Futbol üzrə Belçika milli komandasının hücumçusu Romelu Lukaku dünya çempionatları tarixində bənzəri olmayan rekorda imza atıb.

Arena.az xəbər verir ki, 33 yaşlı futbolçu buna DÇ-2026-nın 1/8 final mərhələsində ABŞ millisi üzərində 4:1 hesablı qələbə qazandıqları oyunda nail olub.

67-ci dəqiqədə meydana daxil olmuş Lukaku 90+3-cü dəqiqədə komandasının dördüncü qolunu vuraraq görüşün yekun nəticəsini müəyyənləşdirib.

Bununla da o, dünya çempionatları tarixində ehtiyat oyunçular skamyasından meydana çıxaraq dörd müxtəlif oyunda qol vuran ilk futbolçu olub. Belçikalı forvard cari mundialda bunu üç dəfə, DÇ-2014-də isə bir dəfə bacarıb.

Qeyd edək ki, ABŞ, Kanada və Meksikanın birgə ev sahibliyi etdiyi DÇ-2026 iyulun 19-da başa çatacaq.

Belçika millisinin hücumçusu Romelu Lukaku dünya çempionatlarının bombardirləri siyahısında Dieqo Maradonanın göstəricisini təkrarlayıb.

Arena.az xəbər verir ki, 33 yaşlı forvard DÇ-2026-nın 1/8 final mərhələsində ABŞ üzərində 4:1 hesablı qələbə ilə başa çatan oyunda fərqlənərək mundiallardakı qol sayını 8-ə çatdırıb.

Bununla da o, Argentina millisinin heyətində 1986-cı ildə dünya çempionu olmuş əfsanəvi Dieqo Maradona ilə eyni göstəriciyə sahib çıxıb.

Dünya çempionatları tarixinin ən məhsuldar futbolçusu isə 20 qolla Argentina millisinin kapitanı Lionel Messidir.

Hazırda İtaliyanın “Napoli” klubunda çıxış edən Lukaku karyerası ərzində “Anderlext”, “Vest Bromviç”, “Çelsi”, “Everton”, “Mançester Yunayted”, “İnter” və “Roma”nın da formasını geyinib. O, Belçika millisinin heyətində DÇ-2018-in bürünc mükafatçısı olub və 93 qolla yığma tarixinin ən sərrast bombardiridir.