Azərbaycan milli komandasının baş məşqçisi Ayxan Abbasov Ağsuda səfərdə olub.

Futbolpress.az xəbər verir ki, o, Ağsu şəhər stadionunda fəaliyyət göstərən “Hilal Ağsu” uşaq futbol məktəbini ziyarət edib. Yeniyetmələrlə görüşən millimizin baş məşqçisi onlarla səmimi söhbətlər aparıb, gələcək karyeralarında uğurlar arzulayıb

Ayxan Abbasov yeniyetmələri futbola olan sevgilərini qorumağa və daim çalışqan olmağa səsləyib. Görüşün sonunda uşaqlar millimizin baş məşqçisi ilə xatirə şəkilləri çəkdirib, ondan avtoqraf alıblar. Ayxan Abbasov yeniyetmələrə futbol topları və digər əşyalar hədiyyə edib.

“Qarabağ”ın prezidenti Tahir Gözel, UEFA Çempionlar Liqasının VI turunda “Qarabağ” – “Ayaks” oyununu Qadın və Uşaq Sığınacağında təkbaşına izləyən azyaşlı azarkeş Əkbər Zülfüqarovla klub bazasında görüşüb.

Futbolpress.az xəbər verir ki, bu barədə “atlılar”ın mətbuat xidməti məlumat yayıb.

“Qarabağ” – “Araz-Naxçıvan” oyunundan öncə baş tutan görüş zamanı Tahir Gözel Əkbərlə söhbətləşib, onun oyunla bağlı təəssüratlarını dinləyib, sonda klub prezidenti azyaşlı azarkeşə komandanın rəsmi formasını təqdim edib.

Azərbaycan millisinin futbolçusu Ozan Can Kökçünün formasını geyindiyi “Volendam” Niderland çempionatında növbəti oyuna çıxıb.

Futbolpress.az xəbər verir ki, sözügedən komanda səfərdə “Qroningen”lə arşılaşıb. Matç “Volendam”ın məğlubiyyəti ilə başa çatıb – 0:3.

Oyuna start heyətdə başlayan Ozan ikinci hissənin əvvəlində əvəzlənib.

“Volendam” 16 turdan sonra 14 xalla 15-ci sıradadır.

“Sabah” Premyer Liqanın XV turunda “Turan Tovuz”u məğlub edib – 3:1.

Futbolpress.az xəbər verir ki, “bayquşlar”ın futbolçusu Coy-Lens Mikels matçdan sonra klubun mətbuat xidmətinə fikirlərini bildirib. Komandasının ilk qolunu vuran hücumçu yaxşı formada olduğunu deyib:

“Bəli, məncə formadayam. Hər şey mənim üçün yolunda gedir. Komanda da yaxşı oynayır və bu, mənə uyğundur. İndi fərqli mövqedə oynayıram. Bu mövqedə getdikcə daha yaxşı olacağam. Ümid edirəm ki, bu cür davam edib komandama qollar və məhsuldar ötürmələrlə kömək edəcəyəm”.

“Sabah” bu qələbə ilə müvəqqətli liderliyə yüksəlib. Mikels birinci pillədə olmalarına münasibət bildirib:

“Çox qürurvericidir. Bura qələbə üçünü gəlmişik. “Qarabağ“a qarşı böyük oyun bizi gözləyir. Matça tam hazırıq”.

AFFA Hakimlər Komitəsinin yeni sədri Rəhim Həsənov Misli Premyer Liqasının 14-cü turundakı və Azərbaycan kubokunun 1/8 final mərhələsindəki mübahisəli epizodlarla bağlı fikirlərini bölüşüb.

Futbolpress.az xəbər verir ki, o, FiFA referiləri Kamal Umudlunun “İmişli” – “Sabah” matçında, Əliyar Ağayevin isə “Sumqayıt” – “İmişli” matçında penalti təyin etməklə səhv qərar qəbul etdiklərini vurğulayıb.

“Şamaxı”nın sabiq müdafiəçisi, oyun alqı-satqısında ittiham olunan Adil Nağıyev məhkəmə qarşısına çıxarılıb.

Futbolpress.az xəbər verir ki, o, Sumqayıt Ağır Cinayətlər Məhkəməsinin qərarı ilə 5 il azadlıqdan məhrum edilib. Cəza 1 il sınaq müddəti təyin olunmaqla şərti hesab olunub.

Nağıyev Azərbaycan Premyer Liqası çərçivəsində baş tutan “Şamaxı” – “Kəpəz” və ötən mövsüm Azərbaycan Kubokunun 1/8 finalında keçirilmiş “Zirə” – “Şamaxı” matçlarının nəticəsini manipuliyasiya etməkdə günahlandırılıb.

Adil Nağıyev “Zirə”, “Səbail”, “Şamaxı” kimi klublarda forma geyinib. O, millidə 3 oyuna çıxıb.

AFFA Lisenziya və Qeydiyyat Departamentinin rəhbəri Seymur Səlimli və məşqçi-koordinator Sərxan Hüseynov Qərb regionunu təmsil edən Gəncə və Turan Tovuz futbol akademiyalarına səfər ediblər.

Futbolpress.az xəbər verir ki, Premyer Liqa Klublarının Lisenziyalaşdırılması çərçivəsində Akademiyaların İnkişafı üzrə Ehtiyacların Təhlili və Dəstək prosesi çərçivəsində reallaşan səfərin məqsədi akademiyalarda mövcud vəziyyətin qiymətləndirilməsi, lisenziyalaşdırma tələblərinə uyğunluğun yoxlanılması və inkişaf istiqamətlərinin müəyyənləşdirilməsi olub. Görüşlər çərçivəsində məşqçi heyəti və tibbi personalın fəaliyyəti, infrastrukturun mövcud durumu və bütün yaş qruplarında məşq proseslərinin təşkili yerində araşdırılıb, təkmilləşmə üçün müvafiq tövsiyələr təqdim olunub.

Akademiya rəhbərliyi ilə keçirilən geniş müzakirələrdə inkişaf modeli, daxili strukturun optimallaşdırılması və istedadlı futbolçuların hazırlanması üzrə prioritet istiqamətlər dəyərləndirilib. Tibbi, qapıçı və fiziki hazırlıq üzrə mütəxəssislərlə ayrıca görüşlər təşkil edilərək futbolçuların sağlamlıq göstəriciləri, peşəkar hazırlıq standartları və tətbiq olunan metodikalar təhlil olunub.

İnfrastruktur obyektlərinə baxış zamanı klubların mövcud potensialı qeydə alınıb, yeni inkişaf mərhələsinə keçid üçün cari imkanlar qiymətləndirilib. SMM və hüquq komandaları ilə aparılan müzakirələr isə sosial layihələrin gücləndirilməsi və ictimai fəaliyyətin effektivliyinin artırılmasına yönəlib. Klubların rəy və təklifləri AFFA tərəfindən qeydiyyata alınıb.

Bu səfər AFFA-nın futbol akademiyalarının inkişafına göstərdiyi davamlı dəstəyin, həmçinin lisenziyalaşdırma prosesinin daha da təkmilləşdirilməsi istiqamətində atdığı mühüm addımlardan biridir.

“Qarabağ” Çempionlar Liqasının VI turunda “Ayaks”a uduzub – 2:4.

Millinin sabiq futbolçusu, Qərb Regional Futbol Federasiyasının rəhbəri Nadir Nəbiyev “Futbolpress.az“a açıqlamasında nəticəni dəyərləndirdi:

“Qarabağ“a inam böyük idi. Komanda oyuna da yaxşı başladı, qol vurdu. Rəqibdən üstün futbol sərgiləyirdilər. İkinci hissədə də pis oyun alınmadı. “Ayaks” son 15 dəqiqədə üstünlüyü ələ alıb qollar vurdu və qələbə qazandı“.

Mütəxəssis Qurban Qurbanovun Nəriman Axundzadəni meydana buraxmasına görə tənqid edilməsinə toxundu:

“Qurban müəllim ilk dəfə deyil ki, belə əvəzetmələr etsin. Dəfələrlə oyuna sonradan daxil olan futbolçular qələbə qolunu vurublar. Razıyam, əvəzetmələr bu dəfə yaxşı təsir göstərmədi. Amma məğlubiyyətə səbəb Nərimanın zəif oyunu deyil. Hücumda yaxşı fürsətlər boşa verildi, müdafiədə boşluqlar oldu və rəqib bundan yararlandı“.

Nəbiyev komandanın pley-off şanslarını da dəyərləndirdi:

“Ayntraxt”la oyunda qələbə mütləqdir. Bundan əlavə, digər rəqiblərin də nəticələri önəmli olacaq. Çətindir, amma şanslar qalır. Ümid edirəm, “Qarabağ” sonda yenə azarkeşlərini sevindirəcək”.

Şahin Cəfərov

Futzal üzrə Yüksək Liqada təxirə salınmış “Araz-Naxçıvan” – U-19 oyununa təyinatlar açıqlanıb.

Futbolpress.az xəbər verir ki, görüş dekabrın 18-də keçiriləcək. Matça saat 13:00-da start veriləcək.

Araz-Naxçıvan – U-19

18 dekabr. Olimpik Star. Saat 13:00
Hakimlər: Anar Fərəcov, Kənan Məlikov, Vüsal Balaşov
Hakim-inspektor: Elçin Səmədli

“Neftçi” Premyer Liqanın XV turunun “Sumqayıt”la oyununa yeni baş məşqçisi Yuri Vernidubun rəhbərliyi altında çıxacaq. Dekabrın 15-də, “Palm Sports Arena”da baş tutacaq görüşə saat 19:00-da start veriləcək.

Vernidub buna qədər yeni iş yerlərindəki ilk oyunlarında uğursuzluq yaşayıb. 2011-ci ildə “Zarya”nı Ukrayna çempionatında birinci oyuna çıxaran mütəxəssis məğlubiyyətlə üzləşib – 1:2.

Vernidub növbəti iş yeri “Soliqorsk”da da eyni aqibəti yaşayıb. Belarus təmsilçisi mütəxəssisin rəhbərliyi altında ilk matçda “Minsk”ə uduzub – 0:1.

Yurinin “Şerif” karyerası uğurlu alınıb. Moldova çempionatında “Sfıntul”la matçda Vernidubun komandası qələbəyə sevinib – 4:1.

Ukraynalının son ünvanı “Krivbas”dakı debütü də yaxşı alınmayıb. Komanda “Kolos”a səfərdə 0:1 hesabıyla məğlub olub.

Vernidubun debütü səfərə düşübsə, məğlub olub. Yeganə qələbə “Şerif”lə ev oyunundakıdır.

Şahin Cəfərov

Azərbaycanda 2025-ci ilin ən yaxşı futbol məşqçisinin adı məlum olub.

Futbolpress.az xəbər verir ki, “Komanda.az“ saytının jurnalistlər arasında keçirdiyi ənənəvi sorğuda “Qarabağ”ın baş məşqçisi Qurban Qurbanov digər namizədləri böyük fərqlə qabaqlayaraq, birinci yeri tutub.

Qurbanov 63 jurnalistin qatıldığı sorğuda 58 səs toplamaqla, 2025-ci ilin ən yaxşı məşqçisi seçilib. Bununla da, o, 15-ci dəfə Azərbaycanın ən yaxşı məşqçisi adını qazanıb.

Sorğuda iştirak edənlərdən 2-si son mövzümdə “Sabah”a ölkə kubokunu qazandıran Vasili Berezutskiyə, 1-i “Zirə”nin “sükanı arxasında” olan Rəşad Sadıqova, 1-i “Araz-Naxçıvan”ın çalışdırıcısı Elmar Baxşıyevə, 1-i isə milli komandanın və “Şamaxı”nın baş məşqçisi Ayxan Abbasova səs verib.

“Qarabağ” ötən mövsümdə Qurban Qurbanovun rəhbərliyi altında Azərbaycan Premyer Liqasında çempionluq sevinci yaşayıb. Bundan başqa, Qurbanovun komandası tarixində ikinci dəfə UEFA Çempionlar Liqasında əsas mərhələyə yüksəlib. Hazırda da bu turnirdə çıxışını davam etdirən “köhlən atlar” “Benfika”, “Kopenhagen” kimi komandaları məğlub edib, “Çelsi” ilə oyunda bərabərə qalıb.

QEYD: İlin ən yaxşı məşqçisinin mükafatlandırma mərasimi dekabrın 15-də keçiriləcək. “Fairmont otel”in (“Üç alov qülləsi”) “Səttar Bəhlulzadə zalı”nda təşkil olunacaq tədbir saat 11:30-da başlayacaq.

Azərbaycan millisinin və “Araz-Naxçıvan”ın üzvü Mirzə Əmirov cərrahiyyə əməliyyatı olunub.

Futbolpress.az xəbər verir ki, futzalçının “Liv Bona Dea”da “diz qapağı sınığında bitişməyən hissələrin çıxarılması, diz qapağı bağının bərpası” əməliyyatı uğurlu alınıb.

