İtaliya B Seriyasının 38-ci turunun sonuncu turunun oyununda “Frosinone” doğma meydanda “Mantova”nı yenməklə A Seriyasına yüksəlib.

Arena.az xəbər verir ki, sözügedən qarşılaşma meydan sahiblərinin 5:0 hesablı qələbəsi ilə başa çatıb.

Nəticədə “Frozinone” İtaliya B Seriyasının 2025/2026-cı illər mövsümünü 81 xalla ikinci pillədə başa vurub. Bununla da komanda 2023/2024-cü illər mövsümündən bəri oynamadığı A Seriyasına vəsiqəni təmin edib.

Xatırladaq ki, daha əvvəl “Venesiya” lider kimi elitaya vəsiqəni rəsmiləşdirmişdi. Çempion mövsümü 82 xalla bitirib.

A Seriyasına sonuncu vəsiqə uğrunda isə 6 klub mübarizə aparacaq. Pley-off mərhələsinin ilk oyunları 12 mayda keçiriləcək. Şansını saxlayan komandalar bunlardır:

3. Montsa – 76 xal
4. Palermo – 72 xal
5. Katanzaro – 59 xal
6. Modena – 55 xal
7. Yuve Stabiya – 61 xal
8. Avellino – 49 xal

Sonda onu da əlavə edək ki, “Piza” və “Verona” artıq İtaliya A Seriyasını tərk ediblər. Digər bəxtsiz isə “Kremoneze”, “Leççe”, “Fiorentina” və ya “Kalyari”dən biri olacaq.