu haqda danışmaq istəmirəm” kimi reaksiyalar verir.

Qurbanov İK iclaslarına niyə qatılmırdı?

Necə oldu ki, dünən qatıldı?

Nədən razı, nədən narazıdır?

Son iclasda nələr danışdı, nələr eşitdi?

Ölkə futbolunun ənənəvi problemlərini son dönəmlər daha intensiv və emosional ifadə etməsinə səbəb nədir?

Bu və başqa çox sayda açıq qalan suallar var. Bu suallarla ona müraciət edə də bilərik, lakin əksərinə əvvəllər də cavab vermədiyi bilinən faktdır.

Qurbanovun ictimaililiyi yetəri qədər deyil. Sanki ictimai mövzularda qəti, korrekt, açıq mövqelər bildirmir və ümumiyyətlə bu profildə daha çox qapalı mövqeyi diqqət çəkir.

Halbuki faktiki durumda ölkə futbolunun problemlərinin həllinə ən təsirli çıxışları məhz o edə bilər.

Qurbanov obrazının yükünü və təsir potensialını bilməmiş deyil. O obrazın yükünə layiq dərəcədə mövqe qoymalı, ictimaililiyini artırmalıdır.

Kamil Əhməd

19 yaşadək futbolçulardan ibarət Azərbaycan milli komandası bu gündən fevralın 22-dək Bakıda, ayın 23-dən 28-dək isə Moldovanın paytaxtı Kişineuda təlim-məşq toplanışında olacaq.

Futbolpress.az xəbər verir ki, U-19 Kişineudakı hazırlıq dönəmində fevralın 25-də və 27-də Moldovanın müvafiq yaş qrupundan ibarət komandası ilə iki yoxlama oyunu keçirəcək. Hər iki matçın Bakı vaxtı ilə saat 15:00-da başlanması planlaşdırılır.

N.	Ad / Soyad	Klub
1	Məhdi Həsənov	Neftçi
2	Rauf Əyyubov	Sabah
3	Həzrət Səmədov	Sabah
4	Murad Qurbanov	Zirə
5	Məhəmmədəli Məmmədov	Turan Tovuz
6	Tuncay Əhmədov	Sabah
7	Tunar Muradov	Turan Tovuz
8	Fərid Abdinov	Stroqino (Rusiya)
9	Nadir Nəsibli	MOİK
10	İlkin Həzizadə	Sumqayıt
11	Əli Qazibəyov	Qarabağ
12	Abdulaziz Cabbarlı	Qarabağ
13	İbrahim Babayev	Barselona
14	Nurlan Zeynallı	Sumqayıt
15	Vüsal Kərimov	Neftçi
16	Əhliman Süleymanzadə	Zirə
17	Sabutay Hacı	Alboraya (İspaniya)
18	İslam Həsənov	Qrafiçar (Serbiya)
19	Əli İbrahim	Qarabağ
20	Nicat Nərimanov	Brommapoykarna (İsveç)
21	Əhməd Vəliyev	Qarabağ

Azərbaycanlı futbolçu Nəriman Axundzadənin yeni yeni klubu “Kolumbus Kryu” heyətini yeni futbolçu ilə gücləndirib.

Futbolpress.az xəbər verir ki, MLS təmsilçisi portuqaliyalı Andre Qomeşi transfer edib. Bu barədə klubun mətbuat xidməti məlumat yayıb.

Qomeş karyerası ərzində “Benfika”, “Valensiya”, “Barselona”, “Everton” kimi klublarda oynayıb.

“İmişli” PFK heyətinə yeni oyunçu cəlb edib.

Futbolpress.az xəbər verir ki, Azərbaycanlı futbolçu Orxan Fərəcov ilə kontrakt imzalanıb.

25 yaşlı yarımmüdafiəçi karyerası ərzində müxtəlif illərdə “Şamaxı-2”, “Keşlə”, “Səbail”, Polşanın “KS CK Troszyn” və “Narew Ostrołęka” klublarında çıxış edib.

Son mövsümlərdə isə “Baku Sporting” və “Şahdağ” FK-nın formasını geyinib.

İtaliyalı mütəxəssis Karlo Ançelotti Braziliya millisi ilə müqaviləsini uzadacaq.

Futbolpress.az xəbər verir ki, bu barədə məşqçi “Movistar” telekanalına danışan zaman deyib. O, yığma ilə sözləşməsinin 2030-cu ilin sonuna qədər artırılacağını bildirib.

Ançelotti ötən ilin mayından yığmaya rəhbərlik edir. Onun Braziliya millisində illik 10 milyon avro qazandığı bildirilir.

Bu gün dünyanın yaşıl meydanlarında futbol oyunları keçiriləcək.

Futbolpress.az qarşılaşmaları canlı yayımlayacaq telekanalların siyahısını təqdim edir…

20 fevral

Azərbaycan, Premyer Liqa
17:00 Turan Tovuz – Zirə (CBC Sport)
19:30 Sumqayıt – Qəbələ (CBC Sport)

Türkiyə, Super Liqa
21:00 Rizespor – Kocaelispor (beİN Sports 1)

İtaliya, A Seriyası
23:45 Sassuolo – Verona (Futbol 2)

Fransa, Liqa 1
23:45 Brest – Marsel (beİN Sports 4)

İspaniya, La Liqa
00:00 Atletik – Elçe (İdman TV, Matç TV)

Dünən SOCAR-ın inzibati binasında AFFA İcraiyyə Komitəsinin növbəti iclası keçirilib.

Əvvəla, İK-nın iclaslarının AFFA-nın binasından kənarda keçirilməsi anlaşılmazdır. Bu, Rövşən Nəcəfin dövründə dəbə minib.

AFFA-nın üzv olduğu UEFA-nın digər üzv assosiasiyalarının heç biri toplantılarını inzibati binadan kənarda keçirmir.

Bu məsələdə hüquqi aspektdən prinsipiallıq olmaya bilər, lakin nəzərə alınmalıdır ki, yerli futbol təşkilatlarının assosiasiyası UEFA-nın mötəbər üzvüdür və bu onların müstəqil qurum olmasına dəlalət edir. Azərbaycanda SOCAR qismində olmaqla, digər yerli ali qurumlarda da himayəçi/sponsor təşkilatlar var, ancaq heç birində qurum himayəçiyə yönəlik bu həddə imic assimlyasiyasına yol vermir. Gələcəkdə bu məsələlərə diqqət yetirmək lazımdır. AFFA-nın iclas və daha mühüm tədbirlərin təşkilatçılığına uyğun olan inzibati binası var. Rövşən bəy isə SOCAR-ın prezidenti olmaqla yanaşı, həm də AFFA-nın prezidentidir və bu iki məsələnin bir-birinə qarışması korporativ etikadan tutmuş, hüquqi kriteriyalaradək uyğun sayılmır.

***

İclasın gündəliyinə nəzər yetirdikdə aydın olur ki, aprelin 3-nə təyin olunan İllik Hesabat Konfransı öncəsi hazırlıq/məşğələ xarakterli iclas keçib. Bir neçə toplantıya qatılmayan Qurban Qurbanovun yenidən sıralara qayıtmasından başqa diqqətçəkan məqam yoxdur.

Haşiyə çıxaq ki, Qurbanovun İK iclaslarından sonra ictimaiyyətə açıqlamalar verməsi digər üzvlərə nəzərən daha çox əhəmiyyətlidir. Lakin biz digər üzvlər kimi, onun da brifinq keçirməməsini görürük.

Ümumiyyətlə, keçmiş AFFA rəhbərliyinin son dönəmindən miras qalan bu hal sonlandırılsa yaxşı olar. AFFA İK-nın iclasları ən mühüm proseslərdən biridir və onun anonsundan tutmuş iclasın icmalınadək – hər detal ictimaiyyətə açıq olmalıdır. Lakin qapalılıq müşahidə olunur və bu anlaşılmaz, hətta qəbulolunmazdır. Məhz bu səbəbdən iclasın gündəliyindəki məsələlər ətrafında müzakirələr zəif gedir, yaxud heç olmur…

İndi isə gündəlikdə müzakirə olunan məsələlərin mahiyyətinə yüngülvari toxunaq.

Niyə yüngülvari?

Çünki predmetlər afişa şəklində açıqlanıb, ondan sonra heç bir təfsilat, geniş açıqlamalar olmayıb.

Məsələn, predmetlərdən birinə nəzər yetirək:

“AFFA-nın baş katibinin müavini Elçin Məmmədov Misli Premyer Liqası klublarının akademiyalarında aparılmış yerində təhlillər üzrə hesabatı təqdim edib”.

Bunu iclasdakı ən vacib mövzulardan biri saymaq olar, lakin bizə məlum deyil;

– Akademiyalarda aparılmış yerində təhlillər hansı məsələləri əhatə edib
– ⁠Təhlillərin nəticələri nədir?
– ⁠AFFA-nın nəticələrlə bağlı qərarları/mövqeyi nədən ibarətdir.

Gördüyümüz kimi, bu, mətbuat üçün təhlillərə maneə yaradan vəziyyətdir. İctimaiyyətə açıqlılığın pozulması…

“AFFA-nın 2026-cı il üçün büdcəsi müzakirə olunaraq təsdiqlənib”.

Güman ki, büdcə haqqında detallı məlumatlar Hesabat Konfransında açıqlanacaq. Lakin ona hələ iki aya yaxın müddət var. Cari ilin büdcəsində prioritetlərin nədən ibarət olması indidən bildirilməli idi. Futbolun İnkişafına dair yeni proqramın icrası kimi həssas məsələdən tutmuş, Premyer Liqa klublarına verilən dotasiyalara qədər – əksər mövzular açıq qalıb. Qeyd olunanların AFFA-nın büdcəsinə aid olmadığını bildirə bilərlər, lakin prosesin mühümlüyü, əhəmiyyətliliyi nəzərə alınaraq müzakirə və təhlillərə maneə yaradacaq bu qapalılığın anormal hal olduğu aşkara çıxır.

“AFFA-nın baş katibi Cahangir Fərəcullayev Əvəzedicilər Liqasının 2026/2027-ci illər mövsümü üçün statusu barədə geniş məlumat verib. Məsələ ətrafında İcraiyyə Komitəsi üzvləri tərəfindən təkliflər səsləndirilib, yekun qərarın verilməsi üçün Klublar Komitəsinin rəyinin alınmasının məqsədəuyğun olduğu bildirilib”.

Əvəzedicilər Liqasının ləğvi haqda xəbərlərin dolaşmasına rəvac verən durum burdan qaynaqlanır. Çünki məsələ naməlum qalır – “2026/2027-ci illər mövsümü üçün status” deyərkən nəzərdə tutulan nədir? Və bu məsələ İK kimi ali orqanda həll olunmalıykən, əhəmiyyətlilik dərəcəsi məlum olmayan Klublar Komitəsinə niyə həvalə edilməlidir? OK, demokratik yanaşma, plüralizm və s. Ancaq bu nəsnələr kritik məsələlərdə yada düşəndə şübhə oyada bilir.

AFFA yəqin bilir, ictimaiyyət Əvəzedicilər Liqasının ləğvini birmənalı qarşılamır. Ötən il də bu formada gündəmə gələn mövzu ətrafında mətbuatda geniş təhlillər dərc olundu. Liqanın ləğvi ertələndi.

Görünür, AFFA bu məsələdə maraqlıdır. Yenidən gündəmə gələn ləğv məsələsinin əhəmiyyətləri hesablanmadan fəsadları haqda kifayət qədər qeydlər varkən…

Əvəzedicilər Liqasının ləğvi legioner limitinin ləğvindən doğan “yerli futbolçu defisiti” problemini bir az da tətikləyə bilər. Gənc futbolçuların legionerləşmiş Premyer Liqa klublarında özünə maraq yaratmasına çətinliklər var idi, Əvəzedicilər Liqası ləğv olunarsa, yalnız bir alternativ qalır – I Liqa. Onun da səviyyəsi çox aşağıdır.

Əvəzedicilər Liqasından APL klublarına futbolçu inteqrasiyası da ürəkaçan vəziyyətdə deyildi, lakin bu ona əsas vermir ki, liqa ləğv olunmalıdır. Belədə büdcəyə qənaət niyyətindən başqa hansısa əhəmiyyətli arqument qabarmır. O da şübhəli…

Məsələ ətrafında data bilgilər əsasında təhlillər aparılmalı, problemdən çıxış yolları tapılmalıykən ən asan yola əl atmaq yumşaq ifadə edilsə, təqdirəlayiq hal deyil.

Qeyd olunan istiqamətlər üzrə pərakəndə yanaşmalar uğurlu gələcək vəd etmir (Qərarların heç biri data bilgilərə əsaslanmır, geniş müzakirələrə açıq olmayıb – red.) və yaxşı işlər görməyə canfəşanlıq edən AFFA-nı yaxın gələcəkdə sərt tənqidlərin hədəfinə gətirə bilər.

“Misli Premyer Liqası hakimləri üçün nəzərdə tutulan yeni bonus sistemi baş katib Cahangir Fərəcullayev tərəfindən təqdim olunub. Bu sistemin hakimlərin fəaliyyətinin stimullaşdırılmasına və oyunlarda idarəçiliyin keyfiyyətinin artırılmasına xidmət edəcəyi bildirilib. Təklif olunan sistem İcraiyyə Komitəsinin üzvlərinin səsverməsi ilə təsdiq edilib”.

Yeni bonus sistemi nədən ibarətdir? Bu sistemə keçid qərarı hansı ehtiyacdan yarandı? Faydaları nədən ibarət olacaq?

Yenə açıq suallar. Ümumiyyətlə, AFFA-nın katibliyi bu məsələləri ictimaiyyətə ətraflı açıqlaya, təhlil edə biləcək şəxs(lər) müəyyənləşdirməlidir. Mediada intensiv çıxışlarla geniş müzakirələrə nail olunmalıdır. Tarix göstərib, bu halda verilən qərarlar nisbətən daha faydalı olub.

“CBC Sport”, İctimai TV, İdman TV, müstəqil idman mediası… bu məsələlər geniş müzakirə edilməli, yeri gələrsə, akademik təhlillər edilməlidir.

İclasın AFFA-nın saytında açıqlanan gündəliyi “2027-ci ildə Azərbaycan və Özbəkistanda təşkil olunacaq FIFA U-20 Dünya çempionatı ilə əlaqədar ev sahibliyi müqaviləsi təsdiqlənib” bəndi ilə bitir. Əvvəlində “sonda” yazılaraq…

Niyə ki?!

İclasın gündəliyi rəsmi-işgüzar üslubdur, publisistik elementlərə nə gərək?

Diqqətli, dəqiq olmağa ciddi ehtiyac var, cənablar. Kiçik nüanslardakı nöqsanlar böyük işlərdə etimadsızlığa əsas verər.

Sonda qeyd edək ki, U-20 Dünya çempionatı ilə bağlı müqavilənin təsdiqlənməsi mübarək olsun, ancaq həmtəşkilatçı Özbəkistanda işlər başlayıb və bir neçə addım atılıb.

Elçin Cəlilov

“Fənərbağça” itki ilə üzləşib.

Futbolpress.az xəbər verir ki, komandanın müdafiəçisi Milan Şkrinyar zədələnib. Bu barədə klubun mətbuat xidməti məlumat yayıb.

Avropa Liqasında “Nottingem Forest”lə matçda əzələsini dartan slovakiyalı müdafiəçinin son durumu tibbi müayinədən sonra bilinəcək.

“Fənərbağça” İngiltərə təmsilçisinə 0:3 hesabıyla uduzub.

Bu gün Azərbaycan Premyer Liqasında XXI tura start verilib.

Futbolpress.az xəbər verir ki, ilk oyun günündə iki qarşılaşma keçirilib.

Günün birinci matçında “Turan Tovuz” “Zirə”ni qəbul edib. “Azersun Arena”da keçirilən görüş tovuzluların qələbəsiylə başa çatıb.

Digər görüş Sumqayıtda keçirilib. Görüş qolsuz başa çatıb.

Azərbaycan Premyer Liqası
XXI tur

20 fevral

17:00 Turan Tovuz – Zirə 2:0
Qollar: F.Ozobiç, 11, X.Silva, 19
Baş hakim: Rəvan Həmzəzadə
“Azersun Arena”

19:30 Sumqayıt – Qəbələ 0:0
Baş hakim: Fərid Hacıyev
Mehdi Hüseynzadə adına Sumqayıt şəhər stadionu

Basketbol üzrə Azərbaycan Kubokunda bütün yarımfinalçılar məlum olub.

Futbolpress.az xəbər verir ki, “Şəki” “Abşeron Lions”a qalib gəlib və adını yarımfinala yazdırıb.

Bölgə təmsilçisi final yolunda “Gəncə” ilə qarşılaşacaq.

Yarımfinalın digər görüşü isə “Ordu” ilə “Sabah” arasında olacaq.

“Arsenal”ın baş məşqçisi Mikel Arteta Premyer Liqada “Vulverhempton”la heç-heçə etdikləri oyundan sonra fikirlərini bölüşüb.

Futbolpress.az xəbər verir ki, mütəxəssis 2:2 hesabıyla bitən matçdan sonra bunları deyib:

“Ayağa qalxmalıyıq. Səfərdə “Tottenhem”ə qarşı oyunumuz var və çempionluğu necə çox istədiyimizi, gücümüzü göstərməliyik. Əsas məsələ budur”.

“Arsenal” 27 turdan sonra 58 xalla birinci sıradadır. İkinci sırada isə ehtiyatda bir oyunu olan “Mançester Siti”dir. “Şəhərlilər”in aktivində 53 xal var.

“Arsenal” futbolçusu Bukayo Saka ilə müqaviləni uzadıb.

Futbolpress.az xəbər verir ki, bu barədə klubun mətbuat xidməti məlumat yayıb. Vingerlə sözləşmənin müddəti açıqlanmayıb.

Bukayo Saka 2018-ci ildə “Arsenal”da debüt edib.

24 yaşlı futbolçu bu mövsüm 23 oyunda 5 qol vurub, 4 məhsuldar ötürmə edib.

AFFA-nın növbəti Hesabat Konfransının tarixi məlum olub.

Futbolpress.az xəbər verir ki, bu barədə İcraiyyə Komitəsinin iclasında qərar qəbul edilib.

Hesabat Konfransı aprelin 3-də keçiriləcək.

19 fevral 2026-cı il tarixində SOCAR-ın inzibati binasında AFFA İcraiyyə Komitəsinin növbəti iclası keçirilib.

Futbolpress.az xəbər verir ki, AFFA-nın prezidenti Rövşən Nəcəf əvvəlcə UEFA Çempionlar Liqasında “Qarabağ”ın bu mövsüm qazandığı uğurlar münasibətilə komandanın baş məşqçisi Qurban Qurbanovu təbrik edib, bu nəticələrin Azərbaycan futbolunun beynəlxalq nüfuzunun artmasına töhfə verdiyini vurğulayıb. AFFA-nın prezidenti daha sonra iclasın gündəliyi barədə məlumat verib.

İlk olaraq AFFA-nın 2026-cı il üçün büdcəsi müzakirə olunaraq təsdiqlənib.

Ardınca AFFA-nın baş katibi Cahangir Fərəcullayev Əvəzedicilər Liqasının 2026/2027-ci illər mövsümü üçün statusu barədə geniş məlumat verib. Məsələ ətrafında İcraiyyə Komitəsi üzvləri tərəfindən təkliflər səsləndirilib, yekun qərarın verilməsi üçün Klublar Komitəsinin rəyinin alınmasının məqsədəuyğun olduğu bildirilib.

Daha sonra AFFA-nın baş katibinin müavini Elçin Məmmədov Misli Premyer Liqası klublarının akademiyalarında aparılmış yerində təhlillər üzrə hesabatı təqdim edib.

İclasda Hakimlər Komitəsinin tərkibinin formalaşdırılması məsələsinə də baxılıb. Qərara əsasən, Asim Xudiyev, Şahin Cəfərov və Elçin Səmədli yekdilliklə komitənin yeni üzvləri təyin olunublar.

Eyni zamanda Misli Premyer Liqası hakimləri üçün nəzərdə tutulan yeni bonus sistemi baş katib Cahangir Fərəcullayev tərəfindən təqdim olunub. Bu sistemin hakimlərin fəaliyyətinin stimullaşdırılmasına və oyunlarda idarəçiliyin keyfiyyətinin artırılmasına xidmət edəcəyi bildirilib. Təklif olunan sistem İcraiyyə Komitəsinin üzvlərinin səsverməsi ilə təsdiq edilib.

İclasda AFFA-nın növbəti Hesabat Konfransının tarixi də müəyyənləşdirilib. AFFA-nın növbəti Hesabat Konfransının 2026-cı il aprelin 3-də keçirilməsi qərara alınıb.

Oyunçuların Statusu və Transferi Komitəsinin sədri Tural Eyvazovun öz xahişi ilə vəzifəsindən ayrılması ilə bağlı ərizəsi qəbul edilib. Qərara əsasən, bu komitəyə Sərxan İbadov yeni sədr seçilib.

Sonda 2027-ci ildə Azərbaycan və Özbəkistanda təşkil olunacaq FIFA U-20 Dünya çempionatı ilə əlaqədar ev sahibliyi müqaviləsi təsdiqlənib.

Şahmat üzrə Azərbaycan çempionatında son finalçı məlum olub.

Futbolpress.az xəbər verir ki, yarımfinalda iki partiyadan sonra qalibin müəyyənləşmədiyi Şəhriyar Məmmədyarov-Aydın Süleymanlı duelində tay-brek keçirilib. Tay-brekdə qələbə qazanan Şəhriyar Məmmədyarov 3,5-2,5 hesablı qələbəylə adını finala yazdırıb.

Sabah Azərbaycan çempionatında final partiyalarına start veriləcək. Kişilərin yarışında çempionluq uğrunda Şəhriyar Məmmədyarov Məhəmməd Muradlıyla, qadınlarda isə Ülviyyə Fətəliyeva Ayan Allahverdiyeva ilə mübarizə aparacaq.
Üçüncü yer uğrunda görüşlərdə Aydın Süleymanlı-Read Səmədov və Gülnar Məmmədova-Türkan Məmmədyarova partiyaları keçiriləcək. Final görüşləri saat 15-00-da başlayır.

Qeyd edək ki, Azərbaycan çempionatının bağlanış mərasimi fevralın 22-də “Landmark” Biznes Mərkəzində təşkil olunacaq.

Çempionlar Liqasında həftənin ən yaxşı oyunçusu açıqlanıb.

Futbolpress.az xəbər verir ki, bu, “Nyukasl”ın hücumçusu Entoni Qordondur.

Forvard “Qarabağ”ı məğlub etdikləri oyunda (6:1) 4 qol vurub.

UEFA Çempionlar Liqasının pley-off mərhələsi çərçivəsində keçirilən “Qarabağ” – “Nyukasl” oyununun 22-ci dəqiqəsində zədələnərək əvəzlənən Bəhlul Mustafazadənin durumuna aydınlıq gəlib.

Futbolpress.az xəbər verir ki, tibbi müayinələrin nəticəsinə əsasən, Bəhlul Mustafazadənin sol budunun adduktor əzələlərində və qasıq nahiyəsində zədə müəyyən edilib.

Hazırda tibbi heyət tərəfindən cərrahi müdaxilənin mümkünlüyü qiymətləndirilir. Futbolçunun məşq prosesinə qayıdış müddəti bərpa mərhələsinin gedişinə uyğun olaraq fərdi şəkildə müəyyənləşdiriləcək.

İlkin tibbi rəyə əsasən, reabilitasiya dövrünün təxminən 10-12 həftə davam edəcəyi gözlənilir.

“İnter Mayami”nin futbolçusu Rodriqo De Paul maraqlı açıqlama ilə gündəmə gəlib.

Futbolpress.az xəbər verir ki, argentinalı yarımmüdafiəçi MLS ilə Çempionlar Liqasını müqayisə edib. O, “Touchline” portalının sorğusuna cavab olaraq bunu deyib:

“Fikirləşirəm ki, MLS-i qazanmaq, Çempionlar Liqasının qalibi olmaqdan daha çətindir”.

Azərbaycan I Liqasında XV tura yekun vurulub.

Futbolpress.az xəbər verir ki, sonuncu gündə üç qarşılaşma keçirilib.

Lider “Şəfa” “Mingəçevir”lə heç-heçə edib. “Şahdağ Qusar” “Şimal”ı, “Zaqatala” isə “Difai”ni məğlub edib.

Azərbaycan I Liqası
XV tur

19 fevral

“Şəfa” – “Mingəçevir” 2:2
Qollar: N.Əliyev, 2, E.Zamanov, 8 (pen) – C.Cəbrayılov, 63, T.Fərmanov, 90+4
Qırmızı vərəqə: V.Həsənov, 83

“Şimal” – “Şahdağ Qusar” 0:1
Qol: V.Əliyev, 40
Qırmızı vərəqə: V.Əliyev, 65

“Zaqatala” – “Difai” 2:1
Qollar: K.Qardaşlı, 61, 65 – V.Ondo, 12

Rusiyanın “Zenit” klubu “Beşiktaş”ın futbolçusu Orkun Kökçünü transfer etmək istəyib.

Futbolpress.az xəbər verir ki, Sankt-Peterburq təmsilçisi yanvarda türkiyəli yarımmüdafiəçi üçün 30 milyon avro təklif edib. Bu barədə “Fanatik” nəşri məlumat yayıb. “Beşiktaş” Orkunu buraxmayıb və təklifə “yox” deyib.

Kökçü bu mövsüm Super Liqada 19 oyunda 4 qol vurub, 5 məhsuldar ötürmə edib.

İngiltərənin “Lester” klubunun baş məşqçisi açıqlanıb.

Futbolpress.az xəbər verir ki, komandanın “sükanı” Harvi Rovettə tapşırılıb. Bu barədə klubun mətbuat xidməti məlumat yayıb. Mütəxəssislə müqavilə mövsümün sonuna kimi nəzərdə tutulub.

“Lester” İngiltərə Çempionşipində 32 turdan sonra 32 xalla 22-ci sıradadır.

“Qalatasaray” Fransanın “Anje” klubunun futbolçusu Osman Kamara ilə maraqlanır.

Futbolpress.az xəbər verir ki, bu barədə “Africafoot” portalı məlumat yayıb. İstanbul klubu 22 yaşlı müdafiəçinin transferi üçün artıq danışıqlara başlayıb.

Malili futbolçu “Qalatasaray”da oynamağa müsbət yanaşır.

Osman bu mövsüm 21 oyunda 1 qol vurub.

Futzal üzrə Azərbaycan milli komandasında növbəti təyinat olub.

Futbolpress.az xəbər verir ki, Fərid Ələkbərov məşqçi kimi baş məşqçiyə kömək edəcək. Bu barədə Futzal Federasiyasının mətbuat xidməti məlumat yayıb.

Müxtəlif illərdə “Fener”, “Neftçi” İK, EKOL, “Baku Fire”, “Araz-Naxçıvan” klublarının, həmçinin millinin formasını geyinən 40 yaşlı Ələkbərov Azərbaycan çempionu və kubokun qalibi olub.

18 yaşadək futbolçulardan ibarət Azərbaycan milli komandası Beynəlxalq İnkişaf Turnirində bu gün ilk oyuna çıxıb.

Futbolpress.az xəbər verir ki, B qrupunda yer alan millimiz Rusiyanın müvafiq yaş qrupundan ibarət komandası ilə qarşılaşıb. Belarusun paytaxtı Minskdə yerləşən yerli futbol federasiyasının məşq meydançasında keçirilən görüş rəqibin 7:1 hesablı qələbəsi ilə yekunlaşıb.

Millimizin heyətində qolu 58-ci dəqiqədə penaltidən Nicat Kərimov vurub.

Qeyd edək ki, U-18 turnir çərçivəsində növbəti oyununu fevralın 20-də Özbəkistan yığmasına qarşı keçirəcək.

“Sabah” basketbol klubunun oyunçuları  basketbolçuları Andrii Voynaloviç və Klavs Çavars yığmaya dəvət alıb.

Futbolpress.az xəbər verir ki, bu barədə “bayquşlar”ın mətbuat xidməti məlumat yayıb. Basketbolçular 2027-ci ildə keçiriləcək Dünya Kubokunun Avropa zonası üzrə seçmə mərhələ oyunları üçün Ukrayna və Latviya millisinin heyətinə çağırılıb.

Azərbaycan Premyer Liqasında XXI turun təyinatları açıqlanıb.

Futbolpress.az xəbər verir ki, “Turan Tovuz” – “Zirə” oyunu Rəvan Həmzəzadəyə tapşırılıb.

“Turan Tovuz” – “Zirə”
Hakimlər: Rəvan Həmzəzadə, Cəmil Quliyev, Teymur Teymurov, Əkbər Əhmədov
VAR: Kamranbəy Rəhimov
AVAR: Müslüm Əliyev
Hakim-inspektor: Feyzulla Feyzullayev
AFFA nümayəndəsi: İlham Əliyev
“Azersun Arena”, 17:00

“Sumqayıt” – “Qəbələ”
Hakimlər: Fərid Hacıyev, Rəhman İmami, Tərlan Talıbzadə, İslam Məmmədov
VAR: Cavid Cəlilov
AVAR: Eyyub İbrahimov
Hakim-inspektor: İmanxan Sultani
AFFA nümayəndəsi: Eldəniz Musayev
Mehdi Hüseynzadə adına Sumqayıt şəhər stadionu, 19:30

21 fevral (şənbə)

“Karvan-Yevlax” – “Araz-Naxçıvan”
Hakimlər: İnqilab Məmmədov, Namiq Hüseynov, Rahil Ramazanov, Ruslan Quliyev
VAR: Tural Qurbanov
AVAR: Şirmamed Mamedov
Hakim-inspektor: Zöhrab Qədiyev
AFFA nümayəndəsi: Nəriman Axundov
Yevlax şəhər stadionu, 14:30

22 fevral (bazar)

“İmişli” – “Şamaxı”
Hakimlər: Rəşad Əhmədov, Asiman Əzizli, Kərim Zeynalov, Vüqar Həsənli
VAR: Rauf Cabarov
AVAR: Elşad Abdullayev
Hakim-inspektor: Əmrah İbrahimov
AFFA nümayəndəsi: Elman Musayev
Quba OİK stadionu, 14:30

“Sabah” – “Kəpəz”
Hakimlər: Əliyar Ağayev, Zeynal Zeynalov, Akif Əmirəli, Emin Əliyev
VAR: Əli Əliyev
AVAR: Kamran Bayramov
Hakim-inspektor: Rəhim Həsənov
AFFA nümayəndəsi: Kifayət Mustafayeva
“Bank Respublika Arena”, 17:00

“Qarabağ” Çempionlar Liqasının pley-off mərhələsinin ilk oyununda “Nyukasl”a uduzub – 1:6.

