Futbol üzrə Burkina Faso millisinin hücumameyilli yarımmüdafiəçisi Sedrik Badolo bundan sonra “Sumqayıt”ın uğurları üçün çalışacaq.

Arena.az bu barədə sözügedən klubun mətbuat xidmətinə istinadən xəbər verir.

Xəbərdə bildirilir ki, son olaraq “Spartak”da (Trnava) çıxış etmiş 28 yaşlı hücumçu ilə sonradan 1 il uzatmaq şərti ilə 2026/2027-ci illər mövsümünün sonunadək anlaşma imzalanıb.

Sedrk Badolo karyerası ərzində USFA, “Kaukab Marakeş”, “Salitas”, “Pohronie”, “Şerif” (Tiraspol) kimi klubların da şərəfini qoruyub. 27 yaşlı futbolçu Tnava “Spartak”ına 2025-ci ilin yanvarında Moldovanın “Şerif” klubundan azad agent kimi keçmişdi. 27 yaşlı yarımmüdafiəçi Slovakiya təmsilçisinin heyətində cəmi 21 oyuna çıxıb və 2 məhsuldar ötürmə ilə yadda qalıb.

Badolo 2022-ci ilin martında debüt etdiyi Burkina Faso millisinin heyətində 30 oyun keçirib və 3 məhsuldar ötürmə müəllifi olub.