Bu gün xəstəxananı tərk edəcək M. Əmirovun 3 aydan sonra komanda ilə birgə məşqlərə başlaya biləcəyi gözlənilir.

“Qarabağ“ın Premyer Liqanın XV turunda “Araz-Naxçıvan”a qarşı keçirəcəyi ev oyununun biletləri bu gün saat 13:00-da satışa çıxacaq.

Futbolpress.az xəbər verir ki, qiymətlər 3, 5, 7 və 15 manatdır.

Dekabrın 14-də keçiriləcək “Qarabağ” – “Araz-Naxçıvan” oyununa saat 17:30-da start götürəcək.

“Turan Tovuz”un zədəli futbolçusu David Tavareş komandanın qış toplanışına qoşula bilər.

Futbolpress.az–ın məlumatına görə, yarımmüdafiəçi bu yay heyətə cəlb olunsa da, hələ rəsmi oyuna çıxmayıb. Yay hazırlığında ciddi zədə alan və 6 aylıq sıradan çıxan Davidin yanvardan sonra hazır olacağı ehtimal edilir.

“Turan Tovuz” Tavareşi Rumıniyanın “Buzau” klubundan heyətə cəlb edib.

Şahin Cəfərov

“Neftçi”nin yeni baş məşqçisi Yuri Vernidub Qazaxıstanın “Aktobe” klubundan təklif alıb.

Futbolpress.az xəbər verirk i, bu barədə Ukrayna mətbuatı məlumat yayıb. Mütəxəssis “Neftçi” ilə yanaşı, “Aktobe”dən də təklif almasına baxmayaraq, seçimi “ağ-qaralar” olub.

Vernidub klubla 1.5 illik müqavilə imzalayıb. Onun aylıq maaşı 50 min dollardır.

“Qarabağ“ın futbolçusu Pedro Bikalyo karyerasını Braziliyada davam etdirə bilər.

Futbolpress.az xəbər verir ki, “Botafoqo” klubu yarımmüdafiəçinin xidmətində maraqlıdır. Bu barədə “folhadoleste.com.br” saytı məlumat yayıb. Klubun ilk təklifi “Qarabağ” tərəfindən rədd edilib. Braziliya təmsilçisi danışıqları davam etdirir.

“Botafoqo”ya Braziliya millisinin baş məşqçisi Karlo Ançelottinin oğlu Davide Ançelotti rəhbərlik edir.

Bikalyo bu mövsüm 25 oyunda meydana çıxıb. 24 yaşlı futbolçunun klubla müqaviləsi 2028-ci ilin yayına kimidir.

Çempionlar Liqasında VI turun oyunlarından sonra komandaların statistik göstəriciləri açıqlanıb.

Futbolpress.az-ın məlumatına görə, “Qarabağ” topqazanmada 4-cü sıradadır. Azərbaycan təmsilçisinin futbolçuları 6 oyunda 264 dəfə rəqiblərdən “top oğurlayıb”.

Bu göstəricidə birinci sırada Bilbao “Atletik”i yer alıb. İspanlar 303 topqazanma ilə statistikada liderdir.

Avrokuboklarda həftə başa çatıb.

Futbolpress.az xəbər verir ki, Çempionlar Liqası, Avropa Liqası və Konfrans Liqası matçlarından sonra Azərbaycanın UEFA reytinqindəki mövqeyi dəyişməyib.

“Qarabağ” Çempionlar Liqasında “Ayaks”a uduzub və xal qazandırmayıb. Azərbaycan 22.250 xalla 26-cı sırada qərarlaşıb.

27-ci pillədəki Sloveniya da yerində qalıb. Ölkənin avrokuboklardakı yeganə təmsilçisi “Çelye” Konfrans Liqasında “Riyeka”ya uduzub. Sloveniyanın aktivində 22.219 xal var.

25-ci sıradakı Ukrayna isə xal ehtiyatını artırıb. “Şaxtyor” Konfrans Liqasında Maltada “Hamrun”u məğlub etməklə (2:0) ölkəsinə 0.500 xal qazandırıb. Ukrayna 22.850 xalla 25-ci pillədədir.

Reytinqə 103.339 xalla İngiltərə başçılıq edir.

Bu gün futzal üzrə Yüksək Liqada X turun oyunları keçirilib.

Futbolpress.az xəbər verir ki, bu dəfə turnir cədvəlinin qonşu pillələrində yer alan komandaların duelləri olub.

U-19 “Lənkəran”ı məğlub edib, lider “Neftçi” isə “Araz-Naxçıvan”a uduzub.

U-19 – Lənkəran (6:1) 8:4
Qollar: İsmayıl Əhmədov, 0:47, 4:35, 6:53, 23:18, Pünhan Qasımzadə, 4:06, 12:36, Oqtay Mahmudzadə, 4:46, 38:46 // Ömər Kərimli, 3:26 ö/q, Şahin Xəlilov, 30:53, Ümid Qəhrəmanov, 34:47, Rasim Əhmədov, 38:23, Tofiq Məlikov, 39:44

Neftçi İK – Araz-Naxçıvan (1:2) 4:5
Qollar: Lukas Ramos, 18:05, Tofiq Əliyev, 27:13, Allef Maiolli, 30:51, İaqo Hernique, 38:28 // Kamran Hacıyev, 0:43 ö/q, Luicci Lonqo, 19:30, Karlos Bertuola, 24:57, 26:32, 37:58

Şuşa – Baku Fire (0:4) 2:6
Qollar: Rüstəm Bağırov, 33:19, 37:46 // Fərid Abbasov, 3:51, Rüfət Məmmədli, 6:03, 8:43, Nurlan Məmmədov,17:25, Novruz Kazıxanov, 32:20, Kənan Manafov, 36:28

“Qarabağ” Çempionlar Liqasının VI turunda Bakıda “Ayaks”a uduzub – 2:4.

Millinin sabiq məşqçisi Şahin Diniyev “Futbolpress.az“a açıqlamasında oyunu dəyərləndirdi:

“Hamı kimi məyusam. “Qarabağ” üçün yaxşı şans var idi. “Ayaks”ı keçmək olardı, amma alınmadı. Lakin məğlubiyyət o demək deyil ki, şanslar qalmayıb. Düzdür, bu oyunda qələbə olsaydı, indi fərqli şeylərdən danışardıq. “Ayaks”ın əsas oyunçuları olmasa da, gəncləri özlərini sübut etmək istəyirdi. “Ayaks”da oyunçuların kimliyinin fərqi yoxdur”.

Mütəxəssis “atlılar”ın son dəqiqələrdə üstünlüyü əldən verməsinə toxundu:

“Qarabağ” 70-80 dəqiqə yaxşı oynadı. Təəssüf ki, son dəqiqələrdə üstünlük əldən verildi. Təəssüflənirik, amma nəzərə alaq ki, “Qarabağ” yaxşı işlər görüb. Çempionlar Liqasında 7 xal toplamaq asan iş deyil. Həm də şanslar hələ də davam edir”.

Məğlubiyyətə görə ən çox tənqid edilən Nəriman Axundzadədir. İkinci hissədə meydana daxil olan, lakin oyuna qoşula bilməyən hücumçu ardıcıl top itkilərinə yol verdi. Diniyev Nərimanın oyunundan da söz açdı:

“Məğlubiyyətə səbəb əvəzetmə deyil. Belə olduğunu düşünmürəm. Sadəcə meydança ağır idi, “Qarabağ” da çox güc sərf etmişdi. “Ayaks”ın gənc heyəti var, onların dinamikliyi və sürəti artırması təzyiq yaratdı. “Qarabağ”ın belə yorğunluğu gözlənilən idi”.

Şahin Cəfərov

Azərbaycan Premyer Liqasının 15-ci turu çərçivəsində dekabrın 15-i saat 19:00-da “Palms Sports Arena”da keçiriləcək “Neftçi” – “Sumqayıt” matçının biletləri satışa çıxarılıb.

Futbolpress.az xəbər verir ki, qiyməti 2 (“Şərq 1”, “Şərq 2”, “Forza”, “Qərb 2” sektorları), 3 (“Cənub üst”, “Şimal 1”, “Şimal 2” sektoru), 5 (“Cənub alt” sektorları), 15 (“VIP Silver” sektoru) və 20 (“VIP Gold” sektoru) AZN təşkil edən biletləri “Neftçi”nin mobil tətbiqindən və “https://bilet.neftchi.az” saytından onlayn şəkildə əldə etmək olar.

Stadionun kassasında isə biletlər oyun günü saat 11:00-dan etibarən satışda olacaq.

Qeyd edək ki, noyabrın 23-də keçirilmiş “Neftçi” – “İmişli” matçına onlayn bilet əldə etmiş azarkeşlərin “Sumqayıt”la oyuna girişi sərbəst olacaq.

AFFA Apellyasiya Arbitraj Tribunalının iclası keçirilib.

Futbolpress.az xəbər verir ki, toplantıda Region Liqasında çıxış edən “Lənkəran” klubunun şikayətinə baxılıb. İclasda aşağıdakı qərar qəbul edilib:

1. “Lənkəran” Futbol Klubu tərəfindən verilən apellyasiya şikayəti təmin edilməsin.

2. 16 noyabr 2025-ci il tarixində AFFA Region Liqasında keçirilən Salyan OİK-Lənkəran FK oyunu bitdikdən sonra Lənkəran FK komandasının heyətində 10 nömrəli futbolçu Şahin Ağayevin hakimlər briqadasını təhqir etməsinə görə qırmızı vərəqə ilə cəzalandırıldığı üçün növbəti 4 (dörd) oyuna buraxılmaması barədə İntizam Komitəsinin 20 noyabr 2025-ci il tarixli qərarı öz qüvvəsində saxlanılsın.

3. Apellyasiya Arbitraj Tribunalının qərarından Lozannadakı (İsveçrə) İdman üzrə Arbitraj Məhkəməsinə (CAS) şikayət verilməsinin mümkünlüyü maraqlı tərəflərə izah edilsin.

Azərbaycan I Liqasında X tura yekun vurulub.

Futbolpress.az xəbər verir ki, sonuncu oyun günündə iki qarşılaşma keçirilib. Lider “Şəfa” “Zaqatala” ilə oyunda xal itirib. İkinci pillədə yer alan “Səbail” isə “Difai”yə qalib gəlib.

Azərbaycan I Liqası
X tur

Şəfa – Zaqatala 1:1
Qollar: E.Cəfərov, 55 – O.Təhməzli, 74

Səbail – Difai 3:0
Qollar: R.Hacıyev, 5, E.Qasımov, 88, 90+4

Futzal üzrə 2028-ci ildə keçiriləcək dünya çempionatının Avropa zonası üzrə seçmə mərhələsinə gələn ilin aprelində start veriləcək.

Futbolpress.az xəbər verir ki, sabah – dekabrın 12-də isə ilkin mərhələnin püşkü atılacaq. Azərbaycan millisi yenə mübarizəyə əsas mərhələdən başlayacaq. Belə ki, komandamız UEFA-nın açıqladığı reytinq cədvəlinin 25-ci pilləsində yer alsa da, Rusiyanın cəzalı olması və yarışlardan kənarlaşdırılması millimizə mübarizəyə əsas mərhələdən başlayacaq 24 iştirakçıdan biri olmaq şansı yaradıb. Onu da qeyd edək ki, Avropa zonasından DÇ-2028-də 7 komanda iştirak edə bilər. Əgər 2028-ci il oktyabrın 7-dən 29-dək baş tutacaq yarışa Avropa qitəsində yer alan ölkələrdən biri evsahibliyi etmək hüququ qazanarsa, bu zaman seçmə mərhələlərdən 7 yox, 6 komanda vəsiqə qazanacaq.

5 mərhələli seçim

Avropa zonası üzrə seçimlər 5 mərhələdən ibarət olacaq: İlkin mərhələ (hər qrupda 4 komanda və oyunlar qrupda yer alan ölkələrdən birində keçiriləcək), Əsas mərhələnin qrup oyunları (burada oyunlar ev-səfər prinsipi ilə keçiriləcək), Əsas mərhələnin pley-off oyunları (ev-səfər prinsipi ilə keçirləcək oyunların qalibi davam etmək hüququ qazanacaq), Elit-raundun qrup mərhələsi (qrupda yer alan komandalar ev-səfər şərti ilə qarşılaşacaqlar), Elit-raundun pley-off oyunları (son 1 və ya 2 vəsiqənin sahibini müəyyənləşdirmək üçün ev-səfər prinsipi ilə keçiriləcək oyunların qalibi).

