Futbol üzrə Azərbaycan millisinin mərkəz müdafiəçisi Cəlal Hüseynov Bolqarıstanın “Arda” komandasının heyətində növbəti matçına çıxıb.

Arena.az xəbər verir ki, Cəlalın komandası Bolqarıstan çempionatının 2025/2026-cı illər mövsümünün 20-ci turu çərçivəsində Sofiya ÇSKA-sı ilə qarşılaşıb.

Səfərdə baş tutmuş bu oyunda “Arda” məğlubiyyətə üzülüb – 2:0. Hüseynov 2026-cı ildəki ilk rəsmi oyunlarında 90 dəqiqə meydanda olub.

“Arda” 20 turdan sonra 24 xalla 16 iştirakçı arasında 10-cu pillədə qərarlaşıb. Komanda əvvəlki turlarda 6 qələbə qazanıb, 6 heç-heçə edib, 8 məğlubiyyətə üzülüb.

Xatırladaq ki, “Zirə”nin yetirməsi olan Cəlal Hüseynov Bolqarıstan təmsilçisi ilə 2023-cü ilin iyun ayında 3 illik müqavilə imzalayıb. Azərbaycanlı futbolçu bu komandada 70 rəsmi oyuna çıxıb, 2 qol vurub. Cəlal 2024/2025-ci illər mövsümünü icarə əsasında “Şamaxı”da keçirsə də, ötən ilin yayında yenidən Bolqarıstan klubuna qayıdıb.

Hüseynov 2021-ci ilin noyabrında debüt etdiyi Azərbaycan milli komandasının heyətində 8 oyuna çıxsa da, məhsuldar fəaliyyəti ilə yadda qalmayıb.

Azərbaycanlı futbolçu Cəlal Hüseynov “Arda” klubunda növbəti oyuna çıxıb.

Futbolpress.az xəbər verir ki, müdafiəçi Bolqarıstan çempionatının XX turunda ÇSKA ilə matçda iştirak edib. O, Sofiya təmsilçisi ilə görüşə start heyətdə meydana çıxıb və sona qədər oynayıb.

Matç “Arda”nın məğlubiyyəti ilə başa çatıb.

Kırcalı təmsilçisi 20 turdan sonra 24 xalla 10-cu sıradadır.

Futbol üzrə Bolqarıstan çempionatında 20-ci turun oyunları keçirilir.

Komanda.az xəbər verir ki, azərbaycanlı futbolçu Cəlal Hüseynovun formasını geyindiyi “Arda” səfərdə Sofiya ÇSKA-sının qonağı olub. Qarşılaşma ev sahiblərinin 3:1 hesablı qələbəsi ilə başa çatıb.

Hüseynov da bu matçın iştirakçısı olub. 23 yaşlı müdafiəçi qarşılaşmaya start heyətində başlayıb və 90 dəqiqə meydanda olub.

20 turdan sonra 24 xal toplayan “Arda” turnir cədvəlinin 10-cu pilləsində qərarlaşıb.

The post Hüseynov ÇSKA-ya qarşı oynadı, komandası uduzdu appeared first on Komanda.az.