İngiltərənin “Aston Villa” klubunun mərkəz yarımmüdafiəçisi Con Makqinn Şotlandiya yığmasının heyətində yeni rekorda imza atıb.

Arena.az xəbər verir ki, o, bunu DÇ-2026-nın qrup mərhələsinin ilk turunda qarşılaşdıqları Haiti ilə matçda (1:0) fərqlənməklə bacarıb.

Makqinn Şotlandiya yığmasının mundiallarda qol vuran ən yaşlı oyunçusu olub – 31 yaş 238 gün.

Xatırladaq ki, əvvəlki rekord 1982-ci ildə keçirilmiş dünya çempionatında 31 yaş 103 günlüyündə Yeni Zelandiyaya qol vurmuş əfsanəvi Kenni Dalqlişə məxsus idi.

Xatırladaq ki, Con Makqinn Şotlandiyanın “Sent Mirren” klubunun yetirməsidir. Ölkəsində “Hibernian”ın da şərəfini qorumuş futbolçu “Aston Villa”ya 2018-ci ildə 3,1 milyon avro müqabilində keçib. O, Premyer Liqa təmsilçisinin heyətində bütövlükdə 329 oyun keçirib, 40 qol vurub, 48 assist müəllifi olub.

Makqinn 2016-cı ildə debüt etdiyi Şotlandiya yığmasının heyətində 87 oyun keçirib, 21 qola imza atıb, 11 məhsuldar ötürmə verib.