Futbol üzrə Niderland milli komandasının təcrübəli müdafiəçisi Stefan de Vrey bundan sonrakı karyerasını Yunanıstanda davam etdirəcək.

Arena.az xəbər verir ki, 34 yaşlı futbolçu İtaliyanın “İnter” klubundan ayrıldıqdan sonra “Panatinaikos”la müqavilə imzalayıb.

Afina təmsilçisinin yaydığı məlumata görə, tərəflər arasında bağlanmış saziş 2027-ci ilin yayına qədər nəzərdə tutulub. De Vrey yeni klubuna azad agent statusunda qoşulub.

Təcrübəli müdafiəçi 2023-cü ildə “İnter”lə müqaviləsini uzatsa da, başa çatan mövsümdə əsas heyətdə müntəzəm oynamaq imkanı qazana bilməmişdi. O, 2025/2026 mövsümündə bütün turnirlərdə 11 oyunda meydana çıxıb.

De Vrey 2018-ci ildən “İnter”in şərəfini qoruyurdu. O, Milan təmsilçisinin heyətində 2 İtaliya çempionluğu, 2 İtaliya Kuboku, 3 İtaliya Super Kuboku qazanıb, həmçinin iki dəfə UEFA Çempionlar Liqasının finalında çıxış edib.

Peşəkar karyerasına “Feyenoord”da başlamış müdafiəçi daha sonra “Latsio” və “İnter”də forma geyinib. Niderland millisinin heyətində isə 70-dən çox oyun keçirən De Vrey 2014-cü il dünya çempionatının bürünc mükafatçısı olub.

Qeyd edək ki, “Panatinaikos” 2025/2026 mövsümünü Yunanıstan Super Liqasında 4-cü pillədə başa vurub.

İtaliya çempionu “İnter” qapıçısı Yann Zommer, eləcə də müdafiəçiləri Françeko Açerbi, Matteo Darmian və Stefan De Vrey ilə yollarını ayırıb.

Arena.az bu barədə Milan klubunun mətbuat xidmətinə istinadən xəbər verir.

Onların hər biri klubdan azad agent kimi ayrılıblar. İtaliya çempionu hər bir futbolçuya xidmətlərinə görə təşəkkür edib, gələcək karyerasında uğurlar arzulayıb.

Yan Zommer “İnter”ə 2023-cü ilin avqustunda 6,75 milyon avro məbləğ müqabilində “Bayern”dən keçmişdi. İsveçrəli 37 yaşlı qapıçının “İnter” karyerası ümumilikdə 139 oyun, 120 buraxılmış qol və 66 “quru” oyundan ibarətdir.

Zommer “İnter”lə 2 dəfə İtaliya çempionu olub, İtaliya Kubokunu və İtaliya Super Kubokunu qazanıb.

Françesko Açerbi 2023-cü ilin iyul ayında “Latsio”dan 4 milyon avro məbləğ müqabilində tamhüquqlu əsasda “İnter”ə keçmişdi. Açerbinin “İnter”in heyətində çıxışının ümumi mənzərəsi 148 oyun, 5 qol və 5 məhsuldar ötürmədən ibarətdir. İtaliyalı 38 yaşlı müdafiəçi bu klubla 6 titul qazanıb.

Matteo Darmian “Milan”ın yetirməsidir. 36 yaşlıi müdafiəçi 2020-ci ilin oktyabr ayından “İnter”də çıxış edirdi. O, bu komandanın heyətində meydana çıxdığı 218 oyunda 13 qol vurub, 13 məhsuldar ötürmə müəllifi olub. Matteo bu klubla 9 titul əldə edib.

Stefan De Vrey isə 2018-ci ildən “İnter”in sıralarına idi. Niderlanddan olan 34 yaşlı müdafiəçi Milan təmsilçisinin heyətində 296 oyun keçirib, 13 qol vurub, 8 məhsuldar ötürmə verib, 9 titula sahib çıxıb.