Püşkatma və oyunların keçirilmə təqvimi:

İlkin mərhələnin püşkatma mərasimi: 12 dekabr 2025

İlkin mərhələnin oyunları: 6-15 aprel 2026

Əsas mərhələnin qrup oyunlarının püşkatması: 19 may 2026

Əsas mərhələnin qrup oyunlarının tarixləri: 12-21 oktyabr 2026, 2-11 noyabr 2026, 6-9 dekabr 2026, 22 fevral – 3 mart 2027

Əsas mərhələnin pley-off oyunlarının püşkatması: 3 mart 2027

Əsas mərhələnin pley-off oyunlarının keçirlmə tarixi: 12-21 aprel 2027

Elit-raundun qrup mərhələsinin püşkü: 20 may 2027

Elit-raund qrup mərhələsinin oyunlarının təqvimi: 6-15 sentyabr 2027, 11-20 oktyabr 2027, 13-22 dekabr 2027

Elit-raund pley-off oyunlarının püşkatması: 20 yanvar 2028

Elit-raund pley-off oyunlarının keçirilmə tarixi: 10-19 aprel 2028

UEFA zonası üzrə seçmə mərhələnin formatı

İlkin mərhələ

Bu mərhələdə komandalar hər birində 4 iştirakçı olmaqla qruplara bölünəcəklər. Oyunlar qrupda yer alan ölkələrdən birində mini-turnir formatında keçiriləcək. Onlardan qrup qalibi və bir və ya bir neçə ən yaxşı göstəriciyə malik 2-ci yeri tutmuş komanda əsas mərhələyə vəsiqə qazanacaq.

Əsas mərhələ

İlkin mərhələdən 12 komandanın əsas mərhələyə vəsiqə qazanmasından sonra ümumi iştirakçıların sayı 36 olacaq. Burada komandalar hər birində 3 iştirakçı olmaqla 12 qrupa bölünəcəklər. Qrup qalibləri və ən yaxşı göstəriciyə sahib olacaq 2-ci yeri tutan 4 milli Elit-raunda birbaşa yüksələcək. Yerdə qalan 8 qrup ikincisi pley-off oyunlarında iştirak edəcək. Püşkatmadan sonra cütlərin qalibi olacaq 4 milli də Elit-raunda vəsiqə qazanacaq. Bu mərhələnin həm qrup, həm də pley-off oyunları ev-səfər prinsipi ilə keçiriləcək.

Əsas mərhələdən mübarizəyə başlayacaq 24 komanda: Portuqaliya, İspaniya, Qazaxıstan, Ukrayna, Fransa, Xorvatiya, İtaliya, Sloveniya, Çexiya, Polşa, Niderland, Ermənistan, Gürcüstan, Belarus, Slovakiya, Finlandiya, Belçika, Serbiya, Macarıstan, Rumıniya, Bosniya və Herseqovina, Moldova, Almaniya, AZƏRBAYCAN

Elit-raund

Burada 20 komanda hər birində 4 yığma olmaqla 5 qrupa bölünəcək. Yekunda 5 qrup qalibi final mərhələsinə vəsiqə qazanacaq. Qrup ikinciləri arasında 4 ən yaxşı nəticəsi olan komanda pley-offda gücünü sınayacaq və onlardan 2-si final mərhələsində oynamaq hüququ qazanacaq. Əgər final mərhələsinə evsahibliyi Avropa ölkələrindən birinə verilərsə, bu zaman pley-offda 4 yox, 2 ən yaxşı nətisəi olan qrup ikincisi iştirak edəcək və 1 komanda həlledici mərhələyə yüksələcək. Əsas mərhələdə olduğu kimi, burada da bütün oyunlar ev-səfər prinsipi ilə keçiriləcək.

İndiyə qədər dünya çempionu olanlar

2024: Braziliya – Argentina (Özbəkistan) 2:1

2021: Portuqaliya – Argentina (Litva) 2:1

2016: Argentina – Rusiya (Kolombiya) 5:4

2012: Braziliya – İspaniya (Tayland) 3:2

2008: Braziliya – İspaniya (Braziliya) 2:2, 4:3 pen.

2004: İspaniya – İtaliya (Tayvan) 2-1

2000: İspaniya – Braziliya (Quatemala) 4:3

1996: Braziliya – İspaniya (İspaniya) 6:4

1992: Braziliya – ABŞ (Honq Kon1) 4:1

1989: Braziliya – Niderland (Niderland) 2:1

“Qarabağ” Çempionlar Liqasının VI turunda “Ayaks”a uduzub – 2:4.

Azərbaycan millisinin sabiq məşqçisi Arif Əsədov “Futbolpress.az“a açıqlamasında məğlubiyyəti şərh etdi:

“Nə demək olar… Üzücü oldu. “Qarabağ“ın məğlubiyyətinə görə məyusuq. Oyundan əvvəl də görünən o idi ki, xalı olmasa da, bu, “Ayaks”dır. Tarixi, ənənəsi var. Çətin oyun olacağını bilirdik. “Qarabağ” oyuna yaxşı başladı, hesabda da irəli çıxdı, hücumlar etməyə davam etdi. 2:1-dən sonra da qol vurmaq istəyirdilər. Böyük qüvvə ilə irəli atıldılar və “Ayaks” əks-hücumlardan fərqləndi”.

Mütəxəssis “Qarabağ”ın pley-off şanslarının davam etdiyini bildirdi:

“Şanslar davam edir, irəli pozitiv baxmalıyıq. “Qarabağ“ın göstərdiyi oyun fəxredicidir. Əvvəl Çempionlar Liqasına düşməyi arzu edirdik, indi isə qazandığı xallara görə pley-off arzulayırıq. Bu, istəkdir. Amma reallığa baxaq, rəqiblərin büdcəsi, şəraiti, gücü ortadadır. Bunlar fonunda belə “Qarabağ” Azərbaycanı layiqincə təmsil edir. Qarşıda iki oyun var. Hələ heç nə bitməyib. Şanslar davam edir”.

Mütəxəssis oyunun ikinci hissəsində meydana daxil olan, lakin uğursuz çıxışı ilə tənqidlərə səbəb olan Nəriman Axundzadə haqda danışdı:

“Bu məsələyə məşqçi prizmasından yanaşmaq lazımdır. Düzdür, azarkeşlərin fikirlərinə hörmətlə yanaşmalıyıq. Amma baxaq, Qurban Qurbanovun əlində ikinci hücumçu kimi tək Nəriman var. O, çempionatda da mütəmadi oynayır, qollar vurur. Bəs bu zaman nə deyək? Futboldur, ilk növbədə hər şey oyunçudan asılıdır. O, özünü fərdi şəkildə oyuna hazırlamalıdır. Məşqçi nəyisə dəyişmək, hücumu gücləndirmək istəyir. Lakin oyunçuda alınmırsa, məşqçi buna nə edə bilər? Futbolda belə hallar olur. Qurban Qurbanov hər zaman futbolçularının arxasında durur. Neçə illərdir, belə situasiyalar olur. Enişlər olsa da, Qurbanov futbolçularının arxasındadır. Çalışır ki, onları belə vəziyyətdən çıxara. Məsələyə neqativ yanaşmaq asandır. Məsələ pozitiv düşünmək, daha yaxşı olmaq üçün çalışmaqdır”.

Şahin Cəfərov

“Neftçi”nin sabiq futbolçusu Azər Əliyevin yeni ünvanı məlum olub.

 

Futbolpress.az xəbər verir ki, 31 yaşlı müdafiəçi “Yenisey”ə keçib. Bu barədə I Liqa klubunun mətbuat xidməti məlumat yayıb. Əliyevlə müqavilə mövsümün sonuna kimi nəzərdə tutulub.

 

Azər daha əvvəl 2013-2017-ci illərdə “Yenisey”in formasını geyinib.

 

Müdafiəçi 2022-ci ilin yanvarından bu ilin yayına kimi “Neftçi”də çıxış edib. O, Azərbaycan yığmasında bir oyuna çıxıb.

“Neftçi”nin futbolçusu Vensan Abubakarın Kamerun millisinə dəvət alınmaması ilə bağlı yeni iddia çıxıb.

Futbolpress.az xəbər verir ki, bu barədə “SunSport” nəşri məlumat yayıb. Kamerun Futbol Federasiyasının rəhbəri Samuel Eto qəsdlə Abubakarın milliyə dəvətinə qarşı çıxıb.

Eto millinin 56 qolla bombardiridir. Abubakarın isə aktivində 45 qol var. İddiaya görə, Eto rekordunun qırılmaması üçün Abubakarın yığma yolunu bağlayıb.

Bu gün 19 yaşadək qadın futbolçulardan ibarət milli komandalar arasında Avropa çempionatının 2025/2026 mövsümü üzrə II raundun püşkü atılıb.

Futbolpress.az xəbər verir ki, püşkatma mərasimində Azərbaycan millisinin rəqibləri müəyyənləşib. B Liqasının 6-cı qrupunda yer alan U-19 Xorvatiya, Çexiya və Gürcüstan yığmaları ilə mübarizə aparacaq.

Bu gün 17 yaşadək qadın futbolçulardan ibarət milli komandalar arasında Avropa çempionatının 2025/2026 mövsümü üzrə II raundun püşkü atılıb.

Futbolpress.az xəbər verir ki, püşkatma mərasimində Azərbaycan millisinin rəqibləri müəyyənləşib.

B Liqasının 3-cü qrupunda yer alan U-17 Belçika, Sloveniya və Farer adaları yığmaları ilə mübarizə aparacaq.

Hər kəsin qələbə gözlədiyi anda gələn məğlubiyyət “Qarabağ“a turnir cədvəlində mövqe, həm də psixoloji olaraq neqativ təsirlərini göstərəcək. İki dəfə önə keçilməsinə baxmayaraq, son dəqiqələrdə ardıcıl qollar buraxmaq yaraşmadı.

Nəriman Axundzadənin oyuna daxil olması ilə dəyişən oyun, azalan pressinq, rəqibin ustalığı və s. bunlar ayrı mövzudur. Lakin matçın ilk hissəsində 2-3 ötürmə ilə “Qarabağ” qapısına yaxınlaşan “Ayaks” asan olmayacağını əvvəldən göstərmişdi.

İllərdir, “Qarabağ” üçün əvvəldən rahat hesab edilən oyunlar demək olar, məğlubiyyətlə başa çatıb. Bəlkə, 1-2 dəfə heç-heçə ola, ya yox. Bu il “Ferentsvaroş“a səfərdə iki fərqlə qalib gəldikdən sonra da Bakıda rahat nəticə proqnozlaşdırılırdı. Lakin bəlkə də, bu mövsümün ən çətin, dramatik oyunlarından biri macarlara qarşı evdə olmuşdu. 2:3 hesablı məğlubiyyət və Çempionlar Liqasına alınan çətin bilet.

Bu dəfə isə “Ayaks“. Ağır mövsüm keçirən, liqada liderdən uzaq düşən, Çempionlar Liqasında xal qazana bilməyən amsterdamlılar “Qarabağ“ın rəqibləri arasında bəlkə də, ən rahatı hesab edilirdi. Baş məşqçi postu da müvəqqəti birinə tapşırılan “narıncılar”ın burda qələbə qazanmasına inanan kəsim çox az idi. Hər kəs qələbəyə köklənmiş, pley-off yolu gözləyirdi… Lakin keçmişə baxsaq, “Qarabağ”ın yaxşı futbolu, yaxşı nəticələri məhz favorit olmadığı, meydana rahat çıxdığı matçlarda olub. 

Niderland klubuna oyunun taleyini həll etmək üçün 10 dəqiqə kifayət etdi. Əvvəlcə bərabərlik qolunu vurdular, daha sonra əks-hücumlardan fərqləndilər. Bakıda “Çelsi“dən xal al, “Ayaks”a uduz… Səfərdə “Benfika”dan üç xal al, Bakıda “Ayaks”a uduz… Belə bir məqamda motivasiya məsələsi də üzə çıxır. Oyunçular çox arxayın idimi? Nəyin rahatlığı, nəyin gətirdiyi qələbə gözləntisi idi?

Nərimanın oyuna daxil olması ilə hücumda problemlər artdı. Amma əvəzləməyə qədər qaçırılan şansları kimə yazmaq olar? Zubirin real epizodda ləng qərar verməsi, bundan öncə bir dəfə təkbətəki vura bilməməsi və s. Tək Zubirlə deyil, rəqibin ikinci qoluna qədər kifayət qədər epizodlar qaçırıldı. Çempionlar Liqası “nəhənglər”in yeridir. Sən 10 epizod qaçır, onlar birində səni cəzalandırar. Məhz belə də oldu, “Qarabağ” nizamlı qurulan hücumlardan fərqlənə bilmədi, “Ayaks” kortəbii futbol və son dəqiqələrdəki əks-hücumlar hesabına Bakıdan üç xalla döndü və pley-off ümidlərini saxladı.

Bizim ümidimiz? Var, amma daha çətindir. Almaniyanın “Ayntraxt” (Frankfurt) klubuna qalib gəlmək, səfərdə “Liverpul”dan azı bir xal almaq müşkül məsələyə oxşayır.

Şahin Cəfərov

“Sabah”ın sabiq baş məşqçisi Vasili Berezutskinin yeni iş yeri məlum olub.

