“Çelsi”nin baş məşqçisi Liam Rosenyor futbol üzrə İngiltərə Premyer Liqasının gücü haqda qənaətini açıqlayıb.

Arena.az ingilis mütəxəssisin müvafiq açıqlamasını təqdim edir:

“İngiltərə Premyer Liqası inanılmaz güclü liqadır. Hər komanda ixtiyari birini məğlub edə bilər. Məhz buna görə də yarış cədvəlində sıxlıq müşahidə edirik”, deyə Liam Rosenyor qənaətini açıqlayıb.

Yeri gəlmişkən, “Real Ovyedo”nun kapitanı, 41 yaşlı ispan mərkəz yarımmüdafiəçisi Santi Kasorla İspaniya La Liqası və İngiltərə Premyer Liqası arasında müqayisə aparıb. Veteran futbolçunun müvafiq açıqlamasını təqdim edirik:

“Gerçəklik bundadır ki, İspaniya La Liqası İngiltərə Premyer Liqasından bütün göstəricilərdə bir neçə işıq ili geridədir”, deyə Kasorla məcazla bildirib.

Xatırladaq ki, əksər futbol mütəxəssisləri İngiltərə Premyer Liqasını dünyanın ən güclü çempionatı hesab edirlər.