“Araz-Naxçıvan” və “Qəbələ”nin sabiq baş məşqçisi Elmar Baxşıyev “Futbolpress.az“a açıqlamasında məğlubiyyəti şərh etdi:

“Ağır məğlubiyyət oldu. “Nyukasl” çox üstün oynadı və layiqli qələbə qazandı. Göründü ki, “Qarabağ”ı yaxşı təhlil ediblər. Çempionlar Liqasının səviyyəsi başqadır və bunu qəbul etmək lazımdır. “Qarabağ”ın sıx qrafikdə olmasının məğlubiyyətə müəyyən təsirləri ola bilər, amma rəqib də çox üstün futbol oynadı. Bu tip turnirlərdə belə məğlubiyyətlər qaçılmazdır. Sonradan hansısa psixoloji təsiri ola bilər, amma yenidən bu arenada olmaq üçün çempionata köklənmək lazımdır”.

UEFA Çempionlar Liqası pley-off mərhələsinin “Qarabağ”la ilk oyunu üçün Bakıya gəlmiş “Nyukasl” azarkeşləri Azərbaycana təşəkkür ediblər.

Futbolpress.az xəbər verir ki, “sağsağanlar”ın azarkeş qrupu sosial şəbəkədə bunları yazıb:

“Son günlər ərzində göstərilən isti qarşılanma və qonaqpərvərliyə görə Bakıya, Azərbaycan xalqına təşəkkür edirik.

Gözəl şəhərdir və imkan düşərsə, hər kəsə mütləq ziyarət etməyi tövsiyə edirik. Bu, indiyədək getdiyimiz ən möhtəşəm səfər oldu”.

“Qarabağ” “Nyukasl”a 1:6 hesabıyla uduzub. Cavab matçı fevralın 25-də İngiltərədə olacaq.

“Neftçi”nin sabiq futbolçusu Aleks Fernandes karyerasını Özbəkistanda davam etdirəcək.

Futbolpress.az xəbər verir ki, yarımmüdafiəçi “Novbahor”a keçib. Bu barədə klubun mətbuat xidməti məlumat yayıb.

Oyunçunun məxsus olduğu Rusiya təmsilçisi “Baltika” Aleksi ilin sonuna kimi özbəklərə icarəyə verib.

23 yaşlı futbolçu 2025-ci ilin fevralından sonuna kimi “Neftçi”də icarədə olub. O, “ağ-qaralar”la 16 oyunda 1 qol vurub, 1 məhsuldar ötürmə edib.

Gəncə-Daşkəsən Regional Gənclər və İdman İdarəsinin rəisi Elşən Hüseynov “Kəpəz”in akademiyasının qonağı olub.

Futbolpress.az xəbər verir ki, səfər çərçivəsində idarə rəisi klubun infrastruktur rəhbəri Ruslan Məmmədovla birgə əsas komandanın üzvləri ilə görüş keçirib. Görüş zamanı futbolçularla səmimi söhbət aparılıb, onların hazırlıq prosesi və qarşıdakı hədəflər barədə fikir mübadiləsi edilib.

“Sarı-göylər”ə uğurlar arzulayan Elşən Hüseynov Gəncə idman ictimaiyyətinin daim “Kəpəz”in yanında olduğunu vurğulayıb. O, klubun şəhərin idman ənənələrinin davamçısı olduğunu bildirərək, komandaya inandığını və qarşıdakı oyunlarda uğurlu nəticələr qazanacağına əminliyini ifadə edib.

Görüşdən sonra qonaqlar Akademiyanın infrastrukturu ilə yaxından tanış olub, U-19 komandasının məşq prosesini izləyiblər. Gənc futbolçuların hazırlıq səviyyəsi və məşq prosesinə göstərilən yanaşma yüksək qiymətləndirilib.

Fevralın 27-28-də avarçəkmənin akademik, kayak və kanoe növləri üzrə Azərbaycan birinciliyi keçiriləcək.

Futbolpress.az xəbər verir ki, yarış Gənclər və İdman Nazirliyi ilə Azərbaycan Kanoe və Avarçəkmə Federasiyasının birgə təşkilatçılığı ilə baş tutacaq.

Turnir handikap sistemi üzrə Mingəçevirdəki “Kür” Olimpiya Tədris-İdman Mərkəzində təşkil olunacaq.

İdmançılar fərdi olaraq bir nəfərlik qayıqlarla akademik avarçəkmədə 4000 metr, kayak və kanoedə isə 2000 metr məsafə qət edəcəklər. Qaliblər vaxt göstəricilərinə əsasən müəyyənləşəcək.

Azərbaycan birinciliyində Bakı və Mingəçevirdən 2008-2013-cü il təvəllüdlü ümumilikdə 80 idmançı mübarizə aparacaq. Qaliblər diplom və medallarla mükafatlandırılacaqlar. Fərqlənən idmançılar Ümummilli Lider Heydər Əliyevin 103-cü ildönümünə həsr ediləcək “Prezident Kuboku-2026” və digər beynəlxalq yarışlarda ölkəni təmsil edəcək komandanın heyətinə cəlb olunacaq.

“Qarabağ” Çempionlar Liqasının pley-off mərhələsinin ilk oyununda “Nyukasl”a uduzub – 1:6.

Veteran futbolçu Zaur Həşimov “Futbolpress.az“a açıqlamasında nəticəni dəyərləndirdi:

“Məğlubiyyət gözlənilən idi. Bunun bir çox səbəbləri var. İlk növbədə komandalar arasında səviyyə fərqi böyükdür. “Nyukasl”ın oynadığı çempionat dünyanın ən yaxşı liqasıdır. “Nyukasl” “Qarabağ”la oyuna 1/8 final üçün yaxşı şans kimi yanaşır. Bu, onlar üçün böyük fürsətdir və demək olar, cütün taleyini 35 dəqiqədə həll etdilər. İkinci hissədə isə minimum güc sərf etməklə oynadılar. Məğlubiyyət gözlənilən olsa da, hesabın belə olması sürpriz oldu. Göründü ki, “Qarabağ” oyuna fiziki cəhətdən hazır deyil. Sıx qrafik və eyni heyətin davamlı oynaması burda əsas rol oynadı”.

Mütəxəssis “Qarabağ”ın ÇL-dəki çıxışına toxundu:

“Ümumilikdə, Azərbaycan komandasının Çempionlar Liqasında pley-off oynaması alqışa layiq haldır. Həm də azarkeşlər böyük klubları canlı izlyə bildilər. Bu mərhələ, bu məğlubiyyət “Qarabağ”ın bir az daha böyüməsinə səbəb olacaq”.

Şahin Cəfərov

Bu gün Konfrans Liqasında pley-off mərhələsinin ilk oyunları keçiriləcək.

Futbolpress.az xəbər verir ki, İtaliyanın “Fiorentina” komandası Polşada “Yagielloniya”nın qonağı olacaq.

Türkiyə təmsilçisi “Samsunspor” “Şkendiya” ilə üz-üzə gələcək.

Konfrans Liqası
Pley-off mərhələsi, ilk oyunlar

19 fevral

21:45. “Zrinski” (Bosniya və Herseqovina) – “Kristal Pelas” (İngiltərə)
21:45. “Noah” (Ermənistan) – “Alkmaar” (Niderland)
21:45. “Siqma” (Çexiya) – “Lozanna” (İsveçrə)
21:45. “KuPS” (Finlandiya) – “Lex” (Polşa)

00:00. “Yagielloniya” (Polşa) – “Fiorentina” (İtaliya)
00:00. “Şkendiya” (Şimali Makedoniya) – “Samsunspor” (Türkiyə)
00:00. “Drita” (Kosovo) – “Çelye” (Sloveniya)
00:00. “Omoniya” (Kipr) – “Riyeka” (Xorvatiya)

“Arsenal”ın baş məşqçisi Mikel Arteta Premyer Liqada “Vulverhempton”a qarşı keçirdikləri oyunu şərh edib.

Futbolpress.az xəbər verir ki, mütəxəssis 2:2 hesabıyla bitən matçla bağlı bunları deyib:

“Nəticəni qəbul etmək çox çətindir. İkinci hissədə qələbə üçün lazım olan oyunu oynamadıq. Çox emosionalıq. Tənqidləri qəbul edirik, çünki buna layiqik.

Oyuna yaxşı başlasaq da, daha sonra səviyyəmizdən uzaqlaşdıq. Premyer Liqada kimisə asan məğlub edəcəyini düşünmək özünə zərbə olar. Hər matç çətindir. Müəyyən periodlar olur ki, bunun öhdəsindən gəlməyi bacarmalısan”.

“Bodo-Qlimt”in baş məşqçisi Ketil Knusten Çempionlar Liqasında “İnter”ə qalib gəldikləri görüşü şərh edib.

Futbolpress.az UEFA-nın saytına istinadən xəbər verir ki, mütəxəssis 3:1 hesabıyla bitən matçla bağlı bunları deyib:

“Düşünürəm ki, bu gün şanslı idik. Həqiqətən, bəzi anlarda çox effektiv olduq. Amma oyun planında möhtəşəm olduğumuzu deyə bilmərəm. Yaxşı nəticə olsa da, komanda orta səviyyədə çıxış etdi.

Cavab görüşündə müdafiədə gözləməli deyilik. İrəli atılmalı, hücumlar etməliyik. İtaliyadakı oyun çox çətin olacaq”.

18 yaşadək futbolçulardan ibarət Azərbaycan milli komandası Beynəlxalq İnkişaf Turnirində bu gün ilk oyuna çıxacaq.

Futbolpress.az xəbər verir ki, B qrupunda yer alan millimiz Rusiyanın müvafiq yaş qrupundan ibarət komandası ilə qarşılaşacaq.

Belarusun paytaxtı Minskdə yerləşən yerli futbol federasiyasının məşq meydançasında keçiriləcək görüş Bakı vaxtı ilə saat 13:50-də başlanacaq.

Braziliyalı futbolçu Felippe Koutinyo “Vasko Da Qama” klubundan ayrılıb.

Futbolpress.az xəbər verir ki, yarımmüdafiəçi bu barədə sosial şəbəkə hesabında paylaşım edib.

33 yaşlı futbolçu 2025-ci ilin yayından Braziliya klubunda çıxış edirdi. O, daha əvvəl “İnter”, “Liverpul”, “Barselona” kimi komandalarda top qovub.

“Marsel” klubunun baş məşqçisi açıqlanıb.

Futbolpress.az xəbər verir ki, komandanın “sükanı” Habib Beyeyə tapşırılıb. Bu barədə klubun mətbuat xidməti məlumat yayıb. 48 yaşlı mütəxəssislə 1.5 illik müqavilə imzalanıb.

Beye son olaraq “Renn”də çalışıb. O, bu ayın əvvəlində istefaya göndərilmişdi.

Azərbaycan millisinin üzvü Nəriman Axundzadənin yeni klubu “Kolumbus Kryu”nun məşqçilər heyəti açıqlanıb.

Futbolpress.az xəbər verir ki, bu barədə MLS təmsilçisinin mətbuat xidməti məlumat yayıb.

Komandanın baş məşqçisi Henrik Ridströmun köməkçiləri Teodor Olsson, Loran Kurtua və Çoş Villiamsdır. Qapıçılar üzrə məşqçi Fil Berger, analitiklər isə Mark Onil və Mak Pakhay olacaq.

Nəriman bu ay “Qarabağ”dan “Kolumbus Kryu”ya keçib.

Bu gün dünyanın yaşıl meydanlarında futbol oyunları keçiriləcək.

Futbolpress.az qarşılaşmaları canlı yayımlayacaq telekanalların siyahısını təqdim edir…

19 fevral

Türkiyə, I Liqa
14:30 Sarıyer – Amedspor (TRT Spor)
21:00 Sakaryaspor – Pendikspor (TRT Spor)

Avropa Liqası
21:45 Fənərbağça – Nottingem Forest (CBC Sport, TRT 1)

Konfrans Liqası
00:00 Şkendiya – Samsunspor (TRT 1)

“Qarabağ” Çempionlar Liqasının pley-off mərhələsinin ilk oyununda “Nyukasl”a böyük hesabla uduzdu – 1:6.

Görüşün, ümumiyyətlə, cütün favoriti olan “sağsağanlar”ın səviyyəsi ortadadır və “Qarabağ”ı məğlubiyyətə görə çox da qınamaq olmaz, ancaq…

İlk hissənin əvvəlində rəqibin güclü pressinqindən çaş-baş qalan “atlılar”ın müdafiəsi boşluqlar verdi. Ardıcıl qollardan sonra demək olar, dağılan komandaya əsas zərbə isə üçüncü qol oldu. İlk hissədə heç cür oyununu tapa bilməyən “Qarabağ” fasiləyə qədər bir qol da buraxdı və bununla da hər şey həll olundu. Futboldur, möcüzələr, sürprizlər var, lakin “Qarabağ”ın səfərdə “Nyukasl”ı 6 top fərqi ilə məğlub etməsi inandırıcı deyil futbolun reallığı var.

Reallıq demişkən, dünən “Nyukasl”ın sərgilədiyi futbol Azərbaycan futbolunun hələ nə qədər geridə olduğunu göstərdi. 2-3 ötürmə ilə təhlükə yaradan, sürətli qərarlar verən ingilislər əsl futbol dərsi keçdi. Komandanın mərkəz hücumçusu Nik Voltemadın hər dəfəsində müdafiəyə gəlib, topu alması və oyunu irəli aparması da forvardlar üçün yaxşı nümunə olmalıdır.

“Qarabağ” çox pis keçirdiyi ilk hissədə nə hücum etdi, nə qapıya zərbəsi oldu. Statistika da “Nyukasl”ın əzici üstünlüyünü göstərdi. Fasilədən sonra rəqibdə yaranan arxayınlıq, “Qarabağ” bir az diriləşməsi oyunun ortada getməsinə səbəb oldu. Düzdür, yenə “Nyukasl” daha çox şans yaradan tərəf oldu, lakin hücumları birinci yarıdakı kimi kəsərli deyildi.

Ümumilikdə nəticə ağır oldu. İngiltərə komandalarına qarşı son iki oyunda buraxılan 12 qol Azərbaycan futbolunun mövcud durumunu, Avropa futbolundan nə qədər geri qalmasını göstərdi. “Qarabağ”ın son dönəmlərdə sıçrayışı, əldə etdiyi nəticələr futbolumuzla bağlı gözləntilərimizi, iştahamızı artırsa da, “Nyukasl”la matç fonunda reallıq bir daha üzə çıxdı.

Şahin Cəfərov

Bu gün UEFA Avropa Liqasında pley-off mərhələsinin ilk oyunları keçirilir.

Futbolpress.az xəbər verir ki, Türkiyə təmsilçisi “Fənərbağça” azarkeşləri önündə İngiltərənin “Nottingem Forest” komandası ilə qarşılaşıb. Matç rəqibin qələbəsiylə başa çatıb – 3:0.

İtaliya “Bolonya”sı Norveçdə “Brann”ı məğlub edib.

Avropa Liqası
Pley-off mərhələsi, ilk oyunlar

19 fevral

21:45 Brann – Bolonya 0:1
21:45 Dinamo Zaqreb – Genk 1:3
21:45 Fənərbağça – Nottingem Forest 0:3
21:45 PAOK – Selta 1:2

00:00 Seltik – Şutqart 1:3
00:00 Lill – Srvena Zvezda 0:1
00:00 Ludoqorets – Ferentsvaroş 2:1
00:00 Panatinaikos – Viktoriya Plzen 2:2

“Qarabağ” Çempionlar Liqasının pley-off mərhələsinin ilk oyununda “Nyukasl”a uduzub – 1:6.

Futbolpress.az xəbər verir ki, “atlılar”ın yeganə qolunun müəllifi Elvin Cəfərquliyev unikal göstəriciyə imza atıb.

Elvin Azərbaycan futbolu tarixində avrokubokların pley-off mərhələsində qol vuran ilk futbolçu olub.

“Qarabağ” “Nyukasl”la cavab görüşünə fevralın 25-də İngiltərədə çıxacaq.

UEFA Çempionlar Liqasında pley-off mərhələsinin ilk oyunlarından sonra həftənin futbolçusu adına namizədlər açıqlanıb.

Futbolpress.az xəbər verir ki, Bakıda “Qarabağ”a 4 qol vuran “Nyukasl”ın hücumçusu Entoni Qordon da namizədlər arasında yer alıb.

O, “ən yaxşı” adı uğrunda “Bodo-Qlimt”dən Kasper Hoq, “Bayer”dən Patrik Şik və PSJ-dən Dezire Due ilə yarışacaq.

Qalib UEFA-nın saytında keçirilən sorğu nəticəsində məlum olacaq.

“Nyukasl”ın futbolçusu Entoni Qordon Çempionlar Liqasında “Qarabağ”a qalib gəldikləri oyundan (6:1) sonra fikirlərini bölüşüb.

Futbolpress.az UEFA-nın saytına istinadən xəbər verir ki, görüşdə 4 qol vuran hücumçu bunları deyib:

“Qarabağ” çox yaxşı komandadır. Burda oynamaq çətindir və oyundan öncə müəyən təzyiq var idi. Matça yaxşı başladıq, təzyiq göstərdik və ardıcıl qollar vurduq. Göstərdiyimiz pressinq bizə şanslar yaratdı.

Çempionlar Liqasında oyundan-oyuna fikirlərişik və məqsədimiz hər matçı qazanmaqdır. Əlbəttə, rekordlar yaxşıdır. Lakin futbol komanda oyunlarıdır. Komandanın uğur qazanacağı halda, fərdi göstəricilər də xüsusiləşir”.

“Qarabağ”ın avrokuboklarda böyükhesablı məğlubiyyətlərinin hər birində yazılanları buna da aid etmək olar. “Nyukasl” ilk hissədə elə bir öldürücü pressinq tətbiq etdi ki, “atlılar”ımız nə etsə, məğlub olacaqdı. Xüsusən ilk hissədəki fiziki təzyiq, dinamika Azərbaycan futbolunun cəminin kvadratının gücünün çatmayacağı şey idi.

Beləliklə, yenidən və yenə də “Qarabağ”a təşəkkür edirik. Buralara gəlib çıxmaq möhtəşəmdir. Güman ki, XXI əsrdə qırılması mümkün olmayan rekordlar toplusuna malikdir artıq…

“Qarabağ” böyühesablı məğlubiyyətdən həm də öyrəndi. Fikrimcə, “Neftçi” ilə matçın təxirə salınnası üçüm çalınan həyəcan siqnalının da əbəs olduğunu öyrəndi…

Cavab qarşılaşmasında da öyrənilənlər listinə vacib məsələləri qatandan sonra Azərbaycan çempionatına qayıdacaq. Artıq əvvəlki kimi olmayan bir çempionat…

Burada artıq 3-dən az olmayan “qoç” əmələ gəlib və aralarındakı intriqa dərinləşməkdə, şəkil almaqdadır.

“Qarabağ” üçün artıq burada illər sonra yenidən aktivlik erası başlayır. Yeni rejimə klubu psixoloji hazırlamaq lazım olacaq.

“Sabah”, “Neftçi”, “Turan Tovuz”, “Zirə”, qismən “Sumqayıt” və s.

Köhnə döyüş meydanı artıq fərqli formadadır, cənablar.

Kamil Əhməd

Çempionlar Liqasının pley-off mərhələsinin “Qarabağ” – “Nyukasl” oyunundan (1:6) sonra meydan sahibi komandanın baş məşqçisi Qurban Qurbanov jurnalistlərin suallarını cavablandırdı.

Futbolpress.az xəbər verir ki, mütəxəssis əvvəlcə görüşlə bağlı fikirlərini bölüşdü…

– Əfsuslar olsun, belə məğlubiyyət oldu. İstəməzdik. Böyük futboldur, istənilən oyunda belə nəticələr ola bilər. Çempionlar Liqası başqa səviyyədir. Bəzən belə məğlubiyyətlər qaçılmaz olur. İlk dəqiqələrdən futbolçular böyük zərbə aldı. İlk qol, ikinci qol, penalti… Boks dilində desək, nokauta düşdük. Futbolçular özlərini ələ ala bilmədi. Rəqibin gücü də burda önəmlidir. “Nyukasl” sürətli futbol oynayan komandalardandır. Fiziki, texniki, taktiki hazırlıqları yüksək səviyyədədir. Azarkeşlərə təşəkkür etmək istəyirəm. Böyük hesabla məğlub olmağımıza baxmayaraq, sona kimi dəstək oldular. Bu, birliyimizi göstərir. Amma bu gün burda, bundan əvvəl Liverpulda böyük futbolun nə olduğunu gördük. Ruhdan düşmürük. İrəli pozitiv baxmalıyıq. Hər bir halda, futbolçular böyük yol gəldi, əziyyət çəkdilər. Azından fevrala kimi Çempionlar Liqasını hiss etdik. İnanıram ki, futbol Azərbaycanda bu il daha da populyarlaşdı. Dünya futbolumuzu daha yaxından tanıdı. İstəməzdik belə uduzaq, lakin bu məğlubiyyətlə barışmalıyıq.

– Belə hesabdan sonra futbolçulara nə dediniz? 
– Futbolçuları sakitləşdirdik, dedik soyuqqanlı olsunlar. Oyundan qopmalı deyildik. Belə məğlubiyyətlərdən sonra futbolçuları sakit olmağa çağırıram. Rəqibin gücünü bilirdik. Çalışırıq ki, onlara qarşı sona qədər mübarizə aparaq. Bəzən bu cür rəqiblər daha aqressiv, aktiv olurlar. Futbolçuların qərar verməsində gecikmələr olurdu.

– Bədavinin ikinci hissədə meydana daxil olması nəylə bağlıdır?
– Müdafiəni gücləndirmək üçün. O da özünü yaxşı göstərdi.

– Çempionatda “Sabah”la oyun var. Bu baxımdan, cavab matçında rotasiyalar olacaq?
– Xeyr, hələ cavab oyunu var. İngiltərədə cavab oyunu var. Onlar səhvləri bağışlamır, çox qol vurmaq istəyirlər. Ciddi rotasiyalar haqda düşünmürük.

– Bəhlulun zədəsi nə yerdədir?
– Sabah dəqiq məlumat olacaq. Əzələsini dartıb.

– İstənilən komandanın bir dönəm başının üzərini qara buludlar alır. İndi isə sanki sizdə bu dönəmdir. Futbolçuların bu gün bu durumda olması pley-off eyforiyası idi, ya fiziki yorğunluq?
– Fikirlərim özümüzü siğortalamaq üçün deyil. Qəbul etməliyik ki, oyundan-oyuna səviyyə daha qalxır, rəqiblər ciddiləşir. Daha məsuliyyətli komandalar olur. Böyük klublarla oyunlarda belə hesabları gözə almalıyıq. Futbolumuzun inkişafı üçün risklərə getməliyik. Özümüzü böyük məğlubiyyətlərə qurban verməyə hazır olmalıyıq. Bunu istəmiriksə, gərək 2-3 tur sonra məğlub olaq, deyək, böyük klublarla oynamırıq. Əvvəl bəlkə, 0:3-dən sonra azarkeşlərimiz stadionu tərk edirdi, amma bu gün fasiləyə 0:5 geridə olsaq da, bizi dəstəkləməyə başladılar. Onlar da artıq səviyyəni qəbul edib. Hamımız üçün böyük təcrübə oldu.

– “Liverpul”la oyundan sonra demişdiniz ki, bir də bu rəqibə qarşı oynasaq, fərqli olar. Amma bu gün də “Nyukasl”la matçda güclü pressinq qarşısında nəsə edə bilmədiniz…
– Belə oyunlarda birdən-birə gedişatda nəsə dəyişiklik etməyə vaxtımız yox idi. Bu günə qədər etməmişdiksə, çətin olardı. Gərək 2-3 məşq bunun üzərində çalışaq. Vaxtımız yox idi. Həmişə çalışırıq ki, edə bildiklərimizi daha yaxşılaşdıraq. Bu gün rəqibin hər hücumu keyfiyyətli idi. İkinci hissədə fərqli oynadıq, amma qarşımızdakı komandaya görə oyunçularımızda həyəcan var idi.

Şahin Cəfərov

Çempionlar Liqasının pley-off mərhələsinin “Qarabağ” – “Nyukasl” oyunundan (1:6) sonra qonaq komandanın baş məşqçisi Eddi Hau jurnalistlərin suallarını cavablandırdı.

Futbolpress.az xəbər verir ki, mütəxəssis media nümayəndələri ilə görüşdə bunları dedi…

– Növbəti matç “Everton” və “Mançester Siti” ilə matçlar arasında olacaq. “Qarabağ”la cavab görüşünə əsas heyətlə çıxacaqsınız?
– Qarşıda “Mançester Siti” ilə oyunumuz var. Birinci bunu düşünürük.

– Elvin Cəfərquliyevin qolunu necə şərh edərdiniz?
– Qapıçımız məyus oldu. Dominant komanda idik, amma müəyyən boşluqlar verdik. Lakin qapıçımız məyus oldu.

– Penalti ilə bağlı nə deyə bilərsiniz?
– Yenidən baxanda daha yaxşı təhlil edə bilərik. Anton Qordon istəyirdi ki, ikinci qolu vursun. Bütün oyunçular komandaya kömək etmək istəyirdi.

– Azarkeşlərlə aranızda pozitiv anlar oldu.
– Qələbə önəmlidir. Azarkeşlərimizin dəstəyi böyükdür. Onların uzaq səfərə gəlib, bizə dəstək göstərməsi əladır.

– 4 qol vuran Qordonla bağlı fikirləriniz nədir? 
– Çox gözəldir. İnanılmaz pressinq etdik və yaxşı əks-hücum imkanlarımız oldu.

– Ardıcıl ikinci səfər oyununda qələbə qazandınız. Komandanın 1/8 finalda olduğunu demək olar?
– Yaxşı şansımız var. “Qarabağ” burda “Çelsi”yə qarşı yaxşı oyun sərgiləmişdi. Cavab görüşündə də qələbə qazanmağa çalışacağıq.

– İkinci hissədə birinci yarıdakı oyunu göstərməməyinizin səbəbi “Qarabağ”ın daha yaxşı oynaması, ya komandanızın yorulmasıdır?
– İkisi də ola bilər. “Qarabağ” bir az çox topla oynadı və tempimiz aşağı düşdü. İkinci hissədə biz də topla az oynadıq.

– “Qarabağ” düşəndə bəxtinizin gətirdiyini düşündünüz? 
– Belə düşünmədim. Mütəmadi deyirəm, “Qarabağ”ın oyunlarına çox baxmışam. Onların yaxşı keyfiyyəti var. Bura gələndə bilirdik ki, çətin olacaq. “Qarabağ” çox zəif deyil.

Şahin Cəfərov

“Xankəndi” Futbol Klubunda yeni təyinat rəsmiləşib.

Futbolpress.az xəbər verir ki, klubun qapıçılar üzrə məşqçi postuna UEFA B kateqoriyalı məşqçi lisenziyasına sahib olan Elçin Sadıqov gətirilib.

36 yaşlı mütəxəssis daha əvvəl 2020–2025-ci illərdə “Səbail” futbol klubunun müxtəlif yaş qruplarında çalışıb. O, 2025-ci ildə isə “Şəfa” klubunda qapıçı-məşqçi vəzifəsində fəaliyyət göstərib.

“Qarabağ” UEFA Çempionlar Liqasının pley-off mərhələsinin ilk oyununda bu gün “Nyukasl”ı qəbul edəcək.

Futbolpress.az xəbər verir ki, saat 21:45-də start götürəcək oyuna komandalar aşağıdakı heyətlə çıxacaqlar…

“Qarabağ”: Mateuş Koxalski, Mateus Silva, Bəhlul Mustafazadə, Kevin Medina, Elvin Cəfərquliyev, Pedro Bikalyo, Marko Yankoviç, Leandro Andrade, Joni Montiel, Abdullah Zubir, Kamilo Duran
Ehtiyat oyunçular: Amin Ramazanvov, Fabian Buntiç, Sami Mmae, Emmanuel Addai, Dani Bolt, Kadi Borges, Oleksey Kaşuk, Musa Qurbanlı, Toral Bayramov Abbas Hüseynov,Hikmət Cəbrayılzadə

“Nyukasl”: Nik Pop, Lyuis Holl, Dan Burn, Malik Tiva, Kiran Trippye, Co Villok, Nik Voltemad, Sandro Tonali, Harvi Barns, Entoni Qordon, Entoni Elanqa
Ehtiyat oyunçular: Con Ruddi, Aaron Ramsdeyl, Aydan Haris, Joelinton, Villiam Osula, Ceykob Mörfi, Aleks Mörfi, Ceykob Remzi, Leo Şahar, Sean Niv

“Renn”in yeni baş məşqçisi açıqlanıb.

