“Mançester Yunayted”in sabiq futbolçusu Patris Evra, Fransa futbolunun tanınmış siması Zinəddin Zidanın ölkənin milli komandasının baş məşqçi postuna təyin olunma ehtimalı ilə bağlı fikirlərini bölüşüb.

Məlumata görə, Zidan 2026-cı il dünya çempionatından sonra Fransa millisində Didye Deşamın yerini alacaq.

Komanda.az xəbər verir ki, Evra “Cadena SER”-ə verdiyi açıqlamada bunları deyib:

“Deşam mənim üçün qardaş kimidir və yaxınlarda dünya çempionatı keçiriləcək. Amma bəli, Zidan baş məşqçi olsa, çox məmnun olardım. Hər kəs Zizunu sevir, o, Parisdə Eyfel qülləsi kimidir”.

Zidan futbolçu karyerasını bitirdikdən sonra “Real”da fəaliyyət göstərib. 53 yaşlı mütəxəssis “kral klubu” ilə üç dəfə ardıcıl UEFA Çempionlar Liqasını və iki dəfə İspaniya La Liqasını qazanıb.

The post Zidanı Eyfel qülləsinə bənzətdilər appeared first on Komanda.az.