“Feyenoord”un yeni baş məşqçisi məlum olub.

Futbolpress.az xəbər verir ki, komandanın “sükanı” Covanni van Bronxorsta tapşırılacaq. Bu barədə insayder Fabrizio Romano məlumat yayıb. Tərəflər arasında danışıqlar son mərhələdədir.

Bronxorst bundan öncə “Liverpul”da baş məşqçi Arne Slottin köməkçisi olub.

“Feyenoord” Niderland Erediviziyasında mövsümü ikinci sırada başa vurub. Klub ötən ay baş məşqçi Robin van Persi ilə yollarını ayırıb.

Futbol üzrə Niderland çempionatında 2025/26 mövsümünü ikinci yerdə başa vurmuş “Feyenoord” baş məşqçisi Robin van Persi ilə yollarını ayırıb.

Arena.az xəbər verir ki, bu barədə Rotterdam təmsilçisinin mətbuat xidməti məlumat yayıb.

Sözügedən komanda Niderland çempionatında ikinci yeri tutaraq UEFA Çempionlar Liqasının Liqa mərhələsinə birbaşa vəsiqə qazansa da, klub rəhbərliyi yenə də baş məşqçini dəyişmək qərarına gəlib.

Xatırladaq ki, Robin van Persi “Feyenoord”un əsas komandasına 2025-ci ilin fevral ayının sonlarında təyin olunmuşdu. Geridə qalmış müddət ərzində komanda onun rəhbərliyi altında çıxış etdiyi 58 rəsmi matçda 30 qələbə qazanıb, 9 heç-heçə edib və 19 dəfə meydandan məğlub ayrılıb.

Van Persi daha öncə “Herenven”in də baş məşqçisi olub.