“Zirə”nin baş məşqçisi Rəşad Sadıqov Azərbaycan Premyer Liqasının 30-cu turunda “Qəbələ”yə qarşı keçirdikləri oyunu şərh edib.

Arena.az xəbər verir ki, sözügedən komandaların bu gün Zirədə baş tutmuş görüşü meydan sahiblərinin 1:0 hesablı qələbəsi ilə yekunlaşıb.

Rəşad Sadıqov matçdan sonra təşkil edilmiş mətbuat konfransında bunları söyləyib:

“Bizim üçün ağır oyun oldu. “Qəbələ” çox baxımlı futbol oynayır. Fikrimcə, bu komanda avrokuboklar uğrunda mübarizə aparmalı idi. Son oyunlarda yaxşı oynasalar da, nəticə qazanmaqda çətinlik çəkdiklərini düşünürəm. Matç gərgin mübarizə şəraitində keçdi. Özümüzdə güc tapıb növbəti matçlarda daha yaxşı oyun sərgiləməliyik. Matça çox pis başlamışdıq. İkinci hissədə müəyyən qədər oyunu düzəldə bildik. Futbolçularımı sona qədər əzmkar mübarizə apardıqları üçün təbrik edirəm.

Birinci hissədə çoxsaylı top itkilərimiz oldu. Sıx qrafik, aprel ayının yorğunluğu müəyyən qədər buna təsir göstərirdi. İmkan düşdükcə müəyyən mövqelərdə rotasiyalar etdik. Enrike Kustodionun zədəsi bizim üçün ciddi problem yaradır. İssa Cibrillanı əvəz edə bilmirik. O da üst-üstə ağır oyunlar keçirdikdə zədəyə meyilli olur. Onu bu gün qorxa-qorxa meydanda saxladıq. Qol vurduqdan sonra dərhal əvəz etdik”.

Misli Premyer Liqasının XXX turunun “Zirə” – “Qəbələ” oyunundan (1:0) sonra meydan sahibi komandanın baş məşqçisi Rəşad Sadıqov jurnalistlərin suallarını cavablandırıb.

Futbolpress.az xəbər verir ki, mütəxəssis əvvəlcə görüşlə bağlı fikirlərini bölüşüb:

– Ağır oyun keçdi. Matçdan əvvəl də futbolçulara bu haqda danışmışdım. Rəqibin gücünü, oynadığı futbolu nəzərə almalıyıq. “Qəbələ” bu günə qədər bəlkə də 8-9 oyunu əldən verib. Həmin matçlarda qazansaydılar, indi avrokuboklara vəsiqə uğrunda mübarizə aparardılar. Bizim üçün gərgin ay keçdi. Bugünkü matçda fiziki və mental baxımından yorğunluq hiss olunurdu. Özümüzdə güc tapıb, lazımi nəticələri əldə etməliyik. Matça yaxşı başlamadıq, futbolçularda tələskənlik var idi. Fasilədən sonra daha yaxşı oynadıq. Qoldan sonra oyunçularım rahatlaşdı və epizodlar yaratdıq. Bu qədər gərginliyə baxmayaraq, vacib üç xal qazandıq. Futbolçulara oyuna görə təşəkkür edirəm.

– Qola qədər komanda yaxşı oynamırdı. Bu, nə ilə bağlı idi?
– Çoxsaylı top itkilərimiz oldu. Futbolçuların üzərində təzyiq var idi, həm də gərgin qrafikdən yeni çıxmışdıq. Bu gün yorğunluq özünü göstərdi. Henrikenin zədəsi bizə ciddi problem yaradır, İssa Cibrillanı dəyişə bilmirik. Qorxa-qorxa meydanda saxladıq. Fasilədən sonra da çox yorğun göründü və qoldan sonra onu əvəzlədik.

Şahin Cəfərov

“Zirə”nin baş məşqçisi Rəşad Sadıqov Azərbaycan Premyer Liqasının 29-cu turunda “Turan Tovuz”a qarşı keçirdikləri oyunu şərh edib.

Arena.az xəbər verir ki, sözügedən komandaların bu gün Tovuzda baş tutmuş görüşündə qalib müəyyənləşməyib – 1:1.

Rəşad Sadıqov matçdan sonra təşkil edilmiş mətbuat konfransında bunları söyləyib:

“Oyun bizim üçün yaxşı başladı. Yaxşı qol şansı yaratdıq, lakin Eren Aydın epizoddan yararlana bilmədi. Daha sonra rəqib standart vəziyyətdən fərqləndi. 35-ci dəqiqədən sonra oyunu bərabərləşdirə bildik. Fasilədən sonra isə sürəti artırıb, hücumda fəallıq göstərdik. Hesabı bərabərləşdirəndən sonra da imkanımız oldu. Amma ümumi baxanda, Tovuz səfərində 0:1-dən sonra 1 xal qazanmaq yaxşı nəticədir.

Bu gün meydanda yaxşı iş görən iki komanda var idi. Baxımlı futbol oynadıq. Çempionatda gərgin mübarizə gedir. Hələ heç nə həll olunmayıb. Liqanı dördüncü yerdə bitirmək istəyirik. Digər tərəfdən, finalda da rəqib “Sabah”dır və bilmirsən, kuboku qazana biləcəksən, ya yox. Əlimizdən gələnin ən yaxşısını etməyə çalışacağıq. Kuboka görə çempionatı “qurban vermək kimi fikrimiz yoxdur. Bir plan tutub, davam edirik. Çalışacağıq ki, həm liqada, həm kubokda yaxşı nəticə qazanaq”.