Futbolpress.az xəbər verir ki, mütəxəssis Rusiyanın “Ural” klubuna baş məşqi təyin edilib. Bu barədə I Liqa təmsilçisinin mətbuat xidməti məlumat yayıb. Mütəxəssislə razılaşmanın detalları açıqlanmayıb.

“Ural” Rusiya I Liqasında 21 turdan sonra 41 xalla ikinci sırada qərarlaşıb. Komanda lider “Fakel”dən 7 xal geridədir.

Berezutski 2024/25 mövsümündə “Sabah”a rəhbərlik edib. O, “bayquşlar”la Azərbaycan Kubokunu qazanıb.

“Sofascore” portalı Çempionlar Liqasının “Qarabağ” – “Ayaks” oyununda futbolçuların performanslarını qiymətləndirib.

Futbolpress.az xəbər verir ki, görüşün ən yaxşısı 9.6 balla niderlandlıların yarımmüdafiəçi Oskar Qlux olub. “Ayaks”da cinah müdafiəçisi Anton Qae də 8 balla ikinci ən yaxşı futbolçu kimi dəyərləndirilib.

“Qarabağ“ın heyətində ən yüksək balı alan Mateus Silvadır. Komandanın ikinci qolunu vuran cinah oyunçusunun çıxışı 7.6 balla dəyərləndirilib. Start heyətdə meydana çıxanlarda ən zəifləri isə Elvin Cəfərquliyev və Bəhlul Mustafazadə olub – 6.1 bal.

Beynəlxalq Futbol Tarixi və Statistikaları Federasiyası (IFFHS) klubların yeni dünya reytinqini açıqlayıb.

Futbolpress.az xəbər verir ki, “Qarabağ” 3 pillə geriləyərək, 68-ci sırada qərarlaşıb. Azərbaycan çempionunun aktivində 187.5 xal var.

Ötən siyahıda 276-cı olan “Sabah” irəliləyib. “Bayquşlar” 87.25 xalla bu dəfə 252-ci pillədə qərarlaşıb.

“Zirə” 70.5 xalla 360-cıdır. “Qartallar” ötən siyahı ilə müqayisədə 27 pillə irəliləyib.

“Araz-Naxçıvan” 57.75 xalla 486-cıdır. Naxçıvan təmsilçisi ötən siyahı ilə müqayisədə 96 sıra geriləyib.

Reytinqə 585 xalla PSJ başçılıq edir.

UEFA Çempionlar Liqasında VI turun oyunlarından sonra həftənin ən yaxşı futbolçusu adına namizədlər açıqlanıb.

Futbolpress.az xəbər verir ki, “Qarabağ“la oyunda iki qol vuran “Ayaks”ın futbolçusu Oskar Qlux namizədlər arasında yer alıb. Digər iddiaçılar “Atalanta”dan De Ketelare, “Arsenal”dan Nodi Madueke və “Barselona”dan Jül Kundedir.

Qalib UEFA-nın saytında keçirilən sorğu nəticəsində müəyyənləşəcək.

UEFA Çempionlar Liqasında VI turun oyunları baş tutub.

Futbolpress.az xəbər verir ki, matçlardan sonra turnir cədvəlində komandaların yerləri məlum olub.

Bakıda “Ayaks”a uduzan “Qarabağ” 7 xalla 22-ci sıradadır. Azərbaycan təmsilçisi oyundan öncə 19-cu sırada qərarlaşmışdı.

Turnir cədvəlinə 18 xalla “Arsenal” başçılıq edir.

Çempionlar Liqasının VI turunda keçirilən “Qarabağ” – “Ayaks” oyununun ən yaxşı futbolçusu açıqlanıb.

Futbolpress.az xəbər verir ki, bu, Amsterdam klubunun yarımmüdafiəçisi Oskar Qluxdur. O, 4:2 hesabıyla qələbə qazandıqları oyunda iki qol vurub.

Oskar UEFA-nın saytına açıqlamasında matçla bağlı bunları deyib:

“Sevincimi izah etmək çətindir. Həyəcanlı gecə oldu. Bakıya gəldiyimiz andan hazırlıq çox yaxşı idi və bunun bəhrəsini matçda gördük. Görüşə diktə etdik. Rəqib erkən qolla hesabı açdı. Amma performansımız yaxşı oldu. “Qarabağ” iki dəfə önə keçsə də, geridönüş edəcəyimizə inanırdıq. Yekunda bunu bacardıq. Qələbəyə dair güclü inamla bura gəlmişdik. Hələ iki oyunumuz qalır, onları da qələbə ilə bitirmək istəyirik”.

“Qarabağ”ın baş məşqçisi Qurban Qurbanov Çempionlar Liqasının VI turunda “Ayaks”a uduzduqları görüşdən (2:4) sonra jurnalistlərin suallarını cavablandırdı.

Futbolpress.az xəbər verir ki, mütəxəssis əvvəlcə görüşlə bağlı fikirlərini bildirdi…

– Rəqibi təbrik etmək istəyirəm. Oyunsonrası baş məşqçiləri öz oyunçuları tərəfə getdi, görüşə bilmədik. Oyuna gəlincə, futbolçulardan razı qaldım. Son dönəmlərdə belə dinamik, sürətli oyun nadir hallarda olur. Sadəcə bu cür komandalar səhvləri bağışlamır və əllərinə düşən imkanları maksimum dəyərləndirirlər. Bura Çempionlar Liqasıdır, istənilən nəticəni gözləmək lazımdır. “Ayaks”da əvvəlki oyunlarda alınmayanlar bu oyunda alındı. Bundan öncə məğlub olmalarına baxmayaraq, yaxşı oynamışdılar. Hər bir halda, futbolçulardan razı qaldım. Döyüşərək məğlub olduq. Bu gün bərabərlik haqda düşünmürdük. Futbolçular qələbə ruhunu vermişdi. Sona kimi hücumda daha çox olduq. Azarkeşlərimizə də təşəkkür edirəm. Bu gün futbol bayramı idi, sadəcə qələbə çatmadı.

– Qələbə istəyirdiz və öndə olduğunuz anlarda əks-hücumlardan qol buraxdınız…
– Hazırlığımız necədirsə, sona kimi saxlamaq istəyirik. Belə böyük oyunlarda gücümüzü sona qədər sınamalıyıq. Qol vurandan sonra geri çəkilmək düzgün olmazdı. “Ayaks” topla çox yaxşı davranmağı bacarır. Riskə getdik, rəqibə pressinq etdik. Bizim qol epizodlarımız daha çox olub. Nədən razı qaldım? Demək olar, bir günün içində oyuna hazırlaşdıq. Rəqibə uyğun hazırlıqlarımız oldu.

– “Bu cür komandalar səhvləri bağışlamır” dediniz. Hansı səhvləri nəzərdə tutursunuz?
– İlk iki qol uzaqdan vurulan zərbələr idi. Diqqətsizlik yaranmışdı. 3 və 4-cü qol da əks-hücumda yaxalandıq. Hücuma çıxanda toplar itirdik. Oyunun sonlarında Elvin Cəfərquliyev sol cinahda daha diqqətli olmalı idi. Bizim cinah müdafiəçilərimiz hücumda daha aktiv çıxış edir. Sona yaxın futbolçularda yorğunluq var idi. Bəlkə də, həmin epizodlarda sürətdə uduzduq.

– Oyunun qırılma anı Zubirin 2:1 öndə olduğunuz anda yaxşı imkanı qaçırması idi?
– Çoxlu şanslarımız oldu. Saymaq olar, amma artıq gecdir. Qırılma anı demək üçün gecdir. Epizodlardan rəqib daha yaxşı istifadə etdi.

– Oyuna sonradan daxil olanlardan razı qaldınız? Xüsusilə, Nəriman…
– Tam razı qaldım deməzdim. Daha yaxşı oynaya bilərdilər. Sürəti artırmaq istəyirdik. Dəqiq olsaydılar, məncə, fərqli olardı. İlk dəfə deyil, bu baş verir. Bu gün alınmadı.

– Nərimanın oyunu ilə bağlı narazılıq var. Azarkeşlər deyir ki, o oyuna daxil olandan sonra hücumda ləngimələr olur.
– Nərimanla bağlı nə qədər vaxtdır, müzakirələr gedir. Özüm bilmirəm Nəriman haqda nə deyim. Nəsə fikir bildirsəm, azarkeşə qarşı çıxmış olaram. Nəriman daha yaxşı oynaya bilərdi. Dəfələrlə futbolçularımın yanında olmuşam, bu gün də. Oyunun əvvəlindən çox güc sərf etdik. Azarkeşlərin narazılığı ilə bağlı hansısa fikir bildirmək istəmirəm. Sadəcə Nəriman daha yaxşı oynaya bilərdi.

– Hava şəraiti oyuna necə təsir etdi?
– Ağır idi. Amma indi nəsə fikir bildirsəm, düzgün çıxmaz. Oyun bitib. Hər iki komanda üçün şərtlər eyni idi. Avropadan gələn komandalar ilboyu bu rejimdə, tempdə oynayırlar. Bu gün çox istəkli olmağımız bəlkə də, bizi yordu. Oyuna kənardan baxanda həzz alırdım. 90 dəqiqə dayanma, ləngimə oldu. Meydanda sürət, mübarizə var idi. Bugünkü matç son dönəmlərin ən yaxşı üç oyunundan biri idi. Xeyli sayda qol epizodları, qollar oldu.

– “Ayntraxt”la oyundan öncə çempionatda bir aylıq fasilə olacaq. Amma Almaniyada liqa davam edəcək. Bu, komandaya mənfi təsir edə bilər?
– Olar. Çünki onlar daha hazır olacaqlar. Hər bir halda, başqa yolumuz yoxdur, maksimum çalışmalıyıq. Bəzi yoldaşlıq oyunları keçirməyi planlaşdırırıq. Qarşıda çempionat matçlarımız var. Köklənmək psixoloji baxımdan asan olmayacaq.

– Pley-off şanslarınızı necə dəyərləndirirsiniz?
– Futbolçular məğlubiyyətə görə məyusdur. Onlar da şansdan maksimum istifadə etməyə çalışdılar. Paltardəyişmə otağında da kefsiz olduqlarını gördük. Onları qaytarmaq üçün vaxtımız olacaq. Şansımız varsa, maksimum istifadə etməyə çalışacağıq.

– U-19 komandası Gənclər Liqasında 6 oyuna xal toplaya bilmədi və böyükhesabla uduzdu. Bu haqda fikirlərinizi bilmək istəyirdim. O kollektivdən hansısa oyunçunun əsas komandaya gəlmək ehtimalı var?
– Azərbaycan futbolunun yaralı yeridir. Bu gün 19 yaşlılarımızda fərq bu qədər hiss olunursa, 4-5 il sonra bu komanda hansı səviyyədə olacaq, maraqlıdır. Bu, bizim üçün böyük təhlükədir. Bəlkə, kənardan nəticələrimiz, vuruşmağımız bizi aldadır. Gələcəyə baxsaq, futbolumuzdakı fərqlər böyüyə-böyüyə gedir. Sonu necə olacaq, bilmirəm. “Qarabağ” olaraq mütləq şəraitimizi yaxşılaşdırmalı, daha diqqətli olmalıyıq. Həm də 19 yaşlılarımızın çox 17, 18 yaşlı oyunçular idi, ilk dəfədir belə turnirdə iştirak edirlər. Rəqiblər böyüyə-böyüyə gəlirlər. Bu gün biz Çempionlar Liqasında oynayırıqsa, onlar 17 yaşlarından başlayır belə turnirlərdə oynamağa. Onların şəraitindən isə danışmağa dəyməz. Avropada uşaq futbolu deyəndə ağıla gələn ilk komanda “Ayaks”dır. Onların şəraitindən danışılası deyil. Onların şəraiti Azərbaycan futbolunun şəraitindən üstündür. Özüm də bir neçə klubda, akademiyada olmuşam. Onlarla biz yan-yana qoyulası deyilik. Fərq çox böyükdür.

– Azərbaycanda futbolunda üzdə olan əsas iki simadan birisiniz. Gələcəyə ümid yoxdur?
– Ümidsiz olacağıqsa, futboldan uzaqlaşmalıyıq. Çalışıb, onlarla ayaqlaşmalıyıq. Bu gün klub olaraq onlara qarşı mübarizə apara bilirik. Elə səviyyədə olan komandalardır ki… Bu gün futbol elə səviyyədədir ki, istənilən komanda digərinə qalib gəlmək gücündədir. Finallarda belə böyükhesablı nəticələr olur. Çox geridə qalmışıq. Onlar gələcəyə böyük yatırımlar edirlər. Hər bir halda, pozitiv olmalıyıq.

Şahin Cəfərov

“Ayaks”ın baş məşqçisi Fred Qrim Çempionlar Liqasında “Qarabağ”a qalib gəldikləri oyundan (4:2) sonra jurnalistlərin suallarını cavablandırdı.

