“Mançester Yunayted”in sabiq hücumçusu Ueyn Runi klubun keçmiş baş məşqçisi Aleks Ferqyusonun komandasını “Milan”la oyuna necə hazırladığını xatırlayıb.

Komanda.az xarici KİV-ə istinadən xəbər verir ki, o, bunu deyib:

“Ferqyusonun “Milan”la oyunumuzdan əvvəl bizə brifinq verdiyini xatırlayıram. O, sözün əsl mənasında Parka dedi: “Bu gün sənin işin topa sahib olmaq, ötürmə vermək deyil, sənin işin Andrea Pirlodur. Vəssalam, Pirlo”.

Şotlandiyalı məşqçi “Milan”ın sabiq yarımmüdafiəçisi Pirlonun yaratdığı təhlükədən o qədər ehtiyat edib ki, Park Ji-Sunqa italiyalı oyunçunu diqqətlə izləməyi tapşırıb. “Qırmızı şeytanlar” 2009/10 mövsümündə, Çempionlar Liqasının 1/8 finalında “Milan”ı ümumi 7:2 hesabı ilə məğlub ediblər.

The post “Ferqyuson dedi ki, sənin işin topa sahib olmaq, ötürmə vermək deyil, Pirlodur” appeared first on Komanda.az.