Portuqaliyalı futbol mütəxəssisi Hüqo Oliveyra Fransa Liqa 1-də mübarizə aparan “Strasburq” komandasının baş məşqçisi təyin edilib.

Arena.az xəbər verir ki, bu barədə Fransa klubu rəsmi saytı vasitəsilə məlumat yayıb.

41 yaşlı portuqaliyalı mütəxəssislə 3 illik müqavilə imzalanıb. O, bu postda ötən mövsüm bitən kimi komandadan ayrılmış və “İpsviç Taun” komandasının baş məşqçisi vəzifəsinə təyin olunmuş britaniyalı mütəxəssis Qari O’Nili əvəz edib. Onun rəhbərliyi altında Elzas təmsilçisi ötən mövsüm Liqa 1-də 8-ci yeri tutub və klub tarixində ilk dəfə Avropa Konfrans Liqasının yarımfinalına yüksəlib.

Hüqo Oliveyranın sonuncu iş yeri isə Portuqaliyanın “Famalikan” komandası olub. Komanda onun rəhbərliyi altında ölkə çempionatını 5-ci pillədə başa vuraraq tarixinin ən yaxşı nəticəsinə imza atıb.

Hüqo Oliveyra ilk dəfə ölkəsindən kənarda məşqçi kimi fəaliyyət göstərəcək.

Fransanın “Strasburq” klubunun baş məşqçisi açıqlanıb.

Futbolpress.az xəbər verir ki, komandanın “sükanı” Uqo Oliveyraya tapşırılıb. Bu barədə klubun mətbuat xidməti məlumat yayıb.

Portuqaliyalı mütəxəssislə anlaşmanın detalları açıqlanmayıb.

Oliveyra son olaraq ölkəsində “Famalikan”a rəhbərlik edib.