Futbol üzrə Türkiyə Super Liqasında mübarizə aparan “Kocaelispor” baş məşqçisi Selçuk İnan ilə yeni müqavilə bağlayıb.

Arena.az bu barədə Kocaeli klubunun mətbuat xidmətinə istinadən xəbər verir.

Tərəflər arasındakı yeni sözləşmənin müddəti 2028-ci ilin 30 iyununadək nəzərdə tutulub. Əvvəlki müqavilənin müddəti bu mövsümün sonunda başa çatacaqdı.

Xatırladaq ki, Selçuk İnan 2025-ci ilin yayında “Kocaelispor”a baş məşqçi təyin edilib. Elita təmsilçisi gənc mütəxəssisin rəhbərliyi altında keçirilmiş 27 matçda 9 qələbə qazanıb, 6 heç-heçə edib, 12 məğlubiyyətə üzülüb. “Kocaelispor” bu matçlarda 33 xal toplayıb, 23 qol vurub, 32 top buraxıb.

Selçik İnanın daha öncə “Qalatasaray”da köməkçi məşqçi kimi çalışıb, həmçinin “Kasımpaşa” və “Qaziantep”ə rəhbərlik edib.