Niderlandlı mütəxəssis Dik Advokat DÇ-2026-da Kürasao yığmasına rəhbərlik edəcək.

Futbolpress.az xəbər verir ki, bu barədə “Voetbal İnternational” nəşri məlumat yayıb. 78 yaşlı mütəxəssisin mundiala görə milliyə qayıdacağı bildirilib.

Advokat daha əvvəl dünya çempionatına vəsiqə qazandıqdan sonra Kürasao millisində baş məşqçi vəzifəsindən ayrılmışdı. O, ailə səbəblərə görə bu addımı atmışdı.

Kürasao yığması tarixində ilk dəfə mundialda iştirak edəcək. Onlar E qrupunda Almaniya, Fil Dişi Sahili və Ekvador milliləri ilə mübarizə aparacaq.

ABŞ, Kanada və Meksikanın ev sahibliyi edəcəyi turnirə iyunun 11-də start veriləcək.