Futbolpress.az xəbər verir ki, komandanın “sükanı” Frank Ezə tapşırılıb. Bu barədə klubun mətbuat xidməti məlumat yayıb. Mütəxəssislə 1.5 illik müqavilə imzalanıb.

“Renn” çempionatda 34 xalla 6-cı sıradadır.

Azərbaycan I Liqasında XV turun MOİK – “Səbail” oyununda xoşagəlməz yaşanıb.

Futbolpress.az xəbər verir ki, matçın ikinci hissəsində “dənizçilər”in baş məşqçisi Adil Şükürov müdafiəçi Yusif Nəbiyevi Kamran Quliyevlə əvəzetməyə qərar verib. Lakin Nəbiyev oyunda qalıb və “çıxmıram” deyə etirazını bildirib. Əvəzetmə baş tutmayıb.

Görüntüləri burdan izləyə bilərsiniz.

Görüş “Səbail”in məğlubiyyəti ilə başa çatıb – 0:1.

“Mançester Yunayted”in sabiq futbolçusu Jesse Linqard karyerasını Braziliyada davam etdirə bilər.

Futbolpress.az xəbər verir ki, yarımmüdafiəçi “Remo” ilə danışıqlar aparır. Bu barədə Braziliya mətbuatı məlumat yayıb. Tərəflər arasında danışıqların son mərhələdə olduğu bildirilib.

Linqardın son klubu Cənubi Koreyada “Seul” olub. 33 yaşlı futbolçu daha əvvəl “Mançester Yunayted”, “Brayton”, “Vest Hem” kimi klubların formasını geyinib.

“Bavariya”nın futbolçusu Maykl Olis qarşıdakı illərdə İspaniyada oynamaq niyyətindədir.

Futbolpress.az xəbər verir i, ingilətərəli vinger özünü “Barselona” və ya “Real”da sınamaq istəyir. Bu barədə “TEAMtalk” portalı məlumat yayıb.

Olis yaxın zamanda “Bavariya”dan ayrılmaq niyyətində deyil. O, bir neçə il sonra bu iki klubdan birində oynamağı planlaşdırır.

Maykl bu mövsüm Bundesliqada 21 oyunda 10 qol vurub, 13 məhsuldar ötürmə edib.

Beynəlxalq Futbol Tarixi və Statistikaları Federasiyası (İFFHS) ölkə çempionatlarının reytinqini açıqlayıb.

Futbolpress.az xəbər verir ki, 50 liqanın yer aldığı siyahıda Azərbaycan Premyer Liqası 1991.5 xalla 41-cidir.

Reytinq cədvəlinə 8087 xalla İngiltərə Premyer Liqası başçılıq edir.

Reytinq 2021-ci ilin yanvarından 2025-ci ilin dekabrınadək olan dövrə görə hesablanıb.

“Qarabağ”ın Çempionlar Liqasındakı rəqibi “Nyukasl”ın futbolçusu Entoni Qordon yayda klubu tərk edə bilər.

Futbolpress.az xəbər verir ki, “Liverpul” və “Bavariya” ingiltərəli vingerin xidmətində maraqlıdır. Bu barədə BBC məlumat yayıb.

Klublar 24 yaşlı futbolçunun durumunu yaxından izləyir.

Qordon bu mövsüm 35 oyunda 10 qol vurub, məhsuldar ötürmə edib.

Azərbaycan I Liqasında XV tura start verilib.

Futbolpress.az xəbər verir ki, ilk oyun günündə iki qarşılaşma keçirilib.

Turnir cədvəlinin ikincisi “Baku Sportinq” “Cəbrayıl”a qalib gəlib. Çempionluğa namizədlərdən olan “Səbail” isə növbəti xal itkisini yaşayıb. “Dənizçilər” MOİK-ə uduzub.

Azərbaycan I Liqası
XV tur

18 fevral

Cəbrayıl – Baku Sportinq 1:2
Qollar: H.Hüseyn, 56 – İ.Allahverdiyev, 22, E.Abdullayev, 34

MOİK – Səbail 1:0
Qol: B.Soltanov, 33

AFFA İntizam Komitəsinin iclası keçirilib.

Futbolpress.az xəbər verir ki, toplantıda Azərbaycan çempionatlarında iştirak edən 5 kluba texniki məğlubiyyət verilib:

11 fevral 2026-cı il tarixində AFFA Region Liqasında keçirilməli olan Hacıqabul-Ucar FK oyunu Ucar FK komandası təyin edilən vaxtda meydanda olmadığına görə baş tutmadığı üçün Ucar FK komandasın 0:3 hesablı texniki məğlubiyyət verilsin. (Maddə 79.1)

15 fevral 2026-cı il tarixində AFFA Region Liqasında keçirilməli olan Samur FK-Çinar Zəngilan FK oyunu Çinar Zəngilan FK komandası təyin edilən vaxtda meydanda olmadığına görə baş tutmadığı üçün Çinar Zəngilan komandasına 0:3 hesablı texniki məğlubiyyət verilsin. (Maddə 79.1)

15 fevral 2026-cı il tarixində AFFA Region Liqasında keçirilməli olan Ağsu Siti-İmişli Bələdiyyəspor oyunu İmişli Bələdiyyəspor komandasının təyin edilən vaxtda meydanda olmadığına görə baş tutmadığı üçün İmişli Bələdiyyəsport komandasına 0:3 hesablı texniki məğlubiyyət verilsin. (Maddə 79.1)

15 fevral 2026-cı il tarixində AFFA Region Liqasında keçirilən Mərcanlı FK-Beyləqan FK oyununun 42-ci dəqiqəsində Mərcanlı FK meydandan çıxdığına görə yarımçıq qaldığı üçün Mərcanlı FK-ya texniki məğlubiyyət verilsin. (hesab olduğu kimi saxlanılsın) (Maddə 77.1)

15 fevral 2026-cı il tarixində AFFA U-14 Liqasında keçirilməli olan Ağdam FK-Kürdəmir FK oyununun Kürdəmir FK komandası təyin edilən vaxtda meydanda olmadığına görə baş tutmadığı üçün 0:3 hesablı texniki məğlubiyyət verilsin. (Maddə 79.1)

“Qarabağ” Çempionlar Liqasının pley-off mərhələsində bu gün “Nyukasl”ı qəbul edəcək.

Futbolpress.az xəbər verir ki, Azərbaycan təmsilçisi bu mövsüm üçüncü, ümumilikdə isə onuncu dəfə İngiltərə komandası ilə üzz-üzə gələcək.

“Qarabağ” bu mövsüm Çempionlar Liqasının Liqa mərhələsində Bakıda “Çelsi” ilə heç-heçə edib (2:2), səfərdə isə “Liverpul”a uduzub (0:6).

Ümumiyyətlə, “Qarabağ”ın ingilislərdən yeganə xal qazancıməhz ötən ilin oktyabrında “Çelsi” ilə matçda olub.

“Atlılar” İngiltərə komandalarına qarşı keçirdiyi digər yeddi görüşün hamısında uduzub.

Tottenhem — Qarabağ 3:1
Qarabağ — Tottenhem 0:1
Çelsi — Qarabağ 6:0
Qarabağ — Çelsi 0:4
Qarabağ — Arsenal 0:3
Arsenal — Qarabağ 1:0
Tottenhem—Qarabağ 3:0
Qarabağ – Çelsi 2:2
Liverpul – Qarabağ 6:0.

“Qarabağ” – “Nyukasl” oyunu saat 21:45-də start götürəcək. Komandalar arasındakı cavab görüşü fevralın 25-də İngiltərədə olacaq.

Şahmat üzrə Azərbaycan çempionatının yarımfinal mərhələsinin ilk oyununda Ayan Allahverdiyeva ilə Türkan Məmmədyarova arasında keçirilmiş partiyanın nəticəsinə yenidən baxılıb.

Futbolpress.az xəbər verir ki, fevralın 17-də baş tutan qarşılaşmada hakimlər kollegiyasının qərarına əsasən Ayan Allahverdiyeva tərəfindən iki dəfə əsassız iddia irəli sürüldüyü qeyd edilərək partiya Türkan Məmmədyarovanın xeyrinə hesablanıb.

Qərarla razılaşmayan Ayan Allahverdiyeva Azərbaycan Çempionatının Apellyasiya Komitəsinə müraciət edib.

Apellyasiya Komitəsi tərəfindən partiyanın videoyazısı və gedişlərin ardıcıllığı araşdırılıb. Beynəlxalq Şahmat Federasiyasının (FIDE) qüvvədə olan qaydalarına əsasən Ayan Allahverdiyevanın etirazı təmin olunub.

Apellyasiya Komitəsinin qərarına əsasən Türkan Məmmədyarovanın qələbəsi ləğv edilib və tərəflər arasında keçirilən ilk partiyanın nəticəsi heç-heçə kimi rəsmiləşdirilib.

Türkan Məmmədyarova Apellyasiya Komitəsinin qərarı ilə razılaşdığını bildirib.

“Sabah”ın əvəzedici komandasının futbolçusu Emin Əmirov 4 oyunluq cəzalanıb.

Futbolpress.az xəbər verir ki, 24 yaşlı oyunçu Əvəzedicilər Liqasında “Sumqayıt-2” ilə matçda hakiməri təhqir etdiyi üçün cəzalanıb.

“Sabah” oyunusunun davranışına görə 1000 manat cərimələnib.

AFFA İntizam Komitəsinin iclası keçirilib.

Futbolpress.az xəbər verir ki, toplantıda Premyer Liqanın XX turunun oyunları ilə bağlı aşağıdakı qərarlar qəbul edilib:

“Kəpəz” – “Neftçi” oyununda “Kəpəz” komandasının azarkeşləri tərəfindən rəqib komandanın ünvanına kütləvi şəkildə təhqiramiz ifadələr səsləndirildiyinə və bu hal cari mövsümdə 4-cü dəfə təkrarlandığına görə “Kəpəz” komandası 8000 manat cərimə edilsin (maddə 52.5);

“Kəpəz” – “Neftçi” oyununda “Neftçi” komandasının azarkeşləri tərəfindən rəqib komandanın ünvanına kütləvi şəkildə təhqiramiz ifadələr səsləndirildiyinə və bu hal cari mövsümdə 4-cü dəfə təkrarlandığına görə “Neftçi” komandası 8000 manat cərimə edilsin (maddə 52.5);

“Araz-Naxçıvan” – “Sumqayıt” oyununda “Araz-Naxçıvan” komandasında 6 nəfər sarı vərəqə aldığı üçün “Araz-Naxçıvan” komandası 700 manat cərimə edilsin (maddə 43.1);

“Araz-Naxçıvan” – “Sumqayıt” oyununun 74-cü dəqiqəsində “Sumqayıt” komandasının 9 nömrəli futbolçusu Aleksandr Ramalinqom təcavüzkar davranışa görə birbaşa qırmızı vərəqə aldığı üçün 3 oyun oyuna buraxılmasın, “Sumqayıt” komandası 3000 manat cərimə edilsin (maddə 45.1);

“Araz-Naxçıvan” – “Sumqayıt” oyununda “Sumqayıt” komandasının azarkeşləri tərəfindən rəqib komandanın və hakimlərin ünvanına kütləvi şəkildə təhqiramiz ifadələr səsləndirildiyinə və bu hal cari mövsümdə 2-ci dəfə təkrarlandığına görə “Sumqayıt” komandası 6000 manat cərimə edilsin (maddə 52.5);

“Qarabağ”ın futbolçusu Kadi Borgesin cəzası açıqlanıb.

Futbolpress.az xəbər verir ki, Premyer Liqada “İmişli” ilə matçda qırmızı vərəqə alan yarımmüdafiəçi iki oyunluq diskvalifikasiyaolunub. “Qarabağ” isə 1000 manat cərimələnib.

AFFA İntizam Komitəsi “İmişli” – “Qarabağ” oyunu (0:1) ilə bağlı aşağıdakı qərarları qəbul edib:

“İmişli” – “Qarabağ” oyununun 83-cü dəqiqəsində “İmişli” komandasının 9 nömrəli futbolçusu Dioqo Almeyda hakimin qərarına etiraz etdiyinə görə ikinci sarıdan qırmızı vərəqə aldığı üçün 1 oyun oyuna buraxılmasın, “İmişli” komandası 2500 manat cərimə edilsin (maddə 51.2);

“İmişli” – “Qarabağ” oyunundan əvvəl, fasilədə, matç bitdikdən sonra meydançaya kənar şəxslər daxil olduğuna görə “İmişli” komandası 2500 manat cərimə edilsin (maddə 86.3);

“İmişli” – “Qarabağ” oyununun 72-ci dəqiqəsində “Qarabağ” komandasının 20 nömrəli futbolçusu Kadi Borqes ciddi qayda pozuntusuna görə birbaşa qırmızı vərəqə aldığı üçün 2 oyun oyuna buraxılmasın, “Qarabağ” komandası 1000 manat cərimə edilsin (maddə 44.1);

14 fevral 2026-cı il tarixində Misli Premyer Liqasında XX turun “İmişli” – “Qarabağ” oyununun 90+5-ci dəqiqəsində “Qarabağ” komandasının azarkeşləri tərəfindən pirotexniki vasitədən istifadə edildiyinə və bu hal cari mövsümdə 3-cü dəfə təkrarlandığına görə “Qarabağ” komandası 6000 manat cərimə edilsin (maddə 86.3);

PSJ Çempionlar Liqasının pley-off mərhələsinin ilk oyununda “Monako”nu məğlub edib – 3:2.

Futbolpress.az xəbər verir ki, Paris təmsilçisinin futbolçusu Xviça Kvaratsxeliya bu görüşdə antirekordla yadda qalıb. Gürcüstanlı yarımmüdafiəçi 8 dəfə qapıya zərbə endirib və bunların heç biri dəqiq olmayıb.

Daha əvvəl Tyerri Anri Çempionlar Liqasında bir matçda 8 cəhddə qapıya dəqiq zərbə endirə bilməyib.

Türkiyənin “Konyaspor” klubu kapitanı Gilermeni heyətdən kənarlaşdırıb.

Futbolpress.az xəbər verir ki, bu barədə Super Liqa təmsilçisinin mətbuat xidməti məlumat yayıb. Müdafiəçidən kapitanlıq sarğısı da alınıb. Məsələnin detalları məlum deyil.

Gilerme bu mövsüm Super Liqada 22 oyunda 1 məhsuldar ötürmə edib. O, 2020-ci ildən “Konyaspor”da çıxış edir.

ABŞ-nin Azərbaycandakı Səfirliyi hücumçu Nəriman Axundzadənin “Kolambus Kryu” klubuna transfer olması münasibətilə təbrik edib.

Futbolpress.az xəbər verir ki, səfirliyin paylaşımında bunlar qeyd olunub:

“Azərbaycanlı futbol ulduzu Nəriman Axundzadəni ABŞ-nin Ohayo ştatını təmsil edən “Kolumbus Kru” klubu ilə müqavilə imzalaması münasibətilə səmimi-qəlbdən təbrik edirik! “Qarabağ”ın heyətində nümayiş etdirdiyi parlaq və yaddaqalan çıxışlarla geniş rəğbət qazanan istedadlı gənc hücumçu ABŞ-nin Major League Soccer (MLS) liqası ilə müqavilə imzalayan ilk azərbaycanlı futbolçudur”.

Səfirlik həmçinin “Qarabağ” klubuna bu axşam “Nyukasl”a qarşı keçirəcəyi UEFA Çempionlar Liqasının pley-off mərhələsinin ilk oyununda uğurlar və inamlı qələbə də arzu edib.

18 yaşadək futbolçulardan ibarət Azərbaycan milli komandasının Belarusun paytaxtı Minskdə keçiriləcək Beynəlxalq İnkişaf Turniri üçün yekun heyəti müəyyənləşib.

Futbolpress.az xəbər verir ki, turnirdə 8 komanda 2 qrup üzrə yarışacaq. Millimiz B qrupunda Belarus, Rusiya və Özbəkistan kollektivləri ilə mübarizə aparacaq.

19 fevral
13:50. Azərbaycan – Rusiya

20 fevral
14:20. Azərbaycan – Özbəkistan

21 fevral
16:40. Belarus – Azərbaycan
Oyunların başlanma saatı Bakı vaxtı ilə göstərilib.

Qeyd: Fevralın 23-də həlledici oyunlar keçiriləcək. Qrupların qalibləri finalda, ikinciləri üçüncü yer uğrunda, üçüncüləri beşinci yer uğrunda, dördüncüləri isə 7-ci yer uğrunda görüşdə üz-üzə gələcəklər.

Nr.	Adı / Soyadı	Klub
1	Nurəziz Əzizov	Neftçi
2	Bilal Hacıyev	Qarabağ
3	Kamil Həsənov	Neftçi
4	Uğur Qurbanlı	Qarabağ
5	Rəşad Gülüşov	Sabah
6	Atacan Məmmədov	Marcet (İspaniya)
7	Səttar Tahirzadə	Marcet (İspaniya)
8	Muhamməd Çodarov	Marcet (İspaniya)
9	İsmayıl Səfərli	Neftçi
10	Əli Kiçibəyov	Turan Tovuz
11	Amin Rzayev	Qarabağ
12	Sahib Xəlilli	Neftçi
13	Elgün Duraxanov	Sabah
14	Eldar Abbasov	Qarabağ
15	Raul İsaqov	Kəpəz
16	Nihad Hüseynzadə	Sabah
17	Ruslan Xasiyev	Şinnik Yaroslavl (Rusiya)
18	Musa Mustafayev	Zirə
19	İbrahim Xəlilov	Sabah
20	Samir Şərifov	Sabah
21	Pünhan Kərimov	Marcet (İspaniya)
22	Emin Süleymanov	Neftçi
23	Əli Bəşirov	Qarabağ
24	Rüstəm Hüseynli	Neftçi
25	Kamal Zülfiyev	Sumqayıt
26	Nicat Kərimov	Sabah

“Arsenal” futbolçusu Bukayo Sakanın müqaviləsini uzadacaq.

Futbolpress.az xəbər verir ki, tərəflər arasında anlaşma əldə olunub. Sakanın müqaviləsi 2031-ci ilin yayına kimi artırılacaq.

24 yaşlı futbolçu yeni müqavilə ilə komandada ən çox qazanan oyunçu olacaq. O, həftəlik 300 min funt-sterlinqdən çox maaş alacaq.

Saka bu mövsüm 33 oyunda 7 qol vurub, 7 məhsuldar ötürmə edib.

“Poz-Qazan” oyunlarında yanvar ayında milyonlarla uduş!

Yanvar ayında “Azərlotereya”nın “Poz-Qazan” oyunlarında 3 milyona yaxın biletdə 14.5 milyon manatdan çox uduş qazanıldı!

Sən də bəxtini sınamaq istəyirsənsə, biletləri

• Azərlotereya” və “Misli” məntəqələri
• “Azərpoçt” şöbələri
• “Araz” və OBA marketlər şəbəkəsi
• Market və köşklərdən əldə edə bilərsən.

“Qarabağ” bu gün Çempionlar Liqasının pley-off mərhələsində “Nyukasl”ı qəbul edəcək.

Futbolpress.az xəbər verir ki, Tofiq Bəhramov adına Respublika stadionunda baş tutacaq görüşə saat 21:45-də start veriləcək.

“Nyukasl”ın cari mövsümdə bombardiri Bruno Gimarayş zədə səbəbindən hər iki matçı buraxacaq. Braziliyalı yarımmüdafiəçi 9 qolla komandasının ən məhsuldar oyunçusudur.

“Sağsağanlar”ın digər məhsuldar oyunçusu Nik Voltemaddır. Alman forvard bu mövsüm 7 qol vurub, 2 məhsuldar ötürmə edib. Baş məşqçi Eddi Hau bu gün hücumun mərkəzində məhz ona şans verəcək.

Komandanın məhsuldar oyunçularının siyahısında üçüncü sırada isə Entoni Qordondur. Cinah oyunçusu bu mövsüm 6 qol vurub, 2 məhsuldar ötürmə edib. Qordonun da bu gün startda olacağı gözlənilir.

“Real” və “Bayer”in sabiq baş məşqçisi Xabi Alonso “Marsel”dən təklif alıb.

Futbolpress.az xəbər verir ki, bu barədə “RMC Sport” məlumat yayıb. Fransa klubunun nümayəndələri ötən həftə ispan mütəxəssisə baş məşqçilik təklif edib, ancaq rədd cavabı alıb.

“Marsel”də bir müddət əvvəl baş məşqçi Roberto de Zerbi ilə yollar ayrılıb.

Xabi Alonso yanvarın 12-dən işsizdir. Onun son ünvanı “Real” olub.

“Yuventus”un sabiq futbolçusu Alessandro Del Pyero keçmiş komandasının Çempionlar Liqasında “Qalatasaray”a uduzmasını şərh edib.

Futbolpress.az xəbər verir ki, mütəxəssis 2:5 hesabıyla bitən görüşlə bağlı bunları deyib:

“Qalatasaray” möhtəşəm oynadı. Sane və İkardi ehtiyatda olsa da, startdakı oyunçular mükəmmək performans göstərdi. “Yuventus”dan daha yaxşı oynadılar. Meydanda xarakter göstərmək lazımdır. Yersiz səhvlər komandaya baha başa gəldi”.

“Qarabağ” Çempionlar Liqasının pley-off mərhələsində bu gün Bakıda “Nyukasl”ı qəbul edəcək. Tofiq Bəhramov adına Respublika stadionunda baş tutacaq görüşə saat 21:45-də start veriləcək.

Azərbaycan millisinin sabiq baş məşqçisi Şahin Diniyev “Futbolpress.az“a açıqlamasında görüşdən gözləntilərini bölüşdü:

“Maraqlı oyun olacaq. Düzdür, hər iki komanda pik formasında deyil. Nəzərə alaq ki, Çempionlar Liqasıdır və iki oyundan ibarət mərhələdir. “Nyukasl” son oyunlarda qələbə qazansa da, ümumi götürəndə işləri yolunda getmir, heyətlərində itkilər var. “Qarabağ” da pik formasından uzaqdır. Üç cəbhədə vuruşmaq komandanın fiziki hazırlığına təsir edib. Eyni zamanda rotasiyalardan çox istifadə edə bilmədikləri üçün yorğunluq görünür. Lakin bunlara baxmayaraq, şansları bərabər hesab edirəm”.

Cütün taleyinin İngiltərədə həll olunacağını deyə mütəxəssis “Qarabağ”ın fiziki hazırlığının hansı səviyyədə olmasının həlledici olacağını qeyd etdi:

“Düşünürəm ki, cütün taleyi Bakıda yox, İngiltərədə həll olunacaq. “Qarabağ” son iki çətin səfərdə olsa da, komandanın hazırlıq üçün vaxtı olub. Düzdür, yorğunluq var. Amma bərpa vaxtının da olduğunu nəzərə almalıyıq. “Qarabağ” üçün oyunda funksional hazırlığın səviyyəsinin yaxşı olması vacib məqamdır”.

Şahin Cəfərov

“Real”ın futbolçusu Vinisius Junior Çempionlar Liqasının pley-off mərhələsində “Benfika” ilə matçda qol vurub.

Futbolpress.az xəbər verir ki, braziliyalı hücumçu turnirdəki qollarının sayına görə həmyerlisi, sabiq braziliyalı Kakanı ötüb.

“Benfika”ya vurduğu qol Vinisius üçün turnirdəki 31-ci qol olub. “Milan” və “Real”ın keçmiş futbolçusu Kaka ÇL-də 30 dəfə fərqlənib.

Bu gün Azərbaycan I Liqasında XV tura start veriləcək.

Futbolpress.az xəbər verir ki, ilk oyun günündə iki qarşılaşma keçiriləcək.

“Səbail” səfərdə MOİK-in qonağı olacaq. Turnir cədvəlinin ikinci pilləsində qərarlaşan “Baku Sportinq” “Cəbrayıl”la üz-üzə gələcək.

Azərbaycan I Liqası
XV tur

18 fevral

14:30. “Cəbrayıl” – “Bakı Sportinq”
Hakimlər: Ruslan Quliyev, Qəzənfər Məmmədov, Taleh Məmmədov, Namiq Bəkirov
Şamaxı OİK stadionu

14:30. MOİK – “Səbail”
Hakimlər: Alik Yunusov, Sənan Atayev, Asif Abdullayev, Şamil İmanzadə
Binə qəsəbə stadionu

“Yuventus” Çempionlar Liqasının pley-off mərhələsinin ilk oyununda səfərdə “Qalatasaray”a uduzub – 2:5.

Futbolpress.az xəbər verir ki, Turin təmsilçisi son 4 oyunda 13 qol buraxıb.

“Qoca sinyora” “Atalanta”ya 0:3, “İnter”ə 2:3, “Qalatasaray”a 2:5 hesabıyla uduzub, “Latsio” ilə isə 2:2 hesablı heç-heçə edib.

Bu, “Yuventus”un XXI əsrdəki ən pis göstəricisidir.

“Benfika”nın futbolçusu Canluka Prestianni Çempionlar Liqasında “Real”la matçda rəqib oyunçu Vinisius Juniora qarşı irqçilik etməsi ilə bağlı iddiaları yalanyalıb.

Futbolpress.az xəbər verir ki, argentinalı oyunçu matçdan sonra bununla bağlı paylaşım edib:

“Vinisiusa qarşı irqçilik etməmişəm. Təəssüf ki, o, məni səhv başa düşüb. Heç vaxt kiməsə qarşı irqçi olmamışam. “Real”ın futbolçularından aldığım təhdidlərə görə təəssüflənirəm”.

“Real” “Benfika”nı 1:0 hesabıyla məğlub edib. Matçın ikinci hissəsində Vinisius baş hakimə yaxınlaşaraq, Presitanninin ona “meymun” dediyini bildirib və oyun bir neçə dəqiqəlik dayanıb.

Bu gün dünyanın yaşıl meydanlarında futbol oyunları keçiriləcək.

Futbolpress.az qarşılaşmaları canlı yayımlayacaq telekanalların siyahısını təqdim edir…

18 fevral

Türkiyə, I Liqa
15:30 Keçiörengücü – Erzurumspor (TRT Spor)
18:00 Vanspor – Bodrumspor (TRT Spor)
21:00 Manisa – Bandırmaspor (TRT Spor)

Çempionlar Liqası
21:45 Qarabağ – Nyukasl (CBC Sport)
00:00 Bodo-Qlimt – İnter (İctimai TV)

İspaniya, La Liqa
23:00 Levante – Vilyarreal (Futbol 2, İdman TV)

İtaliya, A Seriyası
23:45 Milan – Komo (Matç TV)

İngiltərə, Premyer Liqa
00:00 Vulverhempton – Arsenal (beİN Sports 3)

“Real”ın futbolçusu Kilian Mbappe Çempionlar Liqasında “Benfika” ilə matçda komanda yoldaşı Vinisius Juniora qarşı irqçilik edildiyini bildirib.

Futbolpress.az “Madrid Xtra”ya istinadən xəbər verir ki, fransalı hücumçu bununla bağlı oyundan sonra açıqlamasında deyib:

“Prestianni Vinisiusa beş dəfə “meymun” dedi. Bunu çox aydın gördüm. Heç kimin görməməsi üçün formasıyla üzünü örtməyə çalışırdı, amma mən davranışından hər şeyi başa düşdüm”.

“Real” “Benfika”nı 1:0 hesabıyla məğlub edib. Matçın ikinci hissəsində Vinisius baş hakimə yaxınlaşaraq, Presitanninin ona “meymun” dediyini bildirib və oyun bir neçə dəqiqəlik dayanıb.

“Qarabağ” bu gün Çempionlar Liqasında pley-off mərhələsinin ilk oyununa çıxacaq.

Qurban Qurbanovun rəhbərlik etdiyi kollektiv Bakıda “Nyukasl”ı qəbul edəcək. Tofiq Bəhramov adına Respublika stadionunda baş tutacaq görüşə saat 21:45-də start veriləcək.

İngiltərə Premyer Liqasında 26 turda 36 xal toplayan “Nyukası” 10-cu sıradadır. Son beş oyunda 1 qələbə qazanan “sağsağanlar” avrokuboklara vəsiqə verən beşinci sıradan 8 xal geridədir. “Nyukasl” 26 oyunda 10 qələbə qazanıb, 10 dəfə uduzub. Komandanın vurduğu və buraxdığı qol sayı da eynidir – 37/37.

Ayın əvvəlində ardıcıl məğlubiyyətlərdən sonra əvvəlcə Premyer Liqada “Tottenhem”i, daha sonra İngiltərə Federasiya Kubokunda “Aston Villa”nı səfərdə məğlub edən “Nyukasl” yaxşı formadadır. Eddi Haunun komandası liqada ən güclü pressinq edən kollektivlərdəndir. Komanda məhz bunun hesabına bu mövsüm ən çox qolu birinci hissədə vurub. “Sağsağanlar”ın səfər statistikası isə elə də ürəkaçan deyil. Komanda Premyer Liqada 13 səfər matçında cəmi 3 qələbə qazanıb, dəfə uduzan komanda 4 dəfə də heç-heçə edib.

“Nyukasl” bu mövsüm Çempionlar Liqasında uğurlu çıxışı ilə diqqət çəkir. İngiltərə təmsilçisi Liqa mərhələsini 12-ci sırada bitirib. 8 oyunda 4 qələbə qazanan ingilislər 2 dəfə uduzub, 2 dəfə heç-heçə edib. Komanda bu görüşlərdə 17 qol vurub, 10-nu buraxıb.

“Nyukasl”ın heyətində bu mövsüm ən çox qol vuran Bruno Gimarayşdır – 9 qol. Braziliyalı yarımmüdafiəçi hazırda zədəlidir və “Qarabağ”la matçlarda forma geyinməyəcək. Komandanın əsas qol ümidi isə Nik Voltemaddır. Alman forvard hündür boyu ilə xüsusən standart vəziyyətlərdə daha təhlükəlidir. Voltemad eyni zamanda rəqib müdafiəsində hərəkətliliyi ilə seçilir.

