“Arsenal” Çempionlar Liqasının yarımfinal mərhələsinin cavab oyununda “Atletiko”ya qalib gəlib – 1:0.

Futbolpress.az “Opta”ya istinadən xəbər verir ki, bu, London klubunun mövsümdəki 41-ci qələbəsi olub. “Arsenal” qalibiyyət sayında rekordunu təkrarlayıb.

“Topçular” sonuncu dəfə 1970/71 mövsümündə 41 qələbə qazanmışdı.

İngiltərənin “Everton” klubunun 71 yaşlı bir azarkeşi həbs olunub.

Futbolpress.az xəbər verir ki, buna səbəb fanatın Premyer Liqanın XXXV turunda “Mançester Siti” ilə matçda rəqib futbolçu Antuan Semenyoya qarşı irqçilik etməsi olub.

Azarkeş daha sonra girov qarşılığında sərbəst buraxılıb, ancaq onun qeyri-müəyyən müddətə stadiona girişinə qadağa qoyulub.

“Everton” – “Mançester Siti” oyunu 3:3 hesabıyla bitib.

“Atletiko”nun baş məşqçisi Dieqo Simeone Çempionlar Liqasında “Arsenal”a uduzduqları görüşü şərh edib.

Futbolpress.az UEFA-nın saytına istinadən xəbər verir ki, mütəxəssis 0:1 hesabıyla bitən matçla bağlı bunları deyib:

“Mübarizəni dayandırdıqsa, deməli, rəqib finala daha çox layiq idi. Onlar şanslarından maksimum yararlandılar və bir qolla oyunun taleyini həll etdilər. Necə hiss etdiyimi soruşsanız… içimdə sakitlik var. Bilirəm ki, komandam meydanda bütün gücünü qoydu”.

“Arsenal” finalda PSJ – “Bavariya” cütünün qalibi ilə qarşılaşacaq.

“Yuventus”un futbolçusu Kenan Yıldız karyerasını İspaniyada davam etdirə bilər.

Futbolpress.az xəbər verir ki, “Real” türkiyəli yarımmüdafiəçinin xidmətində maraqlıdır. Bu barədə “La Gazetta dello Sport” nəşri məlumat yayıb. Madrid təmsilçisinin rəhbəri Florentino Peres Kenanın oyununu çox bəyənir və onu komandada görmək istəyir.

Tərəflər arasında yayda danışıqların olacağı ehtimal edilir.

Yıldız bu mövsüm A Seriyasında 34 oyunda 10 qol vurub, 6 məhsuldar ötürmə edib.

PSJ-nin futbolçusu Xviça Kvaratsxeliyanın qardaşı Tornike Xvaratsxeliya daha bir klubun diqqət mərkəzinə düşüb.

Futbolpress.az xəbər verir ki, “Bavariya” Gürcüstanın “Dinamo” klubunda çıxış edən 16 yaşlı hücumçu ilə maraqlanır. Bu barədə “La Gazetta dello Sport” nəşri məlumat yayıb.

Daha əvvəl İtaliyanın “Yuventus” və “Napoli” klubunun Tornikeni izlədiyi bildirilib.

Hücumçu bu gün Çempionlar Liqasında keçiriləcək “Bavariya” – PSJ oyununu izləmək üçün “Allianz Arena”da olacaq. Münhen klubunun rəhbərliyi matç ərəfəsində futbolçu ilə görüşməyi planlaşdırır.

“Portu” icarə əsasında komandada çıxış edən Yakub Kiviorun transfer hüquqlarını alıb.

Futbolpress.az xəbər verir ki, bu barədə klubun mətbuat xidməti məlumat yayıb. Portuqaliya klubu yarımmüdafiəçi üçün müqavilə ilə məxsus olduğu “Arsenal”a 17 milyon avro ödəyəcək.

Kivior bu mövsüm “Portu”da 38 oyuna çıxıb.

Çempionlar Liqasının yarımfinal mərhələsində keçirilən “Arsenal” – “Atletiko” oyununun (1:0) ən yaxşı futbolçusu açıqlanıb.

Futbolpress.az xəbər verir ki, bu, “topçular”ın yarımmüdafiəçisi Deklan Raysdır.

İngiltərəli futbolçu matçdakı yeganə qolun ötürməsini edib.

“Arsenal” “Atletiko”ya qalib gəlib və adını finala yazdırıb.

“Arsenal”ın baş məşqçisi Mikel Arteta Çempionlar Liqasında finala yüksəlmələrini şərh edib.

Futbolpress.az UEFA-ya istinadən xəbər verir ki, mütəxəssis yarımfinalda “Atletiko”ya qalib gəldikləri (1:0) oyundan sonra bunları deyib:

“İnanılmaz axşam idi. Birlikdə tarix yazdıq. Bu uğurda əməyi olan hər kəsə təşəkkür edirəm. Stadionda möhtəşəm atmosfer var idi. Fanatlar üçün finalın nə olduğunu yaxşı başa düşürdük. 20 il sonra yenidən bir nömrəli titulu qazanmağa yaxınıq”.

“Arsenal” finalda PSJ – “Bavariya” cütünün qalibi ilə qarşılaşacaq.

“Arsenal”ın qapıçısı David Raya Premyer Liqada mövsümün “qızıl əlcək” mükafatını qazanıb.

Futbolpress.az xəbər verir ki, o, ardıcıl üçüncü mövsüm bu mükafata layiq görülüb.

