Azərbaycan cüdoçusu Hidayət Heydərov Gürcüstanın paytaxtı Tbilisidə keçirilən Avropa çempionatında mübarizəyə başlayıb.

Futbolpress.az xəbər verir ki, 73 kq-da yarışan idmançı 1/16 finalda yunanıstanlı Konstantinos Tsaparasa ilə qarşılaşıb. Görüş Hidayətin qələbəsiylə başa çatıb. O, rəqibini ipponla məğlub edib.

Hidayət 1/8 finalda Dardan Çena (Kosovo) ilə qarşılaşacaq.

Ötən gün mübarizəyə qoşulan 7 cüdoçumuzdan ikisi – Əhməd Yusifov (60 kq) və Turan Bayramov (66 kq) bürünc medal qazanıb.

Avropa çempionatı aprelin 19-da başa çatacaq.