“Real” “Mançester Siti”nin futbolçusu Fil Fodenlə maraqlanır.

Futbolpress.az xəbər verir ki, bu barədə insayder Ekrem Konur məlumat yayıb.

“Mançester Siti” Fodeni satmaq niyyətində deyil. Klub oyunçunu 180-200 milyon avroluq təklif olacağı halda, buraxa bilər.

Foden “Mançester Siti” formasıyla ümumilikdə 353 oyunda 110 qol vurub, 65 məhsuldar ötürmə edib. Onun klubla müqaviləsi 2027-ci ilin yayına kimidir.

“Mançester Siti”nin baş məşqçisi Pep Qvardiola komandasının yarımmüdafiəçisi Fil Fodenin hazırkı forması barədə danışıb. 25 yaşlı futbolçu son matçlarda əsas heyətdəki yerini itirib.

Komanda.az xəbər verir ki, ispaniyalı çalışdırıcı “City Report”-a açıqlamasında, Fodenin addım-addım geri qayıdacağını deyib:

“Addım-addım geri qayıdacaq. O, mənim oğlumdur, bizim oğlumuzdur. Biz onu qorumağa və ən yaxşı formasına qayıtmasına kömək etməyə çalışırıq. O, sadəcə insandır. Səkkiz-doqquz illik karyerada həm yüksəlişlər, həm də enişlər olur. Hər şey sadədir. Fodenin istedadına və komandamız üçün əhəmiyyətinə şübhə etmirəm”.

İngiltərəli futbolçu cari mövsümdə bütün turnirlərdə 33 matçda iştirak edib, 10 qol vurub və 4 məhsuldar ötürmə verib.

The post Qvardiola: “Foden mənim oğlumdur” appeared first on Komanda.az.