Raya cari “futbol ili”ndə 35 oyunun 17-də qapısını toxunulmaz saxlayıb.

“Arsenal” Premyer Liqada 35 turdan sonra 76 xalla liderdir.

“Brayton” baş məşqçisi Fabian Hürzeler ilə müqaviləni uzadıb.

Futbolpress.az xəbər verir ki, bu barədə insayder Fabrizio Romano məlumat yayıb. Tərəflər arasında müddəti 2029-cu ilin yayına kimi olan anlaşma imzalanıb.

“Brayton” Premyer Liqada 35 turdan sonra 50 xalla 8-ci sıradadır.

“Fənərbağça”nın futbolçusu Dorgeles Nene karyerasını Almaniyada davam etdirə bilər.

Futbolpress.az xəbər verir ki, malili cinah oyunçusu “Ştutqart”ın diqqət mərkəzindədir. Bu barədə Türkiyə mətbuatı məlumat yayıb. Xəbərdə Bundesliqa klubunun Nene üçün 22 milyon avro təklif etməyə hazırlaşdığı bildirilib.

Dorgeles bu mövsüm 47 oyunda 13 qol vurub, 11 məhsuldar ötürmə edib.

İspaniyanın “Atletik” klubunun baş məşqçisi açıqlanıb.

Futbolpress.az xəbər verir ki, bu posta Edin Terziç təyin olunub. Bu barədə klubun mətbuat xidməti məlumat yayıb. Mütəxəssis yaydan işə başlayacaq.

“Atletik”ə hazırda Ernesto Valverde rəhbərlik edir. Komanda La Liqada 34 turdan sonra 44 xalla 8-ci sıradadır.

Terziç son olaraq Dortmund “Borussiya”sında işləyib.

“Çelsi” Premyer Liqada XXXV turda “Nottingem Forest”ə uduzub – 1:3.

Futbolpress.az xarici KİV-ə istinadən xəbər verir ki, “zadəganlar”ın hücumçusu Joao Pedro matçdan sonra fikirlərini bölüşüb:

“İstəmədiyimiz nəticə oldu. Hər kəs məsuliyyəti dərk etməlidir. “Çelsi” bu nəticələrə layiq deyil. Vəziyyəti düzəltməliyik. Hamıdan üzr istəyirəm”.

“Çelsi” çempionatda 48 xalla 9-cu sıradadır.

“Atletiko”nun baş məşqçisi Dieqo Simeone Çempionlar Liqasının yarımfinal mərhələsində bu gün “Arsenal”a qarşı keçirəcəkləri oyunla bağlı fikirlərini bölüşüb.

Futbolpress.az “Marca”ya istinadən xəbər verir ki, mütəxəssis komandasının final şanslarını dəyərləndirib:

“Oyunun tələb etdiyi dərəcədə intensiv olmalıyıq. Həm komanda, həm də fərdi baxımdan yüksək səviyyədə çıxış etməliyik. Rəqibin heyətində keyfiyyətli futbolçular var, onlara rahat oynamaq imkanı verməməliyik.

İlk matçda pis təsir bağışlamadıq. İndi daha artırmalı və final üçün mübarizə aparmalıyıq. İnanıram ki, yaxşı nəticə qazanacağıq”.

“Arsenal” – “Atletiko” oyunu saat 23:00-da start götürəcək. Komandalar arasındakı ilk matçda bərabərlik qeydə alınıb.

“Çelsi” İngiltərə Premyer Liqasının XXXV turunda “Nottingem Forest”ə uduzub – 1:5.

Futbolpress.az xəbər verir ki, London klubu son altı oyunda qələbə qazana bilməyib. Bu, “zadəganlar”ın 1993-cü ildən sonra göstərdiyi ən pis nəticədir. Komanda sonuncu dəfə 33 il əvvəl bu vəziyyətlə üzləşmişdi.

“Çelsi” Premyer Liqada 35 turdan sonra 48 xalla 9-cu sıradadır.

“Real”ın zədəli futbolçusu Ferlan Mendinin son durumu açıqlanıb.

Futbolpress.az COPE-yə istinadən xəbər verir ki, sağ ayağının bud əzələsindən xəsarət alan müdafiəçi əməliyyat olunacaq. Mendi 5 ay yaşıl meydanlardan uzaq qalacaq.

Fransalı futbolçu bu mövsüm 9 oyunda meydana çıxıb.

İngiltərənin “Brentford” klubu “Zalsburq”un futbolçusu Yannik Şuster ilə maraqlanır.

Futbolpress.az xəbər verir ki, bu barədə insayder Fabrizio Romano məlumat yayıb. Premyer Liqa klubu 19 yaşlı müdafiəçi üçün 20 milyon avro təklif edib. Tərəflər arasında danışıqlar son mərhələdədir.

Şuster bu mövsüm 30 oyunda 1 qol vurub.

“İnter”in prezidenti Beppe Marotta müdafiəçi Alessandro Bastoninin adının “Barselona” ilə hallanmasına münasibət bildirib.

Futbolpress.az xəbər verir ki, funksioner İtaliya mətbuatına açıqlamasında bunları deyib:

“Barselona”nın oyunçuya marağı var, düzdür. Ancaq hələ rəsmi müraciət yoxdur. Bastoni getmək istədiyini desə, qarşısını almarıq. Amma indi bizimlə olmaqdan məmnundur”.

