Kiprin “Omoniya” klubunun futbolçusu Jali Muaddib karyerasını Azərbaycanda davam etdirəcək.

Futbolpress.az xəbər verir ki, fransalı vinger “Qarabağ”la anlaşıb. Bu barədə Kipr klubunun meneceri Giorgos İrakleus yerli “SportFM” radiosuna açıqlamasında deyib. O, Jalinin “Qarabağ”la razılaşdığını və yeni mövsümdən komandada olmayacağını bildirib.

Muaddib bu mövsüm Kipr çempionatında 28 oyunda 4 qol vurub, 6 məhsuldar ötürmə edib. 25 yaşlı futbolçunun “transfermarkt”da dəyəri 375 min avrodur. O, azad agent kimi “Qarabağ”a keçəcək.