Futbolpress.az xəbər verir ki, mütəxəssis əvvəlcə matçla bağlı fikirlərini bölüşdü…

– Maraqlı oyun alındı. Məncə, “Qarabağ”ın da qollarının keyfiyyəti yaxşı idi. Böyük şansları oldu ki, önə keçsinlər. Fasilədən sonra daha yaxşı oynamağa çalışdıq. 1:2 geridə olanda yenidən qol vurmaq çətin idi. Amma sonda bunu bacardıq.

– Nəhayət, xal qazandınız. Sizcə, qələbəni gətirən əsas amil nə idi?
– Əsas məsələ necə oynamağımızdan, taktikamızdan ibarət idi. Düzdür, daha yaxşı ola bilərdik. Oyun çətin keçdi, amma istədiyimiz nəticəni qazandıq.

– Çempionlar Liqasıında geridönüşünüz olmuşdu?
– Buna sevinirəm. Belə oyundan qələbə ilə ayrılmaq kifayət qədər yaxşıdır. Nəticədən məmnunam. Belə oyunlarda xırda detallar həlledici olur.

– Futbolçularınız çox sürüşürdü. Amma “Qarabağ”ın oyunçuları yox.
– Bəli, ola bilər, “Qarabağ” belə ot örtüyündə oynamağa öyrəşib. Bizim üçün çətin oldu.

– “Feyenoord”la matç üçün özünəinamınız artacaq?
– Bəli. İstəyirik ki, qələbə seriyamızı davam etdirək.

– Paltardəyişmə otağında ilk qələbəni necə qeyd etdiniz?
– Böyük sevinc var idi. Azarkeşlərimiz də böyük dəstək göstərdi. İnanılmaz hisslər yaşayırıq.

– Meydana çıxan gəncləriniz haqda nə düşünürsünüz?
– Pis oynamadılar. Aaron da özünü yaxşı göstərdi. Gənc olmalarına baxmayaraq, bu cür səviyyəyə hazır olduqlarını göstərdilər.

– İlk qələbə münasibətilə təbrik edirəm. Son 10 dəqiqədə 3 qol vurdunuz. Həmin an “Qarabağ”ı nədə üstələdiniz?
– Məncə, ilk növbədə komandanın yaxşı təşkil olunması vacib məqam idi. “Qarabağ”ın güclü tərəflərini də, axsaq tərəflərini də bilirdik.

Şahin Cəfərov

“Qarabağ” Çempionlar Liqasının VI turunda bu gün “Ayaks”ı qəbul edəcək.

Futbolpress.az xəbər verir ki, saat 21:45-də start götürəcək oyuna komandalar aşağıdakı heyətlə çıxacaqlar:

“Qarabağ”: 99. Mateuş Koxalski, 2. Mateus Silva, 13. Bəhlul Mustafazadə, 81. Kevin Medina, 44. Elvin Cəfərquliyev, 8. Marko Yankoviç, 35. Pedro Bikalyo, 10. Abdullah Zubir (k), 15. Leandro Andrade, 17. Kamillo Duran

Baş məşqçi: Qurban Qurbanov

“Ayaks”: 1. Vitezslav Yaroş, 2. Lukas Rosa, 15. Yuri Baas (k), 30. Aaron Bouvman, 3. Anton Qaaey, 48. Sean Steur, 4. Ko İtakura, 24. Yorti Mokio, 7. Raul Moro, 10. Oskar Qlux, 9. Kasper Dolberq

Baş məşqçi: Fred Qrim

Bu gün İsveçrənin Nyon şəhərində UEFA Region Kubokunun 2026/2027-ci illər mövsümünün ilk raundunun püşkü atılıb.

Futbolpress.az xəbər verir ki, ölkəmizi turnirdə təmsil edəcək komanda ilkin mərhələdən mübarizəyə başlayacaq.

Azərbaycan komandası ilkin mərhələnin 7-ci qrupunda Polşa, Türkiyə və Rumıniya kollektivləri ilə mübarizə aparacaq.

Bu raundun oyunları 2026-cı ilin sentyabr-dekabr ayları aralığında Türkiyədə baş tutacaq.

Azərbaycan I Liqasında X tura start verilib.

Futbolpress.az xəbər verir ki, ilk oyun günündə üç qarşılaşma keçirilib.

Azərbaycan I Liqası 

X tur

“Mingəçevir” – “Cəbrayıl” 2:0

Qollar: S.Abdullayev, 16 (pen), Q.Səfərov, 52

“Baku Sportinq” – “Şahdağ Qusar” 2:1

Qollar: L.Stevanoviç, 1, X.Məmmədli, 28 – R.Voronsov, 23

MOİK – “Şimal” 2:0

Qollar: S.Fərəcov, 20 (pen), 71

“Qarabağ” Çempionlar Liqasında bu gün növbəti oyuna çıxıb.

Futbolpress.az xəbər verir ki, “atlılar” Bakıda “Ayaks”ı qəbul edib. Matç Amsterdam təmsilçisinin qələbəsiylə başa çatıb.

UEFA Çempionlar Liqası
Liqa mərhələsi, VI tur

10 dekabr

21:45 Qarabağ – Ayaks (Niderland) 2:4
Qollar: Kamilo Duran, 11, Mateus Silva, 49 – Dolberq, 40, Oskar Qlox, 78, 90, Anton Qae, 83
Baş hakim: Rade Obrenoviç (Sloveniya)
Tofiq Bəhramov adına Respublika stadionu

“Sabah” Misli Premyer Liqasının 14-cü turunda “Bank Respublika Arena”da “Neftçi”nin qonağı olacaq.

“Sabah”: 92. Stas Pokatilov (k) 46. Aleksey İsayev 20. Coy Lens Mikels 21. Velko Simiç 40. İqor Noqeyra 80. Akim Zedadka 3. Stiv Solvet 27. Timoteuş Puxaç 13. İvan Lepiniça 33. Umarali Raxmonaliyev 19. Aron Maluda

Ehtiyat oyunçular: 55. Nicat Mehbalıyev 72. Rustam Samiqullin 17. Tellur Mütəllimov 8. Ayaz Quliyev 2. Amin Seydiyev 5. Rəhman Daşdəmiro 6. Abdulax Xaybulaev 88. Xəyal Əliyev 89. Cəfər Muxtarov 53. Andrey Santos

Baş məşqçi: Valdas Dambrauskas

“Neftçi”: 13. Kenan Piriç (k) 15. Elvin Bədəlov 47. Murad Məmmədov 45. Vensan Abubakar 77. Falaye Sako 6. Sessi Dalmeyda 24. Mustafa Sek 5. İqor Ribeyro 18. İfeanyi Metyu 9. Bassala Sambu 11. İmad Faraj

Ehtiyat oyunçular: 1. Emil Balayev 93. Rza Cəfərov 8. Emin Mahmudov 17. Murad Xaçayev 19. Ağadadaş Salyanski 14. Edvin Kuç 27. Kristian Kostin 10. Freddi Varqas 22. Luis Ortis 23. Cordan Rezabala 28. Alessio Kurçi

Məşqçi: Sənan Qurbanov

Misli Premyer Liqasının XIV turunda “Qəbələ” doğma meydanda “Turan-Tovuz”u qəbul edir.

İdmanxeber.az-ın məlumatına görə, dumanlı hava şəraitində davan edən matç təxirə salınıb. Görüş sabah qaldığı yerdən davam edəcək.

Xatırladaq ki, ilk hissəsi davan edən matçda qapılara qol vurulmamışdı.

Misli Premyer Liqasının XIV turunda “Qəbələ” doğma meydanda “Turan-Tovuz”u  qəbul edir.

İdmanxeber.az-ın məlumatına görə, dumanlı hava şəraitində davan edən matç yarımçıq dayandırılıb.

Bu barədə görüşün baş hakimi Tural Qurbanov oyun zamanı futbolçulara da məlumat verib.

Misli Premyer Liqasında 14-cü tur davam edir.

İdmanxeber.az xəbər verir ki, günün ilk oyununda “Qəbələ” “Turan Tovuz”u qəbul edib. Görüş dumanlı hava şəraitinə görə təxirə salınıb.

Günün digər matçında “Neftçi” “Sabah”ın qonağı olacaq. Sıralamada “Sabah” 25 xalla 3-cü, “Neftçi” isə 16 xalla 8-ci pillədə qərarlaşır.

Bu turun son 2 görüşü sabah keçiriləcək. 

Misli Premyer Liqası, 14-cü tur

8 dekabr (bazar ertəsi)

17:00. “Qəbələ” – “Turan Tovuz” – 0:0 
Hakimlər: Tural Qurbanov, Asiman Əzizli, Eyyub İbrahimov, Elvin Bayramov 
VAR: Nicat İsmayıllı
AVAR: Şirmamed Mamedov
Qəbələ şəhər stadionu

20:00. “Sabah” – “Neftçi”
Hakimlər: Rəvan Həmzəzadə, Akif Əmirəli, Cəmil Quliyev, Kamranbəy Rəhimov
VAR: Rauf Cabarov
AVAR: Rəhman İmami
“Bank Respublika Arena”

“Qəbələ” Misli Premyer Liqasının 14-cü turunda doğma meydanda “Turan Tovuz”u qəbul edir.

“Qəbələ”: 1. Səlahət Ağayev (k) 13. Nicat Əliyev 74. Süleyman Damadayev 66. Nuğay Rəşidov 10. Şahin Şahniyarov 12. İbrahim Sanqare 50. Adriel Ba Loua 3. Eduardo Kunde 6. Xayme Syerra 16. İsaak Amoah 14. Domi Massumo

Ehtiyat oyunçular: 94. Həbib Hüşənov 11. Asif Məmmədov 22. Fərid İsgəndərov 97. Elşad Tağıyev 27. Eşqin Əhmədov 26. Elnur Mustafayev 17. Qədir Ramazanov 21. Ziya Şəkərxanov 30. Prins Ovusu

Baş məşqçi: Kaxaber Tsxadadze “Turan Tovuz” 1. Oleq Baklov 10. Xəyal Nəcəfov 5. Roderik Miller 3. Enrike Silva 23. Alexandro Serrano 90. Joarlem Santos 15. Emmanuel Hakman (k) 32. Hayderson Hurtado 7. Xorxe Silva 19. Roberto Olabe 21. Aleks Souza

Ehtiyat oyunçular: 41. Sergey Samok 13. Mehman Hacıyev 29. Filip Ozobiç 17. Rəhim Sadıxov 88. Faiq Hacıyev 11. Ayxan Hüseynov 6. Fərid Yusifli 73. Ülvü Mədətov 14. Murad Dadaşev 30. Mircamal Əlizadə

Baş məşqçi: Kurban Berdiyev

Bakıda “Qarabağ” və Niderlandın “Ayaks” komandaları arasında keçiriləcək UEFA Çempionlar Liqasının əsas mərhələsinin VI turunun oyununa indiyədək 27 650 bilet satılıb.

İdmanxeber.az xəbər verir ki, bu barədə Ağdam klubundan məlumat verilib.

“Qarabağ” – “Ayaks” matçı dekabrın 10-da, saat 21:45-də Tofiq Bəhramov adına Respublika stadionunda start götürəcək.

Misli Premyer Liqasının XIV turunda “Qəbələ” doğma meydanda “Turan Tovuz”la üz-üzə gələcək.

İdmanxeber.az-ın məlumatına görə, hər iki komanda da görüşə itkilərlə çıxacaq. Ev sahibində müdafiəçi Murad Musayev cəzalı, Jondo Fuks isə zədəlidir.

Tovuz klubunda isə hələ debüt etməyən David Tavareşlə İbrahima Vadji zədə səbəbindən matçı kənardan izləyəcək. Veysəl Rzayev və Abdulla Rzayev da eyni səbəbdən görüşdə forma geyinə bilməyəcək.

“Qəbələ” – “Turan Tovuz” oyunu bu gün saat 17:00-da start götürəcək.

FIFA referisi Kamal Umudlu növbəti təyinat alıb. K.Umudlu UEFA Gənclər Liqasının VI turu çərçivəsində keçiriləcək “Atalanta” (İtaliya) – “Çelsi” (İngiltərə) oyununun baş hakimi olacaq.

İdmanxeber.az AFFA-ya istinadən xəbər verir ki, ona Namik Hüseynov və Vüsal Məmmədov kömək edəcəklər.

Görüş dekabrın 9-da Berqamo şəhərində yerləşən Bortolotti İdman Mərkəzində keçiriləcək.

“Qarabağ” UEFA Çempionlar Liqasının 6-cı turunda Niderlandın “Ayaks” komandasına qarşı keçirəcəyi matçdan əvvəl azarkeşlərə müraciət edib.

İdmanxeber.az xəbər verir ki, “köhlən atlar” bu barədə sosial şəbəkə hesabında paylaşım edib.

