“Kristal Pelas”ın müdafiəçisi Mark Quehi “Bayern”in transfer hədəfləri arasındadır.

Komanda.az xarici KİV-ə istinadən xəbər verir ki, ingiltərəli futbolçu klubu ilə müqaviləsinin müddəti bitəndə yeniləməyəcək və bu da ona gələn yay “Kristal Pelas”dan azad agent kimi ayrılmağa imkan verəcək.

“Bayern”lə müqaviləsi 2026-cı ilin iyununda başa çatacaq Dayot Upamekanonu da oxşar gələcək gözləyir. Münhen klubu artıq Upamekanonun potensial əvəzedicisi kimi gördüyü Quehinin nümayəndələri ilə danışıqlar aparır.

25 yaşlı müdafiəçi üçün eyni zamanda, “Liverpul”, “Real” və Avropanın digər aparıcı klubları mübarizə aparacaq.

The post “Bayern” ingiltərəli müdafiəçi üçün danışıqlara başlayıb appeared first on Komanda.az.

“Bayern”in yarımmüdafiəçisi Aleksandar Pavloviç İngiltərə Premyer Liqasına keçə bilər.

Komanda.az xarici KİV-ə istinadən xəbər verir ki, “Mançester Yunayted” futbolçunu almaqda maraqlıdır. Lakin Münhen klubunun Pavloviç üçün yüksək transfer tələbi bu sövdələşməyə mane ola bilər. “Bayern”in rəhbərliyi oyunçunun satışı üçün 80 milyon avro tələb edir.

21 yaşlı yarımmüdafiəçinin Almaniya klubu ilə hazırkı müqaviləsi 2029-cu ilin yayında başa çatacaq.

The post “Bayern”in futbolçusu Premyer Liqa klubuna keçə bilər appeared first on Komanda.az.

Almaniya millisinin və “Bayern”in sabiq müdafiəçisi Jerom Boatenq Münhen klubunda təcrübə keçməyəcək.

Komanda.az xarici KİV-ə istinadən xəbər verir ki, klub bununla bağlı açıqlamasında bildirib:

“Müzakirələr aparıldı və qərara gəlindi ki, Boatenq “Bayern”də təcrübə keçməyəcək. O, komandanın ətrafındakı münaqişə səbəbindən əziyyət çəkməsini istəmir”.

Məsələ burasındadır ki, Münhen klubunun azarkeşləri Boatenqin komandada təcrübə keçmək istəyinə etiraz olaraq, “qadınlara qarşı zorakılığa “yox” deyək, Boatenq “Bayern”ə qayıtmamalıdır” adlı petisiya hazırlayıblar. Petisiyanı 2200-dən çox insan imzalayıb.

Boatenqin təcrübəsi bir həftə davam edəcəkdi və bu müddət ərzində o, dörd məşqi izləyə biləcəkdi.

Boatenq əvvəllər keçmiş sevgilisi Kasia Lenhardtın intiharına səbəb olmaqda ittiham olunub. Həmçinin, o, iki qız övladı olan keçmiş sevgilisi Şerin Zenlerə qarşı fiziki zorakılıqda ittiham edilib. Münhen Regional Məhkəməsi Zenlerə qarşı zorakılıq işi üzrə qərar çıxarıb və Boatenq 200 min avro məbləğində cəza alıb.

Sabiq futbolçu 2011-ci ildən 2021-ci ilə qədər Münhen klubunda oynayıb. O, eyni zamanda, Almaniya millisiylə dünya çempionluğunu qazanıb.

The post Azarkeşlər Boatenqin “Bayern”ə dönməsinə imkan vermədilər appeared first on Komanda.az.

“Bayern”in sabiq qapıçısı və klub rəhbərliyinin keçmiş üzvü Oliver Kan müdafiəçi Niko Şlotterbekin Münhen təmsilçisinə baş tutmayan transferi barədə danışıb.

Komanda.az “Sky Sport”-a istinadən xəbər verir ki, o, “Bayern”in Şlotterbeklə hələ onun “Frayburq”da çıxış etdiyi vaxt maraqlandığını bildirib. Ancaq həmin dövrdə gənc futbolçu gələcəyi ilə bağlı qərar verməli olub və nəticədə, Dortmund “Borussiya”sı onun transferini reallaşdırıb:

“Bəli, “Bayern” Şlotterbeki ala bilərdi. O zaman o, “Frayburq”da idi və gələcəyinə dair qərar verməli idi. Biz isə o vaxt başqa namizədə yönəldik, çünki Niko hələ çox gənc idi”.

25 yaşlı müdafiəçiyə hazırda “Bayern”in yenidən maraq göstərdiyi iddia olunur. Dortmund klubu isə onunla müqavilənin müddətini uzatmaq niyyətindədir.

The post “Bayern” Şlotterbeki niyə transfer etməyib? appeared first on Komanda.az.

