Minifutbol üzrə Azərbaycan milli komandasının Avropa çempionatının final mərhələsindəki rəqibləri müəyyənləşib.

Arena.az xəbər verir ki, püşkatma mərasimi Slovakiyanın paytaxtı Bratislavada təşkil edilib.

Püşkatma zamanı birinci səbətdə yer almış Azərbaycan milli komandası F qrupunda Fransa, İtaliya və Avstriya yığmalarına rəqib olub.

Qeyd edək ki, minifutbol üzrə Avropa çempionatının final mərhələsi bu il mayın 27-dən iyunun 4-nə qədər Bratislavada təşkil olunacaq. Azərbaycan milli komandasının oyunlarının təqvimi daha sonra müəyyənləşəcək.

Bu gün minifutbol üzrə Azərbaycan millisinin Avropa çempionatının final mərhələsindəki rəqibləri bəlli olacaq.

Arena.az xəbər verir ki, püşkatma mərasimi bu gün Slovakiyanın paytaxtı Bratislavada təşkil edəcək.

Tədbirə saat 20:00-da start veriləcək.

Azərbaycan milli komandası püşkatma zamanı birinci səbətdə yer alacaq.

Qeyd edək ki, minifutbol üzrə Avropa çempionatının final mərhələsi bu il mayın 27-dən iyunun 4-nə qədər Bratislavada təşkil olunacaq.

1-ci səbət: Slovakiya, Rumıniya, Azərbaycan, Serbiya, Qazaxıstan, Bolqarıstan;

2-ci səbət: Fransa, Monteneqro, Macarıstan, Çexiya, Ukrayna, Gürcüstan;

3-cü səbət: Belçika, İngiltərə, Bosniya və Herseqovina, İtaliya, Polşa, Portuqaliya;

4-cü səbət: İsrail, Sloveniya, İspaniya, Yunanıstan, Türkiyə, Avstriya.