Bastoni bu mövsüm 38 oyunda 2 qol vurub, 6 məhsuldar ötürmə edib.

PSJ icarə əsasında “Tottenhem”də çıxış edən futbolçusu Randal Kolo Muani ilə bağlı qərarını verib.

Futbolpress.az xəbər verir ki, Paris klubunun baş məşqçisi Luis Enrike fransalı hücumçunu komandada istəmir. Bu barədə insayder Nikolo Skira məlumat yayıb. Mütəxəssis Kolo Muanini gələcək planlarına daxil etməyəcək və rəhbərliyi bu barədə məlumatlandırıb.

Randal bu mövsüm “Tottenhem”də 37 oyunda 5 qol vurub. Onun icarə müqaviləsi yayda başa çatır.

“Mançester Siti”nin futbolçusu Teyani Reynders karyerasını İspaniyada davam etdirə bilər.

Futbolpress.az xəbər verir ki, “Real” yarımmüdafiəçinin xidmətində maraqlıdır. Bu barədə “Transfer News Line” portalı məlumat yayıb. Madrid klubu yayda 27 yaşlı futbolçu üçün “şəhərlilər”lə danışıqlara başlayacaq.

Reynders bu mövsüm 45 oyunda 7 qol vurub, 8 məhsuldar ötürmə edib.

“Komo”nun baş məşqçisi Sesk Fabreqas açıqlama verib.

Futbolpress.az “Goal”a istinadən xəbər verir ki, mütəxəssis İngiltərə Premyer Liqası haqda fikirlərini bölüşüb:

“İPL dünyanın ən yaxşı liqasıdır. Həm azarkeş, həm də futbolçu olanda bunu hiss etmişəm və demişəm. Mourinyo bir dəfə “Çelsi”də oynadığım zaman mənə dedi ki, məşqçi karyerası təxminən 30 il davam edir. İndi mən “Komo”dayam və bəlkə də burada 10 il keçirdim, ancaq sonra Premyer Liqaya gedə bilərəm. Futbol gözlənilməzlərin oyunudur. Hər saniyə vəziyyət dəyişə bilər. Bu gün zirvədə olan, sabah daha aşağıya düşə bilər. Nələrin olacağını görəcəyik”.

Fabreqasın adı “Çelsi” klubu ilə hallanır.

“Komo” A Seriyasında 62 xalla beşinci sıradadır.

İspaniyanın “Vilyarreal” klubu mövsümün sonunda baş məşqçisi Marselino Toralla yollarını ayıracaq.

Futbolpress.az xəbər verir ki, bu barədə La Liqa təmsilçisinin mətbuat xidməti məlumat yayıb. Toral 2023-cü ildən “sarı dənizaltılar”a rəhbərlik edirdi.

“Vilyarreal” La Liqada sona dörd tur qalmış üçüncü sıradadır.

Müqavilə ilə “Real”a məxsus olan, icarə əsasında “Lion”da çıxış edən Endrik açıqlama verib.

Futbolpress.az xəbər verir ki, Fransa mətbuatına danışan braziliyalı hücumçu klubdakı taleyindən söz açıb:

“Burada xoşbəxtəm. Amma “Real” qayıtmağımı istəsə, qayıdaram. Düzü, “Lion”da qalmağı da arzulayıram. Özümü yaxşı hiss etməyim üçün hər şeyi edirlər”.

Endrik “Lion”da 19 oyunda 8 qol vurub, 7 məhsuldar ötürmə edib. Onun icarə müqaviləsi yayda başa çatır.

“Bavariya” yeni mövsüm üçün ev formasını təqdim edib.

Futbolpress.az xəbər verir ki, “Adidas” tərəfindən hazırlanan dəstlər ənənəvi olaraq, qırmızı rəngdədir.

“Bavariya” mayın 6-da, Çempionlar Liqasında yarımfinal mərhələsində PSJ-yə qarşı keçirəcəyi ev oyununda yeni formalardan istifadə edəcək.

Komandalar arasındakı ilk matçda Paris klubu qələbə qazanıb – 5:4.

“Mançester Yunayted” İngiltərə Premyer Liqasının XXXV turunda “Liverpul”u məğlub edib – 3:2.

Futbolpress.az xəbər verir ki, “qırmızı şeytanlar” qələbə ilə xallarını 64-ə çatdırıb və altıncı pillədəki “Bornmut”u 12 xal qabaqlayıb.

“Mançester Yunayted” liqada sona üç tur qalmış Çempionlar Liqasına vəsiqəni təmin edib.

“İnter” İtaliya A Seriyasında 2025/26 mövsümünün qalibi olub.

Futbolpress.az xəbər verir ki, komandanın moldovalı çalışdırıcısı Kristian Kivu 2010-cu ildən sonra “neradzurra” ilə liqanı qazanan ilk əcnəbi mütəxəssis olub.

Sonuncu dəfə 2010-cu ildə “İnter” portuqaliyalı Joze Mourinyonun rəhbərliyi altında A Seriyasının qızıl medallarını qazanmışdı.

“Real”ın baş məşqçisi Alvaro Arbeloa La Liqada “Espanyol”a qalib gəldikləri oyunu şərh edib.

Futbolpress.az xəbər verir ki, mütəxəssis “Marca”ya açıqlamasında 2:0 hesabıyla bitən matçla bağlı bunları deyib:

“Qol buraxmamağımız yaxşıdır. Qələbəyə görə çox sevinirəm. Bütün üstünlük bizdə idi və layiq olduğumuz xalları qazandıq.