Komandanın orta xətti də öz gücü ilə fərqlənir. İtaliyalı yarımmüdafiəçi Sandro Tonali və Ceykob Remzi ikitərəfli yaxşı oynamağı bacarır. Orta xətt oyunçuları həm müdafiədə, həm də hücuma çıxan zaman sürəti ilə fərqlənir.

“Nyukasl” bundan öncə sonuncu dəfə 2002/03 mövsümündə Çempionlar Liqasında oynayıb. Komandanın uzun müddət sonra yarışa qatılması “sağsağanlar”ı daha arzulu edir. Premyer Liqada orta sıralarda qərarlaşan komanda üçün bu mövsüm pley-offlara qalmaq da ciddi uğurdur.

Şahin Cəfərov

Bu gün UEFA Çempionlar Liqasında pley-off mərhələsinin ilk oyunlarına yekun vurulub.

Futbolpress.az xəbər verir ki, “Qarabağ” Bakıda İngiltərə təmsilçisi “Nyukasl”la qarşılaşıb. Görüş rəqibin qələbəsiylə başa çatıb.

İtaliyanın “İnter” klubu Norveçdə “Bodo-Qlimt”ə uduzub.

UEFA Çempionlar Liqası
Pley-off mərhələsi, ilk oyunlar

18 fevral

“Yuventus”un baş məşqçisi Luçano Spaletti Çempionlar Liqasında pley-off mərhələsində “Qalatasaray”a uduzduqları ilk oyunu şərh edib.

Futbolpress.az xəbər verir ki, mütəxəssis 2:5 hesabıyla bitən görüşlə bağlı bunları deyib:

“Nə deyim? Oyunu idarə edə bilmədik, səviyyəmizi göstərmədik. Nəticədə meydanda yox olduq. Cavab oyunu üçün bütün planlarımızı dəyişməliyik”.

Komandalar arasındakı cavab görüşü fevralın 26-da olacaq.

“Qarabağ” bu gün Çempionlar Liqasında pley-off mərhələsinin ilk oyununa çıxıb.

Futbolpress.az xəbər verir ki, Qurban Qurbanovun rəhbərlik etdiyi kollektiv Bakıda “Nyukasl”ı qəbul edib. Matç qonaqların qələbəsiylə başa çatıb – 6:1.

Komandalar arasındakı cavab görüşü fevralın 25-də olacaq.

UEFA Çempionlar Liqası
Pley-off mərhələsi, ilk oyun

18 fevral

21:45 Qarabağ – Nyukasl 1:6
Qollar: Elvin Cəfərquliyev, 55 – Qordon, 3, 32 (pen.), 34, 45+1 (pen.) Tiav, 9, Mörfi, 73
Baş hakim: Espen Eskas (Norveç)
Tofiq Bəhramov adına Respublika stadionu

AFFA Hakimlər Komitəsinin sədri Rəhim Həsənov Azərbaycan Premyer Liqasının XX turunda qeydə alınan mübahisəli epizodları şərh edib.

Futbolpress.az xəbər verir ki, mütəxəssis referi Rauf Cabarovun “Qəbələ” – “Sabah” görüşündə (0:1) mübahisəli penalti epizodu ilə bağlı verdiyi qərarın doğru olduğunu bildirib.

“Qəbələ” matçın son dəqiqəsində qol vursa da, VAR müdaxiləsindən sonra əllə oyun qeydə alınıb.

Çempionlar Liqasının pley-off mərhələsinin “Qarabağ” – “Nyukasl” oyunundan əvvəl qonaq komandanın futbolçusu Entoni Elanqa jurnalistlərin suallarını cavablandırdı.

Futbolpress.az xəbər verir ki, o, media nümayəndələri ilə görüşdə bunları dedi:

– Çempionlar Liqasında son qolunuz “Mançester Yunayted”in heyətində olub. Qol vurmalı olduğunuzu düşünürsünüz?
– Təzyiqlə bağlı düşünmürəm. Oyuna fokuslanmışam. Bizimçün əsas məsələ komandadır. Yaxşı vəziyyətdə olmalıyıq.

– Baş məşqçi sizə hansı dərəcədə kömək olur?
– Onunla danışırıq, çalışıram ki, sabit oynayıb. Məsləhətlərə qulaq asıram.

– “Qarabağ” haqda nə fikirləşirsiniz?
– “Qarabağ” qeyri-adi komandadır, güclü kollektivi var. Bizim də komandamız güclüdür. Komanda şəklində oynayırıq. Gələcəyə pozitiv baxırıq. Sabahkı oyuna fokuslanmışıq. Oyuna ciddi hazırlaşmışıq. “Qarabağ”ın da ambisiyaları böyükdür. Çalışacağıq, səddi aşaq və bacardığımız qədər irəli gedək.

– “Qarabağ”ın hansı oyununun nəticəsi diqqətinizi çəkib və onların “24-lüy”ə düşməsi sizi təəccübləndirmədi?
– Xeyr, təəccübləndirmədi. “Qarabağ”ı, potensialını bilirik. “Kopenhagen” və “Çelsi” ilə matçları diqqətimizi çəkdi. Bilirik ki, asan olmayacaq. Çempionlar Liqasında asan rəqib yoxdur.

– İsveç millisinin heyətində burda Azərbaycana qarşı oynamısan. Bəzi futbolçuları tanımağınız hansısa üstünlük verir?
– Həm hə, həm yox. Hər oyunun öz əhəmiyyəti var. Oyuna çıxanda hər şey eyni olmur. Taktiki gedişlər, üslub fərqlidir. Sabah imkan olacaq ki, mümkün qədər özümüzü göstərək.

Şahin Cəfərov

Çempionlar Liqasının pley-off mərhələsində sabah keçiriləcək “Qarabağ” – “Nyukasl” oyunundan öncə İngiltərə təmsilçisinin baş məşqçisi Eddi Hau jurnalistlərin suallarını cavablandırdı.

Futbolpress.az xəbər verir ki, mütəxəssis əvvəlcə görüşlə bağlı fikirlərini bölşüdü…

– Hazırda heyətlə bağlı ciddi problemlərimiz yoxdur. Oyunçularımız yerindədir. Bakıya gözəl əhvalda gəlmişik. Son oyunlarda yaxşı nəticələr qazanırıq.

– “Qarabağ” iki İngiltərə komandasına qarşı oynayıb. “Çelsi” və “Liverpul”. Sizcə, bu matçlardan hansı sizə hazırlığa kömək oldu?
– “Qarabağ”ı ciddi araşdırmışıq. Hazırlıq üçün iki oyunu da təhlil etmişik. “Qarabağ” yaxşı oyun göstərir, texnikalı futbolçuları var. Maraqlı oyun olacaq. “Çelsi” ilə matç hər iki komanda üçün çətin idi. Bu oyuna da baxdıq. “Qarabağ”ın səviyyəsi ilə bağlı müəyyən məlumatlar aldıq.

– Bu oyunun əhəmiyyəti ilə bağlı nə deyə bilərsiniz?
– Hər şey bizim üçün vacibdir. Tarixə baxsaq, klubumuz üçün yeni imkan var. Son matçlarda yaxşı çıxış edirik. İrəli getmək istəyirik. Şansımızdan yaxşı istifadə etməyə çalışacağıq. Tarixi şansımız var, pley-offdayıq. Uzaq yoldan gəlmişik, azarkeşlərimiz də artıq burdadır. Burdan pozitiv şəkildə ayrılmaq istəyirik.

– Qarşıda “Mançester Siti” ilə matç var…
– Hazırda bu haqda düşünmürük. Onlara qarşı oyunumuz da çox çətin olacaq.

– Çətin təqviminiz var. Heyətdəki itkiləri də nəzərə alaraq, sabah ehtiyat oyunçulara şans verməyi düşünürsünüz?
– Bəli, çətin oyunlarımız var. Təqvimi nəzərə almışıq. Əlimizdən gələni edəcəyik ki, hər şeyi tənzimləyək.

– “Qarabağ”ın oyun üslubu Premyer Liqa komandalarınınkına bənzəyir?
– “Qarabağ”ın aqressiv oyunu var. Müqayisə etmək çətindir. Hər klubun özünəməxsus oyunu var.

– Hədəfləriniz nədir?
– Hədəflərimiz var, arzularımız böyükdür. Özümüzə inanırıq. Kollektiv olaraq məsələyə yanaşırıq. Hər şey qaydasındadır.

– Hansısa neqativ məqamlar var?
– Xeyr, səyahətimiz yaxşı keçdi. Yorğunluq yoxdur.

– “Qarabağ”da xüsusi diqqət etdiyiniz oyunçu var?
– Kimisə fərqləndirmək istəməzdim. Öz oyunumuzu oynayacağıq. Konret ad çəkmək istəmirəm. Bizim də texnikalı oyunçularımız var.

– “Nyukasl”a gəlişinizdən sonra komandada inkişaf var. Qurban Qurbanov da 17 ildir, “Qarabağ”ı çalışdırır. Onu araşdırmısınızmı, fikirləriniz necədir?
– Açığı, ciddi araşdırmam olmayıb. Bir komandada bu qədər uzun müddət qalırsansa, hörmətə layiqsən. Komandanı motivasiya etməsi, əlaqələri təqdir ediləcəkdir. Çempionlar Liqasında yaxşı nəticə göstəriblər. Özlərinə məxsus oyun üslubları var. Oyunlarına baxmaq maraq doğurur. Ona görə “Qarabağ”a qarşı oyun asan olmayacaq.

– “Nyukasl”ın “Qarabağ”dan transfer etmək istədiyi bir oyunçu ola bilər?
– Gözümüz açıqdır, diqqətli oluruq. İndi burda konkret nəsə demək istəməzdim. Baxdığımız, izlədiyimiz oyunçu yoxdur. “Qarabağ”ın heyəti yaxşıdır. “Liverpul”la oyun onlar üçün çətin oldu. Tam izlədiyimiz kimsə yoxdur. Cinahlarda yaxşı futbolçuları var.

Şahin Cəfərov

“Traktor”un yeni baş məşqçisi açıqlanıb.

Futbolpress.az xəbər verir ki, Cənubi Azərbaycan təmsilçisinin “sükanı” Mohammad Rabieiyə tapşırılıb. Bu barədə klubun mətbuat xidməti məlumat yayıb. Mütəxəssislə müqavilə mövsümün sonuna kimi imzalanıb.

Mohammad bu postda Draqan Skoçiçi əvəzləyib.

“Qarabağ”ın prezidenti Tahir Gözel Çempionlar Liqasında “Nyukasl”a qarşı keçirəcəkləri oyundan əvvəl jurnalistlərə açıqlama verdi.

Futbolpress.az xəbər verir ki, funksioner brifinqdə sualları cavablandırdı:

– Sabahkı oyundan gözləntiləriniz nədir?
– Bu gün harada olduğumuzu dərk etməliyik. Avropada yüksək liqada oynayan 850 klub var. Onların əksəriyyətinin büdcəsi bizdən qat-qat yüksəkdir. II Liqa klublarını da götürsək, onların bir çoxunun büdcəsi bizdən çoxdur. Demək olar ki, 2000-2500 klubun arasında ilk “24-lük”dəyik. Bu, doğrudan da möcüzədir. Hamımızda böyük qürur və özünəinam yaranmalıdır. “Qarabağ” son vaxtlar gərgin qrafikdə idi. İki dəfə Şamaxıda süni örrtükdə, Qubada gilin üstündə oyun keçirdik. Futbolçularımızda fiziki cəhətdən yorğunluq yaransa da, Qurban Qurbanovun dediyi kimi, “Qarabağ”da motivasiya ən yüksək səviyyədədir. Sabahkı oyunun önəmini bilirik. Əminəm ki, futbolçularımız özlərində ilahi bir qüvvə tapacaqlar. “Ayntraxt”la matçda 65-ci dəqiqədən sonra hücumlar edib qələbə qazandıq. İnanıram ki, sabah da belə olacaq. “Nyukasl” İngiltərənin fiziki cəhətdən ən yaxşı klublarından biridir. Təsəvvür edin, büdcəsi 700-750 milyon funt-sterlinqdir, bu, təxminən 1milyard dollardır. Büdcə baxımından bizdən 50 qat öndədirlər. Amma onlar qarşılarında inamlı, hər zamankı kimi hücum futbolu oynayan bir “Qarabağ” görəcəklər. Nəticənin necə olacağını bilmirəm. Arzum budur ki, oynadığı oyunla xalqın alqışını alan bir “Qarabağ” görək. Buralara baş məşqçimiz Qurban Qurbanovun, futbolçuların, Prezident İlham Əliyev və xalqımızın dəstəyi sayəsində gəlmişik. Sabah hamımız “Qarabağ”ın yanında olaq. İnşallah xalqımızı sevindirmək bizə qismət olar.

– Çempionlar Liqasından əldə olunan gəlirləri də nəzərə alsaq, gələn mövsüm üçün büdcənin artmaq ehtimalı var?
– Əlbəttə ki, artacaq. Builki qazancımızı 2-3 il üçün planlayıb oyun qabiliyyətimizi necə artıra biləcəyimizi düşünəcəyik. Qurban müəllimlə daim təmasdayıq. Ona dəstək veririk. Hər mövqe üçün futbolçu axtarırıq. “Qarabağ” bazardadır, keyfiyyətimizi artırmaq üçün əlimizdən gələni edirik.

– Yeni mövsümdə Çempionlar Liqasında iddianın davam etməsi üçün Premyer Liqada çempion olmaq lazımdır. Hazırda “Qarabağ” 2-ci pillədədir. Bu, sizi qayğılandırır?
– Yüz faiz. Əgər “Qarabağ”ın hədəfi Avropadırsa, bu tempdə bir tərəfdə itki olacaq. Bu, bir faktdır, gərək bunu qəbul edək. Həm Çempionlar Liqasında, həm daxili çempionatdakı oyunlarfutbolçularımız üçün çox ağırdır. Üç gündən bir oyun keçiririk. Bunun təsiri var. “Sabah”ın özü də bir möcüzədir. Möhtəşəm komanda qurublar. Çox güclü rəqibdir. “Neftçi”nin özü də. Artıq Azərbaycan Premyer Liqasında da keyfiyyət artır. Amma Qubadakı stadionun vəziyyətini görəndə insan bir az məyus olur. Azərbaycanda futbolun səviyyəsini qaldırmaq istəyiriksə, infrastruktur yaxşılaşdırılmalıdır. 3-4 il ərzində “Qarabağ”ın çox yaxşı infrastrukturu olmalıdır.Klub prezidenti kimi bu, mənim arzumdur. Digər klublar da buna səy göstərməlidir.

– Bəziləri düşünür ki, “Qarabağ” Konfrans Liqasında oynasa, finala qədər gedə bilər. Siz necə düşünürsüz?
– İnsan əlindən gələni etməlidir. Biz əlimizdən gələni edəcəyik. Hamınız əmin ola bilərsiz ki, klubun içində motivasiya yüksək səviyyədədir. “Qarabağ” o qədər gözəl, müqəddəs ailədir ki… Biz savaşan komandayıq, savaşçı ruhumuz var. Çempionluq qismət olsa, Çempionlar Liqasında vuruşacağıq. Olmasa Avropa Liqasında və ya Konfrans Liqasında.

Şahin Cəfərov

“Qarabağ”ın büdcəsi artırılacaq.

Futbolpress.az xəbər verir ki, bu barədə klubun prezidenti Tahir Gözel “Nyukasl”la Çempionlar Liqası oyunundan öncə jurnalistlərə açıqlamasında deyib. O, yeni mövsüm üçün büdcənin artırılacağını bildirib.

Sabah keçiriləcək “Qarabağ” – “Nyukasl” oyunu saat 21:45-də start götürəcək.

Çempionlar Liqasının pley-off mərhələsinin “Qarabağ” – “Nyukasl” oyunundan öncə “Qarabağ”ın baş məşqçisi Qurban Qurbanov jurnalistlərin suallarını cavablandırdı.

Futbolpress.az xəbər verir ki, mütəxəssis əvvəlcə görüşlə bağlı fikirlərini bölüşdü…

– Böyük təcrübə qazanılası oyundur. Azərbaycan futbol tarixində ilkdir ki, bir komanda pley-off mərhələsindədir. Dünyanın bir nömrəli liqasından gəlmiş komandaya qarşı oynayacağıq. Oyuna hazırlaşmaq üçün vaxtımız az oldu. Ümumən, futbolçuların hazırlığına kənardan baxıram, çox məsuliyyətli, həyəcanlıdırlar. Oyunu səbirsizliklə gözləyirlər. Düşünürəm ki, sabah özlərini yaxşı tərəfdən göstərməyə çalışacaqlar. Rəqibə baxmışıq, bəlkə, bizə uyğun olmayan oyun üslubları var. İngiltərə Premyer Liqasında bütün komandalar “Nyukasl”a qarşı oynamaq istəmir. Rəqibə oynamağa imkan verməyə komandadırlar. Azarkeşlərimiz önündə yaxşı mübarizə aparmağa, ağıllı və cəsarətli oynamağa çalışacaqlar. Rəqib bəzi komponentlərdə bizi üstələyir. Yaxşı fiziki gücə malikdirlər, sürətləri var. İnanıram ki, futbolçularımız özlərini yaxşı tərəfdən göstərməyi bacaracaqlar.

– “Nyukasl” da, “Qarabağ” da hücum komandasıdır. Liqa mərhələsində bir matçlardır və xüsusi taktikaya ehtiyac olmur. Pley-off mərhələsi isə iki oyundan ibarətdir. Sabah ehtiyatlı oyuna üstünlük verəcəksiz?
– Həmişə ehtiyatımızı saxlamağa çalışırıq. Burda bəzi amillər var. Rəqibin ustalığı, üstünlüyü bəzən çox qol buraxmağımıza səbəb olub. Nəyisə arzulayırıqsa, daha yaradıcı olmalı, çoxlu variantlar axtarmalıyıq. Futbolçulardan tələbim odur ki, hücumda ola-ola düzgün müdafiə olunaq. Məşqlərdə, oyunlarda bunu tələb edirik. Lakin reallıq var. Rəqibin oyunçularının ustalığı düşüncələrimizi bəzən geridə qoyur. Mütləq şəkildə iki oyun üçün düşünməliyik. Sabah azarkeşlərimizin oyundan həzz almasını istəyirəm. Məğlub olsaq belə, açıq, dinamik futbol görsünlər.

– Çempionatın son oyununda demişdiniz ki, bərpa üçün vaxt lazımdır. Komanda sabahkı oyuna hazırdır?
– Maksimum çalışırıq ki, hazır olaq. Əvvəlki olaylara dönməyə ehtiyac yoxdur. Bu gün oyuna hazırlaşmalıyıq. Futbolçularla da danışdıq ki, tez bərpa olmalıyıq. Futbolçular pis hazırlaşmayıb, demək olar, oyuna hazırdırlar. Oyunun gedişatında hansısa hissədə yorğunluq hiss oluna bilər. Amma inanıram ki, güc tapıb, sona kimi mübarizə aparacaqlar.

– “Nyukasl”ın İngiltərə çempionatında son dönəmlərdə işləri yaxşı getmir. Bu, sizə hansısa üstünlük verə bilər?
– Son iki oyunlarını qazanıblar. Premyer Liqada işlər yaxşı getmir deyə fikir yoxdur. Orda 1-ci yer ilə 15-ci yer arasında elə də fərq görünmür. Hər oyuna xüsusi hazırlaşırlar. Bəzən onlar öz liqalarını Çempionlar Liqasından üstün tuturlar. Ola bilər ki, 2-3 oyun büdrəsinlər, amma sonra vəziyyəti dəyişə bilirlər.

– Montielin yaxşı formada olmasını nəzərə alsaq, sabah kiminlə başlayacağınızı müəyyənləşdirmisinizmi? Kadi, yoxsa Montiel oynayacaq?
– Kadinin geri dönməsi bizim üçün xoşdur və əlavə variantdır. İstədiyimiz an dəyişiklikləri edə bilərik. Lakin tam heyəti sabah səhər bildirəcəyik.

– Oyun “Qarabağ” və Azərbaycan futbolu üçün xüsusi önəmlidir. İlk oyunda qələbə qazanaraq, sürpriz edə biləcəksiniz?
– Qısa deyə bilərəm ki, düzgün yoldayıq. Böyük turnirdə böyük komandaların sırasındayıq. Bunlar bizə əlavə güc, motivasiya və inam verir. Gələcək işimizdə builki turnirin böyük önəmi olacaq. Bu gün favorit “Nyukasl”dır, amma biz Bakıda qalib gəlmək istərdik və bununçün hazırlaşırıq. Futbolda bəzən maraqlı nəticələr olur. İstərdik ki, biz də o nəticəni qazananların sırasına daxil olaq. Sabah meydana çəkinmədən çıxacağıq. Qarşımızda intizamlı komanda var. Futbolçular və mən qələbə üçün çox istəkliyik.

– Koxalski sabah meydana çıxa biləcək?
– Böyük ehtimal, hazır olacaq. Sabah yenə əlavə həkim müayinəsi olacaq. Riskli bir şey olmazsa, oynamaq ehtimalı böyükdür.

Şahin Cəfərov

“Qarabağ”ın futbolçusu Kamilo Duran Çempionlar Liqasının pley-off mərhələsində sabah “Nyukasl”a qarşı keçirəcəkləri oyundan əvvəl təşkil olunan mətbuat konfransında iştirak etdi.

Futbolpress.az xəbər verir ki, hücumçu jurnalistlərlə görüşdə bunları dedi:

– Fərqindəyik ki, bizi tarixi və çətin oyun gözləyir. Doğma azarkeşlərimizin qarşısıda oynayacağıq. Çətin rəqibdir. İstənilən halda, əlimizdən gələni edəcəyik ki, azarkeşləri sevindirək, uğurlu nəticə əldə edək.

– Turnirdəki son oyununuzda İngiltərə komandasına qarşı olub. Hansı təcrübəni götürmüsüz ki, məhz o məqamda diqqətli olmaq lazımdır.
– İngiltərə klubları fiziki güclüdür və sürətli oynayırlar. Buna baxmayaraq, yaxşı hazırlaşmışıq. Onların zəif cəhətlərindən istifadə etməyə çalışacağıq.

– “Qarabağ”la Çempionlar Liqasında keçdiyiniz yol sizə nələr verib?
– Mənimçün çox xoşdur, xoşbəxtəm. “Qarabağ”da bu yolu keçmək karyeramın ən uğurlu dönəmidir. Gəncəm və daha inamlı olmalıyam. Üzərimdə işləməli, sürətli olmalıyam. Bu keyfiyyətlərimi inkişaf etdirməliyəm.

– Bu mövsüm effektiv performans sərgiləməyin Kolumbiya yığmasına düşə bilməyinə kömək edə bilər? Ümumiyyətlə, bu, nə dərəcə realdır, təklif olubmu?
– Bu mövsüm uğurlu keçir. Milli komandada oynamaq uşaqlıq arzumdur. Düşünürəm ki, belə davam etsə, yığmaya düşməyə daha yaxın olaram. Hamı dünya çempionatında oynamaq istəyər. İndiki məqamda hansısa dəvət yoxdur.

– Qol vursan, Çempionlar Liqasında tarixə düşəcəksən…
– Hazıram. Ötən həftə məşqlərdə “Nyukasl”ı da düşünürdüm. Qol vurmağa hazıram.

Azərbaycanda keçiriləcək “FIFA Series – 2026” beynəlxalq turnirinin təqvimi müəyyənləşib.

Futbolpress.az xəbər verir ki, Azərbaycan, Syerra-Leone, Oman və Sent Lusiya millilərinin iştirak edəcəyi yarışda ilk oyunlar martın 27-də keçiriləcək. İlk günün qalibləri martın 30-da finalda, məğlubları isə 3-cü yer uğrunda görüşdə qarşılaşacaqlar.

27 mart
15:00. Oman – Syerra-Leone
“Dalğa Arena”

19:00. Azərbaycan – Sent Lusiya
Mehdi Hüseynzadə adına Sumqayıt şəhər stadionu

30 mart
15:00. 3-cü yer uğrunda (məğlublar)
“Dalğa Arena”

19:00. Final (qaliblər)
Mehdi Hüseynzadə adına Sumqayıt şəhər stadionu

Azərbaycanlı futbolçu Hüseyn Əhmədov karyerasını İspaniyada davam etdirəcək.

Futbolpress.az xəbər verir ki, müdafiəçi “Kasaleqas” klubuna keçib. Bu barədə 3-cü liqa təmsilçisinin mətbuat xidməti məlumat yayıb.

Əhmədovun son klubu “Dinamo” (Bakı) olub.

“Kasaleqas” 22 turdan sonra 12 xalla 18 komanda arasında 17-ci sıradadır.

“Traktor” klubu baş məşqçisi Draqan Skoçiçlə yollarını ayırıb.

Futbolpress.az xəbər verir ki, bu barədə Cənubi Azərbaycan təmsilçisinin mətbuat xidməti məlumat yayıb. 57 yaşlı mütəxəssis istefa verib.

“Traktor” çempionatda 35 xalla ikinci sıradadır.

Çempionlar Liqasının pley-off mərhələsinin ilk oyunları çərçivəsində “Qarabağ”la qarşılaşacaq “Nyukasl” Bakıya yollanıb.

Futbolpress.az xəbər verir ki, bu barədə “sağsağanlar”ın mətbuat xidməti məlumat yayıb. Klub bu gün Bakıya çatacaq.

Saat 20:30-da “Nyukasl”ın çalışdırıcısı Eddi Haunun mətbuat konfransı təşkil olunacaq.

Sabah keçiriləcək “Qarabağ” – “Nyukasl” oyununa saat 2145-da start veriləcək.

Avropa Liqasının pley-off mərhələsində keçiriləcək “Fənərbağça” – “Nottingem Forest” oyununun hakimləri açıqlanıb.

Futbolpress.az xəbər verir ki, görüşü isveçrəli Sandro Şerer idarə edəcək. Ona yan xətt hakimləri Setafan Almeyda və Yonas Erni kömək edəcək. Dördüncü hakim funksiyasını Anoyen Kanaqasinqam yerinə yetirəcək.

Fevralın 19-da keçiriləcək “Fənərbağça” – “Nottingem Forest” oyunu 00:00-da start götürəcək.

Şerer bundan öncə Çempionlar Liqasının VI turunda keçirilən “Qarabağ” – “Anytraxt” oyununu (3:2) idarə edib.

“Zirə” futbolçusu Yeqor Boqomolskini icarəyə verib.

Futbolpress.az xəbər verir ki, 25 yaşlı hücumçu sonradan transfer etmək hüququ da daxil olmaqla cari mövsümün sonuna kimi Rusiyanın “Ural” klubunda çıxış edəcək.

Boqomolski bu mövsüm Premyer Liqada 19 oyunda 1 qol vurub.

“Qəbələ” klubu Premyer Liqanın XX turunda dünən “Sabah”la oyunda ləğv olunan qolu barədə bəyanat yayıb.

Futbolpress.az xəbər verir ki, klubun paylaşımında bunlar qeyd olunub:

“Qəbələ” – “Sabah” oyununun 87-ci dəqiqəsində top cərimə meydançasında “Sabah” komandasının iki futbolçusunun əlinə dəysə də, VAR epizoda təxminən 10 dəqiqəyə yaxın (!) baxdıqdan sonra baş hakimi monitora dəvət etdi. Hesab edirik ki, “Qəbələ”nin qaydalar çərçivəsində vurulmuş qolu hesaba alınmadı və komandamız ən azı 1 xaldan məhrum oldu. Bu, cari mövsümdə ikinci belə hal idi.

Buna qədər Azərbaycan Premyer Liqasının 8-ci turunun “İmişli” – “Qəbələ” (2:2) oyununda baş hakim İnqilab Məmmədov 59-cu dəqiqədə hesab 2:0 komandamızın xeyrinə olarkən, Ronaldo de Souzaya əllə oyuna görə ikinci sarı vərəqəni göstərmədi. Daha sonra Ronaldo de Souza rəqib komandanın qollarından birinin müəllifi oldu. AFFA Hakimlər Komitəsi baş hakimin səhvə yol verdiyini etiraf etdi. Bu isə artıq “Qəbələ”nin cari mövsümdə 3 xalının əlindən alınması deməkdir.

Rauf Cabarova gəlincə, 17-ci turda “Sabah”- “Karvan Yevlax” oyununda onun gözləri qarşısında top hücumda olan oyunçunun əlinə dəysə də, davam işarəsi verdi. Hücumun davamında isə digər futbolçunun vurduğu qol hesaba alınır. Oxşar epizod, fərq ondadır ki, bu dəfə Rauf Cabarov “Qəbələ”nin qolunu qeydə almır.

Ümid edirik ki, AFFA Hakimlər Komitəsi məsələyə obyektiv qiymət verəcək”.

FIFA referisi Əliyar Ağayev növbəti təyinat alıb.

Futbolpress.az xəbər verir ki, Ağayev UEFA Konfrans Liqasının pley-off mərhələsi çərçivəsində keçiriləcək “KuPS” (Finlandiya) – “Lex” (Polşa) matçının baş hakimi olacaq.

Ona Zeynal Zeynalov və Akif Əmirəli kömək edəcəklər. Dördüncü hakim funksiyasını Elçin Məsiyev yerinə yetirəcək. İngiltərəli Styuart Ettuell VAR, digər həmyerlimiz Nicat İsmayıllı AVAR kimi fəaliyyət göstərəcək.

Qarşılaşma fevralın 19-da Tampere şəhərindəki “Tammelan” stadionunda keçiriləcək.

AFFA-nın Qadın Futbolu Departamentinin rəhbəri Zümrüd Ağayeva UEFA-dan növbəti təyinat alıb.

