Azərbaycan Kubokunda final oyununun biletləri satışa çıxarılıb.

Futbolpress.az xəbər verir ki, 13 may tarixində saat 20:00-da başlayacaq “Sabah” – “Zirə” qarşılaşmasının biletlərini bu gündən etibarən “iticket.az” saytından əldə etmək mümkündür.

“Palms Sports Arena”da baş tutacaq matçın biletlərinin qiymətləri yerlərdən asılı olaraq 5, 10, 15, 20, 30 və 50 (“VIP Gold”) manatdır.

Bilet almaq üçün keçid.

“Qarabağ” Kiprin “Pafos” klubunun qapıçısı Cey Korter ilə maraqlanır.

Futbolpress.az xəbər verir ki, bu barədə Niderland mətbuatı məlumat yayıb.

Qolkiper “Pafos”dan ayrılmaq niyyətindədir. O, “Qarabağ”ın marağına baxmayaraq, Azərbaycanda oynamağa müsbət yanaşmır.

Korter Niderlanda qayıtmaq niyyətindədir. Onunla sabiq klubu “Qo İhed İqlz” da maraqlanır. Qapıçının seçimi məhz Erediviziya təmsilçisindən yanadır.

Korter “Ayaks”ın yetirməsidir. O, karyerası ərzində ölkəsində “Alkmaar”, “Qo İhed İqlz”,  Şotlandiyada “Aberdin” kimi klublarda çıxış edib. Qapıçının “Pafos”la müqaviləsi 2028-ci ilin yayına kimidir.

Futbol üzrə Azərbaycan II Liqasında XXV tura start verilib.

Futbolpress.az xəbər verir ki, ilk gündə iki matç keçirilib.

II Liqa, XXV tur

4 may

“Kür-Araz” – “Şəki Siti” 5:1

Qollar: E.Məmmədov, 6, B.Əliyev, 19, 34, 78, Ə.İbrahimli, 83 – N.Fərəci, 36 (pen)

“Ağdaş” – “Araz Saatlı” 0:2

Qollar: E.Xəlilli, 13, 86

“Qarabağ”ın müdafiəçisi Kevin Medina komandanın heyətində 200-cü oyununa çıxıb.

Futbolpress.az xəbər verir ki, onun yubileyi Misli Premyer Liqasının XXIX turunun “Neftçi” ilə görüşünə (5:1) təsadüf edib.

Medina XXX turun “Turan Tovuz”la matçı öncəsi “200” yazılı formayla təltif olunub.

Kolumbiyalı müdafiəçi 200 qarşılaşmada 6 qola imza atıb. Kevin çempionatda 117i (3 qol), avrokuboklarda 69 (3 qol), ölkə kubokunda 14 oyunda şans qazanıb.

UEFA-nın “Hat-Trick” proqramı çərçivəsində Azərbaycan Futbol Federasiyaları Assosiasiyası (AFFA) və Bakı Dövlət Universitetinin (BDU) Tələbə Həmkarlar İttifaqı Komitəsinin birgə təşkilatçılığı ilə Ümummilli Lider Heydər Əliyevin anadan olmasının 103-cü ildönümünə həsr olunmuş futbol turnirinə yekun vurulub.

Futbolpress.az xəbər verir ki, BDU-nun müxtəlif fakültələrini təmsil edən tələbə komandaları arasında keçirilən turnir universitetdaxili idman həyatının canlandırılması, tələbələr arasında sağlam həyat tərzinin təşviqi baxımından mühüm əhəmiyyət daşıyıb. Yarışın həlledici oyunları Bakı Dövlət Universitetinin futbol meydançasında baş tutub.

Üçüncü yer uğrunda görüşdə Beynəlxalq Münasibətlər və İqtisadiyyat fakültəsinin komandası Tətbiqi Riyaziyyat və Kibernetika fakültəsinin komandasını 5:1 hesabı ilə məğlub edərək bürünc mükafatçı olub. Final qarşılaşmasında isə Tarix fakültəsinin komandası Hüquq fakültəsinin komandasını 1:0 hesabı ilə üstələyərək turnirin qalibi adına yiyələnib.
Yekunda çempion komanda AFFA tərəfindən kubokla təltif olunub, ilk üç yeri tutan kollektivlər isə müvafiq medallar və diplomlarla mükafatlandırılıblar. Bununla yanaşı, yarış çərçivəsində fərdi göstəriciləri ilə seçilən iştirakçılar müxtəlif nominasiyalar üzrə xüsusi mükafatlara layiq görülüb.

Mükafatlandırma mərasimində AFFA-nın Kütləvi Futbol Departamentinin rəhbəri Fərrux İsmayılov və Bakı Dövlət Universitetinin Sosial məsələlər, tələbələrlə iş və ictimaiyyətlə əlaqələr üzrə prorektoru Əliş Ağamirzəyev iştirak ediblər. Onlar qalib və mükafatçı komandaları təbrik edib, onlara kubok və mükafatlar veriblər.
Qeyd edək ki, AFFA və BDU gələcəkdə də bu istiqamətdə birgə layihələrin həyata keçirilməsini planlaşdırır.

“Qarabağ” Misli Premyer Liqasının XXX turunda “Turan Tovuz”u qəbul edir.

Futbolpress.az xəbər verir ki, görüşün 9-cu dəqiqəsində meydan sahiblərinin hücumçusu Musa Qurbanlı zədələnib. O, Abdullah Zubirlə əvəzlənib.

İlk hissəsi davam edən matçda hesab açılmayıb.

Apellyasiya Arbitraj Tribunalının qərarları açıqlanıb.

Futbolpress.az xəbər verir ki, bu barədə AFFA-nın mətbuat xidməti məlumat yayıb. Toplantıda “Neftçi”nin şikayəti təmin edilməyib:

“Neftçi” Peşəkar Futbol Klubunun (Misli Premyer Liqası) “Neftçi” – “Turan Tovuz” oyunu ilə bağlı AFFA İntizam Məcəlləsinin 52.6-cı maddəsinə əsasən verilən qərardan şikayətə baxılmasına dair:

9 mart 2026-cı il tarixində Misli Premyer Liqasının XXIII turunun “Neftçi” – “Turan Tovuz” oyununda “Neftçi” komandasının azarkeşləri tərəfindən təhqiredici pankart açıldığına görə “Neftçi” komandasının 15 000 manat cərimə edilməsi barədə AFFA İntizam Komitəsinin 11 mart 2026-cı il tarixli qərarından verilmiş şikayətə, əlavə sübutların toplanılması və tədqiq edilməsi zərurəti nəzərə alınaraq, baxılması təxirə salınsın”.

I Liqada XXV turun təyinatları məlum olub.

Futbolpress.az xəbər verir ki, bütün görüşlər saat 16:00-da start götürəcək.