Qarşıdan “El Klasiko” gəlir. “Barselona” kimi güclü rəqibə qarşı oynayacağıq. Azarkeşlərimiz üçün də mühüm oyundur. Matça qədər yaxşı bərpa keçib, ciddi hazırlaşmağa çalışacağıq”.

“Barselona” – “Real” oyunu mayın 10-da keçiriləcək. “Barselona” bu matçda məğlub olmazsa, La Liqada çempionluğunu rəsmiləşdirəcək.

“Liverpul” İngiltərə Premyer Liqasının XXXV turunda “Mançester Yunayted”ə uduzub – 2:3.

Futbolpress.az xəbər verir ki, Arne Slotun rəhbərlik etdiyi “qırmızılar” bu mövsüm 11-ci məğlubiyyətini yaşayıb. Bu, klubda son 11 ilin ən pis göstəricisidir.

“Liverpul” daha əvvəl 2014/15 mövsümündə 11 dəfə uduzmuşdu.

Mersisayd təmsilçisi Premyer Liqada 58 xalla 4-cü sıradadır.

“Şalke”nin futbolçusu Edin Dzeko açıqlama verib.

Futbolpress.az Almaniya mətbuatına istinadən xəbər verir ki, bosniyalı hücumçu Bundesliqaya vəsiqə qazanmalarını şərh edib:

“Hədəfimiz elita idi və buna nail olduq. Bu yolda çox çalışdıq və sonda istəyimizə çatdıq. “Bosniya ilə dünya çempionatına, “Şalke” ilə isə Bundesliqaya vəsiqə qazandım. Karyeramın son çağları yuxu kimidir”.

“Real” itki ilə üzləşib.

Futbolpress.az xəbər verir ki, “kral klubu”nun futbolçusu Ferlan Mendi zədələnib. Bu barədə klubun mətbuat xidməti məlumat yayıb.

Müdafiəçi La Liqada XXXIV turda “Espanyol”la səfər matçında (2:0) ayağından xəsarət alıb. Mendi bu mövsüm artıq 4-cü dəfə zədələnib.

Müdafiəçi cari “futbol ili”ndə 9 oyuna çıxıb.

İtaliya A Seriyasında 2025/26 mövsümünün çempionu məlum olub.

Futbolpress.az xəbər verir ki, XXXV turda “Parma”nı məğlub edən (2:0) “İnter” sona üç tur qalmış qızıl medalları təmin edib. “Neradzurra” ən yaxın izləyicisi “Napoli”ni 12 xal qabaqlayır.

“İnter” tarixində 21-ci dəfə A Seriyasının qalibi olub.

“Atletiko” İspaniya La Liqasının XXXIV turunda “Valensiya”nı məğlub edib – 2:0.

Futbolpress.az xəbər verir ki, görüş Madrid təmsilçisinin baş məşqçisi Dieqo Simeonenin karyerasındakı 1000-ci matçı olub.

Mütəxəssis bu matçların 562-də qələbə qazanıb, 212-də uduzub.

Simeone “Atletiko”da 795 görüş keçirib.

İngiltərə Çempionşipindən Premyer Liqaya yüksələn ikinci komanda məlum olub.

Futbolpress.az xəbər verir ki, birinci liqanın sonuncu turunda KPR-i məğlub edən (3:0) “İpsviç” elitaya vəsiqə qazanıb.

Komanda 83 xalla liqanı ikinci sırada bitirib.

Daha əvvəl “Koventri” elitaya vəsiqə qazanmışdı.

“Şalke” Almaniya Bundesliqasına vəsiqə qazanıb.

Futbolpress.az xəbər verir ki, II Bundesliqada XXXII turda “Fortuna”ya minimal hesabla qalib gələn Qelsenkirxen təmsilçisi ən yaxın izləyicisi “Paderborn”u 9 xal qabaqlayır və sona iki tur qalmış elitaya “bilet” əldə edib.

“Şalke” 32 turda 20 qələbə qazanıb, 7 heç-heçə edib, 5 dəfə uduzub.

Avstriya Kubokunun qalibi məlum olub.

Futbolpress.az xəbər verir ki, həlledici görüşdə LASK və “Altax” komandaları üz-üzə gəlib. Görüş LASK-ın 4:2 hesablı qələbəsiylə başa çatıb.

Sözügedən komanda tarixində ikinci dəfə ölkə kubokunun qalibi olub. LASK daha əvvəl 1965-ci ildə bu titula yiyələnmişdi.

“Çelsi”nin futbolçusu Joao Pedro karyerasını İspaniyada davam etdirə bilər.

Futbolpress.az xəbər verir ki, “Barselona” braziliyalı hücumçunun xidmətində maraqlıdır. Bu barədə “Marca” nəşri məlumat yayıb.

Kataloniya klubu Pedronu müqaviləsi yayda bitəcək Robert Levandovskiyə əvəzləyici kimi görür.

24 yaşlı hücumçu bu mövsüm 32 oyunda 14 qol vurub.

“Real” Fransanın “Lion” klubunda icarədə olan Endriklə bağlı qərarını verib.

Futbolpress.az xəbər verir ki, Madrid təmsilçisi braziliyalı hücumçunun transfer hüquqlarını satmayacaq. Bu barədə insayder Fabrizio Romano məlumat yayıb.

