“Arsenal”ın sabiq müdafiəçisi Sol Kempbell keçmiş komandasının hücumçusu Viktor Qyokereşin Premyer Liqada uğur qazanacağına inanır.

Komanda.az yerli mətbuata istinadən xəbər verir ki, o, isveçli forvardın komandaya uyğunlaşdıqca və oyun tempinə alışdıqca öz potensialını tam göstərəcəyini bildirib:

“Qyokereş möhtəşəm olacaq, komandadakı oyunçular onun hərəkət vərdişlərini anlayanda və Premyer Liqadakı sürətə alışanda, daha baxımlı oyun nümayiş etdirəcək. O, bu çempionat üçün doğulub. Yalnız komanda yoldaşlarının onun zərbələrini və düzgün mövqedə olduğu anı anlayaraq ötürmə verməsi lazımdır. Hər bir mərkəz hücumçusunun öz seçimləri var, hər biri topu özünə uyğun şəkildə almaq istəyir”.

27 yaşlı forvard “Arsenal”a bu il Lissabon “Sportinq”indən keçib.

The post “Qyokereş Premyer Liqa üçün doğulub” – Sabiq futbolçu appeared first on Komanda.az.