“Levante”nin ispaniyalı mərkəz hücumçusu Karlos Espi İspaniya La Liqasında 2026-cı ilin mart ayının ən yaxşı oyunçusu seçilib.

Arena.az xəbər verir ki, bu barədə La Liqanın rəsmi saytı məlumat yayıb.

Espi martda “Levante”nin heyətində La Liqa çərçivəsində 3 oyuna çıxıb, 4 qol vurub.

Bu, Espinin La Liqada ilk belə uğurudur. Cari mövsümün ilk belə mükafatını “Vilyarreal”da çıxış edən Nikolas Pepe qazanmışdı. Sentyabr və okyabr aylarında “Real”ın fransalı hücumçusu Kilian Mbappe fərqlənmişdi. Noyabr və dekabrda isə “Barselona”nın hücumçusu Lamin Yamal ən yaxşı seçilmişdisə, bu ilin yanvarında “Malyorka”nın hücumçusu Vedat Muriqi, fevralda isə Georges Mikautadze (“Vilyarreal”) fərqlənmişdi.

Xatırladaq ki, Karlos Espi peşəkar karyerasına məhz “Levante”də başlayıb. 20 yaşlı ispan forvard La Liqa təmsilçisinin heyətində 59 oyunda meydana çıxıb, 17 qola imza atıb, 2 məhsuldar ötürmə verib.

“Transfermarkt” internet-portalı 20 yaşlı ücumçunun transfer dəyərini 2,5 milyon avro məbləğində qiymətləndirir.