Futbol üzrə Argentina millisinin və İspaniyanın “Atletiko” klubunun sağ cinah müdafiəçisi Nahuel Molina üçün cari mövsüm erkən bitib.

Arena.az xəbər verir ki, 28 yaşlı futbolçu sıradan çıxıb.

Onun bud əzələsində yırtıq aşkarlanıb. Argentina millisinin üzvü mövsümün qalan oyunlarına iştirak etməyəcək. Futbolçunun ən yaxşı halda bir ay sonra meydana qayıtması ehtimal edilir. Bu isə təcrübəli sağ cinah müdafiəçisinin ən yaxşı halda iyun ayında başlayacaq dünya çempionatına kimi bərpa olacağı anlamına gəlir.

Xatırladaq ki, “Atletiko” Nahuel Molinanı 2022-ci ilin yayında İtaliyanın “Udineze” klubundan 20 milyon avro müqabilində heyətinə qatıb. Argentinalı futbolçunun İspaniya klubu ilə 2027-ci ilin 30 iyununadək müqaviləsi mövcuddur.

Molina “Atletiko”nun heyətində indiyə qədər 181 oyuna çıxıb, 9 qol vurub, 17 məhsuldar ötürmə verib.

Nahuel Molina Argentinanın “Boka Xuniors” klubunun yetirməsidir. O, bu klubda olarkən “Defensa Xustisiya” və “Rosario Sentral” klublarında icarədə də oynayıb. Müdafiəçi 2020-ci ilin sentyabrından “Atletiko”ya keçənə qədər “Udineze”də çıxış edib.

Futbolçu 2021-ci ildə debüt etdiyi Argentina yığmasında 58 oyun keçirib, 1 qol vurub, 5 assist müəllifi olub.

İspaniyanın “Atletiko” klubunun heyətində ciddi itki baş verib.

Futbolpress.az xəbər verir ki, Nauel Molina zədələnərək sıradan çıxıb. Argentinalı oyunçu La Liqanın 35-ci turu çərçivəsində baş tutan “Selta”ya qarşı matçda zədə alıb.

Təcrübəli müdafiəçi bud əzələsindən xəsarət alıb. Tibbi yoxlanışdan sonra Molinanın 20 gün yaşıl meydanlardan uzaq qalacağı müəyyənləşib. Bununla da futbolçu mövsümün qalan üç oyununda komandasına kömək edə bilməyəcək.

Argentina millisinin üzvü iyunda başlayacaq dünya çempionatına kimi sağalaraq meydanlara geri dönəcək.

Qeyd edək ki, Molina cari mövsüm Madrid təmsilçisinin forması ilə meydana çıxdığı 46 oyunda 2 qol və 4 məhsuldar ötürməyə imza atıb.

Bu gün futbol üzrə UEFA Çempionlar Liqasında (ÇL) 2025/2026-cı illər mövsümünün ilk finalçısı müəyyənləşib.

Arena.az xəbər verir ki, yarımfinal mərhələsinin cavab oyununda İspaniyanın “Atletiko” komandası İngiltərədə “Arsenal”ın qonağı olub.

“Emireyts” stadionunda baş tutmuş qarşılaşmanı almaniyalı referi Daniel Zibert ibarə edib.

Xatırladaq ki, bu komandalar arasında Madrid şəhərində baş tutmuş ilk görüşdə qalib müəyyənləşməmişdi – 1:1. Bu dəfə isə London təmsilçisi tək qolla qalib gələrək ilk finalçı olub.

Digər finalçı mayın 6-da bəlli olacaq. “Bayern” Almaniyada ÇL-in sonuncu qalibi olan Fransanın PSJ kollektivi ilə münasibətlərə aydınlıq gətirəcək. Birinci qarşılaşmada parislilər sevinən tərəf olublar – 5:4.

UEFA Çempionlar Liqası
Yarımfinalın cavab oyunları
5 may

Arsenal (İngiltərə) – Atletiko (İspaniya) 1:0
Qol: Bakayo Saka, 44.
Baş hakim: Daniel Zibert (Almaniya).
London. “Emireyts” stadionu.
İlk oyun – 1:1.

6 may

23:00. Bayern (Almaniya) – PSJ (Fransa)
Baş hakim: Pineyro (Portuqaliya).
Münhen. “Alyans Arena”.
İlk oyun – 4:5.