“Real” Endrikin yeni mövsümdə komandanın əsas oyunçularından biri olacağına inanır.

Braziliyalı futbolçu “Lion”da 21 oyunda 7 qol vurub, 7 məhsuldar ötürmə edib.

“Real” itki ilə üzləşib.

Futbolpress.az xəbər verir ki, komandanın müdafiəçisi Dani Karvahal zədələnib. Bu barədə klubun mətbuat xidməti məlumat yayıb. İspaniyalı cinah oyunçusu iki həftə yaşıl meydanlardan uzaq qalacaq.

Karvahal bu mövsüm La Liqada 14 oyuna çıxıb.

Portuqaliyalı hücumçu Qonçalo Ramoş mövsümün sonunda PSJ-dən ayrıla bilər.

Futbolpress.az xəbər verir ki, bu barədə insayder Fabrizio Romano məlumat yayıb. Forvard oyun praktikasının azlığından narazıdır və klubunu dəyişmək niyyətindədir.

Ramoşla İngiltərə və İtaliya klubları yaxından maraqlanır.

Forvard bu mövsüm 41 oyunda 12 qol vurub.

“Marsel”in futbolçusu Meyson Qrivund karyerasını İtaliyada davam etdirə bilər.

Futbolpress.az xəbər verir ki, “Yuventus” ingiltərəli hücumçunun xidmətində maraqlıdır. Bu barədə İtaliya mətbuatı məlumat yayıb. Turin klubu yayda futbolçunun transferi üçün danışıqlara başlayacaq.

Qrinvud bu mövsüm 42 oyunda 25 qol vurub, 10 məhsuldar ötürmə edib.

“Real”ın baş məşqçisi Alvaro Arbeloa açıqlama verib.

Futbolpress.az “sport.es” saytına istinadən xəbər verir ki, mütəxəssis Joze Mourinyonun onu əvəzləyəcəyi haqqında çıxan məlumatlara münasibət bildirib:

“Bütün diqqətim növbəti oyundadır. Mühüm olan “Real”dır. Sualların yaranması normaldır, başa düşürəm. Ancaq indi öz karyeram haqda nəsə deyə bilmərəm. Hər oyun mənim üçün önəmlidir”.

İspaniya mətbuatı Arbeloa ilə yolların ayrılacağını və bu posta Mourinyonun gətiriləcəyini iddia edib.

“Real” La Liqada 74 xalla ikinci sıradadır və lider “Barselona”dan 9 xal geri qalır.

“Tottenhem”in baş məşqçisi Roberto de Zerbi açıqlama verib.

Futbolpress.az xəbər verir ki, yerli mətbuata danışan mütəxəssis komandada neqativ fikirlərin olduğunu deyib:

“Əsas mübarizəmiz özümüzlədir. İçimizdəki səsi susdurmalıyıq. Oynamalı, döyüşməliyik. Hamımız ağlayırıq, sanki liqanı tərk etmişik. Mübarizə davam edir, hələ heç nə bitməyib. İlk növbədə komandadakı neqativ fikirləri atmalıyıq. Çətin günlərdən keçirik. Məğlub olanlar ağlamalıdır, biz yox. Çünki hələ liqadan düşməmişik”.

“Tottenhem” 34 xalla sona 4 tur qalmış 18-ci sıradadır.

“Real”da aprel ayının ən yaxşı futbolçusu açıqlanıb.

Futbolpress.az xəbər verir ki, bu, türkiyəli yarımmüdafiəçi Arda Gülerdir. O, səsvermədə Vinisius Junior, Federiko Valverde, Antonio Rüdiger və Cud Bellingemi qabaqlayıb.

Arda ötən ay 5 oyunda 2 qol vurub, 1 məhsuldar ötürmə edib.

“Arsenal”ın baş məşqçisi Mikel Arteta açıqlama verib.

Futbolpress.az xarici KİV-ə istinadən xəbər verir ki, mütəxəssis Premyer Liqada çempionluq yarışından danışıb:

“Qarşıda dörd oyun var və şanslarımız davam edir. Çempionluq üçün istənilən çətin vəziyyətin öhdəsindən gəlməyi bacarmalısan. Mübarizəmizi davam etdiririk. Mövsümü titulla başa vurmaq istəyirik”.

“Arsenal” 34 turdan sonra 73 xalla birinci sıradadı. Ehtiyatda bir oyunu olan “Mançester Siti” isə 70 xalla ikincidir.

Müqavilə ilə “Mançester Yunayted”ə məxsus olan, icarə əsasında “Barselona”da çıxış edən Markus Reşforda daha bir “elçi” çıxıb.

Futbolpress.az xəbər verir ki, “Aston Villa”dan sonra “Tottenhem” də oyunçunu heyətinə qatmaq istəyir. Bu barədə İngiltərə mətbuatı məlumat yayıb. London klubu Premyer Liqada qalacağı halda, transferdə əsas hədəfi Reşford olacaq.

İngiltərəli futbolçu bu mövsüm 45 oyunda 13 qol vurub, 10 məhsuldar ötürmə edib.

“Tottenhem” Premyer Liqada 34 turdan sonra 34 xalla 14-cü sıradadır.

PSJ-nin sabiq baş məşqçisi Maurisio Poçettino açıqlama verib.

