Futbol üzrə Fransa milli komandasının və PSJ-nin təcrübəli hücumçusu Usman Dembele dünya çempionatları tarixinə düşüb.

Arena.az xəər verir ki, 29 yaşlı futbolçu DÇ-2026-nın qrup mərhələsinin son turunda Norveçə qarşı keçirdikləri matçın ilk hissəsində het-trik edərək əlamətdar göstəriciyə imza atıb.

Beləliklə, Dembele dünya çempionatında bir oyunun ilk hissəsində üç qol vuran ilk futbolçu olub. Sonuncu dəfə buna 1994-cü ildə ABŞ-da keçirilmiş mundialda Rusiya millisinin sabiq hücumçusu Oleq Salenko nail olmuşdu.

Salenko həmin mundialın qrup mərhələsində Kamerunla qarşılaşmanın ilk yarısında üç dəfə fərqlənmişdi. Rusiya yığmasının 6:1 hesablı qələbəsi ilə başa çatmış həmin oyunda hücumçu ümumilikdə beş qol vurmuşdu.

Qeyd edək ki, Fransa millisinin Norveç üzərində 4:1 hesablı qələbə qazandığı görüşdə Usman Dembele het-triklə yadda qalıb.

Fransalı hücumçu Usman Dembele DÇ-2026-da qrup mərhələsinin III turunda Norveçlə oyunda (4:1) het-trik edib.

Futbolpress.az xəbər verir ki, vinger 32 dəqiqəyə üç qola imza atıb. Bu, mundiallar tarixində 1954-cü ildən sonrakı ən sürətli het-trikdir.

1954 mundialında avstriyalı Erix Probst Çexslovakiya ilə matçda 24 dəqiqəyə üç qol vurmuşdu.