Almaniyanın “Herta” klubu Azərbaycanın U-21 milli komandasının da üzvü olan yarımmüdafiəçi Raul Süleymanov ilə peşəkar müqavilə bağlayıb.

Arena.az xəbər verir ki, bu barədə 16 yaşlı hücumameyilli yarımmüdafiəçi sosial şəbəkə hesabında paylaşım edib.

Raul 2-ci Bundesliqa təmsilçisi ilə sözləşmə imzaladığı üçün qürur hissi keçirdiyini vurğulayıb:

“Etimada görə təşəkkür edirəm. “Herta” ilə ilk peşəkar müqaviləmi imzaladığım üçün qürur duyuram. Qarşıdakı dövrü səbirsizliklə gözləyirəm”.

Qeyd edək ki, Raul Süleymanov “Herta”nın gənclərdən ibarət komandasında çıxış edir. O, 2022/2023-cü illər mövsümündən Berlin klubunun sıralarındadır.