Futbolpress.az xəbər verir ki, o, qadınlar arasında UEFA Avropa Kubokunun 1/4 final mərhələsinin cavab oyunları çərçivəsində keçiriləcək “Austriya” (Avstriya) – “Sparta” (Çexiya) matçının UEFA nümayəndəsi olacaq. Qarşılaşma fevralın 18-də Vyana şəhərində yerləşən “Franz-Horr” stadionunda baş tutacaq.

Komandalar arasında Çexiyada keçirilən ilk görüşdə 0:0 hesabı qeydə alınıb.

Çempionlar Liqasının pley-off mərhələsində Bakıda keçiriləcək “Qarabağ” – “Nyukasl” oyununa bilet satışı davam edir.

Futbolpress.az xəbər verir ki, sabah baş tutacaq görüş üçün artıq 27 500 bilet satılıb. Bu barədə klubun mətbuat xidməti məlumat yayıb.

“Qarabağ” – “Nyukasl” oyunu Tofiq Bəhramov adına Respublika stadionunda baş tutacaq. Matça saat 21:45-də start veriləcək.

“Sərhədçi”nin oyunçusu Ceymond Vinsent klubun mətbuat xidmətinə müsahibə verib.

Futbolpress.az xəbər verir ki, basketbolçu komandanın çıxışından söz açıb:

– Komanda son oyunda qələbə qazandı. Sizcə, bu qələbə komanda üçün nə dərəcədə önəmlidir?
– Bu qələbə bizim üçün çox vacib idi. Hazırda üçüncü yer uğrunda mübarizə aparırıq. Buna görə də bu, bizim üçün böyük və dəyərli qələbə oldu.

– Ümumilikdə “Sərhədçi”nin çıxışını necə qiymətləndirirsiniz?
– Açığı, çıxışımız pis deyil. Amma komanda olaraq birlikdə inkişaf etdirməli olduğumuz çox məqamlar var. Hələ də üzərində işləməli olduğumuz sahələr kifayət qədərdir.

– Oyunun ən yaxşı oyunçusu seçildiniz. Bu barədə fikirləriniz necədir?
– Buna görə minnətdaram. Amma ilk növbədə komanda yoldaşlarıma və məşqçilərimə təşəkkür etməliyəm. Onların mənə olan etimadı olmasa, bu, mümkün olmazdı.

– “Sərhədçi” qarşısına qoyduğu hədəflərə çata biləcəkmi?
– İnanıram ki, çox çalışsaq və intizamlı olsaq, məqsədimizə çatacağıq.

– Azərbaycanda özünüzü necə hiss edirsiniz? Burada qalmaq və davam etmək istərdinizmi?
– Azərbaycanı bəyənirəm, çox maraqlı ölkədir. Burada davam etmək ehtimalım da var.

– Kubok oyunları ilə əlaqədar fasilə olacaq. Bu fasilədən necə yararlanacaqsınız?
– Bu vaxtdan maksimum istifadə etməyə çalışacağıq. Zalda məşqlərimizi davam etdirəcəyik və oyunumuzu daha da inkişaf etdirmək üçün çalışacağıq ki, daha yaxşı olaq.

Beynəlxalq dərəcəli hakim Eldar Zülfüqarov CEV Çempionlar Liqasının oyununda baş hakim olacaq.

Futbolpress.az xəbər verir ki, Avropa Voleybol Konfederasiyası (CEV) tərəfindən təyinat alan Eldar Zülfüqarov bu gün Yunanıstanda qadın voleybolçular arasında Çempionlar Liqasının pley-off mərhələsi çərçivəsində keçiriləcək “Olimpiakos” (Yunanıstan) və “Numia Vero Volley Milano” (İtaliya) qarşılaşmasının baş hakimi olacaq.

Matçın ikinci hakimi vəzifəsini isə macarıstanlı Aqnes Batkai-Katona icra edəcək.

Bakı Metropoliteni fevralın 18-də UEFA Çempionlar Liqası çərçivəsində “Qarabağ” və İngiltərənin “Nyukasl” klubları arasıda keçiriləcək qarşılaşma ilə əlaqədar iş vaxtını 1 saat uzadacaq.

Futbolpress.az xəbər verir ki, bu barədə qurumun mətbuat xidməti məlumat yayıb.

Fevralın 18-dən 19-na keçən gecə bütün stansiyalar saat 01:00-a qədər sərnişinlərin girişinə açıq olacaq. Metronu seçən azarkeşlərin oyuna rahat və təhlükəsiz gediş-dönüşünü təmin etmək üçün bütün zəruri tədbirlər görüləcək.

Tofiq Bəhramov adına Respublika stadionunun yaxınlığında yerləşən “Gənclik” stansiyasında gücləndirilmiş iş rejimi tətbiq olunacaq, əlavə əməkdaşlar cəlb ediləcək. Zərurət yaranarsa, ehtiyat qatarlar xəttə buraxılmaq üçün hazır saxlanılacaq. “Nərimanov” və “28 May” stansiyalarında da nəzarət mexanizmləri artırılacaq.

Qeyd edək ki, “Qarabağ” – “Nyukasl” matçı fevralın 18-də Tofiq Bəhramov adına Respublika stadionunda keçiriləcək və saat 21:45-də başlayacaq.

“Karvan-Yevlax” Premyer Liqanın XX turunda “Zirə”yə uduzub – 0:1. Matçdan sonra komandanın yarımmüdafiəçisi Vadim Abdullayev “Futbolpress.az“a açıqlamasında qələbəsizlik seriyaları haqda danışdı:

“Məğlubiyyətlər davam etdikcə psixoloji eniş də yaşanır. Karyeramda ilk dəfədir, belə olur. Bu vəziyyət pis təsir edir. Elə olur, günlərlə evdən çıxmıram. Lakin bu, futboldur. Durumu qəbul edib, düzəltməliyik”.

Abdullayev komandanın liqada qalmaq perspektivlərinə toxundu:

“Qarşıda oyunlar var. Rəqiblər də xal itirir və kimin harda olacağını mövsümün sonunda görəcəyik. İndiki məqamda bu psixoloji durumu düzəltməli, xal və ya xallar qazanmağa başlamalıyıq”.

“Karvan-Yevlax” növbəti turda “Araz-Naxçıvan”la qarşılaşacaq. Kapitan sabiq klubu ilə dueldən gözləntilərini bölüşdü:

“Araz-Naxçıvan”da əziyyətim olub. İllərlə bu komandanın formasını geyinmişəm. Ordan ayrılmaq da çətin idi. İndi “Karvan-Yevlax”dayam və bizim üçün qələbə önəmlidir. “Araz-Naxçıvan”a qarşı incikliyim qalıb. Mənimçün oyunun önəmi də başqadır. Ümid edirəm ki, yaxşı oynayarıq və mən də komandama yaxşı nəticə üçün töhfə verə bilərəm”.

Şahin Cəfərov

Azərbaycan Milli Antidopinq Agentliyi (AMADA) tərəfindən “Qarabağ” klubunun U-15, U-16, U-17 və U-19 komandaları üçün antidopinq mövzusunda maarifləndirmə seminarı təşkil olunub.

Futbolpress.az xəbər verir ki, tədbirdə gənc futbolçulara qadağan olunmuş maddələr və üsullar, dopinq nəzarəti prosesi, eləcə də təmiz və ədalətli idman prinsipləri barədə ətraflı məlumat verilib.

İştirakçılara 2027-ci il yanvarın 1-dən qüvvəyə minəcək yeni Ümumdünya Antidopinq Məcəlləsinin tələbləri, test prosedurları və mümkün intizam sanksiyaları izah edilib. Görüş zamanı idmançıların hüquq və öhdəlikləri, ciddi məsuliyyət prinsipi və terapevtik istifadə üçün istisnalar diqqətə çatdırılıb. Eyni zamanda narkotik vasitələrin istifadəsinin sağlamlığa, karyeraya və şəxsi həyata mənfi təsirləri real nümunələr əsasında şərh olunub.

Qeyd edək ki, seminarın əsas məqsədi gənc idmançılarda erkən yaşlardan düzgün dəyərlər formalaşdırmaq və onları mövcud risklərdən qorumaqdır.

“Barselona”nın baş məşqçisi Hansi Flik La Liqada “Jirona”ya uduzduqları oyunu şərh edib.

Futbolpress.az “Marca”ya istinadən xəbər verir ki, mütəxəssis 1:2 hesabıyla bitən görüşlə bağlı bunları deyib:

“İlk hissədə çoxlu qol şansları yaratdıq, lakin dəyərləndirə bilmədik. Fasilədən sonra “Jirona” daha yaxşı oynadı. Əks-hücumlarda, müdafiədə yaxşı çıxış etmədik. Rəqib qələbəyə layiq idi.

Mövqe səhvlərimiz çox oldu. Yenə də təhlillər aparıb, oyunumuza qayıtmalıyıq. Hazırda işlər bizim üçün yaxşı getmir. Oyunçuların bir az istirahətə ehtiyacı var”.

“Neftçi”nin hücumçusu Bassala Sambu bombardirlər yarışına qoşulub.

Futbolpress.az xəbər verir ki, son turlarda məhsuldarlığı artan 28 yaşlı hücumçu 9 qolla zirvəyə şərikdir. “Sabah”ın futbolçuları Coy-Lens Mikels ilə Velko Simiç də bu sayda qol vurub və bombardirlər yarışında müvafiq olaraq bir və ikinci yerdədirlər.

Sambunun yüksəlişi Yuri Vernidubun gəlişindən sonraya təsadüf edib. Kamerunlu təcrübəli hücumçu Vensan Abubakara rəqabətdə qalib gələn Sambu son 6 oyunda 5 qola imza atıb.

Forvard ötən ilin fevralından “Neftçi”nin formasını geyinir. O, “ağ-qara” formada ümumilikdə 36 oyunda 13 qol vurub, 3 məhsuldar ötürmə edib.

“Fənərbağça” sabiq hücumçusu Vedat Muriqi ilə maraqlanır.

Futbolpress.az xəbər verir ki, bu barədə Türkiyə mətbuatı məlumat yayıb. İstanbul klubu “Malyorka”da çıxış edən forvard üçün mövsümün sonunda təklif göndərməyi planlaşdırır.

Muriqi bu mövsüm La Liqada 16 qolla bombardirlik yarışında ikinci sıradadır. “Malyorka” hücumçusunu azı 15 milyon avroya satmaq niyyətindədir.

31 yaşlı hücumçu 2019/2020 mövsümündə “Fənərbağça”da forma geyinib.

MiAzərbaycan sli Premyer Liqasının XX turunda cəmi 8 qol vurulub. Baş tutan 6 oyunda orta məhsuldarlıq 1,33-ə bərabər olub.

Qolların topların yarısı “Kəpəz” – “Neftçi” görüşündə (1:3) qeydə alınıb. “İmişli” – “Qarabağ” və “Qəbələ” – “Sabah” matçlarında qonaqlar, “Zirə” – “Karvan-Yevlax” və “Araz-Naxçıvan” – “Sumqayıt” qarşılaşmalarında meydan sahibləri bir qolla qələbə qazanıb. “Şamaxı” – “Turan Tovuz” oyunu isə 0:0 hesabı ilə başa çatıb.

Bu, mövsümün antirekordudur. Əvvəlki 19 turda ən az qol IV turda vurulub – 9 top (orta məhsuldarlıq 1,50).

Qeyd edək ki, daha aşağı məhsuldarlığa sonuncu dəfə ötən mövsümün XXIX turunda təsadüf olunub. Həmin vaxt 5 görüşdə 6 top vurulub və orta göstərici 1,20 olub.

“Fənərbağça”nın futbolçusu Marko Asensio mövsümün sonunda klubu tərk edə bilər.

Futbolpress.az xəbər verir ki, “Vilyarreal” yarımmüdafiəçinin xidmətində maraqlıdır. Bu barədə İspaniya mətbuatı məlumat yayıb. La Liqa təmsilçisinin Asensio üçün 15 miyon avro ödəməyə hazır olduğ bildirilir.

Marko bu mövsüm 29 oyunda 12 qol vurub, 9 məhsuldar ötürmə edib.

“Jirona”nın futbolçusu Aksel Vitsel İspaniya La Liqasının tarixinə düşüb.

Futbolpress.az xəbər verir ki, “Barselona” ilə matçda iştirak edən yarımmüdafiəçi çempionatda 100-dən çox oyuna çıxan dördüncü belçikalı futbolçu olub.

Vitsel “Atletiko”da 82, “Jirona”da 18 matça çıxıb.

La Liqada ən çox oyun keçirən belçikalı isə 335 matçla Tibo Kurtuadır (“Real”).

Premyer Liqada XX tur başa çatıb.

Futbolpress.az xəbər verir ki, altı oyunda ümumilikdə qapılara 8 qol vurulub. Turun məhsuldar görüşü “Kəpəz” ilə “Neftçi” arasında olub. Matç “ağ-qaralar”ın 3:1 hesablı qələbəsiylə başa çatıb.

“Şamaxı” – “Turan Tovuz” oyununda qol vurulmayıb. Bu, turun qolsuz yeganə matçıdır.

“Qarabağ”, “Sabah”, “Zirə” və “Araz-Naxçıvan” isə minimal hesablı qələbələrə sevinib.

Türkiyənin “Gənclərbirliyi” klubunun baş məşqçisi açıqlanıb.

Futbolpress.az xəbər verir ki, komandanın “sükanı” Levent Şahinə tapşırılıb. Bu barədə Super Liqa təmsilçisinin mətbuat xidməti məlumat yayıb. Mütəxəssislə müqavilə mövsümün sonuna kimi nəzərdə tutulub.

“Gənclərbirliyi” Super Liqada 22 turdan sonra 23 xalla 11-ci sıradadır.

Bu gün UEFA Çempionlar Liqasında pley-off mərhələsinə start verilib.

Futbolpress.az xəbər verir ki, günün birinci matçında Türkiyənin “Qalatasaray” komandası azarkeşləri önündə “Yuventus”la qarşılaşıb. Matç türklərin darmadağınıyla başa çatıb.

“Real” səfərdə “Benfika”nı məğlub edib. Fransada “Monako” ilə PSJ üz-üzə gəlib. Matç parislilərin qələbəsiylə başa çatıb. Dortmund “Borussiya”sı isə “Atalanta”ya qalib gəlib.

Azərbaycan təmsilçisi “Qarabağ” sabah Bakıda “Nyukasl”la qarşılaşacaq.

UEFA Çempionlar Liqası
Pley-off mərhələsi, ilk oyunlar

17 fevral

Qalatasaray – Yuventus 5:2
Qollar: Q.Sara, 15, N.Lanq, 49, 74, D.Sançes, 60, S.Boey, 86 – T.Koopmeyners, 16, 32

Borussiya Dortmund – Atalanta 2:0
Qollar: S.Girassi, 3, M.Beyer, 42

Benfika – Real 0:1
Qol: V.Junior, 50

Monako – PSJ 2:3
Qollar: F.Baloqun, 1, 18 – D.Due, 29, 67, A.Hakimi, 41

 

Azərbaycan Premyer Liqasında XX tur başa çatıb. Lider “Sabah” “Qəbələ”ni, ikinci “Qarabağ” isə “İmişli”ni çətinliklə məğlub edib. “Neftçi” ardıcıl üçüncü qələbəsini qazanıb, “Zirə” və “Araz-Naxçıvan” da turu üç xalla başa vurub.

İmişli – Qarabağ 0:1
Qubada baş tutan oyundan sonra əsas müzakirə mövzusu meydançanın durumu ilə bağlı oldu. Nəticə, oyundakı “qırmızı”lar kənarda qaldı, Qurban Qurbanovun Quba stadionu haqda tənqidi fikirləri gündəmə çevrilib və hələ də müzakirə olunur. Hər bir halda, önəmli olan nəticədir və “Qarabağ” aktivinə üç xal yazdırmaqla lideri izləməyə davam edir.

“İmişli” üçünsə məğlubiyyət gözlənilən idi. Uzun müddətdir, qələbə qazana bilməyən komandanın enişi davam edir. Artıq autsayderlər zonası ilə arada ciddi fərq qalmayıb. “İmişli” artıq xallar qazanmağa başlamalıdır. Əks halda, “zirzəmi” təhlükəsi ciddi hiss ediləcək.

Zirə – Karvan-Yevlax 1:0
Avrokuboklara vəsiqə mübarizəsi aparan “Zirə” ardıcıl ikinci oyunda qələbəyə sevindi. Çətin “Sumqayıt” səfərindən əzmkar qələbə ilə dönən “qartallar” autsayder qarşısında büdrəmədi. Minimal hesablı qələbəyə sevinən “Zirə” avrokubok yarışında əsas iddiaçı olduğunu göstərdi.

Autsayder “Karvan-Yevlax” isə itirməkdə davam edir. “Qəbələ” və “Kəpəz”in turu xalsız başa vurması komanda adına yeganə müsbət sayıla biləcək məqamdır.

Kəpəz – Neftçi 1:3
Yuri Vernidubun “Neftçi”si ardıcıl üçüncü qələbəsini qazanaraq avrokubok yarışına yenidən qoşuldu. Mövsümə uğursuz start verən “ağ-qaralar” ukraynalının gəlişindən sonra yüksəlişdədir. Oyun planında da artıran “Neftçi” ikinci dövrənin ən yaxşı forma yığan komandasıdır.

“Kəpəz” isə ilk hissədə müdafiə futboluna üstünlük verməklə xal qazanmağı düşünsə də, planlar baş tutmadı. “Neftçi” ilk hissədə vurduğu qollarla oyunun taleyini həll etdi. Hər bir halda, autsayderin də məğlub olması “Kəpəz”i nisbətən rahatlaşdıran faktor kimi nəzərə çarpdı.

Araz-Naxçıvan – Sumqayıt 1:0
“Araz-Naxçıvan” yeni baş məşqçisi Andrey Demçenkonun rəhbərliyi altında ilk qələbəsini qazandı. Penaltidən vurulan yeganə qolla aktivinə üç xalı yazdıran naxçıvanlılar əsas rəqiblərindən “kimyaçılar”la fərqin böyüməsinə əngəl oldu. Qələbəyə baxmayaraq, komandanın oyun planında ciddi çatışmazlıqlar var və gedişat yaxşı görünmür.

“Sumqayıt” isə qələbəsizlik seriyasını davam etdirir. “Zirə” ilə ardıcıl oyunlarda çox güc sərf edən “kimyaçılar” mövsümün ən zəif oyunlarından birini keçirdi.

Şamaxı – Turan Tovuz 0:0
Turun yeganə qolsuz matçı Şamaxıda oldu. Avrokuboklara vəsiqə mübarizəsi aparan “Turan Tovuz” zəif oynadığı matçda bir xalı aktivinə yazdırdı. İlk hissədə meydan sahibləri daha üstün oynadı, şanslar yaratdı. Fasilədən sonra isə oyunda balans yarandı. Hər iki komanda bu bir xala sərgilədikləri oyuna görə üzülməməlidir.

Qəbələ – Sabah 0:1
Lider son turlarda ən çox çətinlik çəkdiyi oyunu keçirdi. “Qəbələ” ilk hissədə rəqibinə demək olar, fürsət vermədi. Sürətli hücumlarla “bayquşlar”a başağrısı yaradan “qırmızı-qaralar” liderə layiqli müqavimət göstərdi. İkinci hissənin əvvəlində ani boşluqdan məharətlə istifadə edən “Sabah” bir qolla üç xalı qazanan tərəf oldu.

“Qəbələ” oyunun sonlarında hesabı bərabərləşdirsə də, daha sonra VAR-ın müdaxiləsi ilə qol ləğv olundu. Epizod müzakirəyə açıqdır və “Qəbələ” cəbhəsi qolun qaydalar çərçivəsində vurulduğunu bildirdi, “Sabah” tərəfi isə konkret inkar etmədi. Hakimlərin bu mövsüm mübahisəli qərarları kifayət qədərdir. Demək olar, geridə qalan 20 turda hər klubun lehinə və əleyhinə qərarlar verilib. İstənilən halda, matç bitib və “Sabah” üç xal qazanaraq “Qarabağ”la fərqi qoruya bildi.

Şahin Cəfərov

Kişi cüdoçulardan ibarət Azərbaycan millisinin Fransanın paytaxtı Parisdə keçirilmiş “Böyük Dəbilqə”nin medal sıralamasında ikinci yeri tutub. Cüdoçular 1 qızıl, 1 gümüş və 1 medal qazanmaqla uğurlu nəticəyə imza atıb.

Azərbaycana “qızıl”ı gətirən isə Balabəy Ağayev olub. O, 60 kq çəki dərəcəsində fəxri kürsünün birinci pilləsinə qalxıb. “Böyük Dəbilqə”dəki nəticələr və Azərbaycan cüdosunun durumu ilə bağlı çempion Ağayevin məşqçisi Şümşad Bəhramovla danışdıq. O, Balabəyin qızıl ümidi verdiyini bildirdi:

“Balabəyin qızıl medalı illərin zəhmətinin nəticəsidir. Belə səviyyəli turnirdə çempionluq təsadüfi olmur. Burda idmançının əziyyəti, komanda işinin məhsulu var. Böyük turnirlərdə uğur qazanmaq üçün fiziki və psixoloji hazırlıq önəmlidir. Belə yarışlarda psixoloji sabitlik mühümdür. Fiziki hazırlıqla yanaşı, stressə davamlı olmalı, taktiki təhlillər aparıb, ona uyğun çalışmaq lazımdır. Biz Balabəylə bunlar üzərində çalışmışdıq”.

Mütəxəssis Balabəyin yarışdan öncə “qızıl” ümidi verdiyini söylədi:

“İdmanda yüz faizlik zəmanət yoxdur. Lakin Balabəyin hazırlığı, psixoloji durumu, özünəinamı onun qızl medal şanslarını yüksək göstərirdi”.

Uzun illərdir Azərbaycan cüdosuna xidmət edən Şümşad Bəhramov cüdoda mövcud durumu şərh etdi:

“Azərbaycan cüdosunun inkişafı göz qabağındadır. Son illərdəki nəticələr bunu bariz göstərir. Bəlkə də, cüdo yeganə idman növüdür ki, beş ayda iki dünya, iki olimpiya çempionu olub. Bu, uğurun göstəricisidir. Azərbaycan cüdosu inkişafdadır və hər il nəticələr daha yaxşılaşır. Düzdür, ideal sahə yoxdur. Amma indiki məqamda cüdoda hansısa ciddi çatışmayan nüans görmürəm. Bölgələrdə məşqçi hazırlığı və uşaq bazasını gücləndirmək önəmlidir. Başqa nəsə çatışmayan şey demək olmur. İnkişaf, nəticələr göz qabağındadır”.

Bəhramov məşqçi karyerasına, milli komandadakı fəaliyyətinə və yığmadakı iş prinsiplərinə toxundu:

“Azərbaycan çempionatında və beynəlxalq yarışlarda mükafatlarım olub. Müxtəlif vaxtlarda milli komandalarda işləmişəm, əsas yığmada köməkçi olmuşam. İşlədiyim vaxtlarda komandanın dünya və Avropa çempionu olmasında əziyyətlərim olub. Hər birimiz cüdomuzun inkişafı üçün çalışır, bacardığımız hər dəstəyi göstəririk. Yığma komanda işi elədir ki, hər şey kollektiv olmalıdır. Planlar qurulur, idmançıların inkişafı üçün töhfələr verilir. Uğurun müəllifi bir nəfər yox, bir sistemdir. Azərbaycan cüdosu dünya səviyyəsində sözünü deyir. Son illərdəsistemli inkişaf var”.

Şahin Cəfərov

Yazı Azərbaycan Respublikasının Medianın İnkişafı Agentliyinin maliyyə dəstəyi ilə hazırlanıb.

Sahə: Uşaq və gənclərin fiziki və mənəvi inkişafında idmanın rolu.

“Bavariya” itki ilə üzləşib.

Futbolpress.az xəbər verir ki, komandanın qapıçısı Manuel Noyer sıradan çıxıb. Bu barədə klubun mətbuat xidməti məlumat yayıb. Qolkiper Bundesliqada “Verder”lə matçda (3:0) zədələnib.

Noyerin bir neçə həftə yaşıl meydanlardan uzaq qalacağı bildirilir.

39 yaşlı qapıçı bu mövsüm 18 oyunda 17 qol buraxıb.

Azərbaycan Premyer Liqasının XX turunun “Qəbələ” – “Sabah” oyunundan (0:1) sonra qonaq komandanın baş məşqçisi Valdas Dambrauskas jurnalistlərin suallarını cavablandırıb.

Futbolpress.az xəbər verir ki, mütəxəssis əvvəlcə görüşlə bağlı fikirlərini bölüşüb…

– “Qəbələ” çox yaxşı komandadır. Yaxşı məşqçi işi görünür. Turnir cədvəlində belə aşağıda olmalı deyillər. Daha yuxarılarda olmağa layiqdirlər. İlk hissədə istədiklərimizi həyata keçirə bilmək üçün 20-25 dəqiqə vaxt lazım oldu. İkinci hissədə müəyyən düzəlişlər etdik. Fasilədən sonra daha yaxşı başladıq, qol vurduq, fərqi artırmaq üçün imkan yaratdıq. Lakin oyunun sonları bizim üçün çox çətin keçdi. “Qəbələ” bütün gücü ilə irəli atılmışdı. Onlar xoş sözlərə layiqdirlir. Qapıçımız Stas Pokatilov möhtəşəm qurtarış etdi. “Qəbələ” bəlkə də, bir xala layiq idi.

– Komandanın birinci sırada olması əlavə təzyiq yaratmır?
– Bu haqda düşünmürük. Bütün diqqətimiz növbəti matçdadır. Heç vaxt turnir cədvəlinə baxmırıq. İşimizə fokuslanmışıq və nəyi harda düzəldə bilərik deyə düşünürük. Sadəcə bunlara köklənirik.

– Litvada çempionluğa oynayan komandanın əsas rəqibi ilə oyunu avrokuboklara görə təxirə salınsa, idman camiəsinin reaksiyası necə olardı?
– Öz oyunlarımıza köklənirik. Litvada da bəzən belə hallar baş verir. Bəzən matçlar təxirə salına bilir. Amma bilmirəm, belə olmalıdır, ya yox. Təqvimə nəzarət edən qurumlar baxmalıdır bu məsələyə. İndiki məqamda təxirəsalma bizi düşündürmür. Biz özümüzə fokuslanmışıq. “Qarabağ” Avropada yaxşı nəticələr əldə edib, amma çempionatı da unutmaq olmaz. Məsələ qərar verən qurumlarla bağlıdır. Qərar verən şəxs mən deyiləm. Bunun üçün qurumlar var və mən onlara hörmət edirəm. 

– İngiltərədə məşqçiliyi oxumusunuz. “Qarabağ”ın “Nyukasl”la oyunda şanslarını necə dəyərləndirirsiniz?
– Bu suala cavab verməyəcəyəm.

– “Qarabağ”ın təcrübəsi var, “Sabah” isə uğura acdır. Çempionluq üçün hansına daha çox ehtiyac var?
– Biz özümüzlə mübarizə aparırıq. Hər dəfə özümüzə köklənir, səhvlərimiz üzərində çalışırıq. Gələcəkdə nə olacağını mayın sonunda biləcəyik.

– Azərbaycan yığması Millətlər Liqasında Litva ilə bir qrupa düşüb. Şansları necə dəyərləndirirsiniz?
– Harada işləyirəmsə, maraqlı və qəribə təsadüflə qarşılaşıram. Bolqarıstanda çalışanda Litva onlarda eyni qrupa düşdü. Kiprdə də həmçinin. İndi də Azərbaycanda belə hal oldu. Hər iki milli komanda haqda xoş sözlər deyə bilərəm. Əsas mübarizə Azərbaycanla Litva arasında olacaq. Bu sözləri Lixtenşteyn yığmasına hörmətlə yanaşaraq deyirəm. Hansı futbolçuların oynayacağı çox önəmlidir. Çünki Litva millisində çoxlu keyfiyyətli oyunçular var. Amma onlardan biri zədələnsə, komandaya çox böyük təsir göstərə bilər. Məsələn, bizim “Çelye”də çıxış edən çox güclü hücumçumuz var. O, ağır zədə alıb. Konfrans Liqasında çoxlu qollar vurmuşdu. Xırda detallar oyunun taleyini həll edəcək. Azərbaycan yığmasında “Qarabağ”da çıxış edən təcrübəli futbolçular var. Litvanı da unutmayaq. Gənc və uğura ac komandadır. Yaxşı məşqçilər heyəti var. Onu da deyim ki, Litva millisi oyunlara hazırlaşarkən mənim köməyimə ehtiyacları olmayacaq. Müasir dövrdə bütün oyunları izləmək olur. İki gərgin oyun bizi gözləyir.

– “Qəbələ”nin son dəqiqələrdə ləğv olunan qolu haqda nə düşünürsünüz?
– Bizim kameramızdan baxanda əllə oyun görünürdü. Lakin VAR da var. Onlar daha dəqiq qərar verə bilərlər. “Sumqayıt”la oyunda iki qolumuzu ləğv etmişdilər. Bu gün də bizim kameradan görünürdü ki, top ələ dəyib. Özüm VAR-ın azarkeşi deyiləm. Düzdür, bu oyun çox çətin idi. Son 10 dəqiqə rəqib daha üstün oynayırdı. Düşünürəm ki, əlavə 5-6 dəqiqə olsaydı, “Qəbələ” fərqlənə biləcəkdi. Ona görə bu səhvlərimizi təhlil edib, nəticə çıxarmalıyıq.

Şahin Cəfərov

Azərbaycan Premyer Liqasının XX turunun “Qəbələ” – “Sabah” oyunundan (0:1) sonra meydan sahibi komandanın məşqçisi George Çixradze jurnalistlərin suallarını cavablandırıb.