Futbolpress.az xarici KİV-ə istinadən xəbər verir ki, mütəxəssis Paris klubunda çalışdığı dövrdə Lionel Messi ilə probleminin olmadığını bildirib:

“PSJ kimi klubda verdiyiniz hər qərar müzakirə olunur. Yadımdadır, bir dəfə Messini oyunun gedişində əvəzləmişdim. Çünki həkimlər onun dizində problem olduğunu və çox oynamağın risk yaradacağını demişdi. Lakin matçdan sonra dedilər ki, “Qvardiola olsa, Messini əvəzləməzdi”. Ancaq situasiyanı tam başa düşmürdülər. Messi ilə heç vaxt problemim olmayıb”.

Messi 2021-2023-cü illərdə PSJ-də çıxış edib.

PSJ-nin qapıçısı Matvey Safonov Liqa 1-də “Loryan”la matçı buraxa bilər.

Futbolpress.az xəbər verir ki, bu barədə “RMC Sport” nəşri məlumat yayıb. Rusiyalı qapıçının yüngül zədəsi var və oyunda iştirakı sual altındadır.

PSJ-də ehtiyat qolkiper Luka Şevalyenin də zədəsi var. Paris klubu hər iki qolkiperinin yoxluğunda 19 yaşlı Renato Marinə şans verməyi düşünür. Marin bu mövsüm cəmi bir oyunda meydana çıxıb.

Bu gün keçiriləcək PSJ – “Loryan” oyununa saat 19:00-da start veriləcək.

İtaliya A Seriyasına vəsiqə qazanan birinci komanda məlum olub.

Futbolpress.az xəbər verir ki, B Seriyasında XXXVII turda “Spetsiya” ilə heç-heçə (2:2) edən “Venetsiya” elitaya vəsiqəni təmin edib.

Komanda çempionatda sona bir tur qalmış 79 xalla liderdir.

“Barselona”nın futbolçusu Robert Levandovski karyerasını İtaliyada davam etdirməyə yaxındır.

Futbolpress.az xəbər verir ki, bu barədə “Tuttosport” nəşri məlumat yayıb. 37 yaşlı hücumçunun “Yuventus”la razılığa gəldiyi bildirilib. Keçidin mövsümün sonunda rəsmiləşəcəyi qeyd olunub.

Levandovskinin “Barselona” ilə müqaviləsi yayda başa çatır. O, bu mövsüm La Liqada 26 oyunda 12 qol vurub.

İtaliya A Seriyasını tərk edən iki komanda məlum olub.

Futbolpress.az xəbər verir ki, XXXV turda “Leççe”nin “Piza”nı məğlub etməsiylə (2:1) “Piza” və “Verona”nın liqada qalmaq şansları bitib.

“Piza” 18 xalla turnir cədvəlində 20-ci sıradadır. “Verona isə 19 xalla 19-cudur. 17-ci pillədə yer alan “Leççe”nin aktivində 32 xal var.

İtaliya A Seriyasında aprel ayının ən yaxşı baş məşqçisi açıqlanıb.

Futbolpress.az xəbər verir ki, bu, “Yuventus”un çalışdırıcısı Luçano Spalettidir.

Mütəxəssisin rəhbərlik etdiyi “qoca sinyora” ötən ay “Cenoa”nı (2:0), “Atalanta”nı (1:0), “Bolonya”nı (2:0) məğlub edib, “Milan”la heç-heçə (0:0) edib.

“Yuventus” çempionatda 64 xalla 4-cü sıradadır.

İngiltərə Premyer Liqasında XXXV tura yekun vurulub.

Futbolpress.az xəbər verir ki, ilk gündə bir qarşılaşma keçirilib. “Lids” azarkeşləri önündə autsayder “Bernli”yə qalib gəlib.

“Çelsi” bu turda “Nottingem Forest”ə uduzub.

Çempionluq yarışında olan “Mançester Siti” “Everton” səfərində xal itirib.

İngiltərə Premyer Liqası
XXXV tur

1 may

Lids – Bernli 3:1
Qollar: A.Stax, 8, N.Okafor, 52, D.Kalvert-Lyuin, 56 – L.Tçauna, 71

2 may

Brentford – Vest Hem 3:0
Qollar: Mavropanos, 15-öz qapısına. İ.Tyaqo, 54-pen. Damsqor, 82.

Nyukasl – Brayton 3:1
Qollar: Osula, 12. Börn, 24. Barnes, 90+5 – Hinşelvud, 61.

Vulverhempton – Sanderlend 1:1
Qollar: Bueno, 54 – Mukiele, 17.

Arsenal – Fulhem 3:0
Qollar: Qyökereş, 9; 45+4. Saka, 40.

3 may

Bornmut – Kristal Pelas 3:0
Qollar: Lerma, 10-öz qapısına. Kroupi, 32-pen. Rayan, 77.

Mançester Yunayted – Liverpul 3:2
Qollar: Kunya, 6. Şeşko, 14. Mayno, 77 – Soboslai, 47. Qakpo, 56.

Aston Villa – Tottenhem 1:2
Qollar: Buendiya, 90+6 – Qallaxer, 12. Riçarlison, 25.

4 may

Çelsi – Nottingem Forest 1:3
Qollar: J.Pedro, 90+3 – T.Avoniyi, 2, 52, İ.Jezus, 15-pen

Everton – Mançester Siti 3:3
Qollar: T.Barri, 68, 81, C.Obrayn, 73 – J.Doku, 43, 90+7, E.Haaland, 83

İspaniya La Liqasında XXXIV turun oyunları baş tutub.

