Bu yay Fransanın “Lill” komandasından ayrılmış Bruno Jenezio bundan sonra Liqa 1-in digər təmsilçisi “Olimpik”ə (Marsel) rəhbərlik edəcək.

Arena.az xəbər verir ki, bu barədə Marsel klubu rəsmi açıqlama yayıb.

58 yaşlı mütəxəssis bu vəzifədə bir neçə gün əvvəl komandadan ayrılmış Habib Beyeni əvəz edib. Seneqallı çalışdırıcının rəhbərliyi altında Marsel “Olimpik”i ötən mövsüm Fransa Liqa 1-də 5-ci yeri tutaraq avrokuboklara vəsiqə qazanmışdı.

Jenezionun son iş yeri isə “Lill” olub. O, 2024-cü ilin yayından bu komandaya rəhbərlik edirdi. 59 yaşlı mütəxəssis sözügedən komandanı bütövlükdə 99 oyuna çıxarıb, 50 qələbə, 19 heç-heçə, 30 məğlubiyyət görüb. Təcrübəli mütəxəssisin rəhbərliyi altında “Lill” ötən mövsümü Liqa 1-də 3-cü pillədə başa vuraraq UEFA Çempionlar Liqasına vəsiqə əldə edib.

Bruno Jenezio məşqçilik karyerası ərzində “Vilfranş”, “Rasinq” (Bezanson), “Olimpik” (Lion), “Beytsin Qoan”, “Renn” kimi klublarda da baş məşqçi kimi çalışıb. Jenezio xüsusilə Lion “Olimpik”indəki fəaliyyəti dövründə komandanı ardıcıl olaraq UEFA Çempionlar Liqasına çıxarmağı bacarıb.

Marsel klubunun rəhbərliyi təcrübəli çalışdırıcının rəhbərliyi altında komandanın həm daxili çempionatda, həm də avrokuboklarda daha uğurlu çıxış edəcəyinə ümid edir.

Fransanın Olimpik (Marsel) klubu əsas komandasının baş məşqçisi, seneqallı mütəxəssis Habib Beye ilə yollarını ayırdığını rəsmən açıqlayıb.

Arena.az bu barədə klubun mətbuat xidmətinə istinadən xəbər verir.

Xəbərdə vurğulanır ki, tərəflər arasında əməkdaşlığa son verilib. Klub rəhbərliyi artıq yeni baş məşqçi axtarışına çıxıb.

Xatırladaq ki, 48 yaşlı seneqallı mütəxəssis 2026-cı ilin fevral ayında vəzifəsindən uzaqlaşdırılmış Roberto De Zerbini əvəz edərək Marsel təmsilçisinin baş məşqçisi təyin olunmuşdu.

Beyenin rəhbərliyi altında komanda mövsümün gedişində nəticələrini yaxşılaşdıraraq Fransa Liqa 1-ni 5-ci pillədə başa vurub və növbəti mövsüm üçün avrokuboklara vəsiqə qazanıb.

Habib Beye məşqçilik karyerası ərzində daha əvvəl Fransanın “Red Star” və “Renn” klublarında da çalışıb.

Keçmiş futbolçu olan Beye oyunçu karyerası ərzində “Strasburq”, “Olimpik” (Marsel), İngiltərənin “Nyukasl Yunayted”, “Aston Villa” və “Donkaster Rovers” klublarının formasını geyinib.