Futbolpress.az xəbər verir ki, mütəxəssis əvvəlcə görüşlə bağlı fikirlərini bölüşüb…

– “Sabah”la biz fərqli məqsədlər uğrunda mübarizə aparırıq. Onlar çempinoluğa, biz liqada qalmağa oynayırıq. İlk hissədə passiv oynadıq. Əsas odur, qol buraxmadıq, təhlükəli epizodlar yaratdıq. İkinci hissədə daha yaxşı oynadıq. Adi vəziyyətdən qol buraxdıq. Qol buraxılmamalı epizod idi. Qoldan sonra aktiv, aqressiv oynamağa başladıq. Oyunun sonlarında qol da vurduq, ləğv olundu. Mübahisəli epizoddur. Yekunda məğlub olmuşuq.

– Mübahisəli epizod idi, yoxsa “Qəbələ”nin haqqına girildi?
– Məğlub olmuşuq, fikrimcə, qol təmiz idi. Kimlərsə də baxıb, dəyərləndirə bilər. Düşünürəm ki, qol qaydalar çərçivəsində vurulmuşdu.

– Start heyətdəki cinah müdafiəçilərini dəyişməyi düşünmürsünüz?
– Turan Manafov yeni gəlib, tam formada deyil. Yavaş-yavaş formaya düşməyə başlayır. Sağ cinahda Nicat və Eşqin var. Bəzən biri, bəzən digəri oynayır. Arada Nuğayı da o mövqedə oynadırıq. Həmin cinahdakı resurslarımızdan maksimum istifadə etməyə çalışırıq.

– Rüfət Əhmədovla bağlı planınız nədir?
– Onu transfer edəndə düşünürdük ki, cinahda bizə kömək edəcək. Rüfət daha əvvəl də burda oynamışdı və tanıyırdıq. Həmin mövqeni gücləndirmək üçün onu düşünürdük. Amma alınmadı.

– Getmək istəmir?
– Əvəzedici heyətlə məşq edirdi. Təklifi varsa, gedə bilər. Sadəcə situasiya elə oldu ki, komandada qaldı.

Şahin Cəfərov

Azərbaycan Premyer Liqasının XX turunun “Şamaxı” – “Turan Tovuz” oyunundan (0:0) sonra meydan sahibi komandanın baş məşqçisi Ayxan Abbasov jurnalistlərin suallarını cavablandırıb.

Futbolpress.az xəbər verir ki, mütəxəssis əvvəlcə görüşlə bağlı fikirlərini bildirib…

– Mübarizəli, maraqlı oyun oldu. Rəqib bura qələbə üçün gəlmişdi. Ötən tur acı məğlubiyyət yaşadıq. 17-ci turda “Qəbələ”yə məğlub olduqdan sonra komanda yaxşı performans göstərir. Ard-arda “Qarabağ”la iki dəfə oynadıq. Heyətdə çox da dəyişiklik edə bilmirik. Futbolçularımdan razı qaldım. Oyuna köklənmələri yüksək səviyyədə idi. Birinci hissədə daha yaxşı oynadıq. Üstünlük bizdə idi. Kərim Rossi ilə Abdulla Rzayev düzgün qərar versəydilər, hesabı aça bilərdik. Bizim üçün hər xal önəmlidir. Qarşıdakı oyunlara hazırlaşacağıq.

– Bir əvəzetmə etməyiniz nəylə bağlıdır? 

– Oyuna görə belə etdik. Rəqib standart vəziyyətlərdə çox yaxşıdır. Ehtiyatda olan futbolçularımız hamısı bəstəboydur. Rossi nə qədər yorulsa da, onun mövqeyində başqa oyunçu yoxdur. Ehtiyatda olan futbolçuların bu tempdə və rəqibin standart vəziyyətlərində çətinlik çəkəcəyini düşündük.

Şahin Cəfərov 

İngiltərənin “Nottingem Forest” klubunun baş məşqçisi açıqlanıb.

Futbolpress.az xəbər verir ki, komandanın “sükanı” Vitor Pereyraya tapşırılıb. Bu barədə klubun mətbuat xidməti məlumat yayıb. Portuqaliyalı mütəxəssislə müqavilə mövsümün sonuna kimi nəzərdə tutulub.

Vitorun “Nottingem Forest”dəki ilk sınağı Avropa Liqasının pley-off mərhələsində sabiq klubu “Fənərbağça”ya qarşı olacaq. Matç fevralın 19-da olacaq.

Azərbaycan Premyer Liqasının XX turunun “Şamaxı” – “Turan Tovuz” oyunundan (0:0) sonra qonaq komandanın baş məşqçisi Kurban Berdıyev jurnalistlərin suallarını cavablandırıb.

Futbolpress.az xəbər verir ki, mütəxəssis əvvəlcə görüşlə bağlı fikirlərini bildirib…

– Mənə elə gəlir ki, heç-heçə ədalətli nəticədir. Hər iki komanda qol epizodları yarada bilmirdi. Təəssüflər olsun ki, əvəzetmələr də uğurlu alınmadı.

– Qol epizodlarının olmamasının səbəbi oyunçu keyfiyyətidir?

– “Şamaxı”nın müdafiəsi yaxşı oynadı. İstənilən halda, daha çox qol epizodu yaratmalı idik. Məşqlərdə çalışdıqlarımızı edə bilmədik. Təhlillər aparacağıq.

– Yeni transferiniz Mark Rene Mampassi oynamağa hazırdır?

– Uzun müddətdir ki, məşq etməyib. Ümid edirik ki, bizə fayda verəcək.

Şahin Cəfərov 

Gənc boksçular arasında Azərbaycan çempionatına yekun vurulub.

Futbolpress.az xəbər verir ki, ölkənin müxtəlif şəhər və rayonlarının klublarını, həmçinin idman cəmiyyətlərini təmsil edən yarışda 60 komandanın 276 boksçusu qüvvəsini sınayıb. 7 gün davam edən çempionatda oğlanlarda 10, qızlarda 5 çəki dərəcəsi üzrə mükafatçılar müəyyənləşib.

Boks Mərkəzində təşkil olunan final döyüşlərdə qalib gələn Əli Əliyev, Nihat Qasımov, Əli Baxışov, Şahin Aslanov, Rza Rzayev, Renat Qiyaslı, İsmayıl Vəliyev, Heydər Əzməmmədov, Zaur Səmədov və Səfdər Məmmədzadə çempion tituluna sahib olublar.

Turnirin komanda hesabında “Neftçi” İdman Klubu birinci yeri tutub – 33 xal. İkinci pilləyə Gəncə komandası (31) yiyələndiyi halda, “üçlüy”ü “Qızıl əlcək” İdman Klubu (29) qapayıb.

Çempionatda ən yaxşı boksçu adına Nihat Qasımov layiq görülüb. Ramiz Yaqnəliyev ən yaxşı hakim adına sahib olub.

Mükafatçılar yığmanın heyətinə cəlb olunacaq və beynəlxalq yarışlarda ölkəmizi təmsil edəcəklər.

Qeyd edək ki, U-19 Azərbaycan çempionatında daha öncə başa çatan qızların mübarizəsində Banuçiçək Nəsirli (48 kq), Əminə Tağı (51 kq), Zəhra Məmmədova (54 kq), Aynur İsmayılova (60 kq) və Dəniz Babayeva (70 kq) U-19 Azərbaycan çempionatının qızıl medalını qazanıblar.

U-19 Azərbaycan çempionatı

Oğlanlar

Final

50 kq

Əli Əliyev (Gəncə) – Hüseyn Məhərrəmov (“AZSport” BK) – 5:0

55 kq

Əli Mayılzadə (DİN İC) – Nihat Qasımov (RKİM) – ikinci tam üstünlüklə qalib gəlib

60 kq

Əli Baxışov (“Dəmir Yumruq” BİK) – Toğrul Quliyev (“Qızıl əlcək” İK) – 3:0

65 kq

Şahin Aslanov (UGM-7) – Vüsal Xəlilov (RİM-1) – 4:1

70 kq

Adil Zalov (“Qızıl əlcək” İK) – Rza Rzayev (Gəncə) – 0:5

75 kq

Pünhan Qurbanlı (Şirvan) – Renat Qiyaslı (DİN İC) – 0:5

80 kq

İsmayıl Vəliyev (RKİM) – Fuad Abbasov (Sumqayıt) – 5:0

85 kq

Heydər Əzməmmədov (Sumqayıt) – Səid Bəkiyev (“Zərbə” BİK) – birinci tam üstünlüklə qalib gəlib

90 kq

Qulam Baxşıyev (Astara) – Zaur Səmədov (“Qızıl əlcək” İK) – ikinci tam üstünlüklə qalib gəlib

+90 kq

Məhəmməd Cəfərov (Z-1 İK) – Səfdər Məmmədzadə (“Neftçi” İKÇ) – 1:4

Bütün mükafatçılar

50 kq

1. Əli Əliyev (Gəncə)

2. Hüseyn Məhərrəmov (“AZSport” BK)

3. Hüseyn Quliyev (RKİM)

3. Kərəm Qocayev (MOİK)

55 kq

1. Nihat Qasımov (RKİM)

2. Əli Mayılzadə (DİN İC)

3. Aydın Qasımov (Mingəçevir)

60 kq

1. Əli Baxışov (“Dəmir Yumruq” BİK)

2. Toğrul Quliyev (“Qızıl əlcək” İK)

3. Sübhan Babayev (RİM-1)

3. Əflatun İsmiyev (Sumqayıt)

65 kq

1. Şahin Aslanov (UGM-7)

2. Vüsal Xəlilov (RİM-1)

3. Haqverdi Həsənov (“Neftçi” İK)

3. Tamerlan Əlimzanov (MOİK)

70 kq

1. Rza Rzayev (Gəncə)

2. Adil Zalov (“Qızıl əlcək” İK)

3. Valeh Eyvazlı (“Qızıl əlcək” İK)

3. Dəniz Zeynalov (“Qızıl əlcək” İK)

75 kq

1. Renat Qiyaslı (DİN İC)

2. Pünhan Qurbanlı (Şirvan)

3. Sarvan Abdullazadə (RKİM)

3. Cavidan Əliyev (Göygöl)

80 kq

1. İsmayıl Vəliyev (RKİM)

2. Fuad Abbasov (Sumqayıt)

3. Nicat İmanov (“Qızıl əlcək” İK)

3. İmamsalehizaman Salmanov (Gəncə)

85 kq

1. Heydər Əzməmmədov (Sumqayıt)

2. Səid Bəkiyev (“Zərbə” BİK)

3. Raul Mehdiyev (Mingəçevir)

3. Nail Abbasov (“Neftçi” İK)

90 kq

1. Zaur Səmədov (“Qızıl əlcək” İK)

2. Qulam Baxşıyev (Astara)

3. Amir Abbasov (Z-1 İK)

3. Əli Məmmədzadə (KNOUT)

+90 kq

1. Səfdər Məmmədzadə (“Neftçi” İK)

2. Məhəmməd Cəfərov (Z-1 İK)

3. Sarvan Səlimli (Mingəçevir)

3. Cavid Babayev (KNOUT)

Azərbaycan I Liqasında XV turun təyinatları açıqlanıb.

Futbolpress.az xəbər verir ki, “Şəfa” – “Mingəçevir” oyununu Emin Əliyev idarə edəcək.

18 fevral (çərşənbə)

“Cəbrayıl” – “Baku Sportinq”
Hakimlər: Ruslan Quliyev, Qəzənfər Məmmədov, Taleh Məmmədov, Namiq Bəkirov
Hakim-inspektor: Anar Salmanov
AFFA nümayəndəsi: Novruz Əzimov
Şamaxı OİK stadionu, 14:30

MOİK – “Səbail”
Hakimlər: Alik Yunusov, Sənan Atayev, Asif Abdullayev, Şamil İmanzadə
Hakim-inspektor: Ceyhun Haşımov
AFFA nümayəndəsi: Törə Əhmədova
Binə qəsəbə stadionu, 14:30

19 fevral (cümə axşamı)

“Şəfa” – “Mingəçevir”
Hakimlər: Emin Əliyev, Vüqar Bayramov, Zakir Şükürzadə, Murad Səlimov
Hakim-inspektor: İmanxan Sultani
AFFA nümayəndəsi: Seymur Səlimli
Binə qəsəbə stadionu, 14:30

“Zaqatala” – “Difai”
Hakimlər: Mahmud Bağırzadə, Anar Bədəlov, Aydın Bəxşiyev, Rövşən Rəcəbov
Hakim-inspektor: Zöhrab Qədiyev
AFFA nümayəndəsi: Namiq Əliyev
Zaqatala OİK stadionu, 15:00

“Şimal” – “Şahdağ Qusar”
Hakimlər: Əkbər Əhmədov, Elmin Süleymanov, Elman Kərimov, Səbuhi Bayramov
Hakim-inspektor: Rövşən Əhmədov
AFFA nümayəndəsi: Erkin Hüseynov
Şamaxı OİK stadionu, 15:00

“Sabah” Premyer Liqanın XX turunda bu gün “Qəbələ”nin qonağı olacaq.

Futbolpress.az xəbər verir ki, saat 17:00-da start götürəcək oyuna komandalar aşağıdakı heyətlə çıxacaqlar:

“Qəbələ”: 93. Rza Cəfərov 28. Murad Musayev (k) 66. Nuğay Rəşidov 10. Şahin Şahniyarov 27. Eşqin Əhmədov 24. İsmael Akinade 33. Seydina Keyta 6. Xayme Syerra 16. İsaak Amoah 14. Domi Massumo 30. Prins Ovusu
Ehtiyat oyunçular: 1. Səlahət Ağayev 11. Asif Məmmədov 7. Turan Manafov 22. Fərid İsgəndərov 13. Nicat Əliyev 74. Süleyman Damadayev 21. Ziya Şəkərxanov 12. İbrahim Sanqare 50. Adriel Ba Loua 3. Eduardo Kunde 8. Sambu Sissoko 70. Paulo Quimbila
Məşqçi: George Çixradze

“Sabah”: 92. Stas Pokatilov (k) 46. Aleksey İsayev 9. Xəyal Əliyev 21. Velko Simiç 40. İqor Noqeyra 80. Akim Zedadka 3. Stiv Solvet 27. Timoteuş Puxaç 13. İvan Lepiniça 7. Umarali Raxmonaliyev 19. Aron Maluda
Ehtiyat oyunçular: 55. Nicat Mehbalıyev 94. Rəvan Mirzəmmədov 17. Tellur Mütəllimov 2. Amin Seydiyev 5. Rəhman Daşdəmirov 6. Abdulax Xaybulaev 89. Cəfər Muxtarov 70. Cesse Sekidika 11. Kahim Parris 22. Zinedin Uld Xaled 83. Stefen Ende
Baş məşqçi: Valdas Dambrauskas

AFFA-nın baş katibinin müavini Elçin Məmmədov UEFA tərəfindən növbəti təyinat alıb.

Futbolpress.az xəbər verir ki, o, UEFA Çempionlar Liqasının pley-off mərhələsi çərçivəsində keçiriləcək “Qalatasaray” (Türkiyə) – “Yuventus” (İtaliya) oyununun UEFA Matç direktoru (UEFA Venue Director) olacaq.

Qarşılaşma fevralın 17-də İstanbulda yerləşən “Ali Sami Yen” stadionunda baş tutacaq.

AFFA İntizam Komitəsinin iclası keçirilib.

Futbolpress.az xəbər verir ki, toplantıda futzal üzrə Azərbaycan Kubokunun 1/8 final mərhələsinin oyunları ilə bağlı aşağıdakı qərarlar qəbul edilib:

14.02.2026-ci il tarixində keçirilən futzal üzrə Azərbaycan Kubokunun 1/8 mərhələsinin Baku-Fire – Araz Naxçıvan oyununda Baku-Fire komandasının oyunçusu Eldar Zeynalov oyunun 38-ci dəqiqəsində rəqibi açıq-aşkar qol imkanından məhrum etdiyinə görə birbaşa qırmızı vərəqə ilə meydandan kənarlaşdırıldığı üçün 1 oyun oyuna buraxılmasın (maddə 46);

15.02.2026-ci il tarixində keçirilməli olan futzal üzrə Azərbaycan Kubokunun 1/8 mərhələsinin U-19 – “Yeni Suraxanı” oyunu “Yeni Suraxanı” təyin olunan vaxtda meydanda olmadığına görə baş tutmadığı üçün “Yeni Suraxanı” komandasına 0:5 hesablı texniki məğlubiyyət verilsin (maddə 79.1)

AFFA ilə Elm və Təhsil Nazirliyinin birgə əməkdaşlığı, UEFA-nın dəstəyi ilə təşkil olunan “Məktəbli Qızlar” turnirində Lənkəran zonası üzrə qrup mərhələsinə yekun vurulub.

Futbolpress.az xəbər verir ki, E qrupunda son oyunlar mərkəz seçilmiş Şilavar kənd tam orta məktəbində keçirilib və 4 komanda mübarizə aparıb. Əvvəlcə 7 saylı məktəb və Şilavar kənd tam orta məktəbin komandası üz-üzə gəlib. Ardından Xarici Dillər Təmayüllü (XDT) internat tipli gimnaziya və 5 saylı məktəblərin komandaları qarşılaşıblar.

F qrupunun son matçları isə 4 komandanın iştirakı ilə Sütəmurdov kənd tam orta məktəbində təşkil olunub. Əvvəlcə 1 saylı və Sütəmurdov kənd tam orta məktəblərin, ardından isə 4 və 3 saylı məktəblərin komandaları qarşılaşıblar.

E qrupundan 5 saylı və Şilavar kənd tam orta məktəbin, F qrupundan isə 1 və 4 saylı tam orta məktəbin komandası Lənkəran zonası üzrə pley-off mərhələsinə vəsiqə qazanıblar.

“Kəpəz”in sabiq futbolçusu Yeqor Xvalko Qazaxıstanda klubunu dəyişib.

Futbolpress.az xəbər verir ki, müdafiəçi “Tobol”dan “Atırau”ya keçib. Bu barədə klubun mətbuat xidməti məlumat yayıb. 28 yaşlı futbolçu ilə müqavilə ilin sonuna kimi nəzərdə tutulub.

Xvalko 2022-2025-ci illərdə “Kəpəz”in formasını geyinib.

“Yuventus”un çalışdırıcısı Luçano Spaletti “Beşiktaş”dan təklif alıb.

Futbolpress.az xəbər verir ki, bu barədə “Corriere dello Sport” nəşri məlumat yayıb. “Beşiktaş” mövsümün əvvəlində Spalettiyə təklif göndərsə də, mütəxəssis Türkiyədə işləmək istəməyib.

66 yaşlı məşqçi ötən ilin oktyabrından “Yuventus”a rəhbərlik edir.

“Şamaxı” Premyer Liqanın XX turunda bu gün “Turan Tovuz”u qəbul edəcək.

Futbolpress.az xəbər verir ki, saat 14:30-da start götürəcək oyuna komandalar aşağıdakı heyətlə çıxacaqlar:

“Şamaxı”: 1. Rikardo Fernandes 5. Arsen Ağcabəyov (k) 2. Abdulla Rzayev 97. Oruc Məmmədov 82. Rüfət Abbasov 9. Karim Rossi 13. Rikardo Apolinario 11. Dioqo Balau 4. Sezar Enrike 44. David Santos 8. Alfons Msanqa
Ehtiyat oyunçular: 62. Abdulla Seydəhmədov 99. Səlim Həşimov 17. Rafael Məhərrəmli 80. Həbib İsmayılov 21. Bilal İsmayılov 27. Emil Süleymanov 7. Edqar Adilxanov 48. Ramiz Muradov 77. Nihat Mehralıyev 90. Davud Mənsumov 10. Andrey Tirkoveanu 19. Abdullahi Şuaybu
Baş məşqçi: Ayxan Abbasov

“Turan Tovuz”: 41. Sergey Samok 17. Rəhim Sadıxov 88. Faiq Hacıyev (k) 11. Ayxan Hüseynov 5. Roderik Miller 23. Alexandro Serrano 99. Vadji İbrahima 15. Emmanuel Hakman 32. Hayderson Hurtado 7. Xorxe Silva 19. Roberto Olabe
Ehtiyat oyunçular: 1. Oleq Baklov 13. Mehman Hacıyev 4. Şəhriyar Əliyev 10. Xəyal Nəcəfov 6. Fərid Yusifli 3. Enrike Silva 90. Joarlem Santos 9. Coş Cinnelli 2. Mark Rene Mampassi
Baş məşqçi: Kurban Berdiyev

Çempionlar Liqasının pley-off mərhələsində Bakıda keçiriləcək “Qarabağ” – “Nyukasl” oyununa təyinatlar açıqlanıb.

Futbolpress.az xəbər verir ki, fevralın 18-də baş tutacaq görüşü Norveçdən olan hakimlər briqadası idarə edəcək.

Baş hakim Espen Eskas olacaq. Ona yan xətt hakimləri Yan Erik Enqan və İsak Elias Başkevin kömək edəcəklər. Dördüncü hakim funksiyasını Siqurd Krinqstad yerinə yetirəcək.

VAR-da Niderlandlı referilər Rob Diperinq və Dennis Hiqler olacaq.

Fevralın 18-də keçiriləcək qarşılaşmaya saat 21:45-də start veriləcək.

“Real”ın futbolçusu Kilian Mbappe komanda ilə məşqlərə başlayıb.

Futbolpress.az xəbər verir ki, bu barədə “Marca” nəşri məlumat yayıb. Fransalı hücumçu komandanın son məşqində kollektivlə çalışıb.

“Real” Çempionlar Liqasının pley-off mərhələsində sabah “Benfika” ilə qarşılaşacaq. Matç saat 00:00-da start götürəcək.

AFFA İntizam Komitəsinin iclası keçirilib.

Futbolpress.az xəbər verir ki, toplantıda I Liqanın XIV turunun oyunları ilə bağlı aşağıdakı qərarlar qəbul edilib:

12 fevral 2026-cı il tarixində I Liqada XIV turun “Şahdağ Qusar” – “Cəbrayıl” oyununun 19-cu dəqiqəsində “Cəbrayıl” komandasının 4 nömrəli futbolçusu Hüseyn Hüseynov rəqibi aşkar qol imkanından məhrum etdiyinə görə birbaşa qırmızı vərəqə aldığı üçün 1 oyun oyuna buraxılmasın, “Cəbrayıl” komandası 300 manat cərimə edilsin (maddə 46);

12 fevral 2026-cı il tarixində I Liqada XIV turun “Şahdağ Qusar” – “Cəbrayıl” oyununun 89-cu dəqiqəsində “Cəbrayıl” komandasının 19 nömrəli futbolçusu Arsene Dauda ikinci sarıdan qırmızı vərəqə aldığı üçün 1 oyun oyuna buraxılmasın, “Cəbrayıl” komandası 150 manat cərimə edilsin (maddə 17.5, 17.7);

12 fevral 2026-cı il tarixində I Liqada XIV turun “Səbail” – “Şəfa” oyununda “Səbail” komandasında 7 nəfər sarı vərəqə aldığı üçün “Səbail” komandası 210 manat cərimə edilsin (maddə 43.1);

12 fevral 2026-cı il tarixində I Liqada XIV turun “Səbail” – “Şəfa” oyununda “Şəfa” komandasında 5 nəfər sarı vərəqə aldığı üçün “Şəfa” komandası 210 manat cərimə edilsin (maddə 43.1).

İngiltərə Kubokunda keçirilən “Qrimbsi” – “Vulverhempton” oyununun baş tutduğu meydançanın durumu sosial şəbəkələrdə geniş yayılıb.

Futbolpress.az xəbər verir ki, arenanın ot örtüyü yararsız halda olub və bir az da yağışın yağmasıyla palçıq yaranıb. Həmin yerlərin çəkilmiş fotoları sosial şəbəkədə gündəm yaradıb.

Matç “Vulverhempton”un minimal hesablı qələbəsiylə başa çatıb – 1:0. “Qrimbsi” İngiltərə Liqa 2-də (səviyyəcə 4) mübarizə aparır.

UEFA Çempionlar Liqasının pley-off mərhələsi çərçivəsində keçiriləcək “Qarabağ” – “Nyukasl Yunayted” qarşılaşmasından öncə təşkil ediləcək mətbuat konfransları və media nümayəndələri üçün açıq məşqlərin vaxtları bəlli olub.

Futbolpress.az xəbər verir ki, “atlılar”ın baş məşqçisi Qurban Qurbanovun iştirakı ilə keçiriləcək mətbuat konfransı fevralın 17-də saat 17:00-da Tofiq Bəhramov adına Respublika stadionunda baş tutacaq. Saat 17:30-da isə komandamızın media nümayəndələri üçün açıq məşqi (ilk 15 dəqiqə) eyni arenada keçiriləcək.

Qonaq komandanın baş məşqçisi Eddi Haunun mətbuat konfransı saat 20:30-da start götürəcək. “Nyukasl Yunayted”in ilk 15 dəqiqəsi media üçün açıq olacaq məşqi isə 21:00-da başlayacaq.

Qeyd edək ki, fevralın 18-də Tofiq Bəhramov adına Respublika stadionunda keçiriləcək “Qarabağ” – “Nyukasl Yunayted” görüşü saat 21:45-də start götürəcək.

Fransa millisinin və “Mançester Yunayted”in sabiq futbolçusu Patris Evra maraqlı açıqlama ilə gündəmə gəlib.

Futbolpress.az xəbər verir ki, keçmiş müdafiəçi oynadığı dönəmlə indikini müqayisə edib:

“Meydanda qatil idik. Hər birimiz döyüşmək üçün oyuna çıxardıq. İndiki nəsilə baxırsan, oyundan əvvəl, oyunda, oyundan sonra bir-birilərinə gülürlər, xoş münasibətləri var. Ancaq biz elə deyildik, meydana çıxanda tamamilə fərqli olurduq, döyüşürdük, bir-birimizi məhv edirdik. Dost deyildik meydanda, oyundan sonra bir-birimizdən üzr istəyərdik, amma bu qədər isti münasibət yox idi.

Futbolu həyatda qalmaq, ailəmizi dolandırmaq üçün oynayırdıq. İndiki nəsil fərqlidir. Onları günahlandırmıram. Hamı yaxşı görünmək, bahalı saatlar, maşınlar istəyir. Hər şey çox dəyişib”.

Evta karyerası ərzində “Yuventus”, “Mançester Yunayted”də çıxış edib.

Azərbaycan Premyer Liqasının XX turunun “İmişli” ilə oyununda “Qarabağ”ın qələbə topunu vuran Musa Qurbanlı yubiley qoluna imza atıb.

Futbolpress.az xəbər verir ki, 23 yaşlı hücumçu Premyer Liqada 40-cı dəfə fərqlənib.

Musa buna 97-ci oyununda nail olub. Forvard turnirin tarixində 40 və ya daha çox qol vuran futbolçuların siyahısına daxil olub. Junivan Suares, Ramil Şeydayev, Fernando Peres və Mehman Allahverdiyevə çatan Qurbanlı 65-69-cu yerləri bölüşür.

Premyer Liqada iki klubda çıxış edən hücumçu “Qarabağ”da 88 oyunda 39, “Zirə”də 9 matçda 1 dəfə fərqlənib.

Qeyd edək ki, Musa 40-cı qolunu cari çempionatda vuran ikinci futbolçudur. Ona qədər Coy-Lens Mikels (“Sabah”) buna nail olub.

“Neftçi” Azərbaycan Premyer Liqasında ardıcıl 2 səfər oyununda üç və ya daha çox qol vurub.

Futbolpress.az xəbər verir ki, XVIII turda “Araz-Naxçıvan”a 4 cavabsız qol vuran qonaqlar XX turda “Kəpəz”i 3:1 hesabı ilə məğlub edib.

“Ağ-qaralar”ın Premyer Liqadakı səfər oyunlarında belə məhsuldarlıq seriyası son 5 mövsümdə ilk dəfə qeydə alınıb. Bakılılar sonuncu dəfə 2020/21 mövsümünün sonlarında – 2021-ci ilin mayında “Şamaxı”nı 3:0, “Səbail”i 4:0 hesabı ilə məğlub edib.

Azərbaycan Premyer Liqasının XX turunda “Karvan-Yevlax”ı qəbul edən “Zirə” 1:0 hesabı ilə qalib gəlib.

Futbolpress.az PFL-ə istinadən xəbər verir ki, bu qələbə ikiqat yubileylə əlamətdar olub.

Bakı klubu tarixində 100-cü ev qələbəsini qazanıb. 2014-cü ildə yaradılan paytaxt təmsilçisi öz meydanındakı 205-ci görüşdə “100”ə çatıb. “Zirə” Premyer Liqada 76, ölkə kubokunda 12, birinci divizionda 9, avrokuboklarda 3 ev matçını qalib kimi başa vurub. İlk belə oyun isə 2014-cü il sentyabrın 9-da MOİK-lə birinci divizionun startına təsadüf edib – 1:0.

“Zirə” Rəşad Sadıqovun baş məşqçi olduğu dövrdə 100-cü qələbəsini qazanıb. Bu müddətdə ümumilikdə 220-ci sınağa çıxan komanda Premyer Liqada 82, ölkə kubokunda 14, avrokuboklarda 4 dəfə sevinib. Sadıqovun “Zirə” ilə ilk qələbəsi 2020-ci il sentyabrın 12-də Premyer Liqanın “Səbail”lə səfər qarşılaşmasına təsadüf edib – 2:1.

AFFA-nın Sosial Ətraf mühit dayanıqlığı üzrə meneceri Kifayət Mustafayeva UEFA tərəfindən təyinat alıb.

Futbolpress.az xəbər verir ki, o, qadınlar arasında UEFA Çempionlar Liqasının pley-off mərhələsində keçiriləcək “Yuventus” (İtaliya) – “Volfsburq” (Almaniya) oyununun UEFA nümayəndəsi olacaq.

