“Barselona”nın müdafiəçisi Andreas Kristensen klubda qalmaq istəyir. Onun müqaviləsinin müddəti mövsümün sonunda başa çatacaq.

Komanda.az xarici KİV-ə istinadən xəbər verir ki, 29 yaşlı futbolçu yeni müqavilə təklif olunacağına ümid edir və “Barselona”nın formasını geyinməyə davam etmək üçün yüksək maliyyə təkliflərini geri çevirməyə hazırdır.

Kristensen qalan oyunlarda özünü sübut etməli olduğunu başa düşür. O, cari mövsümdə İspaniya Kral kuboku çərçivəsində “Deportivo Qvadalahara”ya qarşı görüşdə ilk qolunu vurub. Ümumilikdə isə, futbolçu bu mövsüm 17 oyunda iştirak edib.

Danimarkalı futbolçuya Səudiyyə Ərəbistanı çempionatından da maraq olduğu bildirilir.

The post Danimarkalı müdafiəçi yeni müqavilə təklifi gözləyir appeared first on Komanda.az.