Futbolpress.az xəbər verir ki, ilk gündə bir qarşılaşma keçirilib. Liqada qalmaq uğrunda mübarizə aparan “Malyorka” səfərdə “Jirona”ya qalib gəlib.

“Barselona” səfərdə “Osasuna”nı məğlub edib, “Atletiko” isə “Valensiya”dan üstün olub.

“Real” bu turda “Espanyol”la oyundan qalib ayrılıb.

İspaniya La Liqası
XXXIV tur

1 may

Jirona – Malyorka 0:1
Qol: S.Kosta, 43

2 may

Vilyarreal – Levante 5:1
Qollar: Mikautadze, 38; 68. Moleyro, 62. Buçanan, 87. Pepe, 90 – Espi, 51.

Valensiya – Atletiko 0:2
Qollar: Luke, 74. Kubo, 82.

Alaves – Atletik 2:4
Qollar: Blanko, 8. Tenalya, 68 – Navarro, 46. Sanset, 74. N.Uilyams, 83; 87.

Osasuna – Barselona 1:2
Qollar: R.Qarsiya, 88 – Levandovski, 81. F.Torres, 86.

3 may

Selta – Elçe 3:1
Qollar: Alvares, 14. Aspas, 30. B.İqlesias, 85 – A.Silva, 82-pen.

Xetafe – Rayo Valyekano 0:2
Qollar: Kamello, 38. Nteka, 73.

Betis – Real Ovyedo 3:0
Qollar: K.Ernandes, 22; 58. Ezzalzuli, 45.

Espanyol – Real 0:2
Qollar: Vinisius, 55; 66.

İtaliya A Seriyasında XXXV tura yekun vurulub.

Futbolpress.az xəbər verir ki, ilk gündə bir qarşılaşma keçirilib. “Leççe” səfərdə “Piza”ya qalib gəlib.

“Milan” bu turda “Sassuolo”ya uduzub. “İnter” “Parma”ya qalib gələrək çempionluğunu rəsmiləşdirib.

Turun son matçında “Roma” “Fiorentina”nı darmadağın edib.

İtaliya A Seriyası
XXXV tur

1 may

Piza – Leççe 1:2
Qollar: M.Leris, 56 – L.Banda, 52, V.Çeddira, 65

Xorvatiyalı yarımmüdafiəçi Luka Modriç “Milan”da qalacaq.

Futbolpress.az xəbər verir ki, bu barədə İtaliya mətbuatı məlumat yayıb. 40 yaşlı futbolçunun müqaviləsində olan bir illik artırma bəndi qüvvəyə minəcək. O, 2027-ci ilin yayına qədər “qırmızı-qaralar”ın formasını geyinəcək.

Modriç bu mövsüm A Seriyasında 33 oyunda 2 qol vurub, 4 məhsuldar ötürmə edib.

“Barselona” baş məşqçisi Hansi Fliklə müqaviləni uzatmağa hazırlaşır.

Futbolpress.az xəbər verir ki, bu barədə insayder Fabrizio Romano məlumat yayıb. Tərəflər arasında razılıq əldə olunub. Fliklə müqavilənin müddəti 2028-ci ilin yayına kimi olacaq.

“Barselona” İspaniya La Liqasında 33 turdan sonra 85 xalla liderdir və ən yaxın izləyicisi “Real”ı 9 xal qabaqlayır.

“Benfika”nın futbolçusu Riçard Rios komandanın baş məşqçisi Joze Mourinyo ilə bağlı açıqlama verib.

Futbolpress.az xəbər verir ki, yarımmüdafiəçi mütəxəssisin adının “Real”la hallanmasına münasibət bildirib:

“Mourinyonun güclü xarakteri var. O, komandaya əla motivasiya verir və hər kəsə özünü dəyərli hiss etdirir. Uzun illərdir bu sahədədir və çoxlu titullar qazanıb. Mourinyonun “Real”a keçməsini istəmirəm. Ümumiyyətlə, bu barədə konkret informasiya eşitməmişəm. Onunla keçirdiyimiz hər gün bizim üçün bir fürsətdir”.

Fransa Liqa 1-də mövsümün ən yaxşı futbolçusu adına namizədlər açıqlanıb.

Futbolpress.az xəbər verir ki, bu barədə yarışın mətbuat xidməti məlumat yayıb.

Mükafat uğrunda PSJ-dən Nunu Mendeş, Vitinya, Osman Dembele, “Marsel”dən Meyson Qrinvud, “Lans”dan Floryan Toven yarışacaq.

“Liverpul”un futbolçusu Məhəmməd Salah karyerasını Türkiyədə davam etdirə bilər.

Futbolpress.az xəbər verir ki, “Fənərbağça” misirli hücumçunun xidmətində maraqlıdır. Bu barədə AS nəşri məlumat yayıb. Klub nümayəndələrinin Salahın meneceri ilə görüş keçirdiyi bildirilir. 33 yaşlı hücumçunun illik maaş tələbi 20 milyon avrodur.

Salah daha əvvəl mövsümün sonunda “Liverpul”dan ayrılacağını açıqlayıb.

Müqavilə ilə “Mançester Yunayted”ə məxsus olan, icarə əsasında “Barselona”da çıxış edən Markus Reşforda yeni “elçi” çıxıb.