Görüş fevralın 19-da İtaliyanın Turin şəhərində yerləşən “Yuventus” stadionunda təşkil olunacaq.

Braziliyalı futbolçu Neymar bu il ilk oyununa çıxıb.

Futbolpress.az xəbər verir ki, “Santos”un hücumçusu Braziliya Paulistasında (Regional çempionat) “Velo Klub”a qarşı oyunda iştirak edib. Neymar komandasının 6:0 hesablı qələbə qazandığı matçda bir məhsuldar ötürmə edib.

Neymar ötən ilin sonlarında dizindən zədə alıb və komandanın son 10 matçında iştirak etməyib.

“Araz-Naxçıvan” Andrey Demçenkonun rəhbərliyi altında ilk qələbəsini qazanıb. Muxtar Respublika təmsilçisi “Sumqayıt”la ev görüşündə minimal hesablı qalibiyyətə sevinib. Komandanın yeganə qolunu birinci hissədə Ramon Maçado penaltidən vurub.

Demçenkonun başçılığı altında mövsümün ikinci dövrəsinin ilk üç turunda bir heç-heçə edən, iki dəfə uduzan “Araz-Naxçıvan” bu periodda ən çox tənqid olunan komanda idi. Nəticələr bir yana, komandanın buraxdığı qollar, müdafiədə verilən boşluqlar, hücumdakı dişsizlik çatışmazlıqların kifayət qədər olduğundan xəbər verirdi.

“Sumqayıt”la matçda da ümumi planda yaxşı oyun sərgilənməsə də, qazanılan qələbə komanda üçün dönüş fürsətidir. Avrokubok zonasında qalan və iddiası də məhz bu yerlər olan “Araz-Naxçıvan” hələ yeni baş məşqçinin sisteminə uyğunlaşa bilməyib. Demçenko hücum futbolu oynamaq istədiyini bildirsə də, heyətin potensialı o deyil. İrəli xəttdə bitirici oyunçuları olmasına baxmayaraq, əsas problem yaradıcılıqla bağlıdır. Komandanın hücumları da sürətli uzun ötürmələrə hesablanıb. İrəli Felipe Santosla Ramon Maçadonun rəqib müdafiəçiləri təzyiq altında saxlamağı bacarması komandanın əsas üstünlüyüdür.

Qələbə “Araz-Naxçıvan” üçün psixoloji baxımdan faydalıdır. Lakin komandanın sərgilədiyi oyun ümid vermir. Naxçıvanlılar ikinci dövrədə avrokubok zonasında mübarizə aparan digər komandalarla müqayisədə daha zəif təsir bağışlayır.

“Sumqayıt” isə “Zirə” ilə ardıcıl matçlarda (bir kubok, bir çempionat) çox güc sərf edib. “Araz-Naxçıvan”a qarşı mövsümün ən zəif oyunlarından birini keçirən “kimyaçılar”a əsas zərbə hücumçusu Aleksandr Ramalinqomdan gəldi. 74-cü dəqiqədə rəqibini vurduğu üçün qovulan futbolçu komandasını çətin duruma saldı. Ümumiyyətlə, Ramalinqom “Sumqayıt”a böyük ümidlərlə gəlsə də, gözləntiləri doğrultmur. Vurduğu qolların əksəri də məhz penaltidəndir. “Sumqayıt” növbəti turda “Qəbələ”ni qəbul edəcək. İkinci dövrənin formada komandalarından olan “qırmızı-qaralar”a qarşı da belə oyun sərgilənsə, məğlubiyyət qaçınılmaz olacaq.

Şahin Cəfərov

Qadın futbolçulardan ibarət Azərbaycan millisinin üzvü Nigar Mirzəliyevanın formasını geyindiyi “Hamburq” Bundesliqada növbəti oyuna çıxıb.

Futbolpress.az xəbər verir ki, sözügedən komanda səfərdə “Hoffenhaym”la qarşılaşıb. Matç “Hamburq”un qələbəsiylə başa çatıb.

Nigar görüşdə iştirak etməyib. O, sona qədər ehtiyatda qalıb.

“Hamburq” 18 turdan sonra 13 xalla 14 komanda arasında 12-cidir.

Türkiyənin “Samsunspor” klubunun yeni baş məşqçisi məlum olub.

Futbolpress.az xəbər verir ki, komandanın “sükanı” Torsten Finkə tapşırılıb. Bu barədə klubun mətbuat xidməti məlumat yayıb. Alman mütəxəssis müqavilə üçün Samsuna gəlib.

Alman mütəxəssis daha əvvəl “Bazel”, “Hamburq”, APOEL, “Qrasshopper”, “Genk” kimi komandalarda çalışıb.

Fink “Samsunspor”da bir neçə gün əvvəl istefaya göndərilən Tomas Reisi əvəzləyib.

Komanda Super Liqada 22 turdan sonra 30 xalla 8-ci sıradadır.

Bu gün dünyanın yaşıl meydanlarında futbol oyunları keçiriləcək.

Futbolpress.az qarşılaşmaları canlı yayımlayacaq telekanalların siyahısını təqdim edir…

16 fevral

Azərbaycan, Premyer Liqa
14:30 Şamaxı – Turan Tovuz (CBC Sport)
17:00 Qəbələ – Sabah (CBC Sport)

Türkiyə, Super Liqa
21:00 Kasımpaşa – Karagümrük (beİN Sports 1)

İtaliya, A Seriyası
23:45 Kalyari – Leççe (Futbol 1)

İspaniya, La Liqa
00:00 Jirona – Barselona (Matç TV, İdman TV)

“Marsel” klubunun idman direktori Mehdi Benatiya istefa verib.

Futbolpress.az xəbər verir ki, bu barədə keçmiş müdafiəçi sosial şəbəkə hesabında açıqlama verib. O, öz istəyi ilə tutduğu vəzifədən ayrılıb.

“Marsel”də bir müddət əvvəl baş məşqçi Roberto De Zerbi istefaya göndərilib.

Komanda Fransa çempionatında 22 turdan sonra 40 xalla 4-cü sıradadır.

Bu gün Azərbaycan Premyer Liqasında XX tura yekun vurulub.

Futbolpress.az xəbər verir ki, sonuncu oyun günündə iki qarşılaşma baş tutub.

Günün ilk matçında “Turan Tovuz” “Şamaxı”nın qonağı olub. Matç qolsuz başa çatıb.

Digər görüşdə lider “Sabah” “Qəbələ”ni məğlub edib.

Azərbaycan Premyer Liqası
XX tur

16 fevral

14:30 Şamaxı – Turan Tovuz 0:0
Baş hakim: Tural Qurbanov
Şamaxı şəhər stadionu

17:00 Qəbələ – Sabah 0:1
Qol: Xəyal Əliyev, 54
Baş hakim: Rauf Cabarov
Qəbələ şəhər stadionu

“Neftçi” Azərbaycan Premyer Liqasında ardıcıl üçüncü qələbəsini qazanıb. Yuri Vernidubun rəhbərlik etdiyi “ağ-qaralar” Yevlaxda “Kəpəz”i məğlub edib – 3:1.

İlk hissədə vurduğu qollarla oyunun taleyini həll edən “Neftçi” yüksəlişini davam etdirir. Komanda son turlarda qazandığı xallarla artıq avrokuboklara vəsiqə verən 3-cü yer ilə fərqi 5-ə endirib. Mövsümün ikinci dövrəsinin ən formada komandası olan “ağ-qaralar” Vernidubla pozitiv temp yaxalayıb.

Fasilədən sonra dövrəyə “Zirə” heç-heçəsi ilə başlayan “Neftçi” oyunu ilə ümid vermişdi. Vernidubun komandada yaratdığı pozitiv atmosfer nəticələrdə də özünü göstərir. Ardıcıl qazanılan üç qələbəylə avrokubok mübarizəsinə yenidən qoşulan “Neftçi” üçün indiki məqamda əsas neqativ məsələ növbəti turu boş keçməsi olacaq. Yaxşı ritm yaxaladığı bir vaxtda “Qarabağ”la rəqibin Çempionlar Liqası matçına görə oyunun təxirə salınması komandaya növbəti matçlarda problem yarada bilər. Vernidub “Kəpəz”lə oyunsonrası da bu məqama toxundu və aradakı boş periodda yoxlama matçı keçirmək arzusunda olduğunu, komandanı ritmdə saxlamağın vacibliyini bildirdi.

“Kəpəz” isə enişdədir. Gəncə təmsilçisi autsayder “Karvan-Yevlax”ın məğlub olmasıyla “Neftçi” ilə matça daha rahat çıxmışdı. Məğlubiyyət belə fərqi azaltmayacaqdı və indiki məqam hər bir halda, gəncəlilərin lehinədir. İlk hissədə rəqibini müdafiədə qəbul edən, buraxılan qola penalti ilə cavab versə də, ardında müdafiədəki boşluqlar komandanın məğlubiyyətinə əsas səbəb oldu.

Şahin Cəfərov

Futzal üzrə Azərbaycan Kubokunda 1/8 final mərhələsinə yekun vurulub.

Futbolpress.az xəbər verir ki, “Baku Fire” “Ulduz”u darmadağın edib. PFL “Timsport”a, “Star Kargo” isə “Şuşa”ya qalib gəlib.

Azərbaycan Kuboku
1/8 final

Ulduz – Baku Fire-2 1:12
STAR kargo – Şuşa10:8
Timsport – PFL 4:15

1/4 final

U-19 – Yeni Suraxanı / PFL
Lənkəran – Baku Fire-2
STAR kargo – Neftçi İK
Xan-Lənkəran – Araz-Naxçıvan

Azərbaycan Premyer Liqasının XX turunun “Araz-Naxçıvan” – “Sumqayıt” oyunundan (1:0) sonra meydan sahibi komandanın baş məşqçisi Andrey Demçenko jurnalistlərin suallarını cavablandırıb.

Futbolpress.az xəbər verir ki, mütəxəssis matçla bağlı bunları deyib:

– Yaxşı oynadıq və istədiyimiz üç xalı qazandıq. Futbolçularım döyüşürdülər, qələbə üçün hər şeyi etdilər. Görmək istədiklərimizi gördük, futbolçuların istəyi var idi. Öyrənməli olduğumuz nüanslar var ki, işləməliyik. Futbolçulara da təşəkkürümü etdim. Aydın idi ki, hamı bu gün can yandırırdı.

– Qələbə ilə oyunçuların psixoloji durumunu düzəltmək, yoxsa sisteminizi qəbul etdirmək daha vacibdir?
– Sistem üzərində çalışırıq. Futbolçularda istəyi görürük, bu, vacibdir. Futbolçuların hamısı motivasiyalıdır, özgüvənləri yerindədir.

Şahin Cəfərov

Azərbaycan Premyer Liqasının XX turunun “Araz-Naxçıvan” – “Sumqayıt” oyunundan (1:0) sonra qonaq komandanın baş məşqçisi Saşa İliç jurnalistlərin suallarını cavablandırıb.

Futbolpress.az xəbər verir ki, mütəxəssis matçla bağlı bunları deyib:

– Məğlub olmamalı idik. Penaltidən buraxılan qolla uduzduq. Ümumi oyun bərabər gedirdi.

– Bu gün komanda özünə bənzəmirdi. Sizcə, “Zirə” ilə ardıcıl oyunlar komandaya psixoloji və fiziki təsir etdi?
– Razı deyiləm. Üç oyunda da bərabər səviyyə göstərdik. Sadəcə futbolda belə hallar olur. Bəzən bəxtin gətirmir, bəzən nəsə alınmır. Amma üç matçı da eyni keçirmişik.

– Qarşıdan autsayderlərlə oyunlar gəlir. Ardıcıl bu üç oyunda fürsətdən istifadə edib, yerinizi möhkəmləndirə bilərsiniz?
– Deməzdim zəif komandalardır. “Qəbələ” müəyyən səviyyədə olan, nəticələr qazanan komandadır. Bizi asan oyunlar gözləmir. Bütün matçlar ciddidir.

– Bu heyət istədiyinizdir, ya transferlər lazımdır?
– Əslində, güclənməyimizə ehtiyac var. Amma hələki bu heyətlə davam edirik.

– Yeni mövsüm də burda qalıb, iddialı heyətlə avrokuboklara oynamaq istəyirsiniz, ya bu mövsüm alınmazsa, getməyi düşünürsünüz?
– Bu haqda danışmaq tezdir. Qarşıda vacib oyunlarımız var. Avrokubok uğrunda mübarizə aparmağa çalışacağıq. Ciddi oyunlarımız var.

– Mövsümün əvvəlində sanki komanda daha əhvalı yaxşı idi. Ancaq ikinci dövrədə sanki nəsə məyusluq var. Bu, nəticələrlə bağlıdır?
– Həmişə pozitivəm. Amma komanda məğlub olanda bunu qorumaq çətindir. Futbolda hər nəticə olur. Əsas odur ki, futbolçular meydanda keyfiyyətli oyunlar göstərsin.

Şahin Cəfərov

Azərbaycan Premyer Liqasının XX turunun “Kəpəz” – “Neftçi” matçından (1:3) sonra meydan sahibi komandanın baş məşqçisi Azər Bağırov jurnalistlərin suallarını cavablandırıb.

Futbolpress.az xəbər verir ki, mütəxəssis əvvəlcə görüşlə bağlı fikirlərini bölüşüb…

– Azarkeşlərimizə təşəkkür edirəm. Məğlub olanda da komandanın yanında olurlar. Növbəti matçlarda daha yaxşı oynayıb, onların etimadını doğrultmağa çalışacağıq. Oyuna gəlincə, birinci hissədə planlaşdırdıqlarımızı edə bilmədik. Bəlkə də, çempionatın ən ucuz qol buraxan komandasıyıq. Daha məsuliyyətli olmalıyıq.

– Buraxılan qollarda qapıçının nə dərəcədə səhvləri var?
– Hər oyundan əvvəl məşqçilərlə həyət barədə məsləhətləşirik. Xüsusən də qapıçı məşqçisi ilə. Əlbəttə ki, bu gün Yusif İmanovun səhvləri var idi. Daha çox məsuliyyətli olmalıdır.

– Ryonosuke Ohori “Neftçi” ilə oyunlarda meydanda olmaması nəylə bağlıdır?
– Gözündə bir az problem var idi. Qərar verdik ki, bu gün dincəlsin. Dörd gün əvvəl Bakıda həkimdə olub. İstəsəz, kağızları da göstərə bilərəm.

– Rəhbərliyin komandaya dəstəyini hiss edirsiz?
– Heç bir problemimiz yoxdur. Klub üzərinə düşən öhdəlikləri yerinə yetirir. Deyə bilmərəm ki, nəyimizsə çatışmır. Hər şey qaydasındadır.

– Qışda niyə az transfer etdiz?
– Ceferson Bentonun getməyi bizə böyük zərbə oldu. Rüsumu bilirsiz. Legioneri 3 aylıq götürüb klubu riskə sala bilmərik. “Kəpəz” Premyer Liqadan düşməyəcək. Öz gücümüzü nəzərə alıb transferlər etdik. Kim “Kəpəz”dən hər oyunda xallar gözləyirsə, mənim o adama suallarım var. Bu gün çətindir. “Neftçi” ilə “Kəpəz”in imkanları eynidir? Bəlkə “Sabah”la? Legionerə 250 min verib çempionatda qalacaqsansa, pulları yalandan xərcləmək düzgün deyil. Riskdir. Oyunçu gəlib zədələnə bilər. Ceferson qalsaydı, bir vinger transfer etməyi düşünürdük. Cefersonun gedişi başa düşə bilmədiyimiz situasiya idi. Belə şeyə rast gəlməmişəm. Vitor Feijao dedi ki, həyat yoldaşım hamilədir. Övladı burada dünyaya gətirə bilməz. Feijaoya icazə verdik. Ceferson da icazə istəsəydi, ona da veriləcəkdi. O qədər beyni qarışıq futbolçu idi ki, icazəsiz çıxıb getdi və klubu pis vəziyyətdə qoydu.

Şahin Cəfərov

Azərbaycan Premyer Liqasının XX turunun “Kəpəz” – “Neftçi” oyunundan (1:3) sonra qonaq komandanın baş məşqçisi Yuri Vernidub jurnalistlərin suallarını cavablandırıb.

Futbolpress.az xəbər verir ki, mütəxəssis media nümayəndələri ilə görüşdə bunları deyib:

– Oyunun qəhrəmanı sayıla biləcək Bassalu Sambu bombardirlər siyahısında liderdir. Abubakar gələndən sonra az oynayırdı, amma sizin dönəminizdə daha yaxşı çıxış edir. Ona nə “yedizdirib, içizdirmisiniz”?
– Azarkeşləri qələbə münasibətilə təbrik edirəm. Bir neçə gün əvvəl “Forza Neftçi”nin ad günü idi. Həmin vaxt xəstələnmişdim, onların tədbirində iştirak edə bilmədim. Buna görə onlardan üzr istəyirəm. Deyim ki, əsas onların dəstəyidir ki, bu gün belə nəticələr əldə edirik. Sambu və Abubakara gəlincə, hər ikisi yaxşı hücumçudur. Fərqli planlarda oynayan oyunçulardır. Məşqçi kimi mənə seçim etmək çətindir. Hər ikisindən razıyam. Xoşdur ki, qollar vururlar. Gördüyüm odur ki, özlərini də dəyişiblər, çox çalışırlar, komanda üçün oynayırlar. Bu cür davam etsələr, daha yaxşı olacaqlar.

– Komanda yaxşı formadadır. Heç kim belə dönəmdə formadan düşmək istəməz. “Qarabağ”la oyun təxirə salınıb və iki həftəlik fasilə olacaq. Bu müddətdə komandanı necə tonusda saxlamağı düşünürsünüz?
– İki günlük istirahət olacaq. Rəhbərlikdən xahiş etmişəm ki, yoxlama matçı təşkil edilsin. Olmasa da, öz aramızda oynayacağıq ki, komanda ritmdən düşməsin.

– Ardıcıl qələbələrdən sonra futbolçulara mükafat verilirmi?
– Onlar üçün ən böyük mükafat qələbədir. Bu gün çalışdıq və üç xalı qazandıq. Futbolçularla çox ünsiyyətdə oluram, münasibətlər yaxşıdır. Daha çox çalışacağıq.

– Sizə qədər ehtiyatda olan oyunçular indi daha çox şans qazanır. Hələ optimal heyəti formalaşdırmamısınız, yoxsa prinsipiniz budur?
– Qapıçıları nəzərə almasaq, 23 futbolçumuz var. Hər biri məşqlərdə çox yaxşıdır. Anlayıram ki, hamısı eyni anda oynaya bilməz. Hər oyunçu oynamağa layiqdir. Həftə ərzində məşqlərdə yaxşı iştirak edirlər. Şərait yaradıram ki, hamısı oyunlarda da olsun. Futbolçular ancaq məşqlərdə çıxış edib, oynamasalar, fərqli nəticələr olar. Uzun müddət oynamayan futbolçu ritmini itirir. Buna görə hər zaman hamıya şans veririk ki, bir-birini əvəz edə bilsinlər. Bizdə ulduz futbolçu yoxdur, komanda, ailə var. “Ulduzlar” olanda onları da idarə etmək çətindir.

– Ukrayna mətbuatına açıqlamanızda bildirmişdiniz ki, “Qarabağ” və “Neftçi” Ukraynanın “Dinamo” və “Şaxtyor”u kimidir. İndi “Qarabağ”la oyunun təxirə salınmasına şəxsi fikriniz nədir? Oyunun təxirə salınması komandaya necə təsir edəcək?
– Bu söhbəti bağlayaq. Rəhbərliklə görüşdük və qərar verdik ki, dəstək olaq. “Qarabağ” Azərbaycanı Avropada təmsil edir. Təxirəsalınma bizim üçün yaxşı olmaya bilər, ritmdən düşürük. Amma ümid edirəm ki, hər şey yaxşı olar. Belə də deyim, “Qarabağ”a “Nyukasl”la oyunda qələbə arzulayıram. Bu, bütün Azərbaycanın xeyrinədir.

– Ardıcıl üçüncü qələbəni qazandınız. Azarkeşlərə yaxın gələcəklə bağlı nə deyə bilərsiniz?
– Azarkeşlərlə yaxşı münasibətlərimiz var. Həmişə bizimlə olmalarını istəyirəm. Bu, həm “Neftçi”yə, həm fanatlara lazımdır. Azarkeşlərimizlə fəxr edirəm. Sevinirəm ki, belə azarkeş ordumuz var.

Şahin Cəfərov

Fransa Liqa 1-də yanvar ayının ən yaxşı futbolçusu açıqlanıb.

Futbolpress.az xəbər verir ki, bu, “Lion”un hücumçusu Endrikdir.

Braziliyalı futbolçu ötən ay 6 oyunda 5 qol vurub, 1 məhsuldar ötürmə edib.

“Sumqayıt” bu gün Premyer Liqanın XX turunda “Araz-Naxçıvan”ın qonağı olacaq.

Futbolpress.az xəbər verir ki, saat 17:00-da start götürəcək oyuna komandalar aşağıdakı heyətlə çıxacaqlar:

“Araz-Naxçıvan”: 12. Kristian Avram 3. Bəxtiyar Həsənalızadə (k) 5. Slavik Alxasov 8. Coşqun Diniyev 4. Rahil Məmmədov 26. Ömər Buludov 24. Mustafa Əhmədzadə 16. Ramon Maçado 10. Felipe Santos 70. Şarl Boli 19. Bar Kohen
Ehtiyat oyunçular: 94. Tərlan Əhmədli 76. Süleyman Həsənov 14. Ülvi İsgəndərov 23. Nuno Rodriqes 7. Hamidu Keyta 11. Ba-Muaka Simakala 77. Bruno Franko
Baş məşqçi: Andrey Demçenko

“Sumqayıt”: 1. Mehdi Cənnətov (k) 3. Höccət Haqverdi 7. Rüstəm Əhmədzadə 19. Roi Kehat 9. Aleksandr Ramalinqom 10. Nikola Ninkoviç 33. Danilo Beskorovaynıy 71. Masaki Murata 80. Keffel Resende 11. Aleksa Yankoviç25. Abdul Raşid Mumini
Ehtiyat oyunçular: 22. Xəyal Fərzullayev 12. Murad Ağamalıyev 29. Emil Mustafayev 8. Səbuhi Abdullazadə 24. Sənan Muradlı 21. Nihad Əhmədzadə 75. Nadir Orucov 37. Nihad Orucəli 97. Vüsal Paşayev 72. Rayan Senhadjic 6. Sedrik Badolo 23. Ronaldo Vaskez
Baş məşqçi: Saşa İliç

“Fənərbağça” Super Liqanın XXII turunda “Trabzonspor”u məğlub edib – 3:2.

Futbolpress.az xəbər verir ki, İstanbul təmsilçisi bu mövsüm çempionatda məğlub olmayıb. Komanda 22 görüşün 15-də qələbə qazanıb, 7-də heç-heçə edib.

“Fənərbağça” ümumiyyətlə, ardıcıl 19 oyundur, uduzmur. Bu klub tarixinin ən uzun məğlubiyyətsizlik seriyasıdır.

“Fənərbağça” çempionatda 52 xalla ikinci sıradadır.

“Neftçi” Premyer Liqanın XX turunda “Kəpəz”in qonağı olacaq.

Futbolpress.az xəbər verir ki, saat 14:30-da start götürəcək oyuna komandalar aşağıdakı heyətlə çıxacaqlar:

“Kəpəz”: 33. Yusif İmanov 27. Məqsəd İsayev 77. Fərid Nəbiyev 5. Rauf Hüseynli 88. Şakir Seyidov 11. Rəhman Hacıyev 9. Luis Paçu 29. Dioqo Verdaska (k) 24. Olavale Onanuqa 14. Adama Fofana 4. Mate Abuladze
Ehtiyat oyunçular: 22. Məmməd Hüseynov 81. Elgün Bayramov 7. Ehtiram Şahverdiyev 99. Əli Səmədov 17. Ümid Səmədov 20. Elcan Əbilov 66. Arzu Atakişiyev 21. Sadiq Şəfiyev 6. Camal Cəfərov 12. Mahamadu Ba
Baş məşqçi: Azər Bağırov

“Neftçi”: 13. Kenan Piriç 8. Emin Mahmudov (k) 17. Murad Xaçayev 7. Emil Səfərov 47. Murad Məmmədov 77. Falaye Sako 24. Mustafa Sek 5. İqor Ribeyro 18. İfeanyi Metyu 9. Bassala Sambu 11. İmad Faraj
Ehtiyat oyunçular: 1. Emil Balayev 81. Məhdi Həsənov 4. Elvin Camalov 45. Vensan Abubakar 14. Edvin Kuç 27. Kristian Kostin 33. Breno Almeyda 70. Andrey Ştoqrin 10. Freddi Varqas 22. Luis Ortis 23. Cordan Rezabala 28. Alessio Kurçi
Baş məşqçi: Yuri Vernidub

“Qalatasaray”ın futbolçusu Viktor Osimhen karyerasını Almaniyada davam etdirə bilər.

Futbolpress.az xəbər verir ki, “Bavariya” nigeriyalı hücumçunun xidmətində maraqlıdır. Bu barədə insayder Ekrem Konur məlumat yayıb. Münhen klubu yayda forvard üçün hərəkətə keçəcək.

Osimhen bu mövsüm 22 oyunda 15 qol vurub.

Şahmat üzrə Azərbaycan yığmasının üzvü, rapid üzrə dünya, komandalar arasında üçqat Avropa çempionu Şəhriyar Məmmədyarov Azərbaycan Şahmat Federasiyasının rəsmi saytına müsahibə verib.

Futbolpress.az həmin müsahibəni təqdim edir.

– Ölkə çempionatından əvvəlki turnirlərdə fərqli nəticələr əldə etmisən. Sanki son partiyalarda istədiyin nəticəni qazanmaqda çətinlik çəkirsən?
– Son 8 oyunda istədiyim nəticəni əldə etmirəm. Ötən il keçirilən Dünya Kubokunda yarışı ağır məğlubiyyətlə başa vurdum. Yəni qazandığım oyunu uduzdum. Bu yarış istənilən peşəkar şahmatçıya çox vacibdi. Dünya Kubokundakı məğlubiyyətdən sonra mənim üçün çətin oldu. Rahat uduş vəziyyəti olduğu halda partiyanı məğlub başa vurdum. 2026-cı il mənim üçün uğurlu başlamadı. Bundesliqada ardıcıl 4 partiyada heç-heçə oynadım. Azərbaycan çempionatında da ilk oyunda bərabərlik qeydə alındı. Yarışlar çox olduğuna görə çətinlik aşkar hiss olunur.

– Deməli 2026-cı ilin ilk qələbəsini Azərbaycan çempionatında qazandın.
– Tam doğru, bu ilin ilk qələbəsini 1/16 final mərhələsinin cavab partiyasında əldə etdim. Rəqibim Murad İbrahimli çox güclü oynadı. Ümumiyyətlə azərbaycanlı yeniyetmə və gənc şahmatçılar çox yaxşı mübarizə göstərir. Təəccüblü odur ki, yaxşı oynasalar da reytinqləri çox aşağıdı.
Azərbaycan çempionatı kimi yarışlar çox gərgin keçir. Normalda tanınmış şahmatçılar belə yarışlarda iştirak etmir. Çünki, reytinq itirirsən. Mən 1/16 finalda Murad İbrahimlini 1,5-0,5 hesabıyla üstələdim. Növbəti mərhələyə adlasam da, reytinq itirdim. Belə hallardan qaçmaq üçün çox şahmatçı bu yarışlarda iştirak etmir.

– Halbuki 1/16 finalın ilk görüşündə də qələbəyə oynaya bilərdiniz.
– Düzünü desəm əvvəlki illərim olsaydı, yəni daha gənc olsaydım qara fiqurlarla qələbəyə oynayardım. Zaman keçdikcə fərqli düşünürsən. Əsas mərhələ adlamaqdı. Risk etmək istəmədim, etiraf edirəm. İlk oyunda heç-heçə, cavab görüşündə qələbə qazanmaqla 1/8 finala vəsiqə qazandım. Yarışdan əvvəl Murad İbrahimlinin oyununa baxdım. İnternetdə çoxlu sayda onlayn yarışlarda iştirakını gördüm. Birinci qarşıma çıxan İbrahimli-Karlsen partiyası oldu. 1-0 hesablı qələbə qazanıb. Növbəti oyunu Nakamurayla partiya idi, orada da qalib gəlib. Son illərdə internetdə çox oyun keçirirlər. Yəni gənc və yeniyetmə şahmatçılarımız bu gün oyun baxımından artırıblar.
İnternet üzərindən olsa belə artıq dünyada onlayn yarışda nəticələr adi qəbul edilmir. Türkiyənin özündə də internetdə güclü rəqib üzərində qələbə böyük hadisə kimi qəbul edilir. Səmimi fikirlərimdi. Yaxınlarda bacım Zeynəb Məmmədyarovanın məktəbinə getmişdim. Orada yeniyetmələrin blits yarışını izlədim və hətta onlarla bir qədər oynadıq. Çox yaxşı mübarizə göstərdilər. Gənc şahmatçılar hər gün inkişaf edirlər.

– Bəlkə sizlər daha çox yorulursunuz?
– Təbii, keçmiş Şəhriyar Məmmədyarovu indi görmək çətindi. Sadəcə gənclərin gücləndiyinə inanmağınızı istərdim. Azərbaycan çempionatı çox nüfuzlu yarışdı. Hər bir şahmatçı ölkəsinin ən güclü olduğunu sübut etmək istəyir. Mənim üçün çox əziz yarışdı. Ona görə burada itirilən reytinqimə təəssüflənmirəm. Çalışacam mümkün qədər irəli gedim. Sadəcə hər tur çempionatda sürpriz ola bilər. Ona görə 1/8 finala vəsiqə qazanmağıma çox sevindim.