Klub matçı izləmək üçün azarkeşləri stadiona erkən gəlməyə çağırıb.

Bildirilib ki, bu, stadiona rahat daxil olmağa, sıxlıqdan yayınmağa və komandanın isinmə hərəkətlərini tam dolu tribunalar qarşısında həyata keçirərək əlavə motivasiya qazanmasına imkan verəcək.

Oyun başlayandan 20 dəqiqə sonra stadiona giriş məhdudlaşdırılacaq. Qapılar qarşılaşmaya 2 saat 30 dəqiqə (saat 19:15) qalmış açılacaq.

“Qarabağ” – “Ayaks” matçı dekabrın 10-da, saat 21:45-də Tofiq Bəhramov adına Respublika stadionunda start götürəcək.

Misli Premyer Liqasının XIV turunda “Sabah” doğmameydanda “Neftçi”ni qəbul edir.

İdmanxeber.az-ın məlumatına görə, ev sahibi görüşə itkilərlə çıxacaq. “Sabah”ın heyətində Pavol Şafranko, Zineddin Uld Xaled, Neqoş Kupusoviç zədə səbəbindən meydana çıxa bilməyəcək.

Boyan Letiçlə Cesse Sekidikanın isə matçda forma geyinib-geyinməyəcəyi bəlli deyil.

“Neftçi”də isə üzlər gülür. “Ağ-qaralar”da “Sabah” oyunu öncəsi cəzalı və ya zədəli oyunçu yoxdur.

Xatırladaq ki, görüş saat 19:00-da start götürəcək.

Çempionlar Liqasının Liqa mərhələsinin 6-cı turunda keçiriləcək “Qarabağ” – “Ayaks” oyununu sloveniyalı hakimlər briqadası idarə edəcək.

İdmanxeber.az-ın məlumatına görə, görüşün baş hakimi FİFA referisi Rade Obrenoviç olacaq. Ona yan xətt hakimləri Yuri Praprotnik və Qreqa Kordez kömək edəcək.

Qeyd edək ki, qarşılaşma dekabrın 10-da Tofiq Bəhramov adına Respublika Stadionunda saat 21:45-də başlayacaq.

Azərbaycanlı futbolçu Vüsal İsgəndərlinin formasını geyindiyi “Partizani” Albaniya Superliqasında növbəti oyununu keçirib.

İdmanxeber.az xəbər verir ki, komanda səfərdə “Tirana” ilə qarşılaşıb və 2:0 hesablı qələbə qazanıb. Start heyətdə meydana çıxan Vüsal İsgəndərli 79-cu dəqiqədə əvəzlənərək oyunu başa vurub.

Qeyd edək ki, “Partizani” hazırda 20 xalla turnir cədvəlində 6-cı pillədə qərarlaşıb.

Misli Premyer Liqasının XIV turunda “Karvan-Yevlax” doğma meydanda “Şamaxı”ya məğlub oldu – 0:3. Məğlubiyyəti həzm edə bilməyən komandanın yeni məşqçisi Füzuli Məmmədov hirsini futbolçulardan çıxıb.

O, matçında ardından paltardəyişmə otağında oyunçuları sərt şəkildi danlayıb. Mütəxəssis bir neçə futbolçunun komandaya layiq olmadığını bildirib. 

Məmmədov bu məğlubiyyətin ardından komandaya istirahət də verməyib. O, bu gündən növbəti görüşün hazırlıqlarına start veriləcəyini bildirib.

Xatırladaq ki, “Karvan-Yevlax” növbəti turda “İmişli”nin qonağı olacaq.

İdmanxeber.az 

Misli Premyer Liqasının XIV turunda “Şamaxı” səfərdə “Karvan-Yevlax”ı məğlub edib – 0:3. Matçın ardından qonaqların baş məşqçisi Ayxan Abbasov paltardəyişmə otağına yollanmaq istəsə də, oyunun  AFFA nümayəndəsi Azər Əsgərov buna izn verməyib.

O, Abbasovun cəzalı olduğunu və bu səbəbdən də içəri daxil olmasının mümkün olmadığını bildirib. Bunun ardından baş məşqçi əsəbləşib.

Abbasov AFFA nümayəndəsinə “hər şey düzəlib, bir bu qalıb? Ondansa meydançanın durumundan danışın” deyərək, etiraz edib.

A.Əsgərov isə Abbasova əsasnaməni xatırladaraq, qaydaların belə olduğunu bildirib. Bunun ardından millimizin baş məşqçisi AFFA rəsmisinə haqq qazandıraraq, oradan uzaqlaşıb.

Xatırladaq ki, “Şamaxı”nın baş məşqçisi “Sumqayıt”la oyunda həmkarı ilə mübahisə etdiyi üçün AFFA hər iki mütəxəssisi cəzalandırıb.

İdmanxeber.az 

Bir müddət öncə “Neftçi”nin yeni baş məşqçisi Yuri Vernidubun Bakıda olduğunu xəbər vermişdik. O, artıq klubun bazasını da ziyarət edib.

Ukraynalı mütəxəssisin “ağ-qaralar”ın başındakı ilk oyununun tarixi də bəlli olub.

İdmanxeber.az-a verilən məlumata görə, təcrübəli mütəxəssis “Sumqayıt”a qarşı görüşdə “Neftçi”nin baş məşqçisi kimi debüt edəcək. Sabah “Sabah”la matça komandanı çıxaracaq Sənan Qurbanov isə ukraynalının məşqçilər heyətində yer  alacaq.

Xatırladaq ki, “Neftçi” – “Sumqayıt” oyunu dekabrın 15-də, saat 19:00-da start götürəcək.

Azərbaycan II Liqasında 12-ci tura start verilib.

İdmanxeber.az xəbər verir ki, ilk gündə bir oyun baş tutub. “Ağstafa Gəncləri” öz meydanında “Qaradağ Lökbatan”ı qəbul edib.

Qarşılaşma qonaqların minimal hesablı qələbəsi ilə başa çatıb.

12-ci tur
7 dekabr

Ağstafa Gəncləri – Qaradağ Lökbatan 0:1
Qol: T.Nəsibov, 8.
Hakimlər: Namiq Bəkirov, Səbuhi Soltanov, Səbuhi Əmrahov, Ruslan Quliyev.

“Oyuna çox ciddi hazırlaşmışdıq. Hazırlaşmaq üçün çox vaxtımız olmadı. Bərpa məşqləri ilə bərabər, taktiki məşqlər etdik. Onlar da azdır. Ən azından rəqibi təhlil etmişdik. Bilirdik ki, necə oynayacaqlar. Futbolçulara bu haqda məlumat vermişdik. İstəyirdik ki, uduzmayaq. Təəssüf ki, səhvlərimizə görə uduzduq. Amma heç ruhdan düşmürəm. Əminəm və inanıram ki, komandamız daha da yaxşı oynayacaq. Qarşıda daha 2 oyunumuz var və ondan sonra fasilə olacaq. Hər iki görüşə də maksimum hazırlaşacağıq. Əminəm ki, daha yaxşı komanda olacağıq. Bunun öhdəsindən yalnız iş və məşqlə gələ bilərik. Futbolçuların əzmkarlığı, inamı sayəsində uğur qazanacağıq”.

İdmanxeber.az xəbər verir ki, bu sözləri “Karvan-Yevlax”ın baş məşqçisi Füzuli Məmmədov Misli Premyer Liqasının 14-cü turunun “Şamaxı” ilə görüşündən sonra keçirilmiş mətbuat konfransında deyib.

O, jurnalistlərin suallarını da cavablandırıb.

– Hər məğlubiyyətdən sonra baş məşqçiləri dəyişmək taktikası nə dərəcədə doğrudur? 

– Bu haqda çox şey deyə bilmərəm. Əlbəttə ki, klub rəhbərlərinin qərarıdır. Məşqçi olaraq, özümə və komandama inanıram. İnanıram ki, qarşıdakı oyunlarda daha uğurlu olacağıq.

– “Karvan-Yevlax” “Qarabağ”a evdə də 0:2 uduzmuşdu, səfərdə də 0:2 uduzdu. “Şamaxı” ilə görüşlərdə də eyni hesablar oldu. “Karvan-Yevlax”ın oyununda inkişaf hiss edirsiz?

– Bir məşqçi üçün hazırlıq zamanına vaxt olanda, o məşqçi daha yaxşı hazırlaşır. “Qarabağ”la oyuna yaxşı hazırlaşa bilməmişdik. Zamanımız olmadı. Kubok matçımız var idi. İndiki oyun üçün də futbolçuya heç bir yükləmə verə bilmirsən. Futbolçuların fiziki durumunda çatışmazlıqlar var. Çalışacağıq ki, onu aradan qaldıraq.

– Bu heyət “Qəbələ” və “Kəpəz”i üstələyə bilər?

– Futbolçularıma çox inanıram. Məşqlərdə çox istəklidirlər. Uduzmuşuq, onlar çox üzülüblər. Yalnız işləmək və məşq etməklə öhdəsindən gəlmək olar.

– Matç bitəndən sonra yerli azarkeşlər futbolçularınızı fitə basdılar, siz isə onlara “səbirli olun, düzələcək” dediniz. Nəyə ümid edirsiz?

– Azarkeşlər haqlıdırlar, bizdən qələbə gözləyirlər. Hamısını yaxşı başa düşürəm. Onların dəstəyi çox önəmlidir. Əminəm ki, bu işin öhdəsindən gələcəyik, onları sevindirəcəyik. İstəməzdik ki, evdə bu hesabla uduzaq. Azarkeşlər qələbə gözləyir. Çox istəyirdik ki, qalib gələrək onları sevindirək.

– “Mingəçevir”də işlədiyiniz zaman komandanın 70 faizini dəyişdiniz və az da olsa, uğur əldə etdiniz. “Karvan-Yevlax” sizə o şəraiti yaradacaq?

– Hazırda heç bir dəyişiklik edə bilmirik. Əlimizdə nə heyət varsa, onunla davam etməliyik. Taktiki və fiziki baxımdan yüksəliş olmalıdır. O ki qaldı, qışdan sonraya, əlbəttə güclənməliyik. Rəhbərliklə danışacağıq.

– Hazırda komandanın baş məşqçisi rəsmi olaraq Azər Haşımovdur. Komandanın baş məşqçisi ola-ola bu posta gəlməyiniz haqda fikriniz necədir?

– Daha çox konsentrasiya olmuşam oyunlara. Əminəm ki, tezliklə hər şey yoluna düşəcək.

– Əsas rəqiblərinizdən biri “Kəpəz”dir. Yevlax stadionu isə onlara da icarəyə verilib. Sizcə, bu etik cəhətdən doğrudur? Bu barədə rəhbərliklə danışıb, etiraz etdiniz?

– Bu mənə qədər verilmiş qərardır. Nəsə deyə bilmirəm. Ola bilsin ki, yanvarda rəhbərliklə bu haqda danışaq.

– Sizə elə gəlmir ki, futbolçularınızın texniki imkanları çox aşağıdır? Bir neçəsini çıxmaq şərtilə, digərlərinin Premyer Liqada oynamaq səviyyəsində deyil…

– Xeyr. Ola bilər ki, siz belə görürsüz. Rəqibin də təzyiqi buna çox təsir edir. İnanın ki, futbolçularda özünəinam artsa, ötürmələr, açılmalar daha yaxşı səviyyədə olacaq. (Sportal.az)

“Gözlədiyimiz kimi maraqlı, gərgin, yaxşı oyun alındı. Birinci hissə daha çox keyfiyyət xarakteri daşıyırdı. Füzuli Məmmədovu yeni təyin ediblər. İki oyunlarına baxmışdıq, analiz etmişdik. “Qarabağ”a qarşı tam fərqli idi, bizə qarşı tam fərqli. Bilirdik ki, belə də olacaq. İkinci hissə sürəti artırdıq, daha çox irəlidə aqressivliyi, intensivliyi artırdıq, istədiyimizə nail olduq. Debüt edən oyunçumuz oldu. Onu da təbrik edirik. Bir şeyi də qeyd edim ki, matçın sonlarında meydançada 6 yerli oyunçumuz var idi”.

İdmanxeber.az xəbər verir ki, bu sözləri “Şamaxı”nın məşqçisi Elnur Çodarov Misli Premyer Liqasının 14-cü turunun “Karvan-Yevlax”la görüşündən sonra keçirilmiş mətbuat konfransında deyib.

O, jurnalistlərin suallarını da cavablandırıb.

– Ayxan Abbasovla mütəmadi əlaqədə idiz? Əsas göstərişi nədən ibarət idi?

– Birinci hissə kəşfiyyat xarakteri daşıyırdı. Çünki rəqibin baş məşqçisi yeni idi. Gözləyirdik, tələsmirdik. Futbolçulara tapşırmışdıq ki, tələsməsinlər, rəqibi gözləsinlər və kompakt oynasınlar. Öz epizodumuzu gözləyirdik. İkinci hissədə futbolçular tapşırıqları maksimum şəkildə yerinə yetirməyə çalışdılar. Qolumuzu vurduq və ardını da gətirdik.