5 may (çərşənbə axşamı)

“Şahdağ Qusar” – “Mingəçevir”
Hakimlər: Vüqar Həsənli, Asif Abdullayev, Safalı Ağayev, Niyaz Əhmədov
Hakim-inspektor: Anar Salmanov
AFFA nümayəndəsi: Azər Əsgərov
Şamaxı OİK stadionu

6 may (çərşənbə)

“Şimal” – MOİK
Hakimlər: Mahmud Bağırzadə, Zakir Şükürzadə, Məmmədəli Kərimov, Səbuhi Bayramov
Hakim-inspektor: Feyzulla Feyzullayev
AFFA nümayəndəsi: Eldəniz Musayev
Şamaxı OİK stadionu

“Difai” – “Şəfa”
Hakimlər: İslam Məmmədov, Rəşad Quliyev, Elman Kərimov, Rövşən Rəcəbov
Hakim-inspektor: Munis Abdullayev
AFFA nümayəndəsi: Erkin Hüseynov
Buzovna qəsəbə stadionu

“Zaqatala” – “Səbail”
Hakimlər: Kamran Əliyev, Mirnihad Seyidov, Anar Bədəlov, Namiq Bəkirov
Hakim-inspektor: Rövşən Əhmədov
AFFA nümayəndəsi: Elçin Mehtiyev
Zaqatala OİK stadionu

7 may (cümə axşamı)

“Cəbrayıl” – “Baku Sportinq”
Hakimlər: Ruslan Quliyev, Səbuhi Əmrahov, Səbuhi Soltanov, Elçin Abdullayev
Hakim-inspektor: Babək Quliyev
AFFA nümayəndəsi: Rüfət Əmirov
Şamaxı OİK stadionu

Çimərlik futbolu üzrə Azərbaycan milli komandası mayın 4-dən 20-dək Su İdmanı Sarayında təlim-məşq toplanışı keçirəcək.

Futbolpress.az xəbər verir ki, millimiz hazırlıq dönəmində mayın 7-də və 9-da Qazaxıstan yığması ilə iki yoldaşlıq oyunu oynayacaq. Hər iki görüşün saat 18:00-da başlaması nəzərdə tutulur.

Millimizə dəvət edilən oyunçuların adlarını diqqətinizə çatdırırıq:

Qapıçılar: Elçin Qasımov, Emil Omarov;
Oyunçular: Elşad Manafov, Kamil Hüseynov, Orxan Məmmədov, İsa Zeynallı, Sabir Allahquliyev, Ramil Əliyev, Kamran Qürbətov, Bayram Bayramlı, İsa İsayev.

“Qaradağ Lökbatan” II Liqada 64 xalla ikinci sıradadır. Komanda lider “Xankəndi”dən üç xal geri qalır.

Lökbatan təmsilçisi sonuncu turda məhz əsas rəqibinə uduzaraq çempionluq yolunda vacib xal itirib. Komandanın baş məşqçisi Qəzənfər Abbasov “Futbolpress.az”a açıqlamasında bunları deyib:

“Xankəndi” ilə oyun ağır keçdi. Düzdür, minimal hesabla uduzduq, lakin ümumi götürəndə pis təsir bağışlamadıq. Geridə olanda ruhdan düşmədik, mübarizə apardıq. Oyunun sonlarında hesabı bərabərləşdirə bilərdik, amma vaxt çatmadı. Futbolçularımı əzmkar mübarizəyə görə təbrik edirəm. Çempionluğun taleyi öz əlimizdə idi, amma dəyərləndirə bilmədik”.

II Liqada ikinci yeri tutan komanda I Liqaya vəsiqə uğrunda çempionatın 9-cusu ilə pley-off oynayacaq. I Liqada həmin mövqe uğrunda autsayderlər – “Difai” və “Şimal” mübarizə aparır. Abbasov pley-offda rəqibin kimliyinin önəm daşımadığını bildirdi:

“İki komandanın da gücü demək olar, eynidir. I Liqaya qalxmaq istəyiriksə, istənilən rəqibə qalib gəlmək məcburiyyətindəyik. Həm “Difai”, həm “Şimal” ağır komandalardır”.

Mütəxəssisin klubdakı müqaviləsi yayda başa çatır. O, özü haqqında qərarı rəhbərliyin verəcəyini əlavə etdi:

“Müqaviləm mayın sonunda başa çatır. Komandanın vəziyyətindən asılı olmayaraq, yekun qərarı rəhbərlik verəcək. İndi bu məsələ barədə nəsə deyə bilmərəm”.

Şahin Cəfərov

“Sumqayıt” Misli Premyer Liqasının XXX turunda səfərdə “Kəpəz”ə uduzub – 1:2.

“Kimyaçılar”ın müdafiəçisi Danilo Beskorovoynı “Futbolpress.az“a açıqlamasında matçla bağlı fikirlərini bölüşdü:

“Süni örtüklü meydançada oynayırdıq və bu, performansımıza təsir etdi. Belə arenalarda zədə riski yüksəkdir. Amma ümumi baxanda pis oynamadıq, məğlubiyyətə layiq deyildik. Hakimin anlaşılmaz qərarları bizi xalsız qoydu”.

“Kəpəz” oyunun sonlarında ardıcıl qazandığı penaltilərlə geridönüş edib. İkinci “11 metrə” məhz Danilonun əlinə dəydiyi iddia edilən topa görə təyin edilib. Müdafiəçi epizodu belə şərh etdi:

“Top əlimə dəyməmişdi. Başa düşə bilmirəm ki, belə qərarlar necə asanlıqla verilir? Oynayırıq, əziyyət çəkirik, amma hakimlərin yanlışlıqlarına görə xallarımız alınır. Tək bu deyil, bundan öncə də bir neçə dəfə əleyhimizə qərarlar verilib. Bu, Azərbaycan çempionatına yaraşan hakimlik deyil. VAR qərarların daha düzgün qəbul edilməsi üçün köməkçi sistemdir, amma burda fərqli işləyir”.

Danilo icarə əsasında “Sumqayıt”da çıxış edir. O, yayda müqavilə ilə məxsus olduğu “Krivbass”a qayıdacağını dedi:

“Anlaşmamız bitir və Ukraynaya dönəcəyəm. Bundan sonra klubun rəhbərliyi ilə danışacağıq və gələcəyimlə bağlı qərarımı verəcəyəm”.

Şahin Cəfərov

“Sabah”ın U-16 komandası vaxtından öncə çempionluğunu təmin edib.

Futbolpress.az xəbər verir ki, Asif Mirilinin baş məşqçisi olduğu komanda “Neftçi”ni 2:0 hesabıyla məğlub edib. Matçda qollara Ruslan Əbilov və Ayxan İbadov imza atıblar.

Bu qələbə ilə “bayquşlar” mövsümün başa çatmasına 2 tur qalmış çempionluğunu təmin edib.

