“Atletiko Madrid” və ABŞ milli komandasının yarımmüdafiəçisi Conni Kardozo zədə səbəbindən əməliyyat olunacaq.

Futbolpress.az xəbər verir ki, bu barədə Madrid klubunun mətbuat xidməti məlumat yayıb.

Kardozo ötən həftə klubun məşqi zamanı zədə alıb. 24 yaşlı yarımmüdafiəçidə oynaq zədəsi və bağın ciddi şəkildə burxulması aşkarlanıb. Kardozonun tezliklə əməliyyat olunacağı bildirilib.

İspaniya mediasında yayılan məlumatlara görə, Kardozonun sağalması üç aydan altı aya qədər çəkə bilər. Sözügedən hal baş verərsə, futbolçu 11 iyun – 19 iyul tarixlərində keçiriləcək DÇ-2026-nı buraxacaq.

Qeyd edək ki, yarımmüdafiəçinin şərəfini qoruduğu ABŞ milli komandası turnirin qrup mərhələsində Türkiyə, Paraqvay və Avstraliya ilə qarşılaşacaq.