Futbol üzrə Azərbaycan milli komandasının üzvləri – Vüsal İsgəndərli və Zamiq Əliyev Albaniya çempionatında növbəti matçlarına çıxıblar. Arena.az xəbər verir ki, Vüsalın formasını geyindiyi “Partizani” doğma meydanda məhz Zamiqin çıxış etdiyi “Eqnatiya” ilə üz-üzə gəlib. 8-ci tur çərçivəsində keçirilmiş qarşılaşmada qapılara qol vurulmayıb – 0:0. Azərbaycanlı futbolçuların hər ikisi bu…

Source

Futbol üzrə Azərbaycan millisinin yarımmüdafiəçisi Vüsal İsgəndərli Albaniyanın “Partizani” komandasının heyətində növbəti matçına çıxıb.

Arena.az xəbər verir ki, sözügedən komanda Albaniya çempionatının 2025/2026-cı illər mövsümünün 7-ci turu çərçivəsində “Flamurtari” ilə qarşılaşıb.

“Partizani” səfərdə baş tutmuş bu oyundan qələbə ilə ayrılıb – 1:0. İsgəndərli start heyətdə meydana çıxdığı bu görüşün sonunadək mübarizə aparıb. O, 81-ci dəqiqədə sarı vərəqə də alıb.

“Partizani” 7 turdan sonra 7 xalla 10 komandanın mübarizə apardığı Albaniya çempionatının yarış cədvəlində 7-ci pillədə qərarlaşıb. Sözügedən komanda 7 oyunda 2 qələbə qazanıb, 1 heç-heçə edib, 4 məğlubiyyətə üzülüb.

Xatırladaq ki, Vüsal İsgəndərli Albaniya klubuna bu ilin yayında Türkiyənin “Boluspor” komandasından azad agent kimi keçib. Hücumçu “Partizani” ilə 1+1 illik müqaviləyə imza atıb. O, indiyə qədər bu komandanın heyətində 6 oyuna çıxıb, 2 qola imza atıb.

Vüsal daha öncə “Şamaxı”, “Zirə”, “Sumqayıt”, “Ankara Keçiörengücü”, “Eqnatiya”, “Boluspor” və “Simurq”da da forma geyinib. 2019-cu ilin noyabrında Azərbaycan millisində debüt etmiş 29 yaşlı hücumçu meydana çıxdığı 5 oyunda fərqlənə bilməyib.

The post Vüsal İsgəndərli “Flamurtari”yə qarşı 90 dəqiqə oynadı appeared first on ARENA.AZ.