Azərbaycan millisinin futbolçusu Nəriman Axundzadənin formasını geyindiyi “Kolumbus Kryu” MLS-də növbəti oyuna çıxıb.

Futbolpress.az xəbər verir ki, sözügedən komanda “Minnesota” ilə qarşılaşıb. 5 qolun vurulduğu matç “Kolumbus Kryu”nun məğlubiyyəti ilə başa çatıb – 2:3.

Nəriman oyuna 81-ci dəqiqədə daxil olub.

“Kolumbus Kryu” 11 turdan sonra 12 xalla 9-cu sıradadır.

Heydər Əliyev Fondunun vitse-prezidenti, IDEA İctimai Birliyinin təsisçisi və rəhbəri Leyla Əliyevanın təşəbbüsü ilə uşaq evlərində tərbiyə alan 10-11 yaşlı oğlan və qızlardan ibarət komandalar arasında növbəti “Dostluq Kuboku” minifutbol turniri təşkil olunub.

Futbolpress.az xəbər verir ki, turnirin təşkilində əsas məqsəd sosial xidmət müəssisələrində böyüyən uşaqlar arasında sağlam həyat tərzini və fiziki fəallığı təşviq etməklə yanaşı, onların cəmiyyətə inteqrasiyasına dəstək olmaq, eləcə də yeni dostluqların qurulmasına şərait yaratmaqdır.

Azərbaycan Futbol Federasiyaları Assosiasiyasının təşkilatçılığı ilə keçirilən yarışda Sosial Xidmətlər Agentliyinin nəzdində fəaliyyət göstərən Bakı, Gəncə, Lənkəran və Şəki şəhərlərində yerləşən uşaq evlərinin komandaları iştirak ediblər.

Yarışda komandalar “Zəfər”, “Şahinlər”, “Birlik”, “Kəpəz”, “Xan” və “Qala” adları altında güclərini sınayıblar. Qızlar və oğlanlar arasında yüksək idman əzmi və dostluq münasibəti müşahidə olunub.

Tədbirdə iştirak edən Leyla Əliyeva oyunları izləyib, komandaları dəstəkləyib, uşaqlarla səmimi söhbət edib və onlarla xatirə şəkilləri çəkdirib. Leyla Əliyeva iştirakçılara uğurlar arzulayaraq, bu cür təşəbbüslərin mütəmadi keçirilməsinin əhəmiyyətini vurğulayıb.

Turnirin yekununda qalib komandalar diplom, medal və kubokla təltif olunublar. İkinci və üçüncü yerləri qazanan komandalar da medal və diplomlarla mükafatlandırılıblar.

Tədbirin sonunda tərbiyəçilər və təşkilatçılar belə təşəbbüslərin uşaqların həyatına müsbət təsir göstərdiyini, onların özünəinamının və sosial əlaqələrinin güclənməsinə töhfə verdiyini bildiriblər. Onlar bu cür sosial layihələrin davamlı təşkilinə görə təşəkkürlərini ifadə ediblər.

Qeyd edək ki, “Dostluq Kuboku” minifutbol turniri ötən ildən etibarən ənənəvi xarakter alıb. Bu il keçirilən yarış da həmin təşəbbüsün uğurlu davamı kimi təşkil olunub.

Əvəzedicilər Liqasında XXIV turun oyunları keçirilir.

Futbolpress.az xəbər verir ki, lider “Sabah-2” bu gün “Kəpəz-2” ilə qarşılaşıb. 4 qolun vurulduğu matç “bayquşlar”ın qələbəsiylə başa çatıb – 3:1.

“Sabah” 24 turdan sonra 53 xalla liderdir. “Kəpəz-2” isə 16 xalla 10 komanda arasında 9-cudur.

Əvəzedicilər Liqası
XXIV tur

1 may

“Sabah-2” – “Kəpəz-2” 3:1
Qollar: N.Cabbarov, 45+2, R.Nuraxmedov, 57, 90+2 – Ş.İsmayılov, 32

Gəncə şəhər Baş Polis İdarəsinin rəisi, polis general-mayoru Teymur Hacıyev “Kəpəz” klubunun akademiyasının qonağı olub.

Futbolpress.az xəbər verir ki, görüşdə klub rəsmiləri, komandanın məşqçilər heyəti və futbolçular iştirak ediblər.

Əvvəlcə Teymur Hacıyevə Akademiyanın infrastrukturu və fəaliyyəti barədə məlumat verilib, mövcud şəraitlə yaxından tanışlıq olub. Daha sonra Baş Polis İdarəsinin rəisi komanda üzvləri ilə görüşərək onlarla söhbət edib.

Görüş zamanı polis general-mayoru futbolçulara qarşıdakı oyunlarda uğurlar arzulayıb, onlara həm idmanda, həm də şəxsi həyatlarında müvəffəqiyyətlər diləyib. O, hər zaman “Kəpəz” klubunun yanında olduğunu bildirib.

“Qarabağ” Misli Premyer Liqasında bu mövsüm 6 dəfə məğlub olub.

Futbolpress.az-ın məlumatına görə, “atlılar” iki dəfə “Sabah”a, bir dəfə “Neftçi”yə, iki dəfə “Kəpəz”ə, bir dəfə də “Sumqayıt”a uduzub. Komanda 64 xalla turnir cədvəlində ikinci sırada qərarlaşıb.

“Qarabağ” sonuncu dəfə 2013/14 mövsümündə çempionatda bu qədər məğlubiyyətlə üzləşib. “Atlılar” həmin ildə liqanı 72 xalla birinci sırada bitirmişdi.

“Qarabağ” bu mövsüm turnir cədvəlinin üçüncüsü “Turan Tovuz” və beşincisi “Zirə”dən daha çox uduzub. Hər iki kollektiv 5 oyunda meydanı məğlubiyyətlə tərk edib.

Qurban Qurbanovun yetirmələri çempionatda 29 turda 18 qələbə qazanıb. Bu, çempionatın ən yaxşı ikinci göstəricisidir. Birincilik isə çempion “Sabah”a məxsusdur – 22 qələbə.

Şahin Cəfərov

AFFA U-14 Liqasında çıxış edən “Metak” komandasına texniki məğlubiyyət verilib.

Futbolpress.az xəbər verir ki, bu barədə AFFA İntizam Komitəsinin iclasında qərar qəbul edilib.

Komanda “Gəncə” ilə oyunda təyin olunan vaxtda meydanda olmayıb və bu səbəbdən görüş baş tutmayıb. Qurum  “Metak”a 0:3 hesablı texniki məğlubiyyət alıb.

II Liqada XXV turun təyinatları açıqlanıb.

