“Turan Tovuz”un dayaq yarımmüdafiəçisi Fərid Yusifli bundan sonra Premyer Liqanın yeni iştirakçısı olacaq “Şəfa”nın uğurları üçün çalışacaq.

Arena.az xəbər verir ki, bu barədə paytaxt klubunun mətbuat xidməti məlumat yayıb.

24 yaşlı futbolçu ilə 2 illik müqavilə imzalandığı diqqətə çatdırılıb. Transferin digər detalları açıqlanmayıb. Tovuz klubu da Fəridin transferi ilə bağlı “Şəfa” ilə razılığa gəlindiyini bəyan edib və Yusifliyə gələcək karyerasında uğurlar arzulayıb.

Xatırladaq ki, Fərid Yusifli “Neftçi”nin yetirməsidir. O, “ağ-qaralar”ın əsas komandasının heyətində ümumilikdə 38 oyun keçirib. Fəridin “Turan Tovuz” karyerası isə bütövlükdə 46 oyun və 2 assistdən ibarətdir.

Yarımmüdafiəçi Azərbaycanın U-16, U-17 və U-21 yığmalarında forma geyinsə də, əsas millimizdə debüt şansı qazanmayıb.

“Şəfa” daha öncə Rauf Hüseynli, Nicat Mehbalıyev, Arsen Ağcabəyov, Murad Musayev, Məmməd Hüseynov, Vlad Pop, Andrey Draqu, Dilan Mertens və Mussa Queli də heyətinə qatmışdı.

Əli Həsənli, Zahid Mərdanov, Emin Zamanov, Hüseyn Mürsəlov, Aqil Nəsibov, Amir Ebrahimzade, Seymur Rəhimov, Elvin İsmayılov, İbrahim Əliyev, Novruz Məmmədov, Aqşin Paşayev, Ürfan İsmayılov, Rəvan Kazımov, Vüqar Həsənov və Ruslan Hacıyevlə yollarını ayırmış paytaxt klubu Tərlan Quliyev, Elnur Cəfərov, Ramin Nəsirli və Nahid Əliyevlə də yeni müqavilə bağlayıb.

“Turan Tovuz”un futbolçusu Fərid Yusifli karyerasını “Şəfa”da davam etdirəcək.

Futbolpress.az xəbər verir ki, bu barədə Tovuz təmsilçisinin mətbuat xidməti məlumat yayıb.

Klublar oyunçunun keçidi ilə bağlı razılığa gəlib.

Fərid ötən mövsüm 18 oyunda 1 məhsuldar ötürmə edib.