“Bayern”in niderlandlı keçmiş hücumçusu Aryen Robben Münhen komandasının cari mövsümdəki çıxışını qiymətləndirib. Arena.az keçmiş futbolçunun müvafiq açıqlamasını təqdim edir: “Bayern”də işlər yaxşı gedir. Mənə, onların yatımlı oyunu xüsusilə xoş gəlir. Komanda işləyir, hamı əla müdafiə olunur. “Bayern” demək olar ki, məğlubedilməzdir”, deyə Robben vurğulayıb. Xatırladaq ki, “Bayern”…

Source

“Bayern”in idman direktoru Kristof Freund komandanın vingeri Luis Diasın debüt mövsümünü uğurlu keçirməsi haqda danışıb.

Komanda.az xarici KİV-ə istinadən xəbər verir ki, o, kolumbiyalı futbolçunun oyununu yüksək qiymətləndirdiklərini söyləyib:

“Biz Diasın oyunlarını olduqca yüksək qiymətləndiririk. O, əla insandır, çox çalışqan oyunçudur. O, artıq bir çox qol vurub və bir çox məhsuldar ötürmə edib. Dias komandaya böyük dəyər qatan fantastik oyunçudur. Biz çox məmnunuq”.

Dias bu ilin yayında 70 milyon avroya “Liverpul”dan Münhen klubuna keçib. O, bu mövsüm bütün yarışlarda 12 oyunda 7 qol vurub və 4 məhsuldar ötürmə edib.

The post “Dias fantastik oyunçudur” – “Bayern” rəsmisi appeared first on Komanda.az.

“Nyukasl”ın hücumçusu Nik Voltemade gələcəkdə özünü hansı klubda görmək istədiyini artıq müəyyənləşdirib.

Komanda.az “Bild”-ə istinadən xəbər verir ki, almaniyalı forvard bir gün “Bayern”in heyətində çıxış etməyi arzulayır.

Münhen təmsilçisi yay transfer pəncərəsi zamanı Voltemadeni almağa cəhd edib, ancaq “Ştutqart” təklif olunan şərtlərlə razılaşmayıb. Daha sonra onun transferini “Nyukasl” reallaşdırıb və ingilislər xeyli yüksək məbləğ ödəyiblər.

23 yaşlı futbolçu “Bayern”ə keçmək istədiyini gizlətmir, ancaq bunun yaxın illərdə baş verəcəyinə inanmır. Onun “Nyukasl”la müqaviləsinin müddəti 2030/31 mövsümünün sonuna kimidir.

The post Almaniyalı hücumçu “Bayern”də oynamaq istəyir appeared first on Komanda.az.

Alman futbolunun əfsanəsi, keçmiş dayaq yarımmüdafiəçisi Lotar Matteus “Bayern”in ingilis hücumçusu Harri Keyn haqda söhbət açıb. Arena.az Matteusun müvafiq fikrini təqdim edir: “Hal-hazırda, mən dünyada Harri Keyndən yaxşı hücumçu görmürəm. Nəinki vurduğu qollara görə, həmçinin onun çoxyönlüyü və çıxış etdiyi mövqelər baxımından”, deyə Lotar Matteus vurğulayıb. Xatırladaq ki…

Source

Almaniya çempionu “Bayern”in cinah hücumçusu, 17 yaşlı alman vinger Lennart Karl UEFA Çempionlar Liqasında yeni rekorda imza atıb. Arena.az ESPN-ə istinadən xəbər verir ki, Lennart Münhen komandasının bu turnirdə qol vuran ən gənc futbolçusuna çevrilib. Almaniyalı oyunçu ÇL-in Liqa mərhələsinin 3-cü turunda “Brügge”yə (Belçika) qarşı keçirdikləri matçın (4:0) 5-ci dəqiqəsində fərqlənib.

Source

Futbol üzrə Almaniya çempionu “Bayern” baş məşqçisi, belçikalı mütəxəssis Vensan Kompani ilə yeni müqavilə bağlayıb.

Arena.az xəbər verir ki, bu barədə Bundesliqa təmsilçisinin mətbuat xidməti məlumat yayıb.

Belçikalı mütəxəssisin yeni sözləşməsinin müddəti 2029-cu ilin yayınadək nəzərdə tutulub.

Xatırladaq ki, Vensan Kompani 2024-cü ilin may ayının sonunda “Bayern”ə baş məşqçi təyin edilmişdi. Həmin vaxt belçikalı mütəxəssislə müddəti 2027-ci ilin iyun ayının sonuna qədər qüvvədə olacaq müqavilə imzalanmışdı.

Çalışdırdığı müddətdə Kompani Almaniya nəhəngini 67 oyuna çıxarıb, 49 qələbə, 9 heç-heçə və 9 məğlubiyyət yaşayıb. Topların fərqi isə 194:66 nisbətindədir.

Kompani ötən mövsüm “Bayern”i Almaniya çempionu edib. Münhen təmsilçisi 2025/2026-cı illər mövsümünə də möhtəşəm başlayıb. Almaniya nəhəngi Bundesliqada keçirdiyi 7 oyunun hamısından qələbə ilə ayrılıb.

Xatırladaq ki, Kompani daha öncə “Anderlext” və “Börnli”də baş məşqçi kimi çalışıb.

The post Vensan Kompani “Bayern”lə yeni müqaviləyə imza atdı appeared first on ARENA.AZ.