Futbolpress.az təyinatları təqdim edir:

3 may (bazar)

“Göygöl” – “Ağstafa Gəncləri”
Hakimlər: Niyaz Əhmədov, Elvin Mədətov, Ağadur Mahmudov, Samir Hüseynov
Hakim-inspektor: Ramil Diniyev
AFFA nümayəndəsi: Yavər Rəhimov
Göygöl OİK stadionu, 16:30

4 may (bazar ertəsi)

“Kür-Araz” – “Sheki City”
Hakimlər: Nəriman Ağayev, Rəşad Quliyev, Sadiq Əliyev, İrşad Aydınov
Hakim-inspektor: İmanxan Sultani
AFFA nümayəndəsi: Eldar Məmmədov
Heydər Əliyev adına İmişli şəhər stadionu, 16:00

“Ağdaş” – “Araz Saatlı”
Hakimlər: Sənan Bayramzadə, Vüqar Bayramov, Hüseyn Vəliyev, Rövşən Rəcəbov
Hakim-inspektor: Əmrah İbrahimov
AFFA nümayəndəsi: Mübariz Hüseynov
Ağdaş şəhər stadionu, 16:30

5 may (çərşənbə axşamı)

“Quba” – “Xankəndi”
Hakimlər: Ceyhun Hüseynov, Sevda Nuriyeva, Əhməd Əhmədsoy, Nahid Xasıyev
Hakim-inspektor: Orxan Məmmədov
AFFA nümayəndəsi: Anar Şıxəliyev
Quba OİK stadionu, 16:00

“Qaradağ Lökbatan” – “Dinamo”
Hakimlər: Nazim Abdullayev, Ruslan Babayev, Rizvan Süleymanov, Xəlil Xəlilov
Hakim-inspektor: Ceyhun Haşımov
AFFA nümayəndəsi: Novruz Əzimov
Lökbatan OİK stadionu, 16:00

“Şirvan” – “Şəmkir”
Hakimlər: Maqsud Şamıyev, Orxan İbişov, Sənan Atayev, Rəsul Babayev
Hakim-inspektor: Zöhrab Qədiyev
AFFA nümayəndəsi: Namiq Əliyev
Şirvan OİK Stadionu, 16:30

“Qarabağ” Misli Premyer Liqasının XXI turundan təxirə salınmış oyunda “Neftçi”yə uduzub – 1:2.

Çempionluğu rəsmiləşən “Sabah”dan 13 xal geridə olan “atlılar” üçün ikinci pillə də təhlükədədir. Aktivində 59 xalı olan “Qarabağ” ən yaxın izləyicisi “Turan Tovuz”u üç xal qabaqlayır və komandalar növbəti turda üz-üzə gələcək. Tovuzlular qələbə qazanacağı halda, xallar bərabərləşəcək və son üç görüş gümüş medallar üçün kritik olacaq.

“Qarabağ”ın növbəti 4 oyunu:

30-cu tur: Qarabağ – Turan Tovuz
31-ci tur: Qəbələ – Qarabağ
32-ci tur: Qarabağ – İmişli
33-cü tur: Sumqayıt – Qarabağ

Təqvim “atlılar”ın xeyrinədir. “Qarabağ” növbəti turda tovuzlularla oyunda xal itirməzsə, böyük ölçüdə ikinci pilləni təmin edəcək.

“Turan Tovuz”un növbəti 4 oyunu:

30-cu tur: Qarabağ – Turan Tovuz
31-ci tur: Turan Tovuz – Karvan-Yevlax
32-ci tur: Şamaxı – Turan Tovuz
33-cü tur: Turan Tovuz – Sabah.

Kurban Berdıyevin yetirmələrinin son turda çempiona qarşı ev oyunu var. “Qarabağ”la müqayisədə daha çətin görüşləri olan tovuzlular ilk növbədə növbəti matçdan üç xal qazanmalı və xalları bərabərləşdirməlidir. “Qarabağ”ın enişdə olduğunu nəzərə alsaq, “Turan Tovuz” üçün gümüş medallar şansının davam etdiyini demək olar. Gümüş medal yarışında növbəti tur həlledicidir.

Mayın 4-də keçiriləcək “Qarabağ” – “Turan Tovuz” oyununa saat 19:30-da start veriləcək.

Şahin Cəfərov

AFFA İntizam Komitəsinin iclası keçirilib.

Futbolpress.az xəbər verir ki, toplantıda I Liqanın XXIV turunun oyunları ilə bağlı aşağıdakı qərarlar qəbul edilib:

29 aprel 2026-cı il tarixində I Liqada XXIV turun MOİK – “Şahdağ Qusar” oyununda MOİK komandasının 4 futbolçusu sarı vərəqə aldığı üçün MOİK komandası 210 manat cərimə edilsin (maddə 43.1);

29 aprel 2026-cı il tarixində I Liqada XXIV turun “Mingəçevir” – “Zaqatala” oyununda “Zaqatala” komandasının 5 futbolçusu sarı vərəqə aldığı üçün “Zaqatala” komandası 210 manat cərimə edilsin (maddə 43.1).

Bu gün Əvəzedicilər Liqasında XXIV turun bir oyunu keçirilib.

Futbolpress.az xəbər verir ki, “Qarabağ-2” Binə qəsəbə stadionunda “Zirə-2” ilə qarşılaşıb. Görüş “atlılar”ın qələbəsiylə başa çatıb – 5:1.

“Qarabağ”da əsas komandadan göndərilən Elvin Cəfərquliyev və Abbas Hüseynov bu matçda iştirak edib. Hər iki futbolçu bir qolla yadda qalıb.

“Qarabağ-2” 24 turdan sonra 38 xalla 5-ci sıradadır. “Zirə-2” isə 46 xalla 3-cüdür.

İntizam Komitəsinin iclası keçirilib.

Futbolpress.az xəbər verir ki, toplantıda Misli Premyer Liqası XXI turundan təxirə salınmış “Neftçi” – “Qarabağ” oyunu ilə bağlı aşağıdakı qərarlar qəbul edilib:

30 aprel 2026-cı il tarixində Misli Premyer Liqasında XXI turun “Neftçi” – “Qarabağ” oyununda “Neftçi” komandasının 5 futbolçusu sarı vərəqə aldığı üçün “Neftçi” komandası 700 manat cərimə edilsin (maddə 43.1);

30 aprel 2026-cı il tarixində Misli Premyer Liqasında XXI turun “Neftçi” – “Qarabağ” oyununda “Qarabağ” komandasının azarkeşləri tərəfindən rəqib komandanın ünvanına kütləvi şəkildə təhqiramiz ifadələr səsləndirildiyinə və bu hal cari mövsümdə 5-ci dəfə təkrarlandığına görə “Qarabağ” komandası 8000 manat cərimə edilsin (maddə 52.5);

Bakıda təlim-məşq toplanışında olan çimərlik futbolu üzrə Azərbaycan milli komandası ikinci yoldaşlıq oyununu keçirib.

