İran Futbol Federasiyası bu ölkənin milli komandasının baş məşqçisi Əmir Qalenoy ilə müqavilənin müddətini daha altı ay uzatmağa qərar verib.

Arena.az xəbər verir ki, bu barədə İran Futbol Federasiyasının mətbuat xidməti məlumat yayıb.

Bildirilir ki, 61 yaşlı mütəxəssis 2027-ci ilin yanvarında Səudiyyə Ərəbistanında təşkil ediləcək Asiya Kubokunun sonuna qədər yığmaya rəhbərlik edəcək.

Əmir Qalenoy 2023-cü ildən İran millisini çalışdırır. Komanda onun rəhbərliyi altında DÇ-2026-nın qrup mərhələsində hər üç oyunda heç-heçə edərək cüzi fərqlə pley-offa yüksəlmək şansını əldən verib. İran yığması bu mütəxəssisin rəhbərliyi altında bütövlükdə 46 oyun keçirib, 31 qələbə qazanıb, 9 heç-heçə edib, 6 məğlubiyyətə üzülüb.

Qalenoy daha öncə “Gol Gohar”, “Sepahan”, “Zobahan”, “Traktor”, “İstiqlal”, “Mes Kerman”, “Keşavarz” kimi komandaları da çalışdırıb. İranlı mütəxəssis daha öncə 2026-2027-ci illərdə də İran yığmasına rəhbərlik edib.