Babək Quliyev 17 yaşadək futbolçulardan ibarət komandalar arasında Avropa çempionatının seçmə mərhələsinə təyinat alıb.

Arena.az bu barədə AFFA-nın rəsmi saytına istinadən xəbər verir.

Bildirilir ki, azərbaycanlı beynəlxalq dərəcəli hakim-inspektor 17 yaşadək futbolçulardan ibarət komandalar arasında Avropa çempionatının seçmə mərhələsi çərçivəsində 10-cu qrupun 3 oyununda fəaliyyət göstərəcək.

Babək Quliyev oktyabrın 28-də Bolqarıstan – Slovakiya, 31-də isə İsveçrə – Bolqarıstan oyunlarının hakim-inspektoru olacaq. Noyabrın 3-də isə o, San Marino – Bolqarıstan matçının həm hakim-inspektoru, həm də UEFA nümayəndəsi olacaq.

Xatırladaq ki, bu qrupun qarşılaşmaları Slovakiyada təşkil olunacaq.

The post Babək Quliyev Slovakiyaya gedir: 3 oyuna təyinat alıb appeared first on ARENA.AZ.