Futbolpress.az xəbər verir ki, milli yenə Belarus yığması ilə qarşılaşıb. Su İdmanı Sarayında təşkil olunan görüş Azərbaycan millisinin 4:3 hesablı qələbəsi ilə yekunlaşıb.

Komandanın heyətində qolları Ramil Əliyev, İsa Zeynallı, Bayram Bayramlı və Sahib Məmmədov vurublar.

Premyer Liqanın XXX turu çərçivəsində keçiriləcək “Qarabağ” – “Turan Tovuz” oyununun biletləri sabah saat 12:00-dan etibarən satışda olacaq.

Futbolpress.az xəbər verir ki, biletlərin qiyməti sektorlara uyğun olaraq dəyişir və 5–20 manat aralığındadır.

Biletlər bu gün saat 12:00-dan etibarən iTicket.az-da onlayn satışa çıxarılıb.

Mayın 4-də keçiriləcək matça saat 19:30-da start veriləcək.

AFFA-nın təşkilatçılığı və FIFA-nın dəstəyi ilə “FIFA Women’s Development Programme” çərçivəsində 8-10 yaşlı qızlar üçün futbol festivalı keçirilib.

Futbolpress.az xəbər verir ki, Füzuli şəhər Mirzə Uluqbəy adına 1 nömrəli tam orta məktəbdə baş tutan tədbirdə 62 qız iştirak edib.

Proqram çərçivəsində iştirakçılar üçün sadə futbol məşqləri, estafet oyunları və əyləncəli fəaliyyətlər təşkil olunub. Həmçinin milli komandanın futbolçuları ilə fotozona yaradılıb və məşqçilər tərəfindən topla ilkin davranış qaydaları göstərilib. Qızlar həm əyləniblər, həm də futbol bacarıqlarını inkişaf etdirmək imkanı qazanıblar.

Tədbirdə AFFA-nın Qadın Futbolu Departamentinin rəhbəri Zümrüd Ağayeva, qadınlardan ibarət Azərbaycan milli komandasının məşqçiləri, futbolçuları və assosiasiya nümayəndələri iştirak ediblər. Millinin üzvü Mədinə Curuqova festivalın gənc səfiri seçilib.

İştirakçılar AFFA tərəfindən idman geyimi, toplar və gödəkçələrlə təmin olunublar.

Bu cür festivalların gələcəkdə də davamlı keçirilməsi planlaşdırılır. Layihənin təşkilində əsas məqsəd qızlar arasında sağlam həyat tərzini təşviq etmək, futbola marağı artırmaq, gələcəkdə onları liqalara və milli komandalara hazırlamaqdır.

Misli Premyer Liqasının 2025/26 mövsümünün qalibi bəlli olub.

Futbolpress.az xəbər verir ki, Azərbaycan çempionunun adına sona 4 tur qalmış aydınlıq gəlib.

XXI turdan təxirə salınan “Neftçi” – “Qarabağ” matçında 1:2 hesabı ilə uduzan Ağdam təmsilçisinin aktivində 59 xal qalıb. Bununla da 72 xala malik “Sabah” ən yaxın izləyicisi üçün əlçatmaz olub.

Valdas Dambrauskasın baş məşqçisi olduğu komanda bununla da tarixində ilk dəfə Azərbaycan çempionu adını qazanıb. “Sabah” 1992-ci ildən keçirilən turnirin tarixinə 9-cu çempion kimi düşüb.

Cari mövsümə qədər 8 komanda bu titula sahib çıxıb. “Qarabağ” 12, “Neftçi” 9, “Kəpəz” 3, “Şəmkir”, “Bakı”, “İnter” (indiki “Şamaxı”) hərəyə 2, “Turan” və “Xəzər Lənkəran” hərəyə 1 dəfə ölkənin ən güclüsü olub.

“Sabah” son 18 mövsümdə bu siyahıya düşən ilk komandadır. Premyer Liqanın PFL bayrağı altında keçirildiyi illərdə heç bir klub ilk çempionluğunu bayram etməmişdi. “Sabah”a qədər sonuncu yeni çempion 2007/08 mövsümündə ilk titulunu əldə edən “İnter” olub.

Misli Premyer Liqasının XXI turundan təxirə salınmış “Neftçi” – “Qarabağ” oyunundan (2:1) sonra qonaq komandanın baş məşqçisi Qurban Qurbanov jurnalistlərin suallarını cavablandırıb.

Futbolpress.az xəbər verir ki, mütəxəssis əvvəlcə görüşlə bağlı fikirlərini bölüşüb:

– “Neftçi”ni təbrik edirəm. Qarşımızda əzmkar, istəkli rəqib var idi. Futbolçularıma da təşəkkür edirəm, sona qədər mübarizə apardılar. Futbolda belə hallar olur. Qələbə “Neftçi”nin haqqı sayılır. İlk oyundan sonra da demişdim ki, bu matç daha çətin keçəcək.  Stadionda yaxşı atmosfer vardı, azarkeşlərə təşəkkür edirəm. Düzü, bizə istirahət lazımdır, amma qarşıda oyunlarımız var. Çempionlar Liqasından uzaqlaşsaq da, hələ sıx qrafikdəyik. Futbolçularım üçün bu mövsüm çox faydalı, təcrübə baxımından əhəmiyyətli oldu. Onu da qeyd edim ki, ağır bir mövsüm keçirdik. Məğlubiyyətlər də yaşandı, amma buna baxmayaraq futbolçulara təşəkkür edirəm.

– “Neftçi”yə qarşı iki fərqli oyun oldu. Sizcə, ilk matçdakı məğlubiyyət onlara motivasiya baxımından necə təsir göstərdi?
– “Neftçi”nin daha hazırlıqlı olacağını gözləyirdik. Bu dəfə ciddi və motivasiyalı idilər.

– İlk oyundakı böyükhesablı qələbəniz futbolçularda rahatlıq yaratmadı?
– Ola bilər, ancaq çalışdıq ki, oyunçular bu barədə çox düşünməsin. “Neftçi”nin keyfiyyətli və sürətli futbolçuları var. Komandam nə qədər köklənməyə çalışsa da, müəyyən rahatlıq hiss olunurdu. İlk dəqiqələrdən bunu görmək mümkün idi.

– Montielin zədəsi oyuna necə təsir etdi?
– Gözlənilməz dəyişiklik oldu. Oyundan əvvəl planlarımız fərqli idi. Bu gün Pedro Bikalyonu ehtiyatda saxladıq, çünki son 9 oyunda daim meydanda qaldı. Montielə çox şans vermək istədik, lakin o da zədələndi. Planlarımızda olmayan əvəzetmələr etdik. Sonradan oyuna daxil olan futbolçular da pis təsir bağışlamadı. Futbolda son dəqiqə qolları azarkeşlərin ən çox gözlədiyi anlardandır. Bu gün “Neftçi”nin günü idi.

