Azərbaycanı avrokuboklarda təmsil edəcək voleybol komandalarının 2026/2027-ci illər mövsümündəki rəqibləri müəyyənləşib.

Arena.az xəbər verir ki, qadınlardan ibarət “Turan” komandası Çempionlar Liqasının 2-ci təsnifat mərhələsində Xorvatiyanın “Mladost” kollektivi ilə üz-üzə gələcək.

İlk qarşılaşma 20-22 oktyabrda evdə, cavab matçı 27-29 oktyabrda səfərdə baş tutacaq.

Kişilərdən ibarət “Xilasedici” komandası Çempionlar Liqasında Portuqaliya təmsilçisi “Sportinq”lə görüşəcək. İlk matçlar 2-5, cavab qarşılaşmaları 10-12 noyabrda gerçəkləşəcək.

Qadınlardan ibarət “DH Volley” komandası Çağırış Kubokunun 1/32 finalında “Holte” (Danimarka) ilə üz-üzə gələcək. İlk oyun 27-29 oktyabrda evdə, cavab oyunu 3-5 noyabrda səfərdə keçiriləcək.

Kişilər arasında Çağırış Kubokunda “Ordu” uğur qazanmağa çalışacaq. Komandamızın rəqibi Norveçin “Ferde” kollektivi olacaq. “Hərbçilər” ilk görüşü 10-12 noyabrda evdə, cavab matçını 17-19 noyabrda səfərdə keçirəcəklər.

Azərbaycanı 2026/2027-ci illər mövsümündə voleybol üzrə avrokubok yarışlarında təmsil edəcək komandaların adlarına aydınlıq gəlib.

Arena.az bu barədə Azərbaycan Voleybol Federasiyasının rəsmi saytına istinadən xəbər verir.

Xəbərdə bildirilir ki, ölkəmizi yeni mövsümdə Avropa arenasında bütövlükdə dörd komanda (iki qadın və iki kişi komandası) təmsil edəcək. Son ölkə çempionları “Turan” və “Xilasedici” komandaları Çempionlar Liqasında çıxış edəcəklər. Çempionatın gümüş mükafatçıları “DH Volley” və “Ordu” komandaları isə Çelenc Kubokunda uğur qazanmağa çalışacaqlar.

Qeyd edək ki, avrokubokların püşkatma mərasimi iyulun 15-də onlayn formatda keçiriləcək. Bütün komandalarımızın rəqibləri məhz həmin gün bəlli olacaq. Azərbaycan təmsilçilərinin yeni mövsümdəki oyunlarının tam təqvimi isə püşkatma mərasimindən sonra bəlli olacaq.