Bu gün AFFA-nın inzibati binasında futzal üzrə Azərbaycan Kubokunun 2025/2026-cı illər mövsümünün püşkatma mərasimi keçirilib.

Arena.az xəbər verir ki, sayca 30-cü dəfə təşkil olunacaq kubok uğrunda 6-sı Yüksək, 10-u Birinci Liqa iştirakçısı olmaqla ümumilikdə 16 komanda mübarizə aparacaq.

Yarışa 1/8 final mərhələsindən start veriləcək və hər mərhələdə komandalar bir dəfə qarşılaşacaqlar. Fevralın 14-ü və 15-də başlayacaq Azərbaycan Kubokunun qalibi mayın 21-də keçiriləcək final matçında məlum olacaq.

Azərbaycan Kuboku
1/8 final

U-19 – Yeni Suraxanı
Lənkəran – Atletiko Baku
STAR kargo – Şuşa
Xan-Lənkəran – Dəstə Ordubad
Baku Fire – Araz-Naxçıvan
Neftçi İK – Trabzon Azərbaycan
Ulduz – Baku Fire-2
Timsport – PFL

1/4 final

U-19/Yeni Suraxanı – Timsport/PFL
Lənkəran/Atletiko Baku – Ulduz/Baku Fire-2
STAR kargo/Şuşa – Neftçi İK/Trabzon Azərbaycan
Xan-Lənkəran/Dəstə Ordubad – Baku Fire/Araz-Naxçıvan

Yarımfinal

U-19 – Yeni Suraxanı / Timsport – PFL // Xan-Lənkəran – Dəstə Ordubad / Baku Fire – Araz-Naxçıvan

Lənkəran – Atletiko Baku / Ulduz – Baku Fire-2 // STAR kargo – Şuşa / Neftçi İK – Trabzon Azərbaycan

Futzal üzrə Azərbaycan Kubokunda 2025/2026-cı illər mövsümünün püşkatma tarixi və iştirakçı komandaların sayı müəyyənləşib.

Arena.az xəbər verir ki, bu barədə Azərbaycan Futzal Federasiyasının mətbuat xidməti məlumat yayıb.

Xəbərdə bildirilir ki, yeni mövsümdə Azərbaycan Kubokunda 16 komanda mübarizə aparacaq. 1/8 final mərhələsindən strat götürəcək yarışda PFL, “Araz-Naxçıvan”, “Neftçi” İK, “Baku Fire”, “Şuşa”, U-19, “Lənkəran”, “Baku Fire-2”, “STAR kargo”, “Yeni Suraxanı”, “Timsport”, “Xan-Lənkəran”, “Dəstə Ordubad”, “Trabzon Azərbaycan”, “Ulduz” və “Atletiko Baku” komandaları iştirak edəcəklər.

Hər mərhələ bir görüşdən ibarət olacaq.

Azərbaycan Kubokunun püşkatma mərasiminin də vaxtı bəllidir. Tədbir fevralın 3-də AFFA-nın inzibati binasında keçiriləcək.

Futzal üzrə Azərbaycan milli komandasının üzvü Fərid Abbasov Danimarka yığmasına qarşı keçirdikləri yoxlama oyunlarını şərh edib.

Arena.az xatırladır ki, Danimarka yığması ilə yanvarın 22-də keçirilmiş ilk oyunda rəqib 4:1 hesablı qələbəyə sevinsə də, 2 gün sonra – yanvarın 24-də isə baş tutmuş matçda komandamız 4:2 hesabı ilə qalib gəlmişdi.

Fərid Abbasov Azərbaycan Futzal Federasiyasının mətbuat xidmətinə açıqlamasında komandanı dəstəkləmək üçün arenaya gəlmiş azarkeşlərə təşəkkür edib:

“Əvvəlcə, bizi dəstəkləmək üçün arenaya gələn azarkeşlərimizə təşəkkür edirəm. İki fərqli oyun oldu. Birinci görüşdə səhvlərimiz həlledici oldu və rəqib bundan maksimum yararlandı. Yekunda məğlub olduq. Nəzərə alsaq ki, milli 8 aydan çoxdur oyun keçirmir, üstəlik, heyətimizə yeni futzalçılar da cəlb olunub, müəyyən qədər anlaşılandır. Baş məşqçi oyunu analiz etdi, bizə də səhvlərimizi göstərdi və ikinci oyun üçün təlimatlarını verdi. Bacardığımız qədər mübarizə apardıq, sonluq isə bizim üçün əla alındı.

Bir qol vurmağım və məhsuldar ötürmə etməyim verilən tapşırıqları yerinə yetirməyimin nəticəsidir. Baş məşqçi hər zaman məsləhət bilir ki, əgər özünə, oyunçunu keçə biləcəyinə inanırsansa, cəhd elə, fərdi keyfiyyətlərindən istifadə et. Qolun ötürməsi zamanı da gördüm ki, rəqibi keçə bilərəm, sona qədər davam etdim. Bu qələbə gələcək oyunlar üçün açar oldu. Əsas odur ki, özümüzə inanaq və çox çalışaq”.