Azərbaycan millisinin hücumçusu Mahir Emrelinin formasını geyindiyi “Kayzerslautern” II Bundesliqada bu gün növbəti oyuna çıxacaq.

Futbolpress.az xəbər verir ki, sözügedən komanda səfərdə “Bohum”la qarşılaşacaq. Matç saat 23:30-da start götürəcək.

Ötən ilin noyabrında zədələnən Mahir artıq sıralara dönüb. O, ötən turda meydana çıxıb. Mahirin bu gün də iştirak ərizəsində olacağı gözlənilir.

“Kayzerslautern” çempionatda 24 turdan sonra 37 xalla 6-cı sıradadır.