İngiltərə Çempionşipindən Premyer Liqaya yüksələn ilk komanda məlum olub.

Futbolpress.az xəbər verir ki, çempionatda XXXXIII turda “Blekbern”lə heç-heçə edən (1:1) “Koventri” sona üç tur qalmış elitaya vəsiqəni təmin edib.

Komanda liqada 86 xalla birincidir və ən yaxın izləyicisi “İpsviç”i 11 xal qabaqlayır.

“Koventri” 25 il sonra Premyer Liqaya qayıdıb. Komandaya ingiltərəli keçmiş futbolçu Frenk Lempard rəhbərlik edir.