Kişi və qadın həndbolçular arasında Azərbaycan çempionatında II turun oyunları keçirilib.
Futbolpress.az xəbər verir ki, kişilərin yarışında “Qarabağ” “Azəryol”u 31:21 hesabıyla məğlub edib. “Bakı” “Dinamo” (40:26), “Kür” isə “Təhsil”dən (38:28) üstün olub.
Qadınların mübarizəsində “Kür” “Bakı”nı (54:11), “İdman Akademiyası” “Təhsil”i (43:16), “Azəryol” “Qarabağ”ı (46:27) üstələyib.
Azərbaycan boksçusu Sübhan Mamedov (48 kq) dünya çempionu olub.
Futbolpress.az xəbər verir ki, millinin 19 yaşlı idmançısı Birləşmiş Ərəb Əmirliklərinin Dubay şəhərində keçirilən mundialda bu titula yiyələnib.
Noyabrın sonunda U-23 Avropa çempionatının qalibi olan Ağcabədi boks məktəbinin yetirməsi finalda Edmond Xudoyanla (Rusiya) qarşılaşıb. Mamedov rəqibini 4:3 (30:27, 28:29, 29:28, 30:27, 28:29, münsiflər 1:1) hesabı ilə məğlub edərək dünya çempionatının qızıl medalına yiyələnib. O, bununla da Azərbaycanın ən gənc dünya çempionu kimi tarixə düşüb.
Bununla da millimiz 120 ölkənin qatıldığı dünya çempionatını 1 qızıl və 2 bürünc medalla başa vurub. Daha öncə Alfonso Dominqes (92 kq) və Məhəmməd Abdullayev (+92 kq) mundialda 3-cü yeri tutublar.
Azərbaycan Cüdo Federasiyası (ACF) və Azərbaycan Milli Antidopinq Agentliyinin (AMADA) birgə təşkilatçılığı ilə regionlardan olan yeniyetmə cüdoçular üçün anti-dopinq mövzusunda maarifləndirici seminar keçirilib.
Futbolpress.az xəbər verir ki, seminarın məqsədi idmançılar arasında təmiz və ədalətli idman dəyərlərinin təşviqi, dopinqin fəsadları barədə məlumatlılığın artırılması olub.
Tədbirdə beynəlxalq yarışlarda tətbiq olunan anti-dopinq qaydaları, bəzi dərman vasitələrinin tərkibində dopinq elementlərinin ola bilməsi, eləcə də dopinqlə mübarizədə həkim–idmançı–məşqçi əməkdaşlığının vacibliyi barədə ətraflı məlumat verilib.
Üzgüçülük üzrə Azərbaycan çempionatında ikinci günün mükafatçıları müəyyənləşib.
Futbolpress.az xəbər verir ki, yarış həm fərdi, həm də estafet şəklində keçirilir.
İkinci gündə qeydə alınan nəticələr:
Qadınlar:
Sərbəst üsulla 100 metr – Məryəm Cavadova (qızıl medal), Vlastilina Xasyanova (gümüş medal), Aleksandra Slepenko (bürünc medal)
Sərbəst üsulla 400 metr – Məryəm Cavadova (qızıl medal), Aleksandra Slepenko (gümüş medal), Leyla Abduləzizova (bürünc medal).
“Arxası üstə” üsülu ilə 50 metr – Sofiya Hacıyeva (qızıl medal), Sofiya Medvedeva (gümüş medal), Ameliya Levçenko (bürünc medal)
“Arxası üstə” üsülu ilə 100 metr – Vlastilina Xasyanova (qızıl medal), Məryəm Cavadova (gümüş medal), Aişə Səmədova (bürünc medal)
“Brass” üsülu ilə 50 metr – Anastasiya Boborıkina (qızıl medal), Sofiya Lyovina (gümüş medal), Cahan Nəbiyeva (bürünc medal)
“Brass” üsülu ilə 200 metr – Anastasiya Boborıkina (qızıl medal), Sofiya Lyovina (gümüş medal), Əminə Turabova (bürünc medal)
“Butterfly” üsulu ilə 50 metr – Aleksandra Slepenko (qızıl medal), Dəniz Topçubaşova (gümüş medal), Nərmin Ramazanova (bürünc medal)
“Butterfly” üsulu ilə 200 metr – Vlastilina Xasyanova (qızıl medal), Nigar İsmayılova (gümüş medal), Leyla Heydərova (bürünc medal)
Kişilər:
Sərbəst üsulla 100 metr – Abdürrahman Rüstəmov (qızıl), Süleyman İsmayılzadə (gümüş medal), Yeqor Maynitski (bürünc medal),
Sərbəst üsulla 400 metr – Süleyman İsmayılzadə (qızıl medal), Amin Oruclu (gümüş medal), Timur Nikiforov (bürünc medal)
“Arxası üstə” üsülu ilə 50 metr – Rəşad Alquliyev (qızıl medal), Ayaz Zərbəliyev (gümüş medal), Timur Nikiforov (bürünc medal)
