“Fiorentina” yenidən baş məşqçi axtarışına çıxıb.

Komandanın hazırkı çalışdırıcısı Paolo Vanoli klubdakı cəmi bir aylıq fəaliyyətindən sonra postunu tərk etməyə yaxındır. Rəhbərlik artıq mümkün əvəzləyici namizədlər üzərində düşünür.

Komanda.az “derbyderbyderby.it”-ə istinadən xəbər verir ki, namizədlər arasında Tiaqo Motta yer alsa da, “Bolonya” və “Yuventus”un sabiq baş məşqçisi vəziyyəti dəyərləndirdikdən sonra “Fiorentina”nı çalışdırmaq təklifindən imtina edib.

Florensiya təmsilçisi cari mövsümdə hələ də A Seriyasında qələbə qazana bilməyib. Komanda son turda doğma meydanda “Verona”ya 1:2 hesabı ilə məğlub olub.

The post Motta “Fiorentina”nın təklifini rədd edib appeared first on Komanda.az.