2026/2027-ci illər mövsümündə Azərbaycan Premyer Liqasında mübarizə aparacaq “Şəfa” heyətini Murad Musayev ilə gücləndirib.

Arena.az bu barədə Bakı klubunun mətbuat xidmətinə istinadən xəbər verir.

Bildirilir ki, müdafiəçi ilə 1 illik müqavilə imzalanıb. O, yeni klubuna azad agent kimi qoşulub.

Murad Musayev “Qəbələ” Futbol Akademiyasının yetirməsidir. Müdafiəçi 2012/2013-cü illər mövsümündə məhz bu komandanın heyətində Azərbaycan Premyer Liqasında debüt edib. Musayev “Qəbələ”nin heyətində Azərbaycan Premyer Liqasında və ölkə kubokunda 173 oyunda meydana çıxıb, 4 qola imza atıb, 2 məhsuldar ötürmə müəllifi olub. Murad “Qəbələ” ilə 2023-cü ildə Azərbaycan Kubokunun qalibi olub.

31 yaşlı futbolçu karyerası ərzində “Zirə”, “Şüvəlan” və “Səbail”in formasını da geyinib.

“Şəfa” daha öncə Rauf Hüseynli, Nicat Mehbalıyev və Arsen Ağcabəyovla da güclənmişdi. Əli Həsənli, Zahid Mərdanov, Emin Zamanov, Hüseyn Mürsəlov, Aqil Nəsibov və Amir Ebrahimzade isə komandanı tərk ediblər.

Premyer Liqadakı yerini çətinliklə qorumuş “Qəbələ” kapitanı Murad Musayev ilə mövsümün sonunda başa çatmış müqaviləni yeniləməyib.

Arena.az xəbər verir ki, bu barədə əyalət klubunun mətbuat xidməti məlumat yayıb.

“Qəbələ” Futbol Akademiyasının yetirməsi olan müdafiəçi 2012/2013-cü illər mövsümündə məhz bu komandanın heyətində Azərbaycan Premyer Liqasında debüt edib. Musayev “Qəbələ”nin heyətində Azərbaycan Premyer Liqasında və ölkə kubokunda 173 oyunda meydana çıxıb, 4 qola imza atıb.

Murad Musayev “Qəbələ” ilə 2023-cü ildə Azərbaycan Kubokunun qalibi olub.

Əyalət təmsilçisi Murad Musayevə bu klub üçün xidmətlərinə görə təşəkkür edib, ona gələcək karyerasında uğurlar arzulayıb.

Xatırladaq ki, “Qəbələ” daha öncə Rza Cəfərov, Sambu Sissoko, İbrahim Sanqare, Rüfət Əhmədov və Turan Manafovla da yollarını ayırmışdı.