– Şəhriyar son dəfə neçənci ildə Azərbaycan çempionu olub?
– 2001 və 2002-ci illərdə Azərbaycan çempionu olmuşam. Səhv etmirəmsə o yarışdan sonra çempionatda oynamadım. Ardıcıl iki çempionluqdan sonra 23 il keçdi və ötən il yarışda mübarizə apardım. 2001, 2002-ci illərdə çempionat çox maraqlı idi. Həmin yarışda biz o qədər güclü deyildik. Reytinqimiz düşündüyünüz kimi yüksək olmayıb. Vüqar Həşimov, Rauf Məmmədov, Qədir Hüseynov və digərləri mübarizə aparırdı. Amma reytinqlərimiz indikindən aşağı olub.

– Ən çox çempion Rauf olub. Altı dəfə Azərbaycan çempionatda birinci yeri tutub. Maraqlıdır bu il Rauf Məmmədovu kim dayandıracaq?
– Altıqat Azərbaycan çempionu olmaq böyük nəticədir. “Nokaut” sistemində ümumiyyətlə yarışı udmaq çox çətindi. Ötən il Raufun qələbəsi fikrimcə karyerasında ən çətin çempionluq oldu. Rauf çox yaxşı şahmatçıdır. Niyə də yeddinci dəfə çempion olmasın? Onun ölkə şahmatı və Azərbaycan milli komandası üçün etdiklərini çox az adam eləyib. Mənim üçün Raufun millidə inanılmaz böyük əziyyəti və uğurları var. Yenə də çempion olarsa bunu normal qarşılayacağıq. Amma çalışacayıq buna imkan verməyək (gülür). Püşkə əsasən finalda qarşılaşmaq ehtimalı var. Finala doğru uzun yol var, hər mərhələdə hər partiya həlledicidi.

– Bacıların Zeynəb və Türkan qadınlar arasında Azərbaycan çempionatında iştirak edir. Bu barədə nə düşünürsən?
– Zeynəb ilk oyunda qalib gələ bilərdi. Oyunu istədiyi kimi alınmadı. Əvəzində Türkan 1/16 final mərhələsində hər iki oyunda udaraq mərhələ adladı. Etiraf edək ki, hər ikisi son illər şahmata nisbətən az vaxt ayırır. Əvvəlki illərdə daha çox vaxt həsr edirdilər. İndi övladları var, uşaqlarını dəstəkləyirlər. Qadınların çempionatı da çox çətindi. İllər öncə hər ikisi çempionatda favorit sayılırdı. İndi vəziyyət dəyişib. Qadın şahmatında hər bir iştirakçının qalib gəlmək şansı olduğunu düşünürəm. Səhvlər hər oyunda həlledici ola bilər. Şansları azdı, amma Türkan irəliləyə bilər. Bacım çempion olsa şok olmaram, amma sevinərəm.

– Şahmatdan başqa hansı idman növünə baxırsan?
– Çox gərgin təqvim üzrə yarışlarda oynayıram. Üstəlik artıq iki ilə yaxın türk şahmatçı Yağız Ərdoğmuşla məşğul oluram. Çox inkişaf edir. Onunla hazırlaşıram, bəzən yarışlara birgə yollanırıq. Digər idman növlərinə baxmağa vaxt olmur. İmkan düşdükcə futbola baxıram. Demək olar ki, baxmadığım futbol yoxdu. Ötən ay vaxt oldu və atamla birlikdə stadionda “Qarabağ”ın Çempionlar Liqasında “Ayntraxt”la matçına baxdıq. Çox əla oyun keçdi.

– “Qarabağ”ın uğurlu çıxış edəcəyinə inanırdınız?
– Atam dəhşətli dərəcədə “Qarabağ”a inanırdı. İlk dəqiqədən deyirdi yaxşı olacaq. Mən fərqli baxırdım. Almanlar həm büdcə, həm təcrübə baxımından üstün tərəf kimi görünürdü. “Qarabağ” inanılmaz mübarizə göstərdi və qələbəni daha çox istəyirdi. Hava çox soyuq idi. Buna baxmayaraq son dəqiqəyə qədər stadionda qaldıq. Çox xoşbəxtəm ki, “Qarabağ”-“Ayntraxt” matçını stadionda izləmişəm. Dəhşət hisslər idi.

– Azərbaycan çempionatının yarımfinal günlərində “Qarabağ” Bakıda “Nyukasl”ı qəbul edəcək. Şanslar barədə fikirlərin maraqlıdı…
– Desəm ki, şans yoxdu yalan olar. “Nyukasl” böyük favoritdi. Zəngin təcrübəli komandadır. Bu il qeyri-stabil çıxış edirlər. Amma hər zaman mübarizə göstərirlər. Çətin olacağı hamıya məlumdu. Lakin “Qarabağ” adi komanda deyil. “Benfika”ya 0-2 uduzurdu, sonda 3-2 qalib gəldi. “Ayntraxt”a 1-2 məğlub olurdu, sonda hesabı 3-2 etdi. “Çelsi” kimi komandayla heç-heçə oynadı. Yəni “Qarabağ”dan hər şey gözləmək olar. Yarış vaxtı olsa belə çalışacam stadiona gedim.

– Məşqçiliyə başlayandan sonra yarışlarda iştirak etmək daha çətin olar. Çünki şahmatçı məşqçiliyə başlayırsa artıq inkişafdan qalır. Bu fikirlə razısan?
– Peşəkar şahmatçı müəyyən zamana qədər özünə vaxt ayırmalıdı. 35-36 yaşına qədər ancaq özümlə məşğul olmuşam. Pandemiya zamanı yarışlar dayandı və məşqçiliyə başladım. Gənc şahmatçılara məşqçi olmağı məsləhət görmürəm. Vaxt olduqca mütləq özləri şahmatla məşğul olmalıdı. Mənim işlədiyim şahmatçı böyük gələcək vəd edən şahmatçıdı. Dünyanın ən yaxşı şahmatçılarından biri olan Yağız Ərdoğmuşla işləmək çox xoşdu. Sizin fikirlə razıyam. Dünya çempionu olmaq istəyən şahmatçı məşqçilik etməli deyil. Bəzən gəncləri görürəm məşqçilik edirlər, amma bu çox çətindi. Gəlin etiraf edək, ən gözəl vaxtlarım qarşıdadır desəm yalan olar. Dünya çempionu olmaq şanslarım var, amma illər öncə olduğu qədər deyil.

Bu gün dünyanın yaşıl meydanlarında futbol oyunları keçiriləcək.

Futbolpress.az qarşılaşmaları canlı yayımlayacaq telekanalların siyahısını təqdim edir…

15 fevral

Azərbaycan, Premyer Liqa
14:30 Kəpəz – Neftçi (CBC Sport)
17:00 Araz-Naxçıvan – Sumqayıt (CBC Sport)

İtaliya, A Seriyası
15:30 Udineze – Sassuolo (Futbol 1)
21:00 Torino – Bolonya (Futbol 1, Matç TV)
23:45 Napoli – Roma (Futbol 1, Matç TV)

Türkiyə, Super Liqa
15:30 Kocaelispor – Qazintep (beİN Sports 1)
18:00 Göztəpə – Kayserispor (Futbol 3, beİN Sports 1 )
21:00 Başakşəhər – Beşiktaş (Futbol 3, beİN Sports 1)

İspaniya, La Liqa
17:00 Ovyedo – Atletik (İdman TV)
19:15 Rayo Valyekano – Atletiko (Futbol 2)
21:30 Levante – Valensiya (İdman TV)
00:00 Malyorka – Betis (İdman TV)

“Qarabağ” Premyer Liqanın XX turunda “İmişli”yə qalib gəlib – 1:0.

Quba Olimpiya İdman Kompleksinin stadionunda baş tutan matçda nəticə yox, meydançanın durumu və hakimlik müzakirə olundu. “Qarabağ”ın baş məşqçisi Qurban Qurbanov oyunsonrası açıqlamasında da hiddətli danışdı, bu arenada futbola icazə verənlərə narazılığını bildirib, tənqidi fikirlərini söylədi. Mütəxəssis Çempionlar Liqasında “Nyukasl”la oyunöncəsi belə səfərin komandanın əleyhinə olduğunu vurğuladı.

“Qarabağ”dan əvvəl də bu arenada “İmişli”nin qonağı olan klublar narazılıqlarını bildirsələr də, çarə tapılmır. Futbolçuların daha çox güc sərf etməsi, zədələrin qaçılmaz olması iddialı komandalar üçün həyəcan yaradır. Bu vəziyyətin meydan sahibi “İmişli”yə sərf etməsi də realdır. Hədəfi liqada qalmaq olan komanda ev matçlarında qələbə qazana bilməməsinə baxmayaraq, kifayət qədər heç-heçələr edib. “Sabah”, “Neftçi”, “Zirə” kimi komandalardan bir xal qoparmağı bacaran bölgə klubu futbola yararsız arenadan öz faydasını götürmüş olur.

Digər məsələ isə hakimliklə bağlıdır. İkinci hissədə Kadi Borgesin qırmızı vərəqə aldığı epizod müzakirəyə açıqdır. Daha əvvəl “İmişli”nin oyunçusunun braziliyalını çəkməsinə baxmayaraq, Kadinin onu itələməsi birbaşa “qırmızı” ilə dəyərləndirildi ki, bu da kifayət qədər ağır qərardır. Daha sonra meydan sahiblərinin futbolçusu Dieqo Almeydanın etirazlarının yekunu da “qırmızı” ilə nəticələndi.

İki “qırmızı”, bir qol, bərbad meydança və narazılıqlar fonunda “Qarabağ” çətin də olsa, qələbə qazanmaqla, bir oyun az keçirən lider “Sabah”la fərqi minimuma endirdi.

Şahin Cəfərov

Bu gün Azərbaycan Premyer Liqasında XX turun daha iki oyunu keçirilib.

Futbolpress.az xəbər verir ki, günün ilk matçında “Neftçi” səfərdə “Kəpəz”lə qarşılaşıb. Görüş “ağ-qaralar”ın qələbəsiylə başa çatıb.

Digər görüşdə “Sumqayıt” “Araz-Naxçıvan”ın qonağı olub. Matç naxçıvanlıların qələbəsiylə yekunlaşıb.

Azərbaycan Premyer Liqası
XX tur

15 fevral

14:30 Kəpəz – Neftçi 1:3
Qollar: Rauf Rüstəmli, 35 (pen.) – Bassalu Sambu, 27, 38, Emin Mahmudov, 40
Qırmızı vərəqə: Məqsəd İsayev, 72 (“Kəpəz”)
Baş hakim: Əli Əliyev
Yevlax şəhər stadionu

17:00 Araz-Naxçıvan – Sumqayıt 1:0
Qol: Ramon Maçado, 45+4 (pen.)
Qırmızı vərəqə: Aleksandr Ramalinqom, 74
Baş hakim: Elçin Məsiyev
“Liv Bona Dea Arena”

“Qarabağ”ın Çempionlar Liqasındakı rəqibi “Nyukasl” İngiltərə Kubokunda növbəti oyuna çıxıb.

Futbolpress.az xəbər verir ki, 1/16 final mərhələsində “Aston Villa” ilə qarşılaşıb. Görüş “Nyukasl”ın qələbəsiylə başa çatıb – 3:1.

“Sağsağanlar”ın qollarını Tonali (2) və Voltemad vurub.

“Qarabağ” “Nyukasl”la ilk oyunu fevralın 18-də Bakıda keçirəcək. Cavab görüşü isə fevralın 25-də İngiltərədə olacaq.

Azərbaycan Basketbol Liqasında XVII tura yekun vurulub.

Futbolpress.az xəbər verir ki, turun son qarşılaşmasında “Sabah” NTD ilə qarşılaşıb. Bakı İdman Sarayında baş tutan görüş “Sabah”ın qələbəsiylə başa çatıb – 103:87.

Daha əvvəl keçirilən görüşlərdə “Sərhədçi” “Lənkəran”ı (83:69), “Naxçıvan” “Sumqayıt”ı (110:107), “Abşeron Lions” “Gəncə”ni (81:71), “Ordu” “Quba”nı (98:87), “Neftçi” “Şəki”ni (93:77) məğlub edib.

“Barselona”nın futbolçusu Rafinya kollektiv məşqlərə başlayıb.

Futbolpress.az xəbər verir ki, bu barədə AS nəşri məlumat yayıb. Braziliyalı hücumçu şans veriləcəyi halda, La Liqada “Jirona” ilə matçda meydana çıxa bilər.

Komandanın digər futbolçusu Markus Reşford isə hələ tam hazır deyil.

“Jirona” – “Barselona” oyunu fevralın 16-da keçiriləcək.

“Kəpəz” klubunun İdarə Heyətinin üzvü Fərman Əlizadənin “Futbolpress.az“a müsahibəsi:

– Gəncə stadionu ilə bağlı vəziyyət nə yerdədir?
– İlk növbədə ölkə başçısı, müzəffər Ali Baş Komandan cənab İlham Əliyevə klubumuz və azarkeşlər adından təşəkkür edirik. Məhz Prezidentin sərəncamı ilə stadionun inşası “Kəpəz”in inkişafı üçün böyük təkandır. Stadionun tikintisi Gənclər və İdman Nazirliyinə həvalə olunub və gördüyünüz kimi qısa müddətdə böyük iş görülüb. Fors-major hal baş verməzsə, hər zaman klubların yanında olan AFFA və PFL-in dəstəyi ilə ilk ev oyunumuzun may ayında keçirilməsi planlaşdırılır.

–  “Kəpəz”ə gələrkən qarşınıza qoyduğunuz əsas məqsəd və hədəf nə idi?
– Mən özüm də Gəncədə doğulub, burada böyümüşəm. “Kəpəz” uşaqlıqdan azarkeşlik etdiyim komandadır. Doğma şəhərimin doğma klubuna dəstək olmaq təklifi olundu və mən də bunu böyük məmnuniyyətlə qəbul etdim. “Kəpəz” böyük tarixə, zəngin ənənələrə və güclü azarkeş bazasına malik klubdur. İlk mərhələdə prioritetimiz Premyer Liqada mövqeyimizi qorumaq, paralel olaraq isə struktur baxımından davamlı inkişaf üçün möhkəm baza formalaşdırmaq idi.

– Yeni mövsümün startından klubda hansı işlər görülüb?
– Akademiya ilə əsas komanda arasında koordinasiya gücləndirilib. Eyni zamanda infrastrukturun mərhələli şəkildə yaxşılaşdırılması istiqamətində işlər davam etdirilir. Qürurverici haldır ki, struktur dəyişiklikləri nəticəsində Azərbaycan futbol klubları arasında ilk qadın klub meneceri məhz “Kəpəz”də fəaliyyət göstərir. Səbinə Hənifəyeva bu işin öhdəsindən yüksək səviyyədə və layiqincə gəlir. Klub da onun fəaliyyətini yüksək qiymətləndirir.

– Bu mövsüm komanda Premyer Liqada qalmaq uğrunda mübarizə aparır. Növbəti mövsüm üçün plan nədir?
– Mövsümün əvvəlində hədəflərimiz daha fərqli idi. Təəssüf ki, start istədiyimiz kimi alınmadı. Sonradan müəyyən dəyişikliklər etdik. Azər Bağırov komandaya qayıtdıqdan sonra yeni transferlər reallaşdırıldı. Yusif İmanov, Rauf Hüseynli, Mate Abuladze, Veysəl Rzayev, Rəhman Hacıyev və Camal Cəfərov baş məşqçimizin istəyi ilə komandaya cəlb olundular. Bir sıra oyunçularla isə yollar ayrıldı. Mövsümün qalan hissəsində əsas hədəf sabitliyi qorumaqdır. Kubokda isə bacardığımız qədər irəliləmək istəyirik. Komandamıza inanırıq. Baş məşqçimiz, yerli futbolçularımız və ümumilikdə kollektivin hər bir üzvünün qarşıya qoyulan hədəflərə çatmaq üçün maksimum çalışacağına əminik. Növbəti mövsümdə isə daha rəqabətədavamlı kollektiv formalaşdırmaq və turnir cədvəlində yuxarı pillələr uğrunda mübarizə aparmaq niyyətindəyik. Addımlarımız mərhələli və real plan əsasında atılır.

– Veysəl Rzayevin vəziyyəti necədir və onunla bağlı plan nədir?
– Klubun İnfrastruktur rəhbəri Ruslan Məmmədov, baş məşqçimiz Azər Bağırov və komanda üzvləri mütəmadi olaraq Veysəl Rzayevi ziyarət edirlər. Əsas məqsədimiz onun tam sağalaraq ayağa qalxmasıdır. Ümid edirik ki, Veysəl tezliklə yaşıl meydanlara qayıdacaq.

– Cefferson Bentu ilə bağlı vəziyyət nə yerdədir?
– Təəssüf ki, Cefferson Bentu klub qarşısında olan öhdəliklərini yerinə yetirməyib və qış fasiləsindən sonra komandanın düşərgəsinə qayıtmayıb. Bununla bağlı artıq FIFA-ya müraciət etmişik. FIFA-nın qaydalarına uyğun olaraq hüquqi proses başlanılıb. Onun gedişi seleksiya planlarımızda dəyişiklik etməyə məcbur etdi. Bu səbəbdən baş məşqçi Azər Bağırovun istəyi ilə Mate Abuladze komandaya dəvət olundu.

– Akademiyanın inkişafı ilə bağlı hansı planlar var?
– Akademiya klubun gələcəyidir. Seçim mexanizmi gücləndirilir. Ötən ay növbəti seleksiya məşqləri keçirilib və bu seleksiya nəticəsində aşağı yaş qrupları üzrə komandalara uşaqlar cəlb olunub. Məşqçilərin ixtisasartırması və kateqoriyalarının yüksəldilməsi prioritetdir. Texniki bazanın təkmilləşdirilməsi istiqamətində də işlər görülür. Məqsədimiz əsas komandaya mütəmadi olaraq akademiya yetirmələri qazandırmaqdır. Qış təlim-məşq toplanışı çərçivəsində keçirdiyimiz iki yoxlama görüşündə “Kəpəz”in 10-dan çox yetirməsi şans qazanıb. Bu hal klubumuzda uzun illər qeydə alınmırdı. Bu fakt əsas komanda ilə akademiya arasında əlaqələrin möhkəmləndiyini və sistemli işin artıq nəticə verməyə başladığını göstərir.

– Uzun illərdir milli komandaya dəvət olmur. Bu ənənənin bərpası üçün nə edilir?
– Bu istiqamətdə işlər aparılır. Artıq akademiyamızın futbolçuları aşağı yaş qrupları üzrə milli komandalara dəvət almağa başlayıblar. Bu, görülən işlərin real nəticəsidir. Ümid edirik ki, yaxın illərdə onları əsas milli komandanın heyətində də görəcəyik. Gələcəkdə Akademiyaya performans və fiziki hazırlıq üzrə mütəxəssislərin cəlb olunması da nəzərdə tutulub. Məqsədimiz futbolçuların fərdi inkişafını daha peşəkar səviyyəyə qaldırmaqdır.

– Maliyyə sabitliyi və sponsorluq məsələləri ilə bağlı hansı addımlar atılıb?
– Bildiyiniz kimi, ilk dəfədir ki, “Kəpəz”in titul sponsoru var. Bu münasibətlə “Unibank”a təşəkkür edirik. Onlarla yeni layihələr üzərində işləyirik və əməkdaşlığımızı daha da genişləndirməyi planlaşdırırıq. Ümumilikdə büdcə planlaması daha sistemli şəkildə qurulub. Paralel olaraq yeni tərəfdaşların cəlb olunması istiqamətində danışıqlar aparılır. Məqsədimiz uzunmüddətli və qarşılıqlı faydalı əməkdaşlıqlar qurmaqdır. Klubun brend dəyərinin artırılması sponsor marağını da yüksəldir.

– Akademiya üçün yeni layihələr nəzərdə tutulurmu?
– Akademiya yeni məşq inventarları və forma dəsti ilə təmin olunub. Futbolçuların məşq etdiyi stadionda mövcud olan natamam işlər mərhələli şəkildə aradan qaldırılır. Ərazidə hasarların hörülməsi artıq yekunlaşdırılıb. Stadion ərazisində yeni sanitar qovşağı inşa olunub və qızlar və oğlanlar üçün ayrıca nəzərdə tutulub. Bundan əlavə, Akademiyanın məşq meydançasında işıqlandırma sisteminin qurulmasına başlanılıb. Uzun illər işıqlandırmanın olmaması səbəbindən axşam saatlarında məşq keçmək mümkün deyildi və bu, futbolçuların inkişafına mənfi təsir göstərirdi. Yeni sistemin quraşdırılması ilə bu problem aradan qaldırılacaq və məşqlər daha əlverişli şəraitdə, daha geniş zaman intervalında keçiriləcək. Bundan başqa, Akademiya üçün oyun vaxtı istifadə ediləcək soyunub-geyinmə otağının tikintisi və əlavə sanitar qovşağın inşası nəzərdə tutulub. Yaxın gələcəkdə süni meydançanın dəyişdirilməsi də planlarımız sırasındadır.

– Akademiyadan əsas komandaya keçid mexanizmi necə qurulacaq?
– Perspektivli futbolçular artıq əsas komandanın məşqlərinə cəlb olunur. Məşqçilər heyəti ilə koordinasiya gücləndirilib. İdarə Heyətinin sədri Adil Vəliyevlə keçirilən görüşdə baş məşqçimiz Azər Bağırovun qarşısına akademiya ilə bağlı konkret tapşırıqlar qoyulub və o da planlarının klub strategiyası ilə tam uyğun olduğunu bildirib. Baş məşqçimiz mütəmadi olaraq aşağı yaş qruplarının məşqlərini və matçlarını izləyir. Yoxlama oyunlarında akademiya üzvlərinə şans verilməsi də bu sistemli yanaşmanın tərkib hissəsidir.

– Azarkeşlərlə bağlı hansı planlar var?
– “Kəpəz” azarkeşsiz təsəvvür olunmur. “Xəmsə” və “Kəpəz Ultras” kimi uzun illər tribunada və komandanın yanında olan və yeni yaradılan “Zona 20” kimi üç böyük azarkeş qrupumuz var. Onlar nəticədən asılı olmayaraq hər zaman klubun yanındadırlar. Bu dəstək klubumuz üçün böyük stimuldur. Ev oyunlarını Gəncədə keçirəcəyimiz vaxt onların dəstəyinə daha çox ehtiyacımız olacaq və inanırıq ki, arena tam dolacaq.

– “Kəpəz”in veteranlarla bağlı nə deyə bilərsiz?
– Veteranlar “Kəpəz”in tarixidir. Klubun ən böyük uğurları onların adları ilə bağlıdır. Onların dəstəyinə hər zaman ehtiyacımız var. Veterlarla arasında Akademiyamızda fəaliyyət göstərənləri də var. Onlar klubumuzun aşağı yaş qruparndan ibarət komandalarda məşqçilər heyətində yer alıblar. Bundan başqa, klubun nəzdnində “Gəncə futbol əfsanələri” şurası da yaradılıb. Bu şuraya komandanın formasını geyinən bütün veteranlar üzv seçilib. Onlarla bağlı da planlarımız var. Bu ayın sonunda görüşümüz olacaq. Ev oyunlarımızı doğma stadionumuzda keçirəndə onlar üçün də xüsusi tribuna ayrılacaq və “Kəpəz”in matçlarını izləmələri üçün şərait yaradılacaq.

– Qarşıda sizi 2 çətin matç gözləyir. “Neftçi” və “Sabah” oyunları ilə bağlı gözləntiləriniz?
– Rəqibdən asılı olmayaraq baş məşqçi və futbolçularımızın hədəfi əzmkar oyun göstərib, qələbə qazanmaqdır. “Neftçi” ənənəsi olan köklü bir komandadır. Güclü heyətə malikdirlər. Onlarla oyunumuz hər zaman gərgin idman mübarizəsi şəraitində keçib. “Sabah” da artıq tarix yazmağa başlayır. Ötən mövsüm Azərbaycan kubokunu qazanmaları bunun sübutudur. Hazırda isə Premyer Liqada turnir cədvəlinin ilk pilləsində qərarlaşıblar və uğurlu mövsüm keçirirlər. Bütün bunlara rəğmən bildirdiyim kimi hədəfimiz hər oyunda layiqli mübarizə aparıb, maksuimum nəticə qazanmaqdır.

Şahin Cəfərov

Azərbaycan Premyer Liqasının XX turunun “Zirə” – “Karvan-Yevlax” oyunundan (1:0) sonra qonaq komandanın baş məşqçisi Füzuli Məmmədov jurnalistlərin suallarını cavablandırıb.

Futbolpress.az xəbər verir ki, mütəxəssis əvvəlcə görüşlə bağlı fikirlərini bölüşüb…

– Çox maraqlı oyun oldu. Meydanda mübarizə getdi. Hər iki komanda yaxşı oyun sərgilədi. Bilirik ki, “Zirə” yaxşı komandadır, amma bu gün biz də yaxşı oynadıq. Standart vəziyyətdən qol buraxdıq. Hesabı bərabərləşdirməyə çalışsaq da, alınmadı. Rəqibi təbrik edirəm, növbəti matça hazırlaşacağıq.

– Qavi Tompson meydandan çıxanda qərara etiraz etdi…
– Hər futbolçu oyunu alınmayanda stressdə olur. Qavinin də davranışı normaldır. Emosional idi. Daha sonra hərəkətini başa düşdü

– Artıq neçənci dəfədir ki, ilk hissədə əvəzetməyə gedirsiz. Bu, nə ilə bağlıdır?
– “Sumqayıt”la matçda Raufun oyunu pis alınmırdı. Müdafiədə problemlər var idi, məcburiyyətdən onu əvəzlədik. Bu gün də hesabda geridə idik. Qavi yarımmüdafiəçidir, Kinqs isə hücumameyillidir. Biz futbolçuların zəif çıxışına görə yox, hücumda effektiv olmaq dəyişiklik üçün edirik. Taktiki gedişlərdir.

– Birinci hissədə potensial penalti epizodu var idi. Epizoda baxdız, fikirləriniz nədir?
– Baxdım. VAR-da oturanlar da baxırlar. Dirsək var idi, amma necə dəyərləndirirlər, bilmirəm. Hakimlər bizdən daha biliklidir.

– Ötən oyunda da rəqibinizə aşkar qırmızı vərəqə verilməmişdi. Sizcə, sonuncu pillədə olduğunuza görə, hakimlər sizə qeyri-ciddi yanaşırlar?
– Mübarizə aparırıq, əziyyət çəkirik. Hər oyuna qələbə üçün çıxırıq, amma belə epizodlar bizi məyus edir. Hakimlər daha diqqətli olmalıdırlar. Hansısa səhv bizi Premyer Liqadan sala bilər. İstəyim odur ki, hakimlər bizim matçlarda çox diqqətli olsunlar.

Şahin Cəfərov

Azərbaycan Premyer Liqasının XX turunun “Zirə” – “Karvan-Yevlax” oyunundan (1:0) sonra meydan sahibi komandanın baş məşqçisi Rəşad Sadıqov jurnalistlərin suallarını cavablandırıb.

Futbolpress.az xəbər verir ki, mütəxəssis əvvəlcə görüşlə bağlı fikirlərini bölüşüb…

– Gərgin oyun olacağını bilirdik. Rəqibimiz hər oyuna “ölüm-qalım” mübarizəsi ilə çıxır. Hər xal onlar üçün çox önəmlidir. Bilirdik ki, qarşımızda möhkəm komanda olacaq. Müdafiə davranışları fərqli idi, daha kompakt oynadılar. Oyunboyu yaxşı hücumlarımız var idi. 2-ci və ya 3-cü qolu vursaydıq, matç daha rahat keçərdi. Amma vacib olan odur ki, qalib gəldik. Rəqibə qol epizodu vermədik. Futbolçularımı təbrik edirəm. Çox vacib və stressli görüşdə qələbə qazandıq.

– Anatoli Nuriyevin transferi necə alındı?
– Bəyəndiyim futbolçulardan idi. “Sabah”a müraciət etdik və buna “hə” dedilər. Nuriyevin keçidinə razı oldular. Bizim üçün vacib transfer idi. Buna görə “Sabah”a təşəkkür edirəm. Yaxından və yaxşı tanıdığım oyunçudur. Son vaxtlarda az oynayıb. Amma zamanla daha yaxşı formaya düşəcək.

– Bu heyət hədəflərə çatmağa imkan verəcək?
– İstədiyimiz ən azından avrokuboklara düşməkdir. İki komanda çempionluq, digər beş komanda isə avrokuboklara vəsiqə üçün mübarizə aparır. Komandaların yaxşı heyətləri var, yaxşı performans göstərirlər. İstədiyimizi nə qədər reallaşdıracağıq, onu zaman göstərəcək. Ən vacib olan zədəlilərimizin az olması, futbolçuların yaxşı formada olmasıdır.

Şahin Cəfərov

Bu gün Azərbaycan Premyer Liqasında XX tura start verilib.

Futbolpress.az xəbər verir ki, ilk oyun günündə iki qarşılaşma baş tutub.

“Qarabağ” Qubada “İmişli”nin məğlub edib, digər görüşdə “Zirə” “Karvan-Yevlax”dan üstün olu.

Azərbaycan Premyer Liqası
XX tur

14 fevral

14:30 İmişli – Qarabağ 0:1
Qol: Musa Qurbanlı, 80
Qırmızı vərəqə: Dieqo Almeyda, 84 (“İmişli”) – Kadi Borges, 72 (“Qarabağ”)
Baş hakim: Cavid Cəlilov
Quba OİK stadionu

17:00 Zirə – Karvan-Yevlax 1:0
Qol: Volkov, 20
Baş hakim: Kamranbəy Rəhimov
Zirə İdman Kompleksinin stadionu