Futbolpress.az xəbər verir ki, “Aston Villa” klubu hücumçunun xidmətində maraqlıdır. Bu barədə “Sky Sports” məlumat yayıb. Premyer Liqa klubu Reşford üçün danışıqlara başlayacaq.

İngiltərəli futbolçu bu mövsüm 45 oyunda 13 qol vurub, 10 məhsuldar ötürmə edib.

“Goal” nəşri “Qızıl top”un favoritini açıqlayıb.

Futbolpress.az xəbər verir ki, mükafatı qazanmağa əsas namizəd “Bavariya”dan Harri Keyndir.

İkinci sırada onun komanda yoldaşı Maykl Olis yer alıb. “Üçlüy”ü “Barselona”dan Lamin Yamal tamamlayır.

“Qızıl top”un qalibi ilin sentyabrda açıqlanacaq.

“Lion”un futbolçusu Endrik maraqlı açıqlama ilə gündəmə gəlib.

Futbolpress.az xarici KİV-ə istinadən xəbər verir ki, braziliyalı oyunçu oğlunun futbolçu olmaq istəmədiyini deyib:

“Ümid edirəm ki, oğlum futbolçu olmayacaq. Onun adi insan kimi görünməsini istəyirəm”.

Endrik müqavilə ilə “Real”a məxsusdur. O, icarə əsasında “Lion”da çıxış edir.

UEFA Çempionlar Liqasında yarımfinal mərhələsinin ilk oyunlarından sonra həftənin futbolçusu açıqlanıb.

Futbolpress.az xəbər verir ki, bu, PSJ-nin hücumçusu Osman Dembeledir.

Fransalı futbolçu “Bavariya”ya qarşı keçirdikləri matçda (5:4) iki qol vurub.

“Bavariya” qapıçısı Manuel Noyerə yeni müqavilə təklif edib.

Futbolpress.az xəbər verir ki, bu barədə “Sky Sports” nəşri məlumat yayıb. Münhen klubu 40 yaşlı qolkiperlə müddəti 2027-ci ilin yayına kimi olan müqavilə imzalamaq niyyətindədir.

Noyer özü də “Bavariya”da qalmağa razıdır. Tərəflər arasında danışıqlar son mərhələdədir.

Manuel Noyer 2011-ci ildən Münhen klubunda çıxış edir.

“Mançester Yunayted” futbolçusu Kobbi Maino ilə müqaviləni uzadıb.

Futbolpress.az xəbər verir ki, “qırmızı şeytanlar” gənc oyunçu ilə müddəti 2031-ci ilin yayına kimi olan anlaşma imzalayıb.

Futbolçu bu mövsüm Premyer Liqada 24 oyunda 2 məhsuldar ötürmə edib.

PSJ ciddi itkilərlə üzləşib.

Futbolpress.az xəbər verir ki, Paris təmsilçisinin qapıçısı Luka Şevalye və müdafiəçi Əşrəf Hakimi sıradan çıxıb. Bu barədə klubun mətbuat xidməti məlumat yayıb. Onlar bir neçə həftə yaşıl meydanlardan uzaq qalacaq.

Hakimi və Şevalye PSJ-nin Çempionlar Liqasında “Bavariya”ya qarşı keçirəcəyi cavab oyununu buraxacaq.

Görüş mayın 6-da olacaq. Komandalar arasındakı ilk matçda PSJ qələbə qazanıb – 5:4.

“Mançester Yunayted”in və İngiltərə millisinin sabiq futbolçusu Eşli Yanq karyerasını bitirməyə qərar verib.

Futbolpress.az xəbər verir ki, bu barədə cinah oyunçusu sosial şəbəkə hesabında paylaşım edib. “İpsviç”də çıxış edən 40 yaşlı futbolçu mayın 2-də son matçına çıxacağını bildirib.

Yanq karyerası ərzində “İnter”, “Mançester Yunayted”, “Everton”, “Aston Villa” kimi klublarda forma geyinib.

İngiltərə Premyer Liqasını tərk edəcəyi dəqiqləşəndən sonra  “Bernli” baş məşqçisi Skott Parkerlə yollarını ayırıb.

Futbolpress.az xəbər verir ki, bu barədə klubun mətbuat xidməti məlumat yayıb. Mütəxəssislə müqaviləyə qarşılıqlı razılaşma əsasında xitam verilib.

“Berli” çempionatda 19-cu sıradadır.

“Milan” futbolçusu Kristofer Nkunkunu satmaq istəyir.

Futbolpress.az xəbər verir ki, bu barədə İtaliya mətbuatı məlumat yayıb. “Qırmızı-qaralar” fransalı yarımmüdafiəçi üçün gələcək təklifləri dəyərləndirəcək.

Nkunku baş məşqçi Massimiliano Alleqrinin planlarında yer almır.

Yarımmüdafiəçi bu mövsüm 31 oyunda 6 qol vurub.

Fransanın “Tuluza” klubunda baş məşqçi Karles Martinslə yollar ayrılacaq.

Futbolpress.az xəbər verir ki, mütəxəssisin yayda başa çatacaq müqaviləsi uzadılmayacaq. Bu barədə klubun mətbuat xidməti məlumat yayıb.

Karles 2023-cü ildən “Tuluza”ya rəhbərlik edirdi. Onun komandası Fransa Liqa 1-də 31 turdan sonra 38 xalla 10-cu sıradadır.