“Barselona”nın baş məşqçisi Hans-Diter Flik qış transfer pəncərəsində klubdan ayrıla biləcək qapıçı Mark-Andre ter Ştegenin gələcəyi ilə bağlı sualları cavablandırıb.

Komanda.az xarici KİV-ə istinadən xəbər verir ki, o, bu qərarın oyunçunun özündən asılı olduğunu söyləyib:

“Bu, onun seçimidir. Onun vəziyyətini müzakirə etdik. Ter Ştegenə böyük hörmətim var, çünki o, möhtəşəm qapıçıdır. O, həqiqətən də əla oyunçudur və komanda üçün əla insandır. Amma nəticə etibarilə bu, onun qərarıdır və o, bunu etməlidir”.

33 yaşlı qolkiper bu mövsüm səhhətində problemlərlə üzləşib. O, 2024/25 mövsümündə diz zədəsi səbəbindən cəmi 9 oyun keçirib və bel əməliyyatından sonra bu mövsümün başlanğıcını buraxıb. Ter Şteqen 2014-cü ilin yayından “Barselona”da çıxış edir. Futbolçunun Kataloniya klubu ilə müqaviləsinin müddəti 2027/2028 mövsümünün sonuna qədərdir.

The post Flikdən “Barselona”dan ayrılacağı gözlənilən Ter Ştegen haqda açıqlama appeared first on Komanda.az.

“Barselona”nın qapıçısı Mark-Andre ter Ştegen qış transfer pəncərəsində klubunu tərk edə bilər.

Komanda.az xarici KİV-ə istinadən xəbər verir ki, 33 yaşlı qolkiperin xidmətində “Beşiktaş” maraqlıdır.

Türkiyə təmsilçisi Kataloniya klubuna Ter Ştegenin icarəyə götürülməsi ilə bağlı təklif göndərib. Ancaq qapıçının özü La Liqanı daha aşağı statuslu çempionatla dəyişmək niyyətində deyil.

Almaniyalı futbolçu 2014-cü ilin yayından “Barselona”nın formasını geyinir. Onun klubla müqaviləsinin müddəti 2027/28 mövsümünün sonuna qədərdir.

The post Türkiyə klubu Ter Ştegenlə maraqlanır appeared first on Komanda.az.

“Barselona”nın qapıçısı Mark-Andre ter Ştegen əsas heyətdə çıxış etməyəcək. Almaniyalı futbolçu yaxınlarda zədəsini sağaldıb komandaya qayıtsa da, əsas qapıçı yenə də Xuan Qarsiya olaraq qalır.

Komanda.az “Sport”-a istinadən xəbər verir ki, vəziyyət yaxın gələcəkdə dəyişməyəcək.

Qarsiya La Liqa və UEFA Çempionlar Liqası oyunlarında meydana çıxacaq, Ter Ştegen isə əsas əvəzedici statusu üçün Voyçex Şesnı ilə mübarizə aparacaq.

Bununla belə, 33 yaşlı kapitanın komanda ilə qısa zamanda meydana çıxması mümkündür. Belə ki, komandanın baş məşqçisi Hans-Diter Flik onu İspaniya kubokunun 1/16 finalında “Deportivo Qvadalahara” ilə qarşılaşmada meydana buraxa bilər. Matç sabah keçiriləcək.

The post Ter Ştegen uzun zamandan sonra meydana çıxa bilər appeared first on Komanda.az.

“Barselona”nın 33 yaşlı almaniyalı əsas qapıçısı və kapitanı Mark-Andre ter Ştegen zədəsini tam sağaldaraq sıraya dönüb.

Arena.az xəbər verir ki, bu barədə Kataloniya klubunun mətbuat xidməti məlumat yayıb.

Təcrübəli qolkiper artıq komanda ilə məşqlərə başlayıb. Alman futbolçu belindəki problemlər səbəbindən mövsümün startını buraxmışdı.

Mark-Andre Ter Ştegen Mönxenqladbax “Borussiya”sının məzunudur. Alman qapıçı məhz yetirməsi olduğu klubun düşərgəsindən 2014-cü ilin iyul ayında 12 milyon avro məbləğ müqabilində “Barselona”ya keçib. Ter Ştegenin İspaniya nəhəngi ilə müqaviləsinin müddəti 2028-ci ilin iyun ayının sonuna qədər qüvvədədir.

Geridə qalmış 2024/2025-ci illər mövsümündə Ter Ştegen “blauqrana” üçün 9 oyun keçirib, 11 qol buraxıb, 1 oyunda “çərçivə”sini qoldan qoruya bilib. Cari mövsümdə isə ona debüt qismət olmayıb.

Alman qapıçının “Barselona”dakı çıxışının ümumi mənzərəsi 422 oyun, 416 buraxılmış qol və 175 “quru” oyundan ibarətdir.

Ter Ştegen “Barselona” ilə 6 dəfə İspaniya La Liqasının, 6 dəfə İspaniya Kral Kubokunun, 4 dəfə İspaniya Super Kubokunun, Çempionlar Liqasının, UEFA Super Kubokunun, FIFA Klub Dünya Kubokunun qalibi olub.

Mark-Andre Ter Ştegen 2012-ci ilin may ayında debüt etdiyi Almaniya yığmasının heyətində 44 oyuna 54 qol buraxıb, 13 “quru” oyun keçirib. Qapıçı Almaniya yığması ilə 2017-ci Konfederasiyalar Kubokunun qalibi olub.

“Transfermarkt” internet-portalı 33 yaşlı alman qapıçının transfer dəyərini 8 milyon avro məbləğində qiymətləndirir.