Azərbaycanlı FİFA referiləri Əliyar Ağayev və Tural Qurbanov milli komandalar arasında keçiriləcək beynəlxalq yoxlama oyunlarına təyinat alıblar.

Arena.az xəbər verir ki, bu barədə AFFA-nın saytı məlumat yayıb.

Xəbərdə bildirilir ki, Əliyar Ağayev Minskdə keçiriləcək Belarus – Suriya matçını idarə edəcək. Belarus millisinə məxsus stadionda baş tutacaq görüşdə Zeynal Zeynalov və Elşad Abdullayev yan xətt hakimləri kimi fəaliyyət göstərəcəklər. Yerli referi İhar Şumilau isə dördüncü hakim funksiyasını yerinə yetirəcək.

Tural Qurbanov isə Kişinyov şəhərində yerləşən “Zimbru” stadionunda Moldova – Bolqarıstan qarşılaşmasının baş hakimi olacaq. Ona yan xətt hakimləri Akif Əmirəli və Cəmil Quliyev kömək edəcəklər. Moldovalı Roman Jitari dördüncü hakim kimi fəaliyyət göstərəcək.

Qeyd edək ki, hər iki oyun iyunun 5-də keçiriləcək.