“Arxası üstə” üsülu ilə 100 metr – Oqtay Hüseynov (qızıl medal), Yeqor Maynitski (gümüş medal), Fərhad Şirməmmədli (bürünc medal)
“Brass” üsülu ilə 50 metr – Rəşad Alquliyev (qızıl medal), Osman Qəribov (gümüş medal), Qurban Əliyev (bürünc medal)
“Brass” üsülu ilə 200 metr – Oqtay Hüseynov (qızıl medal), Vasif Nəcəfli (gümüş medal), Denis Xasyanov (bürünc medal)
“Butterfly” üsulu ilə 50 metr – Abdürrahman Rüstəmov (qızıl medal), Rəşad Alquliyev (gümüş), Ayaz Zərbəliyev (bürünc)
“Butterfly” üsulu ilə 200 metr – Süleyman İsmayılzadə (qızıl medal), Oqtay Hüseynov (gümüş medal), Yeqor Maynitski (bürünc medal)
Qarışıq üsulla estafet üsulu kişilər (4×100)
Qızıl medal – RYUM 1
(Rəşad Alquliyev, Yeqor Maynitski, Abdürrahman Rüstəmov, Süleyman İsmayılzadə)
Gümüş medal – Ocaq 1
(Tofiq Əhmədzadə, Timur Nikiforov, Fərhad Şirməmmədli, Amin Oruclu)
Bürünc medal – Trikids 1
(Teymur Cəfərov, Tural Atakişiyev, Riad Abbaszadə, Əli Rzazadə)
Qeyd edək ki, Azərbaycan çempionatı bu gün başa çatacaq.
Azərbaycan Basketbol Liqasında IX turun daha iki oyunu keçirilib.
Futbolpress.az xəbər verir ki, günün ilk matçında B qrupunda yer alan “Ordu” “Sumqayıt”ı məğlub edib – 106:86.
A qrupunda isə NTD “Şəki”yə qalib gəlib – 93:79.
Turun əvvəlki qarşılaşmalarında “Quba” “Lənkəran”ı (95:87), “Naxçıvan” isə “Sərhədçi”ni (90:74) məğlub edib.
Almaniyanın Keinbaum şəhərində yeniyetmə boksçular arasında U-17 Avropa çempionatı davam edir.
Futbolpress.az xəbər verir ki, yarışın üçüncü günündə Azərbaycan millisinin daha 4 idmançısı 1/4 finala yüksəlib.
Şahin Aslanov (60 kq) Demid Kloçkonu (İsrail) 5:0 (30:27, 30:27, 30:27, 30:27, 30:27) hesabı ilə məğlub edib. O, növbəti görüşünü dekabrın 14-də İvaylo Kolevə (Bolqarıstan) qarşı keçirəcək.
Adil Zalov (70 kq) da Avropa çempionatında qələbə ilə başlayıb. Boksçumuz 1/8 finalda Hakan Arda İlgündən (Türkiyə) güclü olub – 5:0 (29:28, 29:28, 29:28, 29:28, 29:28). Zalov dekabrın 13-də Oskar Muszakovski (Polşa) ilə üz-üzə gələcək.
Gülər Hüseynova (48 kq) Oleksandra Mişçenkoya (Ukrayna) heç bir şans verməyib. Hər 3 raundu aktivinə yazan milli üzvü yekunda 5:0 (30:27, 30:27, 29:28, 30:27, 29:28) hesablı qələbəyə sevinib. O, dekabrın 14-də 1/4 finalda Maria Spennato (İtaliya) ilə döyüşəcək.
Fidan Bakarova (63 kq) isə Antonina Binieçkanı (Polşa) mübarizədən kənarlaşdırıb – 3:2 (29:26, 28:27, 29:26, 27:28, 27:28). O da dekabrın 14-də növbəti görüşünə çıxacaq. Bakarova Rihanna Holdenlə (İngiltərə) qüvvəsini sınayacaq.
Avropa çempionatına dekabrın 17-də yekun vurulacaq.
Azərbaycan boksçusu Sübhan Mamedov (48 kq) dünya çempionatında finala yüksəlib.
Futbolpress.az xəbər verir ki, o, Birləşmiş Ərəb Əmirliklərinin Dubay şəhərində keçirilən mundialın yarımfinalda Sahil Alahverdovini (Gürcüstan) məğlub edib.
Hər 3 raundu xeyrinə bitirən 19 yaşlı boksçumuz yekunda 5:0 (30:27, 30:27, 30:27, 30:27, 30:27) hesabı ilə qələbə qazanıb. O, finalda Edmond Xudoyanla (Rusiya) üz-üzə gələcək. Həlledici görüş dekabrın 13-də olacaq.
Digər boksçularımızdan Alfonso Dominqes (92 kq) və Məhəmməd Abdullayev (+92 kq) dünya çempionatında bürünc medala sahib olublar.
Azərbaycan Basketbol Liqasında IX turun daha bir oyunu keçirilib.
Futbolpress.az xəbər verir ki, B qrupunda “Sərhədçi” “Naxçıvan”la qarşılaşıb. Görüş Bakı klubunun qələbəsiylə başa çatıb – 90:74.