– “Sabah” ilk dəfə çempion oldu. Bu barədə nə deyə bilərsiniz?
– Onları təbrik edirəm. İstənilən komandamızın uğurlarını qeyd etməliyik. Son bir ay – ay yarımı nəzərə alsaq, çempionatın bütün matçları sıx qrafikdə baş tutdu. “Sabah”a 3, “Neftçi”yə qarşı 2 oyun keçirdik. Həm azarkeş sayı, həm də oyun tempi baxımından fərqli qarşılaşmalar oldu. İlboyu yığılan yorğunluğa baxmayaraq, bu matçlarda yaxşı təsir bağışladıq. Nəticələrin dəyişməsi futbol ictimaiyyətinin marağını da artırır. Bu isə intriqanın böyüməsinə və  məsuliyyətin artmasına səbəb olur. “Sabah”ı bir daha təbrik edirəm.

– İkinci pilləni itirmək təhlükəsi sizi narahat etmir?
– Qarşıda “Turan Tovuz”la matç var. Onlar da yaxşı hazırlaşıb, müəyyən narahatlıq isə normaldır. Bu il futbolçularım böyük xarakter nümayiş etdirib. İnanıram ki, onlar yenə maksimum nəticə üçün mübarizə aparacaqlar.

– Bu mövsüm çempion ola bilməməyinizin səbəbini nədə görürsünüz?
– Bir neçə səbəb var. Ola bilər ki, çempionata tam hazırlaşa bilmədik. Digər tərəfdən, Çempionlar Liqası bizi xeyli yordu. Bəzi detallar da var – oyunçulara gələn təkliflər, diqqətin yayınması və s. Bunları qabartmağa ehtiyac yoxdur, amma motivasiyaya təsir edirdi. Eyni zamanda, qarşımızda yaxşı hazırlaşmış “Sabah” var idi. Onlar bütün diqqətlərini çempionata yönəltmişdilər və demək olar ki, heç bir oyunda boşluq vermədilər. Görünür, bu çempionata tam hazır deyildik, gücümüzü düzgün bölüşdürə bilmədik. Hər zaman çempion olası deyilik ki.

İstənilən ölkədə bu hallar olur. Bəzi nüanslar var, onları düzgün təhlil etməliyik. Çempion ola bilməməyimizi qəbul edirəm. Futbolçuların hansı əziyyətlərdən keçdiyini anlayıram. Bu mövsüm rəqiblər çox istəkli idilər – istər “Neftçi”, istər “Sabah”, istərsə də “Zirə”. Onlar da hədəflərinə çatmaq üçün böyük işlər gördülər. Bu mövsümdən nəticə çıxarıb, qarşıdakı illərə daha yaxşı hazırlaşacağıq. Ümumilimdə isə futbolçulardan razıyam.

– Yayda klubda ciddi dəyişikliklər gözlənilir. Hazırda transfer məsələləri ilə bağlı durum nədir?
– Danışıq apardığımız futbolçular çoxdur. İşimizin 60-70 faizini transfer məsələlərinə yönəlib. Dəyişikliklərə ehtiyac var. Nə qədərinin alınacağını demık çətindir. Hər şey istədiyimiz kimi getsəydi, iş də daha rahat alınardı.

– Bəzi futbolçular son oyunlarda performans baxımından artırıb. Hansısa oyunçu var ki, onlarla bağlı fikriniz dəyişib?
– Hələ konkret bir qərar yoxdur. Milli komandalarda oynayan futbolçular da çox yorulur. Marko Yankoviçə istirahət verdikdən sonra özünə gəldi, performansını bərpa etdi. Bir neçə oyunçu ilə bağlı ilkin planlarımız var -bəzilərinin getməsi normaldır. Lakin müqaviləsi davam edənlər də var və onlarla razılığa, gəlməliyik.

– Elvin Cəfərquliyevlə bağlı son durum nədir?
– Hələ yenilik yoxdur. Planımı tam tutmamışam. Qarşıda bir neçə oyun var.

– Onunla görüş planlaşdırırsınız?
– Hələ görüşməmişik.

– Abbas və Elvin əvəzedici komandaya göndərilsələr də, orada da oynamırlar.
– İstəsələr, oynaya bilərlər.

Şahin Cəfərov

Bu gün Kanadanın Vankuver şəhərində FIFA-nın 76-cı Konqresi keçiriləcək.

Futbolpress.az xəbər verir ki, Azərbaycan Futbol Federasiyaları Assosiasiyasının (AFFA) prezidenti Rövşən Nəcəf, icraçı vitse-prezidenti Sərxan Hacıyev, baş katibi Cahangir Fərəcullayev və icraçı vitse-prezidentin müşaviri Orxan Əhmədov Konqresdə iştirak edəcəklər.

Bu gün Əvəzedicilər Liqasında XXIV tura start verilib.

Futbolpress.az xəbər verir ki, ilk gündə iki qarşılaşma keçirilib.

“Sumqayıt-2” “Neftçi-2″ni məğlub edib. “Turan Tovuz”un əvəzediciləri isə “Şamaxı-2″dən üstün olub.

Əvəzedicilər Liqası
XXIV tur

30 aprel

“Sumqayıt-2” – “Neftçi-2” 2:1
Qollar: E.İsaqov, 7, Ə.Hacılı, 68 – F.Xeyrullayev, 70

“Şamaxı-2” – “Turan Tovuz-2” 1:3
Qollar: E.Ağalarov, 34 – T,Həsənov, 32. İ.İsmayılov, 90+1, E.Qasımov, 90+3

Azərbaycan I Liqasında XXIV tura yekun vurulub.

Futbolpress.az xəbər verir ki, sonuncu gündə iki qarşılaşma keçirilib.

“Səbail” “Cəbrayıl”ı darmadağın edib. “Difai” isə səfərdə “Baku Sportinq”lə heç-heçə edib.

Azərbaycan I Liqası
XXIV tur

30 aprel

“Baku Sportinq” – “Difai” 1:1
Qollar: R.Seyidov, 32 – K.Kamta, 80

“Səbail” – “Cəbrayıl” 6:0
Qollar: A.Almeyda, 12, F.Məmmədli, 25. R.Həsənov, 32 (avtoqol), R.Voronsov, 84, Q.Səfərov, 87, R.Hüseynov, 89

Futzal üzrə Azərbaycan Yüksək Liqada XVIII turun oyunları keçirilib.

Futbolpress.az xəbər verir ki, günün ilk matçında “Neftçi” İK “Şuşa”ya 28:0 hesabı ilə qalib gəlib.

U-19 millisi isə “Baku Fire” komandasına məğlub olub- 3:10.

