“Şahdağ Qusar”ın hücumameyilli yarımmüdafiəçisi Orxan Fərəcov bundan sonra “İmişli”nin uğurları üçün çalışacaq.

Arena.az bu barədə əyalət klubunun mətbuat xidmətinə istinadən xəbər verir.

25 yaşlı yarımmüdafiəçi ilə müqavilə imzalanıb. Amma anlaşmanın müddəti və digər detalları barədə məlumat verilməyib.

Orxan Fərəcov “Neftçi” və “Keşlə” (indiki “Şamaxı”) klublarının yetirməsidir. Polşanın “Narev” (Ostroleka) və “Troşin” klublarında legioner həyatı yaşamış yarımmüdafiəçi “Səbail” və “Baku Sportinq”in də formasını geyinib. O, 2025-ci ilin sentyabr ayından “Şahdağ Qusar”da çıxış edirdi.