Turun ilk matçında “Quba” “Lənkəran”ı 95:87 hesabı ilə məğlub edib.
Azərbaycan Basketbol Liqasında IX tura start verilib.
Futbolpress.az xəbər verir ki, ilk oyun günündə bir qarşılaşma keçirilib. “Lənkəran” “Quba” ilə üz-üzə gəlib. Matç Quba təmsilçisinin qələbəsiylə başa çatıb – 95:87.
IX tura dekabrın 14-də yekun vurulacaq.
5 yaşlı Orucov Nihat Kənan oğlu autizm xəstəsidir. Nihatın anası Samirə Orucova övladının müalicəsi üçün maddi imkanlarının çox məhdud olduğunu bildirir. Kütləvi informasiya vasitələrinə müraciət edən ana vətəndaşlarımız, xeyirxah insanların yardım əli uzadacağına inanır.
Futbolpress.az-a müraciətində ana deyib ki, 5 yaşlı övladını özü tək böyüdür:
“Nihat doğulduqdan sonra ilk vaxtlar uşaqda qeyri-adilik hiss etmirdik. Düşünürdük ki, o da gec dil açan, gec danışan uşaqlar kimidir. Amma getdikcə davranışlarında qəribəliklər üzə çıxdı. Uşaqda nitq pozuntusu, qorxu, bəzən hədsiz aktivlik, bəzən də qavrama çətinliyi olduğu göründü. Həkimə apardım. Müayinələr zamanı məlum oldu ki, övladım autizm xəstəsidir. Həm də bu xəstəliyin ağır növü olan Kanner autizmi“.
Orucova bildirib ki, tənha anadır, işləyir, amma aldığı əməkhaqqı ilə balalarının maddi ehtiyaclarını qarşılaya bilmir. Bir tərəfdən də Nihatın müalicə xərcləri vəziyyəti daha da ağırlaşdırır:
“Oğlum əziyyət çəkir, uzunmüddətli müalicə almalıdı, bir kurs müalicə isə 300 manatdır. Nihat yaşıdlarından geri qalır, heç nəyə reaksiya vermir. Nihatın əlilliyi bu günlərdə təsdiqlənib. İlkin olaraq 205 manat müavinət təyin edilib. Sonra bəlkə məbləğ artacaq. Ancaq müavinətlə və mənim kiçik əməkhaqqımla uşağın müalicəsini davamlı təmin etmək mümkün deyil. Ona görə də xalqımıza, mərhəmətli insanlara üz tutub kömək istəyirəm. Kimin imkanı nəyə çatır, kömək etsin”.
S.Orucova bank kartı və əlaqə nömrəsini də yazıb:
Kapital Bank 5239.1517.3928.6964 kart anaya aiddir. Orucova Samirə adınadır.
Əlaqə nömrəsi: 070-525-62-03.
Birləşmiş Ərəb Əmirliklərinin Dubay şəhərində boks üzrə dünya çempionatında 1/4 final mərhələsinin döyüşləri keçirilib.
Futbolpress.az xəbər verir ki, Azərbaycan millisinin 3 idmançısı mərhələni qələbə ilə başa vurub.
Sübhan Mamedov (48 kq) Şodiyorjon Melikuzyevdən (Özbəkistan) güclü olub. Avropa çempionumuz rəqibini 5:0 (30:27, 29:28, 29:28, 29:28, 30:27) hesabı ilə məğlub edib. O, yarımfinalda Sahil Alahverdovi (Gürcüstan) ilə döyüşəcək.
Alfonso Dominqes (92 kq) də 1/4 finaldan qalib ayrılıb. Dünya çempionumuz Andrey Zaplitnini (Moldova) mübarizədən kənarlaşdırıb – 5:0 (30:27, 30:26, 30:27, 30:27, 30:27). Dominqes növbəti görüşündə Turabek Xabibullayevlə (Özbəkistan) münasibətinə aydınlıq gətirəcək.
Məhəmməd Abdullayev (+92 kq) isə Dovlet İslamov (Türkmənistan) üzərində qələbə qazanıb – 5:0 (30:27, 30:27, 30:27, 29:28, 30:27). Dünya çempionatının mükafatçısı yarımfinalda David Surovu (Rusiya) sınağa çəkəcək.
Hər 3 boksçu yarımfinala vəsiqə qazanmaqla özü üçün azı bürünc medalı da təmin edib.
Qeyd edək ki, dünya çempionatına dekabrın 13-də yekun vurulacaq.
“Lənkəran” klubu basketbolçusu Raşed Disonla vidalaşıb.
Futbolpress.az xəbər verir ki, bu barədə klubun mətbuat xidməti məlumat yayıb.
Mövsümün əvvəlində komandaya qoşulan ABŞ-dən olan oyunçu ilə müqaviləyə qarşılıqlı razılıq əsasında xitam verilib
Qeyd edək ki, “Lənkəran” 23 yaşlı basketbolçunun ilk peşəkar klubu olub.
Login