Futbol üzrə Niderland milli komandasının keçmiş mərkəz müdafiəçisi Deyli Blind uzun illər sonra yetirməsi olduğu “Ayaks” klubuna qayıdıb.

Arena.az xəbər verir ki, bu barədə Niderland təmsilçisi məlumat yayıb.

36 yaşlı niderlandlı futbolçu ilə 1 illlik müqavilə imzalanıb. O, köhnə-yeni klubuna azad agent kimi qoşulub.

Deyli Blind 2023-cü ildən “Jirona”da çıxış edirdi. O, 2025/2026-cı illər mövsümündə bu komandanın heyətində 31 matç keçirib. Blindin “Jirona” karyerası bütövlükdə 108 oyun, 3 qol və 5 assistdən ibarətdir.

Qeyd edək ki, Blind “Ayaks”ın yetirməsidir. O, 2008-2014 və 2018-2022-ci illərdə Amsterdam komandasının uğurları üçün çalışıb. Blind “Ayaks”ın heyətində 333 matça çıxıb, 13 qol v 21 assistlə yadda qalıb.

Blind karyerası ərzində “Qroningen”, “Mançester Yunayted” və “Bayern”də də çıxış edib.

Deyli Blind 2013-cü ilin fevralında debüt etdiyi Niderland yığmasının heyətində 108 oyuna 3 qol vurub, 15 məhsuldar ötürmə verib.

Deyli Blindin qənimətlər muzeyində “Ayaks”la Niderland çempionluğu (7 dəfə), Niderland Kuboku və Niderland Super Kuboku (hər biri – 2 dəfə), “Mançester Yunaytd”lə İngiltərə Kuboku, İngiltərə Liqa Kuboku, İngiltərə Super Kuboku və Avropa Liqası, həmçinin “Bayern”lə Almaniya çempionluğu var.

Fərdi uğurlara gəlincə, Blind 2014-cü ildə Niderlandda ilin futbolçusu seçilib.

“Transfermarkt” internet-portalı 36 yaşlı niderlandlı mərkəz müdafiəçisinin transfer dəyərini 1,2 milyon avro məbləğində qiymətləndirir

Yeri gəlmişkən, “Ayaks” gənc mərkəz yarımmüdafiəçi Şon Styoru İngiltərənin “Nyukasl” klubuna satıb. Amsterdam təmsilçisi bu ticarətdən 23,5 milyon avro qazanıb. 18 yaşlı niderlandlı futbolçu Premyer Liqa təmsilçisi ilə 5 illik müqavilə imza atıb.

Xatırladaq ki, Şon Styor “Ayaks”ın yetirməsidir. O, əsas komandada 26 oyuna çıxıb, 1 qol və 2 məhsuldar ötürmə ilə yadda qalıb.

“Brentford” İngiltərə Premyer Liqasının 25-ci turunda “Qarabağ”ın UEFA Çempionlar Liqasında rəqibi olan “Nyukasl” üzərində tarixi 3:2 hesablı qələbə qazanıb.

Komanda.az xarici KİV-ə istinadən xəbər verir ki, bu uğur komandanın 21-ci əsrdə “Nyukasl”ın meydanında ilk qələbəsi olub. “Brentford” sonuncu dəfə təxminən bir əsr əvvəl, 1934-cü ildə “Nyukasl”ı səfərdə 5:2 hesabıyla məğlub edib. Klublar az hallarda qarşılaşıblar və bu, 1934-cü ildən bəri “Nyukasl”ın meydanında keçirdikləri 10-cu liqa matçı olub.

Qələbənin nəticəsi olaraq, “Brentford” Premyer Liqanın turnir cədvəlində 7-ci yerə yüksəlib. “Nyukasl” isə hələ də 13-cü yerdədir.

“Nyukasl” UEFA Çempionlar Liqasının pley-off mərhələsinin ilk oyununda, fevralın 18-də “Qarabağ”ın qonağı olacaq. Cavab matçı fevralın 24-də İngiltərədə keçiriləcək.

The post “Brentford” bir əsr sonra “Qarabağ”ın rəqibini səfərdə məğlub edib appeared first on Komanda.az.

“Nyukasl” UEFA Çempionlar Liqasının pley-off mərhələsinin “Qarabağ”a qarşı oyunlar üçün yekun heyətini təsdiqləyib.

Komanda.az xəbər verir ki, İngiltərə klubunun baş məşqçisi Eddi Hou heyətə 45 oyunçunun adını daxil edib, onlardan 24-ü “B” siyahısındadır.

Qapıçılar: Nik Pop, Con Raddi, Maks Tompson, Aron Ramsdeyl, Ayden Harris, Adam Harrison;

Müdafiəçilər: Kiran Trippyer, Luis Holl, Sven Botman, Fabian Şar, Malik Tyau, Tino Livramento, Dan Bern, Aleks Merfi, Kahal Heffernan, Kiran Tompson, Çarli Makartur, Dilan Çarlton, Lyuk Kraqqs, Leo Şahar, Loqan Votts;

Yarımmüdafiəçilər: Joelinton, Sandro Tonali, Co Villok, Bruno Gimarayeş, Ben Parkinson, Ceykob Remzi, Skott Beyli, Entoni Munda, Luis Mayli, Qay Blumer, Ademola Alabi;

Hücumçular: Yoan Vissa, Entoni Qordon, Harvi Barns, Vilyam Osula, Entoni Elanqa, Ceykob Merfi, Nik Voltemade, Conni Emerson, Darren Palmer, Co Brayson, Şon Niv, Mateos Ferreyra, Maykl Mills.

“Qarabağ”la “Nyukasl” arasındakı oyunlar fevralın 18-də və 24-də keçiriləcək.

The post “Nyukasl”ın “Qarabağ”la oyunlar üçün heyəti – SİYAHI appeared first on Komanda.az.