– Dieqo Balaunun vurduğu qollardan biri “ayın qolu” nominasiyasında qalib olub. Bu dəfə də vurduğu qol baxımlı alındı. Deyəsən, artıq yenə də bu mükafatı qazanmaq istəyir..

– Ümid edək də, qalib seçilər (gülür). İkinci qolu da elə birinci qoluna bənzəyirdi.

– Süni örtüklü meydançada oynadınız. Yevlax stadionunu ot örtüyü necə idi?

– Meydançada ağır idi. Dəqiq desək, süni örtüyün rezinləri sərt idi. Yağış üzümüzə baxdı.

AFFA rəhbərliyinin bölgələrə səfəri davam edir. AFFA-nın baş katibi Cahangir Fərəcullayev, baş katibin müavini Kamran Vəliyev, Futbolun İnkişaf Fondunun icraçı direktoru Tural Piriyev və İnkişaf Strategiyasının icrası üzrə layihə qrupunun dövlət qurumları ilə əlaqələrinə məsul şəxs Ramazan Səmədov cənub bölgəsinə səfəri çərçivəsində futbol infrastrukturunun vəziyyəti ilə yerində tanış olublar.

İdmanxeber.az AFFA-ya istinadən xəbər verir ki, səfər Biləsuvar və Cəlilabadda başlayıb. AFFA rəsmiləri orada Olimpiya İdman Komplekslərini və yerli stadionları yoxlayaraq mövcud şərait və inkişaf imkanları barədə məlumat alıblar.

Daha sonra Lənkəran Olimpiya İdman Kompleksinə baş çəkilib. AFFA nümayəndələri Kütləvi Futbol Turniri çərçivəsində uşaqlar arasında Beynəlxalq Futbol Gününə həsr olunmuş yarışı izləyiblər. AFFA tərəfindən iştirakçılara futbol topları və formalar hədiyyə olunub. Səfər zamanı müxtəlif qurum və yerli nümayəndələrlə bir sıra faydalı görüşlər keçirilib.

Cənub turu Ərkivan qəsəbə stadionu və Masallıda yerləşən Anatoli Banişevski adına stadiona aparılan baxışlarla davam edib. Səfərin sonunda AFFA rəsmiləri Salyan Olimpiya İdman Kompleksində mövcud infrastrukturla tanış olublar.

Misli Premyer Liqasının 14-cü turunda bu gün keçiriləcək “Karvan-Yevlax” – “Şamaxı” matçı üçün heyətlər açıqlanıb.

“Karvan-Yevlax”: 1. Kamran İbrahimov 7. Araz Abdullayev (k) 32. Elvin Yunuszadə 14. Uğur Cahangirov 2. Şakil Sno 11. Kayl Spens 37. Mois Nqvisani 19. Tompson Qavi 3. Said İranxan 10. Samuel Durrant 4. Olavale Doyeni

Ehtiyat oyunçular: 99. Pedro Mateuş 25. Əmrah Bulud 42. İbrahim Qədirzadə 13. Vüsal Məsimov 22. Qabil Əlizadə 77. Əli Abdullayev 5. Nika Çaçaşvili 12. Vitor Roşa 8. Peter Kings 21. İmani Barker Məşqçi: Füzuli Məmmədov

“Şamaxı”: 1. Rikardo Fernandes 5. Arsen Ağcabəyov (k) 97. Oruc Məmmədov 82. Rüfət Abbasov 9. Karim Rossi 3. Vladislav Veremeyev 13. Rikardo Apolinario 11. Dioqo Balau 4. Sezar Enrike 44. David Santos 8. Alfons Msanqa

Ehtiyat oyunçular: 62. Abdulla Seydəhmədov 99. Səlim Həşimov 17. Rafael Məhərrəmli 80. Həbib İsmayılov 21. Bilal İsmayılov 27. Emil Süleymanov 7. Edqar Adilxanov 77. Nihat Mehralıyev 24. Sənan Muradlı 90. Davud Mənsumov 6. Antonio Lara 19. Abdullahi Şuaybu 

Misli Premyer Liqasının XIV turunda “Karvan-Yevlax” doğma meydanda “Şamaxı”nı qəbul edəcək.

İdmanxeber.az-ın məlumatına görə, iki komanda da görüşə itkilərlə çıxacaq. Ev sahibində Vadim Abdullayev və Eltun Turabov cəzalı olduqları üçün  matçı kənardan izləyəcəklər. Süleyman Əhmədov isə zədəlidir.

Yevlax klububda itkilərlə yanaşı, heyətə qayıdanlar da var. Uzun müddətdir zədəli olan qapışı Pedro Mateuş və Mikels bugünkü görüşdə heyətdə olacaq.

“Şamaxı”da isə baş məşqçi Ayxan Abbasov cəzalıdır. Futbolçulardan Andrey Tirkiveanu isə zədə səbəbindən bu matçı kənardan izləyəcək.

“Karvan- Yevlax” – “Şamaxı” görüşü dekabrın 7-də, Yevlax şəhər stadionunda keçiriləcək. Matçın start fiti 14:00-da səsləndiriləcək. 

“Sabah” klubu bəyanatla çıxış edib.

İdmanxeber.az xəbər verir ki, “bayquşlar” AFFA-nın Oyunçuların Statusu və Transferi Komitəsinin klubun sabiq futbolçusu Yusif İmanovla bağlı qərarından narazı qalıb.

Komitə qapıçının tələblərini qismən təmin etmiş, klubun qarşı tələbləri isə təmin olunmamışdı:

“Zirə” Misli Premyer Liqasının 14-cü turunda doğma meydanda “Qarabağ”la 1:1 hesablı heç-heçə edib.

İdmanxeber.az xəbər verir ki, “qartallar”ın baş məşqçisi Rəşad Sadıqov oyundan sonra keçirilən mətbuat kofransında jurnalistlərin suallarını cavablandırıb:

“Olduqca ağır oyun keçdi. 90 dəqiqə gərgin mübarizə şəraitində alındı. Oyun bizim üçün qola qədər daha rahat gedirdi. Amma biz qol vurduqdan sonra “Qarabağ” sürəti bir az da artırdı. O dəqiqələrdən sonra çətinlik çəkirdik. Oyunçular əzmkarlıq göstərdilər. “Qarabağ”ın gücünü, qüvvətini bir daha hiss etdik. Komanda inkişaf edir, artırır. Oyun gedə-gedə bunu bir daha gördük. Dörd gündən sonra “Ayaks”la çox vacib oyuna çıxacaqlar. Onlara uğurlar arzulayırıq. Rəqib 4 dəyişiklik etdi. Müəyyən həmlələr etdik, müdafiə davranışını bir balca dəyişdik. Çalışdıq ki, rəqibin təzyiqinə dözək və standart vəziyyətlərdə fərqlənək. Bəlkə də qol epizodlarına görə heç-heçə ədalətli nəticədir. “Qarabağ”la matçda qazanılan xal dəyərlidir. Onlara qarşı mübarizə aparmaq çox çətindir. Futbolçularım “Neftçi” ilə 120 dəqiqəlik mübarizədən sonra bu gün əzmkarllıq göstərdilər. Təqdirəlayiqdir. Davam etməliyik”.

“Oyun keyfiyyətli olmasa da, gərgin mübarizə getdi. Futbolçular çox güc itirdilər. Biz də kubokda oynamışdıq, “Zirə” də. Rəqibimizin kubok matçı 120 dəqiqə olmuşdu. Bəlkə dinamika yox idi. Amma meydanda mübarizə getdi. Hər iki komanda 1 xala layiq idi. İki komanda da çox əziyyət çəkdi. Oyundan-oyuna qarşımızda daha çətin, daha formalaşmış, daha geniş düşüncəli “Zirə” görürük. Rəşad Sadıqovdan hər oyunda sürpriz gözləyirik. Oyunun gedişində hər dəfə bunu hiss edirik. Yaxşı rəqibə qarşı oynadıq. Hər iki komandaya uğurlar arzulayıram”.

İdmanxeber.az-ın məlumatına görə, bu sözləri “Qarabağ”ın baş məşqçisi Qurban Qurbanov “Zirə” oyunu (1:1) sonrası deyib. O, daha sonra jurnalistlərin suallarını cavablandırıb:

– Montieli iki mövqedə oynatdınız. Bu haqda fikriniz necədir?

– O, üç mövqedə oynamağı bacaran futbolçudur. Həm dayaq yarımmüdafiəçisi, həm “10 nömrə” kimi, həm də vinger kimi oynamağı bacarır. Universal futbolçudur. Rotasiyalara görə də belə alındı. Oyunun gedişatına görə bu cür addım atdıq. “Zirə” birə-bir mübarizələrdə çox yaxşı oynayır. Müdafiə davranışında cəsarətli və aktivdirlər. Montieldən çox razı qaldım. Hər dəfə məndə onun haqda pozitiv fikirlər formalaşır. 

– “Ayaks”la matça start heyətində çıxa bilər?

– Tam hazır deyil. Bəlkə bu gün onun üçün 90 dəqiqə oynamaq çoxdur. İlyarımdır ki, bu rejimdə nə məşq edir, nə də oynayır. İlk dəqiqələrdən olmasa da, oyunun gedişatında hansısa dəyişiklik ola bilər. Bundan əvvəlki matçda 90 dəqiqə oynamışdı, ondan 3 gün sonra özünə gəldi. Özü deyirdi ki, çox yorulmuşdum. Qarşıdakı günlərdə baxacağıq görək bərpası necə olur. Ona uyğun addım atacağıq. Oyundan-oyuna daha hazırlıqlı olur.

– Həm rəqib, həm də baş hakim icazə vermədi ki, fasilələlər çox olsun. Bu, “Ayaks”la oyunöncəsi yaxşı təsir göstərə bilər?

– Biz hakimlərə deməmişdik ki, fasilə verməyin. Hər oyun bu cür davamiyyətli olmalıdır. İstənilən futbolçu o rejimə, o tempə uyğunlaşmalıdır. Oyun çox dayansa, azarkeşlər üçün də maraqsız olur.

– Abdullah Zubir əsəblərini cilovlaya bilmədi. Onun hərəkətinə reaksiyanız necədir?

– Məni həmişə sakit görürsüz, ancaq mən də bəzən emosiyalarımı saxlaya bilmirəm. Bir futbolçuya qarşı daha sərt oynayırlarsa, onu izləyirlərsə, ondan da hansısa emosional hərəkət olacaq. Zubir rəqibin üzünə əl atmadı, sadəcə itələdi. Oyunçulara tapşırıq olmuşdu ki, əsəblərini cilo vlasınlar. O da futbolçudur, emosiyalarını biruzə verə bilər.

– “Ayaks”la görüş həlledicidir. Komanda oyuna nə qədər hazırdır? Rəqibi təhlil etmisiz?

– Onların oyunlarına baxmışıq. Son matçda sistemdə dəyişiklik etdilər. Ola bilər ki, əvvəl etdiyimiz təhlil dəyişsin, tam fərqli düşüncədə olaq. Belə olanda əlavə düşüncə lazım olacaq. Şansa gəldikdə, qarşıda bundan əlavə iki oyunumuz da var. Bakıda oynayırıq, yaxşı nəticə üçün hər şeyi etməyə çalışacağıq. Amma rəqib də bunu düşünür. Çalışacağıq ki, intizamlı oynayaq və nəticə qazanaq.

– Ramil Şeydayev “Qarabağ”dakı ilk dövründə normal səviyyəyə gəlmişdi. Bəs bu dəfə necə, əvvəlki formasına qayıdacağına inanırsız? 

– İstəklidir, amma bəlkə daha çox şans versək, idman formasını tez bərpa edər. İstənilən futbolçu üçün oyun sayı, oyun dəqiqəsi çox vacibdir. Nə qədər məşq etsə də, istəkli olsa da, oyun tam fərqlidir. Razı qaldığım odur ki, istəkli və intizamlıdır. Komanda var ki, uğur üçün ikinci heyət daha faydalı olur. Bu cür matçlarda sənə nəticə olaraq kömək edirlər, əsas heyət oyunçuları üçün rəqabət yaradırlar. Şərt deyil ki, bütün oyunlarda iştirak etsinlər. Hər tərəfdən futbolçulardan razıyam. 20 futbolçunun məşqdə aktiv olmasının komandanın idman formasını saxlamasına böyük faydası var.

UEFA Çempionlar Liqası VI turu çərçivəsində keçiriləcək “Qarabağ” – “Ayaks” oyununu göstərəcək kanal dəyişdi.

