“Kayserispor” və “Fatih Karagümrük” komandaları cari mövsümün sonunda futbol üzrə Türkiyə çempionatını (Super Liqa) tərk edəcəklər.

Arena.az xəbər verir ki, 2025/2026-cı illər mövsümünün sonunda Türkiyə Super Liqasını tərk edəcək iki komandanın adı məlum olub.

Ötən gecə keçirilmiş 33-cü turun oyunlarından sonra “Kayserispor” və “Fatih Karagümrük” komandalarının aşağı liqaya düşəcəyi dəqiqləşib. Sona bir tur qalmış hər iki komandanın xalı 27-dir və növbəti matçdan asılı olmayaraq, elitanı tərk edəcəkləri müəyyənləşib.

Elitanı tərk edəcək sonuncu komanda isə məhz sonuncu – 34-cü turda bəlli olacaq. Bu, “Antalyaspor”, “Gənclərbirliyi”, “Eyüpspor” və “Kasımpaşa” klublarından biri olacaq.

Hazırda Türkiyə Super Liqasının autsayderlər qrupundakı vəziyyət belədir:

13. Eyüpspor – 32 xal
14. Kasımpaşa – 32 xal
15. Gənclərbirliyi – 31 xal
16. Antalyaspor – 29 xal
17. Karagümrük – 27 xal
18. Kayserispor – 27 xal

Türkiyə Super Liqasında 2025/26 mövsümünün bitməsinə bir tur qalmış artıq liqanı tərk edəcək 2 klubun adına aydınlıq gəlib.

Futbolpress.az xəbər verir ki, çempionatın XXXIII turunda “Alanyaspor”a 3-1 hesabı ilə məğlub olan “Kayserispor”un və “Kocaelispor”a 1-0 qalib gələn “Fatih Karagümrük”ün aşağı liqaya düşəcəyi dəqiqləşib.

Liqanın qarşıdakı son turunda elitanı tərk edəcək üçüncü komanda da bəlli olacaq. “Antalyaspor”, “Gençlerbirliyi”, “Eyüpspor” və “Kasımpaşa” Super Liqada qalmaq uğrunda mübarizə aparacaq.