Binə stadionunun süni ot örtüyü FIFA tərəfindən yenidən “Quality Pro” sertifikatına layiq görülüb.

Futbolpress.az xəbər verir ki, bu barədə AFFA-nın mətbuat xidməti məlumat yayıb.

FIFA tərəfindən verilmiş bu keyfiyyət nişanı stadionunda beynəlxalq oyunların keçirilməsinə imkan verir.

17 yaşadək futbolçulardan ibarət Azərbaycan milli komandasının baş məşqçisi Aqil Nəbiyev Qazaxıstanın Çimkənd şəhərində təşkil olunan UEFA İnkişaf Turniri ilə bağlı fikirlərini bölüşüb.

Futbolpress.az xəbər verir ki, baş məşqçi AFFA-nın mətbuat xidmətinə açıqlamasında səfərə tam heyətlə yollana bilmədiklərini və qısa müddətdə ardıcıl 3 oyun keçirdiklərini bildirib:

“Hazırkı yaş qrupu sonuncu dəfə ötən ilin oktyabrında Qəbələdə təşkil olunan MDB Oyunları zamanı bir araya gəlmişdi. Düzdür, toplanışlar tez-tez olsa, çatışmazlıqları daha erkən aradan qaldıra bilərik. Budəfəki toplanışa aprelin 20-də başladıq və qısa müddət ərzində ardıcıl üç oyun keçirdik. Bir neçə əsas futbolçumuz heyətdə deyildi. U-20 millinin toplanışına qatılanlar və zədəlilər var idi. Əli Bəşirov, Bilal Hacıyev, Uğur Qurbanlı və Mehdi Mütəllimlini qeyd edə bilərəm. Əlbəttə ki, onların yoxluğu bizə müəyyən çətinliklər yaratdı. Buna baxmayaraq, keçirdiyimiz üç oyundan ikisində qələbə qazandıq”.

A. Nəbiyev Rusiya, Qazaxıstan və Pakistan yığmalarına qarşı baş tutan matçları dəyərləndirib:

“Rusiya yığmasına qarşı keçirdiyimiz ilk görüşün birinci hissəsi 0:0 hesabı ilə yekunlaşdı. Fasilədən sonra heyətdə ardıcıl əvəzetmələrə əl atdıq. Dəyişikliklərdən sonra oyunumuzda, futbolçuların fiziki durumunda eniş yaşandı. Ancaq yenə də komanda toparlanaraq ardıcıl iki qələbə qazandı. 6 aylıq fasilədən sonra toplanaraq turnirə hazırlaşmaq həm bizim, həm də futbolçular üçün çətin oldu. Bu yaş qrupu ilə səfərdə ilk beynəlxalq turnirə qatılmışdıq. Buna görə də futbolçularda həyəcan, stress var idi. Həm texniki, həm də fiziki çatışmazlıqları barədə onları məlumatlandırmışıq, həmçinin klubları ilə də görüşəcəyik”.

U-17-nin baş məşqçisi noyabrda Almaniya, Şimali İrlandiya və Litva yığmalarına qarşı keçiriləcək Avropa çempionatının seçmə mərhələ matçlarına qədər komandanın hazır olacağına inandığını vurğulayıb:

“İlin sonlarında Avropa çempionatının seçmə mərhələsində çıxış edəcəyik. Çətin qrupa düşmüşük. Rəsmi oyunlara qədər baş tutacaq toplanışlarda problemləri aradan qaldırmağa çalışacağıq. Perpektivli komandamız var, daha güclü olacaq potensiala malikik”.

Qeyd edək ki, U-17 UEFA İnkişaf Turnirində Rusiya (0:5) yığmasına məğlub olub, Qazaxıstan (1:1, Penaltilərlə 4:2) və Pakistan (1:0) seçmələrinə isə qalib  gəlib.

“Neftçi” Misli Premyer Liqasının XXI turundan təxirə salınmış oyunda bu gün “Qarabağ”ı qəbul edəcək.

Bakı klubunun keçmiş məşqçisi Arif Əsədov “Futbolpress.az“a açıqlamasında matçdan gözləntilərini bölüşdü:

“Neftçi” dördüncü yer üçün mübarizə aparmağa davam etmək istəyirsə, mütləq qələbə qazanmalıdır. Məğlubiyyət şanslarını çox azaldacaq. Buna görə, komanda matça maksimum şəkildə hazır olmalıdır”.

Komandalar arasında ötən həftə baş tutan görüşdə “Qarabağ” 5:1 hesablı qələbə qazanıb. Əsədov bu nəticənin bugünkü oyuna mümkün təsirindən söz açdı:

“1:5-in təsiri ola bilər. Belə məğlubiyyətin komandada inamsızlıq yaratmaq ehtimalı var. Amma bəzən də görürük ki, ağır nəticələr geridönüş üçün bir məqama çevrilir. “Neftçi” oyuna son şans kimi baxmalıdır. “Qarabağ”ın gücü isə bəllidir. Komandada daxili atmosfer nə qədər yaxşı olmasa da, meydanda sərgilənən oyun bunları arxa planda qoyur”.

Mütəxəssis “Neftçi”nin durumuna da toxundu:

“Ötən matç göstərdi ki, “Neftçi” hələ yüksək səviyyədə oyun üçün hazır deyil. Vernidubun işi çox olacaq. Məsələ tək taktiki vəziyyətdən getmir, oyunçu profili önəmlidir, komandada bəzi mövqelər gücləndirilməlidir. “Qarabağ”la oyun “Neftçi” üçün test oldu. Gələcək planları qurmaq üçün bu görüşlərdən nələrsə götürmək olar”.

“Neftçi” – “Qarabağ” oyununa saat 20:00-da start veriləcək.

Şahin Cəfərov

17 yaşadək futbolçulardan ibarət Azərbaycan milli komandası UEFA İnkişaf Turnirində son oyuna çıxıb.

Futbolpress.az xəbər verir ki, yığma üçüncü matçında Pakistanın müvafiq yaş qrupundan ibarət komandası ilə qarşılaşıb. Qazaxıstanın Çimkənd şəhərində yerləşən “Namys” stadionunda keçirilən görüş millinin 1:0 hesablı qələbəsi ilə yekunlaşıb. Komandanın heyətində qalibiyyət qolunu 77-ci dəqiqədə Nazim Əliyev vurub.

Bununla da Aqil Nəbiyevin yetirmələri 4 komandanın iştirakı ilə baş tutan turniri 5 xalla tamamlayıb. U-17 daha əvvəl Rusiya (0:5) və Qazaxıstan (1:1. Penaltilərlə 4:2) seçmələri ilə qarşılaşıb.

Bakıda təlim-məşq toplanışında olan çimərlik futbolu üzrə Azərbaycan milli komandası ilk yoldaşlıq oyununu keçirib.

