Bu gün futbol üzrə İtaliya Kubokunun 2025/2026-cı illər mövsümünün final qarşılaşması keçirilib və çempionun adına aydınlıq gəlib.

Arena.az xəbər verir ki, həlledici görüş İtaliya A Seriyasının cari mövsümünün qalibi olmuş “İnter”lə “Latsio” arasında baş tutub.

Paytaxt Romadakı “Olimpiko” stadionunda təşkil edilmiş görüş “İnter”in inamlı qələbəsi ilə yekunlaşıb. Milan təmsilçisi elə ilk hissədə vurduğu 2 cavabsız qolla sayəsində növbəti titulunu qazanıb. Beləcə, sözügedən komanda 2025/2026-cı illər mövsümün “qızıl dubl”la tamamlayıb.

“İnter” tarixində 10-cu dəfə İtaliya Kubokunun qalibi olub. Bu komanda daha öncə 1939, 1978, 1982, 2005, 2006, 2010, 2011, 2022 və 2023-cü illərdə də oxşar uğura imza atmışdı. Bu baxımdan rekord 15 dəfə ölkə kubokunu qazanmış “Yuventus”a məxsusdur.

İtaliya Kuboku
Final
13 may

Latsio – İnter 0:2
Qollar: Adam Maruşiç, 14-öz qapısına. Lautaro Martines, 35.

İtaliya A Seriyasının XXXVI turu çərçivəsində lider “İnter” “Latsio”nun qonağı olub.

Futbolpress.az xəbər verir ki, oyun “göy-qaralar”ın 3:0 hesablı qələbəsi ilə başa çatıb.

Matçın ilk qolunu altıncı dəqiqədə qonaqların kapitanı Lautaro Martinez vurub. 39-cu dəqiqədə Petar Suçiç fərqi iki topa yüksəldib. 76-cı dəqiqədə fərqlənən Henrix Mxitaryan yekun hesabı müəyyən edib.

Bu qəıəbədən sonra çempionluğu təmin edən “İnter” 85 xalla birinci yerdədir. “Latsio” isə 51 xalla turnir cədvəlinin səkkizinci pilləsində qərarlaşıb.

Qeyd edək ki, 13 may tarixində sözügedən komandalar İtaliya Kubokunun finalında yenidən üz-üzə gələcək.