İdmanxeber.az-ın məlumatına görə, bu barədə İTV telekanalı açılama yayıb:

Məlum olduğu kimi, “Saran Media” ilə əldə edilmiş razılaşma əsasında 2025/26 mövsümündə UEFA Çempionlar Liqası, Avropa Liqası və Konfrans Liqasının oyunları İctimai Televiziyanın canlı efirində təqdim olunur. “Qarabağ” klubunun Çempionlar Liqasının əsas mərhələsində keçirdiyi görüşlər də bu razılaşma çərçivəsində İctimai Televiziya tərəfindən yayımlanır. Tərəflər arasında mövcud sıx əməkdaşlıq fonunda aparılan son müzakirələr nəticəsində əvvəlcədən planlaşdırılan yayım proqramında müəyyən dəyişikliklərin edilməsi məqsədəuyğun hesab olunub. Yayımçı qurumların birgə təşəbbüsü ilə “Qarabağ” – “Ayaks” oyununun İctimai Televiziyanın canlı efirində nümayiş etdirilməsi barədə qərar qəbul olunub”.

Qeyd edək ki, qarşılaşma dekabrın 10-u saat 21:45-də başlayacaq.

“Sabah”ın kapitanı Amin Seydiyev Masazırda yerləşən 5 nömrəli orta məktəbin qonağı olub. 

İdmanxeber.az xəbər verir ki, məktəblilər futbolçu ilə görüşü böyük maraqla qarşılayıblar. Tədbirdə 200-ə yaxın məktəbli iştirak edib.

Görüş zamanı uşaqlar Aminlə söhbət edib, ona müxtəlif suallar ünvanlayıblar. Amin Seydiyev söhbət zamanı məktəblilərə öz məsləhətlərini verib. 

Sonda şagirdlərə klubun müxtəlif atributları hədiyyə edilib.

Misli Premyer Liqasının 14-cü turunda keçiriləcək “Zirə” – “Qarabağ” oyunu üçün heyətlər açıqlanıb.

“Zirə”: 97. Tiaqo Silva 32. Qismət Alıyev (k) 8. İsmayıl İbrahimli 4. Ruan Renato 25. Enrike Kustodio 10. Giorgi Papunaşvili 30. Rikardo Martins 20. İssa Cibrila 5. Ange Mutsinzi 11. Junior Martins 77. Yeqor Boqomolski

Ehtiyat oyunçular: 13. Aydın Bayramov 41. Anar Nəzirov 21. Hacıağa Hacılı 7. Rövlan Muradov 16. Fuad Bayramov 14. Elçin Əlicanov 29. Ceyhun Nuriyev 48. Ramiz Muradov 33. Əkbər Eyubov 43. Əhliman Süleymanzadə 28. Leroy Mikels 6. Eldar Quliyev

“Qarabağ”: 99. Mateus Koxalski 77. Ramil Şeydayev 13. Bəhlul Mustafazadə (k) 27. Toral Bayramov 81. Kevin Medina 2. Mateus Silva 9. Joni Montiel 15. Leandro Andrade 21. Aleksey Kaşuk 35. Pedro Bikalyo 17. Kamilo Duran

Ehtiyat oyunçular: 97. Fabian Buntiç 55. Bədavi Hüseynov 44. Elvin Cəfərquliyev 22. Musa Qurbanlı 7. Nəriman Axundzadə 32. Hikmət Cəbrayılzadə 10. Abdullah Zubir 8. Marko Yankoviç 3. Sami Mmae 18. Dani Bolt 6. Kris Kuaku 11. Emmanuel Addai

Almaniyanın Şimal-Şərq Regional Liqasında 18-ci turun oyunları davam edir.

İdmanxeber.az  xəbər verir ki, Rüfət Dadaşovun çıxış etdiyi Berlin “Dinamo”su doğma meydanda “Halleşer”lə 1:1 hesablı bərabərlik əldə edib.

Azərbaycan millisinin sabiq hücumçusu matçın 71-ci dəqiqəsində meydana daxil olub.

Qeyd edək ki, 17 xalı olan “Dinamo” turnir cədvəlində 13-cü pillədə yer alır.

“Qarabağ”ın U-12 komandası Qazaxıstanın paytaxtı Astanada keçirilən beynəlxalq turnirə qələbə ilə başlayıb.

İdmanxeber.az xəbər verir ki, Ağdam təmsilçisi “Kızıljar” (Qazaxıstan) komandasını 2:0 hesabı ilə məğlub edib.

“Qarabağ” beynəlxalq yarışda ümumilikdə 6 oyun keçirəcək. Qazaxıstan, Azərbaycan, Rusiya, Gürcüstan, Özbəkistan, Qırğızıstan və Tacikistan təmsilçilərinin yer aldığı turnirə dekabrın 8-də yekun vurulacaq.

Misli Premyer Liqasının XIV turunda “Zirə” doğma meydanda “Qarabağ”ı qəbul edəcək.

İdmanxeber.az-ın məlumatına görə, iki komanda da görüşə itkilərlə çıxacaq. Ağdam klubunda Abbas Hüseynov, Şahruddin Məhəmmədliyev və Kadi Borges zədə səbəbindən meydana çıxmayacaq.

“Zirə”də isə zədəli David Volkovla yanaşı, cəzalı Ayron Qomis matçda iştirak etməyəcək.

“Zirə” – “Qarabağ” görüşü bu gün saat 17:00-da start götürəcək.

Bu gün Misli Premyer Liqasında 14-cü tura start verilib.

İdmanxeber.az xəbər verir ki, ilk oyun günündə bir görüş keçirilib. Turun açılış matçında “Zirə” öz meydanında “Qarabağ”ı qəbul edib və görüş heç-heçə başa çatıb – 1:1.

Hazırda Ağdam klubu 30 xalla çempionatın lideridir. “Zirə” isə 24 xalla turnir cədvəlində ikincidir. 

Bu komandalar arasında ilk dövrədə keçirilən görüşdə qalib aşkarlanmayıb – 1:1. 

6 dekabr (şənbə)

17:00. “Zirə” – “Qarabağ” 1:1

Qol: İssa Cibrila, 31 (1:0), Enrike Kustodio, 44-avtoqol (1:1)
Hakimlər: Rauf Cabarov, Elşad Abdullayev, Pərvin Talıbov, Vüqar Həsənli
VAR: Əliyar Ağayev
AVAR: Vüsal Məmmədov
Zirə İdman Kompleksinin stadionu

Misli Premyer Liqasında 14-cü turun hakim təyinatları açıqlanıb.

İdmanxeber.az PFL-in saytına istinadən xəbər verir ki, oyunlar adları aşağıda qeyd olunan hakimlərə tapşırılıb: 

6 dekabr (şənbə)

“Zirə” – “Qarabağ”
Hakimlər: Rauf Cabarov, Elşad Abdullayev, Pərvin Talıbov, Vüqar Həsənli
VAR: Əliyar Ağayev
AVAR: Vüsal Məmmədov
Zirə İdman Kompleksinin stadionu, 17:00

7 dekabr (bazar)

“Karvan-Yevlax” – “Şamaxı”
Hakimlər: Cavid Cəlilov, Namiq Hüseynov, Kamran Bayramov, Nicat İsmayıllı
VAR: Rəşad Əhmədov
AVAR: Emin Əliyev
Yevlax şəhər stadionu, 14:00

8 dekabr (bazar ertəsi)

“Qəbələ” – “Turan Tovuz”
Hakimlər: Tural Qurbanov, Asiman Əzizli, Eyyub İbrahimov, Elvin Bayramov 
VAR: Nicat İsmayıllı
AVAR: Şirmamed Mamedov
Qəbələ şəhər stadionu, 17:00

“Sabah” – “Neftçi”
Hakimlər: Rəvan Həmzəzadə, Akif Əmirəli, Cəmil Quliyev, Kamranbəy Rəhimov
VAR: Rauf Cabarov
AVAR: Rəhman İmami
“Bank Respublika Arena”, 20:00

9 dekabr (çərşənbə axşamı)

“Araz-Naxçıvan” – “Kəpəz” 
Hakimlər: İnqilab Məmmədov, Müslüm Əliyev, Rahil Ramazanov, İslam Məmmədov
VAR: Elçin Məsiyev
AVAR: Teymur Teymurov
“Liv Bona Dea Arena”, 17:00

“Sumqayıt” – “İmişli”

Hakimlər: Əliyar Ağayev, Zeynal Zeynalov, Kərim Zeynalov, Əkbər Əhmədov
VAR: Əli Əliyev
AVAR: Zöhrab Abbasov
Mehdi Hüseynzadə adına Sumqayıt şəhər stadionu, 19:30

“Neftçi”nin ukraynalı baş məşqçi Yuri Vernidubla anlaşdığını xəbər vermişdik.

İdmanxeber.az-a verilən məlumata görə, təcrübəli mütəxəssis artıq ölkəmizdədir. Tərəflər arasında danışıqlar müsbət yekunlaşıb.

O, Bakı vaxtı ilə saat 18:00-da paytaxtımıza eniş edib.

“Neftçi” rəhbərliyi yaxın vaxtda onunla rəsmi sözləşmə imzalayacaq.  

 

“Qarabağ” qış transfer dönəmində heyətini yeni hücumçu ilə gücləndirməyə hazırlaşır.

İdmanxeber.az Afrika mediasına istinadən yazır ki, Ağdam klubunun hücum xətti üçün əsas namizədlərindən biri Belçikanın “Lyej” komandasında çıxış edən Ömər Diufdur.

22 yaşlı seneqallı forvardın xidmətində Belçikanın “Sent-Trüden”i, həmçinin İspaniya Sequnda təmsilçiləri də maraqlıdır.

Diufun “Lyej”lə müqaviləsi 2027-ci ilin yayına qədər qüvvədədir və futbolçunun bazar qiyməti 500 min avro olaraq göstərilir.

Qeyd edək ki, Ömər Diuf karyerası ərzində vətənində “Daru Salam”, Türkiyədə “Rizespor”, Şimali Kiprdə isə “Genclik Gücü” komandalarında oynayıb. O, cari mövsümdə meydana çıxdığı 17 görüşdə 8 qol vurub və 2 asistlə yadda qalıb.

Premyer Liqa təmsilçisi “İmişli” klubu qışda heyətini yeni futbolçularla gücləndirmək niyyətindədir.

İdmanxeber.az-a verilən məlumata görə, baş məşqçi Jorj Kaşkilya rəhbərlikdən azı iki futbolçu tələb edib. Portuqaliyalı mütəxəssis yarımmüdafiəçi və sağ vinger axtarır. 

O, bu mövqelərə transfer edilməsini tələb edib. Bölgə təmsilçisinin oyunçu axtarışları isə davam edir. Rəhbərlik də heyəti gücləndirmək niyyətindədir.

Yeni futbolçuların legioner olacağı bildirilir.

Xatırladaq ki, İmişli klubu hazırda 15 xalla 8-ci pillədədir.

Azərbaycan çempionatlarında (Misli Premyer Liqası, 1-ci liqa, 2-ci liqa) noyabr ayının ən yaxşı qollarının müəllifləri müəyyənləşib.

İdmanxeber.az xəbər verir ki, bu barədə PFL məlumat yayıb.

Misli Premyer Liqasının ən yaxşı qolunu vuran “Zirə”nin oyunçusu Leroy Mikels olub. 11 münsifdən 10-u məhz 30 yaşlı vingerə səs verib. Mikels 10-cu turun “Karvan-Yevlax”la matçında fərqlənmişdi.

1-ci liqada Seymur Məmmədovun (“Mingəçevir”), 2-ci liqada isə Ceyhun Rəcəblinin (“Şəmkir”) qolları ən yaxşı adına layiq görülüb. 

“Kəpəz” Azərbaycan kubokunda “Araz Naxçıvan”ı məğlub edərək, 1/4 final mərhələsinə vəsiqə qazanıb.

İdmanxeber.az-a verilən məlumata görə, rəhbərlik bu qələbəyə biganə qalmayıb. Futbolçulara pul mükafatı vəd edilib. 

Belə ki, bu qalibiyyət futbolçuların hər birinə 1500 manat qazandıracaq. 

Xatırladaq ki, Gəncə təmsilçisi növbəti mərhələdə “Turan-Tovuz”la üz-üzə gələcək.

Azərbaycan kubokunun 1/4 final mərhələsinin ilk oyunları 3-4 fevral, cavab görüşləri 3-4 mart tarixlərində baş tutacaq.

Azərbaycan kubokunun 1/8 final mərhələsində cəmi 19 qol vurulub.

İdmanxeber.az PFL-in saytına istinadən xəbər verir ki, səkkiz oyunun baş tutduğu mərhələdə orta məhsuldarlıq 2,375-ə bərabər olub.

Bu, son 14 mövsümün ən aşağı göstəricisidir. 1/8 finalda daha aşağı məhsuldarlığa sonuncu dəfə 2011/12 mövsümündə təsadüf olunub. Həmin vaxt 7 qarşılaşmada 14 qol vurulub. Orta göstərici 2,00-a bərabər olub.

Qeyd edək ki, ötən mövsümün 1/8 finalında 27 qol qeydə alınmışdı.