Futbolpress.az xəbər verir ki, yığma Belarus millisi ilə qarşılaşıb. Su İdmanı Sarayında təşkil olunan görüş qonaq komandanın 3:1 hesablı qələbəsi ilə yekunlaşıb.

Azərbaycan millisinin heyətində qolu Ramil Əliyev vurub.

“Neftçi” Misli Premyer Liqasında XXI turdan təxirə salınmış oyunda bu gün “Qarabağ”ı qəbul edəcək. “Palms Sports Arena”da baş tutacaq görüşə saat 20:00-da start veriləcək.

Komandalar aprelin 26-da, XXIX tur çərçivəsində bu arenada üz-üzə gəlmiş və “Qarabağ” 5:1 hesablı qələbə qazanmışdı.

“Neftçi” əzəli rəqibinə qarşı keçirdiyi son 11 oyunda uduzub. Bakılılar bu gün seriyanı qırmaq arzusundadır. Oyunu vacib edən daha bir detal ilə “ağ-qaralar”ın liqada dördüncü pilləyə yüksəlmək şansının olmasıyla bağlıdır.

“Neftçi” bu gün “Qarabağ”la matçda üç xal qazansa, turnir cədvəlində dördüncü olan “Zirə”ni keçəcək və bir xallıq üstünlük yaranacaq. Dördüncü pillənin sahibi “Sabah”ın ölkə kubokunu qazanacağı halda, Konfrans Liqasına yollanacaq.

“Sabah” Misli Premyer Liqasının 14-cü turunda “Bank Respublika Arena”da “Neftçi”nin qonağı olacaq.

“Sabah”: 92. Stas Pokatilov (k) 46. Aleksey İsayev 20. Coy Lens Mikels 21. Velko Simiç 40. İqor Noqeyra 80. Akim Zedadka 3. Stiv Solvet 27. Timoteuş Puxaç 13. İvan Lepiniça 33. Umarali Raxmonaliyev 19. Aron Maluda

Ehtiyat oyunçular: 55. Nicat Mehbalıyev 72. Rustam Samiqullin 17. Tellur Mütəllimov 8. Ayaz Quliyev 2. Amin Seydiyev 5. Rəhman Daşdəmiro 6. Abdulax Xaybulaev 88. Xəyal Əliyev 89. Cəfər Muxtarov 53. Andrey Santos

Baş məşqçi: Valdas Dambrauskas

“Neftçi”: 13. Kenan Piriç (k) 15. Elvin Bədəlov 47. Murad Məmmədov 45. Vensan Abubakar 77. Falaye Sako 6. Sessi Dalmeyda 24. Mustafa Sek 5. İqor Ribeyro 18. İfeanyi Metyu 9. Bassala Sambu 11. İmad Faraj

Ehtiyat oyunçular: 1. Emil Balayev 93. Rza Cəfərov 8. Emin Mahmudov 17. Murad Xaçayev 19. Ağadadaş Salyanski 14. Edvin Kuç 27. Kristian Kostin 10. Freddi Varqas 22. Luis Ortis 23. Cordan Rezabala 28. Alessio Kurçi

Məşqçi: Sənan Qurbanov

Misli Premyer Liqasının XIV turunda “Qəbələ” doğma meydanda “Turan-Tovuz”u qəbul edir.

İdmanxeber.az-ın məlumatına görə, dumanlı hava şəraitində davan edən matç təxirə salınıb. Görüş sabah qaldığı yerdən davam edəcək.

Xatırladaq ki, ilk hissəsi davan edən matçda qapılara qol vurulmamışdı.

Misli Premyer Liqasının XIV turunda “Qəbələ” doğma meydanda “Turan-Tovuz”u  qəbul edir.

İdmanxeber.az-ın məlumatına görə, dumanlı hava şəraitində davan edən matç yarımçıq dayandırılıb.

Bu barədə görüşün baş hakimi Tural Qurbanov oyun zamanı futbolçulara da məlumat verib.

Misli Premyer Liqasında 14-cü tur davam edir.

İdmanxeber.az xəbər verir ki, günün ilk oyununda “Qəbələ” “Turan Tovuz”u qəbul edib. Görüş dumanlı hava şəraitinə görə təxirə salınıb.

Günün digər matçında “Neftçi” “Sabah”ın qonağı olacaq. Sıralamada “Sabah” 25 xalla 3-cü, “Neftçi” isə 16 xalla 8-ci pillədə qərarlaşır.

Bu turun son 2 görüşü sabah keçiriləcək. 

Misli Premyer Liqası, 14-cü tur

8 dekabr (bazar ertəsi)

17:00. “Qəbələ” – “Turan Tovuz” – 0:0 
Hakimlər: Tural Qurbanov, Asiman Əzizli, Eyyub İbrahimov, Elvin Bayramov 
VAR: Nicat İsmayıllı
AVAR: Şirmamed Mamedov
Qəbələ şəhər stadionu

20:00. “Sabah” – “Neftçi”
Hakimlər: Rəvan Həmzəzadə, Akif Əmirəli, Cəmil Quliyev, Kamranbəy Rəhimov
VAR: Rauf Cabarov
AVAR: Rəhman İmami
“Bank Respublika Arena”

“Qəbələ” Misli Premyer Liqasının 14-cü turunda doğma meydanda “Turan Tovuz”u qəbul edir.

“Qəbələ”: 1. Səlahət Ağayev (k) 13. Nicat Əliyev 74. Süleyman Damadayev 66. Nuğay Rəşidov 10. Şahin Şahniyarov 12. İbrahim Sanqare 50. Adriel Ba Loua 3. Eduardo Kunde 6. Xayme Syerra 16. İsaak Amoah 14. Domi Massumo

Ehtiyat oyunçular: 94. Həbib Hüşənov 11. Asif Məmmədov 22. Fərid İsgəndərov 97. Elşad Tağıyev 27. Eşqin Əhmədov 26. Elnur Mustafayev 17. Qədir Ramazanov 21. Ziya Şəkərxanov 30. Prins Ovusu

Baş məşqçi: Kaxaber Tsxadadze “Turan Tovuz” 1. Oleq Baklov 10. Xəyal Nəcəfov 5. Roderik Miller 3. Enrike Silva 23. Alexandro Serrano 90. Joarlem Santos 15. Emmanuel Hakman (k) 32. Hayderson Hurtado 7. Xorxe Silva 19. Roberto Olabe 21. Aleks Souza

Ehtiyat oyunçular: 41. Sergey Samok 13. Mehman Hacıyev 29. Filip Ozobiç 17. Rəhim Sadıxov 88. Faiq Hacıyev 11. Ayxan Hüseynov 6. Fərid Yusifli 73. Ülvü Mədətov 14. Murad Dadaşev 30. Mircamal Əlizadə

Baş məşqçi: Kurban Berdiyev