Azərbaycan Premyer Liqasında mübarizə aparan “İmişli” klubu heyətini yeni legioner futbolçu – Faxardo Hernandes ilə gücləndirib.

Arena.az xəbər verir ki, bu barədə bölgə təmsilçisinin mətbuat xidməti məlumat yayıb.

Kolumbiyalı yarımmüdafiəçi “İmişli”yə azad agent kimi keçib. 19 yaşlı futbolçu ilə 2,5 + 1 illik müqavilə imzalanıb. O, yeni komandasında 8 nömrəli formanı geyinəcək.

Xatırladaq ki, Faxardo Hernandes Kolumbiyada gənc istedadların yetişdirilməsi ilə tanınan “Club Deportivo Maracaneiro” futbol məktəbinin yetirməsidir.